Lúkaasə 10
10
Yěsô twɔ́ ŋgíŋgye pé ghúbmesambáá ne yípáá
(Mat 9:37-38; Mat 10:7-16; Máá 6:8-11; Lúk 9:3-5)
1Njʉ́ Ntsɛɛpɔŋ Yěsô kɛ nsó néré nɛ́, a pó ntsɔʼ pecyó ŋgíŋgye pé ghúbmesambáá ne yípáá, twɔ́ wɔ́b pɛ pépáá síŋ yé ndzó ŋkɔŋɔ mbɛ́lʉ́ŋ pwɛ ŋkɔŋɔ ywoʼ pɛ́ tó mbəb yé kɛ ghɛ́ ŋgú nɛ́. 2Á ntsɔ́ ne pɔ́b ŋgâ: «Mɔ́b cʉ̌ təré ntáá. Ntsʉʼmbé ghaŋáfaʼ pé záá pó. Puŋ póʼmbwó pwó tɛdfaʼ ŋgâ a twɔ́ pecyó ghaŋáfaʼ ne kábne mɔ́b pé. 3Puŋ ghú! Mə twɔ́ wúŋ nɛ́ pé njʉ́ pɔ́ŋ njʉ̌njʉyî ndzɔ́ʼɔ́ pɛ ntsɔbɔ nɛ́. 4Kii puŋ yɔ́ɔ́ cyó yɔ́b njʉ́ mbób nɛ́, njʉ́ pab kii tɔ́kpee nɛ́, kii pó ntsɛ́ʼɛ́ ŋɔŋ mɛndɔ́b.
5Ndáb yɛ́ puŋ ŋkúŋɔ ndzó nɛ́, puŋ péé nsó ŋgâ: “Mbúru pɛ ndzó ndáb yɔŋ.” 6A pɛ yɛ́ taʼ ŋɔŋ mbúrú ndáb yéré nɛ́, mbǒ mbúrú yuŋ ŋkúŋɔ mbəb yé, mbé pé pó, mbǒ mbúru yuŋ mbɔ́rɔ́ ndzəb mbəb puŋ. 7Puŋ tsʉʼɔ́ ndzó ndáb yéré, zó mɔ́b mbó nɔ́ yɔ́b yɛ́ pé fɛ́ ne puŋ nɛ́, ŋkyé ŋgâ a pǔ ŋgâ Ŋgaŋafaʼ tséʼé péé yé. Puŋ ndɛ ndɔ́ɔ́ pɛ ndáb pé ne ŋkaŋ.
8Mbɛ́lʉ́ŋ yɛ́ puŋ ŋkúŋɔ ndzó pé yɔ́ɔ́ wúŋ sʉ́ʼʉ nɛ́, puŋ zó mɔ́b pɛ́ pé fɛ́ ne puŋ nɛ́. 9Puŋ pɛ́d ghaŋághɔŋ pɛ pɔ́b yóʼó náá nɛ́, ncʉ́rí pwó pɔ́b ŋgâ: “Nofɔŋ Mboʼmvé nyí mbɛ́rɛ́ wúŋ.” 10Ntsʉʼmbé, mbɛ́lʉ́ŋ yɛ́ puŋ paŋa ndzó pé pó yɔ́ɔ́ wúŋ sʉ́ʼʉ nɛ́ pó, puŋ ghɛ́ twɔ́, ŋgú ndzó pɛ záŋ nsó ŋgâ: 11“Mbɛ pfúbɔ́ mbɛ́lʉ́ŋ yuŋ yɛ́ ne kpê mí nɛ́, psi tsěd ntéé ne puŋ. Ntsʉʼmbé, puŋ zé ŋgâ nofɔŋ Mboʼmvé kɛ páŋ!”
12Ɔ́ŋɔ́, mə ntsɔ́ ne puŋ sísíŋ ŋgâ, ŋkhoʼyɛ́ Mboʼmvé kʉ́yó sábá fiʼ mvémvé nɛ́, a tséʼé tsaaghəghəŋ mbəb Sodɔmə tɛ ntsɛ́ɛ́ mbɛ́lʉ́ŋ yéré.»
No yɛ́ kʉ́yó ŋkúŋɔ mbɛ́lʉ́ŋ pɛ pɔ́b sirɛ́ Mboʼmvé nɛ́
(Mat 11:21-24)
13Yěsô pó nsó ŋgâ: «Ndɔŋ tó wo! Mbɛ́lʉ́ŋ Koraziŋ! Ndɔŋ tó wo! Mbɛ́lʉ́ŋ Betsayida! Mboʼmvé kɛ zhyɛ́ meno shʉyédme pé yóʼó puŋ. A kɛ ghɛ́ mbɛ a zhyɛ́ péré meno pé ndzó mbɛ́lʉ́ŋ Tii pú mbɛ́lʉ́ŋ Sidɔŋ, mbǒ pɔ́b kɛ séd mbziʼe yɔ́b, sɛ̌ pɛ pab gbéé, ŋgɔ́rɔ́ ndzɔ́ʼɔ́ pfɔ̂. 14A zhyɛ́ yéré, zhyémvé yɛ́ Mboʼmvé kʉ́yó sábáfiʼ mvémvé nɛ́, a tséʼé tsaa ghəŋghəŋ mbəb Tii ne Sidɔŋ tɛ ntsɛ́ɛ́ wúŋ. 15Puŋ, pumésɔŋ Kapɛɛnawum, puŋ kpáŋa ŋgâ Mboʼmvé kʉ́yó kúʼɔ́ wúŋ tɛ puŋ páŋá pépéé? Ŋgáŋ! Puŋ kʉ́yó shʉ́yí shʉ́yí tɛ mbáŋá ndzó ŋgɔŋ pfɔ̂pɔŋ.»
16Yěsô pó ntsɔ́ pwó ŋgíŋgye pé ŋgâ: «Ŋɔŋ wɛ́ a zóʼ wúŋ nɛ́, zóʼó pe ya. Ŋɔŋ wɛ́ a sirɛ́ wúŋ nɛ́, sirɛ́ pe ya. Ŋɔŋ wɛ́ a sirɛ́ ya nɛ́, sirɛ́ Ŋɔŋ wɛ́ a twɔ́ ya nɛ́.»
ŋgíŋgye Yěsô pod ndzəb
17Ŋgíŋgye ghúbmesambáá ne yípáá pɛ pod ndzəb ne ndebéne, ntsɔ́ pwó Yěsô ŋgâ: «Ntsɛɛpɔŋ, mbɛ pɛ zhʉye kəpɔŋ zóʼó ne psi ŋkhoʼyɛ́ psi nsó no ne pɔ́b ne tíí wo nɛ́.» 18Yěsô pɔ́rɔ́ ne pɔ́b ŋgâ: «Mə kɛ zhʉ́ njʉ́ Sátaŋ kɛ twɔ́ pépéé gbíí syé njʉ́ məmíí mbuŋ nɛ́. 19Puŋ zóʼ! Mə kɛ fɛ́ tʉ̌ŋ ne puŋ ne nyǐne ndúŋú pɛ nɔ́ pwɛ máŋgaasyé, mbó nyʉʼɛ́ ŋkɔŋɔ tʉ̌ŋ ŋgaŋakəpeŋe náá, cyó yɔ́b ghɛ́ mbé zhyɛ́ wúŋ pó. 20Kii puŋ ndɛ ndebɛ ŋkyé ŋgâ pɛ zhʉye kəpɔŋ zóʼó ne puŋ. Ntsʉʼmbé puŋ yébe ŋkyé ŋgâ Mboʼmvé ŋwéʼé tíí yuŋ pépéé.»
Yěsô nyoʼ Tɛ́d yé pwó pɛmɔ́ŋ
(Mat 11:25-27)
21Kpaʼ ŋkhoʼyéré, Zhʉye Yáŋme zhyɛ́ Yěsô tséʼé ndebéne, nsó ŋgâ: «Tɛd ya, wo wɛ́ wo Ntsɛɛpɔŋ pépéé pú tsetsáʼ nɛ́, mə fɛ́ ŋgúʼune pwó wo, ŋkyé ŋgâ meno pɛ wo ywʉ́ pwó ghaŋázé pwɛ ghaŋá zɛ́ no nɛ́, wo nyóʼó pwó pɔŋ pɛ pɔ́b pɛ́ɛ́ njʉ́ pɛ Mɔ́ŋ nɛ́. Ɔ́ŋɔ́, kɛ Tɛd, a njʉ́ wo kɛ ntíí ne ŋkʉyé ne mo nɛ́. 22Tɛ́d ya fɛ́ ŋkɔŋɔ yɔ́b náá ne mo. Ŋɔŋ yóʼó ndzɛ́ Mɔ́ŋ fáá Tɛd pó. Ŋɔŋ pó mbé zɛ́ Tɛ́d fáá Mɔ́ŋ pó, kii ŋgâ ŋɔŋ wɛ́ Mɔ́ŋ kʉyě ŋgâ a nyóʼó Tɛd pwó yé nɛ́.»
(Mat 13:16-17)
23Yěsô pó séd mbəb yé ntsɔ́ ndaʼ pwó ŋgíŋgye pé ŋgâ: «Mbéne sʉ́ʼʉ pwó pɔŋ pɛ́ pɔ́b zhʉ́ pɔŋ meno pɛ́ puŋ zhʉ́ nɛ́. 24Ɔ́ŋɔ́! Mə ntsɔ́ ne puŋ ŋgâ, ghaŋátsɔ́kpaŋató Mboʼmvé pwɛ péfɔŋ zááme kɛ nzɔŋɔ njʉ́ no yɛ́ puŋ zhʉ́ nɛ́, mbé zhʉ́ pó, nzɔŋɔ ndzóʼó no yɛ́ puŋ zóʼó nɛ́, mbé zóʼ pó.»
Kəŋe fɛ́ tsómvé ŋeŋáŋ
(Mat 22:34-40; Máá 12:28-31)
25Taʼ ŋgaŋakeʼekaŋ nyí mbɛ́rɛ́ Yěsô, nzɔŋɔ kpɛ́ʼɛ́ wé, mbzírɛ́ wé ŋgâ: «Kéʼeyáŋ, ntɛ́ɛ́ mbɛ mə ŋgyɛ́ kɔ́ mbɔ́rɔ́ ntsɛʼɛ tsómvé ŋeŋáŋ?» 26Yěsô pɔ́rɔ́ pwó yé ŋgâ: «Pé ŋwɛʼɛ ndzó kaŋ Mboʼmvé pé ŋgâ kɔ́? Wo fú níŋ?» 27A pɔ́rɔ́ pwó Yěsô ŋgâ: «Wo tsɛ́ʼɛ ne ŋkʉyěne Ntsɛ́ɛ́pɔŋ Mboʼmvé wo ne ŋkɔŋɔ ndzɔʼ yo náá, ne ŋkɔŋɔ ménee yo náá, ŋkɔŋɔ tʉ̌ŋ mo náá, ne ŋkɔŋɔ kpaŋató wo náá. Mbó tsɛ́ʼɛ́ ne ŋkʉyěne mɔ́ŋmɛ́ yo njʉ́ tó mbəb wo nɛ́.» 28Yěsô ntsɔ́ pwó yé ŋgâ: «Wo pod sʉ́ʼʉ. Zhyɛ́ néré, mbǒ wo kʉ́yó ntsɛ́ʼɛ́ tsómvé.»
No yɛ́ ŋɔŋ ŋgɔŋ Samari kɛ zhyɛ́ nɛ́
29Néré ŋgaŋákeʼekaŋ zɔŋɔ nyóʼó ŋgâ no yɛ́ a psírí nɛ́ ŋgerɛ́ŋged. A pó mbzírɛ́ Yěsô ŋgâ: «A wɔ́ mbé Mɔ́ŋ mɛ́ ya?» 30Yěsô pɔ́rɔ́ pwó yé ŋgâ: «Cyó ŋɔŋ kɛ ŋǎ Yerʉ́salɛm ne mvíŋine Zheriko. Pɛ səbntswee gbáá wé, kpê ŋkɔŋɔ mɔ́b pé náá, gbíí wé tɛ ŋgɛ ŋgú ntéé wé pé mésɔvó. 31Taʼ ŋgaŋashʉ́ tsé mvíŋɛ yé ndúŋú mɛndɔ́b wéré, zhʉ́ wé, séd ndzaʼ mɛndɔ́b yé, ŋgú. 32Taʼ ŋɔŋ ne ndǎ ndáb Levi ké ndɔ́ɔ́ yé mɛndɔ́b wéré, mbwɔ́ mbəb ŋɔŋ wéré. Ké ndzaʼ yé pe ywoʼɔ ndúŋ. 33Taʼ ŋɔŋ ŋgɔŋ Samari tsé ŋgú nsěnyi, mbáŋá pfúŋɔ́ ŋɔŋ wéré, njʉ́ wé, tsaaghəghəŋ yé. 34Suʼú mbəb yé mbɛ́rɛ́ wé, sǒ fûŋ yé ne yoʼ ntʉ̌ŋme, ncóʼ ne vód, kwód ne ywɔ́ndzwé, ŋkyɛ́ wé ndzábá ndúŋú ywɔ́paʼ yé yɛ́ a kɛ nyi ndúŋú nɛ́, ŋgú níŋi ndzó ndáb yɛ́ pé péé mbɔ́rɔ́ ndáʼá nɛ́, ndɔ́ɔ́ ŋgəʼo mbəb yé. 35Keemvé, ŋɔŋ ŋgɔŋ Samari túbú mbəb yípáá fɛ́ pwó ŋgaŋandáb, ntsɔ́ pwó yé ŋgâ: “Yɔ́ɔ́ ŋgəʼo mbəb ŋɔŋ wɔŋ fɛ́ ne mo. A pɛ́ɛ́ yɛ́ wo tsʉʼ mbób ŋkhó nɛ́, wo faʼ mbəb yé, mə ŋgɛ mbɔ́rɔ́ ndzəb núʼɔ́ pwó wo.”» 36Yěsô psírí ŋgâ: «Wo kpáŋ yo ŋgâ a ndzɔ́ʼɔ́ pɔŋ pékyéd pɔŋ, a wɔ́ mbé mɔ́ŋmɛ́ nɔŋ wɔŋ wɛ́ pɛ səbntswee kɛ gbíí wé nɛ́?» 37Ŋgaŋákeʼekaŋ pod ŋgâ: «A ŋɔŋ wɛ́ a kɛ tséʼé tsaaghəghəŋ ŋkyé wé nɛ́.» Yěsô ntsɔ́ pwó yé ŋgâ: «Ghú yo, ké ŋgyɛ́ yo néré.»
Yěsô ndáb Máátaa pú Malya
38Njʉ́ Yěsô kɛ yɔ́ɔ́ mɛndɔ́b pwɛ ŋgíŋgye pé nɛ́, pɔ́b paŋa ndzó taʼ yáʼ, ŋkúŋɔ ndáb taʼ məŋgʉ́yé, tíí pé Máátaa. A ghəhɛ́ wɔ́b. 39Máátaa wéré tséʼé taʼ mɔ́ŋmɛ́ yé, tíí pé Malya. Malya ghú ŋgɔ́rɔ́ ne kpê Ntsɛɛpɔŋ tsé ndzóʼó nsó yé. 40Máátaa pɛ yóʼó nyí mɔ́b, gbíí mbəb yé ne no yɔ́b zó, a tsɛ́ɛ́ wé. Á ŋǎ ŋgú pfúŋɔ́ Yěsô, mbzírɛ́ wé ŋgâ: «Ntsɛ́ɛ́pɔŋ, mɔ́ŋmɛ́ ya tee ya ywoʼɔ́ nyí mɔ́b ne ndúŋ mo, wo pé zhʉ́ pɔ́ɔ? Ntsɔ́ pwó yé ŋgâ a kʉ́yó ŋgébe ya.» 41Ntsɛɛpɔŋ pɔ́rɔ́ pwó yé ŋgâ: «Máátaa! Máátaa! Wo kpaŋátó mbó gbíí mbəb wo ndúŋú meno zááme káʼa pé ne kɔ́? 42A ndaʼ taʼ no yɛ́ á gháŋ tséʼé ghebe nɛ́. A yɔ̌ Malya ndɔ́ɔ́ yé sʉ́ʼʉ, yɛ́ ŋɔŋ náʼ kpê pwó yé nɛ́ pó.»
ទើបបានជ្រើសរើសហើយ៖
Lúkaasə 10: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 10
10
Yěsô twɔ́ ŋgíŋgye pé ghúbmesambáá ne yípáá
(Mat 9:37-38; Mat 10:7-16; Máá 6:8-11; Lúk 9:3-5)
1Njʉ́ Ntsɛɛpɔŋ Yěsô kɛ nsó néré nɛ́, a pó ntsɔʼ pecyó ŋgíŋgye pé ghúbmesambáá ne yípáá, twɔ́ wɔ́b pɛ pépáá síŋ yé ndzó ŋkɔŋɔ mbɛ́lʉ́ŋ pwɛ ŋkɔŋɔ ywoʼ pɛ́ tó mbəb yé kɛ ghɛ́ ŋgú nɛ́. 2Á ntsɔ́ ne pɔ́b ŋgâ: «Mɔ́b cʉ̌ təré ntáá. Ntsʉʼmbé ghaŋáfaʼ pé záá pó. Puŋ póʼmbwó pwó tɛdfaʼ ŋgâ a twɔ́ pecyó ghaŋáfaʼ ne kábne mɔ́b pé. 3Puŋ ghú! Mə twɔ́ wúŋ nɛ́ pé njʉ́ pɔ́ŋ njʉ̌njʉyî ndzɔ́ʼɔ́ pɛ ntsɔbɔ nɛ́. 4Kii puŋ yɔ́ɔ́ cyó yɔ́b njʉ́ mbób nɛ́, njʉ́ pab kii tɔ́kpee nɛ́, kii pó ntsɛ́ʼɛ́ ŋɔŋ mɛndɔ́b.
5Ndáb yɛ́ puŋ ŋkúŋɔ ndzó nɛ́, puŋ péé nsó ŋgâ: “Mbúru pɛ ndzó ndáb yɔŋ.” 6A pɛ yɛ́ taʼ ŋɔŋ mbúrú ndáb yéré nɛ́, mbǒ mbúrú yuŋ ŋkúŋɔ mbəb yé, mbé pé pó, mbǒ mbúru yuŋ mbɔ́rɔ́ ndzəb mbəb puŋ. 7Puŋ tsʉʼɔ́ ndzó ndáb yéré, zó mɔ́b mbó nɔ́ yɔ́b yɛ́ pé fɛ́ ne puŋ nɛ́, ŋkyé ŋgâ a pǔ ŋgâ Ŋgaŋafaʼ tséʼé péé yé. Puŋ ndɛ ndɔ́ɔ́ pɛ ndáb pé ne ŋkaŋ.
8Mbɛ́lʉ́ŋ yɛ́ puŋ ŋkúŋɔ ndzó pé yɔ́ɔ́ wúŋ sʉ́ʼʉ nɛ́, puŋ zó mɔ́b pɛ́ pé fɛ́ ne puŋ nɛ́. 9Puŋ pɛ́d ghaŋághɔŋ pɛ pɔ́b yóʼó náá nɛ́, ncʉ́rí pwó pɔ́b ŋgâ: “Nofɔŋ Mboʼmvé nyí mbɛ́rɛ́ wúŋ.” 10Ntsʉʼmbé, mbɛ́lʉ́ŋ yɛ́ puŋ paŋa ndzó pé pó yɔ́ɔ́ wúŋ sʉ́ʼʉ nɛ́ pó, puŋ ghɛ́ twɔ́, ŋgú ndzó pɛ záŋ nsó ŋgâ: 11“Mbɛ pfúbɔ́ mbɛ́lʉ́ŋ yuŋ yɛ́ ne kpê mí nɛ́, psi tsěd ntéé ne puŋ. Ntsʉʼmbé, puŋ zé ŋgâ nofɔŋ Mboʼmvé kɛ páŋ!”
12Ɔ́ŋɔ́, mə ntsɔ́ ne puŋ sísíŋ ŋgâ, ŋkhoʼyɛ́ Mboʼmvé kʉ́yó sábá fiʼ mvémvé nɛ́, a tséʼé tsaaghəghəŋ mbəb Sodɔmə tɛ ntsɛ́ɛ́ mbɛ́lʉ́ŋ yéré.»
No yɛ́ kʉ́yó ŋkúŋɔ mbɛ́lʉ́ŋ pɛ pɔ́b sirɛ́ Mboʼmvé nɛ́
(Mat 11:21-24)
13Yěsô pó nsó ŋgâ: «Ndɔŋ tó wo! Mbɛ́lʉ́ŋ Koraziŋ! Ndɔŋ tó wo! Mbɛ́lʉ́ŋ Betsayida! Mboʼmvé kɛ zhyɛ́ meno shʉyédme pé yóʼó puŋ. A kɛ ghɛ́ mbɛ a zhyɛ́ péré meno pé ndzó mbɛ́lʉ́ŋ Tii pú mbɛ́lʉ́ŋ Sidɔŋ, mbǒ pɔ́b kɛ séd mbziʼe yɔ́b, sɛ̌ pɛ pab gbéé, ŋgɔ́rɔ́ ndzɔ́ʼɔ́ pfɔ̂. 14A zhyɛ́ yéré, zhyémvé yɛ́ Mboʼmvé kʉ́yó sábáfiʼ mvémvé nɛ́, a tséʼé tsaa ghəŋghəŋ mbəb Tii ne Sidɔŋ tɛ ntsɛ́ɛ́ wúŋ. 15Puŋ, pumésɔŋ Kapɛɛnawum, puŋ kpáŋa ŋgâ Mboʼmvé kʉ́yó kúʼɔ́ wúŋ tɛ puŋ páŋá pépéé? Ŋgáŋ! Puŋ kʉ́yó shʉ́yí shʉ́yí tɛ mbáŋá ndzó ŋgɔŋ pfɔ̂pɔŋ.»
16Yěsô pó ntsɔ́ pwó ŋgíŋgye pé ŋgâ: «Ŋɔŋ wɛ́ a zóʼ wúŋ nɛ́, zóʼó pe ya. Ŋɔŋ wɛ́ a sirɛ́ wúŋ nɛ́, sirɛ́ pe ya. Ŋɔŋ wɛ́ a sirɛ́ ya nɛ́, sirɛ́ Ŋɔŋ wɛ́ a twɔ́ ya nɛ́.»
ŋgíŋgye Yěsô pod ndzəb
17Ŋgíŋgye ghúbmesambáá ne yípáá pɛ pod ndzəb ne ndebéne, ntsɔ́ pwó Yěsô ŋgâ: «Ntsɛɛpɔŋ, mbɛ pɛ zhʉye kəpɔŋ zóʼó ne psi ŋkhoʼyɛ́ psi nsó no ne pɔ́b ne tíí wo nɛ́.» 18Yěsô pɔ́rɔ́ ne pɔ́b ŋgâ: «Mə kɛ zhʉ́ njʉ́ Sátaŋ kɛ twɔ́ pépéé gbíí syé njʉ́ məmíí mbuŋ nɛ́. 19Puŋ zóʼ! Mə kɛ fɛ́ tʉ̌ŋ ne puŋ ne nyǐne ndúŋú pɛ nɔ́ pwɛ máŋgaasyé, mbó nyʉʼɛ́ ŋkɔŋɔ tʉ̌ŋ ŋgaŋakəpeŋe náá, cyó yɔ́b ghɛ́ mbé zhyɛ́ wúŋ pó. 20Kii puŋ ndɛ ndebɛ ŋkyé ŋgâ pɛ zhʉye kəpɔŋ zóʼó ne puŋ. Ntsʉʼmbé puŋ yébe ŋkyé ŋgâ Mboʼmvé ŋwéʼé tíí yuŋ pépéé.»
Yěsô nyoʼ Tɛ́d yé pwó pɛmɔ́ŋ
(Mat 11:25-27)
21Kpaʼ ŋkhoʼyéré, Zhʉye Yáŋme zhyɛ́ Yěsô tséʼé ndebéne, nsó ŋgâ: «Tɛd ya, wo wɛ́ wo Ntsɛɛpɔŋ pépéé pú tsetsáʼ nɛ́, mə fɛ́ ŋgúʼune pwó wo, ŋkyé ŋgâ meno pɛ wo ywʉ́ pwó ghaŋázé pwɛ ghaŋá zɛ́ no nɛ́, wo nyóʼó pwó pɔŋ pɛ pɔ́b pɛ́ɛ́ njʉ́ pɛ Mɔ́ŋ nɛ́. Ɔ́ŋɔ́, kɛ Tɛd, a njʉ́ wo kɛ ntíí ne ŋkʉyé ne mo nɛ́. 22Tɛ́d ya fɛ́ ŋkɔŋɔ yɔ́b náá ne mo. Ŋɔŋ yóʼó ndzɛ́ Mɔ́ŋ fáá Tɛd pó. Ŋɔŋ pó mbé zɛ́ Tɛ́d fáá Mɔ́ŋ pó, kii ŋgâ ŋɔŋ wɛ́ Mɔ́ŋ kʉyě ŋgâ a nyóʼó Tɛd pwó yé nɛ́.»
(Mat 13:16-17)
23Yěsô pó séd mbəb yé ntsɔ́ ndaʼ pwó ŋgíŋgye pé ŋgâ: «Mbéne sʉ́ʼʉ pwó pɔŋ pɛ́ pɔ́b zhʉ́ pɔŋ meno pɛ́ puŋ zhʉ́ nɛ́. 24Ɔ́ŋɔ́! Mə ntsɔ́ ne puŋ ŋgâ, ghaŋátsɔ́kpaŋató Mboʼmvé pwɛ péfɔŋ zááme kɛ nzɔŋɔ njʉ́ no yɛ́ puŋ zhʉ́ nɛ́, mbé zhʉ́ pó, nzɔŋɔ ndzóʼó no yɛ́ puŋ zóʼó nɛ́, mbé zóʼ pó.»
Kəŋe fɛ́ tsómvé ŋeŋáŋ
(Mat 22:34-40; Máá 12:28-31)
25Taʼ ŋgaŋakeʼekaŋ nyí mbɛ́rɛ́ Yěsô, nzɔŋɔ kpɛ́ʼɛ́ wé, mbzírɛ́ wé ŋgâ: «Kéʼeyáŋ, ntɛ́ɛ́ mbɛ mə ŋgyɛ́ kɔ́ mbɔ́rɔ́ ntsɛʼɛ tsómvé ŋeŋáŋ?» 26Yěsô pɔ́rɔ́ pwó yé ŋgâ: «Pé ŋwɛʼɛ ndzó kaŋ Mboʼmvé pé ŋgâ kɔ́? Wo fú níŋ?» 27A pɔ́rɔ́ pwó Yěsô ŋgâ: «Wo tsɛ́ʼɛ ne ŋkʉyěne Ntsɛ́ɛ́pɔŋ Mboʼmvé wo ne ŋkɔŋɔ ndzɔʼ yo náá, ne ŋkɔŋɔ ménee yo náá, ŋkɔŋɔ tʉ̌ŋ mo náá, ne ŋkɔŋɔ kpaŋató wo náá. Mbó tsɛ́ʼɛ́ ne ŋkʉyěne mɔ́ŋmɛ́ yo njʉ́ tó mbəb wo nɛ́.» 28Yěsô ntsɔ́ pwó yé ŋgâ: «Wo pod sʉ́ʼʉ. Zhyɛ́ néré, mbǒ wo kʉ́yó ntsɛ́ʼɛ́ tsómvé.»
No yɛ́ ŋɔŋ ŋgɔŋ Samari kɛ zhyɛ́ nɛ́
29Néré ŋgaŋákeʼekaŋ zɔŋɔ nyóʼó ŋgâ no yɛ́ a psírí nɛ́ ŋgerɛ́ŋged. A pó mbzírɛ́ Yěsô ŋgâ: «A wɔ́ mbé Mɔ́ŋ mɛ́ ya?» 30Yěsô pɔ́rɔ́ pwó yé ŋgâ: «Cyó ŋɔŋ kɛ ŋǎ Yerʉ́salɛm ne mvíŋine Zheriko. Pɛ səbntswee gbáá wé, kpê ŋkɔŋɔ mɔ́b pé náá, gbíí wé tɛ ŋgɛ ŋgú ntéé wé pé mésɔvó. 31Taʼ ŋgaŋashʉ́ tsé mvíŋɛ yé ndúŋú mɛndɔ́b wéré, zhʉ́ wé, séd ndzaʼ mɛndɔ́b yé, ŋgú. 32Taʼ ŋɔŋ ne ndǎ ndáb Levi ké ndɔ́ɔ́ yé mɛndɔ́b wéré, mbwɔ́ mbəb ŋɔŋ wéré. Ké ndzaʼ yé pe ywoʼɔ ndúŋ. 33Taʼ ŋɔŋ ŋgɔŋ Samari tsé ŋgú nsěnyi, mbáŋá pfúŋɔ́ ŋɔŋ wéré, njʉ́ wé, tsaaghəghəŋ yé. 34Suʼú mbəb yé mbɛ́rɛ́ wé, sǒ fûŋ yé ne yoʼ ntʉ̌ŋme, ncóʼ ne vód, kwód ne ywɔ́ndzwé, ŋkyɛ́ wé ndzábá ndúŋú ywɔ́paʼ yé yɛ́ a kɛ nyi ndúŋú nɛ́, ŋgú níŋi ndzó ndáb yɛ́ pé péé mbɔ́rɔ́ ndáʼá nɛ́, ndɔ́ɔ́ ŋgəʼo mbəb yé. 35Keemvé, ŋɔŋ ŋgɔŋ Samari túbú mbəb yípáá fɛ́ pwó ŋgaŋandáb, ntsɔ́ pwó yé ŋgâ: “Yɔ́ɔ́ ŋgəʼo mbəb ŋɔŋ wɔŋ fɛ́ ne mo. A pɛ́ɛ́ yɛ́ wo tsʉʼ mbób ŋkhó nɛ́, wo faʼ mbəb yé, mə ŋgɛ mbɔ́rɔ́ ndzəb núʼɔ́ pwó wo.”» 36Yěsô psírí ŋgâ: «Wo kpáŋ yo ŋgâ a ndzɔ́ʼɔ́ pɔŋ pékyéd pɔŋ, a wɔ́ mbé mɔ́ŋmɛ́ nɔŋ wɔŋ wɛ́ pɛ səbntswee kɛ gbíí wé nɛ́?» 37Ŋgaŋákeʼekaŋ pod ŋgâ: «A ŋɔŋ wɛ́ a kɛ tséʼé tsaaghəghəŋ ŋkyé wé nɛ́.» Yěsô ntsɔ́ pwó yé ŋgâ: «Ghú yo, ké ŋgyɛ́ yo néré.»
Yěsô ndáb Máátaa pú Malya
38Njʉ́ Yěsô kɛ yɔ́ɔ́ mɛndɔ́b pwɛ ŋgíŋgye pé nɛ́, pɔ́b paŋa ndzó taʼ yáʼ, ŋkúŋɔ ndáb taʼ məŋgʉ́yé, tíí pé Máátaa. A ghəhɛ́ wɔ́b. 39Máátaa wéré tséʼé taʼ mɔ́ŋmɛ́ yé, tíí pé Malya. Malya ghú ŋgɔ́rɔ́ ne kpê Ntsɛɛpɔŋ tsé ndzóʼó nsó yé. 40Máátaa pɛ yóʼó nyí mɔ́b, gbíí mbəb yé ne no yɔ́b zó, a tsɛ́ɛ́ wé. Á ŋǎ ŋgú pfúŋɔ́ Yěsô, mbzírɛ́ wé ŋgâ: «Ntsɛ́ɛ́pɔŋ, mɔ́ŋmɛ́ ya tee ya ywoʼɔ́ nyí mɔ́b ne ndúŋ mo, wo pé zhʉ́ pɔ́ɔ? Ntsɔ́ pwó yé ŋgâ a kʉ́yó ŋgébe ya.» 41Ntsɛɛpɔŋ pɔ́rɔ́ pwó yé ŋgâ: «Máátaa! Máátaa! Wo kpaŋátó mbó gbíí mbəb wo ndúŋú meno zááme káʼa pé ne kɔ́? 42A ndaʼ taʼ no yɛ́ á gháŋ tséʼé ghebe nɛ́. A yɔ̌ Malya ndɔ́ɔ́ yé sʉ́ʼʉ, yɛ́ ŋɔŋ náʼ kpê pwó yé nɛ́ pó.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល