Lúkaasə 7
7
Yěsô pɛ́d kpaŋ ntsɛ́ssó pɛ káŋató
(Mat 8:5-13; Zhâ 4:46-54)
1Ŋkhoʼyɛ́ Yěsô kɛ mee fɛ́ne ŋkɔŋɔ nsó yé náá pwó pɔŋ pɛ́ pɔ́b kɛ pɛ yóʼó nɛ́, a ghú ndzó mbɛ́lʉ́ŋ Kapɛɛnawum. 2Yóʼó, taʼ ntsɛ́ssó mkpǐ káŋató pɛ Roma tséʼé taʼ mkpaŋ yé wɛ́ a kɛ kʉyě ŋgaʼmbwó nɛ́. Mkpaŋ yé wéré kɛ tsé ŋgɔŋɔ tɛ tsɛ́ɛ́ mésɔvó. 3Ŋkhoʼyɛ́ ntsɛ́ssó pɛ káŋató wéré kɛ zóʼ pé fú tíí Yěsô nɛ́, a twɔ́ pecyó ghəkód pɛ Yúda ŋgâ pɔ́b ghu mbóʼmbwó pwó yé ŋgâ á kʉ́yó mbɛ́d mkpaŋ yé! 4Pɔ́b ghú mbáŋá pfúŋɔ́ Yěsô mbóʼmbwó pwó yé zááme ŋgâ: «A pú ŋgâ wo ghɛbɛ ŋɔŋ wekénɛ́! 5ŋkyé ŋgâ a kʉ́yé pɔŋ piŋi, a kɛ kwód yé ŋkwód ndántéré yiŋi.» 6Njʉ́ pwɛ Yěsô kɛ yɔ́ɔ́ mɛndɔ́b ywoʼ ŋɔŋ wéré nɛ́, nyí tɛ tsé mbáŋá ywoʼ yé, ŋɔŋ wéré twɔ́ sɔ́ŋ pé ŋgâ pɔ́b ghu ntsɔ́ pwó yé ŋgâ: «Ntsɛɛpɔŋ, ndɛ mvaʼ mbəb yo, mə ndzyě mbé kuʼu ŋɔŋ wɛ́ tɛ wo ŋkúŋɔ ywoʼ yé nɛ́ pó. 7Á zhyɛ́ yéré ndzɔʼ ya sáʼ ya mə mbé mwɔ́ kúʼɔ́ ne suʼúne mbəb ya mbɛ́rɛ́ wo pó. Ntsʉʼmbé ké ntsɔ́ ndaʼ taʼ ndíí nsó, mkpaŋ ya fwó. 8A ne mo, mə ndzóʼ ntswee ntsɛ́ssó ya, mbó tséʼé pɛ káŋató pɛ́ mə sáʼá nɛ́. Mə mbé tɛ ntsɔ́ taʼ yé ŋgâ: “Ghu!” A ké ŋgú néré. Ntsɔ́ cyó ŋgâ: “ŋkʉ́yó!” A ké kʉ́yó néré. Ntsɔ́ mkpaŋ ya ŋgâ: “Ŋgyɛ́ yɔŋ!” A ké ŋgyɛ́ néré.» 9Ŋkhoʼyɛ́ Yěsô kɛ zóʼ nsó wéré nɛ́, a ghóʼ ntsɛ́ssó pɛ káŋató wéré. Séd mbəb yé ntsɔ́ pwó pɔŋ pɛ́ pɔ́b kɛ zɔŋɔ wé nɛ́ ŋgâ: «Mə sə́ŋɛ wúŋ, mbɛ ndzɔ́ʼɔ́ ŋkɔŋɔ pɔŋ Issayɛ náá, mə kâ kɛ zhʉ́ psyɛ́ndzɔʼ kəkwéʼe njʉ́ yɔŋ nɛ́ pó.» 10Ghaŋántɔ́b ntsɛ́ssó pɛ káŋató pɛ́ a kɛ twɔ́ wɔ́b nɛ́, kɛ ghɛ́ mbɔ́rɔ́ ndzəb, ntsɛ́rɛ́ mkpaŋ yé wéré pé sʉ́ʼʉ, ŋgɛɛ mbəb yé kɛ fwó.
Yěsô zhʉyɛ́ Mɔ́ŋ taʼ pfʉ́ʉ́ məŋgʉ́yé ne vó
11Njʉ́ Yěsô kɛ ŋgyɛ́ kpaŋ wéré fwó nɛ́, a ŋǎ ŋgú ndzó cyó mbɛ́lʉ́ŋ yɛ́ pé kɛ fú ne Nayíŋ nɛ́. Ŋgíŋgye pé pwɛ pɔŋ zááme kɛ pɛ ndzəb yé. 12Ŋkhoʼyɛ́ a kɛ paŋa tswée kaŋ mbɛ́lʉ́ŋ yéré nɛ́, pé ghú ne pfɔ́ŋɔŋ ne ncʉ́ne. A kɛ pé kʉyě Mɔ́ŋ pfʉ́ʉ́ məŋgʉ́yé. Pɔŋ zááme ndzó mbɛ́lʉ́ŋ yéré kɛ tsyáŋa məŋgʉ́yé wéré. 13Ŋkhoʼyɛ́ Ntsɛɛpɔŋ kɛ zhʉ́ pfʉ́ʉ́ məŋgʉ́yé wéré nɛ́, ghəghəŋ yé gbáá wé, a ntsɔ́ pwó yé ŋgâ: «Ndɛ̌ mbó ŋkhó.» 14Á ghu kébe ŋkɔ́b. Pɔŋ pɛ́ pɔ́b kɛ ŋkyɛ́ ŋkɔ́b nɛ́ tsébé. Yěsô nsó ŋgâ: «ŋkɔʼ ŋɔŋ, a nsó mo pwó wo! Zɛ́bɛ!» 15Á ké ŋǎ syé pé néré ŋgód, ndzyě ntsóne no. Yěsô gbáá pwó yé nuʼɔ́ wé pwó mɛ́ yé. 16No tsɛ́ɛ́ ŋkɔŋɔ pɔŋ náá, pɔ́b ŋgúʼɔ Mboʼmvé ntsɔ́ ŋgâ: «Taʼ ŋgaŋatsɔ́kpaŋató Mboʼmvé kəkwéʼe sáʼá tsé tsɛrɛ piŋi! Mboʼmvé ghaŋá pupé!» 17Pé kɛ ntsɔ́ no yɛ́ Yěsô kɛ zhyɛ́ nɛ́ ndzó ŋkɔŋɔ ŋgɔŋ Zhʉde pwɛ ŋkɔŋɔ pɛ́rɛ́ ŋgɔŋ náá.
Kpaŋató Zhâŋ Batisə mbəb Yěsô
(Mat 11:2-6)
18Ŋgíŋgye Zhâŋ kɛ ghú ntébé ŋkɔŋɔ meno péré náá pwó yé. Néré, a fú ŋgíŋgye pé pépáá. 19Twɔ́ wɔ́b ŋgâ pɔ́b ghú mvirɛ Ntsɛɛpɔŋ ŋgâ: «Á wo mbé Kristo wɛ́ a tsé kʉ́yó nɛ́? Kii psi nzwɛ́ʼɛ ŋɔŋ ndúŋ?» 20ŋgíŋgye péré paŋa pfúŋɔ́ Yěsô ntsɔ́ pwó yé ŋgâ: «Á twɔ́ Zhâŋ ŋgaŋafɛ́ kpênse twɔ́ ywí ŋgâ psi psírí wo ŋgâ: “Á wo mbé Kristo wɛ́ tsé kʉ́yó nɛ́? Kii psi nzwɛ́ʼɛ́ ŋɔŋ ndúŋ?”» 21Kpaʼ ŋkhoʼyéré, Yěsô ndzyě pɛ́rɛ́ pɔŋ zááme, ŋgyɛ́ pɛ ntʉʼekpee nyi, ndzú zhʉye kəpɔŋ mbəb pecyó, mbó ŋgyɛ́ ffǒme zááme zhʉ́ ywoʼ. 22Á kɛ pé néré, Yěsô pɔ́rɔ́ pwó pɔŋ pɛ Zhâŋ kɛ twɔ́ nɛ́ ŋgâ: «Puŋ ghú ntebé ŋkɔŋɔ meno pɛ́ puŋ zhʉ́ mbó ndzóʼ náá nɛ́ pwó Zhâŋ. Pɛ ffǒme pó njʉ́ ywoʼ, pɛ ntʉʼekpee pó nyi sʉ́ʼʉ, ghaŋákəkóó pé sǒme, pɛ ffɔ̌təŋé pó ndzóʼó no, pɔŋ pó njʉyɛ́ ne vó, Ŋkəŋ Sʉ́ʼʉ pó mbé ncʉríme pwó mbɔ́ŋmbɔŋ. 23Mbéne sʉ́ʼʉ pwó ŋɔŋ wɛ́ psyɛ́ ndzɔʼ yé kʉ́yó mbɔ́d ŋkyé ya nɛ́ po!»
Yěsô nsó no Zhâŋ
(Mat 11:7-11)
24Ŋkhoʼyɛ́ pɔŋ pɛ́ Zhâŋ kɛ twɔ́ nɛ́ kɛ pod nɛ́, Yěsô ndzyě ntsóne pɛ meno ŋkyé Zhâŋ pwó pɔŋ ŋgâ: «Pǔŋ kɛ ghú ghúŋkwéʼé pé tíŋɛ kɔ́? Tsǐsəsɔŋ yɛ́ fəfod nyʉ́ nɛ́? 25Tɛ puŋ kɛ ghú tíŋɛ kɔ́? Ŋɔŋ wɛ́ a gbéé ndzwé ndɔp nɛ́! ŋgâ kii pɔŋ pɛ́ pɔ́b tséʼé ndzwé ndɔp mbó tséʼé foʼ nɛ́, ntsǒ ndzó pɛ ntɔ́ʼ? 26Tɛ pǔŋ kɛ ghú zhʉ́ kɔ́? Taʼ ŋgaŋatsɔ́kpaŋató Mboʼmvé? Ɔ́ŋɔ́! Mə ntsɔ́ ne puŋ, a kɛ tsɛ́ɛ́ ŋgaŋatsɔ́ kpaŋató Mboʼmvé! 27Zhâŋ ŋɔŋ wɛ́ pé kɛ ŋwéʼé ŋkyé wé ŋgâ:
“Zhʉ́, mə twɔ́ ŋgaŋáncʉri ya síŋ wo,
A ntsuŋu mɛndɔ́b wo.”»
28Yěsô ké mbó nsó ŋgâ: «Cyó Mɔ́ŋ kɛ twɔ́ pfɔ̂ məŋgʉ́yé ntsɛ́ʼɛ́ ghebe njʉ́ Zhâŋ nɛ́ pó. Ntsʉʼŋgɛ mbɛ mɔ́ŋtii ŋɔŋ wɛ́ ndzó Nofɔŋ Mboʼmvé nɛ́ ntsɛ́ɛ́ wé.»
Mbziʼe yɛ́ pɔŋ kɛ zóʼó Zhâŋ pú Yěsô nɛ́
(Mat 11:16-19)
29Yěsô ké mbó mvî ŋgâ: «Ŋkɔŋɔ pɔŋ náá kɛ zóʼó Zhâŋ. Mbɛ pɛ ghaŋákpêsebe kɛ psyɛ ŋgâ Mboʼmvé ŋgerɛ́ŋged, ŋgú kpênse pwó Zhâŋ. 30Ntsʉʼmbé pɛ Farízya pwɛ ghaŋákeʼekaŋ kiri kpáŋa tó Mboʼmvé ŋkyé wɔ́b, mbé psyɛ́ kpênse pwó Zhâŋ pó.»
31Yěsô kémbó nsó ŋgâ: «Pɔ́ŋ ŋkhoʼyɔŋ fwɛ́ɛ́ mbɛ́kɔ́? Pɔ́b fwɛ́ɛ́ mbɛ́kɔ́ yɔ́ɔ́? 32Pɔ́b fwɛ́ɛ́ pɔ́ŋ pɛ́ pɔ́b ghɔ́rɔ́ záŋ ŋgéʼé tsé tsɛrɛ pɔ́b nɛ́:
“Psi tú kpéré ne puŋ, puŋ pé ŋwí pó,
Psi máʼ vó, puŋ pé kpê po!”
33Ɔ́ŋɔ́! Zhâŋ ŋgaŋafɛ́ kpênse kɛ kʉ́yó mbé zɔ yɔ́b pó, mbé nɔ́ yoʼ pó, puŋ fú wé ne mbɛ́ɛ́! 34Mɔ́ŋ ŋɔŋ ŋkiʼi kʉ́yó yé ndzɔ̂ mbó nɔ̂! Puŋ gháá: “Puŋ tíŋí njʉ́! Wékénɛ́ ŋɔŋ mɛ́ɛ́me mbó mbé mbɛ́ɛ́yoʼ! Pesɔŋ pé ghaŋákpêsebe pwɛ ghaŋázhyɛ́ meno kəpɔŋ!” 35Ntsʉʼmbé, Mboʼmvé Fɔŋ zé. Ŋkɔŋɔ pɔ́ŋ pe náá kɛ psyɛ́ ŋgâ á ŋgerɛ́ŋged.»
Yěsô máʼ vɔ̌no sakhə ndáb Símo
36Taʼ ŋɔŋ Farízya káʼá Yěsô ŋgâ a kʉ́yó pú yé zó mɔ́b. Yěsô psyɛ́ ŋgú ywoʼ yé pɔ́b ghɔ́rɔ́ syé. 37Ŋkhoʼyéré taʼ sakhə məŋgʉ́yé wɛ́ a kɛ pɛ́ ndzó mbɛ́lʉ́ŋ yéré nɛ́, zóʼ ŋgâ Yěsô ndáb ŋɔŋ Farízya. A kʉ́yó ne vód tswɔtwɔ́ ndzó taʼ ncʉ́ŋ fə́fó, 38tsɛ́ ndzəb Yěsô pfúŋɔ́ kpee mé, ŋkhɔ, ntsyé míí mé ŋkhu ndúŋú kpee Yěsô. Á yɔ́ɔ́ nwɔ̌tó mé sebe núŋ, mbaʼ kpee mé, mvéd vód tswɔtwɔ́ ndúŋú.
39Ŋɔŋ Farízya wɛ́ a kɛ kaʼa Yěsô nɛ́ zhʉ́ néré, ntsɔ́ ndzó ndzɔʼ yé ŋgâ: «A ghɛmbɛ ŋɔŋ wɔŋ pé ŋgaŋatsɔ́kpaŋató Mboʼmvé, mbǒ a zé məŋgʉ́yé wɔŋ wɛ́ a kɛ́bɛ́ wé kɛ́ʼɛ́ nɛ́, mbó ndzé yɔ́b yɛ́ a yé nɛ́, taʼ sakhə.» 40Néré, Yěsô ntsɔ́ pwó ŋɔŋ Farízya ŋgâ: «Símo, mə tséʼé no ne ntsóne pwó wo.» Símo pod ŋgâ: «Tsɔ́ kɛ Kéʼeyáŋ.» 41Yěsô gháá: «Cyó ŋɔŋ kɛ ntsɔʼ pɔŋ pépáá ne mbób: Sɔ́ yé kɛ pé kpǐ mbəb yítaŋ, yé cyó pé ghúbmetáŋ. 42Pɔ́b pé kúʼɔ́ ne núʼune pó. Ŋɔŋ wéré ntsɔ́ ne pɔ́b ŋgâ pɔ́b ndɛ mbó nuʼɔ pwó yé. A ndzɔ́ʼɔ́ pɔŋ pépáá pɔŋ, a kʉyě wɛ́rɛ́ ŋɔŋ kʉ́yé wé tsɛ́ɛ́ cyó?» 43Símo pod ŋgâ: «A ne mo, mə kpǎŋ ŋgâ a ŋɔŋ wɛ́ a ntee yé kɛ́ɛ́ a záá nɛ́.» Yěsô ntsɔ́ pwó yé ŋgâ: «Wo tsɔ̂ néré.»
44A séd mbəb yé ndiŋɛ́ məŋgʉ́yé mbó ntsɔ́ Símo ŋgâ: «Mə ŋkúŋɔ ndáb wo, wo pé fɛ́ mbɛ táá nse ŋgâ mə sǒ kpee máá núŋ pó. Wo zhʉ́ məŋgʉ́yé wɔŋ? Njʉ́ a ŋkúŋɔ ndáb ghaŋ nɛ́, a sǒ kpee máá ne nse míí mé, sébé ne nwɔ̌tó mé. 45Wo ndzyě mbó koo ya po! Ntsʉʼmbé, fféré njʉ́ məŋgʉ́yé wɔŋ ŋkúŋɔ ndáb ghaŋ nɛ́, a ghə ya tɛ mbáŋá ndúŋú kpee máá. 46Wo ndzyě mbé núʼ tó ya ne vód pó, ntsʉʼmbé a núʼ kpee máá ne vódtswɔtwɔ́. 47A pɛ́ɛ́ yɛ́ mə máʼ kəpɔŋ pé pé zááme ndɔ́ɔ́ wé nɛ́, mbǒ a zhyɛ́ no yɛ́ a nyóʼ kəŋe zááme nɛ́. Zé ŋgâ, ŋɔŋ wɛ́ vɔ̌no pé khóó pé máʼ nɛ́, nyóʼó kəŋe zááme pó.» 48Yěsô pó ntsɔ́ pwó məŋgʉ́yé wéré ŋgâ: «Mə máʼ vɔ̌no pó ndɔ́ɔ́ wo.» 49Pɛ ghəŋ pɛ́ pú pɔ́b kɛ pɛ ndáb nɛ́ kpáŋa ndzó ndzɔʼ yɔ́b ŋgâ: «Ŋɔŋ wɔŋ wɔ́ tɛ máʼá vɔ̌no pɔŋ?» 50Yěsô ntsɔ́ pwó məŋgʉ́yé wéré ŋgâ: «Psyɛ́ndzɔʼ wo mkpéé wo. Ghú ne mbúru!»
ទើបបានជ្រើសរើសហើយ៖
Lúkaasə 7: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 7
7
Yěsô pɛ́d kpaŋ ntsɛ́ssó pɛ káŋató
(Mat 8:5-13; Zhâ 4:46-54)
1Ŋkhoʼyɛ́ Yěsô kɛ mee fɛ́ne ŋkɔŋɔ nsó yé náá pwó pɔŋ pɛ́ pɔ́b kɛ pɛ yóʼó nɛ́, a ghú ndzó mbɛ́lʉ́ŋ Kapɛɛnawum. 2Yóʼó, taʼ ntsɛ́ssó mkpǐ káŋató pɛ Roma tséʼé taʼ mkpaŋ yé wɛ́ a kɛ kʉyě ŋgaʼmbwó nɛ́. Mkpaŋ yé wéré kɛ tsé ŋgɔŋɔ tɛ tsɛ́ɛ́ mésɔvó. 3Ŋkhoʼyɛ́ ntsɛ́ssó pɛ káŋató wéré kɛ zóʼ pé fú tíí Yěsô nɛ́, a twɔ́ pecyó ghəkód pɛ Yúda ŋgâ pɔ́b ghu mbóʼmbwó pwó yé ŋgâ á kʉ́yó mbɛ́d mkpaŋ yé! 4Pɔ́b ghú mbáŋá pfúŋɔ́ Yěsô mbóʼmbwó pwó yé zááme ŋgâ: «A pú ŋgâ wo ghɛbɛ ŋɔŋ wekénɛ́! 5ŋkyé ŋgâ a kʉ́yé pɔŋ piŋi, a kɛ kwód yé ŋkwód ndántéré yiŋi.» 6Njʉ́ pwɛ Yěsô kɛ yɔ́ɔ́ mɛndɔ́b ywoʼ ŋɔŋ wéré nɛ́, nyí tɛ tsé mbáŋá ywoʼ yé, ŋɔŋ wéré twɔ́ sɔ́ŋ pé ŋgâ pɔ́b ghu ntsɔ́ pwó yé ŋgâ: «Ntsɛɛpɔŋ, ndɛ mvaʼ mbəb yo, mə ndzyě mbé kuʼu ŋɔŋ wɛ́ tɛ wo ŋkúŋɔ ywoʼ yé nɛ́ pó. 7Á zhyɛ́ yéré ndzɔʼ ya sáʼ ya mə mbé mwɔ́ kúʼɔ́ ne suʼúne mbəb ya mbɛ́rɛ́ wo pó. Ntsʉʼmbé ké ntsɔ́ ndaʼ taʼ ndíí nsó, mkpaŋ ya fwó. 8A ne mo, mə ndzóʼ ntswee ntsɛ́ssó ya, mbó tséʼé pɛ káŋató pɛ́ mə sáʼá nɛ́. Mə mbé tɛ ntsɔ́ taʼ yé ŋgâ: “Ghu!” A ké ŋgú néré. Ntsɔ́ cyó ŋgâ: “ŋkʉ́yó!” A ké kʉ́yó néré. Ntsɔ́ mkpaŋ ya ŋgâ: “Ŋgyɛ́ yɔŋ!” A ké ŋgyɛ́ néré.» 9Ŋkhoʼyɛ́ Yěsô kɛ zóʼ nsó wéré nɛ́, a ghóʼ ntsɛ́ssó pɛ káŋató wéré. Séd mbəb yé ntsɔ́ pwó pɔŋ pɛ́ pɔ́b kɛ zɔŋɔ wé nɛ́ ŋgâ: «Mə sə́ŋɛ wúŋ, mbɛ ndzɔ́ʼɔ́ ŋkɔŋɔ pɔŋ Issayɛ náá, mə kâ kɛ zhʉ́ psyɛ́ndzɔʼ kəkwéʼe njʉ́ yɔŋ nɛ́ pó.» 10Ghaŋántɔ́b ntsɛ́ssó pɛ káŋató pɛ́ a kɛ twɔ́ wɔ́b nɛ́, kɛ ghɛ́ mbɔ́rɔ́ ndzəb, ntsɛ́rɛ́ mkpaŋ yé wéré pé sʉ́ʼʉ, ŋgɛɛ mbəb yé kɛ fwó.
Yěsô zhʉyɛ́ Mɔ́ŋ taʼ pfʉ́ʉ́ məŋgʉ́yé ne vó
11Njʉ́ Yěsô kɛ ŋgyɛ́ kpaŋ wéré fwó nɛ́, a ŋǎ ŋgú ndzó cyó mbɛ́lʉ́ŋ yɛ́ pé kɛ fú ne Nayíŋ nɛ́. Ŋgíŋgye pé pwɛ pɔŋ zááme kɛ pɛ ndzəb yé. 12Ŋkhoʼyɛ́ a kɛ paŋa tswée kaŋ mbɛ́lʉ́ŋ yéré nɛ́, pé ghú ne pfɔ́ŋɔŋ ne ncʉ́ne. A kɛ pé kʉyě Mɔ́ŋ pfʉ́ʉ́ məŋgʉ́yé. Pɔŋ zááme ndzó mbɛ́lʉ́ŋ yéré kɛ tsyáŋa məŋgʉ́yé wéré. 13Ŋkhoʼyɛ́ Ntsɛɛpɔŋ kɛ zhʉ́ pfʉ́ʉ́ məŋgʉ́yé wéré nɛ́, ghəghəŋ yé gbáá wé, a ntsɔ́ pwó yé ŋgâ: «Ndɛ̌ mbó ŋkhó.» 14Á ghu kébe ŋkɔ́b. Pɔŋ pɛ́ pɔ́b kɛ ŋkyɛ́ ŋkɔ́b nɛ́ tsébé. Yěsô nsó ŋgâ: «ŋkɔʼ ŋɔŋ, a nsó mo pwó wo! Zɛ́bɛ!» 15Á ké ŋǎ syé pé néré ŋgód, ndzyě ntsóne no. Yěsô gbáá pwó yé nuʼɔ́ wé pwó mɛ́ yé. 16No tsɛ́ɛ́ ŋkɔŋɔ pɔŋ náá, pɔ́b ŋgúʼɔ Mboʼmvé ntsɔ́ ŋgâ: «Taʼ ŋgaŋatsɔ́kpaŋató Mboʼmvé kəkwéʼe sáʼá tsé tsɛrɛ piŋi! Mboʼmvé ghaŋá pupé!» 17Pé kɛ ntsɔ́ no yɛ́ Yěsô kɛ zhyɛ́ nɛ́ ndzó ŋkɔŋɔ ŋgɔŋ Zhʉde pwɛ ŋkɔŋɔ pɛ́rɛ́ ŋgɔŋ náá.
Kpaŋató Zhâŋ Batisə mbəb Yěsô
(Mat 11:2-6)
18Ŋgíŋgye Zhâŋ kɛ ghú ntébé ŋkɔŋɔ meno péré náá pwó yé. Néré, a fú ŋgíŋgye pé pépáá. 19Twɔ́ wɔ́b ŋgâ pɔ́b ghú mvirɛ Ntsɛɛpɔŋ ŋgâ: «Á wo mbé Kristo wɛ́ a tsé kʉ́yó nɛ́? Kii psi nzwɛ́ʼɛ ŋɔŋ ndúŋ?» 20ŋgíŋgye péré paŋa pfúŋɔ́ Yěsô ntsɔ́ pwó yé ŋgâ: «Á twɔ́ Zhâŋ ŋgaŋafɛ́ kpênse twɔ́ ywí ŋgâ psi psírí wo ŋgâ: “Á wo mbé Kristo wɛ́ tsé kʉ́yó nɛ́? Kii psi nzwɛ́ʼɛ́ ŋɔŋ ndúŋ?”» 21Kpaʼ ŋkhoʼyéré, Yěsô ndzyě pɛ́rɛ́ pɔŋ zááme, ŋgyɛ́ pɛ ntʉʼekpee nyi, ndzú zhʉye kəpɔŋ mbəb pecyó, mbó ŋgyɛ́ ffǒme zááme zhʉ́ ywoʼ. 22Á kɛ pé néré, Yěsô pɔ́rɔ́ pwó pɔŋ pɛ Zhâŋ kɛ twɔ́ nɛ́ ŋgâ: «Puŋ ghú ntebé ŋkɔŋɔ meno pɛ́ puŋ zhʉ́ mbó ndzóʼ náá nɛ́ pwó Zhâŋ. Pɛ ffǒme pó njʉ́ ywoʼ, pɛ ntʉʼekpee pó nyi sʉ́ʼʉ, ghaŋákəkóó pé sǒme, pɛ ffɔ̌təŋé pó ndzóʼó no, pɔŋ pó njʉyɛ́ ne vó, Ŋkəŋ Sʉ́ʼʉ pó mbé ncʉríme pwó mbɔ́ŋmbɔŋ. 23Mbéne sʉ́ʼʉ pwó ŋɔŋ wɛ́ psyɛ́ ndzɔʼ yé kʉ́yó mbɔ́d ŋkyé ya nɛ́ po!»
Yěsô nsó no Zhâŋ
(Mat 11:7-11)
24Ŋkhoʼyɛ́ pɔŋ pɛ́ Zhâŋ kɛ twɔ́ nɛ́ kɛ pod nɛ́, Yěsô ndzyě ntsóne pɛ meno ŋkyé Zhâŋ pwó pɔŋ ŋgâ: «Pǔŋ kɛ ghú ghúŋkwéʼé pé tíŋɛ kɔ́? Tsǐsəsɔŋ yɛ́ fəfod nyʉ́ nɛ́? 25Tɛ puŋ kɛ ghú tíŋɛ kɔ́? Ŋɔŋ wɛ́ a gbéé ndzwé ndɔp nɛ́! ŋgâ kii pɔŋ pɛ́ pɔ́b tséʼé ndzwé ndɔp mbó tséʼé foʼ nɛ́, ntsǒ ndzó pɛ ntɔ́ʼ? 26Tɛ pǔŋ kɛ ghú zhʉ́ kɔ́? Taʼ ŋgaŋatsɔ́kpaŋató Mboʼmvé? Ɔ́ŋɔ́! Mə ntsɔ́ ne puŋ, a kɛ tsɛ́ɛ́ ŋgaŋatsɔ́ kpaŋató Mboʼmvé! 27Zhâŋ ŋɔŋ wɛ́ pé kɛ ŋwéʼé ŋkyé wé ŋgâ:
“Zhʉ́, mə twɔ́ ŋgaŋáncʉri ya síŋ wo,
A ntsuŋu mɛndɔ́b wo.”»
28Yěsô ké mbó nsó ŋgâ: «Cyó Mɔ́ŋ kɛ twɔ́ pfɔ̂ məŋgʉ́yé ntsɛ́ʼɛ́ ghebe njʉ́ Zhâŋ nɛ́ pó. Ntsʉʼŋgɛ mbɛ mɔ́ŋtii ŋɔŋ wɛ́ ndzó Nofɔŋ Mboʼmvé nɛ́ ntsɛ́ɛ́ wé.»
Mbziʼe yɛ́ pɔŋ kɛ zóʼó Zhâŋ pú Yěsô nɛ́
(Mat 11:16-19)
29Yěsô ké mbó mvî ŋgâ: «Ŋkɔŋɔ pɔŋ náá kɛ zóʼó Zhâŋ. Mbɛ pɛ ghaŋákpêsebe kɛ psyɛ ŋgâ Mboʼmvé ŋgerɛ́ŋged, ŋgú kpênse pwó Zhâŋ. 30Ntsʉʼmbé pɛ Farízya pwɛ ghaŋákeʼekaŋ kiri kpáŋa tó Mboʼmvé ŋkyé wɔ́b, mbé psyɛ́ kpênse pwó Zhâŋ pó.»
31Yěsô kémbó nsó ŋgâ: «Pɔ́ŋ ŋkhoʼyɔŋ fwɛ́ɛ́ mbɛ́kɔ́? Pɔ́b fwɛ́ɛ́ mbɛ́kɔ́ yɔ́ɔ́? 32Pɔ́b fwɛ́ɛ́ pɔ́ŋ pɛ́ pɔ́b ghɔ́rɔ́ záŋ ŋgéʼé tsé tsɛrɛ pɔ́b nɛ́:
“Psi tú kpéré ne puŋ, puŋ pé ŋwí pó,
Psi máʼ vó, puŋ pé kpê po!”
33Ɔ́ŋɔ́! Zhâŋ ŋgaŋafɛ́ kpênse kɛ kʉ́yó mbé zɔ yɔ́b pó, mbé nɔ́ yoʼ pó, puŋ fú wé ne mbɛ́ɛ́! 34Mɔ́ŋ ŋɔŋ ŋkiʼi kʉ́yó yé ndzɔ̂ mbó nɔ̂! Puŋ gháá: “Puŋ tíŋí njʉ́! Wékénɛ́ ŋɔŋ mɛ́ɛ́me mbó mbé mbɛ́ɛ́yoʼ! Pesɔŋ pé ghaŋákpêsebe pwɛ ghaŋázhyɛ́ meno kəpɔŋ!” 35Ntsʉʼmbé, Mboʼmvé Fɔŋ zé. Ŋkɔŋɔ pɔ́ŋ pe náá kɛ psyɛ́ ŋgâ á ŋgerɛ́ŋged.»
Yěsô máʼ vɔ̌no sakhə ndáb Símo
36Taʼ ŋɔŋ Farízya káʼá Yěsô ŋgâ a kʉ́yó pú yé zó mɔ́b. Yěsô psyɛ́ ŋgú ywoʼ yé pɔ́b ghɔ́rɔ́ syé. 37Ŋkhoʼyéré taʼ sakhə məŋgʉ́yé wɛ́ a kɛ pɛ́ ndzó mbɛ́lʉ́ŋ yéré nɛ́, zóʼ ŋgâ Yěsô ndáb ŋɔŋ Farízya. A kʉ́yó ne vód tswɔtwɔ́ ndzó taʼ ncʉ́ŋ fə́fó, 38tsɛ́ ndzəb Yěsô pfúŋɔ́ kpee mé, ŋkhɔ, ntsyé míí mé ŋkhu ndúŋú kpee Yěsô. Á yɔ́ɔ́ nwɔ̌tó mé sebe núŋ, mbaʼ kpee mé, mvéd vód tswɔtwɔ́ ndúŋú.
39Ŋɔŋ Farízya wɛ́ a kɛ kaʼa Yěsô nɛ́ zhʉ́ néré, ntsɔ́ ndzó ndzɔʼ yé ŋgâ: «A ghɛmbɛ ŋɔŋ wɔŋ pé ŋgaŋatsɔ́kpaŋató Mboʼmvé, mbǒ a zé məŋgʉ́yé wɔŋ wɛ́ a kɛ́bɛ́ wé kɛ́ʼɛ́ nɛ́, mbó ndzé yɔ́b yɛ́ a yé nɛ́, taʼ sakhə.» 40Néré, Yěsô ntsɔ́ pwó ŋɔŋ Farízya ŋgâ: «Símo, mə tséʼé no ne ntsóne pwó wo.» Símo pod ŋgâ: «Tsɔ́ kɛ Kéʼeyáŋ.» 41Yěsô gháá: «Cyó ŋɔŋ kɛ ntsɔʼ pɔŋ pépáá ne mbób: Sɔ́ yé kɛ pé kpǐ mbəb yítaŋ, yé cyó pé ghúbmetáŋ. 42Pɔ́b pé kúʼɔ́ ne núʼune pó. Ŋɔŋ wéré ntsɔ́ ne pɔ́b ŋgâ pɔ́b ndɛ mbó nuʼɔ pwó yé. A ndzɔ́ʼɔ́ pɔŋ pépáá pɔŋ, a kʉyě wɛ́rɛ́ ŋɔŋ kʉ́yé wé tsɛ́ɛ́ cyó?» 43Símo pod ŋgâ: «A ne mo, mə kpǎŋ ŋgâ a ŋɔŋ wɛ́ a ntee yé kɛ́ɛ́ a záá nɛ́.» Yěsô ntsɔ́ pwó yé ŋgâ: «Wo tsɔ̂ néré.»
44A séd mbəb yé ndiŋɛ́ məŋgʉ́yé mbó ntsɔ́ Símo ŋgâ: «Mə ŋkúŋɔ ndáb wo, wo pé fɛ́ mbɛ táá nse ŋgâ mə sǒ kpee máá núŋ pó. Wo zhʉ́ məŋgʉ́yé wɔŋ? Njʉ́ a ŋkúŋɔ ndáb ghaŋ nɛ́, a sǒ kpee máá ne nse míí mé, sébé ne nwɔ̌tó mé. 45Wo ndzyě mbó koo ya po! Ntsʉʼmbé, fféré njʉ́ məŋgʉ́yé wɔŋ ŋkúŋɔ ndáb ghaŋ nɛ́, a ghə ya tɛ mbáŋá ndúŋú kpee máá. 46Wo ndzyě mbé núʼ tó ya ne vód pó, ntsʉʼmbé a núʼ kpee máá ne vódtswɔtwɔ́. 47A pɛ́ɛ́ yɛ́ mə máʼ kəpɔŋ pé pé zááme ndɔ́ɔ́ wé nɛ́, mbǒ a zhyɛ́ no yɛ́ a nyóʼ kəŋe zááme nɛ́. Zé ŋgâ, ŋɔŋ wɛ́ vɔ̌no pé khóó pé máʼ nɛ́, nyóʼó kəŋe zááme pó.» 48Yěsô pó ntsɔ́ pwó məŋgʉ́yé wéré ŋgâ: «Mə máʼ vɔ̌no pó ndɔ́ɔ́ wo.» 49Pɛ ghəŋ pɛ́ pú pɔ́b kɛ pɛ ndáb nɛ́ kpáŋa ndzó ndzɔʼ yɔ́b ŋgâ: «Ŋɔŋ wɔŋ wɔ́ tɛ máʼá vɔ̌no pɔŋ?» 50Yěsô ntsɔ́ pwó məŋgʉ́yé wéré ŋgâ: «Psyɛ́ndzɔʼ wo mkpéé wo. Ghú ne mbúru!»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល