Lúkaasə 24
24
Yěsô zhʉyɛ́ ne vó
1Á kɛ pé sɔ́ zhyémvé mve ne ŋgabtáŋ pɛ Yuda, njʉ́ zhyémvé ze kɛ záʼ nɛ́, kpaʼ ne fʉ́ʉ́wáá, pěŋgyé ghú ntswěsye ne vód mɛ́ pɔ́b kɛ ntsuŋu nɛ́. 2Mbáŋ, njʉ́ ŋgɔʼ yɛ́ pé kɛ fûŋ sye núŋ nɛ́ pé suʼúme. 3Pɔ́b ŋkúŋ, ntsʉʼmbé zhʉ́ pfɔ́ Ntsɛɛpɔŋ Yěsô pó. 4Njʉ́ pɔ́b kɛ zé no yɛ́ pɔ́b ntsɔ́ nɛ́ pó, fǐme nɛ́ pɔŋ pépáá ne ndzwé nyʉ́yíme móó síŋ pɔ́b. 5Pěŋgyé pɛ pɔ́ɔ́, ntsúŋú tó pɔ́b syé. Pɔŋ pépáá pɛ gháá: «Á ŋgyɛ́ kɔ́ puŋ táʼá ŋɔŋ mɔ́b ndzɔ́ʼɔ́ pfɔ̂pɔŋ? 6Á ghaŋ pó, a zhʉyɛ́ ne vó. Puŋ fú tó yuŋ mbziʼe yɛ́ a kɛ ntsɔ́ ne puŋ ŋkhoʼyɛ́ a kɛ pɛ ndzó pɛ́rɛ́ ŋgɔŋ Galílya nɛ́. 7Á kɛ ntsɔ́ ŋgâ: “Á nzɔŋɔ ŋgâ pe fí Mɔ́ŋ ŋɔŋ pwó ghaŋázhyɛ́ meno kəpɔŋ. Pɔ́b ghú kpii wé ndúŋú ŋgʉŋʉ, a pfɔ̂, zhyémvé pékyéd ghɛ́ ndzaʼa, á zhʉyɛ́ ne vó.”» 8Néré pěŋgyé psyɛ́ nsó Yěsô. 9Pɔ́b ŋǎ ntswěsye ŋgú ncʉ́rí ŋkɔŋɔ meno péré náá pwó ntsɔ̌b ŋgíŋgye Yěsô yimɔʼɔ pwɛ pecyó náá. 10Á kɛ pé Malya wɛ́ pé kɛ fú wé ne Matali nɛ́, Zhânə, Malya mɛ́ Zhakə, pwɛ pecyó pěŋgyé ŋkʉ́rʉ́. Pɔ́b ncʉ́rí ŋkɔŋɔ meno péré náá pwó ghaŋántɔ́b Yěsô. 11Ntsʉʼmbé ghaŋántɔ́b Yěsô kpáŋa ŋgâ pɔ́b ntsɔ́ɔ́ nsó mbɛ́ɛ́, mbé tíí ndzɔʼ yɔ́b ndúŋú pó. 12Néré Pětro ŋǎ ndɔ́ɔ́ ndéé ŋgú ntswěsye. Ntsúŋú mbəb yé ké njʉ́ʉ́ ndaʼ ndzwé pɛ́ pé kɛ pwɛ wé ndzó nɛ́. Meno pɛ́ a kɛ záʼ nɛ́ ntsɛ́ɛ́ wé kaʼatɛ, a pod yé ywoʼ yé.
Yěsô nyoʼ mbəb yé pwó ŋgíŋgye pé a Emayʉsə
13Zhyémve yéré, ŋgíŋgye Yěsô pépáá ké ghú yáʼ yɛ́ pé fú ŋgâ Emayʉsə nɛ́. Pé kɛ ŋáá ndzó mbɛ́lʉ́ŋ yéré ŋgɛ mbáŋá Yerʉ́salɛm nyí ne ŋkhoʼmvé yípáá. 14Pɔ́b kɛ ntsɔ tsetsɛrɛ pɔ́b ŋkɔŋɔ meno pɛ́ a kɛ záʼ náá nɛ́. 15Njʉ́ pɔ́b kɛ ntsɔ tsetsɛrɛ pɔ́b néré nɛ́, tómbəb Yěsô pɛ́d wɔ́b, pú pɔ́b tsé nyí. 16Ŋgíŋgye pé zhʉ́ wé, ntsʉʼmbé, cyó yɔ́b kirɛ́ njʉ́ pɔ́b nzǐ wé nɛ́.
17Yěsô psirɛ́ wɔ́b ŋgâ: «Puŋ nyi ntsɔ̌ no kɔ́ kaʼa?» Pɔ́b tsébé. Ntsúŋine gbáá wɔ́b. 18Cyó taʼ yé wɛ́ pé fú ne Kolopasə nɛ́ pɔ́rɔ́ pwó yé ŋgâ: «Ŋkɔŋɔ pɔŋ pɛ́ pɔ́b Yerʉ́salɛm náá nɛ́ zɛ́ no yɛ́ a záʼá ndzɔ́ʼɔ́ zhyémvé mve pɔŋ nɛ́! Á ndaʼ wo nɛ́ mbé zé po!» 19Á psirɛ́ wɔ́b ŋgâ: «Mbe Kɔ́ kɛ́ʼɛ́?» Pɔ́b pɔ́rɔ́ pwó yé ŋgâ: «No yɛ́ a záʼá mbəb Yěsô ŋɔŋ Nǎzarɛd nɛ́. Á kɛ pé taʼ ŋgaŋatsɔ́kpaŋató Mboʼmvé wé ntʉ̌ŋme ndzɔ́ʼɔ́ ŋgyɛ́ meno pé pwɛ nsó yé síŋ Mboʼmvé pwɛ ŋkɔŋɔ pɔŋ náá. 20Pɛ ntsɛ́ssó ghaŋáshʉ́ pwɛ ghəkód psi fí wé ŋgâ pé nɔ́ʼ wé. Pé kpii wé ndúŋú ŋgʉŋʉ. 21Mbɛ ne psi, psi kɛ kpáŋa ŋgâ a kɛ pe yé mbé ŋɔŋ wɛ́ a kɛ ghɛ́ ntubɔ́ pɔŋ Issayɛ ndzɔ́ʼɔ́ ŋgəʼo nɛ́. Ntsʉʼmbé yɔŋ kɛ pé zhyémvé mve pékyéd nɔŋ njʉ́ yéré no záʼ nɛ́. 22No yɛ́ pecyó pěŋgyé pɛ́ psi pɔ́b nyi nɛ́ ntsɔ́ ne psi ne ndzɔ́ʼɔ́wáá wɔŋ nɛ́, váʼ tó zhí tɛ. Pɔ́b ghú ntswěsye 23mbé zhʉ́ pfɔ́ Yěsô pó, mbó ntsɔ́ ne psi ŋgâ: “Pɛ aŋgere Mboʼmvé nyóʼ mbəb yɔ́b ne psi, ntsɔ́ ne psi ŋgâ: Yěsô zhʉyɛ́!” 24Pecyó pɔŋ pɛ́ psi pɔ́b nyi nɛ́, ghú ntswěsye ŋkʉ́rʉ́. Ké mbó njʉ́ yɔ́b pé njʉ́ pěŋgyé pě nsó nɛ́, ntsʉʼmbé pɔ́b pé zhʉ́ Yěsô po!»
25Njʉ́ a kɛ nsó néré nɛ́, Yěsô ntsɔ́ ne pɔ́b ŋgâ: «Pɛ tó kii zé! Ndzɔʼ yuŋ shʉrɔ ne mbzyɛ́ne ŋkɔŋɔ meno pɛ́ pɛ ghaŋátsɔ́kpaŋató Mboʼmvé kɛ ncʉ́rí nɛ́ tɛ! 26Á kɛ pé zɔŋɔ ŋgâ Kristo zhʉ́ ŋgəʼo ŋkɔ́ŋ mbɔ́rɔ́ ŋkúŋɔ ndzɔ́ʼɔ́ ŋgúʼune mé pɔɔ?» 27Yěsô kéʼ ŋkɔŋɔ meno pɛ́ pé kɛ ŋwéʼe ŋkyé wé nɛ́ náá, ndzyěne mbəb Mǔsê tɛ ŋgú mbáŋá mbəb ŋkɔŋɔ ghaŋátsɔ́kpaŋató Mboʼmvé náá.
28Ŋkhoʼyɛ́ pɔ́b kɛ tsé mbáŋá ndzó yáʼ yɛ́ ŋgíŋgye Yěsô kɛ ghú nɛ́, Yěsô zhyɛ́ njʉ́ a ghǔ ntáŋasesɛ nɛ́. 29Ntsʉʼmbé pɔ́b fɛ́rɛ́ wé ne nsó ŋgâ: «Kʉ́yó piŋi yáʼ! Yɔŋ kɛ pé fwɔ̌nab. Mɔ́ŋtiʼa ŋkhoʼ, ntsuʼ síŋ.» Yěsô ŋkúŋɔ ndáb pɔ́b. 30Pú pɔ́b ghɔ́rɔ́ ne ndzóne mɔ́b. Yěsô yɔ́ɔ́ mbré, tséʼé Mboʼmvé, mbóʼ ŋgobɔ́ ne pɔ́b. 31Néré míí mɔ́b yáŋ. Pɔ́b zí wé. Yěsô nyʉ́yí. 32Pɔ́b ntsɔ́ tsetsɛrɛ pɔ́b ŋgâ: «Ndzɔʼ yíŋi pě mbé ké sɛʼɛ ŋkhoʼyɛ́ a pě ŋkéʼe ŋwéʼe Mǔsê pú yé ghaŋátsɔ́kpáŋató Mboʼmvé ne piŋi mɛndɔ́b nɛ́ pɔɔ?»
33Kpaʼ ŋkhoʼyéré, pɔ́b ŋǎ mbɔ́rɔ́ ndzó mbɛ́lʉ́ŋ Yerʉ́salɛm. Mbáŋá yóʼó njʉ́ ŋgâ tsɔ̌b ŋgíŋgye Yěsô yimɔʼɔ kɛ téré pwɛ pɛkpee pɔ́b. 34Ŋkɔŋɔ wɔ́b náá ntsɔ́ pwó ŋgíŋgye Yěsô pépáá ŋgâ: «Á sísíŋ ŋgâ Ntsɛ́ɛ́pɔŋ zhʉyɛ́ ne vó! A nyóʼ mbəb yé pwó Símo!»
35Ŋgíŋgye Yěsô pépáá nsó no yɛ́ a kɛ záʼá mɛndɔ́b nɛ́ ne pɔ́b, mbó nsó ŋgâ: «Psi zí Yěsô ŋkhoʼyɛ́ a ghobɔ mbré ne psi nɛ́.»
Yěsô nyóʼ mbəb yé pwó ŋgíŋgye pé
36Njʉ́ pɔ́b kɛ ntsɔ́ néré nɛ́, Yěsô nyóʼ mbəb yé tsetsɛrɛ pɔ́b, nsó ŋgâ: «Mbúru pɛ́ ne puŋ!» 37ŋgíŋgye pé vod. Pɔ́ɔ́ gbáá wɔ́b, pɔ́b kpáŋa ŋgâ pɔ́b zhʉ́ taʼ pfósyé. 38Ntsʉʼmbé Yěsô ntsɔ́ ne pɔ́b ŋgâ: «Á ŋgyɛ́ kɔ́ tó yuŋ vaʼ kaʼa? Á ŋgyɛ́ kɔ́ yékénɛ́ kpáŋa tó kʉ́yó tó puŋ? 39Á mo yɛ́! Puŋ tíŋí mbwó máá pwɛ kpee máá njʉ́! Puŋ ŋkébé ya! Taʼ pfósyé tséʼé ndzab mbəb pwɛ kpáŋ njʉ́ mə tséʼé nɛ́?» 40A kɛ ghɛ́ ntsɔ́ néré, nyóʼó mbwó mé pwɛ kpee mé ne pɔ́b. 41Njʉ́ ndebéne kɛ gháʼmbwo mɔ́b nɛ́, mbɛ néré tó yɔ́b ké mbé tsé ndaŋa pó. No ké ntsɛ́ɛ́ wɔ́b ntsɛ́ɛ́, Yěsô psirɛ́ wɔ́b ŋgâ: «Puŋ tséʼé ywɔ̌zó ghaŋ?» 42Pɔ́b fɛ́ taʼ tiʼɛ ssó tɔ́ŋme pwó yé. 43Yěsô kpê, pfɔ́rɔ́ síŋ pɔ́b.
44Mbó ntsɔ́ ne pɔ́b ŋgâ: «Ŋkhoʼyɛ́ piŋi mbé nɛ́, mə ntsɔ́ ne puŋ ŋgâ, a zɔŋɔ ŋgâ tó meno pɛ́ a ŋwéʼeme ndzó ŋwéʼe Mǔsê pwɛ ghaŋátsɔ́kpaŋató Mboʼmvé nɛ́, pwɛ pɛ ndzó ŋwéʼe Zɔ́bɔnse ŋkyé ya nɛ́, yúŋú.» 45Néré Yěsô ŋáʼ zé tó yɔ́b ŋgâ pɔ́b zóʼ Ŋwéʼe Mboʼmvé. 46Á ntsɔ́ ne pɔ́b ŋgâ: «Njʉ́ pé kɛ ŋwéʼe nɛ́: “Kristo kʉ́yó zhʉ́ ŋgəʼo, zhyémvé pékyéd ghɛ́ ndzáʼá, zhʉyɛ́ ne vó. 47Ndzyěne pwó pɔŋ pɛ pɔ́b ndzó mbɛ́lʉ́ŋ Yerʉ́salɛm nɛ́ tɛ mbáŋá pwó mvémvé náá”, pé cʉ́rɛ ne tíí yé ŋgâ: “Puŋ séd mbziʼe yuŋ, Mboʼmvé máʼ vɔ̌no yuŋ!” 48Puŋ ghaŋákpééntáŋ meno péré. 49Ŋgɛmbɛ ne mo, mə twɔ́ Zhʉye Yáŋme yɛ́ Mboʼmvé Tɛd ya, kɛ kaʼ nɛ́, mbəb puŋ. Ntsʉʼmbé puŋ tsʉ́ʼɔ ndzó mbɛ́lʉ́ŋ kaʼatɛ tʉ̌ŋ twɔ́ pépéé ŋkúŋɔ mbəb puŋ.»
Yěsô kɔ́ʼɔ́ pépéé
50Njʉ́ Yěsô kɛ nsó néré nɛ́, a yɔ́ɔ́ ŋgíŋgye pé pú pɔ́b ghú pfúŋɔ́ yáʼ Betáni. Á ŋkʉ́rʉ́ mbwó mé níŋi mbúru mbəb pɔ́b. 51Ŋkhoʼyɛ́ a kɛ níŋi mbúrú mbəb pɔ́b nɛ́, a ntéé wɔ́b kɔ́ʼɔ́ pépéé. 52Néré ŋgíŋgye pé tə́d kwéʼe mɔ́b ŋgúʼɔ wé, mbód yɔ́b ndzó mbɛ́lʉ́ŋ Yerʉ́salɛm ne ndebéne zááme. 53Ŋkɔŋɔ ŋkhoʼ náá, pɔ́b ké mbɛ́ɛ́ Ndámboʼmvé, nzɔbɔnse ŋguʼɔ wé.
ទើបបានជ្រើសរើសហើយ៖
Lúkaasə 24: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 24
24
Yěsô zhʉyɛ́ ne vó
1Á kɛ pé sɔ́ zhyémvé mve ne ŋgabtáŋ pɛ Yuda, njʉ́ zhyémvé ze kɛ záʼ nɛ́, kpaʼ ne fʉ́ʉ́wáá, pěŋgyé ghú ntswěsye ne vód mɛ́ pɔ́b kɛ ntsuŋu nɛ́. 2Mbáŋ, njʉ́ ŋgɔʼ yɛ́ pé kɛ fûŋ sye núŋ nɛ́ pé suʼúme. 3Pɔ́b ŋkúŋ, ntsʉʼmbé zhʉ́ pfɔ́ Ntsɛɛpɔŋ Yěsô pó. 4Njʉ́ pɔ́b kɛ zé no yɛ́ pɔ́b ntsɔ́ nɛ́ pó, fǐme nɛ́ pɔŋ pépáá ne ndzwé nyʉ́yíme móó síŋ pɔ́b. 5Pěŋgyé pɛ pɔ́ɔ́, ntsúŋú tó pɔ́b syé. Pɔŋ pépáá pɛ gháá: «Á ŋgyɛ́ kɔ́ puŋ táʼá ŋɔŋ mɔ́b ndzɔ́ʼɔ́ pfɔ̂pɔŋ? 6Á ghaŋ pó, a zhʉyɛ́ ne vó. Puŋ fú tó yuŋ mbziʼe yɛ́ a kɛ ntsɔ́ ne puŋ ŋkhoʼyɛ́ a kɛ pɛ ndzó pɛ́rɛ́ ŋgɔŋ Galílya nɛ́. 7Á kɛ ntsɔ́ ŋgâ: “Á nzɔŋɔ ŋgâ pe fí Mɔ́ŋ ŋɔŋ pwó ghaŋázhyɛ́ meno kəpɔŋ. Pɔ́b ghú kpii wé ndúŋú ŋgʉŋʉ, a pfɔ̂, zhyémvé pékyéd ghɛ́ ndzaʼa, á zhʉyɛ́ ne vó.”» 8Néré pěŋgyé psyɛ́ nsó Yěsô. 9Pɔ́b ŋǎ ntswěsye ŋgú ncʉ́rí ŋkɔŋɔ meno péré náá pwó ntsɔ̌b ŋgíŋgye Yěsô yimɔʼɔ pwɛ pecyó náá. 10Á kɛ pé Malya wɛ́ pé kɛ fú wé ne Matali nɛ́, Zhânə, Malya mɛ́ Zhakə, pwɛ pecyó pěŋgyé ŋkʉ́rʉ́. Pɔ́b ncʉ́rí ŋkɔŋɔ meno péré náá pwó ghaŋántɔ́b Yěsô. 11Ntsʉʼmbé ghaŋántɔ́b Yěsô kpáŋa ŋgâ pɔ́b ntsɔ́ɔ́ nsó mbɛ́ɛ́, mbé tíí ndzɔʼ yɔ́b ndúŋú pó. 12Néré Pětro ŋǎ ndɔ́ɔ́ ndéé ŋgú ntswěsye. Ntsúŋú mbəb yé ké njʉ́ʉ́ ndaʼ ndzwé pɛ́ pé kɛ pwɛ wé ndzó nɛ́. Meno pɛ́ a kɛ záʼ nɛ́ ntsɛ́ɛ́ wé kaʼatɛ, a pod yé ywoʼ yé.
Yěsô nyoʼ mbəb yé pwó ŋgíŋgye pé a Emayʉsə
13Zhyémve yéré, ŋgíŋgye Yěsô pépáá ké ghú yáʼ yɛ́ pé fú ŋgâ Emayʉsə nɛ́. Pé kɛ ŋáá ndzó mbɛ́lʉ́ŋ yéré ŋgɛ mbáŋá Yerʉ́salɛm nyí ne ŋkhoʼmvé yípáá. 14Pɔ́b kɛ ntsɔ tsetsɛrɛ pɔ́b ŋkɔŋɔ meno pɛ́ a kɛ záʼ náá nɛ́. 15Njʉ́ pɔ́b kɛ ntsɔ tsetsɛrɛ pɔ́b néré nɛ́, tómbəb Yěsô pɛ́d wɔ́b, pú pɔ́b tsé nyí. 16Ŋgíŋgye pé zhʉ́ wé, ntsʉʼmbé, cyó yɔ́b kirɛ́ njʉ́ pɔ́b nzǐ wé nɛ́.
17Yěsô psirɛ́ wɔ́b ŋgâ: «Puŋ nyi ntsɔ̌ no kɔ́ kaʼa?» Pɔ́b tsébé. Ntsúŋine gbáá wɔ́b. 18Cyó taʼ yé wɛ́ pé fú ne Kolopasə nɛ́ pɔ́rɔ́ pwó yé ŋgâ: «Ŋkɔŋɔ pɔŋ pɛ́ pɔ́b Yerʉ́salɛm náá nɛ́ zɛ́ no yɛ́ a záʼá ndzɔ́ʼɔ́ zhyémvé mve pɔŋ nɛ́! Á ndaʼ wo nɛ́ mbé zé po!» 19Á psirɛ́ wɔ́b ŋgâ: «Mbe Kɔ́ kɛ́ʼɛ́?» Pɔ́b pɔ́rɔ́ pwó yé ŋgâ: «No yɛ́ a záʼá mbəb Yěsô ŋɔŋ Nǎzarɛd nɛ́. Á kɛ pé taʼ ŋgaŋatsɔ́kpaŋató Mboʼmvé wé ntʉ̌ŋme ndzɔ́ʼɔ́ ŋgyɛ́ meno pé pwɛ nsó yé síŋ Mboʼmvé pwɛ ŋkɔŋɔ pɔŋ náá. 20Pɛ ntsɛ́ssó ghaŋáshʉ́ pwɛ ghəkód psi fí wé ŋgâ pé nɔ́ʼ wé. Pé kpii wé ndúŋú ŋgʉŋʉ. 21Mbɛ ne psi, psi kɛ kpáŋa ŋgâ a kɛ pe yé mbé ŋɔŋ wɛ́ a kɛ ghɛ́ ntubɔ́ pɔŋ Issayɛ ndzɔ́ʼɔ́ ŋgəʼo nɛ́. Ntsʉʼmbé yɔŋ kɛ pé zhyémvé mve pékyéd nɔŋ njʉ́ yéré no záʼ nɛ́. 22No yɛ́ pecyó pěŋgyé pɛ́ psi pɔ́b nyi nɛ́ ntsɔ́ ne psi ne ndzɔ́ʼɔ́wáá wɔŋ nɛ́, váʼ tó zhí tɛ. Pɔ́b ghú ntswěsye 23mbé zhʉ́ pfɔ́ Yěsô pó, mbó ntsɔ́ ne psi ŋgâ: “Pɛ aŋgere Mboʼmvé nyóʼ mbəb yɔ́b ne psi, ntsɔ́ ne psi ŋgâ: Yěsô zhʉyɛ́!” 24Pecyó pɔŋ pɛ́ psi pɔ́b nyi nɛ́, ghú ntswěsye ŋkʉ́rʉ́. Ké mbó njʉ́ yɔ́b pé njʉ́ pěŋgyé pě nsó nɛ́, ntsʉʼmbé pɔ́b pé zhʉ́ Yěsô po!»
25Njʉ́ a kɛ nsó néré nɛ́, Yěsô ntsɔ́ ne pɔ́b ŋgâ: «Pɛ tó kii zé! Ndzɔʼ yuŋ shʉrɔ ne mbzyɛ́ne ŋkɔŋɔ meno pɛ́ pɛ ghaŋátsɔ́kpaŋató Mboʼmvé kɛ ncʉ́rí nɛ́ tɛ! 26Á kɛ pé zɔŋɔ ŋgâ Kristo zhʉ́ ŋgəʼo ŋkɔ́ŋ mbɔ́rɔ́ ŋkúŋɔ ndzɔ́ʼɔ́ ŋgúʼune mé pɔɔ?» 27Yěsô kéʼ ŋkɔŋɔ meno pɛ́ pé kɛ ŋwéʼe ŋkyé wé nɛ́ náá, ndzyěne mbəb Mǔsê tɛ ŋgú mbáŋá mbəb ŋkɔŋɔ ghaŋátsɔ́kpaŋató Mboʼmvé náá.
28Ŋkhoʼyɛ́ pɔ́b kɛ tsé mbáŋá ndzó yáʼ yɛ́ ŋgíŋgye Yěsô kɛ ghú nɛ́, Yěsô zhyɛ́ njʉ́ a ghǔ ntáŋasesɛ nɛ́. 29Ntsʉʼmbé pɔ́b fɛ́rɛ́ wé ne nsó ŋgâ: «Kʉ́yó piŋi yáʼ! Yɔŋ kɛ pé fwɔ̌nab. Mɔ́ŋtiʼa ŋkhoʼ, ntsuʼ síŋ.» Yěsô ŋkúŋɔ ndáb pɔ́b. 30Pú pɔ́b ghɔ́rɔ́ ne ndzóne mɔ́b. Yěsô yɔ́ɔ́ mbré, tséʼé Mboʼmvé, mbóʼ ŋgobɔ́ ne pɔ́b. 31Néré míí mɔ́b yáŋ. Pɔ́b zí wé. Yěsô nyʉ́yí. 32Pɔ́b ntsɔ́ tsetsɛrɛ pɔ́b ŋgâ: «Ndzɔʼ yíŋi pě mbé ké sɛʼɛ ŋkhoʼyɛ́ a pě ŋkéʼe ŋwéʼe Mǔsê pú yé ghaŋátsɔ́kpáŋató Mboʼmvé ne piŋi mɛndɔ́b nɛ́ pɔɔ?»
33Kpaʼ ŋkhoʼyéré, pɔ́b ŋǎ mbɔ́rɔ́ ndzó mbɛ́lʉ́ŋ Yerʉ́salɛm. Mbáŋá yóʼó njʉ́ ŋgâ tsɔ̌b ŋgíŋgye Yěsô yimɔʼɔ kɛ téré pwɛ pɛkpee pɔ́b. 34Ŋkɔŋɔ wɔ́b náá ntsɔ́ pwó ŋgíŋgye Yěsô pépáá ŋgâ: «Á sísíŋ ŋgâ Ntsɛ́ɛ́pɔŋ zhʉyɛ́ ne vó! A nyóʼ mbəb yé pwó Símo!»
35Ŋgíŋgye Yěsô pépáá nsó no yɛ́ a kɛ záʼá mɛndɔ́b nɛ́ ne pɔ́b, mbó nsó ŋgâ: «Psi zí Yěsô ŋkhoʼyɛ́ a ghobɔ mbré ne psi nɛ́.»
Yěsô nyóʼ mbəb yé pwó ŋgíŋgye pé
36Njʉ́ pɔ́b kɛ ntsɔ́ néré nɛ́, Yěsô nyóʼ mbəb yé tsetsɛrɛ pɔ́b, nsó ŋgâ: «Mbúru pɛ́ ne puŋ!» 37ŋgíŋgye pé vod. Pɔ́ɔ́ gbáá wɔ́b, pɔ́b kpáŋa ŋgâ pɔ́b zhʉ́ taʼ pfósyé. 38Ntsʉʼmbé Yěsô ntsɔ́ ne pɔ́b ŋgâ: «Á ŋgyɛ́ kɔ́ tó yuŋ vaʼ kaʼa? Á ŋgyɛ́ kɔ́ yékénɛ́ kpáŋa tó kʉ́yó tó puŋ? 39Á mo yɛ́! Puŋ tíŋí mbwó máá pwɛ kpee máá njʉ́! Puŋ ŋkébé ya! Taʼ pfósyé tséʼé ndzab mbəb pwɛ kpáŋ njʉ́ mə tséʼé nɛ́?» 40A kɛ ghɛ́ ntsɔ́ néré, nyóʼó mbwó mé pwɛ kpee mé ne pɔ́b. 41Njʉ́ ndebéne kɛ gháʼmbwo mɔ́b nɛ́, mbɛ néré tó yɔ́b ké mbé tsé ndaŋa pó. No ké ntsɛ́ɛ́ wɔ́b ntsɛ́ɛ́, Yěsô psirɛ́ wɔ́b ŋgâ: «Puŋ tséʼé ywɔ̌zó ghaŋ?» 42Pɔ́b fɛ́ taʼ tiʼɛ ssó tɔ́ŋme pwó yé. 43Yěsô kpê, pfɔ́rɔ́ síŋ pɔ́b.
44Mbó ntsɔ́ ne pɔ́b ŋgâ: «Ŋkhoʼyɛ́ piŋi mbé nɛ́, mə ntsɔ́ ne puŋ ŋgâ, a zɔŋɔ ŋgâ tó meno pɛ́ a ŋwéʼeme ndzó ŋwéʼe Mǔsê pwɛ ghaŋátsɔ́kpaŋató Mboʼmvé nɛ́, pwɛ pɛ ndzó ŋwéʼe Zɔ́bɔnse ŋkyé ya nɛ́, yúŋú.» 45Néré Yěsô ŋáʼ zé tó yɔ́b ŋgâ pɔ́b zóʼ Ŋwéʼe Mboʼmvé. 46Á ntsɔ́ ne pɔ́b ŋgâ: «Njʉ́ pé kɛ ŋwéʼe nɛ́: “Kristo kʉ́yó zhʉ́ ŋgəʼo, zhyémvé pékyéd ghɛ́ ndzáʼá, zhʉyɛ́ ne vó. 47Ndzyěne pwó pɔŋ pɛ pɔ́b ndzó mbɛ́lʉ́ŋ Yerʉ́salɛm nɛ́ tɛ mbáŋá pwó mvémvé náá”, pé cʉ́rɛ ne tíí yé ŋgâ: “Puŋ séd mbziʼe yuŋ, Mboʼmvé máʼ vɔ̌no yuŋ!” 48Puŋ ghaŋákpééntáŋ meno péré. 49Ŋgɛmbɛ ne mo, mə twɔ́ Zhʉye Yáŋme yɛ́ Mboʼmvé Tɛd ya, kɛ kaʼ nɛ́, mbəb puŋ. Ntsʉʼmbé puŋ tsʉ́ʼɔ ndzó mbɛ́lʉ́ŋ kaʼatɛ tʉ̌ŋ twɔ́ pépéé ŋkúŋɔ mbəb puŋ.»
Yěsô kɔ́ʼɔ́ pépéé
50Njʉ́ Yěsô kɛ nsó néré nɛ́, a yɔ́ɔ́ ŋgíŋgye pé pú pɔ́b ghú pfúŋɔ́ yáʼ Betáni. Á ŋkʉ́rʉ́ mbwó mé níŋi mbúru mbəb pɔ́b. 51Ŋkhoʼyɛ́ a kɛ níŋi mbúrú mbəb pɔ́b nɛ́, a ntéé wɔ́b kɔ́ʼɔ́ pépéé. 52Néré ŋgíŋgye pé tə́d kwéʼe mɔ́b ŋgúʼɔ wé, mbód yɔ́b ndzó mbɛ́lʉ́ŋ Yerʉ́salɛm ne ndebéne zááme. 53Ŋkɔŋɔ ŋkhoʼ náá, pɔ́b ké mbɛ́ɛ́ Ndámboʼmvé, nzɔbɔnse ŋguʼɔ wé.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល