Zhâŋ Tónsó cʉrí sʉ́ʼʉ Yěsô Kristo yɛ́ Zhâŋ kɛ ŋwéʼe nɛ́
Tónsó cʉrí sʉ́ʼʉ Yěsô Kristo yɛ́ Zhâŋ kɛ ŋwéʼe nɛ́
Ŋkəŋ sʉ́ʼʉ yɛ́ Zhâŋ kɛ ŋwéʼe nɛ́, mbɛ́rɛ́ yíkwa ndzɔ́ʼɔ́ pɛ ŋkəŋ sʉ́ʼʉ. Mbziʼe yɛ́ a ŋwéʼéme nɛ́, ke mbɛ́ɛ́ yé zhǐ. Zhâŋ ŋwéʼe pɛ meno pɛ́ Yěsô kɛ zhyɛ́ ne ndebéne pasəka pɛ Yuda nɛ́ yíkyéd, mbó ŋwéʼe ŋgâ Yěsô kɛ kʉ́yó mbɛ́lʉ́ŋ Yerʉ́salɛm kɛɛ zááme. Ntsʉ́ʼŋgɛmbɛ pecyó ghaŋá ncʉrɛ́ ŋkəŋ sʉ́ʼʉ (Matʉyo, Máákuusə pú Lúkaasə) ŋwɛʼɛ yɔ́b pe ndaʼ taʼ kɛɛ.
A ndzó ŋwéʼe Zhâŋ, pe záá njʉ́ pɛ ndíí nsó njʉ́ «kiŋi» pú «ŋkhoʼmvé» nɛ́, ŋkyé ŋgâ Zhâŋ zhʉ́ yé ŋgâ Yěsô kiŋi yɛ́ Mboʼmvé kɛ twɔ́ ne nyóʼne ŋkhoʼmve yé nɛ́. Zhâŋ zé mbó ŋwéʼe ŋgâ: «Mboʼmvé ndzáʼá mbəb pɛ Yuda kpê pɔŋ» (Zhâ 4:22), ŋkyé ŋgâ, a kémbó kaʼa ndaʼ ŋwéʼe Mǔsê ŋkaʼa Yěsô pó, ntsʉʼmbé, a kaʼa ŋkɔŋɔ ŋwéʼe pɛ Yuda náá.
A kɛ ŋwéʼé wɔ̂ ŋwéʼe ncʉri sʉ́ʼʉ yɔŋ?
A Zhâŋ, Mɔ́ŋ Zebede, wɛ́ a kɛ pe méŋkho Yěsô nɛ́, mbé ŋɔŋ wɛ́ a ŋwéʼe yɔŋ ŋkəŋ sʉ́ʼʉ nɛ́. A ndzó póʼ ŋwéʼe yɔŋ, a záá fû tómbəb yé pe ne «meŋkhó wɛ́ Yěsô kɛ kʉyě nɛ́.» Zhâŋ kɛ ŋwéʼé ŋkəŋ yɔŋ pe ne ywɔ́ ŋgǒʼmvé 85 kii ŋgâ ŋgǒʼmvé 90 kɛ́ʼɛ́.
A kɛ ŋwéʼɛ́ pwó wɔ̂? A kɛ ŋwéʼe ŋkyé kɔ́?
Pecyó ghaŋá kpaŋató ne no Mboʼmvé tsɔ́ ŋgâ a kɛ pɛ ne ndzyě yé, Zhâŋ ŋwɛʼɛ pwó pǔkristo pɛ́ pɔ́b kɛ pe pɔ́ŋ pɛ Yuda nɛ́, náʼá ŋáá ntsó yɔ́b pe ndzó ŋgɔŋ twɔ́tɔ́b, tsʉ́ʼŋgɛmbɛ taŋa yɔ́b pe sáá tɛ ŋgaʼ pó. Zhâŋ yɔ́ɔ́ pɛ kiŋi zááme ne ŋgyɛ̌ne ŋgâ psyɛ́ndzɔʼ yɔ́b shí mbəb Yěsô, wɛ́ a Kristo mbó mbé Mɔ́ŋ Mboʼmvé nɛ́. Pwó pɔŋ pɛ́ pɔ́b ŋkʉ́yó fû nɛ́, Zhâŋ ŋwɛʼɛ ne nyǒʼne ne pɔ́b ŋgâ Yěsô Mɔ́ŋ Mboʼmvé. Néré, ŋkɔŋɔ pɔŋ pɛ́ pɔ́b psyɛ wé ne taʼ ndzɔʼ nɛ́ ŋkʉ́yó ntsɛʼɛ tsómvé ŋeŋáŋ.
Pé ntsɔ̂ ŋgâ kɔ́ ndzó ŋwéʼe Zhâŋ?
Mbɛrɛ ŋkəŋ sʉ́ʼʉ yíkwa yɔŋ tɛbɛ meno pɛ a kɛ záʼ, féré njʉ́ Zhâŋ ŋgaŋafɛ́ kpênse kɛ ndzyě fáʼ yé nɛ́, tɛ mbáŋa njʉ́ Yěsô kɛ zaʼa ndúŋú ŋgʉŋʉ ŋkúŋɔ́ ndzɔ́ʼɔ́ ghɛ́ɛ́ Tɛd nɛ́. Zhâŋ ké mbó nyoʼo Yěsô pe njʉ́ Mɔ́ŋ ŋɔŋ nɛ́ pó. A kémbó nyoʼo wé pe njʉ́ Mɔ́ŋ Mboʼmvé wɛ́ a kɛ tsi pépéé ne fɛ́ne zɛ́ no pwó ŋkɔ́ŋɔ́ pɔŋ pɛ́ pɔ́b tsɛʼɛ psyɛ́ndzɔʼ nɛ́, kɛ́ʼɛ́ ŋgâ pwɛ Mboʼmvé Tɛd yé, nzwə́ré ŋkhú taʼ yé. Ŋkyé ŋgâ a zɛ́ no yéré, pwɛ ndzwə́rene (tobne) yéré mbé ndáá tsómvé, mbó mbé tsomve ŋeŋáŋ. Zhâŋ zé ŋgâ tɛɛmbɛ ŋɔŋ ŋuməsɔŋ pe kpê mbəb yé ne tómbəb, nyí mbɛ́rɛ́ Mboʼmvé pó. A tséʼé Mboʼmvé tséʼé kəŋe ŋkyé pɔŋ pé, séd ntsʉʼ ŋuməsɔŋ, shʉyí mbɛ́rɛ́ wɔ́b, pwɛ pɔ́b tsʉʼ taʼ yɔ́b, kɛ́ʼɛ́ ne mkpêne wɔ́b, mbó tsyaŋ pwó yé fɛ pwó pɔŋ pɛ́ pɔ́b kɛ pwó pwó nɛ́, mbó fɛ tsómvé ŋeŋáŋ ne pɔ́b. Ŋgɛ́ ŋkhú ne cyó ndzaʼ yé, Zhâŋ ŋwéʼé pɛ shʉrɛ́meno zááme pɛ Yěsô kɛ zhyɛ́ nɛ́, kɛ́ʼɛ́ ne nyǒʼne pwó pɔŋ pɛ́ pɔ́b tséʼé psyɛ́ndzɔʼ ŋgâ pɔ́b yǎ ndúŋú ndzé ŋgâ Yěsô kpáʼá kristo wɛ́ Mǔsê pwɛ ghaŋátsɔ́kpaŋató Mboʼmvé kɛ kaʼ nɛ́.
Mbziʼe njʉ́ Zhâŋ kɛ ntéŋé ŋwéʼe yé ntíí nɛ́
Zhâŋ ntsúŋú Ŋwéʼe yé pe kaʼa:
Ywoʼ yɛ́ Yěsô Mɔ́ŋ Mboʼmvé kɛ twɔ́ nɛ́: 1:1-51
Ntʉ́ʉ́ pwɛ faʼa pɛ Yěsô kɛ faʼ nɛ́: 2:1–12:50
Njʉ́ Yěsô kɛ pfɔ̂ nɛ́ pwɛ njʉyɛ́ne mé ne vó: 13:1–21:25.
ទើបបានជ្រើសរើសហើយ៖
Zhâŋ Tónsó cʉrí sʉ́ʼʉ Yěsô Kristo yɛ́ Zhâŋ kɛ ŋwéʼe nɛ́: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Zhâŋ Tónsó cʉrí sʉ́ʼʉ Yěsô Kristo yɛ́ Zhâŋ kɛ ŋwéʼe nɛ́
Tónsó cʉrí sʉ́ʼʉ Yěsô Kristo yɛ́ Zhâŋ kɛ ŋwéʼe nɛ́
Ŋkəŋ sʉ́ʼʉ yɛ́ Zhâŋ kɛ ŋwéʼe nɛ́, mbɛ́rɛ́ yíkwa ndzɔ́ʼɔ́ pɛ ŋkəŋ sʉ́ʼʉ. Mbziʼe yɛ́ a ŋwéʼéme nɛ́, ke mbɛ́ɛ́ yé zhǐ. Zhâŋ ŋwéʼe pɛ meno pɛ́ Yěsô kɛ zhyɛ́ ne ndebéne pasəka pɛ Yuda nɛ́ yíkyéd, mbó ŋwéʼe ŋgâ Yěsô kɛ kʉ́yó mbɛ́lʉ́ŋ Yerʉ́salɛm kɛɛ zááme. Ntsʉ́ʼŋgɛmbɛ pecyó ghaŋá ncʉrɛ́ ŋkəŋ sʉ́ʼʉ (Matʉyo, Máákuusə pú Lúkaasə) ŋwɛʼɛ yɔ́b pe ndaʼ taʼ kɛɛ.
A ndzó ŋwéʼe Zhâŋ, pe záá njʉ́ pɛ ndíí nsó njʉ́ «kiŋi» pú «ŋkhoʼmvé» nɛ́, ŋkyé ŋgâ Zhâŋ zhʉ́ yé ŋgâ Yěsô kiŋi yɛ́ Mboʼmvé kɛ twɔ́ ne nyóʼne ŋkhoʼmve yé nɛ́. Zhâŋ zé mbó ŋwéʼe ŋgâ: «Mboʼmvé ndzáʼá mbəb pɛ Yuda kpê pɔŋ» (Zhâ 4:22), ŋkyé ŋgâ, a kémbó kaʼa ndaʼ ŋwéʼe Mǔsê ŋkaʼa Yěsô pó, ntsʉʼmbé, a kaʼa ŋkɔŋɔ ŋwéʼe pɛ Yuda náá.
A kɛ ŋwéʼé wɔ̂ ŋwéʼe ncʉri sʉ́ʼʉ yɔŋ?
A Zhâŋ, Mɔ́ŋ Zebede, wɛ́ a kɛ pe méŋkho Yěsô nɛ́, mbé ŋɔŋ wɛ́ a ŋwéʼe yɔŋ ŋkəŋ sʉ́ʼʉ nɛ́. A ndzó póʼ ŋwéʼe yɔŋ, a záá fû tómbəb yé pe ne «meŋkhó wɛ́ Yěsô kɛ kʉyě nɛ́.» Zhâŋ kɛ ŋwéʼé ŋkəŋ yɔŋ pe ne ywɔ́ ŋgǒʼmvé 85 kii ŋgâ ŋgǒʼmvé 90 kɛ́ʼɛ́.
A kɛ ŋwéʼɛ́ pwó wɔ̂? A kɛ ŋwéʼe ŋkyé kɔ́?
Pecyó ghaŋá kpaŋató ne no Mboʼmvé tsɔ́ ŋgâ a kɛ pɛ ne ndzyě yé, Zhâŋ ŋwɛʼɛ pwó pǔkristo pɛ́ pɔ́b kɛ pe pɔ́ŋ pɛ Yuda nɛ́, náʼá ŋáá ntsó yɔ́b pe ndzó ŋgɔŋ twɔ́tɔ́b, tsʉ́ʼŋgɛmbɛ taŋa yɔ́b pe sáá tɛ ŋgaʼ pó. Zhâŋ yɔ́ɔ́ pɛ kiŋi zááme ne ŋgyɛ̌ne ŋgâ psyɛ́ndzɔʼ yɔ́b shí mbəb Yěsô, wɛ́ a Kristo mbó mbé Mɔ́ŋ Mboʼmvé nɛ́. Pwó pɔŋ pɛ́ pɔ́b ŋkʉ́yó fû nɛ́, Zhâŋ ŋwɛʼɛ ne nyǒʼne ne pɔ́b ŋgâ Yěsô Mɔ́ŋ Mboʼmvé. Néré, ŋkɔŋɔ pɔŋ pɛ́ pɔ́b psyɛ wé ne taʼ ndzɔʼ nɛ́ ŋkʉ́yó ntsɛʼɛ tsómvé ŋeŋáŋ.
Pé ntsɔ̂ ŋgâ kɔ́ ndzó ŋwéʼe Zhâŋ?
Mbɛrɛ ŋkəŋ sʉ́ʼʉ yíkwa yɔŋ tɛbɛ meno pɛ a kɛ záʼ, féré njʉ́ Zhâŋ ŋgaŋafɛ́ kpênse kɛ ndzyě fáʼ yé nɛ́, tɛ mbáŋa njʉ́ Yěsô kɛ zaʼa ndúŋú ŋgʉŋʉ ŋkúŋɔ́ ndzɔ́ʼɔ́ ghɛ́ɛ́ Tɛd nɛ́. Zhâŋ ké mbó nyoʼo Yěsô pe njʉ́ Mɔ́ŋ ŋɔŋ nɛ́ pó. A kémbó nyoʼo wé pe njʉ́ Mɔ́ŋ Mboʼmvé wɛ́ a kɛ tsi pépéé ne fɛ́ne zɛ́ no pwó ŋkɔ́ŋɔ́ pɔŋ pɛ́ pɔ́b tsɛʼɛ psyɛ́ndzɔʼ nɛ́, kɛ́ʼɛ́ ŋgâ pwɛ Mboʼmvé Tɛd yé, nzwə́ré ŋkhú taʼ yé. Ŋkyé ŋgâ a zɛ́ no yéré, pwɛ ndzwə́rene (tobne) yéré mbé ndáá tsómvé, mbó mbé tsomve ŋeŋáŋ. Zhâŋ zé ŋgâ tɛɛmbɛ ŋɔŋ ŋuməsɔŋ pe kpê mbəb yé ne tómbəb, nyí mbɛ́rɛ́ Mboʼmvé pó. A tséʼé Mboʼmvé tséʼé kəŋe ŋkyé pɔŋ pé, séd ntsʉʼ ŋuməsɔŋ, shʉyí mbɛ́rɛ́ wɔ́b, pwɛ pɔ́b tsʉʼ taʼ yɔ́b, kɛ́ʼɛ́ ne mkpêne wɔ́b, mbó tsyaŋ pwó yé fɛ pwó pɔŋ pɛ́ pɔ́b kɛ pwó pwó nɛ́, mbó fɛ tsómvé ŋeŋáŋ ne pɔ́b. Ŋgɛ́ ŋkhú ne cyó ndzaʼ yé, Zhâŋ ŋwéʼé pɛ shʉrɛ́meno zááme pɛ Yěsô kɛ zhyɛ́ nɛ́, kɛ́ʼɛ́ ne nyǒʼne pwó pɔŋ pɛ́ pɔ́b tséʼé psyɛ́ndzɔʼ ŋgâ pɔ́b yǎ ndúŋú ndzé ŋgâ Yěsô kpáʼá kristo wɛ́ Mǔsê pwɛ ghaŋátsɔ́kpaŋató Mboʼmvé kɛ kaʼ nɛ́.
Mbziʼe njʉ́ Zhâŋ kɛ ntéŋé ŋwéʼe yé ntíí nɛ́
Zhâŋ ntsúŋú Ŋwéʼe yé pe kaʼa:
Ywoʼ yɛ́ Yěsô Mɔ́ŋ Mboʼmvé kɛ twɔ́ nɛ́: 1:1-51
Ntʉ́ʉ́ pwɛ faʼa pɛ Yěsô kɛ faʼ nɛ́: 2:1–12:50
Njʉ́ Yěsô kɛ pfɔ̂ nɛ́ pwɛ njʉyɛ́ne mé ne vó: 13:1–21:25.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល