Lúkaasə 23
23
Yěsô síŋ Piláto
(Mat 27:2; 27:11-14; Máá 15:1-5)
1Njʉ́ yéré no kɛ záʼ nɛ́, ŋkɔŋɔ mɛ́ndzɔŋ wéré náá gbáá Yěsô, pú pɔ́b ghú síŋ ŋgɔ́bmenaʼ Piláto. 2Mbáŋá yóʼó, sɔ́bɔ́ wé pwó Piláto, tíípaŋ tó yé ŋgâ: «Psi zhʉ́ ŋɔŋ wɔŋ a máʼ vaʼ tsetsɛrɛ ŋgɔŋ psi. Á kiri ŋgâ kii pé ndɛ mbéé sebe pwó fɔŋ pɛ Roma. Á ntsɔ́ ŋgâ tómbəb yé Kristo mbó mbé fɔŋ.» 3Piláto psirɛ́ Yěsô ŋgâ: «Wo fɔŋ pɛ Yúda?» Yěsô pɔ́rɔ́ pwó yé ŋgâ: «Njʉ́ wo nsó nɛ́.» 4Piláto ntsɔ́ pwó pɛ ntsɛ́ssó ghaŋáshʉ́ pwɛ pɛ pɔŋ pɛ́ pɔ́b kɛ pɛ yóʼó nɛ́ ŋgâ: «Mə zhʉ́ yɔ́b yɛ́ ŋɔŋ wɔŋ ŋgyɛ́ tɛ a ké ŋkúʼɔ́ ŋgâ pé fúŋɔ́ wé nɛ́ pó.» 5Ntsʉʼmbé, pɔŋ ké fɛ́rɛ́ wé fɛ́d ne nsó ŋgâ: «A ntsɔ́ ŋgâ pɔŋ vaʼ ŋgɔŋ ŋkhoʼyɛ́ a fɛ́ ntʉ́ʉ́ nɛ́. A kɛ ndzyě no yéré pe ndzó pɛ́rɛ́ ŋgɔŋ Galílya pwɛ ŋkɔŋɔ pɛ́rɛ́ ŋgɔŋ Zhʉde náá. A kiʼi kʉ́yó núŋ ghaŋ ŋkhoʼyɔŋ.»
Yěsô síŋ Erodə
6Njʉ́ Piláto kɛ zóʼ nsó wéré nɛ́, a psírí ŋgâ: «Ŋɔŋ wɔŋ, ŋɔŋ pɛ́rɛ́ ŋgɔŋ Galílya?» 7Pé pɔ́rɔ́ pwó yé ŋgâ Yěsô ŋɔŋ Galílya. Fɔŋ Erodə kɛ pé ntsɛ́ssó pɛ ŋgɔ́bmenaʼ ndzó pɛ́rɛ́ ŋgɔŋ yéré. Tómbəb yé kɛ pɛ́ Yerʉ́salɛm ŋkhoʼyéré. Néré Piláto twɔ́ Yěsô ywoʼ yé. 8Erodə kɛ zóʼ meno pɛ Yěsô kɛ zhyɛ́ nɛ́, ntáʼá féré zhyémvé ne njʉ́ne wé. Ŋkhoʼyɛ́ a kɛ zhʉ́ wé nɛ́, ndzɔʼ yé yáŋ kaʼatɛ. Ŋkyé ŋgâ a kɛ shʉ́rɛ ŋgâ a ŋgyɛ́ taʼ shʉrɛ́no síŋ yé. 9Á psírí meno zááme pwó yé, ntsʉʼmbé Yěsô pé pod cyó pó. 10Pɛ ntsɛ́ssó ghaŋáshʉ́ pwɛ pɛ ghaŋákeʼekaŋ kɛ ké kʉ́yó yɔ́b ywoʼ Erodə, ntáŋá wé ne zhʉye ntʉ̌ŋme. 11Erodə pwɛ pɛ káŋató cyóʼ mbó tó Yěsô. Ndɔ́ɔ́ ndzwé ndɔb gbéé mbəb yé, twɔ́ wé ywoʼ Piláto. 12Á kɛ ghɛmbɛ, Erodə pé tsé ntsɔ́ ndzóʼó pú Piláto pó. Zhyémve yéré, pɔ́b ŋkhú pesɔŋ.
Pé tséé fiʼ ŋgâ pé nɔ́ʼɔ́ Yěsô
13Piláto téré pɛ ntsɛ́ssó ghaŋáshʉ́, pɛ ŋgəkod pwɛ pumésɔŋ, 14ntsɔ́ ne pɔ́b ŋgâ: «Puŋ ghɛ́ twɔ́ ŋɔŋ wɔŋ ne mo nsó ŋgâ, á kiri ŋgâ pɔŋ ndɛ nyi ndúŋú mɛndɔ́b ŋgerɛ́ŋged! Mə kii mvirɛ wé síŋ puŋ njʉ́ ŋgâ puŋ sɔbɔ wé pe ndzəndzóʼ, ŋkyé ŋgâ mo, mə njʉ́ yɔ́b yɛ́ a zhyɛ́ tɛ a ké ŋkúʼɔ ŋgâ pé fúŋɔ́ wé nɛ́ pó. 15Mbɛ Erodə ké mbé zhʉ́ yé cyó vɔ̌no pwó yé pó, ŋkyé ŋgâ a ké mbó núʼɔ́ wé ne piŋi. Ŋɔŋ wɔŋ zhyɛ́ kɔ́ tɛ a nzɔŋɔ ŋgâ pé nɔ́ʼ wé? 16Á zhyɛ́ yéré mə ŋgɛ ŋgyɛ́ pé gbíí wé, mə ntéé wé.» 17[Á kɛ pɛ ne ŋkɔŋɔ ndebéne Pásəka pɛ Yuda náá, a zɔŋɔ ŋgâ Piláto túbú taʼ ŋgaŋántsáŋ ndábtsáŋ fɛ́ ne pɔ́b.#23:17 Pecyó zuŋ ŋwéʼe pó tíí yɔŋ ŋkaŋ pe ghaŋ, ndáá mbəb Máá 15:6 kii ŋgâ Mat 27:15Á kɛ pɛ ne ŋkɔŋɔ ndebéne Pásəka pɛ Yuda náá, a zɔŋɔ ŋgâ Piláto túbú taʼ ŋgaŋántsáŋ ndábtsáŋ fɛ́ ne pɔ́b.]
(Mat 27:15-26; Máá 15:6-15)
18Njʉ́ Piláto kɛ táʼá ntubɔ́ Yěsô nɛ́, ŋkɔŋɔ pɔŋ náá ghéʼ, nsó ŋgâ: «Nɔ́ʼ wé! Túbɔ́ Barabasə fɛ́ ne psi.» 19Barabasə kɛ kúŋú tsáŋ ŋkyé ŋgâ a kɛ nɔ́ʼ ŋɔŋ mbó máʼ vaʼ mbɛ́lʉ́ŋ ne ndzǔne pɛ Roma. 20Piláto ké mbó ntsɔ́ pwó pɔŋ ŋgâ a zɔŋɔ ntéé Yěsô. 21Ntsʉʼmbé pɔ́b ké ŋgéʼé ghéʼé ŋgâ: «Kpii wé ndúŋú ŋgʉŋʉ! Ké kpii wé kpii ndúŋú ŋgʉŋʉ!» 22Piláto ké mbó nsó mbɛ́rɛ́ yíkyéd ŋgâ: «Ŋɔŋ wɔŋ zhyɛ́ yɛ́rɛ́ no kəpɔŋ? Mə zhʉ́ cyó yɔ́b yɛ́ a zhyɛ́ kaʼatɛ a nzɔŋɔ ŋgâ pé nɔ́ʼɔ́ wé nɛ́ pó. A zhyɛ́ yéré mə ŋgɛ ŋgyɛ́ pé gbíí wé, mə ntéé wé.» 23Ntsʉʼmbé pɔŋ ké ŋgéʼé ghéʼé ne tʉ̌ŋ ŋgâ: «Kpii wé ndúŋú ŋgʉŋʉ! Kpii wé ndúŋú ŋgʉŋʉ!» Pɔ́b kɛ ghéʼ tɛ wɛ́d yɔ́b séé. 24Néré, Piláto sɛ́ɛ́ ŋgâ, no yɛ́ pɔŋ psírí nɛ́, a ŋgyɛ́. 25A túbú Barabasə wɛ́ pɔ́b kɛ psírí nɛ́. Ŋɔŋ wɛ́ a kɛ ŋkúŋú tsáŋ ŋkyé ŋgâ a kɛ nɔ́ʼ ŋɔŋ mbó máʼ vaʼ nɛ́. Ŋgɛ ŋkhu ne Yěsô, a fɛ́ wé pwó pɔŋ ŋgâ pɔ́b zhyɛ́ ne yé njʉ́ pɔ́b kʉyě nɛ́.
Pé ghu ne Yěsô ne nɔ̌ʼne
(Mat 27:32; Máá 15:21)
26Njʉ́ pɔ́b kɛ yɔ́ɔ́ wé ŋgú ne yé nɛ́, pwɛ Símo, taʼ ŋɔŋ Sirɛnə séré. A kɛ ŋkhû mpfuŋ. Pɛ káŋató gbáá wé ŋgâ a péʼ ŋgʉŋʉ ntsʉʼ ndzəb Yěsô núŋ. 27Pɔŋ zááme kɛ ntsʉʼɔ́ ndzəb Yěsô. Pěŋgyé tsúŋɛ mbó ŋkhɔ ŋkyé wé. 28Yěsô séd mbəb yé, ntsɔ́ ne pɔ́b ŋgâ: «Pěŋgyé mbɛ́lʉ́ŋ Yerʉ́salɛm, kii puŋ ndɛ ŋkhɔ ŋkyé pe ya! Puŋ khó ŋkyé tómbəb yúŋ pwɛ pɔ́ŋ púŋ! 29Zhyémve tsé kʉ́yó yɛ́ pé ntsɔ́ ŋgâ mbéne sʉ́ʼʉ pwó zíŋ pěŋgyé nɛ́, pɛ́ pɔ́b kâ kɛ pfɛ́ nɛ́ pó, ké mbó mbé núŋú Mɔ́ŋ nɛ́ pó! 30Puŋ kʉ́yó ntsɔ̂ pɛ ŋkə́ŋ ŋgâ: “Vɔ́ mbəb psi!” Mbó ntsɔ̂ pɔ́ŋ ŋkə́ŋ ŋgâ: “Puŋ pwɔ́ ywí!” 31ŋkyé ŋgâ, á pɛ́ɛ́ yɛ́ pé ŋgyɛ́ kaʼa ndúŋú nsó fwó nɛ́, pé ndɛ ŋgyɛ́ níŋ ne nsó zəbé?» 32Á kɛ ghɛ́ɛ́ gháŋagháŋ pépáá pe pwɛ Yěsô, pe ghú ne nɔ̌ʼne wɔ́b.
Pe kpíí Yěsô ndúŋú ŋgʉ́ŋʉ
(Mat 27:33-44; Máá 15:22-32)
33Ŋkhoʼyɛ́ pɔ́b kɛ paŋa ndzó ywoʼ yɛ́ pé fú ne Ghəʼɛtó nɛ́, pé kpáŋa tó nné kpíí Yěsô ndúŋú ŋgʉŋʉ. Kpíí gháŋagháŋ pépáá pɛ́ ŋkʉ́rʉ́, taʼ yé pɛ ne ndzaʼ pwó Yěsô yé maʼ, cyó ne ndzaʼ pwó yé yé ŋkʉbi. 34Yěsô nsó ŋgâ: «Tɛd ya, máʼ vɔ̌no ndɔ́ɔ́ wɔ́b. Ŋkyé ŋgâ pɔ́b zɛ́ no yɛ́ pɔ́b ŋgyɛ́ nɛ́ pó.» Pɛ́ káŋató péré máʼ pɛ́d ne ŋgǒbne ndzwé pé tsetsɛrɛ pɔ́b. 35Pɔŋ pɛ́ pɔ́b kɛ pɛ́ yóʼó nɛ́ tíŋɛ. Ghəkód pɛ Yuda ntúŋɔ Yěsô ntsɔ́ ŋgâ: «A kɛ mkpéé pecyó pɔŋ. Mbéyɛ́ a Kristo wɛ́ Mboʼmvé twɔ́ nɛ́, Mbéyɛ́ a ŋɔŋ wɛ́ Mboʼmvé tsɔ́ʼ nɛ́, a kpê tómbəb yé!» 36Pɛ káŋató kɛ ké ntúŋɔ yɔ́b Yěsô, ndɔ́ɔ́ yoʼcʉyǒme ne fɛ́ne pwó yé, nsó ŋgâ: 37«A pɛ́ yɛ́ wo fɔŋ pɛ Yúda nɛ́, wo mkpéé mbəb yo ne tómbəb wo!» 38Pe kɛ ŋwéʼɛ ndúŋú taafrəre, kpíí ndúŋú tó ŋgʉŋʉ Yěsô, ŋgâ: «Yɔŋ Fɔŋ pɛ Yúda.»
39Cyó taʼ gháŋ wɛ́ pé ké kpii wé pwɛ pɔ́b nɛ́, tó Yěsô ntsɔ́ ŋgâ: «Wo Kristo pɔɔ? Kpéé mbəb wo ne tómbəb yo, mbó kpê ywí!» 40Ntsʉʼmbé cyó gháŋ psirɛ́ wé ŋgâ: «Wo ndzyě mbé tséʼé pɔ́ɔ́ Mboʼmvé ŋkɔ́ŋ pɔɔ? ŋkyé ŋgâ púŋ ŋɔŋ wɔŋ tséʼé taʼ mbziʼe ŋgəʼo. 41No yɛ́ pé ghyɛ́ mbəb paʼa ŋkhoʼyɔŋ nɛ́, a ŋgerɛ́ŋged. Ɔ́ŋɔ́, paʼa kpê yɔ́b yɛ́ a kúʼɔ́ ne ŋgyɛ́ máʼá nɛ́. Ghɛmbɛ́ ne yé, a ŋgyɛ́ cyó no kəpɔŋ po!» 42Mbó ntsɔ́ pwó Yěsô ŋgâ: «Yěsô, kpáŋá ya ŋkhoʼyɛ́ wo náʼá kʉ́yó njʉ́ fɔŋ nɛ́.» 43Yěsô pɔ́rɔ́ pwó yé ŋgâ: «Sísíŋ, mə ntsɔ́ pwó wo, ndzebé, paʼa mbɛ ndzó paradisə.»
Ŋkhoʼyɛ́ Yěsô kɛ pfɔ̂ nɛ́
(Mat 27:45-56; Máá 15:33-41)
44Á kɛ pɛ́ ne ntʉ̌ŋménab, ménab tsébé ne ndáŋne. Ntsuʼ síŋ ndzó ŋkɔŋɔ ŋgɔŋ náá kaʼatɛ nɔ́b yíkyéd ŋkuʼu. 45Njʉ́ ménab kɛ pwó nɛ́, pɛ́rɛ́ ywɔ̌ndzwé yɛ́ pé kɛ cʉ, mbwɔ́ ywoʼɔ́ze yé yáŋme yɛ́ ndáb Mboʼmvé nɛ́, ŋgbɛd tsetsɛrɛ twɔ́ yípáá. 46Yěsô ghéʼ ne tʉ̌ŋ, nsó ŋgâ: «Tɛd ya, mə núʼú Zhʉye ya ndzó pwó wo.» Njʉ́ a kɛ ké nsó néré nɛ́, a pfɔ̂. 47Ŋkhoʼyɛ́ ntsɛ́ssó mkpǐ káŋató pɛ Roma kɛ zhʉ́ no yɛ́ a kɛ záʼ nɛ́, a ŋgúʼɔ Mboʼmvé ntsɔ́ ŋgâ «Sísíŋ! Ŋɔŋ wɔŋ kɛ pé ŋɔŋ ŋgerɛ́ŋged!» 48Njʉ́ ŋkɔŋɔ pɔŋ pɛ́ pɔ́b kɛ pɛ́ yóʼó nɛ́ kɛ zhʉ́ no yɛ́ a kɛ záʼ nɛ́, pɔ́b pod ndzəb ne ntsúŋine. 49Ŋkɔŋɔ pésɔŋ Yěsô náá pwɛ pěŋgyé pɛ́ pɔ́b kɛ zɔŋɔ wé féré pɛ́rɛ́ ŋgɔŋ Galílya nɛ́, kɛ ntsɛ́ yɔ́b pé ntáŋá sesɛ, ndiŋɛ́ yɔ́b yɛ́ a kɛ záʼá nɛ́.
Yesə́b tsʉ́ pfɔ́ Yěsô
(Mat 27:57-61; Máá 15:42-47)
50-51Taʼ ŋɔŋ mbɛ́lʉ́ŋ pɛ Yúda yɛ́ pé kɛ fú ne Arimate nɛ́, kɛ pɛ yóʼó tíí pé Yesə́b. A tséʼé ndzɔʼ sʉ́ʼʉ, mbé taʼ ŋɔŋ ŋgerɛ́ŋged wɛ́ a kɛ nzwəʼɛ Nofɔŋ Mboʼmvé yɛ́ a kʉ́yó nɛ́. Mbɛ njʉ́ a kɛ pɛ́ ndzɔ́ʼɔ́ ghaŋásábáfiʼ nɛ́, a pó psyɛ́ mbziʼe yɛ́ pe kɛ tséé fiʼ Yěsô nɛ́ pó, kii pó mbzyɛ́ no yɛ́ ghaŋásábáfiʼ kɛ nsó ŋgâ pé ŋgyɛ́ mbəb Yěsô nɛ́ pó. 52Yesə́b wéré ghú pfúŋɔ́ Piláto mviri pfɔ́ Yěsô. 53Njʉ́ Yesə́b kɛ shʉ́ʼí pfɔ́ Yěsô ndúŋú ŋgʉŋʉ nɛ́, a pwɛ wé ndzó ndzwé ŋgú níŋɛ wé ndzó taʼ syé yɛ́ pe kɛ ntsú ndzɔ́ʼɔ́ yɛ́d ŋgɔʼ nɛ́. Pé kâ kɛ ywʉ́ʼɔ́ ŋɔŋ ndzó sye yéré pó. 54A kɛ pé taʼ zhyémvé ntsuŋɔ mɔ́b, ŋgɛ́ɛ́ zhyéze pɛ Yuda tsé kʉ́yó. 55Pěŋgyé pɛ pɔ́b kɛ zɔŋɔ Yěsô féré pɛ́rɛ́ ŋgɔŋ Galílya nɛ́, kɛ ghú pwɛ Yesə́b. Pɔ́b zhʉ́ sye yé, mbó ndiŋɛ́ njʉ́ pé kɛ núŋɔ́ Yěsô nɛ́. 56Ŋkhoʼyéré pɔ́b pɔ́rɔ́ ywoʼ pɔ́b, tsúŋú vód pwɛ vód tswɔtwɔ́ ne nuʼne pfɔ́ Yěsô núŋ.
(Mat 28:1-9; Máá 16:1-8)
Pɔ́b kɛ pé faʼ zhyéze pó njʉ́ kaŋ kɛ ntsɔ́ nɛ́.
ទើបបានជ្រើសរើសហើយ៖
Lúkaasə 23: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 23
23
Yěsô síŋ Piláto
(Mat 27:2; 27:11-14; Máá 15:1-5)
1Njʉ́ yéré no kɛ záʼ nɛ́, ŋkɔŋɔ mɛ́ndzɔŋ wéré náá gbáá Yěsô, pú pɔ́b ghú síŋ ŋgɔ́bmenaʼ Piláto. 2Mbáŋá yóʼó, sɔ́bɔ́ wé pwó Piláto, tíípaŋ tó yé ŋgâ: «Psi zhʉ́ ŋɔŋ wɔŋ a máʼ vaʼ tsetsɛrɛ ŋgɔŋ psi. Á kiri ŋgâ kii pé ndɛ mbéé sebe pwó fɔŋ pɛ Roma. Á ntsɔ́ ŋgâ tómbəb yé Kristo mbó mbé fɔŋ.» 3Piláto psirɛ́ Yěsô ŋgâ: «Wo fɔŋ pɛ Yúda?» Yěsô pɔ́rɔ́ pwó yé ŋgâ: «Njʉ́ wo nsó nɛ́.» 4Piláto ntsɔ́ pwó pɛ ntsɛ́ssó ghaŋáshʉ́ pwɛ pɛ pɔŋ pɛ́ pɔ́b kɛ pɛ yóʼó nɛ́ ŋgâ: «Mə zhʉ́ yɔ́b yɛ́ ŋɔŋ wɔŋ ŋgyɛ́ tɛ a ké ŋkúʼɔ́ ŋgâ pé fúŋɔ́ wé nɛ́ pó.» 5Ntsʉʼmbé, pɔŋ ké fɛ́rɛ́ wé fɛ́d ne nsó ŋgâ: «A ntsɔ́ ŋgâ pɔŋ vaʼ ŋgɔŋ ŋkhoʼyɛ́ a fɛ́ ntʉ́ʉ́ nɛ́. A kɛ ndzyě no yéré pe ndzó pɛ́rɛ́ ŋgɔŋ Galílya pwɛ ŋkɔŋɔ pɛ́rɛ́ ŋgɔŋ Zhʉde náá. A kiʼi kʉ́yó núŋ ghaŋ ŋkhoʼyɔŋ.»
Yěsô síŋ Erodə
6Njʉ́ Piláto kɛ zóʼ nsó wéré nɛ́, a psírí ŋgâ: «Ŋɔŋ wɔŋ, ŋɔŋ pɛ́rɛ́ ŋgɔŋ Galílya?» 7Pé pɔ́rɔ́ pwó yé ŋgâ Yěsô ŋɔŋ Galílya. Fɔŋ Erodə kɛ pé ntsɛ́ssó pɛ ŋgɔ́bmenaʼ ndzó pɛ́rɛ́ ŋgɔŋ yéré. Tómbəb yé kɛ pɛ́ Yerʉ́salɛm ŋkhoʼyéré. Néré Piláto twɔ́ Yěsô ywoʼ yé. 8Erodə kɛ zóʼ meno pɛ Yěsô kɛ zhyɛ́ nɛ́, ntáʼá féré zhyémvé ne njʉ́ne wé. Ŋkhoʼyɛ́ a kɛ zhʉ́ wé nɛ́, ndzɔʼ yé yáŋ kaʼatɛ. Ŋkyé ŋgâ a kɛ shʉ́rɛ ŋgâ a ŋgyɛ́ taʼ shʉrɛ́no síŋ yé. 9Á psírí meno zááme pwó yé, ntsʉʼmbé Yěsô pé pod cyó pó. 10Pɛ ntsɛ́ssó ghaŋáshʉ́ pwɛ pɛ ghaŋákeʼekaŋ kɛ ké kʉ́yó yɔ́b ywoʼ Erodə, ntáŋá wé ne zhʉye ntʉ̌ŋme. 11Erodə pwɛ pɛ káŋató cyóʼ mbó tó Yěsô. Ndɔ́ɔ́ ndzwé ndɔb gbéé mbəb yé, twɔ́ wé ywoʼ Piláto. 12Á kɛ ghɛmbɛ, Erodə pé tsé ntsɔ́ ndzóʼó pú Piláto pó. Zhyémve yéré, pɔ́b ŋkhú pesɔŋ.
Pé tséé fiʼ ŋgâ pé nɔ́ʼɔ́ Yěsô
13Piláto téré pɛ ntsɛ́ssó ghaŋáshʉ́, pɛ ŋgəkod pwɛ pumésɔŋ, 14ntsɔ́ ne pɔ́b ŋgâ: «Puŋ ghɛ́ twɔ́ ŋɔŋ wɔŋ ne mo nsó ŋgâ, á kiri ŋgâ pɔŋ ndɛ nyi ndúŋú mɛndɔ́b ŋgerɛ́ŋged! Mə kii mvirɛ wé síŋ puŋ njʉ́ ŋgâ puŋ sɔbɔ wé pe ndzəndzóʼ, ŋkyé ŋgâ mo, mə njʉ́ yɔ́b yɛ́ a zhyɛ́ tɛ a ké ŋkúʼɔ ŋgâ pé fúŋɔ́ wé nɛ́ pó. 15Mbɛ Erodə ké mbé zhʉ́ yé cyó vɔ̌no pwó yé pó, ŋkyé ŋgâ a ké mbó núʼɔ́ wé ne piŋi. Ŋɔŋ wɔŋ zhyɛ́ kɔ́ tɛ a nzɔŋɔ ŋgâ pé nɔ́ʼ wé? 16Á zhyɛ́ yéré mə ŋgɛ ŋgyɛ́ pé gbíí wé, mə ntéé wé.» 17[Á kɛ pɛ ne ŋkɔŋɔ ndebéne Pásəka pɛ Yuda náá, a zɔŋɔ ŋgâ Piláto túbú taʼ ŋgaŋántsáŋ ndábtsáŋ fɛ́ ne pɔ́b.#23:17 Pecyó zuŋ ŋwéʼe pó tíí yɔŋ ŋkaŋ pe ghaŋ, ndáá mbəb Máá 15:6 kii ŋgâ Mat 27:15Á kɛ pɛ ne ŋkɔŋɔ ndebéne Pásəka pɛ Yuda náá, a zɔŋɔ ŋgâ Piláto túbú taʼ ŋgaŋántsáŋ ndábtsáŋ fɛ́ ne pɔ́b.]
(Mat 27:15-26; Máá 15:6-15)
18Njʉ́ Piláto kɛ táʼá ntubɔ́ Yěsô nɛ́, ŋkɔŋɔ pɔŋ náá ghéʼ, nsó ŋgâ: «Nɔ́ʼ wé! Túbɔ́ Barabasə fɛ́ ne psi.» 19Barabasə kɛ kúŋú tsáŋ ŋkyé ŋgâ a kɛ nɔ́ʼ ŋɔŋ mbó máʼ vaʼ mbɛ́lʉ́ŋ ne ndzǔne pɛ Roma. 20Piláto ké mbó ntsɔ́ pwó pɔŋ ŋgâ a zɔŋɔ ntéé Yěsô. 21Ntsʉʼmbé pɔ́b ké ŋgéʼé ghéʼé ŋgâ: «Kpii wé ndúŋú ŋgʉŋʉ! Ké kpii wé kpii ndúŋú ŋgʉŋʉ!» 22Piláto ké mbó nsó mbɛ́rɛ́ yíkyéd ŋgâ: «Ŋɔŋ wɔŋ zhyɛ́ yɛ́rɛ́ no kəpɔŋ? Mə zhʉ́ cyó yɔ́b yɛ́ a zhyɛ́ kaʼatɛ a nzɔŋɔ ŋgâ pé nɔ́ʼɔ́ wé nɛ́ pó. A zhyɛ́ yéré mə ŋgɛ ŋgyɛ́ pé gbíí wé, mə ntéé wé.» 23Ntsʉʼmbé pɔŋ ké ŋgéʼé ghéʼé ne tʉ̌ŋ ŋgâ: «Kpii wé ndúŋú ŋgʉŋʉ! Kpii wé ndúŋú ŋgʉŋʉ!» Pɔ́b kɛ ghéʼ tɛ wɛ́d yɔ́b séé. 24Néré, Piláto sɛ́ɛ́ ŋgâ, no yɛ́ pɔŋ psírí nɛ́, a ŋgyɛ́. 25A túbú Barabasə wɛ́ pɔ́b kɛ psírí nɛ́. Ŋɔŋ wɛ́ a kɛ ŋkúŋú tsáŋ ŋkyé ŋgâ a kɛ nɔ́ʼ ŋɔŋ mbó máʼ vaʼ nɛ́. Ŋgɛ ŋkhu ne Yěsô, a fɛ́ wé pwó pɔŋ ŋgâ pɔ́b zhyɛ́ ne yé njʉ́ pɔ́b kʉyě nɛ́.
Pé ghu ne Yěsô ne nɔ̌ʼne
(Mat 27:32; Máá 15:21)
26Njʉ́ pɔ́b kɛ yɔ́ɔ́ wé ŋgú ne yé nɛ́, pwɛ Símo, taʼ ŋɔŋ Sirɛnə séré. A kɛ ŋkhû mpfuŋ. Pɛ káŋató gbáá wé ŋgâ a péʼ ŋgʉŋʉ ntsʉʼ ndzəb Yěsô núŋ. 27Pɔŋ zááme kɛ ntsʉʼɔ́ ndzəb Yěsô. Pěŋgyé tsúŋɛ mbó ŋkhɔ ŋkyé wé. 28Yěsô séd mbəb yé, ntsɔ́ ne pɔ́b ŋgâ: «Pěŋgyé mbɛ́lʉ́ŋ Yerʉ́salɛm, kii puŋ ndɛ ŋkhɔ ŋkyé pe ya! Puŋ khó ŋkyé tómbəb yúŋ pwɛ pɔ́ŋ púŋ! 29Zhyémve tsé kʉ́yó yɛ́ pé ntsɔ́ ŋgâ mbéne sʉ́ʼʉ pwó zíŋ pěŋgyé nɛ́, pɛ́ pɔ́b kâ kɛ pfɛ́ nɛ́ pó, ké mbó mbé núŋú Mɔ́ŋ nɛ́ pó! 30Puŋ kʉ́yó ntsɔ̂ pɛ ŋkə́ŋ ŋgâ: “Vɔ́ mbəb psi!” Mbó ntsɔ̂ pɔ́ŋ ŋkə́ŋ ŋgâ: “Puŋ pwɔ́ ywí!” 31ŋkyé ŋgâ, á pɛ́ɛ́ yɛ́ pé ŋgyɛ́ kaʼa ndúŋú nsó fwó nɛ́, pé ndɛ ŋgyɛ́ níŋ ne nsó zəbé?» 32Á kɛ ghɛ́ɛ́ gháŋagháŋ pépáá pe pwɛ Yěsô, pe ghú ne nɔ̌ʼne wɔ́b.
Pe kpíí Yěsô ndúŋú ŋgʉ́ŋʉ
(Mat 27:33-44; Máá 15:22-32)
33Ŋkhoʼyɛ́ pɔ́b kɛ paŋa ndzó ywoʼ yɛ́ pé fú ne Ghəʼɛtó nɛ́, pé kpáŋa tó nné kpíí Yěsô ndúŋú ŋgʉŋʉ. Kpíí gháŋagháŋ pépáá pɛ́ ŋkʉ́rʉ́, taʼ yé pɛ ne ndzaʼ pwó Yěsô yé maʼ, cyó ne ndzaʼ pwó yé yé ŋkʉbi. 34Yěsô nsó ŋgâ: «Tɛd ya, máʼ vɔ̌no ndɔ́ɔ́ wɔ́b. Ŋkyé ŋgâ pɔ́b zɛ́ no yɛ́ pɔ́b ŋgyɛ́ nɛ́ pó.» Pɛ́ káŋató péré máʼ pɛ́d ne ŋgǒbne ndzwé pé tsetsɛrɛ pɔ́b. 35Pɔŋ pɛ́ pɔ́b kɛ pɛ́ yóʼó nɛ́ tíŋɛ. Ghəkód pɛ Yuda ntúŋɔ Yěsô ntsɔ́ ŋgâ: «A kɛ mkpéé pecyó pɔŋ. Mbéyɛ́ a Kristo wɛ́ Mboʼmvé twɔ́ nɛ́, Mbéyɛ́ a ŋɔŋ wɛ́ Mboʼmvé tsɔ́ʼ nɛ́, a kpê tómbəb yé!» 36Pɛ káŋató kɛ ké ntúŋɔ yɔ́b Yěsô, ndɔ́ɔ́ yoʼcʉyǒme ne fɛ́ne pwó yé, nsó ŋgâ: 37«A pɛ́ yɛ́ wo fɔŋ pɛ Yúda nɛ́, wo mkpéé mbəb yo ne tómbəb wo!» 38Pe kɛ ŋwéʼɛ ndúŋú taafrəre, kpíí ndúŋú tó ŋgʉŋʉ Yěsô, ŋgâ: «Yɔŋ Fɔŋ pɛ Yúda.»
39Cyó taʼ gháŋ wɛ́ pé ké kpii wé pwɛ pɔ́b nɛ́, tó Yěsô ntsɔ́ ŋgâ: «Wo Kristo pɔɔ? Kpéé mbəb wo ne tómbəb yo, mbó kpê ywí!» 40Ntsʉʼmbé cyó gháŋ psirɛ́ wé ŋgâ: «Wo ndzyě mbé tséʼé pɔ́ɔ́ Mboʼmvé ŋkɔ́ŋ pɔɔ? ŋkyé ŋgâ púŋ ŋɔŋ wɔŋ tséʼé taʼ mbziʼe ŋgəʼo. 41No yɛ́ pé ghyɛ́ mbəb paʼa ŋkhoʼyɔŋ nɛ́, a ŋgerɛ́ŋged. Ɔ́ŋɔ́, paʼa kpê yɔ́b yɛ́ a kúʼɔ́ ne ŋgyɛ́ máʼá nɛ́. Ghɛmbɛ́ ne yé, a ŋgyɛ́ cyó no kəpɔŋ po!» 42Mbó ntsɔ́ pwó Yěsô ŋgâ: «Yěsô, kpáŋá ya ŋkhoʼyɛ́ wo náʼá kʉ́yó njʉ́ fɔŋ nɛ́.» 43Yěsô pɔ́rɔ́ pwó yé ŋgâ: «Sísíŋ, mə ntsɔ́ pwó wo, ndzebé, paʼa mbɛ ndzó paradisə.»
Ŋkhoʼyɛ́ Yěsô kɛ pfɔ̂ nɛ́
(Mat 27:45-56; Máá 15:33-41)
44Á kɛ pɛ́ ne ntʉ̌ŋménab, ménab tsébé ne ndáŋne. Ntsuʼ síŋ ndzó ŋkɔŋɔ ŋgɔŋ náá kaʼatɛ nɔ́b yíkyéd ŋkuʼu. 45Njʉ́ ménab kɛ pwó nɛ́, pɛ́rɛ́ ywɔ̌ndzwé yɛ́ pé kɛ cʉ, mbwɔ́ ywoʼɔ́ze yé yáŋme yɛ́ ndáb Mboʼmvé nɛ́, ŋgbɛd tsetsɛrɛ twɔ́ yípáá. 46Yěsô ghéʼ ne tʉ̌ŋ, nsó ŋgâ: «Tɛd ya, mə núʼú Zhʉye ya ndzó pwó wo.» Njʉ́ a kɛ ké nsó néré nɛ́, a pfɔ̂. 47Ŋkhoʼyɛ́ ntsɛ́ssó mkpǐ káŋató pɛ Roma kɛ zhʉ́ no yɛ́ a kɛ záʼ nɛ́, a ŋgúʼɔ Mboʼmvé ntsɔ́ ŋgâ «Sísíŋ! Ŋɔŋ wɔŋ kɛ pé ŋɔŋ ŋgerɛ́ŋged!» 48Njʉ́ ŋkɔŋɔ pɔŋ pɛ́ pɔ́b kɛ pɛ́ yóʼó nɛ́ kɛ zhʉ́ no yɛ́ a kɛ záʼ nɛ́, pɔ́b pod ndzəb ne ntsúŋine. 49Ŋkɔŋɔ pésɔŋ Yěsô náá pwɛ pěŋgyé pɛ́ pɔ́b kɛ zɔŋɔ wé féré pɛ́rɛ́ ŋgɔŋ Galílya nɛ́, kɛ ntsɛ́ yɔ́b pé ntáŋá sesɛ, ndiŋɛ́ yɔ́b yɛ́ a kɛ záʼá nɛ́.
Yesə́b tsʉ́ pfɔ́ Yěsô
(Mat 27:57-61; Máá 15:42-47)
50-51Taʼ ŋɔŋ mbɛ́lʉ́ŋ pɛ Yúda yɛ́ pé kɛ fú ne Arimate nɛ́, kɛ pɛ yóʼó tíí pé Yesə́b. A tséʼé ndzɔʼ sʉ́ʼʉ, mbé taʼ ŋɔŋ ŋgerɛ́ŋged wɛ́ a kɛ nzwəʼɛ Nofɔŋ Mboʼmvé yɛ́ a kʉ́yó nɛ́. Mbɛ njʉ́ a kɛ pɛ́ ndzɔ́ʼɔ́ ghaŋásábáfiʼ nɛ́, a pó psyɛ́ mbziʼe yɛ́ pe kɛ tséé fiʼ Yěsô nɛ́ pó, kii pó mbzyɛ́ no yɛ́ ghaŋásábáfiʼ kɛ nsó ŋgâ pé ŋgyɛ́ mbəb Yěsô nɛ́ pó. 52Yesə́b wéré ghú pfúŋɔ́ Piláto mviri pfɔ́ Yěsô. 53Njʉ́ Yesə́b kɛ shʉ́ʼí pfɔ́ Yěsô ndúŋú ŋgʉŋʉ nɛ́, a pwɛ wé ndzó ndzwé ŋgú níŋɛ wé ndzó taʼ syé yɛ́ pe kɛ ntsú ndzɔ́ʼɔ́ yɛ́d ŋgɔʼ nɛ́. Pé kâ kɛ ywʉ́ʼɔ́ ŋɔŋ ndzó sye yéré pó. 54A kɛ pé taʼ zhyémvé ntsuŋɔ mɔ́b, ŋgɛ́ɛ́ zhyéze pɛ Yuda tsé kʉ́yó. 55Pěŋgyé pɛ pɔ́b kɛ zɔŋɔ Yěsô féré pɛ́rɛ́ ŋgɔŋ Galílya nɛ́, kɛ ghú pwɛ Yesə́b. Pɔ́b zhʉ́ sye yé, mbó ndiŋɛ́ njʉ́ pé kɛ núŋɔ́ Yěsô nɛ́. 56Ŋkhoʼyéré pɔ́b pɔ́rɔ́ ywoʼ pɔ́b, tsúŋú vód pwɛ vód tswɔtwɔ́ ne nuʼne pfɔ́ Yěsô núŋ.
(Mat 28:1-9; Máá 16:1-8)
Pɔ́b kɛ pé faʼ zhyéze pó njʉ́ kaŋ kɛ ntsɔ́ nɛ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល