Lúkaasə 22
22
Menaŋ mɛ́ pé kɛ nyí ŋkyé Yěsô
(Mat 26:1-5; 26:14-16; Máá 14:1-2; 14:10-11)
1Ndebéne yɛ́ pé kɛ pfɔrɔ mbré kii mvuʼ nɛ́ kɛ tsé kʉ́yó, Pe fú ne Pasəka pɛ Yuda. 2Pɛ ntsɛ́ssó ghaŋáshʉ́ pwɛ pɛ ghaŋákeʼekaŋ taʼa mɛndɔ́b ne nɔ̌ʼne Yěsô, ndaʼ ŋgâ pɔ́b kɛ tsé mbɔ́ɔ́ míí pɔŋ. 3Néré, Sátaŋ ŋkúŋɔ mbəb Yúda wɛ́ pé kɛ fú ne Iskaryotə nɛ́. Á kɛ pɛ ndzɔ́ʼɔ́ ntsɔ̌b ŋgíŋgye Yěsô yípáá. 4Yúda wéré ghú njʉ́ pɛ ntsɛ́ssó ghaŋáshʉ́ pwɛ ntsɛ́ssó pɛ mânaŋ Ndáb Mboʼmvé. Pú pɔ́b nyi menaŋ njʉ́ a fí Yěsô ne pɔ́b nɛ́. 5Ndzɔʼ pɛ ghaŋáshʉ́ yáŋ ndzó kaʼatɛ, pɔ́b ntsúŋú mbób ne fɛ́ne pwó Yuda. 6Yuda psyɛ́. Á táʼá saŋ njʉ́ a ŋgyɛ́ fí Yěsô ne pɔ́b kii pé zé nɛ́.
Yěsô zhyɛ́ pé ntsuŋ mɔ́b Pásəka
(Mat 26:17-19; Máá 14:12-16)
7Zhyémve nɔ́ʼɔ́ Mɔ́ŋ njʉyǐnjʉyî Pasəka kɛ páŋ ndzɔ́ʼɔ́ ŋgabtáŋ ndebéne yɛ́ pé pfɔrɔ mbré kii mvuʼ nɛ́. 8Yěsô twɔ́ Pětro pú Zhâŋ ntsɔ́ ne pɔ́b ŋgâ: «Puŋ ghú ntsúŋú mɔ́b Pasəka piŋi zó.» 9Pɔ́b psírí wé ŋgâ: «Wo zɔŋɔ ŋgâ psi ghú pɛ́ɛ́ ntsúŋɔ?» 10Yěsô pɔ́rɔ́ ne pɔ́b ŋgâ: «Puŋ ŋgɛ ŋkúŋɔ mbɛ́lʉ́ŋ, puŋɛ taʼ ŋɔŋ sɛ́rɛ́, a ŋkyɛ́ taʼ ywóʼnse. Puŋ ntsʉ́ʼɔ́ ndzəb yé kaʼatɛ mbáŋá ndzó ndáb yɛ́ a ŋkúŋɔ nɛ́. 11Puŋ ŋkúŋ, ntsɔ́ pwó ŋgaŋándáb ŋgâ: “Kéʼeyáŋ twɔ́ ywí ŋgâ psi kʉ́yó mvírí wo ŋgâ, ywoʼ yɛ́ á ndzɔ́ mɔ́b Pasəka pwɛ ŋgíŋgye pe nɛ́ yɛ́?” 12Á nyóʼó taʼ tóndáb kəkwéʼe nsó ne ŋkɔŋɔ yɔ́b náá ndzó ne puŋ, puŋ ntsúŋú mɔ́b péré yóʼó.» 13ŋgíŋgye pé ghú. Ké zhʉ́ ŋkɔŋɔ meno náá pé njʉ́ Yěsô kɛ ntébé nɛ́. Pɔ́b ntsúŋu mwɔ̌zó Pasəka.
Mbziʼe njʉ́ Yěsô kɛ núŋú ntɛ́d nɛ́
(Mat 26:26-29; Máá 14:22-25; 1Ko 11:23-26)
14Ŋkhoʼ ŋkuʼu, Yěsô pwɛ ghaŋántɔ́b pé ghɔ́rɔ́ syé ne ndzóne mɔ́b. 15Á ntsɔ́ ne pɔ́b ŋgâ: «Mə kɛ kʉyě ŋgâ piŋi zó mɔ́b Pasəka yɔŋ kaʼatɛ ŋkɔŋ, mə mbɔ́rɔ́ njʉ́ ŋgəʼo. 16Ŋkyé ŋgâ, mə sə́ŋɛ́ wúŋ, mə mbó zó mɔ́b pɔŋ ŋkʉ́rʉ́ pó tɛ mbáŋ zhyémvé mve yɛ́ no núŋ mbwɔ́ ndzó Nofɔŋ Mboʼmvé nɛ́.» 17Pé fɛ́ taʼ ndɔ́ŋ yoʼ pwó Yěsô. Á tséʼé Mboʼmvé, njʉ́bi nsó ŋgâ: «Puŋ kpê ndɔ́ŋ yoʼ yɔŋ ŋkɔŋɔ wúŋ náá ghób. 18Ŋkyé ŋgâ mə sə́ŋɛ́ wúŋ ŋgâ ndzyěne ŋkhoʼyɔŋ, mə mbó nɔ́ yoʼ ŋkʉ́rʉ́ pó tɛ mbáŋ zhyémvé yɛ́ Nofɔŋ Mboʼmvé kʉ́yó nɛ́.»
19Yěsô zhʉ́bi ndɔ́ɔ́ mbré, ntsɛ́ʼɛ́ Mboʼmvé, mbóʼ, fɛ́ pwó ŋgíŋgye pé, nsó ŋgâ: «Yɔŋ mbəb ya yɛ́ mə fɛ́ ŋkyé wúŋ nɛ́. Puŋ zhyɛ́ kaʼa ndâ ndúŋú mkpaŋ ya.» 20Ŋkhoʼyɛ́ mɔ́b kɛ myé nɛ́, Yěsô yɔ́ɔ́ ndɔ́ŋ yoʼ ŋkʉ́rʉ́ nsó ŋgâ: «Ndɔ́ŋ yɔŋ kaŋ ffé yɛ́ nsə máá mvérɛ́ ndúŋú ŋkyé wúŋ nɛ́.
(Mat 26:20-25; Máá 14:17-21)
21Ntsʉʼmbé puŋ tíŋí! Ŋɔŋ wɛ́ a fí ya nɛ́, a zɔ̂ psi yé ndzɔ́ mɔ́b. 22Ŋkyé ŋgâ, Mɔ́ŋ ŋɔŋ tsɛ́ɛ́ mɛndɔ́b njʉ́ Mboʼmvé kɛ tíí nɛ́. Ndaʼ ŋgâ ndɔŋ tó ŋɔŋ wɛ́ a fi wé nɛ́!» 23Néré ŋgíŋgye pé psírí mbəb yɔ́b ŋgâ: «Á wɔ tsetsɛrɛ piŋi taʼa ŋgyɛ́ yéré no?»
Á wɔ̂ mbé ŋgəkod?
(Mat 18:1; 20:25-28; Máá 9:34; 10:42-45)
24Ŋgíŋgye Yěsô ndzyě fiʼ tsetsɛrɛ pɔ́b, mvirɛ ŋgâ: «A kaʼa ndzɔ́ʼɔ́ piŋi, á kɛ́ʼɛ́ tsɛ́ɛ́ wɔ́ tsɛ́ɛ́ wíŋi náá?» 25Yěsô ntsɔ́ ne pɔ́b ŋgâ: «Pé fɔŋ mvémvé sáʼá wɔ́b pé njʉ́ pɛ n tsɛ́ɛ́ pɔŋ nɛ́. Pɔŋ pɛ́ pɔ́b kɔ́ʼɔ́ fɛ́rɛ́ wɔ́b nɛ́ zhyɛ́ ŋgâ pé fú wɔ́b pé ne ghaŋá zhyɛ́ no sʉ́ʼʉ. 26Ntsʉʼmbé, á ndɛ mbé néré tsetsɛrɛ puŋ! Ndaʼ ŋgâ ŋɔŋ wɛ́ a ŋgəkod tsetsɛrɛ puŋ nɛ́, a yɔ́ɔ́ ywoʼ Mɔ́ŋ mékhó, ŋɔŋ wɛ́ a sáʼá pɔŋ nɛ́, a yɔ́ɔ́ ywoʼ Ŋgaŋafaʼ. 27Á kaʼa mbé wɔ̂ mbé ŋgəkod? Ŋɔŋ wɛ́ a ghɔ́rɔ́ syé ndzwəʼɛ mwɔ̌zó nɛ́, kii ŋɔŋ wɛ́ a ntsɛ́ nsó ŋgɔbɔ nɛ́? Á zhʉ́ʼ mbé ŋɔŋ wɛ́ a ghɔ́rɔ́ syé ndzwəʼɛ́ nɛ́! Ŋgɛmbɛ ne mo, mə tsetsɛrɛ puŋ pé njʉ́ ŋɔŋ wɛ́ a ghɔbɔ nɛ́.
(Mat 19:28)
28Ŋgɛmbɛ ne puŋ, puŋ pɔŋ pɛ puŋ kɛ máʼ ya ŋkhoʼyɛ́ á ghɛ́ɛ́ mə mbɛ ndzɔ́ʼɔ́ kpeʼe nɛ́ pó. 29Mbɛ́ ne mo, mə fɛ́ Nofɔŋ Mboʼmvé ne puŋ njʉ́ Tɛd ya fɛ́ ne mo nɛ́. 30Néré puŋ náʼá ndzɔ̂ mbó nɔ́ ndzó Nofɔŋ ya, puŋ naʼ ŋgɔ́rɔ́ ndzó ywʉ sabá fiʼ, fiʼɛ ntsɔ̌b ndǎ ndáb Issayɛ yípáá.»
Símo Pětro kʉ́yó sirɛ́ Yěsô
31Yěsô ntsɔ́ pwó Símo Pětro ŋgâ: «Símo, Símo, zóʼó! Sátaŋ psírɛ wúŋ ne mo ne tsědne ŋkɔŋɔ wúŋ náá, njʉ́ pé ndɛ ntsɛ́rɛ kúŋ nɛ́. 32Ntsʉʼmbé, mə ntséʼé Mboʼmvé ŋkyé wo, kɛ́ʼɛ́ ŋgâ wo ndɛ mbzyě psyɛ́ndzɔʼ wo. Ŋkhoʼyɛ́ wo náʼá mbɔ́rɔ́ ndzəb ne mo nɛ́, fɛ́ tʉ̌ŋ pwó pɔ́ŋmɛ́ pó.»
(Mat 26:33-34; Máá 14:29-30)
33Pětro ntsɔ́ pwó yé ŋgâ: «Ntsɛɛpɔŋ, a pɛ́ɛ́ ŋgúne ndátsáŋ, mbɛ pfône, a ké mbɛ paʼa!» 34Yěsô pɔ́rɔ́ pwó yé ŋgâ: «Ɔ́ŋɔ́, Pětro, mə sɔ́ŋɔ́ wo, ndzebé, ŋkhoʼ ntú kii wo nsó kɛ́ɛ́ yíkyéd ŋgâ wo zé ya pó po!»
ŋgíŋgye tsɛ́ʼɛ́ ne mǎʼne kpê mbəb yɔ́b ŋkhoʼyɔŋ
35Yěsô pó nsó ŋkʉ́rʉ́ pwó ŋgíŋgye pé ŋgâ: «Ŋkhoʼyɛ́ mə kɛ twɔ́ wúŋ kii mbób, kii pab, kii tɔ́kpee nɛ́, puŋ kɛ kâ cyó yɔ́b?» Pɔ́b pod ŋgâ: «Psi kɛ pé kâ yɔ́b pó.» 36Á ntsɔ́ ne pɔ́b ŋgâ: «Ŋkhoʼyɔŋ, a pó mbé pɛ́ɛ́ yéré nɛ́ po! Ŋɔŋ wɛ́ a tséʼé mbób nɛ́, a yɔ́ɔ́. Ŋɔŋ wɛ́ a tséʼé pab nɛ́ a yɔ́ɔ́, ŋɔŋ wɛ́ a tséʼé káfáá nɛ́ pó, a fí ndzwé yé fóó ndzúŋ núŋu. 37A zɔŋɔ ŋgâ nsó poʼ ŋwéʼe yɔŋ yúŋɔ́ mbəb mo: “Pé sí wé ndzɔ́ʼɔ́ pukəpɔŋ”. Néré yéré no yɛ́ a tíŋɛ páá nɛ́, yúŋɔ́.» 38ŋgíŋgye Yěsô ntsɔ́ pwó yé ŋgâ: «Ntsɛ́ɛ́pɔŋ, káfáá yípáá pé nɔŋ.» Yěsô pɔ́rɔ́ ne pɔ́b ŋgâ: «Yekénɛ́ kuʼu.»
Yěsô ghú tsɛ́ʼɛ́ Mboʼmvé ndúŋú ŋkə́ŋ Nsó Oliivə
(Mat 26:36-41; Máá 14:32-38)
39Yěsô twɔ́ ŋgú ndúŋú ŋkə́ŋ Nsó vód Oliivə, njʉ́ a ndɛ mbéé ŋgú nɛ́. Ŋgíŋgye pé zɔŋɔ wé. 40Ŋkhoʼyɛ́ pɔ́b kɛ páŋ yóʼó nɛ́, a ntsɔ́ ne pɔ́b ŋgâ: «Puŋ tséʼé Mboʼmvé, kɛ́ʼɛ́ ŋgâ kpeʼe ndɛ ntsɛ́ɛ́ wúŋ.» 41Yěsô náʼá suʼú mbəb yé pfúŋɔ́ ŋgíŋgye pé, ffé d kwéʼe mé syé tséʼé Mboʼmvé ntsɔ́ ŋgâ: 42«Tɛd ya, a pɛ yɛ́ wo kʉyě nɛ́, wo suʼú yɔŋ ndɔ́ŋ ŋgəʼo pfúŋɔ́ mo? Ndaʼ ŋgâ wo ndɛ ŋgyɛ́ yɔ́b yɛ́ mə kʉyě nɛ́, ntsʉʼmbé ŋgyɛ́ yɔ́b yɛ́ wo kʉyě nɛ́.» 43Néré, taʼ aŋgere twɔ́ pépéé nyoʼ mbəb yé pwó yé, fɛ́ metʉŋ pwó yé. 44Vəvod gbáá Yěsô, no ntsɛ́ɛ́ wé. Á tséʼé Mboʼmvé ne tʉ̌ŋ kaʼatɛ tiʼé ŋkhú mbəb yé mvérɛ syé njʉ́ pɛ táá nsə ncʉ syé nɛ́. 45Ŋkhoʼyɛ́ Yěsô kɛ mee ntsɛ́ʼɛ́ Mboʼmvé nɛ́, a ŋǎ syé, mbɔ́rɔ́ pfúŋɔ́ ŋgíŋgye pé, ŋgɛ zhʉ́ wɔ́b, pɔ́b ntsuŋi tɛ ŋgíyé. 46Á ntsɔ́ ne pɔ́b ŋgâ: «Kɔ́ yɔ́ɔ́! Puŋ zhyé zhyé? Puŋ ŋǎ syé tséʼé Mboʼmvé kɛ́ʼɛ́ ŋgâ kpeʼe ndɛ ntsɛ́ɛ́ wúŋ!»
Pé gbáá Yěsô
(Mat 26:47-55; Máá 14:43-49)
47Ŋkhoʼyɛ́ Yěsô kɛ nsó no yéré nɛ́, taʼ mvuʼ pɔŋ páŋ. Taʼ ŋɔŋ ndzɔʼ ŋgíŋgye Yěsô wɛ́ pé kɛ fú ne Yúda nɛ́, pɛ síŋ pɔ́b. A kʉ́yó mbɛ́rɛ́ Yěsô, mbaʼá wé. 48Yěsô ntsɔ́ pwó yé ŋgâ: «Yúda, wo záʼá ndúŋú mbáʼne fí Mɔ́ŋ ŋɔŋ!» 49ŋgíŋgye Yěsô zhʉ́ no yɛ́ a kɛ ghɛ́ ndzáʼá nɛ́, mbzírɛ́ wé ŋgâ: «Ntsɛ́ɛ́pɔŋ, psi túbú káfáá?» 50Cyó taʼ ŋɔŋ ndzɔ́ʼɔ́ pɔ́b, tséé ndzaʼ təŋé taʼ Ŋgaŋafaʼ tɛdshʉ́ kəkwéʼe yé maʼ. 51Ntsʉʼmbé Yěsô nsó ŋgâ: «Puŋ ntéé pɔ́b ŋgyɛ́ no yɛ́ pɔ́b kʉ́yó ndúŋú nɛ́! Á ŋkuʼu!» Ŋkébé ntə́ŋé Ŋgaŋafaʼ wéré, a fwó.
52Yěsô ntsɔ́ pwó pɛ ntsɛ́ssó ghaŋáshʉ́, pwɛ ntsɛ́ssó pɛ mânaŋ Ndámboʼmvé pwɛ pɛ ghəkód pɛ pɔ́b kɛ kʉ́yó nɛ́ ŋgâ: «Pǔŋ kʉ́yó ne káfáá pwɛ kʉ́yé pé njʉ́ mə mbɛ gháŋ nɛ́! 53Ŋkhoʼyɛ́ piŋi kɛ pé ŋkɔŋɔ zhymvé náá Ndámboʼmvé nɛ́, puŋ pé gbáá ya pó. Ntsʉʼmbé, yuŋ ŋkhoʼ kuʼú, ŋkhoʼyɛ́ ndzə́ndzə́b nyoʼ mé tʉ̌ŋ nɛ́!»
Pětro sirɛ́ Yěsô ŋkɛ̂ yíkyéd
(Mat 26:57-58; Máá 14:53-54)
54Pɔ́b gbáá Yěsô ŋgú ne yé ndáb tɛdshʉ́ kəkwéʼe. Pětro zɔŋɔ wɔ́b ntaŋa sesɛ. 55Njʉ́ pé kɛ nə́b mɔ́ɔ́ kəkwéʼe tsetsɛrɛ syémasǎ nɛ́, Pětro kʉ́yó ŋgɔ́rɔ́ ndzɔ́ʼɔ́ pɔŋ pɛ pɔ́b kɛ ghód nzɔɔ mɔ́ɔ́ nɛ́.
(Mat 26:69-75; Máá 14:66-72; Zhâ 18:17; 18:25-27)
56Taʼ Ŋgaŋafaʼ ywoʼ wéré wé məŋgʉ́yé zhʉ́ Pětro ghɔ́rɔ́ ne gháá mɔ́ɔ́. Á tíŋɛ wé kpaʼ pébéme, nsó ŋgâ: «Ŋɔŋ wɔŋ kɛ ké mbé yé pú Yěsô.» 57Pětro pɔ́rɔ́ pwó məŋgʉ́yé wéré ŋgâ: «Ŋgáŋ! Mə ndzɛ́ wé po!» 58Mɔ́ŋtiʼa ŋkhoʼ záʼ, cyó ŋɔŋ zhʉ́ Pětro, ntsɔ́ pwó yé ŋgâ: «Wo yo, a puŋ pɔ́b.» Pětro pod ŋgâ: «Ŋgáŋ! A psi pɔ́b po!» 59Yɔ́b taʼ ŋkhoʼmvé záʼ, cyó ŋɔŋ ŋkʉ́rʉ́ nsó yé pé ne sɛ́ɛ́ne ŋgâ: «Á sísíŋ, wekénɛ́ ŋɔŋ pě ké mbɛ̂ pú Yěsô. Mbɛ, a ŋɔŋ Galílya.» 60Ntsʉʼmbé Pětro pɔ́rɔ́ pwó yé ŋgâ: «Mə ndzɛ́ no yɛ́ wo zɔŋɔ ntsɔ́ nɛ́ pó.» Njʉ́ a kɛ ntsɔ́ néré nɛ́, ŋkhoʼ ntú. 61Ntsɛɛpɔŋ séd mbəb yé ndiŋɛ́ Pětro ndzó míí mé. Tó Pětro fú ne no yɛ́ á kɛ pě ntsɔ́ pwó yé nɛ́, ŋgâ: «Ndzebé, ŋkhoʼ ŋgɛ ntú, wo sírí ya ŋkɛɛ yíkyéd.» 62Pětro ŋǎ syémasǎ ŋkhó kaʼatɛ.
Ghaŋáyáʼavǎ gbíí Yěsô mbó tó wé
(Mat 26:67-68; Máá 14:65)
63Mbzíŋi pɛ pɔ́b kɛ psíbɛ Yěsô nɛ́ kɛ ntúŋɔ wé mbó gbíí wé. 64Pɔ́b pwɔ záŋ yé, mbó mbzírɛ́ wé ŋgâ: «Zhyɛ́ njʉ́ ŋgaŋatsɔ́kpaŋató nɛ́. Á gbíí wɔ́ gbíí wo?» 65Pɔ́b pó fɛ́ pecyó pɛ ntó zááme pwó Yěsô.
Yěsô síŋ ghaŋásábáfiʼ kəkwéʼe pɛ Yuda
(Mat 26:59; 26:63-65; Máá 14:55; 14:61-64)
66Ŋkhoʼyɛ́ mvé kɛ kee nɛ́, pɛ ghəkód, pɛ ghaŋákeʼekaŋ pwɛ ntsɛ́ssó ghaŋáshʉ́ ntéré mbəb yɔ́b. Pɔ́b zhyɛ́ ŋgâ pé kʉ́yó ne Yěsô ndzó ywoʼ sabáfiʼ kəkwéʼe yɔ́b. 67Pɔ́b psirɛ́ Yěsô ŋgâ: «A pɛ́ɛ́ yɛ́ wo Kristo nɛ́, wo sə́ŋɛ́ ywí» Á ntsɔ́ ne pɔ́b ŋgâ: «Á pɛ́ɛ́ yɛ́ mə sə́ŋɛ́ wúŋ nɛ́, mbǒ puŋ mbzyɛ́ pó. 68Mbéyɛ́ mə mbó mbzírɛ́ wúŋ ne no ndúŋú nɛ́, mbǒ puŋ mbód pó. 69Ntsʉʼmbé ndzyěne ŋkhoʼyɔŋ, Mɔ́ŋ ŋɔŋ ŋgɔ́rɔ́ pfúŋɔ́ Mboʼmvé Fɔŋ metʉŋ, ne ndzaʼ pwó yé maʼ.» 70Néré, ŋkɔŋɔ wɔ́b náá ntsɔ́ pwó yé ŋgâ: «Yéré pé ŋgâ wo Mɔ́ŋ Mboʼmvé?» Yěsô pɔ́rɔ́ ne pɔ́b ŋgâ: «ŋgâ puŋ ntsɔ́ nɛ́!» 71Pɛ ghaŋásábáfiʼ pó nsó ŋgâ: «Ŋgaŋakpêntaŋ tséʼé ghebe ne piŋi ŋkʉ́rʉ́ po! ŋkyé ŋgâ piŋi kɛ zóʼ nsó wɛ́ a twɔ́ tswée yé nɛ́.»
ទើបបានជ្រើសរើសហើយ៖
Lúkaasə 22: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 22
22
Menaŋ mɛ́ pé kɛ nyí ŋkyé Yěsô
(Mat 26:1-5; 26:14-16; Máá 14:1-2; 14:10-11)
1Ndebéne yɛ́ pé kɛ pfɔrɔ mbré kii mvuʼ nɛ́ kɛ tsé kʉ́yó, Pe fú ne Pasəka pɛ Yuda. 2Pɛ ntsɛ́ssó ghaŋáshʉ́ pwɛ pɛ ghaŋákeʼekaŋ taʼa mɛndɔ́b ne nɔ̌ʼne Yěsô, ndaʼ ŋgâ pɔ́b kɛ tsé mbɔ́ɔ́ míí pɔŋ. 3Néré, Sátaŋ ŋkúŋɔ mbəb Yúda wɛ́ pé kɛ fú ne Iskaryotə nɛ́. Á kɛ pɛ ndzɔ́ʼɔ́ ntsɔ̌b ŋgíŋgye Yěsô yípáá. 4Yúda wéré ghú njʉ́ pɛ ntsɛ́ssó ghaŋáshʉ́ pwɛ ntsɛ́ssó pɛ mânaŋ Ndáb Mboʼmvé. Pú pɔ́b nyi menaŋ njʉ́ a fí Yěsô ne pɔ́b nɛ́. 5Ndzɔʼ pɛ ghaŋáshʉ́ yáŋ ndzó kaʼatɛ, pɔ́b ntsúŋú mbób ne fɛ́ne pwó Yuda. 6Yuda psyɛ́. Á táʼá saŋ njʉ́ a ŋgyɛ́ fí Yěsô ne pɔ́b kii pé zé nɛ́.
Yěsô zhyɛ́ pé ntsuŋ mɔ́b Pásəka
(Mat 26:17-19; Máá 14:12-16)
7Zhyémve nɔ́ʼɔ́ Mɔ́ŋ njʉyǐnjʉyî Pasəka kɛ páŋ ndzɔ́ʼɔ́ ŋgabtáŋ ndebéne yɛ́ pé pfɔrɔ mbré kii mvuʼ nɛ́. 8Yěsô twɔ́ Pětro pú Zhâŋ ntsɔ́ ne pɔ́b ŋgâ: «Puŋ ghú ntsúŋú mɔ́b Pasəka piŋi zó.» 9Pɔ́b psírí wé ŋgâ: «Wo zɔŋɔ ŋgâ psi ghú pɛ́ɛ́ ntsúŋɔ?» 10Yěsô pɔ́rɔ́ ne pɔ́b ŋgâ: «Puŋ ŋgɛ ŋkúŋɔ mbɛ́lʉ́ŋ, puŋɛ taʼ ŋɔŋ sɛ́rɛ́, a ŋkyɛ́ taʼ ywóʼnse. Puŋ ntsʉ́ʼɔ́ ndzəb yé kaʼatɛ mbáŋá ndzó ndáb yɛ́ a ŋkúŋɔ nɛ́. 11Puŋ ŋkúŋ, ntsɔ́ pwó ŋgaŋándáb ŋgâ: “Kéʼeyáŋ twɔ́ ywí ŋgâ psi kʉ́yó mvírí wo ŋgâ, ywoʼ yɛ́ á ndzɔ́ mɔ́b Pasəka pwɛ ŋgíŋgye pe nɛ́ yɛ́?” 12Á nyóʼó taʼ tóndáb kəkwéʼe nsó ne ŋkɔŋɔ yɔ́b náá ndzó ne puŋ, puŋ ntsúŋú mɔ́b péré yóʼó.» 13ŋgíŋgye pé ghú. Ké zhʉ́ ŋkɔŋɔ meno náá pé njʉ́ Yěsô kɛ ntébé nɛ́. Pɔ́b ntsúŋu mwɔ̌zó Pasəka.
Mbziʼe njʉ́ Yěsô kɛ núŋú ntɛ́d nɛ́
(Mat 26:26-29; Máá 14:22-25; 1Ko 11:23-26)
14Ŋkhoʼ ŋkuʼu, Yěsô pwɛ ghaŋántɔ́b pé ghɔ́rɔ́ syé ne ndzóne mɔ́b. 15Á ntsɔ́ ne pɔ́b ŋgâ: «Mə kɛ kʉyě ŋgâ piŋi zó mɔ́b Pasəka yɔŋ kaʼatɛ ŋkɔŋ, mə mbɔ́rɔ́ njʉ́ ŋgəʼo. 16Ŋkyé ŋgâ, mə sə́ŋɛ́ wúŋ, mə mbó zó mɔ́b pɔŋ ŋkʉ́rʉ́ pó tɛ mbáŋ zhyémvé mve yɛ́ no núŋ mbwɔ́ ndzó Nofɔŋ Mboʼmvé nɛ́.» 17Pé fɛ́ taʼ ndɔ́ŋ yoʼ pwó Yěsô. Á tséʼé Mboʼmvé, njʉ́bi nsó ŋgâ: «Puŋ kpê ndɔ́ŋ yoʼ yɔŋ ŋkɔŋɔ wúŋ náá ghób. 18Ŋkyé ŋgâ mə sə́ŋɛ́ wúŋ ŋgâ ndzyěne ŋkhoʼyɔŋ, mə mbó nɔ́ yoʼ ŋkʉ́rʉ́ pó tɛ mbáŋ zhyémvé yɛ́ Nofɔŋ Mboʼmvé kʉ́yó nɛ́.»
19Yěsô zhʉ́bi ndɔ́ɔ́ mbré, ntsɛ́ʼɛ́ Mboʼmvé, mbóʼ, fɛ́ pwó ŋgíŋgye pé, nsó ŋgâ: «Yɔŋ mbəb ya yɛ́ mə fɛ́ ŋkyé wúŋ nɛ́. Puŋ zhyɛ́ kaʼa ndâ ndúŋú mkpaŋ ya.» 20Ŋkhoʼyɛ́ mɔ́b kɛ myé nɛ́, Yěsô yɔ́ɔ́ ndɔ́ŋ yoʼ ŋkʉ́rʉ́ nsó ŋgâ: «Ndɔ́ŋ yɔŋ kaŋ ffé yɛ́ nsə máá mvérɛ́ ndúŋú ŋkyé wúŋ nɛ́.
(Mat 26:20-25; Máá 14:17-21)
21Ntsʉʼmbé puŋ tíŋí! Ŋɔŋ wɛ́ a fí ya nɛ́, a zɔ̂ psi yé ndzɔ́ mɔ́b. 22Ŋkyé ŋgâ, Mɔ́ŋ ŋɔŋ tsɛ́ɛ́ mɛndɔ́b njʉ́ Mboʼmvé kɛ tíí nɛ́. Ndaʼ ŋgâ ndɔŋ tó ŋɔŋ wɛ́ a fi wé nɛ́!» 23Néré ŋgíŋgye pé psírí mbəb yɔ́b ŋgâ: «Á wɔ tsetsɛrɛ piŋi taʼa ŋgyɛ́ yéré no?»
Á wɔ̂ mbé ŋgəkod?
(Mat 18:1; 20:25-28; Máá 9:34; 10:42-45)
24Ŋgíŋgye Yěsô ndzyě fiʼ tsetsɛrɛ pɔ́b, mvirɛ ŋgâ: «A kaʼa ndzɔ́ʼɔ́ piŋi, á kɛ́ʼɛ́ tsɛ́ɛ́ wɔ́ tsɛ́ɛ́ wíŋi náá?» 25Yěsô ntsɔ́ ne pɔ́b ŋgâ: «Pé fɔŋ mvémvé sáʼá wɔ́b pé njʉ́ pɛ n tsɛ́ɛ́ pɔŋ nɛ́. Pɔŋ pɛ́ pɔ́b kɔ́ʼɔ́ fɛ́rɛ́ wɔ́b nɛ́ zhyɛ́ ŋgâ pé fú wɔ́b pé ne ghaŋá zhyɛ́ no sʉ́ʼʉ. 26Ntsʉʼmbé, á ndɛ mbé néré tsetsɛrɛ puŋ! Ndaʼ ŋgâ ŋɔŋ wɛ́ a ŋgəkod tsetsɛrɛ puŋ nɛ́, a yɔ́ɔ́ ywoʼ Mɔ́ŋ mékhó, ŋɔŋ wɛ́ a sáʼá pɔŋ nɛ́, a yɔ́ɔ́ ywoʼ Ŋgaŋafaʼ. 27Á kaʼa mbé wɔ̂ mbé ŋgəkod? Ŋɔŋ wɛ́ a ghɔ́rɔ́ syé ndzwəʼɛ mwɔ̌zó nɛ́, kii ŋɔŋ wɛ́ a ntsɛ́ nsó ŋgɔbɔ nɛ́? Á zhʉ́ʼ mbé ŋɔŋ wɛ́ a ghɔ́rɔ́ syé ndzwəʼɛ́ nɛ́! Ŋgɛmbɛ ne mo, mə tsetsɛrɛ puŋ pé njʉ́ ŋɔŋ wɛ́ a ghɔbɔ nɛ́.
(Mat 19:28)
28Ŋgɛmbɛ ne puŋ, puŋ pɔŋ pɛ puŋ kɛ máʼ ya ŋkhoʼyɛ́ á ghɛ́ɛ́ mə mbɛ ndzɔ́ʼɔ́ kpeʼe nɛ́ pó. 29Mbɛ́ ne mo, mə fɛ́ Nofɔŋ Mboʼmvé ne puŋ njʉ́ Tɛd ya fɛ́ ne mo nɛ́. 30Néré puŋ náʼá ndzɔ̂ mbó nɔ́ ndzó Nofɔŋ ya, puŋ naʼ ŋgɔ́rɔ́ ndzó ywʉ sabá fiʼ, fiʼɛ ntsɔ̌b ndǎ ndáb Issayɛ yípáá.»
Símo Pětro kʉ́yó sirɛ́ Yěsô
31Yěsô ntsɔ́ pwó Símo Pětro ŋgâ: «Símo, Símo, zóʼó! Sátaŋ psírɛ wúŋ ne mo ne tsědne ŋkɔŋɔ wúŋ náá, njʉ́ pé ndɛ ntsɛ́rɛ kúŋ nɛ́. 32Ntsʉʼmbé, mə ntséʼé Mboʼmvé ŋkyé wo, kɛ́ʼɛ́ ŋgâ wo ndɛ mbzyě psyɛ́ndzɔʼ wo. Ŋkhoʼyɛ́ wo náʼá mbɔ́rɔ́ ndzəb ne mo nɛ́, fɛ́ tʉ̌ŋ pwó pɔ́ŋmɛ́ pó.»
(Mat 26:33-34; Máá 14:29-30)
33Pětro ntsɔ́ pwó yé ŋgâ: «Ntsɛɛpɔŋ, a pɛ́ɛ́ ŋgúne ndátsáŋ, mbɛ pfône, a ké mbɛ paʼa!» 34Yěsô pɔ́rɔ́ pwó yé ŋgâ: «Ɔ́ŋɔ́, Pětro, mə sɔ́ŋɔ́ wo, ndzebé, ŋkhoʼ ntú kii wo nsó kɛ́ɛ́ yíkyéd ŋgâ wo zé ya pó po!»
ŋgíŋgye tsɛ́ʼɛ́ ne mǎʼne kpê mbəb yɔ́b ŋkhoʼyɔŋ
35Yěsô pó nsó ŋkʉ́rʉ́ pwó ŋgíŋgye pé ŋgâ: «Ŋkhoʼyɛ́ mə kɛ twɔ́ wúŋ kii mbób, kii pab, kii tɔ́kpee nɛ́, puŋ kɛ kâ cyó yɔ́b?» Pɔ́b pod ŋgâ: «Psi kɛ pé kâ yɔ́b pó.» 36Á ntsɔ́ ne pɔ́b ŋgâ: «Ŋkhoʼyɔŋ, a pó mbé pɛ́ɛ́ yéré nɛ́ po! Ŋɔŋ wɛ́ a tséʼé mbób nɛ́, a yɔ́ɔ́. Ŋɔŋ wɛ́ a tséʼé pab nɛ́ a yɔ́ɔ́, ŋɔŋ wɛ́ a tséʼé káfáá nɛ́ pó, a fí ndzwé yé fóó ndzúŋ núŋu. 37A zɔŋɔ ŋgâ nsó poʼ ŋwéʼe yɔŋ yúŋɔ́ mbəb mo: “Pé sí wé ndzɔ́ʼɔ́ pukəpɔŋ”. Néré yéré no yɛ́ a tíŋɛ páá nɛ́, yúŋɔ́.» 38ŋgíŋgye Yěsô ntsɔ́ pwó yé ŋgâ: «Ntsɛ́ɛ́pɔŋ, káfáá yípáá pé nɔŋ.» Yěsô pɔ́rɔ́ ne pɔ́b ŋgâ: «Yekénɛ́ kuʼu.»
Yěsô ghú tsɛ́ʼɛ́ Mboʼmvé ndúŋú ŋkə́ŋ Nsó Oliivə
(Mat 26:36-41; Máá 14:32-38)
39Yěsô twɔ́ ŋgú ndúŋú ŋkə́ŋ Nsó vód Oliivə, njʉ́ a ndɛ mbéé ŋgú nɛ́. Ŋgíŋgye pé zɔŋɔ wé. 40Ŋkhoʼyɛ́ pɔ́b kɛ páŋ yóʼó nɛ́, a ntsɔ́ ne pɔ́b ŋgâ: «Puŋ tséʼé Mboʼmvé, kɛ́ʼɛ́ ŋgâ kpeʼe ndɛ ntsɛ́ɛ́ wúŋ.» 41Yěsô náʼá suʼú mbəb yé pfúŋɔ́ ŋgíŋgye pé, ffé d kwéʼe mé syé tséʼé Mboʼmvé ntsɔ́ ŋgâ: 42«Tɛd ya, a pɛ yɛ́ wo kʉyě nɛ́, wo suʼú yɔŋ ndɔ́ŋ ŋgəʼo pfúŋɔ́ mo? Ndaʼ ŋgâ wo ndɛ ŋgyɛ́ yɔ́b yɛ́ mə kʉyě nɛ́, ntsʉʼmbé ŋgyɛ́ yɔ́b yɛ́ wo kʉyě nɛ́.» 43Néré, taʼ aŋgere twɔ́ pépéé nyoʼ mbəb yé pwó yé, fɛ́ metʉŋ pwó yé. 44Vəvod gbáá Yěsô, no ntsɛ́ɛ́ wé. Á tséʼé Mboʼmvé ne tʉ̌ŋ kaʼatɛ tiʼé ŋkhú mbəb yé mvérɛ syé njʉ́ pɛ táá nsə ncʉ syé nɛ́. 45Ŋkhoʼyɛ́ Yěsô kɛ mee ntsɛ́ʼɛ́ Mboʼmvé nɛ́, a ŋǎ syé, mbɔ́rɔ́ pfúŋɔ́ ŋgíŋgye pé, ŋgɛ zhʉ́ wɔ́b, pɔ́b ntsuŋi tɛ ŋgíyé. 46Á ntsɔ́ ne pɔ́b ŋgâ: «Kɔ́ yɔ́ɔ́! Puŋ zhyé zhyé? Puŋ ŋǎ syé tséʼé Mboʼmvé kɛ́ʼɛ́ ŋgâ kpeʼe ndɛ ntsɛ́ɛ́ wúŋ!»
Pé gbáá Yěsô
(Mat 26:47-55; Máá 14:43-49)
47Ŋkhoʼyɛ́ Yěsô kɛ nsó no yéré nɛ́, taʼ mvuʼ pɔŋ páŋ. Taʼ ŋɔŋ ndzɔʼ ŋgíŋgye Yěsô wɛ́ pé kɛ fú ne Yúda nɛ́, pɛ síŋ pɔ́b. A kʉ́yó mbɛ́rɛ́ Yěsô, mbaʼá wé. 48Yěsô ntsɔ́ pwó yé ŋgâ: «Yúda, wo záʼá ndúŋú mbáʼne fí Mɔ́ŋ ŋɔŋ!» 49ŋgíŋgye Yěsô zhʉ́ no yɛ́ a kɛ ghɛ́ ndzáʼá nɛ́, mbzírɛ́ wé ŋgâ: «Ntsɛ́ɛ́pɔŋ, psi túbú káfáá?» 50Cyó taʼ ŋɔŋ ndzɔ́ʼɔ́ pɔ́b, tséé ndzaʼ təŋé taʼ Ŋgaŋafaʼ tɛdshʉ́ kəkwéʼe yé maʼ. 51Ntsʉʼmbé Yěsô nsó ŋgâ: «Puŋ ntéé pɔ́b ŋgyɛ́ no yɛ́ pɔ́b kʉ́yó ndúŋú nɛ́! Á ŋkuʼu!» Ŋkébé ntə́ŋé Ŋgaŋafaʼ wéré, a fwó.
52Yěsô ntsɔ́ pwó pɛ ntsɛ́ssó ghaŋáshʉ́, pwɛ ntsɛ́ssó pɛ mânaŋ Ndámboʼmvé pwɛ pɛ ghəkód pɛ pɔ́b kɛ kʉ́yó nɛ́ ŋgâ: «Pǔŋ kʉ́yó ne káfáá pwɛ kʉ́yé pé njʉ́ mə mbɛ gháŋ nɛ́! 53Ŋkhoʼyɛ́ piŋi kɛ pé ŋkɔŋɔ zhymvé náá Ndámboʼmvé nɛ́, puŋ pé gbáá ya pó. Ntsʉʼmbé, yuŋ ŋkhoʼ kuʼú, ŋkhoʼyɛ́ ndzə́ndzə́b nyoʼ mé tʉ̌ŋ nɛ́!»
Pětro sirɛ́ Yěsô ŋkɛ̂ yíkyéd
(Mat 26:57-58; Máá 14:53-54)
54Pɔ́b gbáá Yěsô ŋgú ne yé ndáb tɛdshʉ́ kəkwéʼe. Pětro zɔŋɔ wɔ́b ntaŋa sesɛ. 55Njʉ́ pé kɛ nə́b mɔ́ɔ́ kəkwéʼe tsetsɛrɛ syémasǎ nɛ́, Pětro kʉ́yó ŋgɔ́rɔ́ ndzɔ́ʼɔ́ pɔŋ pɛ pɔ́b kɛ ghód nzɔɔ mɔ́ɔ́ nɛ́.
(Mat 26:69-75; Máá 14:66-72; Zhâ 18:17; 18:25-27)
56Taʼ Ŋgaŋafaʼ ywoʼ wéré wé məŋgʉ́yé zhʉ́ Pětro ghɔ́rɔ́ ne gháá mɔ́ɔ́. Á tíŋɛ wé kpaʼ pébéme, nsó ŋgâ: «Ŋɔŋ wɔŋ kɛ ké mbé yé pú Yěsô.» 57Pětro pɔ́rɔ́ pwó məŋgʉ́yé wéré ŋgâ: «Ŋgáŋ! Mə ndzɛ́ wé po!» 58Mɔ́ŋtiʼa ŋkhoʼ záʼ, cyó ŋɔŋ zhʉ́ Pětro, ntsɔ́ pwó yé ŋgâ: «Wo yo, a puŋ pɔ́b.» Pětro pod ŋgâ: «Ŋgáŋ! A psi pɔ́b po!» 59Yɔ́b taʼ ŋkhoʼmvé záʼ, cyó ŋɔŋ ŋkʉ́rʉ́ nsó yé pé ne sɛ́ɛ́ne ŋgâ: «Á sísíŋ, wekénɛ́ ŋɔŋ pě ké mbɛ̂ pú Yěsô. Mbɛ, a ŋɔŋ Galílya.» 60Ntsʉʼmbé Pětro pɔ́rɔ́ pwó yé ŋgâ: «Mə ndzɛ́ no yɛ́ wo zɔŋɔ ntsɔ́ nɛ́ pó.» Njʉ́ a kɛ ntsɔ́ néré nɛ́, ŋkhoʼ ntú. 61Ntsɛɛpɔŋ séd mbəb yé ndiŋɛ́ Pětro ndzó míí mé. Tó Pětro fú ne no yɛ́ á kɛ pě ntsɔ́ pwó yé nɛ́, ŋgâ: «Ndzebé, ŋkhoʼ ŋgɛ ntú, wo sírí ya ŋkɛɛ yíkyéd.» 62Pětro ŋǎ syémasǎ ŋkhó kaʼatɛ.
Ghaŋáyáʼavǎ gbíí Yěsô mbó tó wé
(Mat 26:67-68; Máá 14:65)
63Mbzíŋi pɛ pɔ́b kɛ psíbɛ Yěsô nɛ́ kɛ ntúŋɔ wé mbó gbíí wé. 64Pɔ́b pwɔ záŋ yé, mbó mbzírɛ́ wé ŋgâ: «Zhyɛ́ njʉ́ ŋgaŋatsɔ́kpaŋató nɛ́. Á gbíí wɔ́ gbíí wo?» 65Pɔ́b pó fɛ́ pecyó pɛ ntó zááme pwó Yěsô.
Yěsô síŋ ghaŋásábáfiʼ kəkwéʼe pɛ Yuda
(Mat 26:59; 26:63-65; Máá 14:55; 14:61-64)
66Ŋkhoʼyɛ́ mvé kɛ kee nɛ́, pɛ ghəkód, pɛ ghaŋákeʼekaŋ pwɛ ntsɛ́ssó ghaŋáshʉ́ ntéré mbəb yɔ́b. Pɔ́b zhyɛ́ ŋgâ pé kʉ́yó ne Yěsô ndzó ywoʼ sabáfiʼ kəkwéʼe yɔ́b. 67Pɔ́b psirɛ́ Yěsô ŋgâ: «A pɛ́ɛ́ yɛ́ wo Kristo nɛ́, wo sə́ŋɛ́ ywí» Á ntsɔ́ ne pɔ́b ŋgâ: «Á pɛ́ɛ́ yɛ́ mə sə́ŋɛ́ wúŋ nɛ́, mbǒ puŋ mbzyɛ́ pó. 68Mbéyɛ́ mə mbó mbzírɛ́ wúŋ ne no ndúŋú nɛ́, mbǒ puŋ mbód pó. 69Ntsʉʼmbé ndzyěne ŋkhoʼyɔŋ, Mɔ́ŋ ŋɔŋ ŋgɔ́rɔ́ pfúŋɔ́ Mboʼmvé Fɔŋ metʉŋ, ne ndzaʼ pwó yé maʼ.» 70Néré, ŋkɔŋɔ wɔ́b náá ntsɔ́ pwó yé ŋgâ: «Yéré pé ŋgâ wo Mɔ́ŋ Mboʼmvé?» Yěsô pɔ́rɔ́ ne pɔ́b ŋgâ: «ŋgâ puŋ ntsɔ́ nɛ́!» 71Pɛ ghaŋásábáfiʼ pó nsó ŋgâ: «Ŋgaŋakpêntaŋ tséʼé ghebe ne piŋi ŋkʉ́rʉ́ po! ŋkyé ŋgâ piŋi kɛ zóʼ nsó wɛ́ a twɔ́ tswée yé nɛ́.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល