Lúkaasə 21
21
Ywɔ́shʉ́ yɛ́ pfʉ́ʉ́ məŋgʉ́yé kɛ kʉ́yó núŋ nɛ́
(Máá 12:41-44)
1Yěsô kɛ pɛ Ndámboʼmvé, njʉ́ njʉ́ pɛ foʼ kɛ níŋɛ ywɔ́shʉ́ ndzó ŋkɔ́bshʉ nɛ́. 2Á ké mbó njʉ́ taʼ ŋgaŋáŋgəʼo pfʉ́ʉ́ məŋgʉ́yé. Á níŋi yé pé ndaʼ mbób yípáá yɛ́ a ndzyě mbé kúʼú cyó yɔ́b nɛ́ pó. 3Yěsô nsó ŋgâ: «Kpaʼ sísíŋ, mə sə́ŋɛ́ wúŋ! Ŋgaŋáŋgəʼo məŋgʉ́yé wɔŋ fɛ́ ntsɛ́ɛ́ ŋkɔŋɔ ŋɔŋ náá. 4Ŋkyé ŋgâ ŋkɔŋɔ pecyó pɔŋ náá níŋɛ yɔ́b yɛ́ a tséʼé ghebe ne pɔ́b nɛ́ pó. Ntsʉʼmbɛ ne məŋgʉ́yé wɔŋ a záŋá ŋkɔŋɔ yɔ́b náá nɛ́, a yɔ́ɔ́ ŋkɔŋɔ yɔ́b yɛ́ a ntsɛ́ʼɛ́ ne ntsǒne mvé núŋ náá nɛ́, kʉ́yó núŋ.»
Ndábmboʼmvé náʼá mbɛ nyʉʼime
(Mat 24:1-2; Máá 13:1-2)
5Njʉ́ pecyó pɔŋ kɛ tiŋi ndámboʼmvé ŋgoʼo nɛ́, ŋgɔʼ pǔme pɛ pé kɛ ntéŋé núŋ pwɛ mwɔ̌shʉ́ sʉ́ʼʉ pɛ́ pé kɛ ntii ndzó nɛ́. Yěsô nsó ŋgâ: 6«Zhyémve tsé kʉ́yó. Mɔ́b pe ké nɛ́ puŋ tíŋɛ ŋgoʼo nɛ́, cyó ŋgɔʼ pe ntsʉʼɔ ndúŋú cyó ŋkʉ́rʉ́ po! Ŋkɔŋɔ yé náá kʉ́yó nyʉʼɛ.»
No yɛ́ a kʉ́yó njʉyǐndzʉ zhyémvé mve nɛ́
(Mat 24:3-8; Máá 13:3-8)
7Pɔ́b psirɛ́ Yěsô ŋgâ: «Kéʼeyáŋ, tɛ yéré no naʼ mbáŋá yɛ́ kɔ́? A náʼá nyóʼó yɛ́rɛ́ kiŋi ŋgâ yéré no kʉ́yó?» 8Yěsô pɔ́rɔ́ ne pɔ́b ŋgâ: «Puŋ máʼ fǐ ndzó təŋé múŋ! Kii ŋɔŋ shʉyɛ́ wúŋ! Pɔŋ kʉ́yó ndɔ́ɔ́ tíí ya ntsɔ́ ŋgâ: “Á mo mbé Kristo!” Mbó ntsɔ́ ŋgâ: “Ŋkhoʼ kuʼu.” Kii puŋ ndɛ ndzɔ́ŋɔ́ wɔ́b. 9Ŋkhoʼyɛ́ puŋ kʉ́yó ndzóʼó pé nsó no ntsɔ́ pwɛ vaʼ nɛ́, kii puŋ ndɛ mvod. Ɔ́ŋɔ́, a zɔŋɔ ŋgâ meno péré péé mbé ŋkɔ́ŋ, ntsʉʼmbé njʉ́yí pe pɛ́ɛ́ ŋkhoʼyéré pó.»
10Yěsô ké mbó nsó ŋkʉ́rʉ́ ne pɔ́b ŋgâ: «Taʼ yáʼ kʉ́yó máʼá ntsɔ́ pú cyó, taʼ ŋgɔŋ kʉ́yó twɔ́ ndzəb yé cyó. 11Tsetsáʼ náʼá mvórɔ́ kaʼatɛ, metsəʼe pwɛ títî pɛ ndzó ywoʼ ywoʼ. Pɛ meno shʉyédme náʼá twɔ́ pépéé, pwɛ mɛ́mɛ́ kiŋi.»
No yɛ́ kʉ́yó ŋgyɛ́ ŋgíŋgye Yěsô nɛ́
(Mat 10:17-22; Máá 13:9-13)
12«Ntsʉʼmbé ŋkɔŋɔ meno péré náá náʼá ŋgɛ mbɛ, pé gbáá wúŋ, nzáá wúŋ ne ŋgəʼo. Pé fí wúŋ ndzó pɛ ndántéré pɛ Yuda ne fíʼne wúŋ, mbó níŋɛ wúŋ ndátsáŋ. Pé kʉ́yó ndɔ́ɔ́ wúŋ, ŋgú ne wúŋ síŋ pɛ fɔŋ pwɛ pɛ ntsɛ́ssó pɛ ŋgɔ́menaʼ ŋkyé tíí ya. 13Néré, a pé ŋkɔʼyɛɛ ne puŋ ne kpêne ntáŋ ya. 14Puŋ níŋi yɔŋ tó puŋ ŋgâ puŋ ndɛ ntsuŋu nsó kpê mbəb. 15Ŋkyé ŋgâ mo, mə náʼá fɛ́ nsó mbó fɛ́ zé yɛ́ cyó taʼ ŋɔŋ ndzɔʼ ŋgaŋákəpeŋé puŋ naʼ tséʼé tʉŋɔ tswée ndúŋú nɛ́ pó. 16Mbɛ tɛd puŋ, ne mɛ́ puŋ, pɔ́ŋmɛ́ puŋ, pwɛ sɔ́ŋ puŋ kʉ́yó ŋgyɛ́ pé gbáá wúŋ, mbó nɔʼ záá pɔŋ ndzɔ́ʼɔ́ puŋ. 17Ŋkɔŋɔ pɔŋ náá kʉ́yó mbáŋá wúŋ ŋkyé ya. 18Ntsʉʼmbé taʼ kpee nwɔ̌tó yuŋ kʉ́yó mbwó pó. 19A náʼá ŋgyɛ́ shʉ̌ndzɔʼ yúŋ puŋ zú.»
No yɛ́ a kʉ́yó ŋkúŋɔ Yerʉ́salɛm nɛ́
(Mat 24:15-21; Máá 13:14-19)
20Yěsô ké mbó nsó ŋkʉ́rʉ́ ŋgâ: «Ŋkhoʼyɛ́ puŋ naʼ zhʉ́ pɛ káŋató, pɔ́b zhyɛ́ mbɛ́lʉ́ŋ Yerʉ́salɛm ntɛ́ɛ́ nɛ́, puŋ zé nɛ́ ŋgâ ŋkhoʼyɛ́ pe sáʼá mbɛ́lʉ́ŋ nɛ́ kuʼu. 21Néré, pɔŋ pɛ́ pɔ́b Zhʉde nɛ́, pɔ́b kí kɔ́ʼɔ́ ndúŋú pɛ ŋkə́ŋ. Pɛ́ pɔ́b ndzó ndzyě mbɛ́lʉ́ŋ nɛ́, pɔ́b twɔ́. Kii pɛ́ pɔ́b faʼ nɛ́ ndɛ mbɔ́rɔ́ ndzó mbɛ́lʉ́ŋ. 22Ŋkyé ŋgâ, zhyémvé péré ŋkɔŋɔ tó meno pɛ́ a ŋwéʼéme náá nɛ́ ndúŋɔ, yéré pe tsɔʼɔfaʼ pʉ́ʉ́ŋgyé Mboʼmvé. 23Ndɔŋ kʉ́yó mbɛ tó pěŋgyé sǔme pwɛ pɛ memɔ́ŋ ne yéré zhyémvé mve! ŋkyé ŋgâ ŋgəʼo zááme náʼá mbɛ ndzó ŋgɔŋ. Mboʼmvé nyóʼó pʉ̌ŋgye yé ŋkyé pumésɔŋ. 24Pé náʼá nɔ́ʼɔ́ wɔ́b pé ne məmíí, pecyó, pé gbáá wɔ́b ne pɛ poʼ ŋgú ne wɔ́b ndzó pɛ mbaʼ mvé. Pɔŋ pɛ́ pɔ́b zɛ́ Mboʼmvé nɛ́ pó kʉ́yó mbóó mbɛ́lʉ́ŋ Yerʉ́salɛm, tɛ mbáŋ ŋkhoʼyɛ́ Mboʼmvé kɛ tíí nɛ́, á myé, yéré no tsébé.»
Mbziʼe yɛ́ Mɔ́ŋ ŋɔŋ náʼá kʉ́yó nɛ́
(Mat 24:29-31; Máá 13:24-27)
25Yěsô kémbó nsó ŋkʉ́rʉ́ ŋgâ: «Pɛ kiŋi náʼá mbɛ ndzó tíí ménab, ndzó ménwɔ̂tsuʼ pwɛ pɛ saŋ. Ŋkɔŋɔ pɔŋ pɛ́ pɔ́b ndúŋú tsetsáʼ náá nɛ́ kʉ́yó ndzóʼó ndzəb fəfod ntʉ̌ŋme ndúŋú lepaanse, vəvod gbáá wɔ́b, pɔ́b pɔ́ɔ́. 26Pɔŋ náʼá pfɔ́ pwó pɔ́ɔ́ ŋkyé kpáŋá meno kəpɔŋ pɛ́ a náʼá kʉ́yó ndúŋú tsetsáʼ náá nɛ́. Ŋkyé ŋgâ tʉ̌ŋ pépéé náʼá nyʉ́. 27Néré, pɔ́b zhʉ́ njʉ́ Mɔ́ŋ ŋɔŋ kʉ́yó ndzɔ́ʼɔ́ pfuŋ, ne ŋkɔŋɔ tʉ̌ŋ mé pwɛ ŋkɔŋɔ ŋgúʼune mé náá nɛ́.»
Fuʼno tsi mbéé
(Mat 24:32-35; Máá 13:28-31)
28Yěsô pó máʼ fuʼno ne pɔ́b, nsó ŋgâ: «Ŋkhoʼyɛ́ péré meno náʼá ndzyě ne ndzaʼne nɛ́, puŋ ntsúŋú mbəb yuŋ mbó mbúʼú tó puŋ! ŋkyé ŋgâ ŋkhoʼyɛ́ Mboʼmvé kpéé wúŋ nɛ́, kɛ tsé ŋkúʼɔ́!» 29Puŋ tíŋí tsi mbéé kii ŋkɔŋɔ pecyó pɛ nsó náá! 30Ŋkhoʼyɛ́ pǔŋ zhʉ́ fwó pé ndzyě ne séʼene nɛ́, pǔŋ zé ŋgâ ŋgáb mbuŋ tsé kʉ́yó. 31Á ké mbé nɛ́ ŋkhoʼyɛ́ puŋ njʉ́ péré meno nɛ́, puŋ zé ŋgâ Nofɔŋ Mboʼmvé tsé kʉ́yó. 32Mə sɔ́ŋɔ́ wúŋ sísíŋ ŋgâ: «Ŋgɔbɔ́ ŋumesɔŋ ndzebé náʼá pfɔ̂ náá kii péré meno páŋ pó. 33Pépéé pwɛ tsetsáʼ náʼá ndzáʼá náá, ntsʉʼmbé nsó ya náʼá ndzaʼ ne cyó zhyémvé pó.»
Mɔ́ŋ ŋɔŋ náʼá kʉ́yó kii ŋɔŋ zé
34«Puŋ máʼ fi ndzó təŋé múŋ! Mbɔɔ ŋgâ ndzɔʼ yuŋ ndɛ ntsɛ́ɛ́ ndúŋú nɔ́ne pɛ yoʼ pwɛ ndzóne mɔ́b, kii gbîne mbəb ndúŋú mɔ́b mvé. Kɛ́ʼɛ́ ŋgâ zhyémvé mve yéré ndɛ mvwɛ́ wúŋ mvwi 35njʉ́ mbúndzáá ndɛ mvwɛ ssó nse nɛ́. Ŋkyé ŋgâ á náʼá mvwɛ́ ŋkɔŋɔ pɔŋ náá ndúŋú tsetsáʼ. 36Ŋgɛ ŋkhu ne puŋ, pǔŋ yáʼ sáŋ, ntsɛ́ʼɛ́ Mboʼmvé kii káŋ. Kɛ́ʼɛ́ ŋgâ, Mboʼmvé zhʉ́ ŋgâ tɛ a paʼa wúŋ ne péré meno pɛ́ a tsé kʉ́yó náá nɛ́, puŋ pó nsé ntʉ̌ŋme síŋ Mɔ́ŋ ŋɔŋ.»
37Á kɛ pé pɛ nwɔ̌nsó, Yěsô fɛ́ ntʉ́ʉ́ Ndámboʼmvé, mbé ne fwɔ̌nab, a yáʼa ndúŋú ŋkə́ŋ Nsó vód Oliivə. 38Ne ndzɔ́ʼɔ́wáá, ŋkɔŋɔ pɔŋ náá kʉ́yó Ndámboʼmvé ne ndzóʼne Yěsô.
ទើបបានជ្រើសរើសហើយ៖
Lúkaasə 21: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 21
21
Ywɔ́shʉ́ yɛ́ pfʉ́ʉ́ məŋgʉ́yé kɛ kʉ́yó núŋ nɛ́
(Máá 12:41-44)
1Yěsô kɛ pɛ Ndámboʼmvé, njʉ́ njʉ́ pɛ foʼ kɛ níŋɛ ywɔ́shʉ́ ndzó ŋkɔ́bshʉ nɛ́. 2Á ké mbó njʉ́ taʼ ŋgaŋáŋgəʼo pfʉ́ʉ́ məŋgʉ́yé. Á níŋi yé pé ndaʼ mbób yípáá yɛ́ a ndzyě mbé kúʼú cyó yɔ́b nɛ́ pó. 3Yěsô nsó ŋgâ: «Kpaʼ sísíŋ, mə sə́ŋɛ́ wúŋ! Ŋgaŋáŋgəʼo məŋgʉ́yé wɔŋ fɛ́ ntsɛ́ɛ́ ŋkɔŋɔ ŋɔŋ náá. 4Ŋkyé ŋgâ ŋkɔŋɔ pecyó pɔŋ náá níŋɛ yɔ́b yɛ́ a tséʼé ghebe ne pɔ́b nɛ́ pó. Ntsʉʼmbɛ ne məŋgʉ́yé wɔŋ a záŋá ŋkɔŋɔ yɔ́b náá nɛ́, a yɔ́ɔ́ ŋkɔŋɔ yɔ́b yɛ́ a ntsɛ́ʼɛ́ ne ntsǒne mvé núŋ náá nɛ́, kʉ́yó núŋ.»
Ndábmboʼmvé náʼá mbɛ nyʉʼime
(Mat 24:1-2; Máá 13:1-2)
5Njʉ́ pecyó pɔŋ kɛ tiŋi ndámboʼmvé ŋgoʼo nɛ́, ŋgɔʼ pǔme pɛ pé kɛ ntéŋé núŋ pwɛ mwɔ̌shʉ́ sʉ́ʼʉ pɛ́ pé kɛ ntii ndzó nɛ́. Yěsô nsó ŋgâ: 6«Zhyémve tsé kʉ́yó. Mɔ́b pe ké nɛ́ puŋ tíŋɛ ŋgoʼo nɛ́, cyó ŋgɔʼ pe ntsʉʼɔ ndúŋú cyó ŋkʉ́rʉ́ po! Ŋkɔŋɔ yé náá kʉ́yó nyʉʼɛ.»
No yɛ́ a kʉ́yó njʉyǐndzʉ zhyémvé mve nɛ́
(Mat 24:3-8; Máá 13:3-8)
7Pɔ́b psirɛ́ Yěsô ŋgâ: «Kéʼeyáŋ, tɛ yéré no naʼ mbáŋá yɛ́ kɔ́? A náʼá nyóʼó yɛ́rɛ́ kiŋi ŋgâ yéré no kʉ́yó?» 8Yěsô pɔ́rɔ́ ne pɔ́b ŋgâ: «Puŋ máʼ fǐ ndzó təŋé múŋ! Kii ŋɔŋ shʉyɛ́ wúŋ! Pɔŋ kʉ́yó ndɔ́ɔ́ tíí ya ntsɔ́ ŋgâ: “Á mo mbé Kristo!” Mbó ntsɔ́ ŋgâ: “Ŋkhoʼ kuʼu.” Kii puŋ ndɛ ndzɔ́ŋɔ́ wɔ́b. 9Ŋkhoʼyɛ́ puŋ kʉ́yó ndzóʼó pé nsó no ntsɔ́ pwɛ vaʼ nɛ́, kii puŋ ndɛ mvod. Ɔ́ŋɔ́, a zɔŋɔ ŋgâ meno péré péé mbé ŋkɔ́ŋ, ntsʉʼmbé njʉ́yí pe pɛ́ɛ́ ŋkhoʼyéré pó.»
10Yěsô ké mbó nsó ŋkʉ́rʉ́ ne pɔ́b ŋgâ: «Taʼ yáʼ kʉ́yó máʼá ntsɔ́ pú cyó, taʼ ŋgɔŋ kʉ́yó twɔ́ ndzəb yé cyó. 11Tsetsáʼ náʼá mvórɔ́ kaʼatɛ, metsəʼe pwɛ títî pɛ ndzó ywoʼ ywoʼ. Pɛ meno shʉyédme náʼá twɔ́ pépéé, pwɛ mɛ́mɛ́ kiŋi.»
No yɛ́ kʉ́yó ŋgyɛ́ ŋgíŋgye Yěsô nɛ́
(Mat 10:17-22; Máá 13:9-13)
12«Ntsʉʼmbé ŋkɔŋɔ meno péré náá náʼá ŋgɛ mbɛ, pé gbáá wúŋ, nzáá wúŋ ne ŋgəʼo. Pé fí wúŋ ndzó pɛ ndántéré pɛ Yuda ne fíʼne wúŋ, mbó níŋɛ wúŋ ndátsáŋ. Pé kʉ́yó ndɔ́ɔ́ wúŋ, ŋgú ne wúŋ síŋ pɛ fɔŋ pwɛ pɛ ntsɛ́ssó pɛ ŋgɔ́menaʼ ŋkyé tíí ya. 13Néré, a pé ŋkɔʼyɛɛ ne puŋ ne kpêne ntáŋ ya. 14Puŋ níŋi yɔŋ tó puŋ ŋgâ puŋ ndɛ ntsuŋu nsó kpê mbəb. 15Ŋkyé ŋgâ mo, mə náʼá fɛ́ nsó mbó fɛ́ zé yɛ́ cyó taʼ ŋɔŋ ndzɔʼ ŋgaŋákəpeŋé puŋ naʼ tséʼé tʉŋɔ tswée ndúŋú nɛ́ pó. 16Mbɛ tɛd puŋ, ne mɛ́ puŋ, pɔ́ŋmɛ́ puŋ, pwɛ sɔ́ŋ puŋ kʉ́yó ŋgyɛ́ pé gbáá wúŋ, mbó nɔʼ záá pɔŋ ndzɔ́ʼɔ́ puŋ. 17Ŋkɔŋɔ pɔŋ náá kʉ́yó mbáŋá wúŋ ŋkyé ya. 18Ntsʉʼmbé taʼ kpee nwɔ̌tó yuŋ kʉ́yó mbwó pó. 19A náʼá ŋgyɛ́ shʉ̌ndzɔʼ yúŋ puŋ zú.»
No yɛ́ a kʉ́yó ŋkúŋɔ Yerʉ́salɛm nɛ́
(Mat 24:15-21; Máá 13:14-19)
20Yěsô ké mbó nsó ŋkʉ́rʉ́ ŋgâ: «Ŋkhoʼyɛ́ puŋ naʼ zhʉ́ pɛ káŋató, pɔ́b zhyɛ́ mbɛ́lʉ́ŋ Yerʉ́salɛm ntɛ́ɛ́ nɛ́, puŋ zé nɛ́ ŋgâ ŋkhoʼyɛ́ pe sáʼá mbɛ́lʉ́ŋ nɛ́ kuʼu. 21Néré, pɔŋ pɛ́ pɔ́b Zhʉde nɛ́, pɔ́b kí kɔ́ʼɔ́ ndúŋú pɛ ŋkə́ŋ. Pɛ́ pɔ́b ndzó ndzyě mbɛ́lʉ́ŋ nɛ́, pɔ́b twɔ́. Kii pɛ́ pɔ́b faʼ nɛ́ ndɛ mbɔ́rɔ́ ndzó mbɛ́lʉ́ŋ. 22Ŋkyé ŋgâ, zhyémvé péré ŋkɔŋɔ tó meno pɛ́ a ŋwéʼéme náá nɛ́ ndúŋɔ, yéré pe tsɔʼɔfaʼ pʉ́ʉ́ŋgyé Mboʼmvé. 23Ndɔŋ kʉ́yó mbɛ tó pěŋgyé sǔme pwɛ pɛ memɔ́ŋ ne yéré zhyémvé mve! ŋkyé ŋgâ ŋgəʼo zááme náʼá mbɛ ndzó ŋgɔŋ. Mboʼmvé nyóʼó pʉ̌ŋgye yé ŋkyé pumésɔŋ. 24Pé náʼá nɔ́ʼɔ́ wɔ́b pé ne məmíí, pecyó, pé gbáá wɔ́b ne pɛ poʼ ŋgú ne wɔ́b ndzó pɛ mbaʼ mvé. Pɔŋ pɛ́ pɔ́b zɛ́ Mboʼmvé nɛ́ pó kʉ́yó mbóó mbɛ́lʉ́ŋ Yerʉ́salɛm, tɛ mbáŋ ŋkhoʼyɛ́ Mboʼmvé kɛ tíí nɛ́, á myé, yéré no tsébé.»
Mbziʼe yɛ́ Mɔ́ŋ ŋɔŋ náʼá kʉ́yó nɛ́
(Mat 24:29-31; Máá 13:24-27)
25Yěsô kémbó nsó ŋkʉ́rʉ́ ŋgâ: «Pɛ kiŋi náʼá mbɛ ndzó tíí ménab, ndzó ménwɔ̂tsuʼ pwɛ pɛ saŋ. Ŋkɔŋɔ pɔŋ pɛ́ pɔ́b ndúŋú tsetsáʼ náá nɛ́ kʉ́yó ndzóʼó ndzəb fəfod ntʉ̌ŋme ndúŋú lepaanse, vəvod gbáá wɔ́b, pɔ́b pɔ́ɔ́. 26Pɔŋ náʼá pfɔ́ pwó pɔ́ɔ́ ŋkyé kpáŋá meno kəpɔŋ pɛ́ a náʼá kʉ́yó ndúŋú tsetsáʼ náá nɛ́. Ŋkyé ŋgâ tʉ̌ŋ pépéé náʼá nyʉ́. 27Néré, pɔ́b zhʉ́ njʉ́ Mɔ́ŋ ŋɔŋ kʉ́yó ndzɔ́ʼɔ́ pfuŋ, ne ŋkɔŋɔ tʉ̌ŋ mé pwɛ ŋkɔŋɔ ŋgúʼune mé náá nɛ́.»
Fuʼno tsi mbéé
(Mat 24:32-35; Máá 13:28-31)
28Yěsô pó máʼ fuʼno ne pɔ́b, nsó ŋgâ: «Ŋkhoʼyɛ́ péré meno náʼá ndzyě ne ndzaʼne nɛ́, puŋ ntsúŋú mbəb yuŋ mbó mbúʼú tó puŋ! ŋkyé ŋgâ ŋkhoʼyɛ́ Mboʼmvé kpéé wúŋ nɛ́, kɛ tsé ŋkúʼɔ́!» 29Puŋ tíŋí tsi mbéé kii ŋkɔŋɔ pecyó pɛ nsó náá! 30Ŋkhoʼyɛ́ pǔŋ zhʉ́ fwó pé ndzyě ne séʼene nɛ́, pǔŋ zé ŋgâ ŋgáb mbuŋ tsé kʉ́yó. 31Á ké mbé nɛ́ ŋkhoʼyɛ́ puŋ njʉ́ péré meno nɛ́, puŋ zé ŋgâ Nofɔŋ Mboʼmvé tsé kʉ́yó. 32Mə sɔ́ŋɔ́ wúŋ sísíŋ ŋgâ: «Ŋgɔbɔ́ ŋumesɔŋ ndzebé náʼá pfɔ̂ náá kii péré meno páŋ pó. 33Pépéé pwɛ tsetsáʼ náʼá ndzáʼá náá, ntsʉʼmbé nsó ya náʼá ndzaʼ ne cyó zhyémvé pó.»
Mɔ́ŋ ŋɔŋ náʼá kʉ́yó kii ŋɔŋ zé
34«Puŋ máʼ fi ndzó təŋé múŋ! Mbɔɔ ŋgâ ndzɔʼ yuŋ ndɛ ntsɛ́ɛ́ ndúŋú nɔ́ne pɛ yoʼ pwɛ ndzóne mɔ́b, kii gbîne mbəb ndúŋú mɔ́b mvé. Kɛ́ʼɛ́ ŋgâ zhyémvé mve yéré ndɛ mvwɛ́ wúŋ mvwi 35njʉ́ mbúndzáá ndɛ mvwɛ ssó nse nɛ́. Ŋkyé ŋgâ á náʼá mvwɛ́ ŋkɔŋɔ pɔŋ náá ndúŋú tsetsáʼ. 36Ŋgɛ ŋkhu ne puŋ, pǔŋ yáʼ sáŋ, ntsɛ́ʼɛ́ Mboʼmvé kii káŋ. Kɛ́ʼɛ́ ŋgâ, Mboʼmvé zhʉ́ ŋgâ tɛ a paʼa wúŋ ne péré meno pɛ́ a tsé kʉ́yó náá nɛ́, puŋ pó nsé ntʉ̌ŋme síŋ Mɔ́ŋ ŋɔŋ.»
37Á kɛ pé pɛ nwɔ̌nsó, Yěsô fɛ́ ntʉ́ʉ́ Ndámboʼmvé, mbé ne fwɔ̌nab, a yáʼa ndúŋú ŋkə́ŋ Nsó vód Oliivə. 38Ne ndzɔ́ʼɔ́wáá, ŋkɔŋɔ pɔŋ náá kʉ́yó Ndámboʼmvé ne ndzóʼne Yěsô.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល