Lúkaasə 20
20
Tʉŋ Yěsô twɔ́ pwó wɔ?
(Mat 21:23-27; Máá 11:27-33)
1Cyó zhyémvé mve, Yěsô fɛ́ ntʉ́ʉ́ pwó pɔŋ Ndámboʼmvé mbó fɛ́ cʉrí sʉ́ʼʉ. Ntsɛ́ssó ghaŋáshʉ́, ghaŋákeʼekaŋ pwɛ ghəkód kʉ́yó 2mbzírɛ́ wé ŋgâ: «Sə́ŋə́ ywí. Wo zhʉ́ yɔŋ tʉ̌ŋ pɛ́ɛ́ fáʼa yɔŋ mbziʼe faʼ kaʼa? Á fɛ́ wɔ́ fɛ́ tʉ̌ŋ méré pwó wo?» 3Yěsô pɔ́rɔ́ ne pɔ́b ŋgâ: «Kpaʼ mo, mə mbzírɛ́ wúŋ ne taʼ no. Puŋ sə́ŋɛ́ ya, 4Kpênse yɛ́ Zhâŋ kɛ fɛ́ pwó pɔŋ nɛ́ kɛ twɔ́ pépéé kii a kɛ twɔ́ pwó pumésɔŋ?» 5Pɔ́b kpaŋ tó, ntsɔ́ tsetsɛrɛ pɔ́b ŋgâ: «Piŋi pɔ́rɔ́ pɔ́rɔ́ ŋgâ: “Á kɛ twɔ́ pépéé”, mbǒ Yěsô mbzírɛ́ wíŋi ŋgâ: “Tɛ a kɛ zhyɛ́ kɔ́ puŋ pé tséʼé psyɛ́ndzɔʼ ŋkyé nsó yé pɔ̂?” 6Á pó mbɛ́ɛ́ yɛ́ piŋi pod ŋgâ: “Á kɛ twɔ́ pwó pumésɔŋ nɛ́”, mbǒ pɔŋ tswɔ́ wíŋi ne ŋgɔʼ tɛ piŋi ké pfɔ̂ pfɔ̂, ŋkyé ŋgâ pɔ́b zé sísíŋ ŋgâ Zhâŋ kɛ pé taʼ ŋgaŋatsɔ́kpaŋató Mboʼmvé.» 7Kɛ́ʼɛ́, pɔ́b pɔ́rɔ́ pwó Yěsô ŋgâ: «Psi zé ywoʼ yɛ́ a kɛ twɔ́ nɛ́ pó.» 8Néré, Yěsô pó ntsɔ́ ne pɔ́b ŋgâ: «Ŋkɔʼɔ́ tómbəb ya, mə sə́ŋɛ́ wúŋ ne ywoʼ yɛ́ tʉ̌ŋ máá twɔ́, mə ŋgyɛ́ meno pɔŋ núŋ nɛ́ pó.»
Fuʼno ndúŋú ghaŋáfaʼ kəpɔŋ
(Mat 21:33-46; Máá 12:1-12)
9Yěsô pó máʼ fuʼno pwó pɔŋ ŋgâ: «Cyó ŋɔŋ kɛ núŋú taʼ faʼ. Mve nsó yɛ́ ntáá mé fɛ́ yoʼ nɛ́ ndzó. Ntéé pwó ghaŋáfaʼ ŋgâ pɔ́b tsé ndiŋɛ́, ŋgú nsényi, ŋkyáŋá. 10Ŋkhoʼ yɔ́ɔ́mɔ́b kuʼu, a twɔ́ taʼ mkpaŋ yé ŋgâ a ghú kpê pe mɔ́b pɛ́ faʼ kɛ tóó nɛ́ pwó ghaŋáfaʼ kʉ́yó núŋ. Ntsʉʼmbé, ghaŋáfaʼ gbáá wé. Gbíí wé, nuʼɔ wé mbɛ́d mbwó. 11Ŋgaŋafaʼ ké mbó twɔ́ cyó mkpaŋ yé ŋkʉ́rʉ́. Ghaŋáfaʼ ké mbó gbáá yé ywoʼ ŋkʉ́rʉ́ gbíí. Ntó wé, núʼú wé mbɛ́d mbwó. 12Á ké mbó twɔ́ mbɛ́rɛ́ yíkyéd. Ŋgɛ ŋkhú ne yé, pɔ́b níŋi fûŋ mbəb yé, ndzú wé. 13Ŋgaŋafaʼ tsɔ tó yé ŋkhoʼyɔŋ ŋgâ: “Mə ŋgyɛ́ níŋ? Mə twɔ́ Mɔ́ŋ ya wɛ́ mə ntii ndzɔʼ ya mbəb yé nɛ́, pɔ́b ŋguʼɔ wé kpaʼ sʉ́ʼʉ.” 14Ŋkhoʼyɛ́ ghaŋáfaʼ kɛ zhʉ́ Mɔ́ŋ yé wɔŋ nɛ́, pɔ́b ntsɔ́ tsetsɛrɛ pɔ́b ŋgâ: “Yɔŋ ndzóndáb yé. Piŋi gbáá wé, nɔ́ʼ, kɛ́ʼɛ́ ŋgâ faʼ ŋkhu yíŋi!” 15Pɔ́b swə́ə́ wé, twɔ́ ne yé faʼ, nɔ́ʼ wé.» Ŋkhoʼyɛ́ Yěsô kɛ mee yɔŋ fuʼno nɛ́, a psírí wɔ́b ŋgâ: «Puŋ zhʉ́ yuŋ ŋgâ tɛ Ŋgaŋafaʼ wɔŋ kʉ́yó ŋgyɛ́ níŋ? 16Á kʉ́yó gbáá pɛ ghaŋáfaʼ, nɔ́ʼɔ́ wɔ́b náá, fɛ́ faʼ pwó pecyó pɔŋ.»
Ŋkhoʼyɛ́ pɔ́b kɛ zóʼ néré nɛ́, pɔ́b gháá: «Ŋgáŋ cyó yɔ́b!»
17Yěsô pó ndiŋɛ́ wɔ́b ndzó míí mɔ́b, ntsɔ́ ne pɔ́b ŋgâ:
«Yɔŋ ndíí ŋwéʼe ntsɔ́ ŋgâ kɔ́?
“Ŋgɔʼ yɛ́ pɛ ghaŋákúrɔndáb kɛ suʼú fɛ́ ndzəb nɛ́,
A tsʉ́ʼ yéré tsʉ́ʼ ŋgɔʼ ntɛ́ɛ́ ndáb.
18Ŋkɔŋɔ pɔŋ pɛ́ pɔ́b mvɔ ndúŋú ŋgɔʼ yéré náá nɛ́, a nyʉʼɛ́ wɔ́b. Mbéyɛ́ ŋgɔʼ yéré pó vɔ́ mbəb ŋɔŋ nɛ́, mbǒ a ŋgɔʼɔ wé ghɔʼ.”»
19Ghaŋákeʼekaŋ pwɛ pɛ ntsɛ́ssó ghaŋáshʉ́, zóʼ ŋgâ Yěsô kɛ ntsɔ́ yéré no ŋkyé wɔ́b. Pɔ́b taʼa ne gbǎne wé, ntsʉʼmbé mbɔ́ɔ́ míí pɔŋ.
Zɛ́no ne no péé sebe
(Mat 22:15-22; Máá 12:13-17)
20Ghaŋákeʼekaŋ pwɛ pɛ ntsɛ́ssó pɛ ghaŋáshʉ́ ntsʉʼ ŋkhoʼyɔŋ ntsî Yěsô tsǐ, ntwɔ́ pɔŋ pɛ́ pɔ́b zhyɛ́ njʉ́ pɔ́b zɛ́ Mboʼmvé zé tɛ nɛ́, ndzəb yé. Ntsʉʼmbé pɔ́b kɛ taʼa Mɔ́ŋ ywoʼ yɛ́ Yěsô ntsɔ́ no mvɔ́ nɛ́, pɔ́b yáa ndúŋú gbáá wé fɛ́ pwó ntsɛ́ssó pɛ ŋgɔ́bmenaʼ wɛ́ a kɛ sáʼá mbó tsyaŋa yéré pɛ́rɛ́ ŋgɔŋ nɛ́. 21Pɛ mânaŋ péré psirɛ́ Yěsô ŋgâ: «Kéʼeyáŋ, psi zé ŋgâ wo ntsɔ́ mbó nyóʼó no sísíŋ. Wo ké mbé tíŋɛ ŋgʉyétsuʼ mbɔɔ míí mé pó, wo ké nyóʼó mɛndɔ́b Mboʼmvé pwó pɔŋ pé ne ŋgerɛ́ŋged. 22Ntsɔ́ ne psi: “Ɔ́ŋɔ́ kii ŋgáŋ! Á psyɛ́ ŋgâ, tɛ psi péé sebe pwó Káza?”» 23Pɔ́b psírí néré, Yěsô zé ŋgâ pɔ́b pferɛ wé pfere, ntsɔ́ ne pɔ́b ŋgâ: 24«Puŋ nyoʼ taʼ mbób pɛʼɛ. Záŋ ne tíí yɛ́ ndúŋ mbəb yéré nɛ́, yé wɔ?» Pɔ́b gháá: «Á yé Káza.» 25Yěsô sə́ŋɛ́ wɔ́b ŋgâ: «A pénɛ́! Puŋ fɛ́ yɔ́b Káza pwó yé, fɛ́ yé Mboʼmvé pwó Mboʼmvé.» 26Njʉ́ Yěsô kɛ pod kii shaŋa pɛ ndzɔʼ nsó yé nɛ́, pɛ ntsɛ́ssó ghaŋáshʉ́ pwɛ ghaŋákeʼekaŋ pe tséʼé mɛndɔ́b ne gbǎne wé síŋ pɔŋ pó. No tsɛ́ɛ́ wɔ́b, pɔ́b mé, ŋgód fwóme.
Zɛ́no ne njʉyɛ́ne ne vó
(Mat 22:23-33; Máá 12:18-27)
27Pɛ Sadúkayə pɔŋ pɛ́ pɔ́b psyɛ́ ŋgâ pɔŋ kʉ́yó njʉyɛ́ ne vó nɛ́ pó. Pecyó nyí mbɛ́rɛ́ Yěsô mvirɛ wé ŋgâ: 28«Kéʼeyáŋ, Mǔsê kɛ ntsɔ́ ndzó ŋkaŋ mé ŋgâ: “Á pɛ yɛ́ mɔ́ŋmɛ́ wo zɔʼ məŋgʉ́yé, pfɔ̂ kii yɔ́b nɛ́, mbǒ wo ndɔ́ɔ́ pfʉ́ʉ́ yé puŋ yé p ffé pɛ Mɔ́ŋ, kɛ́ʼɛ́ ŋgâ tíí mɔ́ŋmɛ́ wo ndɛ mbwó.” 29Pɔ́ŋmɛ́ pesambáá kɛ pɛ yóʼó, sɔ́ yé zɔʼ, pfɔ̂ kii ntee Mɔ́ŋ. 30Mbɛ́rɛ́ yípáá yɔ́ɔ́ pfʉ́ʉ́ yé, pfɔ̂ kii ntee Mɔ́ŋ. 31Mbɛ́rɛ́ yíkyéd, ké mbɛ néré, tɛ ŋgú meyé. Pɔ́ŋmɛ́ pesambáá péré pfɔ̂ náá kii ntee Mɔ́ŋ. 32Njʉ́yí ghɛmbɛ, məŋgʉ́yé ké mbó pfɔ́ yé. 33Kɛ́ʼɛ́! zhyémvé mve yɛ́ pɔŋ kʉ́yó njʉyɛ́ ne vó nɛ́, a náʼá mbɛ́ɛ́ ŋgʉyé wɔ́ tsetsɛrɛ pɔ́ŋmɛ́ pesambáá péré, njʉ́ ŋkɔŋɔ wɔ́b kɛ yɔ́ɔ́ wé náá ne ŋgʉyé wɔ́b nɛ́?»
34Yěsô pɔ́rɔ́ ne pɔ́b ŋgâ: «Á ndzó mvé yɔŋ, mbzíŋi pwɛ pěŋgyé zɔ́ʼɔ́ ndáá. 35Pɔ́ŋ pɛ́ Mboʼmvé kʉ́yó ndiŋɛ́ wɔ́b njʉ́ ŋgâ pɔ́b kúŋɔ́ ne njʉyɛ́ne vó ntsó ndzó mvé yɛ́ a kʉ́yó nɛ́, pěŋgyé pwɛ mbziŋí péré kʉ́yó ndzɔʼ ndáá pó. 36Pɔŋ péré mbó kʉ́yó pfɔ̂ ŋkʉ́rʉ́ pó, ŋkyé ŋgâ pɔ́b pɛ́ɛ́ njʉ́ pɛ aŋgere nɛ́. Pɔ́b ntsʉʼʉ mbɛ́ɛ́ pɔ́ŋ Mboʼmvé, ŋkyé ŋgâ Mboʼmvé kpê wɔ́b pwó vó. 37Ŋgɛ ŋkhú ne njʉyɛ́ne ne vó, Mǔsê kɛ naʼ máʼ no núŋú ŋkhoʼyɛ́ a kɛ ntsɔ́ no ntsóʼgháŋ yɛ́ á kɛ kpii kii pwó, á fú Ntsɛɛpɔŋ ne Mboʼmvé Ábraham, Mboʼmvé Izaʼ pú Mboʼmvé Yakɔb nɛ́. 38Ntsʉʼŋgɛ mbɛ Mboʼmvé pó pé wé pfɔ̂pɔŋ pó. A Mboʼmvé pɔŋ mɔ́b, ŋkyé ŋgâ á ne míí mé, ŋkɔŋɔ pɔŋ náá ké mbɛ́ɛ́ mɔ́b.» 39Pecyó ghaŋákeʼekaŋ pɔ́rɔ́ pwó Yěsô ŋgâ: «Kéʼeyáŋ, wo nsó a pú» 40Pɔ́b pó mbé psírí wé ne cyó no ŋkʉ́rʉ́ pó.
Kristo, Mɔ́ŋ mbó mbé Ntsɛ́ɛ́pɔŋ pwó Ndavíd
(Mat 22:41-45; Máá 12:35-37)
41Yěsô pó ntsɔ́ ne pɔ́b ŋgâ: «Tɛ pe ŋgyɛ́ níŋ nsó ŋgâ Kristo Mɔ́ŋ fɔŋ Ndavíd? 42ŋkyé ŋgâ, tómbəb fɔŋ Ndavíd nsó ndzó ŋwéʼe Zɔ́bɔnse ŋgâ:
“Ntsɛɛpɔŋ, ntsɔ́ pwó Ntsɛɛpɔŋ ya ŋgâ:
Ŋkʉ́yó ŋgɔ́rɔ́ ne ndzaʼ pwó ya yé maʼ.
43Tɛ mə ŋgyɛ́ ghaŋákepeŋe pó ntsʉʼʉ ywoʼɔ́ tíí kpee mo.”
44Njʉ́ fɔŋ Ndavíd kɛ fú Kristo ne Ntsɛɛpɔŋ nɛ́, a ŋgyɛ́ níŋ mbó ghɛmbɛ Mɔ́ŋ yé?»
Puŋ zhyaŋa ne ŋgyɛ̌ne njʉ́ ghaŋákeʼekaŋ nɛ́
(Máá 12:37-40)
45Ŋkhoʼyɛ́ pɔŋ kɛ psyé təŋé mɔ́b tsé ndzwə́ʼɛ́ nɛ́, Yěsô ntsɔ́ pwó ŋgíŋgye pé ŋgâ: 46«Puŋ zhyaŋa! Puŋ ndɛ ŋgyɛ́ njʉ́ ghaŋákeʼekaŋ nɛ́! Pɔ́b kʉyě ŋgbêne pɛ mɛ́mɛ́ ndzwé, kʉyě ŋgâ pé pwó síŋ pɔ́b ndzɔ́ʼɔ́ pɔŋ ntsɛ́ʼɛ́ wɔ́b kaʼatɛ, kʉyě ne ndɔ̌ne sɔ́ ywoʼ ndzó pɛ ndántéré pwɛ ywoʼ ndebéne kaʼatɛ. 47Pɔ́b gbáá pɛ pfʉ́ʉ́ pěŋgyé kpee mɔ́b pɛ a tsʉʼɔ́ ne pɔ́b nɛ́, mbó ntsɛ́ʼɛ́ Mboʼmvé ŋkyaŋa ndúŋú. Mboʼmvé kʉ́yó mbɔ́rɔsé yɔ́b tɛ ntsɛ́ɛ́ pecyó pɔŋ.»
ទើបបានជ្រើសរើសហើយ៖
Lúkaasə 20: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 20
20
Tʉŋ Yěsô twɔ́ pwó wɔ?
(Mat 21:23-27; Máá 11:27-33)
1Cyó zhyémvé mve, Yěsô fɛ́ ntʉ́ʉ́ pwó pɔŋ Ndámboʼmvé mbó fɛ́ cʉrí sʉ́ʼʉ. Ntsɛ́ssó ghaŋáshʉ́, ghaŋákeʼekaŋ pwɛ ghəkód kʉ́yó 2mbzírɛ́ wé ŋgâ: «Sə́ŋə́ ywí. Wo zhʉ́ yɔŋ tʉ̌ŋ pɛ́ɛ́ fáʼa yɔŋ mbziʼe faʼ kaʼa? Á fɛ́ wɔ́ fɛ́ tʉ̌ŋ méré pwó wo?» 3Yěsô pɔ́rɔ́ ne pɔ́b ŋgâ: «Kpaʼ mo, mə mbzírɛ́ wúŋ ne taʼ no. Puŋ sə́ŋɛ́ ya, 4Kpênse yɛ́ Zhâŋ kɛ fɛ́ pwó pɔŋ nɛ́ kɛ twɔ́ pépéé kii a kɛ twɔ́ pwó pumésɔŋ?» 5Pɔ́b kpaŋ tó, ntsɔ́ tsetsɛrɛ pɔ́b ŋgâ: «Piŋi pɔ́rɔ́ pɔ́rɔ́ ŋgâ: “Á kɛ twɔ́ pépéé”, mbǒ Yěsô mbzírɛ́ wíŋi ŋgâ: “Tɛ a kɛ zhyɛ́ kɔ́ puŋ pé tséʼé psyɛ́ndzɔʼ ŋkyé nsó yé pɔ̂?” 6Á pó mbɛ́ɛ́ yɛ́ piŋi pod ŋgâ: “Á kɛ twɔ́ pwó pumésɔŋ nɛ́”, mbǒ pɔŋ tswɔ́ wíŋi ne ŋgɔʼ tɛ piŋi ké pfɔ̂ pfɔ̂, ŋkyé ŋgâ pɔ́b zé sísíŋ ŋgâ Zhâŋ kɛ pé taʼ ŋgaŋatsɔ́kpaŋató Mboʼmvé.» 7Kɛ́ʼɛ́, pɔ́b pɔ́rɔ́ pwó Yěsô ŋgâ: «Psi zé ywoʼ yɛ́ a kɛ twɔ́ nɛ́ pó.» 8Néré, Yěsô pó ntsɔ́ ne pɔ́b ŋgâ: «Ŋkɔʼɔ́ tómbəb ya, mə sə́ŋɛ́ wúŋ ne ywoʼ yɛ́ tʉ̌ŋ máá twɔ́, mə ŋgyɛ́ meno pɔŋ núŋ nɛ́ pó.»
Fuʼno ndúŋú ghaŋáfaʼ kəpɔŋ
(Mat 21:33-46; Máá 12:1-12)
9Yěsô pó máʼ fuʼno pwó pɔŋ ŋgâ: «Cyó ŋɔŋ kɛ núŋú taʼ faʼ. Mve nsó yɛ́ ntáá mé fɛ́ yoʼ nɛ́ ndzó. Ntéé pwó ghaŋáfaʼ ŋgâ pɔ́b tsé ndiŋɛ́, ŋgú nsényi, ŋkyáŋá. 10Ŋkhoʼ yɔ́ɔ́mɔ́b kuʼu, a twɔ́ taʼ mkpaŋ yé ŋgâ a ghú kpê pe mɔ́b pɛ́ faʼ kɛ tóó nɛ́ pwó ghaŋáfaʼ kʉ́yó núŋ. Ntsʉʼmbé, ghaŋáfaʼ gbáá wé. Gbíí wé, nuʼɔ wé mbɛ́d mbwó. 11Ŋgaŋafaʼ ké mbó twɔ́ cyó mkpaŋ yé ŋkʉ́rʉ́. Ghaŋáfaʼ ké mbó gbáá yé ywoʼ ŋkʉ́rʉ́ gbíí. Ntó wé, núʼú wé mbɛ́d mbwó. 12Á ké mbó twɔ́ mbɛ́rɛ́ yíkyéd. Ŋgɛ ŋkhú ne yé, pɔ́b níŋi fûŋ mbəb yé, ndzú wé. 13Ŋgaŋafaʼ tsɔ tó yé ŋkhoʼyɔŋ ŋgâ: “Mə ŋgyɛ́ níŋ? Mə twɔ́ Mɔ́ŋ ya wɛ́ mə ntii ndzɔʼ ya mbəb yé nɛ́, pɔ́b ŋguʼɔ wé kpaʼ sʉ́ʼʉ.” 14Ŋkhoʼyɛ́ ghaŋáfaʼ kɛ zhʉ́ Mɔ́ŋ yé wɔŋ nɛ́, pɔ́b ntsɔ́ tsetsɛrɛ pɔ́b ŋgâ: “Yɔŋ ndzóndáb yé. Piŋi gbáá wé, nɔ́ʼ, kɛ́ʼɛ́ ŋgâ faʼ ŋkhu yíŋi!” 15Pɔ́b swə́ə́ wé, twɔ́ ne yé faʼ, nɔ́ʼ wé.» Ŋkhoʼyɛ́ Yěsô kɛ mee yɔŋ fuʼno nɛ́, a psírí wɔ́b ŋgâ: «Puŋ zhʉ́ yuŋ ŋgâ tɛ Ŋgaŋafaʼ wɔŋ kʉ́yó ŋgyɛ́ níŋ? 16Á kʉ́yó gbáá pɛ ghaŋáfaʼ, nɔ́ʼɔ́ wɔ́b náá, fɛ́ faʼ pwó pecyó pɔŋ.»
Ŋkhoʼyɛ́ pɔ́b kɛ zóʼ néré nɛ́, pɔ́b gháá: «Ŋgáŋ cyó yɔ́b!»
17Yěsô pó ndiŋɛ́ wɔ́b ndzó míí mɔ́b, ntsɔ́ ne pɔ́b ŋgâ:
«Yɔŋ ndíí ŋwéʼe ntsɔ́ ŋgâ kɔ́?
“Ŋgɔʼ yɛ́ pɛ ghaŋákúrɔndáb kɛ suʼú fɛ́ ndzəb nɛ́,
A tsʉ́ʼ yéré tsʉ́ʼ ŋgɔʼ ntɛ́ɛ́ ndáb.
18Ŋkɔŋɔ pɔŋ pɛ́ pɔ́b mvɔ ndúŋú ŋgɔʼ yéré náá nɛ́, a nyʉʼɛ́ wɔ́b. Mbéyɛ́ ŋgɔʼ yéré pó vɔ́ mbəb ŋɔŋ nɛ́, mbǒ a ŋgɔʼɔ wé ghɔʼ.”»
19Ghaŋákeʼekaŋ pwɛ pɛ ntsɛ́ssó ghaŋáshʉ́, zóʼ ŋgâ Yěsô kɛ ntsɔ́ yéré no ŋkyé wɔ́b. Pɔ́b taʼa ne gbǎne wé, ntsʉʼmbé mbɔ́ɔ́ míí pɔŋ.
Zɛ́no ne no péé sebe
(Mat 22:15-22; Máá 12:13-17)
20Ghaŋákeʼekaŋ pwɛ pɛ ntsɛ́ssó pɛ ghaŋáshʉ́ ntsʉʼ ŋkhoʼyɔŋ ntsî Yěsô tsǐ, ntwɔ́ pɔŋ pɛ́ pɔ́b zhyɛ́ njʉ́ pɔ́b zɛ́ Mboʼmvé zé tɛ nɛ́, ndzəb yé. Ntsʉʼmbé pɔ́b kɛ taʼa Mɔ́ŋ ywoʼ yɛ́ Yěsô ntsɔ́ no mvɔ́ nɛ́, pɔ́b yáa ndúŋú gbáá wé fɛ́ pwó ntsɛ́ssó pɛ ŋgɔ́bmenaʼ wɛ́ a kɛ sáʼá mbó tsyaŋa yéré pɛ́rɛ́ ŋgɔŋ nɛ́. 21Pɛ mânaŋ péré psirɛ́ Yěsô ŋgâ: «Kéʼeyáŋ, psi zé ŋgâ wo ntsɔ́ mbó nyóʼó no sísíŋ. Wo ké mbé tíŋɛ ŋgʉyétsuʼ mbɔɔ míí mé pó, wo ké nyóʼó mɛndɔ́b Mboʼmvé pwó pɔŋ pé ne ŋgerɛ́ŋged. 22Ntsɔ́ ne psi: “Ɔ́ŋɔ́ kii ŋgáŋ! Á psyɛ́ ŋgâ, tɛ psi péé sebe pwó Káza?”» 23Pɔ́b psírí néré, Yěsô zé ŋgâ pɔ́b pferɛ wé pfere, ntsɔ́ ne pɔ́b ŋgâ: 24«Puŋ nyoʼ taʼ mbób pɛʼɛ. Záŋ ne tíí yɛ́ ndúŋ mbəb yéré nɛ́, yé wɔ?» Pɔ́b gháá: «Á yé Káza.» 25Yěsô sə́ŋɛ́ wɔ́b ŋgâ: «A pénɛ́! Puŋ fɛ́ yɔ́b Káza pwó yé, fɛ́ yé Mboʼmvé pwó Mboʼmvé.» 26Njʉ́ Yěsô kɛ pod kii shaŋa pɛ ndzɔʼ nsó yé nɛ́, pɛ ntsɛ́ssó ghaŋáshʉ́ pwɛ ghaŋákeʼekaŋ pe tséʼé mɛndɔ́b ne gbǎne wé síŋ pɔŋ pó. No tsɛ́ɛ́ wɔ́b, pɔ́b mé, ŋgód fwóme.
Zɛ́no ne njʉyɛ́ne ne vó
(Mat 22:23-33; Máá 12:18-27)
27Pɛ Sadúkayə pɔŋ pɛ́ pɔ́b psyɛ́ ŋgâ pɔŋ kʉ́yó njʉyɛ́ ne vó nɛ́ pó. Pecyó nyí mbɛ́rɛ́ Yěsô mvirɛ wé ŋgâ: 28«Kéʼeyáŋ, Mǔsê kɛ ntsɔ́ ndzó ŋkaŋ mé ŋgâ: “Á pɛ yɛ́ mɔ́ŋmɛ́ wo zɔʼ məŋgʉ́yé, pfɔ̂ kii yɔ́b nɛ́, mbǒ wo ndɔ́ɔ́ pfʉ́ʉ́ yé puŋ yé p ffé pɛ Mɔ́ŋ, kɛ́ʼɛ́ ŋgâ tíí mɔ́ŋmɛ́ wo ndɛ mbwó.” 29Pɔ́ŋmɛ́ pesambáá kɛ pɛ yóʼó, sɔ́ yé zɔʼ, pfɔ̂ kii ntee Mɔ́ŋ. 30Mbɛ́rɛ́ yípáá yɔ́ɔ́ pfʉ́ʉ́ yé, pfɔ̂ kii ntee Mɔ́ŋ. 31Mbɛ́rɛ́ yíkyéd, ké mbɛ néré, tɛ ŋgú meyé. Pɔ́ŋmɛ́ pesambáá péré pfɔ̂ náá kii ntee Mɔ́ŋ. 32Njʉ́yí ghɛmbɛ, məŋgʉ́yé ké mbó pfɔ́ yé. 33Kɛ́ʼɛ́! zhyémvé mve yɛ́ pɔŋ kʉ́yó njʉyɛ́ ne vó nɛ́, a náʼá mbɛ́ɛ́ ŋgʉyé wɔ́ tsetsɛrɛ pɔ́ŋmɛ́ pesambáá péré, njʉ́ ŋkɔŋɔ wɔ́b kɛ yɔ́ɔ́ wé náá ne ŋgʉyé wɔ́b nɛ́?»
34Yěsô pɔ́rɔ́ ne pɔ́b ŋgâ: «Á ndzó mvé yɔŋ, mbzíŋi pwɛ pěŋgyé zɔ́ʼɔ́ ndáá. 35Pɔ́ŋ pɛ́ Mboʼmvé kʉ́yó ndiŋɛ́ wɔ́b njʉ́ ŋgâ pɔ́b kúŋɔ́ ne njʉyɛ́ne vó ntsó ndzó mvé yɛ́ a kʉ́yó nɛ́, pěŋgyé pwɛ mbziŋí péré kʉ́yó ndzɔʼ ndáá pó. 36Pɔŋ péré mbó kʉ́yó pfɔ̂ ŋkʉ́rʉ́ pó, ŋkyé ŋgâ pɔ́b pɛ́ɛ́ njʉ́ pɛ aŋgere nɛ́. Pɔ́b ntsʉʼʉ mbɛ́ɛ́ pɔ́ŋ Mboʼmvé, ŋkyé ŋgâ Mboʼmvé kpê wɔ́b pwó vó. 37Ŋgɛ ŋkhú ne njʉyɛ́ne ne vó, Mǔsê kɛ naʼ máʼ no núŋú ŋkhoʼyɛ́ a kɛ ntsɔ́ no ntsóʼgháŋ yɛ́ á kɛ kpii kii pwó, á fú Ntsɛɛpɔŋ ne Mboʼmvé Ábraham, Mboʼmvé Izaʼ pú Mboʼmvé Yakɔb nɛ́. 38Ntsʉʼŋgɛ mbɛ Mboʼmvé pó pé wé pfɔ̂pɔŋ pó. A Mboʼmvé pɔŋ mɔ́b, ŋkyé ŋgâ á ne míí mé, ŋkɔŋɔ pɔŋ náá ké mbɛ́ɛ́ mɔ́b.» 39Pecyó ghaŋákeʼekaŋ pɔ́rɔ́ pwó Yěsô ŋgâ: «Kéʼeyáŋ, wo nsó a pú» 40Pɔ́b pó mbé psírí wé ne cyó no ŋkʉ́rʉ́ pó.
Kristo, Mɔ́ŋ mbó mbé Ntsɛ́ɛ́pɔŋ pwó Ndavíd
(Mat 22:41-45; Máá 12:35-37)
41Yěsô pó ntsɔ́ ne pɔ́b ŋgâ: «Tɛ pe ŋgyɛ́ níŋ nsó ŋgâ Kristo Mɔ́ŋ fɔŋ Ndavíd? 42ŋkyé ŋgâ, tómbəb fɔŋ Ndavíd nsó ndzó ŋwéʼe Zɔ́bɔnse ŋgâ:
“Ntsɛɛpɔŋ, ntsɔ́ pwó Ntsɛɛpɔŋ ya ŋgâ:
Ŋkʉ́yó ŋgɔ́rɔ́ ne ndzaʼ pwó ya yé maʼ.
43Tɛ mə ŋgyɛ́ ghaŋákepeŋe pó ntsʉʼʉ ywoʼɔ́ tíí kpee mo.”
44Njʉ́ fɔŋ Ndavíd kɛ fú Kristo ne Ntsɛɛpɔŋ nɛ́, a ŋgyɛ́ níŋ mbó ghɛmbɛ Mɔ́ŋ yé?»
Puŋ zhyaŋa ne ŋgyɛ̌ne njʉ́ ghaŋákeʼekaŋ nɛ́
(Máá 12:37-40)
45Ŋkhoʼyɛ́ pɔŋ kɛ psyé təŋé mɔ́b tsé ndzwə́ʼɛ́ nɛ́, Yěsô ntsɔ́ pwó ŋgíŋgye pé ŋgâ: 46«Puŋ zhyaŋa! Puŋ ndɛ ŋgyɛ́ njʉ́ ghaŋákeʼekaŋ nɛ́! Pɔ́b kʉyě ŋgbêne pɛ mɛ́mɛ́ ndzwé, kʉyě ŋgâ pé pwó síŋ pɔ́b ndzɔ́ʼɔ́ pɔŋ ntsɛ́ʼɛ́ wɔ́b kaʼatɛ, kʉyě ne ndɔ̌ne sɔ́ ywoʼ ndzó pɛ ndántéré pwɛ ywoʼ ndebéne kaʼatɛ. 47Pɔ́b gbáá pɛ pfʉ́ʉ́ pěŋgyé kpee mɔ́b pɛ a tsʉʼɔ́ ne pɔ́b nɛ́, mbó ntsɛ́ʼɛ́ Mboʼmvé ŋkyaŋa ndúŋú. Mboʼmvé kʉ́yó mbɔ́rɔsé yɔ́b tɛ ntsɛ́ɛ́ pecyó pɔŋ.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល