Lúkaasə 19
19
No yɛ́ a kɛ záʼá tsetsɛrɛ Yěsô pú Sakyó nɛ́
1Yěsô kɛ tsé ndzaʼ a ndzó cyó mbɛ́lʉ́ŋ yɛ́ pé kɛ fú ne Zheriko nɛ́, 2cyó ŋɔŋ pɛ ndzó pé fú wé ne Sakyó. Mbé ntsɛ́ssó pɛ ghaŋákpêsebe. A kɛ pé ŋgaŋáfoʼ. 3Á kɛ taʼa ne njʉ́ne Yěsô kékáŋ, ŋkyé ŋgâ pɔŋ kɛ záá yóʼó tɛ, nséé yé pó mvʉ́ʉ́. 4Á tsɔ́rɔ́ wɔ́b, ŋgú kɔ́ʼɔ́ ndúŋú taʼ tsi nsó yɛ́ pé fú ne sikomɔɔ nɛ́ ne njʉ́ne Yěsô. Ŋkyé ŋgâ a kɛ ghɛ́ ndzáʼá yóʼó. 5Ŋkhoʼyɛ́ Yěsô kɛ nyi mbáŋá yóʼó nɛ́, a púʼú míí mé ntsɔ́ Sakyó ŋgâ: «Sakyó, shʉyí zǎŋazâŋa ŋkyé ŋgâ a zɔŋɔ ŋgâ mə ŋkúŋɔ ndáb wo ndzebé!» 6Sakyó ké shʉyí néré, ndɔ́ɔ́ Yěsô ne ndebéne. 7Ŋkɔŋɔ pɔŋ pɛ pɔ́b kɛ zhʉ́ náá nɛ́, ndzyě ŋubúne, ntsɔ́ ŋgâ: «Puŋ zhʉ́ Yěsô wɛ́! Á ŋkúŋɔ nɛ́ ndáb ŋukəpɔŋ!» 8Sakyó suʼú mbəb yé mbɛ́rɛ́ Ntsɛ́ɛ́pɔŋ, ntsɔ́ pwó yé ŋgâ: «Ntsɛɛpɔŋ, mə ŋgóbɔ foʼ ya tsetsɛrɛ, fɛ́ cyó péré pwó pɛ mbɔ́ŋmbɔŋ. Á pɛ yɛ́ mə kɛ shʉyɛ́ ŋɔŋ kpê yɔ́b yé nɛ́, mbǒ mə nuʼɔ́ pwó yé kɛ́ɛ́ yíkwa.» 9Yěsô záʼá ndúŋú nsó ŋgâ: «Kpaʼ ndzebé wɔŋ, ndzǔne ŋeŋáŋ kúŋɔ́ ndáb ghaŋ. Ɔ́ŋɔ́, ŋkyé ŋgâ Sakyó ké mbɛ yé cyó Mɔ́ŋ Ábraham! 10Mɔ́ŋ ŋɔŋ kɛ kʉ́yó ne ntǎʼne mbó mkpéé pɔŋ pɛ́ pɔ́b kɛ pwó nɛ́.»
Fuʼno ne mbziʼe Ŋgaŋafaʼ
(Mat 25:14-30)
11Njʉ́ pɔŋ kɛ nzwəʼɛ tswée Yěsô nɛ́, a máʼ taʼ fuʼno ne pɔ́b. Ŋkyé ŋgâ a kɛ ghɛ́ a kɛ nyi tɛ tsé mbáŋá Yerʉ́salɛm. Pɔŋ kpáŋa ŋgâ Nofɔŋ Mboʼmvé ké kʉ́yó ŋkhoʼyéré. 12Yěsô ntsɔ́ ne pɔ́b ŋgâ: «Cyó ŋɔŋ, twɔ́ ndzó taʼ ndǎ ndáb kəkwéʼe, kɛ ŋǎ ŋgú ndzó taʼ ŋgɔŋ twɔ̌tɔ́b, pé ghɛ́ gbáá wé yóʼó ne fɔŋ a pǒd ndzəb. 13Á kɛ ghɛ́ ŋgú, fú vwɔ́ ghaŋáfaʼ pé. Ŋgób vwɔ́ ntəd ne pɔ́b, nsó ŋgâ: “Puŋ ghú tsé mbɛ́ʼɛ́, mə ŋgɛ mbɔ́rɔ́ ndzəb!” 14Njʉ́ mbéŋgɔŋ yé kɛ tséʼé ŋgaŋakəpeŋé ŋkyé wé nɛ́, pɔ́b twɔ́ pecyó pɔŋ ndzəb yé ŋgâ pɔ́b ghú nyáʼa ntsɔ́ pwó ŋɔŋ wɛ́ a kɛ ghɛ́ gbáá wé ne fɔŋ nɛ́ ŋgâ: “Psi tsé mbé zɔŋɔ ŋgâ ŋɔŋ wekénɛ́ pé fɔŋ ywí pó.” 15Néré pé ké gbáá wé gbáá ne fɔŋ. A pod ndzəb. Fú ghaŋáfaʼ pɛ a kɛ tě təd yɛ́ ne pɔ́b nɛ́, ne ndzwə̌ne yɔ́b yɛ́ mbɛ wɔ́ kɛ zhyɛ́ ne yé nɛ́. 16Sɔ́ Ŋgaŋafaʼ kʉ́yó nsó ŋgâ: “Ntsɛɛpɔŋ, mə tséʼé vwɔ́ psíŋi ndúŋú taʼ yé yɛ́ wo kɛ fɛ́ ne mo nɛ́.” 17Fɔŋ pɔ́rɔ́ pwó yé ŋgâ: “A pú. Wo taʼ Ŋgaŋafaʼ sʉ́ʼʉ. A njʉ́ wo tsé ŋgerɛ́ŋged ndúŋú mɔ́ŋtii no nɛ́, mə fɛ́ vwɔ́ mbɛ́lʉ́ŋ, wo sáʼ.” 18Zhʉ́bí kʉ́yó, nsó ŋgâ: “Ntsɛɛpɔŋ, təd yɛ́ wo kɛ fɛ́ ne mo nɛ́, psíŋi yítaŋ kɔ́ʼɔ́ ndúŋú.” 19Fɔŋ pɔ́rɔ́ pwó yé ŋgâ: “Wo, tsɛ́ ne tó mbɛ́lʉ́ŋ yítaŋ.” 20Cyó Ŋgaŋafaʼ kʉ́yó yé ntsɔ́ pwó yé ŋgâ: “Ntsɛɛpɔŋ, ntəd yo yɛ́ wo kɛ fɛ́ ne mo nɛ́ pé nɛ́, mə kɛ kwórɔ́ ndzó ywɔ́ndzwé ŋgʉ́ʼʉ́. 21Ŋkyé ŋgâ mə kɛ pɔ́ɔ́ wo pɔ́ɔ́. Wo taʼ ŋɔŋ wɛ́ wo cʉyó ŋgaʼ nɛ́. Wo yɔ́ɔ́ ndzó ywoʼ yɛ́ wo záb nɛ́ pó, mbó ŋkaba ndzó ywoʼ yɛ́ wo p ffé nɛ́ pó.” 22Fɔŋ pod ŋgâ: “Wo Ŋgaŋafaʼ kəpɔŋ! Mə ndɔ́ɔ́ nsó wo fiʼ wo núŋ. Wo kɛ zé ŋgâ mə ŋukəpɔŋ. Ndɔ́ɔ́ ndzó ywoʼ yɛ́ mə nzáb nɛ́ pó, ŋkába ndzó ywoʼ yɛ́ mə mvê nɛ́ pó. 23Tɛ a zhyɛ́ kɔ́ wo pé ghʉ́ʼʉ́ ntəd ya ndáb mbáŋ pɔɔ? Kɛ́ʼɛ́ ŋgâ mə ŋgɛ mbɔ́rɔ́ ndzəb psíŋi kɔ́ʼɔ́ ndúŋú, mə tubu pɔɔ?” 24Fɔŋ ntsɔ́ pwó pɔŋ pɛ́ pɔ́b kɛ pɛ yóʼó nɛ́ ŋgâ: “Puŋ kpê ntəd yɛ́ pwó yé nɛ́, fɛ́ pwó Ŋgaŋafaʼ wɛ́ a tséʼé vwɔ́ yé nɛ́.” 25Pɔ́b ntsɔ́ pwó fɔŋ ŋgâ: “Ntsɛɛpɔŋ, a kɛ tséʼé vwɔ́ psíŋi!” 26Fɔŋ pɔ́rɔ́ ne pɔ́b ŋgâ: “Ŋɔŋ wɛ́ a tséʼé yɔ́b nɛ́, pé kʉ́yó mvî, ntsʉʼmbé ŋɔŋ wɛ́ a tséʼé nɛ́ pó, Mɔ́ŋ yɔ́b yɛ́ a tséʼé nɛ́, pé kpê pwó yé! 27Ŋgɛ ŋkhú ne ghaŋákepeŋe páá, pɔŋ pɛ́ pɔ́b kɛ psyɛ́ ŋgâ mə mbé fɔŋ wɔ́b nɛ́ pó, puŋ gbáá wɔ́b, kʉ́yó ne wɔ́b ghaŋ, nɔʼ wɔ́b síŋ mo.”» 28Ŋkhoʼyɛ́ Yěsô kɛ mee nsó yé nɛ́, a ŋǎ syé, ne ŋkɔ́ʼne Yerʉ́salɛm.
Mbziʼe yɛ́ Yěsô kɛ ŋkúŋɔ́ Yerʉ́salɛm nɛ́
(Mat 21:1-11, 15-17; Máá 11:1-10; Zhâ 12:12-16)
29Njʉ́ Yěsô kɛ tsé mbáŋá Bɛfazhe pú Betáni, pfúŋɔ́ ŋkə́ŋ yɛ́ pé fú ne ŋkə́ŋ Nsó vód Oliivə nɛ́, a twɔ́ ŋgíŋgye pé pépáá, 30ntsɔ́ ne pɔ́b ŋgâ: «Puŋ ghú ndzó yáʼ yɛ́ a síŋ puŋ nɛ́. Puŋ mbáŋá ywoʼ, zhʉ́ Mɔ́ŋ ŋkíŋ cʉ̌me wɛ́ ŋɔŋ kâ kɛ kɔ́ʼɔ́ ndúŋú yé nɛ́ pó. Puŋ ŋkéʼé wé kʉ́yó ne yé. 31Á pɛ́ɛ́ yɛ́ ŋɔŋ psirɛ́ wúŋ ŋgâ: “Puŋ ŋkéʼe wé ŋkyé kɔ́?” Puŋ pɔ́rɔ́ pwó yé ŋgâ: “Ntsɛɛpɔŋ tsé ndzɔŋɔ.”» 32Ghaŋántɔ́b yɔ́ɔ́ mɛndɔ́b, meno ké ndzáʼá njʉ́ Yěsô kɛ ntsɔ́ ne pɔ́b nɛ́. 33Ŋkhoʼyɛ́ pɔ́b kɛ kee Mɔ́ŋ ŋkíŋ wéré nɛ́, gháŋ pé psírí wɔ́b ŋgâ: «Puŋ kee Mɔ́ŋ ŋkíŋ wekénɛ́ ŋkyé kɔ́?» 34ŋgíŋgye Yěsô pod ŋgâ: «Ntsɛɛpɔŋ tsé nzɔŋɔ.» 35Pɔ́b yɔ́ɔ́ Mɔ́ŋ ŋkíŋ wéré kʉ́yó fɛ̂ Yěsô, sɔ́d ndzwé fóó pɔ́b máʼ pfúŋɔ́ yé, ŋgyɛ́ Yěsô kɔ́ʼɔ́ pfúŋɔ́ yé. 36Mbziʼe njʉ́ Yěsô kɛ nyí nɛ́, pɔŋ ké máʼ ndzwé fóó pɔ́b pé néré mɛndɔ́b, a nyi ndúŋú. 37Ŋkhoʼyɛ́ Yěsô kɛ nyi tɛ tsé mviŋi ŋkə́ŋ Nsó vód Oliivə nɛ́, ndzɔʼ ŋkɔŋɔ ŋgíŋgye pé náá pɛ pɔ́b kɛ pɛ ndzəb yé nɛ́, tséʼé ndebéne kaʼatɛ. Pɔ́b máʼ nse ne ŋgúʼune tíí Mboʼmvé, mbó mbzyɛ́ ne tʉ̌ŋ, ŋkyé ŋgâ pɔ́b kɛ zhʉ́ ŋkɔŋɔ shʉrɛ́meno pɛ́ Yěsô kɛ ŋgyɛ́ nɛ́! 38Pɔ́b kɛ zɔ̂bɔnse ntsɔ́ ŋgâ:
«Mbúru pɛ́ mbəb fɔŋ wɛ́ a kʉ́yó ne tíí Ntsɛɛpɔŋ nɛ́!
Fwóndzɔʼ pɛ pépéé, ŋgúʼune pó mbɛ pwó Mboʼmvé, yé wɛ́ a kpaʼ pépéé nɛ́!»
39Pecyó pɛ Farízya pɛ pɔ́b kɛ pɛ ndzɔ́ʼɔ́ pɔŋ nɛ́, ntsɔ́ Yěsô ŋgâ: «Kéʼeyáŋ, mǐ ŋgíŋgye pó pɔŋ, pɔ́b zhiri!» 40Yěsô pɔ́rɔ́ ne pɔ́b ŋgâ: «Mə sə́ŋɛ́ wúŋ kpaʼ sísíŋ ŋgâ: pɔ́b zhírɛ zhírɛ́, mbǒ a ŋgéʼé pɛ ŋgɔʼ!»
Yěsô khó ŋkyé Yerʉ́salɛm
41Ŋkhoʼyɛ́ Yěsô kɛ páŋá Yerʉ́salɛm zhʉ́ mbɛ́lʉ́ŋ nɛ́, a khó, 42nsó ŋgâ: «O! Yerʉ́salɛm, kɔʼɔ́ tómbəb wo, a ghɛ́ɛ́ wo zé ndzebé mbziʼe yɛ́ tɛɛmbɛ wo tséʼé fwóndzɔʼ nɛ́! A kiʼi mbé, pe kɛ ywʉ́ wo núŋ. 43Ɔ́ŋɔ́! Zh yé mvé pʉ̌to tsé kʉ́yó yɛ́ ghaŋákepeŋe puŋ taʼa wúŋ ne fiʼ, ntsú pɛ ghə́b, nzyɛ́ wúŋ, máʼ wúŋ ne ntsɔ ndzáʼá ndzáʼá nɛ́. 44Pɔ́b kʉ́yó ŋgɔʼɔ wo ghɔʼ, wo pwɛ pɔ́ŋ pó ne míí mo. Tɛ cyó ndáb pó mbé ntsɛ́ɛ́ nsó ŋkʉ́rʉ́ pó. Ŋkyé ŋgâ wo kɛ zé ŋkhoʼyɛ́ Mboʼmvé kɛ ghaŋá wo ne ŋgyɛ̌ne meno sʉ́ʼʉ mbəb wo nɛ́ pó.»
Yěsô zú ghaŋapɛʼɛ́táŋ Ndáb Mboʼmvé
(Mat 21:12-13; Máá 11:15-19; Zhâ 2:13-16)
45Yěsô ŋkúŋɔ Ndámboʼmvé ndzú pɔŋ pɛ́ pɔ́b mbɛ yóʼó mbɛ́ʼɛ́táŋ nɛ́. 46Á ntsɔ́ ne pɔ́b ŋgâ: «Mboʼmvé ntsɔ́ ndzó ŋwéʼe yáŋme ŋgâ: “Ndáb ya náʼá mbɛ́ɛ́ ndátséʼé.” Ntsʉʼmbé puŋ pó sed a ntsʉʼɔ́ ywoʼ ywʉ́ mɔ́b gháŋagháŋ!» 47Yěsô fɛ́ ntʉ́ʉ́ ŋkɔŋɔ zhyémvé náá Ndámboʼmvé. Pɛ ntsɛ́ssó ghaŋáshʉ́, pɛ ntsɛ́ssó ghaŋákeʼekaŋ pwɛ pɛ tsʉʼfɔŋ pɛ Yuda taʼa nɔʼɔ wé. 48Ntsʉʼmbé pɔ́b pe zɛ́ njʉ́ a kɛ ghɛ́ tɛɛmbɛ pɔ́b ŋgyɛ́ nɛ́ pó, ŋkyé ŋgâ ŋkɔŋɔ pɔŋ náá kɛ psyé təŋé mɔ́b ndzóʼó no yɛ́ Yěsô kɛ ntsɔ́ nɛ́.
ទើបបានជ្រើសរើសហើយ៖
Lúkaasə 19: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 19
19
No yɛ́ a kɛ záʼá tsetsɛrɛ Yěsô pú Sakyó nɛ́
1Yěsô kɛ tsé ndzaʼ a ndzó cyó mbɛ́lʉ́ŋ yɛ́ pé kɛ fú ne Zheriko nɛ́, 2cyó ŋɔŋ pɛ ndzó pé fú wé ne Sakyó. Mbé ntsɛ́ssó pɛ ghaŋákpêsebe. A kɛ pé ŋgaŋáfoʼ. 3Á kɛ taʼa ne njʉ́ne Yěsô kékáŋ, ŋkyé ŋgâ pɔŋ kɛ záá yóʼó tɛ, nséé yé pó mvʉ́ʉ́. 4Á tsɔ́rɔ́ wɔ́b, ŋgú kɔ́ʼɔ́ ndúŋú taʼ tsi nsó yɛ́ pé fú ne sikomɔɔ nɛ́ ne njʉ́ne Yěsô. Ŋkyé ŋgâ a kɛ ghɛ́ ndzáʼá yóʼó. 5Ŋkhoʼyɛ́ Yěsô kɛ nyi mbáŋá yóʼó nɛ́, a púʼú míí mé ntsɔ́ Sakyó ŋgâ: «Sakyó, shʉyí zǎŋazâŋa ŋkyé ŋgâ a zɔŋɔ ŋgâ mə ŋkúŋɔ ndáb wo ndzebé!» 6Sakyó ké shʉyí néré, ndɔ́ɔ́ Yěsô ne ndebéne. 7Ŋkɔŋɔ pɔŋ pɛ pɔ́b kɛ zhʉ́ náá nɛ́, ndzyě ŋubúne, ntsɔ́ ŋgâ: «Puŋ zhʉ́ Yěsô wɛ́! Á ŋkúŋɔ nɛ́ ndáb ŋukəpɔŋ!» 8Sakyó suʼú mbəb yé mbɛ́rɛ́ Ntsɛ́ɛ́pɔŋ, ntsɔ́ pwó yé ŋgâ: «Ntsɛɛpɔŋ, mə ŋgóbɔ foʼ ya tsetsɛrɛ, fɛ́ cyó péré pwó pɛ mbɔ́ŋmbɔŋ. Á pɛ yɛ́ mə kɛ shʉyɛ́ ŋɔŋ kpê yɔ́b yé nɛ́, mbǒ mə nuʼɔ́ pwó yé kɛ́ɛ́ yíkwa.» 9Yěsô záʼá ndúŋú nsó ŋgâ: «Kpaʼ ndzebé wɔŋ, ndzǔne ŋeŋáŋ kúŋɔ́ ndáb ghaŋ. Ɔ́ŋɔ́, ŋkyé ŋgâ Sakyó ké mbɛ yé cyó Mɔ́ŋ Ábraham! 10Mɔ́ŋ ŋɔŋ kɛ kʉ́yó ne ntǎʼne mbó mkpéé pɔŋ pɛ́ pɔ́b kɛ pwó nɛ́.»
Fuʼno ne mbziʼe Ŋgaŋafaʼ
(Mat 25:14-30)
11Njʉ́ pɔŋ kɛ nzwəʼɛ tswée Yěsô nɛ́, a máʼ taʼ fuʼno ne pɔ́b. Ŋkyé ŋgâ a kɛ ghɛ́ a kɛ nyi tɛ tsé mbáŋá Yerʉ́salɛm. Pɔŋ kpáŋa ŋgâ Nofɔŋ Mboʼmvé ké kʉ́yó ŋkhoʼyéré. 12Yěsô ntsɔ́ ne pɔ́b ŋgâ: «Cyó ŋɔŋ, twɔ́ ndzó taʼ ndǎ ndáb kəkwéʼe, kɛ ŋǎ ŋgú ndzó taʼ ŋgɔŋ twɔ̌tɔ́b, pé ghɛ́ gbáá wé yóʼó ne fɔŋ a pǒd ndzəb. 13Á kɛ ghɛ́ ŋgú, fú vwɔ́ ghaŋáfaʼ pé. Ŋgób vwɔ́ ntəd ne pɔ́b, nsó ŋgâ: “Puŋ ghú tsé mbɛ́ʼɛ́, mə ŋgɛ mbɔ́rɔ́ ndzəb!” 14Njʉ́ mbéŋgɔŋ yé kɛ tséʼé ŋgaŋakəpeŋé ŋkyé wé nɛ́, pɔ́b twɔ́ pecyó pɔŋ ndzəb yé ŋgâ pɔ́b ghú nyáʼa ntsɔ́ pwó ŋɔŋ wɛ́ a kɛ ghɛ́ gbáá wé ne fɔŋ nɛ́ ŋgâ: “Psi tsé mbé zɔŋɔ ŋgâ ŋɔŋ wekénɛ́ pé fɔŋ ywí pó.” 15Néré pé ké gbáá wé gbáá ne fɔŋ. A pod ndzəb. Fú ghaŋáfaʼ pɛ a kɛ tě təd yɛ́ ne pɔ́b nɛ́, ne ndzwə̌ne yɔ́b yɛ́ mbɛ wɔ́ kɛ zhyɛ́ ne yé nɛ́. 16Sɔ́ Ŋgaŋafaʼ kʉ́yó nsó ŋgâ: “Ntsɛɛpɔŋ, mə tséʼé vwɔ́ psíŋi ndúŋú taʼ yé yɛ́ wo kɛ fɛ́ ne mo nɛ́.” 17Fɔŋ pɔ́rɔ́ pwó yé ŋgâ: “A pú. Wo taʼ Ŋgaŋafaʼ sʉ́ʼʉ. A njʉ́ wo tsé ŋgerɛ́ŋged ndúŋú mɔ́ŋtii no nɛ́, mə fɛ́ vwɔ́ mbɛ́lʉ́ŋ, wo sáʼ.” 18Zhʉ́bí kʉ́yó, nsó ŋgâ: “Ntsɛɛpɔŋ, təd yɛ́ wo kɛ fɛ́ ne mo nɛ́, psíŋi yítaŋ kɔ́ʼɔ́ ndúŋú.” 19Fɔŋ pɔ́rɔ́ pwó yé ŋgâ: “Wo, tsɛ́ ne tó mbɛ́lʉ́ŋ yítaŋ.” 20Cyó Ŋgaŋafaʼ kʉ́yó yé ntsɔ́ pwó yé ŋgâ: “Ntsɛɛpɔŋ, ntəd yo yɛ́ wo kɛ fɛ́ ne mo nɛ́ pé nɛ́, mə kɛ kwórɔ́ ndzó ywɔ́ndzwé ŋgʉ́ʼʉ́. 21Ŋkyé ŋgâ mə kɛ pɔ́ɔ́ wo pɔ́ɔ́. Wo taʼ ŋɔŋ wɛ́ wo cʉyó ŋgaʼ nɛ́. Wo yɔ́ɔ́ ndzó ywoʼ yɛ́ wo záb nɛ́ pó, mbó ŋkaba ndzó ywoʼ yɛ́ wo p ffé nɛ́ pó.” 22Fɔŋ pod ŋgâ: “Wo Ŋgaŋafaʼ kəpɔŋ! Mə ndɔ́ɔ́ nsó wo fiʼ wo núŋ. Wo kɛ zé ŋgâ mə ŋukəpɔŋ. Ndɔ́ɔ́ ndzó ywoʼ yɛ́ mə nzáb nɛ́ pó, ŋkába ndzó ywoʼ yɛ́ mə mvê nɛ́ pó. 23Tɛ a zhyɛ́ kɔ́ wo pé ghʉ́ʼʉ́ ntəd ya ndáb mbáŋ pɔɔ? Kɛ́ʼɛ́ ŋgâ mə ŋgɛ mbɔ́rɔ́ ndzəb psíŋi kɔ́ʼɔ́ ndúŋú, mə tubu pɔɔ?” 24Fɔŋ ntsɔ́ pwó pɔŋ pɛ́ pɔ́b kɛ pɛ yóʼó nɛ́ ŋgâ: “Puŋ kpê ntəd yɛ́ pwó yé nɛ́, fɛ́ pwó Ŋgaŋafaʼ wɛ́ a tséʼé vwɔ́ yé nɛ́.” 25Pɔ́b ntsɔ́ pwó fɔŋ ŋgâ: “Ntsɛɛpɔŋ, a kɛ tséʼé vwɔ́ psíŋi!” 26Fɔŋ pɔ́rɔ́ ne pɔ́b ŋgâ: “Ŋɔŋ wɛ́ a tséʼé yɔ́b nɛ́, pé kʉ́yó mvî, ntsʉʼmbé ŋɔŋ wɛ́ a tséʼé nɛ́ pó, Mɔ́ŋ yɔ́b yɛ́ a tséʼé nɛ́, pé kpê pwó yé! 27Ŋgɛ ŋkhú ne ghaŋákepeŋe páá, pɔŋ pɛ́ pɔ́b kɛ psyɛ́ ŋgâ mə mbé fɔŋ wɔ́b nɛ́ pó, puŋ gbáá wɔ́b, kʉ́yó ne wɔ́b ghaŋ, nɔʼ wɔ́b síŋ mo.”» 28Ŋkhoʼyɛ́ Yěsô kɛ mee nsó yé nɛ́, a ŋǎ syé, ne ŋkɔ́ʼne Yerʉ́salɛm.
Mbziʼe yɛ́ Yěsô kɛ ŋkúŋɔ́ Yerʉ́salɛm nɛ́
(Mat 21:1-11, 15-17; Máá 11:1-10; Zhâ 12:12-16)
29Njʉ́ Yěsô kɛ tsé mbáŋá Bɛfazhe pú Betáni, pfúŋɔ́ ŋkə́ŋ yɛ́ pé fú ne ŋkə́ŋ Nsó vód Oliivə nɛ́, a twɔ́ ŋgíŋgye pé pépáá, 30ntsɔ́ ne pɔ́b ŋgâ: «Puŋ ghú ndzó yáʼ yɛ́ a síŋ puŋ nɛ́. Puŋ mbáŋá ywoʼ, zhʉ́ Mɔ́ŋ ŋkíŋ cʉ̌me wɛ́ ŋɔŋ kâ kɛ kɔ́ʼɔ́ ndúŋú yé nɛ́ pó. Puŋ ŋkéʼé wé kʉ́yó ne yé. 31Á pɛ́ɛ́ yɛ́ ŋɔŋ psirɛ́ wúŋ ŋgâ: “Puŋ ŋkéʼe wé ŋkyé kɔ́?” Puŋ pɔ́rɔ́ pwó yé ŋgâ: “Ntsɛɛpɔŋ tsé ndzɔŋɔ.”» 32Ghaŋántɔ́b yɔ́ɔ́ mɛndɔ́b, meno ké ndzáʼá njʉ́ Yěsô kɛ ntsɔ́ ne pɔ́b nɛ́. 33Ŋkhoʼyɛ́ pɔ́b kɛ kee Mɔ́ŋ ŋkíŋ wéré nɛ́, gháŋ pé psírí wɔ́b ŋgâ: «Puŋ kee Mɔ́ŋ ŋkíŋ wekénɛ́ ŋkyé kɔ́?» 34ŋgíŋgye Yěsô pod ŋgâ: «Ntsɛɛpɔŋ tsé nzɔŋɔ.» 35Pɔ́b yɔ́ɔ́ Mɔ́ŋ ŋkíŋ wéré kʉ́yó fɛ̂ Yěsô, sɔ́d ndzwé fóó pɔ́b máʼ pfúŋɔ́ yé, ŋgyɛ́ Yěsô kɔ́ʼɔ́ pfúŋɔ́ yé. 36Mbziʼe njʉ́ Yěsô kɛ nyí nɛ́, pɔŋ ké máʼ ndzwé fóó pɔ́b pé néré mɛndɔ́b, a nyi ndúŋú. 37Ŋkhoʼyɛ́ Yěsô kɛ nyi tɛ tsé mviŋi ŋkə́ŋ Nsó vód Oliivə nɛ́, ndzɔʼ ŋkɔŋɔ ŋgíŋgye pé náá pɛ pɔ́b kɛ pɛ ndzəb yé nɛ́, tséʼé ndebéne kaʼatɛ. Pɔ́b máʼ nse ne ŋgúʼune tíí Mboʼmvé, mbó mbzyɛ́ ne tʉ̌ŋ, ŋkyé ŋgâ pɔ́b kɛ zhʉ́ ŋkɔŋɔ shʉrɛ́meno pɛ́ Yěsô kɛ ŋgyɛ́ nɛ́! 38Pɔ́b kɛ zɔ̂bɔnse ntsɔ́ ŋgâ:
«Mbúru pɛ́ mbəb fɔŋ wɛ́ a kʉ́yó ne tíí Ntsɛɛpɔŋ nɛ́!
Fwóndzɔʼ pɛ pépéé, ŋgúʼune pó mbɛ pwó Mboʼmvé, yé wɛ́ a kpaʼ pépéé nɛ́!»
39Pecyó pɛ Farízya pɛ pɔ́b kɛ pɛ ndzɔ́ʼɔ́ pɔŋ nɛ́, ntsɔ́ Yěsô ŋgâ: «Kéʼeyáŋ, mǐ ŋgíŋgye pó pɔŋ, pɔ́b zhiri!» 40Yěsô pɔ́rɔ́ ne pɔ́b ŋgâ: «Mə sə́ŋɛ́ wúŋ kpaʼ sísíŋ ŋgâ: pɔ́b zhírɛ zhírɛ́, mbǒ a ŋgéʼé pɛ ŋgɔʼ!»
Yěsô khó ŋkyé Yerʉ́salɛm
41Ŋkhoʼyɛ́ Yěsô kɛ páŋá Yerʉ́salɛm zhʉ́ mbɛ́lʉ́ŋ nɛ́, a khó, 42nsó ŋgâ: «O! Yerʉ́salɛm, kɔʼɔ́ tómbəb wo, a ghɛ́ɛ́ wo zé ndzebé mbziʼe yɛ́ tɛɛmbɛ wo tséʼé fwóndzɔʼ nɛ́! A kiʼi mbé, pe kɛ ywʉ́ wo núŋ. 43Ɔ́ŋɔ́! Zh yé mvé pʉ̌to tsé kʉ́yó yɛ́ ghaŋákepeŋe puŋ taʼa wúŋ ne fiʼ, ntsú pɛ ghə́b, nzyɛ́ wúŋ, máʼ wúŋ ne ntsɔ ndzáʼá ndzáʼá nɛ́. 44Pɔ́b kʉ́yó ŋgɔʼɔ wo ghɔʼ, wo pwɛ pɔ́ŋ pó ne míí mo. Tɛ cyó ndáb pó mbé ntsɛ́ɛ́ nsó ŋkʉ́rʉ́ pó. Ŋkyé ŋgâ wo kɛ zé ŋkhoʼyɛ́ Mboʼmvé kɛ ghaŋá wo ne ŋgyɛ̌ne meno sʉ́ʼʉ mbəb wo nɛ́ pó.»
Yěsô zú ghaŋapɛʼɛ́táŋ Ndáb Mboʼmvé
(Mat 21:12-13; Máá 11:15-19; Zhâ 2:13-16)
45Yěsô ŋkúŋɔ Ndámboʼmvé ndzú pɔŋ pɛ́ pɔ́b mbɛ yóʼó mbɛ́ʼɛ́táŋ nɛ́. 46Á ntsɔ́ ne pɔ́b ŋgâ: «Mboʼmvé ntsɔ́ ndzó ŋwéʼe yáŋme ŋgâ: “Ndáb ya náʼá mbɛ́ɛ́ ndátséʼé.” Ntsʉʼmbé puŋ pó sed a ntsʉʼɔ́ ywoʼ ywʉ́ mɔ́b gháŋagháŋ!» 47Yěsô fɛ́ ntʉ́ʉ́ ŋkɔŋɔ zhyémvé náá Ndámboʼmvé. Pɛ ntsɛ́ssó ghaŋáshʉ́, pɛ ntsɛ́ssó ghaŋákeʼekaŋ pwɛ pɛ tsʉʼfɔŋ pɛ Yuda taʼa nɔʼɔ wé. 48Ntsʉʼmbé pɔ́b pe zɛ́ njʉ́ a kɛ ghɛ́ tɛɛmbɛ pɔ́b ŋgyɛ́ nɛ́ pó, ŋkyé ŋgâ ŋkɔŋɔ pɔŋ náá kɛ psyé təŋé mɔ́b ndzóʼó no yɛ́ Yěsô kɛ ntsɔ́ nɛ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល