Lúkaasə 18
18
Fuʼno fiʼkɔ́d mbwɔ́ pú pfʉ́ʉ́ məŋgʉ́yé
1Yěsô máʼ taʼ fuʼno pwó ŋgíŋgye pé ne nyǒʼne ŋgâ ntséʼéne Mboʼmvé ŋkɔŋɔ ŋkhoʼ náá kii káŋ tséʼé ghebe. 2Á tsɔ́ ne pɔ́b ŋgâ: «Á kɛ pɛ́ ndzó taʼ mbɛ́lʉ́ŋ, taʼ ŋgaŋasábáfiʼ pɛ́ ndzó, mbé zɛ́ Mboʼmvé pó, kii pó tsé mbɔɔ ŋɔŋ. 3Taʼ pfʉ́ʉ́ məŋgʉ́yé pɛ́ ndzó mbɛ́lʉ́ŋ yéré, ŋkʉ́yó ŋkɔŋɔ ŋkhoʼ náá ntsɔ́ pwó yé ŋgâ: “Ntséé fiʼ zhí mbáŋ ya wɔŋ.” 4Fiʼkɔ́d kɛ tsé mbé taʼa ndzóʼó wé féré zhyémvé pó. A kyáŋá nsó ŋgâ: “Mbɛ njʉ́ mə ndzɛ́ Mboʼmvé nɛ́ pó, kii pó tsé mbɔɔ ŋɔŋ nɛ́, 5njʉ́ mə kɔ́ʼɔ́ ne wáá pwó məŋgʉ́yé wɔŋ nɛ́, mə ntséé fiʼ yé kɛ́ʼɛ́ ŋgâ a ntéé ya mə fúrú.”»
6Ntsɛɛpɔŋ ké mbó nsó ŋgâ: «Puŋ cʉ̌yi ndzóʼ no yɛ́ ŋgaŋasabafiʼ mbwɔ̂ wekénɛ́ nsó nɛ́! 7Tɛ Mboʼmvé náʼá ntséé fiʼ pɔŋ pɛ́ a kɛ tsɔ́ʼ, ŋkhoʼyɛ́ pɔ́b ŋkhɔ fú wé netsúʼ pwɛ nwɔ̌nsó kii ŋkaŋ nɛ́? Mboʼmvé náʼá shʉrʉ ne mbǒdne tséʼé yɔ́b? 8Kpaʼ sísíŋ, a tséé fiʼ yɔ́b yé ŋgerɛ́ŋged zǎŋazâŋa. Ntsʉʼmbé Mɔ́ŋ ŋɔŋ náʼá ŋgɛ ŋkʉ́yó, zhʉ́ psyɛ́ndzɔʼ ndúŋú tsetsáʼ?»
Ŋɔŋ Farízya pú ŋgaŋákpêsebe
9Yěsô ké mbó máʼ fuʼno ŋkyé pɔŋ pɛ́ pɔ́b kɛ zhʉ́ mbəb yɔ́b njʉ́ pɔŋ ŋgerɛ́ŋged, mbó coʼo pecyó pɔŋ nɛ́. 10Yěsô nsó ŋgâ: «Pɔŋ pépáá kɛ kɔ́ʼɔ́ Ndámboʼmvé. Cyó kɛ pé ŋɔŋ Farízya, cyó pé ŋgaŋakpêsebe. 11Ŋɔŋ Farízya nsé ntsɛ́ʼɛ́ Mboʼmvé ŋkɔ́bɔ ndzɔʼ yé ntsɔ́ ŋgâ: “O Mboʼmvé, mə fɛ́ tsíʼaka pwó wo ŋkyé ŋgâ mə mbɛ njʉ́ pecyó pɔŋ nɛ́ pó. Pɔ́b pɛ́ɛ́ gháŋagháŋ, mbé pɛ ghaŋázhyɛ́ meno kəpɔŋ, mbé pɛ fɛ̌ŋgab. Mə mbɛ́ɛ́ njʉ́ ŋgaŋakpêsebe wɔŋ nɛ́ pó. 12Mə ndzɛ́ nse ŋkɛ́ɛ́ yípáá ne taʼ ŋgabtáŋ. Mbó ntubɔ́ taʼ yɔ́b ndúŋú ŋkɔŋɔ vwɔ́ mɔ́b páá pɛ́ mə tséʼé náá nɛ́, fɛ́.” 13Ŋgaŋakpêsebe ntsɛ́ yé ghiŋ, mbé ŋkúʼɔ́ ne mbúʼune míí mé pó, ntsúŋu tó yé syé ntsɔ́ ne tsaaŋkobe ŋgâ: “O, Mboʼmvé, tséʼé tsaaghəghəŋ mbəb ŋukəpɔŋ njʉ́ mo nɛ́!”» 14Yěsô gháá: «Mə ntsɔ́ nɛ́ ne puŋ, ŋɔŋ wɛ́ a ghɛ́ mbɔ́rɔ́ ndzəb ywoʼ yé Mboʼmvé nsó ŋgâ a ŋgerɛ́ŋged nɛ́, a ŋgaŋakpêsebe ntsɛ́ɛ́ ŋɔŋ Farízya. Ŋkyé ŋgâ ŋɔŋ wɛ́ a ŋkʉ́rʉ́ mbəb yé nɛ́, Mboʼmvé kʉ́yó ŋkɔɔ wé. Ŋɔŋ wɛ́ a kɔɔ mbəb yé fɛ́ syé nɛ́, Mboʼmvé kʉ́yó ŋkʉ́rɔ wé.»
Yěsô níŋi mbúrú mbəb pɔ́ŋ mbɔ́d
(Mat 19:13-15; Máá 10:13-16)
15Pɔŋ kɛ kʉ́yó ne pɔ́ŋ mbɔ́d pfúŋɔ́ Yěsô ŋgâ a kébɛ́ wɔ́b, níŋi mbúrú mbəb pɔ́b. Ŋgíŋgye pé zhʉ́ néré, mǐ wɔ́b mî. 16Ntsʉʼmbé Yěsô zhyɛ́ pe kʉ́yó ne pɛ Mɔ́ŋ pfúŋɔ́ yé. A nsó ŋgâ: «Puŋ ntéé pɛ Mɔ́ŋ kʉ́yó pfúŋɔ́ mo. Puŋ ndɛ náŋá wɔ́b. Ŋkyé ŋgâ Nofɔŋ Mboʼmvé pɛ́ɛ́ pwó pɔŋ pɛ́ pɔ́b njʉ́ pɔ́b nɛ́. 17Kpaʼ sísíŋ, mə sə́ŋɛ́ wúŋ! Ŋɔŋ psyɛ́ Nofɔŋ Mboʼmvé njʉ́ mɔ́ŋ nɛ́ pó, a naʼ mbé ŋkúŋɔ ndúŋú pó.»
Taʼ foʼ pú Yěsô
(Mat 19:16-30; Máá 10:17-31)
18Taʼ tsʉʼfɔŋ pɛ Yuda psirɛ́ Yěsô ŋgâ: «Kéʼeyáŋ sʉ́ʼʉ, tɛɛmbɛ ŋɔŋ ŋgyɛ́ níŋ mbɔ́rɔ́ tsɛ́ʼɛ́ tsómvé ŋeŋáŋ?» 19Yěsô pɔ́rɔ́ pwó yé ŋgâ: «Wo fú ya ne ŋɔŋ sʉ́ʼʉ ŋkyé kɔ́? Ŋɔŋ sʉ́ʼʉ ywoʼ fáá Mboʼmvé pó. 20Wo zé kaŋ. Á ntsɔ́ ŋgâ: “Wo ndɛ náʼá mbubú ndáá, wo ndɛ nɔʼ ŋɔŋ, wo ndɛ ndzwéé, wo ndɛ ntíí paŋ. Ghuʼɔ́ tɛd wo pú mɛ́ wo.”» 21Tsʉʼfɔŋ pɛ Yuda pɔ́rɔ́ pwó yé ŋgâ: «Mə kɛ ndzyě psíbɛ ŋkɔŋɔ ŋkaŋ mé ké nɛ́ náá pé ŋkhoʼ mɔ́ŋtii.» 22Ŋkhoʼyɛ́ Yěsô kɛ zóʼ pod yɛ́ tsʉʼfɔŋ wéré kɛ fɛ́ nɛ́, a tsɔ́ pwó yé ŋgâ: «Taʼ yɔ́b kɛ kâ pwó wo. Ŋkɔŋɔ mɔ́b pɛ wo tséʼé náá nɛ́, fí, ŋgób mbób pwó mbɔ́ŋmbɔŋ, yânéré, wo náʼá tséʼé foʼ zááme pépéé. Wo mbɔŋɔ ŋgyɛ́ néré, wo kʉ́yó, ntsʉʼɔ́ ndzəb mo.» 23Ŋkhoʼyɛ́ tsʉʼfɔŋ wéré kɛ zóʼ wéré nsó nɛ́, ndzɔʼ yé púbɔ ndzó ŋkyé ŋgâ a kɛ pé ndáá ŋgaŋáfoʼ.
24Yěsô zhʉ́ njʉ́ ŋgyéme kɛ pʉ́ʉ́ nɛ́, ntsɔ́ pwó pɔŋ ŋgâ: «A tʉŋɔ pwó foʼ kaʼatɛ ne ŋkúŋne ndzó Nofɔŋ Mboʼmvé! 25Ɔ́ŋɔ́! A zyaŋá pwó naapeʼe ghúŋkwéʼé ne ndzáʼne ndzó nǎʼŋgyɛ́ ntsɛ́ɛ́ pwó foʼ ne ŋkúŋne ndzó Nofɔŋ Mboʼmvé!» 26Pɔŋ pɛ́ pɔ́b kɛ zóʼ wé nɛ́ psírí mbəb yɔ́b ŋgâ: «Njʉ́ a pó mbé kaʼa nɛ́, tɛ a tséʼé wɔ́ tséʼé ndzǔne?» 27Yěsô pod ŋgâ: «Tɛ yɔ́b yɛ́ a ntsɛ́ɛ́ pumésɔŋ nɛ́, pe tsɛ́ɛ́ Mboʼmvé pó.»
28Pětro gháá: «Mbɛ ne psi, psi ntéé ŋkɔŋɔ mɔ́b psi náá nzɔŋɔ wo.» 29Yěsô pɔ́rɔ́ ne pɔ́b ŋgâ: «Kpaʼ sísíŋ mə ntsɔ́ nɛ́ ne puŋ. A pɛ yɛ́ ŋɔŋ ntéé ndáb yé, ntéé ŋgʉyé yé, ntéé mɔ́ŋmɛ́ yé, ntéé tɛd pé kii pɔ́ŋ pé ŋkyé Nofɔŋ Mboʼmvé nɛ́, 30mbǒ ŋɔŋ wéré kʉ́yó ntsɛ́ʼɛ́ foʼ zááme ndzó mvé yɔŋ, mbó tsɛ́ʼɛ́ tsómvé ŋeŋáŋ ndzó mvé yɛ́ a tsé kʉ́yó nɛ́.»
No yɛ́ a tsé ndzwəʼɛ́ Yěsô Yerʉ́salɛm nɛ́
(Mat 20:17-19; Máá 10:32-34)
31Yěsô fú ŋgíŋgye pé ntsɔ̌bpáá, ntsɔ́ ne pɔ́b ŋgâ: «Puŋ zóʼ! Njʉ́ piŋi kɔ́ʼɔ́ Yerʉ́salɛm kɛ́ʼɛ́ nɛ́, ŋkɔŋɔ meno pɛ ghaŋátsɔ́kpaŋató Mboʼmvé kɛ ŋwéʼe náá ŋkyé Mɔ́ŋ ŋɔŋ nɛ́, mbwɔ́. 32Pé fi wé pwó pɛ kiizɛ́mboʼmvé. Pɔ́b túŋɔ wé, tó wé, mbó ntswɛ tə́ mbəb yé. 33Pɔ́b naʼ gbíí wé ne fě, nɔʼ wé. Zhyé pékyéd ghɛ́ ndzáʼá, a zhʉyɛ́ ne vó.» 34Ntsʉʼmbé pɔ́b pé zóʼ ndíí pó. Nsó wéré ké mbɛ ne pɔ́b ké mbɛ́ɛ́ ywʉ̌me. Pɔ́b pé zé no yɛ́ Yěsô kɛ zɔŋɔ ntsɔ́ nɛ́ pó.
Yěsô pɛ́d taʼ ffǒme Zheriko
(Mat 20:29-34; Máá 10:46-52)
35Ŋkhoʼyɛ́, Yěsô kɛ tsé mbáŋá ndzó mbɛ́lʉ́ŋ Zheriko nɛ́, taʼ ffǒme ghɔ́rɔ́ ne gháá mɛndɔ́b ndɔŋɔ. 36Á zóʼ njʉ́ pɔŋ zááme kɛ záʼá nɛ́, mviri ŋgâ: «Á záʼá kɔ́?» 37Pé pɔ́rɔ́ pwó yé ŋgâ: «Á záʼá Yěsô Mɔ́ŋ ŋɔŋ Nǎzarɛd.» 38Néré, ffǒme wéré ndzyě ne ŋgéʼne ŋgâ: «Yěsô, Mɔ́ŋ fɔŋ Ndavíd, tsaaghəghəŋ ya!» 39Pɔŋ pɛ́ pɔ́b kɛ nyi ssó nɛ́, míí wé ŋgâ a móʼ tswée yé! Ntsʉʼmbé, a mě mê ŋgéʼé ne tʉ̌ŋ ŋgâ: «Mɔ́ŋ fɔŋ Ndavíd! Tsáá ghəghəŋ ya!» 40Yěsô tsébé, ntsɔ́ pwó pɔŋ ŋgâ: «Puŋ yɔ́ɔ́ wé kʉ́yó ne yé pfúŋɔ́ mo!» Ŋkhoʼyɛ́ ffǒme kɛ paŋa pfúŋɔ́ Yěsô nɛ́, a psirɛ́ wé ŋgâ: 41«Wo zɔŋɔ ŋgâ mə ŋgyɛ́ kɔ́ pwó wo?» Ffǒme pod ŋgâ: «Ntsɛɛpɔŋ, zhyɛ́ ŋgâ mə mbó zhʉ́ ywoʼ!» 42Yěsô tsɔ́ pwó yé ŋgâ: «Pó njʉ́ ywoʼ! Psyɛ́ndzɔʼ yo mkpéé wo!» 43Kpaʼ ŋkhoʼyéré, a zhʉ́ ywoʼ, ké tsʉʼ yé pé ndzəb Yěsô, ŋgúʼɔ Mboʼmvé. Ŋkɔŋɔ pɔŋ náá zhʉ́ néré, ndzɔ́bɔ nse, ŋgúʼɔ Mboʼmvé.
ទើបបានជ្រើសរើសហើយ៖
Lúkaasə 18: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 18
18
Fuʼno fiʼkɔ́d mbwɔ́ pú pfʉ́ʉ́ məŋgʉ́yé
1Yěsô máʼ taʼ fuʼno pwó ŋgíŋgye pé ne nyǒʼne ŋgâ ntséʼéne Mboʼmvé ŋkɔŋɔ ŋkhoʼ náá kii káŋ tséʼé ghebe. 2Á tsɔ́ ne pɔ́b ŋgâ: «Á kɛ pɛ́ ndzó taʼ mbɛ́lʉ́ŋ, taʼ ŋgaŋasábáfiʼ pɛ́ ndzó, mbé zɛ́ Mboʼmvé pó, kii pó tsé mbɔɔ ŋɔŋ. 3Taʼ pfʉ́ʉ́ məŋgʉ́yé pɛ́ ndzó mbɛ́lʉ́ŋ yéré, ŋkʉ́yó ŋkɔŋɔ ŋkhoʼ náá ntsɔ́ pwó yé ŋgâ: “Ntséé fiʼ zhí mbáŋ ya wɔŋ.” 4Fiʼkɔ́d kɛ tsé mbé taʼa ndzóʼó wé féré zhyémvé pó. A kyáŋá nsó ŋgâ: “Mbɛ njʉ́ mə ndzɛ́ Mboʼmvé nɛ́ pó, kii pó tsé mbɔɔ ŋɔŋ nɛ́, 5njʉ́ mə kɔ́ʼɔ́ ne wáá pwó məŋgʉ́yé wɔŋ nɛ́, mə ntséé fiʼ yé kɛ́ʼɛ́ ŋgâ a ntéé ya mə fúrú.”»
6Ntsɛɛpɔŋ ké mbó nsó ŋgâ: «Puŋ cʉ̌yi ndzóʼ no yɛ́ ŋgaŋasabafiʼ mbwɔ̂ wekénɛ́ nsó nɛ́! 7Tɛ Mboʼmvé náʼá ntséé fiʼ pɔŋ pɛ́ a kɛ tsɔ́ʼ, ŋkhoʼyɛ́ pɔ́b ŋkhɔ fú wé netsúʼ pwɛ nwɔ̌nsó kii ŋkaŋ nɛ́? Mboʼmvé náʼá shʉrʉ ne mbǒdne tséʼé yɔ́b? 8Kpaʼ sísíŋ, a tséé fiʼ yɔ́b yé ŋgerɛ́ŋged zǎŋazâŋa. Ntsʉʼmbé Mɔ́ŋ ŋɔŋ náʼá ŋgɛ ŋkʉ́yó, zhʉ́ psyɛ́ndzɔʼ ndúŋú tsetsáʼ?»
Ŋɔŋ Farízya pú ŋgaŋákpêsebe
9Yěsô ké mbó máʼ fuʼno ŋkyé pɔŋ pɛ́ pɔ́b kɛ zhʉ́ mbəb yɔ́b njʉ́ pɔŋ ŋgerɛ́ŋged, mbó coʼo pecyó pɔŋ nɛ́. 10Yěsô nsó ŋgâ: «Pɔŋ pépáá kɛ kɔ́ʼɔ́ Ndámboʼmvé. Cyó kɛ pé ŋɔŋ Farízya, cyó pé ŋgaŋakpêsebe. 11Ŋɔŋ Farízya nsé ntsɛ́ʼɛ́ Mboʼmvé ŋkɔ́bɔ ndzɔʼ yé ntsɔ́ ŋgâ: “O Mboʼmvé, mə fɛ́ tsíʼaka pwó wo ŋkyé ŋgâ mə mbɛ njʉ́ pecyó pɔŋ nɛ́ pó. Pɔ́b pɛ́ɛ́ gháŋagháŋ, mbé pɛ ghaŋázhyɛ́ meno kəpɔŋ, mbé pɛ fɛ̌ŋgab. Mə mbɛ́ɛ́ njʉ́ ŋgaŋakpêsebe wɔŋ nɛ́ pó. 12Mə ndzɛ́ nse ŋkɛ́ɛ́ yípáá ne taʼ ŋgabtáŋ. Mbó ntubɔ́ taʼ yɔ́b ndúŋú ŋkɔŋɔ vwɔ́ mɔ́b páá pɛ́ mə tséʼé náá nɛ́, fɛ́.” 13Ŋgaŋakpêsebe ntsɛ́ yé ghiŋ, mbé ŋkúʼɔ́ ne mbúʼune míí mé pó, ntsúŋu tó yé syé ntsɔ́ ne tsaaŋkobe ŋgâ: “O, Mboʼmvé, tséʼé tsaaghəghəŋ mbəb ŋukəpɔŋ njʉ́ mo nɛ́!”» 14Yěsô gháá: «Mə ntsɔ́ nɛ́ ne puŋ, ŋɔŋ wɛ́ a ghɛ́ mbɔ́rɔ́ ndzəb ywoʼ yé Mboʼmvé nsó ŋgâ a ŋgerɛ́ŋged nɛ́, a ŋgaŋakpêsebe ntsɛ́ɛ́ ŋɔŋ Farízya. Ŋkyé ŋgâ ŋɔŋ wɛ́ a ŋkʉ́rʉ́ mbəb yé nɛ́, Mboʼmvé kʉ́yó ŋkɔɔ wé. Ŋɔŋ wɛ́ a kɔɔ mbəb yé fɛ́ syé nɛ́, Mboʼmvé kʉ́yó ŋkʉ́rɔ wé.»
Yěsô níŋi mbúrú mbəb pɔ́ŋ mbɔ́d
(Mat 19:13-15; Máá 10:13-16)
15Pɔŋ kɛ kʉ́yó ne pɔ́ŋ mbɔ́d pfúŋɔ́ Yěsô ŋgâ a kébɛ́ wɔ́b, níŋi mbúrú mbəb pɔ́b. Ŋgíŋgye pé zhʉ́ néré, mǐ wɔ́b mî. 16Ntsʉʼmbé Yěsô zhyɛ́ pe kʉ́yó ne pɛ Mɔ́ŋ pfúŋɔ́ yé. A nsó ŋgâ: «Puŋ ntéé pɛ Mɔ́ŋ kʉ́yó pfúŋɔ́ mo. Puŋ ndɛ náŋá wɔ́b. Ŋkyé ŋgâ Nofɔŋ Mboʼmvé pɛ́ɛ́ pwó pɔŋ pɛ́ pɔ́b njʉ́ pɔ́b nɛ́. 17Kpaʼ sísíŋ, mə sə́ŋɛ́ wúŋ! Ŋɔŋ psyɛ́ Nofɔŋ Mboʼmvé njʉ́ mɔ́ŋ nɛ́ pó, a naʼ mbé ŋkúŋɔ ndúŋú pó.»
Taʼ foʼ pú Yěsô
(Mat 19:16-30; Máá 10:17-31)
18Taʼ tsʉʼfɔŋ pɛ Yuda psirɛ́ Yěsô ŋgâ: «Kéʼeyáŋ sʉ́ʼʉ, tɛɛmbɛ ŋɔŋ ŋgyɛ́ níŋ mbɔ́rɔ́ tsɛ́ʼɛ́ tsómvé ŋeŋáŋ?» 19Yěsô pɔ́rɔ́ pwó yé ŋgâ: «Wo fú ya ne ŋɔŋ sʉ́ʼʉ ŋkyé kɔ́? Ŋɔŋ sʉ́ʼʉ ywoʼ fáá Mboʼmvé pó. 20Wo zé kaŋ. Á ntsɔ́ ŋgâ: “Wo ndɛ náʼá mbubú ndáá, wo ndɛ nɔʼ ŋɔŋ, wo ndɛ ndzwéé, wo ndɛ ntíí paŋ. Ghuʼɔ́ tɛd wo pú mɛ́ wo.”» 21Tsʉʼfɔŋ pɛ Yuda pɔ́rɔ́ pwó yé ŋgâ: «Mə kɛ ndzyě psíbɛ ŋkɔŋɔ ŋkaŋ mé ké nɛ́ náá pé ŋkhoʼ mɔ́ŋtii.» 22Ŋkhoʼyɛ́ Yěsô kɛ zóʼ pod yɛ́ tsʉʼfɔŋ wéré kɛ fɛ́ nɛ́, a tsɔ́ pwó yé ŋgâ: «Taʼ yɔ́b kɛ kâ pwó wo. Ŋkɔŋɔ mɔ́b pɛ wo tséʼé náá nɛ́, fí, ŋgób mbób pwó mbɔ́ŋmbɔŋ, yânéré, wo náʼá tséʼé foʼ zááme pépéé. Wo mbɔŋɔ ŋgyɛ́ néré, wo kʉ́yó, ntsʉʼɔ́ ndzəb mo.» 23Ŋkhoʼyɛ́ tsʉʼfɔŋ wéré kɛ zóʼ wéré nsó nɛ́, ndzɔʼ yé púbɔ ndzó ŋkyé ŋgâ a kɛ pé ndáá ŋgaŋáfoʼ.
24Yěsô zhʉ́ njʉ́ ŋgyéme kɛ pʉ́ʉ́ nɛ́, ntsɔ́ pwó pɔŋ ŋgâ: «A tʉŋɔ pwó foʼ kaʼatɛ ne ŋkúŋne ndzó Nofɔŋ Mboʼmvé! 25Ɔ́ŋɔ́! A zyaŋá pwó naapeʼe ghúŋkwéʼé ne ndzáʼne ndzó nǎʼŋgyɛ́ ntsɛ́ɛ́ pwó foʼ ne ŋkúŋne ndzó Nofɔŋ Mboʼmvé!» 26Pɔŋ pɛ́ pɔ́b kɛ zóʼ wé nɛ́ psírí mbəb yɔ́b ŋgâ: «Njʉ́ a pó mbé kaʼa nɛ́, tɛ a tséʼé wɔ́ tséʼé ndzǔne?» 27Yěsô pod ŋgâ: «Tɛ yɔ́b yɛ́ a ntsɛ́ɛ́ pumésɔŋ nɛ́, pe tsɛ́ɛ́ Mboʼmvé pó.»
28Pětro gháá: «Mbɛ ne psi, psi ntéé ŋkɔŋɔ mɔ́b psi náá nzɔŋɔ wo.» 29Yěsô pɔ́rɔ́ ne pɔ́b ŋgâ: «Kpaʼ sísíŋ mə ntsɔ́ nɛ́ ne puŋ. A pɛ yɛ́ ŋɔŋ ntéé ndáb yé, ntéé ŋgʉyé yé, ntéé mɔ́ŋmɛ́ yé, ntéé tɛd pé kii pɔ́ŋ pé ŋkyé Nofɔŋ Mboʼmvé nɛ́, 30mbǒ ŋɔŋ wéré kʉ́yó ntsɛ́ʼɛ́ foʼ zááme ndzó mvé yɔŋ, mbó tsɛ́ʼɛ́ tsómvé ŋeŋáŋ ndzó mvé yɛ́ a tsé kʉ́yó nɛ́.»
No yɛ́ a tsé ndzwəʼɛ́ Yěsô Yerʉ́salɛm nɛ́
(Mat 20:17-19; Máá 10:32-34)
31Yěsô fú ŋgíŋgye pé ntsɔ̌bpáá, ntsɔ́ ne pɔ́b ŋgâ: «Puŋ zóʼ! Njʉ́ piŋi kɔ́ʼɔ́ Yerʉ́salɛm kɛ́ʼɛ́ nɛ́, ŋkɔŋɔ meno pɛ ghaŋátsɔ́kpaŋató Mboʼmvé kɛ ŋwéʼe náá ŋkyé Mɔ́ŋ ŋɔŋ nɛ́, mbwɔ́. 32Pé fi wé pwó pɛ kiizɛ́mboʼmvé. Pɔ́b túŋɔ wé, tó wé, mbó ntswɛ tə́ mbəb yé. 33Pɔ́b naʼ gbíí wé ne fě, nɔʼ wé. Zhyé pékyéd ghɛ́ ndzáʼá, a zhʉyɛ́ ne vó.» 34Ntsʉʼmbé pɔ́b pé zóʼ ndíí pó. Nsó wéré ké mbɛ ne pɔ́b ké mbɛ́ɛ́ ywʉ̌me. Pɔ́b pé zé no yɛ́ Yěsô kɛ zɔŋɔ ntsɔ́ nɛ́ pó.
Yěsô pɛ́d taʼ ffǒme Zheriko
(Mat 20:29-34; Máá 10:46-52)
35Ŋkhoʼyɛ́, Yěsô kɛ tsé mbáŋá ndzó mbɛ́lʉ́ŋ Zheriko nɛ́, taʼ ffǒme ghɔ́rɔ́ ne gháá mɛndɔ́b ndɔŋɔ. 36Á zóʼ njʉ́ pɔŋ zááme kɛ záʼá nɛ́, mviri ŋgâ: «Á záʼá kɔ́?» 37Pé pɔ́rɔ́ pwó yé ŋgâ: «Á záʼá Yěsô Mɔ́ŋ ŋɔŋ Nǎzarɛd.» 38Néré, ffǒme wéré ndzyě ne ŋgéʼne ŋgâ: «Yěsô, Mɔ́ŋ fɔŋ Ndavíd, tsaaghəghəŋ ya!» 39Pɔŋ pɛ́ pɔ́b kɛ nyi ssó nɛ́, míí wé ŋgâ a móʼ tswée yé! Ntsʉʼmbé, a mě mê ŋgéʼé ne tʉ̌ŋ ŋgâ: «Mɔ́ŋ fɔŋ Ndavíd! Tsáá ghəghəŋ ya!» 40Yěsô tsébé, ntsɔ́ pwó pɔŋ ŋgâ: «Puŋ yɔ́ɔ́ wé kʉ́yó ne yé pfúŋɔ́ mo!» Ŋkhoʼyɛ́ ffǒme kɛ paŋa pfúŋɔ́ Yěsô nɛ́, a psirɛ́ wé ŋgâ: 41«Wo zɔŋɔ ŋgâ mə ŋgyɛ́ kɔ́ pwó wo?» Ffǒme pod ŋgâ: «Ntsɛɛpɔŋ, zhyɛ́ ŋgâ mə mbó zhʉ́ ywoʼ!» 42Yěsô tsɔ́ pwó yé ŋgâ: «Pó njʉ́ ywoʼ! Psyɛ́ndzɔʼ yo mkpéé wo!» 43Kpaʼ ŋkhoʼyéré, a zhʉ́ ywoʼ, ké tsʉʼ yé pé ndzəb Yěsô, ŋgúʼɔ Mboʼmvé. Ŋkɔŋɔ pɔŋ náá zhʉ́ néré, ndzɔ́bɔ nse, ŋgúʼɔ Mboʼmvé.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល