Lúkaasə 17
17
Yěsô fɛ́ ntʉ́ʉ́ pwó ŋgíŋgye pé
(Mat 18:6, 7; Máá 9:42)
1Yěsô tsɔ́ pwó ŋgíŋgye pé ŋgâ: «Pɛ mɛndɔ́b ne mvǒne ndzɔ́ʼɔ́ kəpɔŋ náʼá ké mbɛ̌ pé. Ntsʉʼmbé ndɔŋ tó ŋɔŋ wɛ́ kəpɔŋ ndzáʼá mbəb yé mbáŋá nɛ́! 2Ne ŋkhoʼyɛ́ tɛ ŋɔŋ zhyɛ́ mbɛ taʼ Mɔ́ŋ wɔŋ vɔ́ ndzɔ́ʼɔ́ kəpɔŋ nɛ́, ŋkhoʼ néré pé yɔ́ɔ́ ghɔ́ɔ́ kəkwéʼe ntsʉ́ myí yé máʼ wé nse lepaa. 3Puŋ máʼ fǐ ndzó təŋé múŋ!
(Mat 18:15, 21-22)
A pɛ yɛ́ mɔ́ŋmɛ́ wo vǒ no pwó wo nɛ́, sáʼá wé. A mbɔŋɔ ndɔ́ŋ vɔ̌no, wo máʼ ndɔ́ɔ́ wé. 4Á mbɔŋɔ mvɔ́ ne kɛɛ yísambáá ne taʼ zhyémvé mvé, ké mbó ndɔ́ŋ vɔ̌no kɛɛ yísambáá, mbǒ wo ké máʼ vɔ̌no yé máʼ ndɔ́ɔ́ wé.»
Tʉŋ mɛ́ psyɛ́ndzɔʼ tséʼé nɛ́
(Mat 17:20)
5Ghaŋántɔ́b Yěsô tsɔ́ pwó yé ŋgâ: «Ntsɛɛpɔŋ, pfǐ psyɛ́ndzɔʼ zhí.» 6Ntsɛɛpɔŋ pɔ́rɔ́ ne pɔ́b ŋgâ: «Á ghɛmbɛ psyɛ́ndzɔʼ yúŋ ke ŋgɛ́ɛ́ ndaʼ njʉ́ míí mbɛrɛ̂tɛ́ nɛ́, mbǒ tɛɛmbɛ puŋ ntsɔ́ pwó nsó yɔŋ ŋgâ: “Ŋǎ pwɛ nyí mo gháŋ ŋgú ntsɛ́ɛ́ nse”, a ké ndzóʼó néré.»
Ŋgaŋafaʼ wɛ́ a ŋɛ́ʼɛ́ nɛ́ pó
7Yěsô pó ntsɔ́ ne pɔ́b ŋgâ: «A wɔ́ ndzɔʼ puŋ wɛ́ mbɛ a tséʼé taʼ Ŋgaŋafaʼ, á fáʼa swɛ́ɛ́ kii ŋgâ mvibɛ mɔ́b paʼ. Ŋkhoʼyɛ́ a ŋkhu faʼ nɛ́, puŋ ntsɔ́ pwó yé ŋgâ: “Ghú zǎŋazâŋa ŋgɔ́rɔ́ syé zó mɔ́b?” 8Pǔŋ pó ntsɔ́ pwó yé pé ŋgâ: “Nyi mɔ́b páá mbó sed ndzwé wo kʉ́yó fɛ́ mɔ́b ne mo mə ndzǒ mbó nɔ́, wo pɔ́rɔ́ ndzɔ́ yo mbó nɔ́.” 9Puŋ fɛ́ tsíʼaka pwó Ŋgaŋafaʼ wɔŋ njʉ́ a ŋgyɛ́ no yɛ́ puŋ nsó nɛ́? 10Á ké mbé ntsʉ́ŋtsʉ́ŋ njʉ́ mbɛ puŋ, ŋkhoʼyɛ́ puŋ mee ŋkɔŋɔ faʼ pɛ́ pe kɛ fɛ́ ne puŋ náá nɛ́, a pú ŋgâ puŋ nsó ŋgâ: “Psi ké mbɛ́ɛ́ ghaŋáfaʼ, psi ké fáʼa ndaʼ faʼ yɛ́ a mbɛ psi tsɛ́ʼɛ́ ne fǎʼne nɛ́.”»
Yěsô pɛ́d vwɔ́ ghaŋákəkóó
11Yěsô kɛ záʼá tsetsɛrɛ Samari pú Galílya ŋgú Yerʉ́salɛm. 12Á ghɛ́ ŋkúŋɔ ndzó taʼ yáʼ, vwɔ́ ghaŋákəkóó kʉ́yó ne njʉ́ ne wé. Pɔ́b tsɛ́bɛ taŋasesɛ, 13ŋgéʼ ŋgâ: «Yěsô, ntsɛ́ssó, tsáá ghəghəŋ zhí!» 14Yěsô zhʉ́ wɔ́b nsó ŋgâ: «Puŋ ghú nyoʼ mbəb yúŋ pwó pɛ ghaŋáshʉ́.» Ŋkhoʼyɛ́ pɔ́b kɛ yɔ́ɔ́ mɛndɔ́b nɛ́, mbəb yɔ́b ké fwó néré. 15Njʉ́ taʼ ŋɔŋ ndzɔ́ʼɔ́ pɔ́b kɛ zhʉ́ ŋgâ mbəb yé fwó nɛ́, á pod ndzəb ŋgúʼɔ́ Mboʼmvé ntsɔ́ ne tʉ̌ŋ ŋgâ: «Ŋgúʼune pɛ pwó Mboʼmvé!» 16Á vɔ́ ne kpee Yěsô, ŋkúbú záŋ yé syé, tsɛ́ʼɛ́ wé. Ŋɔŋ wéré kɛ pé taʼ ŋɔŋ Samari. 17Néré Yěsô gháá: «Ŋkɔŋɔ vwɔ́ yé náá tséʼé fwôghɔŋ pɔɔ? Pépfuʼɔ yɛ́? 18Ndzɔʼ ŋkɔŋɔ wɔ́b náá, ndíí ŋɔŋ wɔ́b kʉ́yó fɛ́ ŋgúʼune pwó Mboʼmvé pó, ndaʼ ŋɔŋ shʉyɛ̂ wɔŋ.» 19Yěsô ntsɔ́ɔ́ ŋɔŋ wéré ŋgâ: «Ŋǎ syé ŋgú, psyɛ́ndzɔʼ yo mkpéé wo.»
Nofɔŋ Mboʼmvé kɛ páŋ
20Pɛ Farízya psirɛ́ Yěsô ŋgâ: «Nofɔŋ Mboʼmvé paŋá yɛkɔ́?» Á pɔ́rɔ́ ne pɔ́b ŋgâ: «Nofɔŋ Mboʼmvé pɛ́ njʉ́ pé ndɛ zhʉ́ yɔ́b kʉ́yó nɛ́ pó. 21Ŋɔŋ náʼá nsó ŋgâ: “Á pɛ́ɛ́ gháŋ” kii “A pɛ́ɛ́ ghiŋ” pó. Ntsʉʼmbé Nofɔŋ Mboʼmvé tsetsɛrɛ puŋ.»
Zhyémve yɛ́ Mɔ́ŋ ŋɔŋ náʼá nyóʼó mbəb yé pwó pɔŋ nɛ́
22Ndzaʼnéré Yěsô ntsɔ́ pwó ŋgíŋgye pé ŋgâ: «Zhyémve tsé kʉ́yó yɛ́ puŋ ntáʼá ne njʉ́ne Mɔ́ŋ ŋɔŋ mbɛ taʼ zhyémvé mve mbé zhʉ́ wé nɛ́ pó.
(Mat 24:26-27)
23Pé náʼá ntsɔ́ ne puŋ ŋgâ: “Á pé nɔŋ!” Kii ŋgâ “á pé níŋ!” Puŋ ndɛ ŋgú, puŋ ndɛ ntɛ́ɛ́. 24Ntsʉʼmbé zhyémvé mve Mɔ́ŋ ŋɔŋ náʼá mbɛɛ njʉ́ mbuŋ ndɛ nyʉyí pépéé, ntwɔ́ ndzó cyó ndzáʼ yé ŋgú ndzó cyó nɛ́. 25Ntsʉʼmbé, a zɔŋɔ ŋgâ á péé zhʉ́ ŋgəʼo zááme ŋkɔ́ŋ, Kerɛmvé yɔŋ khə́ŋɛ́ wé.
(Mat 24:37-39)
26Zhyémve yɛ́ Mɔ́ŋ ŋɔŋ náʼá nyóʼó mbəb yé pwó pɔŋ nɛ́ pɛ́ɛ́ njʉ́ zhyémvé mve Nuwa kɛ pé nɛ́. 27Pɔŋ kɛ zɔ̂, nɔ̂, kpáʼá ndáá, mbó fɛ́ pɔŋ ndáb ndáá. Tɛ mbáŋ zhyémvé mve yɛ́ Nuwa kɛ ŋkúŋɔ́ ndzó páŋ kəkwéʼe nɛ́. Tsěd ŋkhú nɔʼ wɔ́b náá. 28Kii ŋgâ, a náʼá ké mbɛ njʉ́ a kɛ pɛ́ ne zhyémvé mve Lotə nɛ́. Pɔŋ kɛ zɔ, nɔ́, nzúŋɔ mbó fí, mvɛ́ mbó ŋkwórɔ́ pɛ ndáb. 29Ntsʉʼmbé zhyémvé mve yɛ́ Lotə kɛ ŋǎ Sodɔmə nɛ́, Mboʼmvé shʉ́ʼ mbuŋ mɔ́ɔ́ pwɛ mekaŋ, pɔ́b pfɔ̂ náá. 30Zhyémve yɛ́ Mɔ́ŋ ŋɔŋ náʼá nyóʼó mbəb yé pwó pɔŋ nɛ́ náʼá ké mbɛ́ɛ́ néré.
31Zhyémve yéré, ŋɔŋ wɛ́ a pɛ́ɛ́ ntsɔ̌ʼndáb nɛ́ ndɛ shʉyí ndáb ndɔ́ɔ́ mɔ́b pé yé. Ŋɔŋ wɛ́ a pɛ́ɛ́ faʼ nɛ́ ndɛ pǒd ndzəb ywoʼ yé. 32Puŋ fú tó yúŋ ne no yɛ́ a kɛ ŋkúŋɔ ŋgʉyé Lotə nɛ́. 33Ŋɔŋ wɛ́ a ntáʼá ne ŋgǒʼne tsómvé yé nɛ́ náʼá mbzyé, ntsʉʼmbé ŋɔŋ wɛ́ a náʼá mbzyé tsómvé yé nɛ́, tsɛ́ʼɛ́. 34Ɔ́ŋɔ́, mə ntsɔ́ nɔŋ nɛ́ ne puŋ. Netsúʼ wéré, pɔŋ pépáá pɛ pɔ́b nu ndzó taʼ kúŋ nɛ́, pé yɔ́ɔ́ taʼ yé, ntéé cyó. 35Pěŋgyé pépáá pɛ́ pɔ́b náʼá mbɛ ywoʼɔ ghɔ́ʼɔ́ ŋgəŋ nɛ́, pé yɔ́ɔ́ taʼ yé, ntéé cyó. 36[Mbzíŋi pépáá pɛ́ pɔ́b náʼá mbɛ faʼ nɛ́, pé yɔ́ɔ́ taʼ yé, ntéé cyó.]#17:36 [Mbzíŋi pépáá pɛ́ pɔ́b náʼá mbɛ faʼ nɛ́, pé yɔ́ɔ́ taʼ yé, ntéé cyó.] Ŋkaŋ ŋwéʼe yɔŋ ndzó ŋkɔŋɔ pɛ nzuŋ sɔ́ poʼ ŋwéʼe náá pó. »
37Pɛ ŋgíŋgye psirɛ́ Yěsô ŋgâ: «Ntsɛɛpɔŋ, yéré no náʼá ndzáʼá pɛ́ɛ́?» Á pɔ́rɔ́ ne pɔ́b ŋgâ: «Ywoʼ yɛ́ pfɔ́ yɔ́b yóʼó nɛ́, ŋɔ̌ŋɔ̂ ndɛ mbé ŋkâ yóʼó pó.»
ទើបបានជ្រើសរើសហើយ៖
Lúkaasə 17: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 17
17
Yěsô fɛ́ ntʉ́ʉ́ pwó ŋgíŋgye pé
(Mat 18:6, 7; Máá 9:42)
1Yěsô tsɔ́ pwó ŋgíŋgye pé ŋgâ: «Pɛ mɛndɔ́b ne mvǒne ndzɔ́ʼɔ́ kəpɔŋ náʼá ké mbɛ̌ pé. Ntsʉʼmbé ndɔŋ tó ŋɔŋ wɛ́ kəpɔŋ ndzáʼá mbəb yé mbáŋá nɛ́! 2Ne ŋkhoʼyɛ́ tɛ ŋɔŋ zhyɛ́ mbɛ taʼ Mɔ́ŋ wɔŋ vɔ́ ndzɔ́ʼɔ́ kəpɔŋ nɛ́, ŋkhoʼ néré pé yɔ́ɔ́ ghɔ́ɔ́ kəkwéʼe ntsʉ́ myí yé máʼ wé nse lepaa. 3Puŋ máʼ fǐ ndzó təŋé múŋ!
(Mat 18:15, 21-22)
A pɛ yɛ́ mɔ́ŋmɛ́ wo vǒ no pwó wo nɛ́, sáʼá wé. A mbɔŋɔ ndɔ́ŋ vɔ̌no, wo máʼ ndɔ́ɔ́ wé. 4Á mbɔŋɔ mvɔ́ ne kɛɛ yísambáá ne taʼ zhyémvé mvé, ké mbó ndɔ́ŋ vɔ̌no kɛɛ yísambáá, mbǒ wo ké máʼ vɔ̌no yé máʼ ndɔ́ɔ́ wé.»
Tʉŋ mɛ́ psyɛ́ndzɔʼ tséʼé nɛ́
(Mat 17:20)
5Ghaŋántɔ́b Yěsô tsɔ́ pwó yé ŋgâ: «Ntsɛɛpɔŋ, pfǐ psyɛ́ndzɔʼ zhí.» 6Ntsɛɛpɔŋ pɔ́rɔ́ ne pɔ́b ŋgâ: «Á ghɛmbɛ psyɛ́ndzɔʼ yúŋ ke ŋgɛ́ɛ́ ndaʼ njʉ́ míí mbɛrɛ̂tɛ́ nɛ́, mbǒ tɛɛmbɛ puŋ ntsɔ́ pwó nsó yɔŋ ŋgâ: “Ŋǎ pwɛ nyí mo gháŋ ŋgú ntsɛ́ɛ́ nse”, a ké ndzóʼó néré.»
Ŋgaŋafaʼ wɛ́ a ŋɛ́ʼɛ́ nɛ́ pó
7Yěsô pó ntsɔ́ ne pɔ́b ŋgâ: «A wɔ́ ndzɔʼ puŋ wɛ́ mbɛ a tséʼé taʼ Ŋgaŋafaʼ, á fáʼa swɛ́ɛ́ kii ŋgâ mvibɛ mɔ́b paʼ. Ŋkhoʼyɛ́ a ŋkhu faʼ nɛ́, puŋ ntsɔ́ pwó yé ŋgâ: “Ghú zǎŋazâŋa ŋgɔ́rɔ́ syé zó mɔ́b?” 8Pǔŋ pó ntsɔ́ pwó yé pé ŋgâ: “Nyi mɔ́b páá mbó sed ndzwé wo kʉ́yó fɛ́ mɔ́b ne mo mə ndzǒ mbó nɔ́, wo pɔ́rɔ́ ndzɔ́ yo mbó nɔ́.” 9Puŋ fɛ́ tsíʼaka pwó Ŋgaŋafaʼ wɔŋ njʉ́ a ŋgyɛ́ no yɛ́ puŋ nsó nɛ́? 10Á ké mbé ntsʉ́ŋtsʉ́ŋ njʉ́ mbɛ puŋ, ŋkhoʼyɛ́ puŋ mee ŋkɔŋɔ faʼ pɛ́ pe kɛ fɛ́ ne puŋ náá nɛ́, a pú ŋgâ puŋ nsó ŋgâ: “Psi ké mbɛ́ɛ́ ghaŋáfaʼ, psi ké fáʼa ndaʼ faʼ yɛ́ a mbɛ psi tsɛ́ʼɛ́ ne fǎʼne nɛ́.”»
Yěsô pɛ́d vwɔ́ ghaŋákəkóó
11Yěsô kɛ záʼá tsetsɛrɛ Samari pú Galílya ŋgú Yerʉ́salɛm. 12Á ghɛ́ ŋkúŋɔ ndzó taʼ yáʼ, vwɔ́ ghaŋákəkóó kʉ́yó ne njʉ́ ne wé. Pɔ́b tsɛ́bɛ taŋasesɛ, 13ŋgéʼ ŋgâ: «Yěsô, ntsɛ́ssó, tsáá ghəghəŋ zhí!» 14Yěsô zhʉ́ wɔ́b nsó ŋgâ: «Puŋ ghú nyoʼ mbəb yúŋ pwó pɛ ghaŋáshʉ́.» Ŋkhoʼyɛ́ pɔ́b kɛ yɔ́ɔ́ mɛndɔ́b nɛ́, mbəb yɔ́b ké fwó néré. 15Njʉ́ taʼ ŋɔŋ ndzɔ́ʼɔ́ pɔ́b kɛ zhʉ́ ŋgâ mbəb yé fwó nɛ́, á pod ndzəb ŋgúʼɔ́ Mboʼmvé ntsɔ́ ne tʉ̌ŋ ŋgâ: «Ŋgúʼune pɛ pwó Mboʼmvé!» 16Á vɔ́ ne kpee Yěsô, ŋkúbú záŋ yé syé, tsɛ́ʼɛ́ wé. Ŋɔŋ wéré kɛ pé taʼ ŋɔŋ Samari. 17Néré Yěsô gháá: «Ŋkɔŋɔ vwɔ́ yé náá tséʼé fwôghɔŋ pɔɔ? Pépfuʼɔ yɛ́? 18Ndzɔʼ ŋkɔŋɔ wɔ́b náá, ndíí ŋɔŋ wɔ́b kʉ́yó fɛ́ ŋgúʼune pwó Mboʼmvé pó, ndaʼ ŋɔŋ shʉyɛ̂ wɔŋ.» 19Yěsô ntsɔ́ɔ́ ŋɔŋ wéré ŋgâ: «Ŋǎ syé ŋgú, psyɛ́ndzɔʼ yo mkpéé wo.»
Nofɔŋ Mboʼmvé kɛ páŋ
20Pɛ Farízya psirɛ́ Yěsô ŋgâ: «Nofɔŋ Mboʼmvé paŋá yɛkɔ́?» Á pɔ́rɔ́ ne pɔ́b ŋgâ: «Nofɔŋ Mboʼmvé pɛ́ njʉ́ pé ndɛ zhʉ́ yɔ́b kʉ́yó nɛ́ pó. 21Ŋɔŋ náʼá nsó ŋgâ: “Á pɛ́ɛ́ gháŋ” kii “A pɛ́ɛ́ ghiŋ” pó. Ntsʉʼmbé Nofɔŋ Mboʼmvé tsetsɛrɛ puŋ.»
Zhyémve yɛ́ Mɔ́ŋ ŋɔŋ náʼá nyóʼó mbəb yé pwó pɔŋ nɛ́
22Ndzaʼnéré Yěsô ntsɔ́ pwó ŋgíŋgye pé ŋgâ: «Zhyémve tsé kʉ́yó yɛ́ puŋ ntáʼá ne njʉ́ne Mɔ́ŋ ŋɔŋ mbɛ taʼ zhyémvé mve mbé zhʉ́ wé nɛ́ pó.
(Mat 24:26-27)
23Pé náʼá ntsɔ́ ne puŋ ŋgâ: “Á pé nɔŋ!” Kii ŋgâ “á pé níŋ!” Puŋ ndɛ ŋgú, puŋ ndɛ ntɛ́ɛ́. 24Ntsʉʼmbé zhyémvé mve Mɔ́ŋ ŋɔŋ náʼá mbɛɛ njʉ́ mbuŋ ndɛ nyʉyí pépéé, ntwɔ́ ndzó cyó ndzáʼ yé ŋgú ndzó cyó nɛ́. 25Ntsʉʼmbé, a zɔŋɔ ŋgâ á péé zhʉ́ ŋgəʼo zááme ŋkɔ́ŋ, Kerɛmvé yɔŋ khə́ŋɛ́ wé.
(Mat 24:37-39)
26Zhyémve yɛ́ Mɔ́ŋ ŋɔŋ náʼá nyóʼó mbəb yé pwó pɔŋ nɛ́ pɛ́ɛ́ njʉ́ zhyémvé mve Nuwa kɛ pé nɛ́. 27Pɔŋ kɛ zɔ̂, nɔ̂, kpáʼá ndáá, mbó fɛ́ pɔŋ ndáb ndáá. Tɛ mbáŋ zhyémvé mve yɛ́ Nuwa kɛ ŋkúŋɔ́ ndzó páŋ kəkwéʼe nɛ́. Tsěd ŋkhú nɔʼ wɔ́b náá. 28Kii ŋgâ, a náʼá ké mbɛ njʉ́ a kɛ pɛ́ ne zhyémvé mve Lotə nɛ́. Pɔŋ kɛ zɔ, nɔ́, nzúŋɔ mbó fí, mvɛ́ mbó ŋkwórɔ́ pɛ ndáb. 29Ntsʉʼmbé zhyémvé mve yɛ́ Lotə kɛ ŋǎ Sodɔmə nɛ́, Mboʼmvé shʉ́ʼ mbuŋ mɔ́ɔ́ pwɛ mekaŋ, pɔ́b pfɔ̂ náá. 30Zhyémve yɛ́ Mɔ́ŋ ŋɔŋ náʼá nyóʼó mbəb yé pwó pɔŋ nɛ́ náʼá ké mbɛ́ɛ́ néré.
31Zhyémve yéré, ŋɔŋ wɛ́ a pɛ́ɛ́ ntsɔ̌ʼndáb nɛ́ ndɛ shʉyí ndáb ndɔ́ɔ́ mɔ́b pé yé. Ŋɔŋ wɛ́ a pɛ́ɛ́ faʼ nɛ́ ndɛ pǒd ndzəb ywoʼ yé. 32Puŋ fú tó yúŋ ne no yɛ́ a kɛ ŋkúŋɔ ŋgʉyé Lotə nɛ́. 33Ŋɔŋ wɛ́ a ntáʼá ne ŋgǒʼne tsómvé yé nɛ́ náʼá mbzyé, ntsʉʼmbé ŋɔŋ wɛ́ a náʼá mbzyé tsómvé yé nɛ́, tsɛ́ʼɛ́. 34Ɔ́ŋɔ́, mə ntsɔ́ nɔŋ nɛ́ ne puŋ. Netsúʼ wéré, pɔŋ pépáá pɛ pɔ́b nu ndzó taʼ kúŋ nɛ́, pé yɔ́ɔ́ taʼ yé, ntéé cyó. 35Pěŋgyé pépáá pɛ́ pɔ́b náʼá mbɛ ywoʼɔ ghɔ́ʼɔ́ ŋgəŋ nɛ́, pé yɔ́ɔ́ taʼ yé, ntéé cyó. 36[Mbzíŋi pépáá pɛ́ pɔ́b náʼá mbɛ faʼ nɛ́, pé yɔ́ɔ́ taʼ yé, ntéé cyó.]#17:36 [Mbzíŋi pépáá pɛ́ pɔ́b náʼá mbɛ faʼ nɛ́, pé yɔ́ɔ́ taʼ yé, ntéé cyó.] Ŋkaŋ ŋwéʼe yɔŋ ndzó ŋkɔŋɔ pɛ nzuŋ sɔ́ poʼ ŋwéʼe náá pó. »
37Pɛ ŋgíŋgye psirɛ́ Yěsô ŋgâ: «Ntsɛɛpɔŋ, yéré no náʼá ndzáʼá pɛ́ɛ́?» Á pɔ́rɔ́ ne pɔ́b ŋgâ: «Ywoʼ yɛ́ pfɔ́ yɔ́b yóʼó nɛ́, ŋɔ̌ŋɔ̂ ndɛ mbé ŋkâ yóʼó pó.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល