Lúkaasə 16
16
Fuʼno mbəb Ŋgaŋafaʼ ŋgɔ́b
1Yěsô máʼ taʼ fuʼno pwó ŋgíŋgye pé ŋgâ: «Taʼ ŋgaŋayɔ́b kɛ tséʼé taʼ Ŋgaŋafaʼ wɛ́ a kɛ tíŋɛ ŋkɔŋɔ mɔ́b pé náá ndáb yé nɛ́. Pɔŋ kʉ́yó sɔ́bɔ́ wé pwó yé ŋgâ a ywʉʼa mɔ́b pe ghʉʼá. 2Ŋɔŋ wéré fú wé mvírɛ́ wé ŋgâ: “Mə ndzóʼ ŋgâ wo zhyɛ́ níŋ yɔ́ɔ́? Tsɔ́ njʉ́ faʼ nyi nɛ́, ŋkyé ŋgâ wo mbó tsé ndiŋɛ́ mɔ́b páá ŋkʉ́rʉ́ pó.” 3Ŋgaŋafaʼ tsɔ́ ndzó ndzɔʼ yé ŋgâ: “Tɛ mə ŋgyɛ́ɛ́ níŋ! Njʉ́ tsɛ́ɛ́ pɔŋ ya túbú ya ne tíŋɛ mɔ́b pé nɛ́. Faʼa swɛ́ɛ́? Mə tséʼé tʉŋ yéré po! ŋwâŋne? Mə cʉ́ʼɔ́ pfɔ̂shʉ́ŋ pɛ́ɛ́! 4Mə ndzé no yɛ́ mə ŋgyɛ́ ŋkhoʼyɛ́ ntsɛ́ssó ya ndzú ya nɛ́, pɔŋ ghəhɛ́ ya ywoʼ pɔ́b nɛ́.” 5Á fú pɔŋ pɛ pɔ́b kɛ tséʼé kɛ́ɛ́ pwɛ ntsɛ́ssó yé nɛ́ mɔʼɔ́ mɔʼɔ́. Mvírɛ́ sɔ́ ŋɔŋ ŋgâ: “Wo tséʼé yíkɔ́ ne fɛ́ne pwó ntsɛ́ssó ya?” 6Á pɔ́rɔ́ pwó yé ŋgâ kpǐ ŋkaʼ vód. Ŋgaŋafaʼ ntsɔ́ pwó yé ŋgâ: “Yo ghaʼŋwéʼe pé nɛ́, ghɔ́rɔ́ syé ŋwéʼe ghúbmetáŋ.” 7Zhʉ́bí kʉ́yó, a psírɛ wé ŋgâ: “Wo nɛ́, wo tséʼé yíkɔ́ ne fɛ́ne?” Á gháá “kpǐ pab ŋgəsáŋ.” Ŋgaŋafaʼ ntsɔ́ pwó yé ŋgâ: “Yo ghaʼŋwéʼe pé nɛ́, ŋwéʼé ghúbmefwɔ.” 8Néré ntsɛ́ssó ghóʼ Ŋgaŋafaʼ ŋgɔ́b wéré ŋkyé ŋgâ, a kɛ zhyɛ́ no ne zé.» Yěsô pó nsó ŋgâ: «Pumve yɔŋ tséʼé zé mbəb pɔ́ŋmɛ́ pɔ́b tɛ tsɛ́ɛ́ pɔŋ pɛ́ pɔ́b zɛ́ Mboʼmvé nyi ndzɔ́ʼɔ́ zhyaŋa nɛ́.»
Mbɛ́ɛ́ ŋɔŋ pé ghúʼɔ́ Mboʼmvé pú mbób taʼ kɛɛ pó
9Yěsô ké mbó nsó ŋgâ: «Puŋ zóʼ sʉ́ʼʉ! Puŋ kpɛ́ɛ́ sɔ́ŋ puŋ ne mɔ́b shʉ́yɛ míí, kɛ́ʼɛ́ ŋgâ zhyémvé mve yɛ́ mɔ́b péré myé nɛ́, sɔ́ŋ puŋ péré ghəhɛ́ wúŋ ndzó ywoʼ ŋeŋáŋ.
10Ŋɔŋ wɛ́ a ywʉ́ʼʉ́ mɔ́ŋtii yɔ́b ne taʼ ndzɔʼ nɛ́, a kúʼɔ́ njʉ́ tɛ pe fɛ́ yé kəkwéʼe a ké ŋgʉʼʉ néré nɛ́. Ŋɔŋ wɛ́ a ŋgyɛ́ ŋgɔ́b ndúŋú mɔ́ŋtii yɔ́b nɛ́, a ké ŋgyɛ́ ŋgɔ́b ndúŋú yé kəkwéʼe pe néré. 11Á pɛ́ɛ́ yɛ́ puŋ kɛ kúʼɔ́ ne ŋgʉʼʉ́ne mɔ́b shʉ́yɛ míí ne taʼ ndzɔʼ nɛ́ pó, mbǒ a ŋgʉʼɔ́ wɔ́ ŋgʉ́ʼɔ́ ndâ mɔ́b ne puŋ? 12Á pɛ́ɛ́ yɛ́ puŋ kɛ kúʼɔ́ ne ŋgʉʼʉ́ne yɔ́b ŋɔŋ ne taʼ ndzɔʼ nɛ́ pó, mbǒ a fɛ́ wɔ́ fɛ́ kpaʼ yuŋ yɔ́ɔ́?
(Mat 6:24)
13Tɛɛmbɛ taʼ ŋɔŋ pé fáʼa pwó Ntsɛ́ɛ́pɔŋ pépáá taʼ kɛɛ pó. Mbǒ a mbáŋa taʼ yé kʉ́yé cyó, kii ŋgâ a ndɛrɛ mbób taʼ yé gbáŋá cyó. Tɛɛmbɛ puŋ pe fáʼa pwó Mboʼmvé pú mbəb taʼ kɛɛ pó.»
Ŋkaŋ pú Nofɔŋ Mboʼmvé
14Pɛ Farízya pɛ pɔ́b kɛ zóʼ ŋkɔŋɔ meno péré náá nɛ́, syɛ́ ŋgʉyé yɔ́b ywʉyé, ŋkyé ŋgâ pɔ́b kɛ kʉyě no mbób tɛ. 15Yěsô ntsɔ́ ne pɔ́b ŋgâ: «Puŋ, pǔŋ zɔŋɔ nyoʼ ŋgâ puŋ ŋgerɛ́ŋged kaʼatɛ ne míí pɔŋ. Ntsʉʼmbé Mboʼmvé zé ndzyě ndzɔʼ yuŋ. Yɔ́b yɛ́ a pwó pumésɔŋ tséʼé ghebe ŋgáʼ nɛ́, a ne míí Mboʼmvé mbé yɔ́b shʉ́yéme.
(Mat 11:12-13)
16Kaŋ Mǔsê pwɛ ghaŋátsɔ́kpaŋató Mboʼmvé ntsɛ́bɛ́ mbəb Zhâŋ. Féré néré pe ncʉ́rɛ Nofɔŋ Mboʼmvé, mbɛ wɔ́ sáʼá ntʉŋ ne ŋkúŋne ndzó.
(Mat 5:18)
17Pépéé pwɛ tsetsáʼ ŋkʉ́yó ndzáʼá kpaʼ zyaŋáme, kaʼatɛ tɛ ntsɛ́ɛ́ njʉ́ mbɛ tó ndíí ŋwéʼe kaŋ, mbwó nɛ́.
(Mat 5:32; 19:9; Máá 10:11-12)
18Ntsye ŋɔŋ wɛ́ a zú ŋgʉyé yé mbó ndzɔ́ʼ cyó nɛ́, mbǒ a púbú ndáá. Ŋkhoʼyɛ́ wo zɔʼ məŋgʉ́yé wɛ́ ndwɔ́ yé zú wé nɛ́, mbǒ a púbɔ́ ndáá.»
Ŋgaŋafaʼ pú Nǎzaro
19Yěsô máʼ yɔŋ fuʼno ŋgâ: «Taʼ ŋɔŋ kɛ pé foʼ gbéé ndzwé tʉ̌ŋ ndɔŋ yé pǔme. Ŋkɔŋɔ zhyémvé mve náá, a ŋgyɛ́ pɛ ndebéne kəkwéʼe. 20Taʼ mbɔ́ŋ, pé fú ne Nǎzaro, nú ntswěndáb ŋgaŋáfoʼ wéré. Mbəb yé ké mbé pɛ́rɛ́nab náá. 21Á kɛ zɔŋɔ ndzɔ́ mvúʼ mɔ́b pɛ́ a kɛ pfɛ́rɛ syéndáb ŋgaŋáfoʼ nɛ́. Ntsʉʼmbé a pó kʉ́yó mvókhoyáá ndɛ́rɛ pɛ́rɛ́nab pé.
22Taʼ zhyémvé mve, mbɔ́ŋ wéré pfɔ̂. Pɛ aŋgere yɔ́ɔ́ wé ŋgú ne yé pfúŋɔ́ Ábraham. Ŋgaŋafoʼ ké pfɔ́ yé, pé ntsʉ́. 23Ntsʉʼmbé, ndzó ŋgɔŋ pfɔ̂pɔŋ, a zhʉ́ ŋgəʼo kaʼatɛ. Á púʼú míí mé, zhʉ́ Ábraham pú Nǎzaro. 24Ŋgaŋafoʼ ghéʼ ŋgâ: “Ábraham tɛd ya, tsáá ghəghəŋ ya! Twɔ́ Nǎzaro ŋgâ a tsód tɔpwó yé ndzɔ́ʼɔ́ nse kʉ́yó ntsʉ́bɛ tswée mo. Ŋkyé ŋgâ, mə tsé zhʉ́ ŋgəʼo ndzɔ́ʼɔ́ mɔ́ɔ́ wɔŋ kaʼatɛ.” 25Ábraham pɔ́rɔ́ pwó yé ŋgâ: “Mɔ́ŋ ya, kpâŋ tó yo, ŋkhoʼyɛ́ wo kɛ pɛ́ tsi pépéé nɛ́, wo ntsó sʉ́ʼʉ tɛ, Nǎzaro ntsó ne ŋgəʼo. Ne ŋkhoʼyɔŋ, Nǎzaro tséʼé tsúbɔndzɔʼ, wo tséʼé ŋgəʼo. 26Mbó ŋgɛ mbɛ, taʼ səb kəkwéʼe pɛ tsetsɛrɛ piŋi, siʼáne mbáŋá ndzaʼ ghɛ́ ghú pó, siʼáne mbáŋá ndzaʼ gháŋ ké mbé ghú pó.”
27Ŋgaŋafoʼ ntsɔ́ pwó yé ŋgâ: “Tɛd ya, mə mbóʼmbwó pwó wo, twɔ́ nɛ́ Nǎzaro ndzó ndǎ ndáb zhí? 28ŋkyé ŋgâ, mə tséʼé pɔ́ŋmɛ́ pétáŋ. Nǎzaro ghú ntʉ́ʉ́ wɔ́b ŋgâ pɔ́b ndɛ kʉ́yó mbɛ yɔ́b ndzó ywoʼɔ ŋgəʼo yɔŋ yɛ́ mə yóʼó nɛ́.” 29Ábraham pɔ́rɔ́ pwó yé ŋgâ: “Pɔ́ŋmɛ́ pó tséʼé ŋwéʼe Mǔsê pwɛ pɛ ghaŋátsɔ́kpaŋató Mboʼmvé. Á zɔŋɔ ŋgâ pɔ́b zóʼ wɔ́b.” 30Ŋgaŋafoʼ ntsɔ́ pwó yé ŋgâ: “Ŋgáŋ kɛ Ábraham, tɛd ya, a pɛ yɛ́ ŋɔŋ twɔ́ ndzɔ́ʼɔ́ pfɔ̂ syé ghú ntsɔ́ ne pɔ́b nɛ́, mbǒ pɔ́b fɛ́rɛ́ sɛrɛ́ mbziʼe yɔ́b.” 31Ntsʉʼmbé, Ábraham ntsɔ́ pwó yé ŋgâ: “A pɛ yɛ́ pɔ́b zóʼ kaŋ Mǔsê pwɛ pɛ ghaŋátsɔ́kpaŋató Mboʼmvé nɛ́ pó, mbǒ a twɔ́ ŋɔŋ ndzɔ́ʼɔ́ pfósyé, pɔ́b ké mbé zóʼ pó.”»
ទើបបានជ្រើសរើសហើយ៖
Lúkaasə 16: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 16
16
Fuʼno mbəb Ŋgaŋafaʼ ŋgɔ́b
1Yěsô máʼ taʼ fuʼno pwó ŋgíŋgye pé ŋgâ: «Taʼ ŋgaŋayɔ́b kɛ tséʼé taʼ Ŋgaŋafaʼ wɛ́ a kɛ tíŋɛ ŋkɔŋɔ mɔ́b pé náá ndáb yé nɛ́. Pɔŋ kʉ́yó sɔ́bɔ́ wé pwó yé ŋgâ a ywʉʼa mɔ́b pe ghʉʼá. 2Ŋɔŋ wéré fú wé mvírɛ́ wé ŋgâ: “Mə ndzóʼ ŋgâ wo zhyɛ́ níŋ yɔ́ɔ́? Tsɔ́ njʉ́ faʼ nyi nɛ́, ŋkyé ŋgâ wo mbó tsé ndiŋɛ́ mɔ́b páá ŋkʉ́rʉ́ pó.” 3Ŋgaŋafaʼ tsɔ́ ndzó ndzɔʼ yé ŋgâ: “Tɛ mə ŋgyɛ́ɛ́ níŋ! Njʉ́ tsɛ́ɛ́ pɔŋ ya túbú ya ne tíŋɛ mɔ́b pé nɛ́. Faʼa swɛ́ɛ́? Mə tséʼé tʉŋ yéré po! ŋwâŋne? Mə cʉ́ʼɔ́ pfɔ̂shʉ́ŋ pɛ́ɛ́! 4Mə ndzé no yɛ́ mə ŋgyɛ́ ŋkhoʼyɛ́ ntsɛ́ssó ya ndzú ya nɛ́, pɔŋ ghəhɛ́ ya ywoʼ pɔ́b nɛ́.” 5Á fú pɔŋ pɛ pɔ́b kɛ tséʼé kɛ́ɛ́ pwɛ ntsɛ́ssó yé nɛ́ mɔʼɔ́ mɔʼɔ́. Mvírɛ́ sɔ́ ŋɔŋ ŋgâ: “Wo tséʼé yíkɔ́ ne fɛ́ne pwó ntsɛ́ssó ya?” 6Á pɔ́rɔ́ pwó yé ŋgâ kpǐ ŋkaʼ vód. Ŋgaŋafaʼ ntsɔ́ pwó yé ŋgâ: “Yo ghaʼŋwéʼe pé nɛ́, ghɔ́rɔ́ syé ŋwéʼe ghúbmetáŋ.” 7Zhʉ́bí kʉ́yó, a psírɛ wé ŋgâ: “Wo nɛ́, wo tséʼé yíkɔ́ ne fɛ́ne?” Á gháá “kpǐ pab ŋgəsáŋ.” Ŋgaŋafaʼ ntsɔ́ pwó yé ŋgâ: “Yo ghaʼŋwéʼe pé nɛ́, ŋwéʼé ghúbmefwɔ.” 8Néré ntsɛ́ssó ghóʼ Ŋgaŋafaʼ ŋgɔ́b wéré ŋkyé ŋgâ, a kɛ zhyɛ́ no ne zé.» Yěsô pó nsó ŋgâ: «Pumve yɔŋ tséʼé zé mbəb pɔ́ŋmɛ́ pɔ́b tɛ tsɛ́ɛ́ pɔŋ pɛ́ pɔ́b zɛ́ Mboʼmvé nyi ndzɔ́ʼɔ́ zhyaŋa nɛ́.»
Mbɛ́ɛ́ ŋɔŋ pé ghúʼɔ́ Mboʼmvé pú mbób taʼ kɛɛ pó
9Yěsô ké mbó nsó ŋgâ: «Puŋ zóʼ sʉ́ʼʉ! Puŋ kpɛ́ɛ́ sɔ́ŋ puŋ ne mɔ́b shʉ́yɛ míí, kɛ́ʼɛ́ ŋgâ zhyémvé mve yɛ́ mɔ́b péré myé nɛ́, sɔ́ŋ puŋ péré ghəhɛ́ wúŋ ndzó ywoʼ ŋeŋáŋ.
10Ŋɔŋ wɛ́ a ywʉ́ʼʉ́ mɔ́ŋtii yɔ́b ne taʼ ndzɔʼ nɛ́, a kúʼɔ́ njʉ́ tɛ pe fɛ́ yé kəkwéʼe a ké ŋgʉʼʉ néré nɛ́. Ŋɔŋ wɛ́ a ŋgyɛ́ ŋgɔ́b ndúŋú mɔ́ŋtii yɔ́b nɛ́, a ké ŋgyɛ́ ŋgɔ́b ndúŋú yé kəkwéʼe pe néré. 11Á pɛ́ɛ́ yɛ́ puŋ kɛ kúʼɔ́ ne ŋgʉʼʉ́ne mɔ́b shʉ́yɛ míí ne taʼ ndzɔʼ nɛ́ pó, mbǒ a ŋgʉʼɔ́ wɔ́ ŋgʉ́ʼɔ́ ndâ mɔ́b ne puŋ? 12Á pɛ́ɛ́ yɛ́ puŋ kɛ kúʼɔ́ ne ŋgʉʼʉ́ne yɔ́b ŋɔŋ ne taʼ ndzɔʼ nɛ́ pó, mbǒ a fɛ́ wɔ́ fɛ́ kpaʼ yuŋ yɔ́ɔ́?
(Mat 6:24)
13Tɛɛmbɛ taʼ ŋɔŋ pé fáʼa pwó Ntsɛ́ɛ́pɔŋ pépáá taʼ kɛɛ pó. Mbǒ a mbáŋa taʼ yé kʉ́yé cyó, kii ŋgâ a ndɛrɛ mbób taʼ yé gbáŋá cyó. Tɛɛmbɛ puŋ pe fáʼa pwó Mboʼmvé pú mbəb taʼ kɛɛ pó.»
Ŋkaŋ pú Nofɔŋ Mboʼmvé
14Pɛ Farízya pɛ pɔ́b kɛ zóʼ ŋkɔŋɔ meno péré náá nɛ́, syɛ́ ŋgʉyé yɔ́b ywʉyé, ŋkyé ŋgâ pɔ́b kɛ kʉyě no mbób tɛ. 15Yěsô ntsɔ́ ne pɔ́b ŋgâ: «Puŋ, pǔŋ zɔŋɔ nyoʼ ŋgâ puŋ ŋgerɛ́ŋged kaʼatɛ ne míí pɔŋ. Ntsʉʼmbé Mboʼmvé zé ndzyě ndzɔʼ yuŋ. Yɔ́b yɛ́ a pwó pumésɔŋ tséʼé ghebe ŋgáʼ nɛ́, a ne míí Mboʼmvé mbé yɔ́b shʉ́yéme.
(Mat 11:12-13)
16Kaŋ Mǔsê pwɛ ghaŋátsɔ́kpaŋató Mboʼmvé ntsɛ́bɛ́ mbəb Zhâŋ. Féré néré pe ncʉ́rɛ Nofɔŋ Mboʼmvé, mbɛ wɔ́ sáʼá ntʉŋ ne ŋkúŋne ndzó.
(Mat 5:18)
17Pépéé pwɛ tsetsáʼ ŋkʉ́yó ndzáʼá kpaʼ zyaŋáme, kaʼatɛ tɛ ntsɛ́ɛ́ njʉ́ mbɛ tó ndíí ŋwéʼe kaŋ, mbwó nɛ́.
(Mat 5:32; 19:9; Máá 10:11-12)
18Ntsye ŋɔŋ wɛ́ a zú ŋgʉyé yé mbó ndzɔ́ʼ cyó nɛ́, mbǒ a púbú ndáá. Ŋkhoʼyɛ́ wo zɔʼ məŋgʉ́yé wɛ́ ndwɔ́ yé zú wé nɛ́, mbǒ a púbɔ́ ndáá.»
Ŋgaŋafaʼ pú Nǎzaro
19Yěsô máʼ yɔŋ fuʼno ŋgâ: «Taʼ ŋɔŋ kɛ pé foʼ gbéé ndzwé tʉ̌ŋ ndɔŋ yé pǔme. Ŋkɔŋɔ zhyémvé mve náá, a ŋgyɛ́ pɛ ndebéne kəkwéʼe. 20Taʼ mbɔ́ŋ, pé fú ne Nǎzaro, nú ntswěndáb ŋgaŋáfoʼ wéré. Mbəb yé ké mbé pɛ́rɛ́nab náá. 21Á kɛ zɔŋɔ ndzɔ́ mvúʼ mɔ́b pɛ́ a kɛ pfɛ́rɛ syéndáb ŋgaŋáfoʼ nɛ́. Ntsʉʼmbé a pó kʉ́yó mvókhoyáá ndɛ́rɛ pɛ́rɛ́nab pé.
22Taʼ zhyémvé mve, mbɔ́ŋ wéré pfɔ̂. Pɛ aŋgere yɔ́ɔ́ wé ŋgú ne yé pfúŋɔ́ Ábraham. Ŋgaŋafoʼ ké pfɔ́ yé, pé ntsʉ́. 23Ntsʉʼmbé, ndzó ŋgɔŋ pfɔ̂pɔŋ, a zhʉ́ ŋgəʼo kaʼatɛ. Á púʼú míí mé, zhʉ́ Ábraham pú Nǎzaro. 24Ŋgaŋafoʼ ghéʼ ŋgâ: “Ábraham tɛd ya, tsáá ghəghəŋ ya! Twɔ́ Nǎzaro ŋgâ a tsód tɔpwó yé ndzɔ́ʼɔ́ nse kʉ́yó ntsʉ́bɛ tswée mo. Ŋkyé ŋgâ, mə tsé zhʉ́ ŋgəʼo ndzɔ́ʼɔ́ mɔ́ɔ́ wɔŋ kaʼatɛ.” 25Ábraham pɔ́rɔ́ pwó yé ŋgâ: “Mɔ́ŋ ya, kpâŋ tó yo, ŋkhoʼyɛ́ wo kɛ pɛ́ tsi pépéé nɛ́, wo ntsó sʉ́ʼʉ tɛ, Nǎzaro ntsó ne ŋgəʼo. Ne ŋkhoʼyɔŋ, Nǎzaro tséʼé tsúbɔndzɔʼ, wo tséʼé ŋgəʼo. 26Mbó ŋgɛ mbɛ, taʼ səb kəkwéʼe pɛ tsetsɛrɛ piŋi, siʼáne mbáŋá ndzaʼ ghɛ́ ghú pó, siʼáne mbáŋá ndzaʼ gháŋ ké mbé ghú pó.”
27Ŋgaŋafoʼ ntsɔ́ pwó yé ŋgâ: “Tɛd ya, mə mbóʼmbwó pwó wo, twɔ́ nɛ́ Nǎzaro ndzó ndǎ ndáb zhí? 28ŋkyé ŋgâ, mə tséʼé pɔ́ŋmɛ́ pétáŋ. Nǎzaro ghú ntʉ́ʉ́ wɔ́b ŋgâ pɔ́b ndɛ kʉ́yó mbɛ yɔ́b ndzó ywoʼɔ ŋgəʼo yɔŋ yɛ́ mə yóʼó nɛ́.” 29Ábraham pɔ́rɔ́ pwó yé ŋgâ: “Pɔ́ŋmɛ́ pó tséʼé ŋwéʼe Mǔsê pwɛ pɛ ghaŋátsɔ́kpaŋató Mboʼmvé. Á zɔŋɔ ŋgâ pɔ́b zóʼ wɔ́b.” 30Ŋgaŋafoʼ ntsɔ́ pwó yé ŋgâ: “Ŋgáŋ kɛ Ábraham, tɛd ya, a pɛ yɛ́ ŋɔŋ twɔ́ ndzɔ́ʼɔ́ pfɔ̂ syé ghú ntsɔ́ ne pɔ́b nɛ́, mbǒ pɔ́b fɛ́rɛ́ sɛrɛ́ mbziʼe yɔ́b.” 31Ntsʉʼmbé, Ábraham ntsɔ́ pwó yé ŋgâ: “A pɛ yɛ́ pɔ́b zóʼ kaŋ Mǔsê pwɛ pɛ ghaŋátsɔ́kpaŋató Mboʼmvé nɛ́ pó, mbǒ a twɔ́ ŋɔŋ ndzɔ́ʼɔ́ pfósyé, pɔ́b ké mbé zóʼ pó.”»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល