Lúkaasə 15
15
Yěsô pwɛ ghaŋázhyɛ́ meno kəpɔŋ
1Ŋkɔŋɔ ghaŋákpêsebe pwɛ ŋkɔŋɔ pukəpɔŋ náá kɛ suʼú mbəb wɔ́b mbɛ́rɛ́ Yěsô ne ndzóʼne wé. 2Pɛ Farízya pwɛ pɛ ghaŋákeʼekaŋ ŋúbɔ, ntsɔ́ ŋgâ: «Ŋɔŋ wekénɛ́ yɔ́ɔ́ pukəpɔŋ sʉ́ʼʉ pú pɔ́b pó ndzɔ́ mɔ́b!»
Fuʼno njʉyǐnjʉyî a wɛ́ a kɛ pwó nɛ́
(Mat 18:12-14)
3Kɛ́ʼɛ́ Yěsô máʼ yɔŋ fuʼno ne pɔ́b ŋgâ: 4«A wɔ́ tsetsɛrɛ puŋ tséʼé kpii njʉyǐnjʉyî, taʼ yé pwó. A pe ntéé ghúbmepfuʼɔ ne yipfuʼɔ ghúŋkwéʼé, ŋgú ntáʼ taʼ yé wɛ́ a pwó nɛ́ tɛ njʉ́ pɔɔ? 5Á pé tɛ njʉ́ wé, mbeʼe wé ŋkamboʼ yé ne ndebéne. 6Á pe tɛ mbɔ́rɔ́ ywoʼ yé, fú pesɔŋ pé pwɛ tɛdyáʼ pé, ntsɔ́ ne pɔ́b ŋgâ: “Piŋi kpaʼ ndebe ŋkyé ŋgâ mə zhʉ́ njʉyǐnjʉyî ya wɛ́ a mbɛ pwó nɛ́!” 7Mə sə́ŋɛ́ wúŋ ŋgâ ndebéne ké mbɛ pépéé néré ŋkhoʼyɛ́ taʼ ŋukəpɔŋ séd mbziʼe yé, mbzyɛ́ Mboʼmvé nɛ́, ntsɛ́ɛ́ pɔŋ ghúbmepfuʼɔ ne yipfuʼɔ pɛ́ pɔ́b ŋgerɛ́ŋged mbé ntsɛ́ʼɛ́ ne sědne ndzɔʼ yɔ́b nɛ́ po!»
Fuʼno mbób yɛ́ a kɛ pwó nɛ́
8Yěsô ké mbó nsó ŋgâ: «Kii, a wɛ́rɛ́ məŋgʉ́yé, tséʼé vwɔ́ mbób, taʼ yé pwó, a pé níŋi mɔ́ɔ́ ndzó lámbo, njʉ́yo syé ndáb ne ntsʉyǐne ntaʼ tɛ zhʉ́ pɔɔ? 9A pé tɛ njʉ́ fú sɔ́ŋ pé pwɛ tɛdyáʼ pé pé pěŋgyé ntsɔ́ ne pɔ́b ŋgâ: “Piŋi kpaʼ ndebe ŋkyé ŋgâ mə zhʉ́ mbób yɛ́ a kɛ pwó nɛ́!” 10Mə sə́ŋɛ́ wúŋ ŋgâ ndebéne ké mbɛ pwó pɛ aŋgere Mboʼmvé ŋkhoʼyɛ́ taʼ ŋukəpɔŋ séd mbziʼe yé mbzyɛ́ Mboʼmvé nɛ́.»
Fuʼno Mɔ́ŋ wɛ́ a kɛ pwó nɛ́
11Yěsô ké mbó nsó ŋgâ: «Taʼ ŋɔŋ kɛ tséʼé pɔ́ŋ pé pépáá. 12Ntsʉʼ ndzəb ntsɔ́ pwó tɛd yé ŋgâ: “Tɛd ya, fɛ́ ya mbɛd ŋkhoʼyɔŋ.” Tɛd wɔ́b ghób foʼ yé, fɛ́ ne pɔ́b. 13Pɔ́ŋ zhyémvé záʼ, ntsʉʼ ndzəb wɔŋ ghú fí ŋkɔŋɔ yé mbɛd náá, ndɔ́ɔ́ mbób ŋgú núŋ tsé pfɔ́rɔ́. Mbáŋá yóʼó, gbáʼ sáá ne mbób pwɛ sakhə. 14Ŋkhoʼyɛ́ mbób kɛ myé pwó yé nɛ́, títî mvɔ́ ndzó ŋgɔŋ wéré, a ndzyě ne mvúne. 15Á ghú zhʉ́ cyó taʼ méʼémɔ́b ndzó ŋgɔŋ wéré. Á yɔ́ɔ́ wé ne njʉ́yíne ŋkhúnab pé. 16Ndzyé gháʼmbwó mé, a táʼa ne ndzóne mɔ́b ŋkhúnab, ntsʉʼmbé ŋɔŋ pe fɛ́ pwó yé pó. 17Néré kpáŋa tó yé kʉ́yó. A ntsɔ́ ndzó ndzɔʼ yé ŋgâ: “Ŋkɔŋɔ ghaŋáfaʼ tɛd ya náá sʉ́ʼʉ, ndzɔ́ mɔ́b njʉ́ pɔ́b kʉyě nɛ́! Mə mbɛ ghaŋ pfɔ́ ndzyě! 18Mə mbɔ́rɔ́ ndzəb njʉ́ tɛd ya ntsɔ́ pwó yé ŋgâ: Tɛd ya, mə mvɔ̌no síŋ Mboʼmvé ké mbó mvɔ́ síŋ wo. 19Mə ŋkuʼu ŋgâ wo fú ya ne Mɔ́ŋ wo ŋkʉ́rʉ́ pó, yɔ́ɔ́ ya njʉ́ taʼ Ŋgaŋafaʼ wo nɛ́.” 20Néré, á yɔ́ɔ́ mɛndɔ́b ne mbǒdne ndzəb ywoʼ tɛd yé. Njʉ́ á kɛ nyi tɛ tsé mbáŋá nɛ́, tɛd yé ké ŋgɛ zhʉ́ wé ghəghəŋ yé ŋgbáá wé. A kí ndéé súú wé fɛ́ mbəb yé, mbáʼá wé. 21Mɔ́ŋ yé ntsɔ́ pwó yé ŋgâ: “Tɛd ya, mə mvɔ́no síŋ Mboʼmvé mbó mvɔ́ síŋ wo. Mə ŋkuʼu ŋgâ wo pó fú ya ne Mɔ́ŋ wo ŋkʉ́rʉ́ pó.” 22Ntsʉʼmbé, tɛd yé ntsɔ́ pwó ghaŋáfaʼ pé ŋgâ: “Puŋ ghú zǎŋazâŋa ndɔ́ɔ́ ndzwé yɛ́ a pú ntsɛ́ɛ́ ŋkɔŋɔ yé náá nɛ́ kʉ́yó gbéé mbəb yé. Puŋ gbéé ghɔrɔ́pwó ndzó tɔpwó yé mbó gbéé tɔ́kpee ndzó kpee mé. 23Puŋ gbáá njʉyǐnjʉyî kɔ̌ʼme wíŋ, nɔʼ wé pé nyí mɔ́b núŋ, piŋi zó ndebe. 24Ŋkyé ŋgâ, Mɔ́ŋ ya wɔŋ, a kɛ ghɛ́ a kɛ pfɔ̂, a ŋkiʼi zhʉyɛ́ ne mvó, a kɛ ghɛ́ a kɛ pwó, mə kiʼi fáŋá wé!” Pɔ́b ndzyě ndebéne.
25A kɛ ghɛmbɛ ndzyɛ̂ yé pɛ faʼ. Ŋkhoʼyɛ́ a kɛ pod ndzəb tɛ tsé mbáŋá ntswee ndáb nɛ́, a zóʼ ndzəb nzúʼ, mbó zhʉ́ njʉ́ pe kɛ nyʉ́yí nɛ́. 26Á fú taʼ Ŋgaŋafaʼ mvirɛ wé ne yɔ́b yɛ́ a kɛ záʼá nɛ́. 27Ŋgaŋafaʼ pɔ́rɔ́ pwó yé ŋgâ: “A páŋ mɔ́ŋmɛ́ wo. Tɛd wo zhyɛ́ pe nɔʼ njʉyǐnjʉyî kɔʼme. Ŋkyé ŋgâ a ŋkhu kii yɔ́ʼɔ́ mbəb yé.” 28Njʉ́ ndzyɛ yé kɛ zóʼ néré nɛ́, a zúʼú ŋgyé, mbé psyɛ́ ŋkúŋɔ́ ndáb pó. Tɛd yé twɔ́ shʉ́yí wé ŋgâ a ŋkúŋɔ́ ndáb. 29Ntsʉʼmbé a pɔ́rɔ́ pwó tɛd yé ŋgâ: “Páʼa tsó ne ŋgǒʼmvé kii ndɔŋ yé, mə fáʼa kii naʼ tʉ́ŋ tó pwó wo. Wo kâ kɛ ntsɔ́ ne mo ŋgâ mə ndɔ́ɔ́ mbɛ taʼ Mɔ́ŋmvó pɔ́d nɔʼ psi yɛ́ sɔ́ŋ páá pfɔ̂d, ndebe pó. 30Njʉ́ Mɔ́ŋ wo wɛ́ a kɛ ghú ŋgʉʼá mɔ́b pó pwɛ pěŋgyé náá nɛ́, ŋkhú nɛ́, wo nyáŋa ŋgâ pé gbáá njʉyǐnjʉyî kɔʼme nɔʼ ne ntíí yé.” 31Tɛd wɔ́b pɔ́rɔ́ pwó yé ŋgâ: “Mɔ́ŋ ya, wo zé ŋgâ a ké mbɛ paʼa. Ŋkɔŋɔ yɔ́b yɛ́ mə tséʼé náá nɛ́ pɛ́ɛ́ pwó wo. 32Piŋi ntsɛ́ʼɛ́ ne ŋgyɛ̌ne ndebéne mbó ndebe ŋkyé ŋgâ mɔ́ŋmɛ́ wo wɔŋ kɛ pfɔ̂, a kiʼi nzhʉyɛ́ ne vó, a kɛ pwó, piŋi kiʼi mbó fáŋá wé.”»
ទើបបានជ្រើសរើសហើយ៖
Lúkaasə 15: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 15
15
Yěsô pwɛ ghaŋázhyɛ́ meno kəpɔŋ
1Ŋkɔŋɔ ghaŋákpêsebe pwɛ ŋkɔŋɔ pukəpɔŋ náá kɛ suʼú mbəb wɔ́b mbɛ́rɛ́ Yěsô ne ndzóʼne wé. 2Pɛ Farízya pwɛ pɛ ghaŋákeʼekaŋ ŋúbɔ, ntsɔ́ ŋgâ: «Ŋɔŋ wekénɛ́ yɔ́ɔ́ pukəpɔŋ sʉ́ʼʉ pú pɔ́b pó ndzɔ́ mɔ́b!»
Fuʼno njʉyǐnjʉyî a wɛ́ a kɛ pwó nɛ́
(Mat 18:12-14)
3Kɛ́ʼɛ́ Yěsô máʼ yɔŋ fuʼno ne pɔ́b ŋgâ: 4«A wɔ́ tsetsɛrɛ puŋ tséʼé kpii njʉyǐnjʉyî, taʼ yé pwó. A pe ntéé ghúbmepfuʼɔ ne yipfuʼɔ ghúŋkwéʼé, ŋgú ntáʼ taʼ yé wɛ́ a pwó nɛ́ tɛ njʉ́ pɔɔ? 5Á pé tɛ njʉ́ wé, mbeʼe wé ŋkamboʼ yé ne ndebéne. 6Á pe tɛ mbɔ́rɔ́ ywoʼ yé, fú pesɔŋ pé pwɛ tɛdyáʼ pé, ntsɔ́ ne pɔ́b ŋgâ: “Piŋi kpaʼ ndebe ŋkyé ŋgâ mə zhʉ́ njʉyǐnjʉyî ya wɛ́ a mbɛ pwó nɛ́!” 7Mə sə́ŋɛ́ wúŋ ŋgâ ndebéne ké mbɛ pépéé néré ŋkhoʼyɛ́ taʼ ŋukəpɔŋ séd mbziʼe yé, mbzyɛ́ Mboʼmvé nɛ́, ntsɛ́ɛ́ pɔŋ ghúbmepfuʼɔ ne yipfuʼɔ pɛ́ pɔ́b ŋgerɛ́ŋged mbé ntsɛ́ʼɛ́ ne sědne ndzɔʼ yɔ́b nɛ́ po!»
Fuʼno mbób yɛ́ a kɛ pwó nɛ́
8Yěsô ké mbó nsó ŋgâ: «Kii, a wɛ́rɛ́ məŋgʉ́yé, tséʼé vwɔ́ mbób, taʼ yé pwó, a pé níŋi mɔ́ɔ́ ndzó lámbo, njʉ́yo syé ndáb ne ntsʉyǐne ntaʼ tɛ zhʉ́ pɔɔ? 9A pé tɛ njʉ́ fú sɔ́ŋ pé pwɛ tɛdyáʼ pé pé pěŋgyé ntsɔ́ ne pɔ́b ŋgâ: “Piŋi kpaʼ ndebe ŋkyé ŋgâ mə zhʉ́ mbób yɛ́ a kɛ pwó nɛ́!” 10Mə sə́ŋɛ́ wúŋ ŋgâ ndebéne ké mbɛ pwó pɛ aŋgere Mboʼmvé ŋkhoʼyɛ́ taʼ ŋukəpɔŋ séd mbziʼe yé mbzyɛ́ Mboʼmvé nɛ́.»
Fuʼno Mɔ́ŋ wɛ́ a kɛ pwó nɛ́
11Yěsô ké mbó nsó ŋgâ: «Taʼ ŋɔŋ kɛ tséʼé pɔ́ŋ pé pépáá. 12Ntsʉʼ ndzəb ntsɔ́ pwó tɛd yé ŋgâ: “Tɛd ya, fɛ́ ya mbɛd ŋkhoʼyɔŋ.” Tɛd wɔ́b ghób foʼ yé, fɛ́ ne pɔ́b. 13Pɔ́ŋ zhyémvé záʼ, ntsʉʼ ndzəb wɔŋ ghú fí ŋkɔŋɔ yé mbɛd náá, ndɔ́ɔ́ mbób ŋgú núŋ tsé pfɔ́rɔ́. Mbáŋá yóʼó, gbáʼ sáá ne mbób pwɛ sakhə. 14Ŋkhoʼyɛ́ mbób kɛ myé pwó yé nɛ́, títî mvɔ́ ndzó ŋgɔŋ wéré, a ndzyě ne mvúne. 15Á ghú zhʉ́ cyó taʼ méʼémɔ́b ndzó ŋgɔŋ wéré. Á yɔ́ɔ́ wé ne njʉ́yíne ŋkhúnab pé. 16Ndzyé gháʼmbwó mé, a táʼa ne ndzóne mɔ́b ŋkhúnab, ntsʉʼmbé ŋɔŋ pe fɛ́ pwó yé pó. 17Néré kpáŋa tó yé kʉ́yó. A ntsɔ́ ndzó ndzɔʼ yé ŋgâ: “Ŋkɔŋɔ ghaŋáfaʼ tɛd ya náá sʉ́ʼʉ, ndzɔ́ mɔ́b njʉ́ pɔ́b kʉyě nɛ́! Mə mbɛ ghaŋ pfɔ́ ndzyě! 18Mə mbɔ́rɔ́ ndzəb njʉ́ tɛd ya ntsɔ́ pwó yé ŋgâ: Tɛd ya, mə mvɔ̌no síŋ Mboʼmvé ké mbó mvɔ́ síŋ wo. 19Mə ŋkuʼu ŋgâ wo fú ya ne Mɔ́ŋ wo ŋkʉ́rʉ́ pó, yɔ́ɔ́ ya njʉ́ taʼ Ŋgaŋafaʼ wo nɛ́.” 20Néré, á yɔ́ɔ́ mɛndɔ́b ne mbǒdne ndzəb ywoʼ tɛd yé. Njʉ́ á kɛ nyi tɛ tsé mbáŋá nɛ́, tɛd yé ké ŋgɛ zhʉ́ wé ghəghəŋ yé ŋgbáá wé. A kí ndéé súú wé fɛ́ mbəb yé, mbáʼá wé. 21Mɔ́ŋ yé ntsɔ́ pwó yé ŋgâ: “Tɛd ya, mə mvɔ́no síŋ Mboʼmvé mbó mvɔ́ síŋ wo. Mə ŋkuʼu ŋgâ wo pó fú ya ne Mɔ́ŋ wo ŋkʉ́rʉ́ pó.” 22Ntsʉʼmbé, tɛd yé ntsɔ́ pwó ghaŋáfaʼ pé ŋgâ: “Puŋ ghú zǎŋazâŋa ndɔ́ɔ́ ndzwé yɛ́ a pú ntsɛ́ɛ́ ŋkɔŋɔ yé náá nɛ́ kʉ́yó gbéé mbəb yé. Puŋ gbéé ghɔrɔ́pwó ndzó tɔpwó yé mbó gbéé tɔ́kpee ndzó kpee mé. 23Puŋ gbáá njʉyǐnjʉyî kɔ̌ʼme wíŋ, nɔʼ wé pé nyí mɔ́b núŋ, piŋi zó ndebe. 24Ŋkyé ŋgâ, Mɔ́ŋ ya wɔŋ, a kɛ ghɛ́ a kɛ pfɔ̂, a ŋkiʼi zhʉyɛ́ ne mvó, a kɛ ghɛ́ a kɛ pwó, mə kiʼi fáŋá wé!” Pɔ́b ndzyě ndebéne.
25A kɛ ghɛmbɛ ndzyɛ̂ yé pɛ faʼ. Ŋkhoʼyɛ́ a kɛ pod ndzəb tɛ tsé mbáŋá ntswee ndáb nɛ́, a zóʼ ndzəb nzúʼ, mbó zhʉ́ njʉ́ pe kɛ nyʉ́yí nɛ́. 26Á fú taʼ Ŋgaŋafaʼ mvirɛ wé ne yɔ́b yɛ́ a kɛ záʼá nɛ́. 27Ŋgaŋafaʼ pɔ́rɔ́ pwó yé ŋgâ: “A páŋ mɔ́ŋmɛ́ wo. Tɛd wo zhyɛ́ pe nɔʼ njʉyǐnjʉyî kɔʼme. Ŋkyé ŋgâ a ŋkhu kii yɔ́ʼɔ́ mbəb yé.” 28Njʉ́ ndzyɛ yé kɛ zóʼ néré nɛ́, a zúʼú ŋgyé, mbé psyɛ́ ŋkúŋɔ́ ndáb pó. Tɛd yé twɔ́ shʉ́yí wé ŋgâ a ŋkúŋɔ́ ndáb. 29Ntsʉʼmbé a pɔ́rɔ́ pwó tɛd yé ŋgâ: “Páʼa tsó ne ŋgǒʼmvé kii ndɔŋ yé, mə fáʼa kii naʼ tʉ́ŋ tó pwó wo. Wo kâ kɛ ntsɔ́ ne mo ŋgâ mə ndɔ́ɔ́ mbɛ taʼ Mɔ́ŋmvó pɔ́d nɔʼ psi yɛ́ sɔ́ŋ páá pfɔ̂d, ndebe pó. 30Njʉ́ Mɔ́ŋ wo wɛ́ a kɛ ghú ŋgʉʼá mɔ́b pó pwɛ pěŋgyé náá nɛ́, ŋkhú nɛ́, wo nyáŋa ŋgâ pé gbáá njʉyǐnjʉyî kɔʼme nɔʼ ne ntíí yé.” 31Tɛd wɔ́b pɔ́rɔ́ pwó yé ŋgâ: “Mɔ́ŋ ya, wo zé ŋgâ a ké mbɛ paʼa. Ŋkɔŋɔ yɔ́b yɛ́ mə tséʼé náá nɛ́ pɛ́ɛ́ pwó wo. 32Piŋi ntsɛ́ʼɛ́ ne ŋgyɛ̌ne ndebéne mbó ndebe ŋkyé ŋgâ mɔ́ŋmɛ́ wo wɔŋ kɛ pfɔ̂, a kiʼi nzhʉyɛ́ ne vó, a kɛ pwó, piŋi kiʼi mbó fáŋá wé.”»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល