Lúkaasə 12
12
Cyó yɔ́b ywʉ̌me yɛ́ pé kʉ́yó ntsó kii kee nɛ́ ghú pó
(Mat 10:26-33; 10:19-20)
1Njʉ́ a kɛ pé néré nɛ́, ŋkáb ne ŋkáb pɔŋ ntéré, fɛ́d tɛ nyí nyǐ ndúŋú pecyó. Yěsô ndzyě, ntsɔ́ pwó ŋgíŋgye pé ŋgâ: «A pɛ́ɛ́ mbɛ́ níŋ, puŋ zhyaŋa mvuʼ #12:1 Mvuʼ Yɔ́b yɛ́ pe níŋɛ ndzɔ́ʼɔ́ ŋgəŋ pə́be ŋgâ a kɔʼ nɛ́.pɛ Farízya. Mvuʼ yɔ́b yéré ké mbɛ pépwɔmíí. 2Cyó yɔ́b ywʉ̌ me yɛ́ pé kʉ́yó ntsó kii kee nɛ́ ghú pó. Cyó yɔ́b yɛ́ tɛ pɛ nyáʼá, pé kʉ́yó ntsó kii zé nɛ́ ghú pó. 3Ŋkyé ŋgâ ŋkɔŋɔ meno pɛ puŋ kɛ tsɛ́ ndzɔ́ʼɔ́ ndzə́bndzə́b nsó nɛ́, pɔŋ kʉ́yó ndzóʼó ne zhyaŋa. Meno pɛ puŋ kɛ nyáʼá ntsɔ́ tsí kúŋ nɛ́, pɔŋ náʼá ntsɛ́ɛ́ ntsɔ̌ʼndáb ncʉ́rɛ.»
Tɛ puŋ pɔ́ɔ́ wɔ́?
4Yěsô pó nsó ŋgâ: «Mə ntsɔ́ yɔŋ kaʼa pé ne puŋ kɛ sɔ́ŋ páá, puŋ ndɛ tsé mbɔɔ pɔŋ pɛ́ pɔ́b nɔʼ ndzab mbəb kii tɛɛmbɛ pɔ́b pó ŋgyɛ́ a ntsɛ́ɛ́ néré nɛ́. 5Mə nyóʼ ŋɔŋ wɛ́ tɛɛmbɛ puŋ pɔ́ɔ́ nɛ́. Puŋ pɔ́ɔ́ ŋɔŋ wɛ́ tɛɛmbɛ a nɔʼ mbó kúʼɔ́ ne mǎʼne ndzó píí mɔ́ɔ́ nɛ́. Ɔ́ŋɔ́, mə ntsɔ́ ne puŋ kpaʼ sísíŋ, a yé mbé ŋɔŋ wɛ́ puŋ ntsɛ́ʼɛ́ ne mbɔ̂ne nɛ́. 6Ŋgâ pé ndɛ fi tsóókɔrɔ yítaŋ ne kii ndɔŋ? Ntsʉʼŋgɛmbɛ Mboʼmvé tsé ndiŋɛ́ ŋkɔŋɔ wɔ́b náá. 7Mbɛ ndɔŋɔ nwɔ̌tó múŋ! A sí ndzé ndíí mé! Puŋ ndɛ mbɔ́ɔ́, puŋ tséʼé ghebe pwó Mboʼmvé tɛ tsɛ́ɛ́ pɛ tsóókɔrɔ! 8Mə mbó ntsɔ́ ne puŋ ŋgâ: ŋɔŋ wɛ́ a ntsɔ́ síŋ pumésɔŋ ŋgâ: “Tsómvé ya pɛ pwó Yěsô” nɛ́, mbǒ Mɔ́ŋ ŋɔŋ ké ŋkʉ́yó kpê ntáŋ yé síŋ pɛ aŋgere Mboʼmvé. 9Ntsʉʼmbé, ŋɔŋ wɛ́ a sírí ya síŋ pumésɔŋ nɛ́, mbǒ, Mɔ́ŋ ŋɔŋ ké kʉ́yó sirɛ́ wé síŋ pɛ aŋgere Mboʼmvé. 10Ŋɔŋ ntsɔ́ɔ́ kəpɔŋ ŋkyé Mɔ́ŋ ŋɔŋ, mbǒ pé kʉ́yó máʼ vɔ̌no yé ndɔ́ɔ́ wé. Ntsʉʼmbé a tóó Zhʉye Yáŋme, mbǒ pé kʉ́yó máʼ yéré vɔ̌no ndɔ́ɔ́ wé pó. 11Ŋkhoʼyɛ́ pé kʉ́yó ndɔ́ɔ́ wúŋ ŋgú ne wúŋ ndzó pɛ ndántéré pɛ Yuda kii ŋgâ síŋ pɛ fɔŋ pwɛ ghaŋá sáʼá ŋgɔŋ ne fíʼne wúŋ nɛ́, pǔŋ ndɛ tsé mbɔɔ, kpáŋa ŋgâ: “Psi kpê mbəb zhí pé níŋ? Psi ntsɔ̂ ŋgâ kɔ́?” 12ŋkyé ŋgâ a náʼá mbɛ ŋkhoʼyéré Zhʉye Yáŋme nsó no yɛ́ pǔŋ ntsɔ́ nɛ́ ne puŋ.»
Puŋ zhyaŋa ndúŋú foʼ tsi pépéé
13Cyó ŋɔŋ twɔ́ ndzɔ́ʼɔ́ pɔŋ ntsɔ́ pwó Yěsô ŋgâ: «Kéʼeyáŋ, ntsɔ́ pwó mɔ́ŋmɛ́ ya ŋgâ á ghób mbɛd fɛ́ ya!» 14Yěsô pɔ́rɔ́ pwó yé ŋgâ: «A tíí wɔ tíí ya ne fíʼne wúŋ kii ne ŋgǒbne mɔ́b puŋ?» 15Yěsô sed mbəb yé ntsɔ́ pwó ŋkɔŋɔ pɔŋ náá ŋgâ: «Puŋ zhyaŋa! Puŋ ndɛ ŋgâ. Ŋkyé ŋgâ a psibɛ mɔ́b ŋɔŋ mvibɛ tsómvé yé pó. Mbɛ yɛ́ a tséʼé foʼ ŋgaʼ nɛ́.»
Fuʼno ndúŋú ghəghəŋ foʼ
16Kɛ́ʼɛ́, Yěsô máʼ taʼ fuʼno ne pɔ́b ŋgâ: «Cyó taʼ foʼ kɛ pɛ yóʼó tséʼé tsetsáʼ, a fɛ́ mɔ́b pwó yé kaʼatɛ. 17Á psírí mbəb yé ŋgâ: “Tɛ mə ŋgyɛ́ níŋ? Mə tséʼé ntaŋ kəkwéʼe ne ŋgʉʼʉ́ne ŋkɔŋɔ mɔ́b páá pɔŋ pó.” 18Á nsó ŋgâ: “Yɔŋ yɔ́b yɛ́ mə ŋgyɛ́ nɛ́. Mə sáʼá pɔŋ kaʼa, kwórɔ́ pé kəkwéʼe, kɛ́ʼɛ́ ŋgâ mə ŋgʉ́ʼʉ́ mɔ́b pwɛ ŋkɔŋɔ ya foʼ náá ndzó. 19Mə mbé tɛ mee ntsɔ́ ne tómbəb ya ŋgâ: Sɔŋ ya, wo tséʼé foʼ zááme yɛ́ a ntsó ne ŋgǒʼmvé kii ndɔŋ yé nɛ́! Fúrú mbəb wo, zó, nɔ́ mbó ŋgeŋe!” 20Ntsʉʼmbé Mboʼmvé ntsɔ́ pwó yé ŋgâ: “Wo ndáá mbɛ́ɛ́! Netsúʼ ndzebé, pe kpê tsómvé yo. Tɛ mɔ́b pɛ́ wo ywʉ́ʼʉ́ nɛ́, mbɛ́ɛ́ pwó wɔ̂?”» 21Yěsô pó nsó ŋgâ: «Yɔŋ no yɛ́ a ŋkúŋɔ́ ŋɔŋ wɛ́ a ké ntaʼa foʼ yé kii tséʼé foʼ pé pú Mboʼmvé nɛ́!»
Puŋ péé táʼ Nofɔŋ Mboʼmvé ŋkɔ́ŋ
(Mat 6:25-33)
22Yěsô ntsɔ́ pwó ŋgíŋgye pé ŋgâ: «Á zhyɛ́ yéré mə ntsɔ́ ne puŋ ŋgâ puŋ ndɛ tsé ntsuŋɛ ŋkyé tsómvé, ŋgâ puŋ ndzɔ́ɔ́ kɔ́, kii ŋkyé mbəb yuŋ ŋgâ puŋ gbéé kɔ́? 23ŋkyé ŋgâ, tsómvé tséʼé ghebe tɛ tsɛ́ɛ́ mwɔ̌zó, mbəb pó tséʼé ghebe tɛ tsɛ́ɛ́ ndzwé. 24Puŋ náá pɛ ŋɔ̌ŋɔ̂ njʉ́! Pɔ́b ké mbé pfɛ́ mɔ́b pó, kii pó tsé ŋkaba! Pɔ́b tséʼé ntaŋ mvé pó kii pó tsɛ́ʼɛ́ ndáb, Mboʼmvé ntsʉʼ tsé njʉ́yí wɔ́b! Puŋ ntsʉ́ʼ tséʼé ghebe kaʼatɛ tsɛ́ɛ́ péshʉŋ! 25A wɔ́ tsetsɛrɛ puŋ wɛ́ tɛɛmbɛ ntsuŋíne mé pfǐ tsómvé yé mbɛ ne mɔ́ŋtiʼa ŋkhoʼ nɛ́? 26Á pɛ yɛ́ puŋ ŋkúʼɔ́ ndúŋú mɔ́ŋtiʼe kaʼa nɛ́ pó, puŋ gbíí mbəb yuŋ ndúŋú pfuʼɔ́ meno ŋkyé kɔ́? 27Puŋ ntíŋí pɛ fɛlɛwa ndzó pɛ mvíínab njʉ́! Pɔ́b tsé mbé njʉ́yí pó, kii pó tsé mbaʼá. Mə ntsʉ́ʼ ntsɔ́ ne puŋ ŋgâ: Puŋ zé ŋgâ fɔŋ Salomɔŋ, ndzɔ́ʼɔ́ ŋkɔŋɔ foʼ yé náá kɛ pé tséʼé taʼ ndzwé a pú njʉ́ pɛ fɛlɛwa péré nɛ́ pó. 28A pɛ́ɛ́ yɛ́ Mboʼmvé gbéé mkpeegháŋ mpfuŋ kɛ́ʼɛ́, mkpeegháŋ yɛ́ a mpfuŋ ndzebe, niŋimwɔ́ pé ghɛ́ ntɔ́ŋɔ́ ne mɔ́ɔ́ nɛ́, tɛ kɛɛ yíkɔ́ ne pǔŋ? Psyɛ́ndzɔʼ yúŋ khóó kaʼatɛ! 29Ŋgɛ ŋkhu ne puŋ, puŋ ndɛ tsé kpáŋa mɔ́b pɛ́ puŋ kʉ́yó ndzɔ́ nɛ́, kii yɔ́b yɛ́ puŋ kʉ́yó nɔ́ nɛ́. Puŋ ndéé gbíí mbəb yuŋ. 30Pɔŋ pɛ́ pɔ́b zɛ́ Mboʼmvé nɛ́ pó taʼa ŋkɔŋɔ mɔ́b péré náá kii káŋ. Ŋgɛ ŋkhú ne puŋ, Mboʼmvé, Tɛd wúŋ, ntsʉ́ʼ ndzé ŋgâ mɔ́b péré tséʼé ghebe ne puŋ. 31Puŋ péé táʼ yuŋ pé Nofɔŋ Mboʼmvé ŋkɔ́ŋ, kɛ́ʼɛ́ ŋgâ a fɛ́ pfuʼ yé náá ne puŋ. 32Mɔ́ŋtii mvuʼɔ ŋɔŋ, puŋ ndɛ tsé mbɔɔ! Tɛd wúŋ zhʉ́ ŋgâ a pú ŋgâ a fɛ́ Nofɔŋ yé ne puŋ!»
(Mat 6:19-21)
33«Puŋ fi mɔ́b pɛ́ puŋ tséʼé nɛ́, fɛ́ mbób pwó pɛ mbɔ́ŋmbɔŋ. Puŋ tswɔ́ pɔ́ŋ pab puŋ njʉ́ a náʼá ntɔ́ɔ́ nɛ́ pó, ndzáb foʼ yɛ́ yuŋ nɛ́ pé pépéé ndzó ywoʼ yɛ́ a náʼá mbúbú nɛ́ pó. Ndzó ywoʼ yɛ́ ghaŋ ndzwəə nɛ́ pó, shʉ́ʼgɔ́ʼ pé yɛ́d nɛ́ pó. 34Ɔ́ŋɔ́! Ywoʼ yɛ́ foʼ yuŋ yóʼó nɛ́, ndzɔʼ yuŋ pɛ́ɛ́ yóʼó.»
Ndaʼne sáŋ
(Mat 24:43-51)
35Yěsô pó nsó ŋgâ: «Puŋ ghód ne ndzwé faʼ, lámbo puŋ pé nə̌bme. 36Puŋ pɛ́ɛ́ njʉ́ pɔŋ pɛ pɔ́b ndzwɛʼɛ tɛdfaʼ wɔ́b ŋkoʼyɛ́ a ŋkhu ndzó taʼ ywoʼ ndáá nɛ́, ne tsɔ́ʼne ntwsee ndáb ŋkoʼyɛ́ a ŋkɔ́bɔ́ nɛ́. 37Mbéne sʉ́ʼʉ pwó kpaŋ pɛ tɛdfaʼ ghɛ́ ŋkhu pɔ́b ghód tsé ndzwəʼɛ wé nɛ́! Ɔ́ŋɔ́, mə ntsɔ́ ne puŋ sísíŋ ŋgâ: Á gbéé ndzé faʼ, ŋgyɛ́ pɔ́b ghɔ́rɔ́ syé, a záʼ fɛ́ mɔ́b ne pɔ́b. 38Á ghɛ́ ŋkhú ne ghəghóʼŋgɔŋ, kii ŋgâ ne keemvé, njʉ́ wɔ́b pɔ́b tsé nzə́ʼɛ́ wé mbǒ pɔ́b mbɛ́ sʉ́ʼʉ!
39Puŋ zóʼ sʉ́ʼʉ, a ghɛmbɛ ŋgaŋáywoʼ zɛ́ ŋkhoʼyɛ́ gháŋ kʉ́yó nɛ́, mbǒ, tɛɛmbɛ a pé tee wé a ntsú tsi ndáb yé pó. 40Mbɛ puŋ, puŋ pfyéb mbəb yuŋ. Ŋkyé ŋgâ Mɔ́ŋ ŋɔŋ kʉ́yó kʉ́yó ŋkhoʼyɛ́ puŋ zé nɛ́ pó.»
Ŋgaŋafaʼ ŋgerɛ́ŋged
41Pětro ntsɔ́ pwó Yěsô ŋgâ: «Ntsɛɛpɔŋ, wo ntsɔ́ yɔŋ fuʼno pé ndaʼ ne psi, kii pwó ŋkɔŋɔ pɔŋ náá?» 42Ntsɛɛpɔŋ pɔ́rɔ́ pwó yé ŋgâ: «A wɛ́rɛ́ ŋgóbmɔ́b ŋgerɛ́ŋged mbó tséʼé zé, wɛ́ tɛdfaʼ kʉ́yó ntíí wé ndúŋú mɔ́b pé ŋgâ a ghób fɛ́ pwó ghaŋáfaʼ pé ŋkhoʼyɛ́ ŋkhoʼ ŋkuʼu nɛ́? 43Kpaŋ wɛ́ tɛdfaʼ ŋgɛ́ ŋkhu a tsé faʼa faʼ yéré nɛ́, a sʉ́ʼʉ! 44Sísíŋ, mə ntsɔ́ ne puŋ ŋgâ: Tɛdfaʼ kʉ́yó ntíí wé ndúŋú ŋkɔŋɔ foʼ yé náá. 45Ntsʉʼmbé a pɛ́ɛ́ yɛ́ mkpaŋ wéré kpáŋ ŋgâ: “Tɛdfaʼ ya fɛ́d ŋkhú nɛ́ pó”. Ŋǎ zó, nɔ mbɛ́ɛ́, gbáá ghaŋáfaʼ tsé gbíí nɛ́. 46Mbǒ, tɛdfaʼ kʉ́yó ŋkhú zhyémvé mve yɛ́ a zé nɛ́ pó, ne ŋkhoʼyɛ́ a ké mbé zé nɛ́ pó. Nzəhú wé, ŋgyɛ́ níŋ njʉ́ pé ŋgyɛ́ ne ghaŋáfaʼ kəpɔŋ nɛ́.
47A wéré Ŋgaŋafaʼ wɛ́ á zé no yɛ́ tɛdfaʼ yé zɔŋɔ nɛ́, ntsʉʼmbé mbé ntsuŋu cyó yɔ́b pó, ké mbé ŋgyɛ́ no yɛ́ tɛdfaʼ zɔŋɔ nɛ́ pó. Á zhyɛ́ yéré pé kʉ́yó gbíí wé tɛ tsɛ́ɛ́ Ŋgaŋafaʼ wɛ́ a kâ zé nɛ́ pó. 48Kpaŋ wɛ́ a ŋgyɛ́ no yɛ́ pe gbíí wé nɛ́, pe kii zé nɛ́, mbǒ pé kʉ́yó gbíí wé ne tʉ̌ŋ pó. Kpaŋ wɛ́ pé fɛ́ mɔ́b pwó yé a záá nɛ́, mbǒ pé ké kʉ́yó mvirɛ yé zááme pwó yé. Ŋɔŋ wɛ́ pé ywʉ́ʼʉ́ mɔ́b zááme pwó yé ŋgâ a tsé mvibɛ, mbǒ pé kʉ́yó ké ŋkɛ́ɛ́ pwó yé tɛ ŋgáʼá.»
Yěsô kʉ́yó ne mbúrú pó
49Yěsô ké mbó nsó ŋgâ: «Mə kʉ́yó ne mǎʼne mɔ́ɔ́ ndúŋ tsetsáʼ, a kii zɔŋɔ ŋgâ a pé nə̌bme! 50Á pɛ̂ taʼ kpênse yɛ́ mə kpê nɛ́, mbɛ́ njʉ́ a tsé ted ya ted tɛ mbáŋ ŋkhoʼyɛ́ a mbɛ nɛ́.
(Mat 10:34-36)
51Puŋ kpǎŋ ŋgâ mə kʉ́yó níŋɛ mbúru ndúŋ tsetsáʼ? Ŋgáŋ! Mə sə́ŋɛ́ wúŋ nɛ́ ŋgâ, mə ŋkʉ́yó ne mǎʼne saŋ. 52Ndzyěne ŋkhoʼyɔŋ, a pɛ pɔŋ pétaŋ tsó ndzó taʼ ndáb mbǒ saŋ mbɛ́ tsetsɛrɛ pɔ́b. Pɔŋ pé yíkyéd ntsɔ́ ndzəb pɔŋ pé yípáá, pɔŋ pé yípáá nsó ndzəb pɔŋ pé yíkyéd. 53Tɛd nsó ndzóʼ pú Mɔ́ŋ yé wé ŋumbzí pó. Mɔ́ŋ ŋumbzí pé nsó ndzóʼ pú tɛd yé pó. Mɛ́ nsó ndzóʼ pú mɔ́ŋ yé wé məŋgʉ́yé pó, mɔ́ŋ məŋgʉ́yé pé nsó ndzóʼ pú mɛ́ pó. Mɛ́ ndɔ́b nsó ndzóʼ pú ŋgʉyé mɔ́ŋ pó, ŋgʉyé mɔ́ŋ pé nsó ndzóʼ pú mɛ ndwɔ́ yé pó.»
Gbǎne kiŋi pɛ́ meno
(Mat 16:2-3)
54Yěsô pó ntsɔ́ pwó pɔŋ ŋgâ: «Ŋkhoʼyɛ́ puŋ zhʉ́ pfuŋ twɔ́ ne ntswɛɛ ménab nɛ́, puŋ gháá: “Mbuŋ ŋgʉ́yó.” Á ywó. 55Ŋkhoʼyɛ́ fəfod twɔ́ ndzaʼmbab nɛ́, puŋ gháá “Ménab ncʉyó.” Á ké ncʉyó néré. 56Puŋ pɛ́ pǔŋ tséʼé kpaŋ ŋgɔ́b nɛ́! Puŋ zé ndzǐne mbziʼe yɛ́ pépéé pú tsetsáʼ pɛ́ nɛ́! Á zhyɛ́ kɔ́ puŋ ké mbé zɛ́ pɛ meno pɛ́ a záʼá ŋkhoʼyɔŋ nɛ́ pɔɔ?
(Mat 5:25-26)
57Á zhyɛ́ kɔ́ puŋ pe kúʼɔ́ ne gbǎne ne ndúŋ puŋ, kiŋi no yɛ́ a ŋgerɛ́ŋged nɛ́ pɔɔ? 58Yɔ́ɔ́ fuʼno ŋgâ: Ŋkhoʼyɛ́ puŋ ŋɔŋ tséʼé fiʼ tsé ŋgú síŋ ghaŋásábáfiʼ nɛ́, zhyɛ́ njʉ́ puŋ yé ntsɔ́ ndzóʼó mɛndɔ́b nɛ́, kɛ́ʼɛ́ ŋgâ a ndɛ núʼú wo síŋ ghaŋásábáfiʼ, ghaŋásábáfiʼ yɔ́ɔ́ wo fɛ́ pwó pɛ káŋató, pɔ́b máʼ wo ndátsáŋ. 59Mə ntsɔ́ pwó wo ŋgâ, wo kpê tó wo kii núʼú ŋkɔŋɔ yɔ́b yé náá po!»
ទើបបានជ្រើសរើសហើយ៖
Lúkaasə 12: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 12
12
Cyó yɔ́b ywʉ̌me yɛ́ pé kʉ́yó ntsó kii kee nɛ́ ghú pó
(Mat 10:26-33; 10:19-20)
1Njʉ́ a kɛ pé néré nɛ́, ŋkáb ne ŋkáb pɔŋ ntéré, fɛ́d tɛ nyí nyǐ ndúŋú pecyó. Yěsô ndzyě, ntsɔ́ pwó ŋgíŋgye pé ŋgâ: «A pɛ́ɛ́ mbɛ́ níŋ, puŋ zhyaŋa mvuʼ #12:1 Mvuʼ Yɔ́b yɛ́ pe níŋɛ ndzɔ́ʼɔ́ ŋgəŋ pə́be ŋgâ a kɔʼ nɛ́.pɛ Farízya. Mvuʼ yɔ́b yéré ké mbɛ pépwɔmíí. 2Cyó yɔ́b ywʉ̌ me yɛ́ pé kʉ́yó ntsó kii kee nɛ́ ghú pó. Cyó yɔ́b yɛ́ tɛ pɛ nyáʼá, pé kʉ́yó ntsó kii zé nɛ́ ghú pó. 3Ŋkyé ŋgâ ŋkɔŋɔ meno pɛ puŋ kɛ tsɛ́ ndzɔ́ʼɔ́ ndzə́bndzə́b nsó nɛ́, pɔŋ kʉ́yó ndzóʼó ne zhyaŋa. Meno pɛ puŋ kɛ nyáʼá ntsɔ́ tsí kúŋ nɛ́, pɔŋ náʼá ntsɛ́ɛ́ ntsɔ̌ʼndáb ncʉ́rɛ.»
Tɛ puŋ pɔ́ɔ́ wɔ́?
4Yěsô pó nsó ŋgâ: «Mə ntsɔ́ yɔŋ kaʼa pé ne puŋ kɛ sɔ́ŋ páá, puŋ ndɛ tsé mbɔɔ pɔŋ pɛ́ pɔ́b nɔʼ ndzab mbəb kii tɛɛmbɛ pɔ́b pó ŋgyɛ́ a ntsɛ́ɛ́ néré nɛ́. 5Mə nyóʼ ŋɔŋ wɛ́ tɛɛmbɛ puŋ pɔ́ɔ́ nɛ́. Puŋ pɔ́ɔ́ ŋɔŋ wɛ́ tɛɛmbɛ a nɔʼ mbó kúʼɔ́ ne mǎʼne ndzó píí mɔ́ɔ́ nɛ́. Ɔ́ŋɔ́, mə ntsɔ́ ne puŋ kpaʼ sísíŋ, a yé mbé ŋɔŋ wɛ́ puŋ ntsɛ́ʼɛ́ ne mbɔ̂ne nɛ́. 6Ŋgâ pé ndɛ fi tsóókɔrɔ yítaŋ ne kii ndɔŋ? Ntsʉʼŋgɛmbɛ Mboʼmvé tsé ndiŋɛ́ ŋkɔŋɔ wɔ́b náá. 7Mbɛ ndɔŋɔ nwɔ̌tó múŋ! A sí ndzé ndíí mé! Puŋ ndɛ mbɔ́ɔ́, puŋ tséʼé ghebe pwó Mboʼmvé tɛ tsɛ́ɛ́ pɛ tsóókɔrɔ! 8Mə mbó ntsɔ́ ne puŋ ŋgâ: ŋɔŋ wɛ́ a ntsɔ́ síŋ pumésɔŋ ŋgâ: “Tsómvé ya pɛ pwó Yěsô” nɛ́, mbǒ Mɔ́ŋ ŋɔŋ ké ŋkʉ́yó kpê ntáŋ yé síŋ pɛ aŋgere Mboʼmvé. 9Ntsʉʼmbé, ŋɔŋ wɛ́ a sírí ya síŋ pumésɔŋ nɛ́, mbǒ, Mɔ́ŋ ŋɔŋ ké kʉ́yó sirɛ́ wé síŋ pɛ aŋgere Mboʼmvé. 10Ŋɔŋ ntsɔ́ɔ́ kəpɔŋ ŋkyé Mɔ́ŋ ŋɔŋ, mbǒ pé kʉ́yó máʼ vɔ̌no yé ndɔ́ɔ́ wé. Ntsʉʼmbé a tóó Zhʉye Yáŋme, mbǒ pé kʉ́yó máʼ yéré vɔ̌no ndɔ́ɔ́ wé pó. 11Ŋkhoʼyɛ́ pé kʉ́yó ndɔ́ɔ́ wúŋ ŋgú ne wúŋ ndzó pɛ ndántéré pɛ Yuda kii ŋgâ síŋ pɛ fɔŋ pwɛ ghaŋá sáʼá ŋgɔŋ ne fíʼne wúŋ nɛ́, pǔŋ ndɛ tsé mbɔɔ, kpáŋa ŋgâ: “Psi kpê mbəb zhí pé níŋ? Psi ntsɔ̂ ŋgâ kɔ́?” 12ŋkyé ŋgâ a náʼá mbɛ ŋkhoʼyéré Zhʉye Yáŋme nsó no yɛ́ pǔŋ ntsɔ́ nɛ́ ne puŋ.»
Puŋ zhyaŋa ndúŋú foʼ tsi pépéé
13Cyó ŋɔŋ twɔ́ ndzɔ́ʼɔ́ pɔŋ ntsɔ́ pwó Yěsô ŋgâ: «Kéʼeyáŋ, ntsɔ́ pwó mɔ́ŋmɛ́ ya ŋgâ á ghób mbɛd fɛ́ ya!» 14Yěsô pɔ́rɔ́ pwó yé ŋgâ: «A tíí wɔ tíí ya ne fíʼne wúŋ kii ne ŋgǒbne mɔ́b puŋ?» 15Yěsô sed mbəb yé ntsɔ́ pwó ŋkɔŋɔ pɔŋ náá ŋgâ: «Puŋ zhyaŋa! Puŋ ndɛ ŋgâ. Ŋkyé ŋgâ a psibɛ mɔ́b ŋɔŋ mvibɛ tsómvé yé pó. Mbɛ yɛ́ a tséʼé foʼ ŋgaʼ nɛ́.»
Fuʼno ndúŋú ghəghəŋ foʼ
16Kɛ́ʼɛ́, Yěsô máʼ taʼ fuʼno ne pɔ́b ŋgâ: «Cyó taʼ foʼ kɛ pɛ yóʼó tséʼé tsetsáʼ, a fɛ́ mɔ́b pwó yé kaʼatɛ. 17Á psírí mbəb yé ŋgâ: “Tɛ mə ŋgyɛ́ níŋ? Mə tséʼé ntaŋ kəkwéʼe ne ŋgʉʼʉ́ne ŋkɔŋɔ mɔ́b páá pɔŋ pó.” 18Á nsó ŋgâ: “Yɔŋ yɔ́b yɛ́ mə ŋgyɛ́ nɛ́. Mə sáʼá pɔŋ kaʼa, kwórɔ́ pé kəkwéʼe, kɛ́ʼɛ́ ŋgâ mə ŋgʉ́ʼʉ́ mɔ́b pwɛ ŋkɔŋɔ ya foʼ náá ndzó. 19Mə mbé tɛ mee ntsɔ́ ne tómbəb ya ŋgâ: Sɔŋ ya, wo tséʼé foʼ zááme yɛ́ a ntsó ne ŋgǒʼmvé kii ndɔŋ yé nɛ́! Fúrú mbəb wo, zó, nɔ́ mbó ŋgeŋe!” 20Ntsʉʼmbé Mboʼmvé ntsɔ́ pwó yé ŋgâ: “Wo ndáá mbɛ́ɛ́! Netsúʼ ndzebé, pe kpê tsómvé yo. Tɛ mɔ́b pɛ́ wo ywʉ́ʼʉ́ nɛ́, mbɛ́ɛ́ pwó wɔ̂?”» 21Yěsô pó nsó ŋgâ: «Yɔŋ no yɛ́ a ŋkúŋɔ́ ŋɔŋ wɛ́ a ké ntaʼa foʼ yé kii tséʼé foʼ pé pú Mboʼmvé nɛ́!»
Puŋ péé táʼ Nofɔŋ Mboʼmvé ŋkɔ́ŋ
(Mat 6:25-33)
22Yěsô ntsɔ́ pwó ŋgíŋgye pé ŋgâ: «Á zhyɛ́ yéré mə ntsɔ́ ne puŋ ŋgâ puŋ ndɛ tsé ntsuŋɛ ŋkyé tsómvé, ŋgâ puŋ ndzɔ́ɔ́ kɔ́, kii ŋkyé mbəb yuŋ ŋgâ puŋ gbéé kɔ́? 23ŋkyé ŋgâ, tsómvé tséʼé ghebe tɛ tsɛ́ɛ́ mwɔ̌zó, mbəb pó tséʼé ghebe tɛ tsɛ́ɛ́ ndzwé. 24Puŋ náá pɛ ŋɔ̌ŋɔ̂ njʉ́! Pɔ́b ké mbé pfɛ́ mɔ́b pó, kii pó tsé ŋkaba! Pɔ́b tséʼé ntaŋ mvé pó kii pó tsɛ́ʼɛ́ ndáb, Mboʼmvé ntsʉʼ tsé njʉ́yí wɔ́b! Puŋ ntsʉ́ʼ tséʼé ghebe kaʼatɛ tsɛ́ɛ́ péshʉŋ! 25A wɔ́ tsetsɛrɛ puŋ wɛ́ tɛɛmbɛ ntsuŋíne mé pfǐ tsómvé yé mbɛ ne mɔ́ŋtiʼa ŋkhoʼ nɛ́? 26Á pɛ yɛ́ puŋ ŋkúʼɔ́ ndúŋú mɔ́ŋtiʼe kaʼa nɛ́ pó, puŋ gbíí mbəb yuŋ ndúŋú pfuʼɔ́ meno ŋkyé kɔ́? 27Puŋ ntíŋí pɛ fɛlɛwa ndzó pɛ mvíínab njʉ́! Pɔ́b tsé mbé njʉ́yí pó, kii pó tsé mbaʼá. Mə ntsʉ́ʼ ntsɔ́ ne puŋ ŋgâ: Puŋ zé ŋgâ fɔŋ Salomɔŋ, ndzɔ́ʼɔ́ ŋkɔŋɔ foʼ yé náá kɛ pé tséʼé taʼ ndzwé a pú njʉ́ pɛ fɛlɛwa péré nɛ́ pó. 28A pɛ́ɛ́ yɛ́ Mboʼmvé gbéé mkpeegháŋ mpfuŋ kɛ́ʼɛ́, mkpeegháŋ yɛ́ a mpfuŋ ndzebe, niŋimwɔ́ pé ghɛ́ ntɔ́ŋɔ́ ne mɔ́ɔ́ nɛ́, tɛ kɛɛ yíkɔ́ ne pǔŋ? Psyɛ́ndzɔʼ yúŋ khóó kaʼatɛ! 29Ŋgɛ ŋkhu ne puŋ, puŋ ndɛ tsé kpáŋa mɔ́b pɛ́ puŋ kʉ́yó ndzɔ́ nɛ́, kii yɔ́b yɛ́ puŋ kʉ́yó nɔ́ nɛ́. Puŋ ndéé gbíí mbəb yuŋ. 30Pɔŋ pɛ́ pɔ́b zɛ́ Mboʼmvé nɛ́ pó taʼa ŋkɔŋɔ mɔ́b péré náá kii káŋ. Ŋgɛ ŋkhú ne puŋ, Mboʼmvé, Tɛd wúŋ, ntsʉ́ʼ ndzé ŋgâ mɔ́b péré tséʼé ghebe ne puŋ. 31Puŋ péé táʼ yuŋ pé Nofɔŋ Mboʼmvé ŋkɔ́ŋ, kɛ́ʼɛ́ ŋgâ a fɛ́ pfuʼ yé náá ne puŋ. 32Mɔ́ŋtii mvuʼɔ ŋɔŋ, puŋ ndɛ tsé mbɔɔ! Tɛd wúŋ zhʉ́ ŋgâ a pú ŋgâ a fɛ́ Nofɔŋ yé ne puŋ!»
(Mat 6:19-21)
33«Puŋ fi mɔ́b pɛ́ puŋ tséʼé nɛ́, fɛ́ mbób pwó pɛ mbɔ́ŋmbɔŋ. Puŋ tswɔ́ pɔ́ŋ pab puŋ njʉ́ a náʼá ntɔ́ɔ́ nɛ́ pó, ndzáb foʼ yɛ́ yuŋ nɛ́ pé pépéé ndzó ywoʼ yɛ́ a náʼá mbúbú nɛ́ pó. Ndzó ywoʼ yɛ́ ghaŋ ndzwəə nɛ́ pó, shʉ́ʼgɔ́ʼ pé yɛ́d nɛ́ pó. 34Ɔ́ŋɔ́! Ywoʼ yɛ́ foʼ yuŋ yóʼó nɛ́, ndzɔʼ yuŋ pɛ́ɛ́ yóʼó.»
Ndaʼne sáŋ
(Mat 24:43-51)
35Yěsô pó nsó ŋgâ: «Puŋ ghód ne ndzwé faʼ, lámbo puŋ pé nə̌bme. 36Puŋ pɛ́ɛ́ njʉ́ pɔŋ pɛ pɔ́b ndzwɛʼɛ tɛdfaʼ wɔ́b ŋkoʼyɛ́ a ŋkhu ndzó taʼ ywoʼ ndáá nɛ́, ne tsɔ́ʼne ntwsee ndáb ŋkoʼyɛ́ a ŋkɔ́bɔ́ nɛ́. 37Mbéne sʉ́ʼʉ pwó kpaŋ pɛ tɛdfaʼ ghɛ́ ŋkhu pɔ́b ghód tsé ndzwəʼɛ wé nɛ́! Ɔ́ŋɔ́, mə ntsɔ́ ne puŋ sísíŋ ŋgâ: Á gbéé ndzé faʼ, ŋgyɛ́ pɔ́b ghɔ́rɔ́ syé, a záʼ fɛ́ mɔ́b ne pɔ́b. 38Á ghɛ́ ŋkhú ne ghəghóʼŋgɔŋ, kii ŋgâ ne keemvé, njʉ́ wɔ́b pɔ́b tsé nzə́ʼɛ́ wé mbǒ pɔ́b mbɛ́ sʉ́ʼʉ!
39Puŋ zóʼ sʉ́ʼʉ, a ghɛmbɛ ŋgaŋáywoʼ zɛ́ ŋkhoʼyɛ́ gháŋ kʉ́yó nɛ́, mbǒ, tɛɛmbɛ a pé tee wé a ntsú tsi ndáb yé pó. 40Mbɛ puŋ, puŋ pfyéb mbəb yuŋ. Ŋkyé ŋgâ Mɔ́ŋ ŋɔŋ kʉ́yó kʉ́yó ŋkhoʼyɛ́ puŋ zé nɛ́ pó.»
Ŋgaŋafaʼ ŋgerɛ́ŋged
41Pětro ntsɔ́ pwó Yěsô ŋgâ: «Ntsɛɛpɔŋ, wo ntsɔ́ yɔŋ fuʼno pé ndaʼ ne psi, kii pwó ŋkɔŋɔ pɔŋ náá?» 42Ntsɛɛpɔŋ pɔ́rɔ́ pwó yé ŋgâ: «A wɛ́rɛ́ ŋgóbmɔ́b ŋgerɛ́ŋged mbó tséʼé zé, wɛ́ tɛdfaʼ kʉ́yó ntíí wé ndúŋú mɔ́b pé ŋgâ a ghób fɛ́ pwó ghaŋáfaʼ pé ŋkhoʼyɛ́ ŋkhoʼ ŋkuʼu nɛ́? 43Kpaŋ wɛ́ tɛdfaʼ ŋgɛ́ ŋkhu a tsé faʼa faʼ yéré nɛ́, a sʉ́ʼʉ! 44Sísíŋ, mə ntsɔ́ ne puŋ ŋgâ: Tɛdfaʼ kʉ́yó ntíí wé ndúŋú ŋkɔŋɔ foʼ yé náá. 45Ntsʉʼmbé a pɛ́ɛ́ yɛ́ mkpaŋ wéré kpáŋ ŋgâ: “Tɛdfaʼ ya fɛ́d ŋkhú nɛ́ pó”. Ŋǎ zó, nɔ mbɛ́ɛ́, gbáá ghaŋáfaʼ tsé gbíí nɛ́. 46Mbǒ, tɛdfaʼ kʉ́yó ŋkhú zhyémvé mve yɛ́ a zé nɛ́ pó, ne ŋkhoʼyɛ́ a ké mbé zé nɛ́ pó. Nzəhú wé, ŋgyɛ́ níŋ njʉ́ pé ŋgyɛ́ ne ghaŋáfaʼ kəpɔŋ nɛ́.
47A wéré Ŋgaŋafaʼ wɛ́ á zé no yɛ́ tɛdfaʼ yé zɔŋɔ nɛ́, ntsʉʼmbé mbé ntsuŋu cyó yɔ́b pó, ké mbé ŋgyɛ́ no yɛ́ tɛdfaʼ zɔŋɔ nɛ́ pó. Á zhyɛ́ yéré pé kʉ́yó gbíí wé tɛ tsɛ́ɛ́ Ŋgaŋafaʼ wɛ́ a kâ zé nɛ́ pó. 48Kpaŋ wɛ́ a ŋgyɛ́ no yɛ́ pe gbíí wé nɛ́, pe kii zé nɛ́, mbǒ pé kʉ́yó gbíí wé ne tʉ̌ŋ pó. Kpaŋ wɛ́ pé fɛ́ mɔ́b pwó yé a záá nɛ́, mbǒ pé ké kʉ́yó mvirɛ yé zááme pwó yé. Ŋɔŋ wɛ́ pé ywʉ́ʼʉ́ mɔ́b zááme pwó yé ŋgâ a tsé mvibɛ, mbǒ pé kʉ́yó ké ŋkɛ́ɛ́ pwó yé tɛ ŋgáʼá.»
Yěsô kʉ́yó ne mbúrú pó
49Yěsô ké mbó nsó ŋgâ: «Mə kʉ́yó ne mǎʼne mɔ́ɔ́ ndúŋ tsetsáʼ, a kii zɔŋɔ ŋgâ a pé nə̌bme! 50Á pɛ̂ taʼ kpênse yɛ́ mə kpê nɛ́, mbɛ́ njʉ́ a tsé ted ya ted tɛ mbáŋ ŋkhoʼyɛ́ a mbɛ nɛ́.
(Mat 10:34-36)
51Puŋ kpǎŋ ŋgâ mə kʉ́yó níŋɛ mbúru ndúŋ tsetsáʼ? Ŋgáŋ! Mə sə́ŋɛ́ wúŋ nɛ́ ŋgâ, mə ŋkʉ́yó ne mǎʼne saŋ. 52Ndzyěne ŋkhoʼyɔŋ, a pɛ pɔŋ pétaŋ tsó ndzó taʼ ndáb mbǒ saŋ mbɛ́ tsetsɛrɛ pɔ́b. Pɔŋ pé yíkyéd ntsɔ́ ndzəb pɔŋ pé yípáá, pɔŋ pé yípáá nsó ndzəb pɔŋ pé yíkyéd. 53Tɛd nsó ndzóʼ pú Mɔ́ŋ yé wé ŋumbzí pó. Mɔ́ŋ ŋumbzí pé nsó ndzóʼ pú tɛd yé pó. Mɛ́ nsó ndzóʼ pú mɔ́ŋ yé wé məŋgʉ́yé pó, mɔ́ŋ məŋgʉ́yé pé nsó ndzóʼ pú mɛ́ pó. Mɛ́ ndɔ́b nsó ndzóʼ pú ŋgʉyé mɔ́ŋ pó, ŋgʉyé mɔ́ŋ pé nsó ndzóʼ pú mɛ ndwɔ́ yé pó.»
Gbǎne kiŋi pɛ́ meno
(Mat 16:2-3)
54Yěsô pó ntsɔ́ pwó pɔŋ ŋgâ: «Ŋkhoʼyɛ́ puŋ zhʉ́ pfuŋ twɔ́ ne ntswɛɛ ménab nɛ́, puŋ gháá: “Mbuŋ ŋgʉ́yó.” Á ywó. 55Ŋkhoʼyɛ́ fəfod twɔ́ ndzaʼmbab nɛ́, puŋ gháá “Ménab ncʉyó.” Á ké ncʉyó néré. 56Puŋ pɛ́ pǔŋ tséʼé kpaŋ ŋgɔ́b nɛ́! Puŋ zé ndzǐne mbziʼe yɛ́ pépéé pú tsetsáʼ pɛ́ nɛ́! Á zhyɛ́ kɔ́ puŋ ké mbé zɛ́ pɛ meno pɛ́ a záʼá ŋkhoʼyɔŋ nɛ́ pɔɔ?
(Mat 5:25-26)
57Á zhyɛ́ kɔ́ puŋ pe kúʼɔ́ ne gbǎne ne ndúŋ puŋ, kiŋi no yɛ́ a ŋgerɛ́ŋged nɛ́ pɔɔ? 58Yɔ́ɔ́ fuʼno ŋgâ: Ŋkhoʼyɛ́ puŋ ŋɔŋ tséʼé fiʼ tsé ŋgú síŋ ghaŋásábáfiʼ nɛ́, zhyɛ́ njʉ́ puŋ yé ntsɔ́ ndzóʼó mɛndɔ́b nɛ́, kɛ́ʼɛ́ ŋgâ a ndɛ núʼú wo síŋ ghaŋásábáfiʼ, ghaŋásábáfiʼ yɔ́ɔ́ wo fɛ́ pwó pɛ káŋató, pɔ́b máʼ wo ndátsáŋ. 59Mə ntsɔ́ pwó wo ŋgâ, wo kpê tó wo kii núʼú ŋkɔŋɔ yɔ́b yé náá po!»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល