Lúkaasə 13
13
Sědne mbziʼe fɛ́ tsómvé
1Á kɛ pé ŋkhoʼyéré, pɔŋ kʉ́yó ntsɔ́ Yěsô ŋgâ: «Njʉ́ pɔŋ Galílya kɛ fɛ́ shʉ́ pwó Mboʼmvé nɛ́, Piláto ŋgyɛ́ pé nɔʼ wɔ́b máʼá ywoʼɔ shʉ́.» 2Yěsô pɔ́rɔ́ ne pɔ́b ŋgâ: «Puŋ kpáŋ ŋgâ kəpɔŋ mbé Galílya pɔŋ pɛ́ pé kɛ nɔʼ nɛ́, kɛ gháʼmbwó ntsɛ́ɛ́ yé ŋkɔŋɔ pecyó pɔ́ŋmɛ́ pɔ́b náá? 3Ŋgáŋ! Mə ntʉ́ʉ́ tó yúŋ nɛ́ ŋgâ: Púŋ sɛrɛ́ mbziʼe yuŋ pó, mbǒ pǔŋ ké pfɔ́ náá njʉ́ pɔ́b nɛ́!
4Puŋ kpaŋ yúŋ ŋgâ ntsɔ̌b pɔ́ŋ péfwɔ̂ pɛ́ sáá kaŋ ndáb kəkwéʼe Silowe kɛ kubi, nɔʼ wɔ́b nɛ́, shǎŋane mɔ́b kɛ ntsɛ́ɛ́ yé ŋkɔŋɔ mbé mbɛ́lʉ́ŋ Yerʉ́salɛm náá? 5Ŋgáŋ! Mə ntʉ́ʉ́ wúŋ nɛ́: puŋ sɛrɛ́ mbziʼe yuŋ pó, mbǒ puŋ ké pfɔ́ náá njʉ́ pɔ́b nɛ́!»
Fuʼno ne ndwɔ́ nsó
6Ndzaʼnéré, Yěsô máʼ yɔŋ fuʼno ŋgâ: «Cyó ŋɔŋ kɛ pfé taʼ tsǐ figye faʼ yé. Naʼ kʉ́yó ne ŋkábne ntáá mé ndúŋú, mbé zhʉ́ yɔ́b pó. 7Á ntsɔ́ pwó Ŋgaŋafaʼ yé ŋgâ: “Tíŋí njʉ́! Á ŋkoʼyɔŋ ŋgǒʼmvé yíkyéd njʉ́ mə nyí tsi figye yɔŋ ndiŋɛ́, ntsʉʼmbé zhʉ́ yɔ́b ndúŋú nɛ́ pó. Ntséé wé ŋkyé ŋgâ a ghəʼɔ ywoʼ mbó nɔʼɔ tsetsáʼ pé ndzəndzóʼ”. 8Ŋgaŋafaʼ pɔ́rɔ́ pwó yé ŋgâ: “Tɛdfaʼ, ntéé wé ŋkʉ́rʉ́ yɔŋ ŋgǒʼmvé záʼ. Mə ntsú tsǐ yé, véd pférɛpfo. 9Cyó ŋkhoʼ, a naʼ cʉ́ ŋgoʼ naŋ. Mbó pé néré pó, wo tséé.”»
Yěsô pɛ́d taʼ ŋkʉ́ŋʉ́ məŋgʉ́yé zhyémvé ze
10A kɛ pé taʼ zhyéze, Yěsô tsé fɛ́ ntʉ́ʉ́ ndántéré pɛ Yuda. 11Taʼ məŋgʉ́yé pɛ́ yóʼó wɛ́ zhʉye kəpɔŋ kɛ ŋgyɛ́ a ŋkhú ŋkʉ́ŋʉ́ ne ntsɔ̌b ŋgǒʼmvé yífwɔ́ nɛ́. Ghɔŋ kɛ ŋwɔ́ wé kaʼatɛ a pé ŋkuʼu ne tsé ne nsó ŋgerɛ́ŋged ŋkʉ́rʉ́ pó. 12Ŋkhoʼyɛ́ Yěsô kɛ zhʉ́ wé nɛ́, a fú wé, ntsɔ́ pwó yé ŋgâ: «Məŋgʉ́yé, yɔ́ʼɔ́ yo yé kénɛ́ myé nɛ́ ndzebé.» 13Yěsô záb mbwó mé tó yé. Fǐme, məŋgʉ́yé wéré ŋáá syé tsé yé ŋgerɛ́ŋged, ndzyě ŋgúʼɔ Mboʼmvé.
14Ntsɛ́ssó ndántéré pɛ Yuda zúʼú ŋgyé, ŋkyé no yɛ́ Yěsô kɛ pɛ́d ŋɔŋ zhyémvé ze nɛ́. Néré a ntsɔ́ pwó pɔŋ pɛ pɔ́b kɛ pɛ yóʼó nɛ́ ŋgâ: «Pé tséʼé zhyémvé péntóó ne fǎʼne. A zhyémvé péré mbé zhyémvé pɛ́rɛ́ ghɔŋ. A zhyéze mbé zhyémvé pɛ́rɛ́ ghɔŋ pó.» 15Ntsʉʼmbé, Ntsɛɛpɔŋ Yěsô pɔ́rɔ́ pwó yé ŋgâ: «Yǎ wúŋ! Puŋ pɛ́ puŋ tséʼé kpaŋ ŋgɔ́b nɛ́! Puŋ táʼá ntsɔ́ ŋgâ ŋɔŋ ndzɔ́ʼɔ́ puŋ ké mbé kê naʼ yé kii ŋkíŋ yé ndzó kaŋ, ŋgú ne yé ŋgâ a nɔ́ nse zhyéze pɔɔ? 16Á ntsɔ̌b ŋgǒʼmvé yífwɔ́ njʉ́ Sátaŋ kɛ kwórɔ́ məŋgʉ́yé wɔŋ wɛ́ a ndǎ ndáb Ábraham nɛ́. Á kɛ pu ŋgâ pé kpê wé pé zhyéze pɔɔ?» 17Ghaŋákepeŋe Yěsô zóʼ no yɛ́ a kɛ pod nɛ́, pfɔ̂shʉ́ŋ gbáá wɔ́b kaʼatɛ. Ntsʉʼmbɛ ne záá pɔŋ, pɔ́b yébé ŋkyé ŋkɔŋɔ shʉrɛ́meno pɛ Yěsô kɛ zhyɛ́ náá nɛ́.
Fuʼno ndúŋú Nofɔŋ Mboʼmvé
(Mat 13:31-33; Máá 4:30-32)
18Yěsô pó nsó ŋgâ: «Nofɔŋ Mboʼmvé fwɛ́ɛ́ kɔ́? Tɛɛmbɛ pé yɔ́ɔ́ fuʼ Nofɔŋ Mboʼmvé pé ndúŋú kɔ́? 19Á fwɛ́ɛ́ míí mbɛrɛ̂tɛ́ yɛ́ pé maʼ, a sáʼ, pé sɔ́ʼɔ mbɛ́d, a ghóʼ, ntsʉʼ tsí nsó, péshʉŋ pépéé ŋkwód yáʼ mɔ́b ndúŋú ntâmbwó mé nɛ́.» 20Yěsô nsó ŋkʉ́rʉ́ ŋgâ: «Tɛɛmbɛ mə fuʼ Nofɔŋ Mboʼmvé pé ndúŋú kɔ́? 21Á fwɛ́ɛ́ mvuʼ yɛ́ taʼ məŋgʉ́yé yɔ́ɔ́ níŋi ndzɔʼ kílo ŋgəŋ pə́bé ghúbmebáá ne yítaŋ, ntɔ́b ŋkɔŋɔ yé náá, á kɔ́ʼ nɛ́!»
Mɔ́ŋtii tswée ndáb
22Yěsô kɛ záʼá ndzó pɛ yáʼ pwɛ pɛ mbɛ́lʉ́ŋ, fɛ́ ntʉ́ʉ́, ŋgɛ ŋgú Yerʉ́salɛm.
(Mat 7:13-14)
23Cyó ŋɔŋ psirɛ́ wé ŋgâ: «Ntsɛɛpɔŋ, a ndaʼ pɔ́ŋ ndíí pɔ́ŋ ŋgɛ kʉ́yó ntsɛ́ʼɛ́ ndzǔne?» Yěsô pɔ́rɔ́ pwó yé ŋgâ: 24«Puŋ sɛ́ɛ́ ne ndzáʼne ndzó mɔ́ŋtii ntswěndáb, ŋkyé ŋgâ záá pɔŋ kʉ́yó ntáʼá ne ŋkúŋne ndzó, mbé kúʼu pó.
(Mat 25:10-12)
25Ŋkhoʼyɛ́ ŋgaŋandáb naʼ ŋǎ syé fúŋɔ́ ndáb yé nɛ́, puŋ ntsɛ́ mvé ŋkɔ́bɔ́, ntsɔ́ ŋgâ: “Ntsɛɛpɔŋ ntsɔ́ʼ ndáb psi ŋkúŋ!” A pɔ́rɔ́ ne puŋ ŋgâ: “Mə ndzé ywoʼ yɛ́ pǔŋ twɔ́ nɛ́ po!”
(Mat 7:22-23)
26Néré, puŋ ndzyě ne ntsóne ŋgâ: “Psi kɛ zɔ mbó nɔ síŋ wo. Wo pó kɛ́rɛ́ ndzó mbɛ́lʉ́ŋ psi, fɛ́ ntʉ́ʉ́ ndzó pɛ záŋ.” 27Ntsʉʼmbé, a ké mbó mbɔ́rɔ́ ne pǔŋ ŋgâ: “Mə ndzɛ́ ywoʼ yɛ́ pǔŋ twɔ́ nɛ́ po! Ghaŋázhyɛ́ meno kəpɔŋ njʉ́ puŋ nɛ́, puŋ ŋǎ ghɛ́!”
(Mat 8:11-12)
28Pe náʼá máʼá wúŋ mvé. Puŋ ntsɛ́ yóʼó ŋkhɔ́, pfɔrɔ sɔŋ múŋ. Ŋkhoʼyéré puŋ zhʉ́ Ábraham, ne Izaʼ, ne Yakɔb pwɛ ŋkɔŋɔ ghaŋátsɔ́kpaŋató Mboʼmvé náá ndzó Nofɔŋ Mboʼmvé! 29Pɔŋ naʼ twɔ́ ne sáʼ ménab, twɔ́ ne ntswɛ́ɛ́ ménab, mbó twɔ́ ne ndzaʼapffe pwɛ ndzaʼambab ndɔ́ɔ́ ywoʼ ghɔ́rɔ́ ne ndebéne ndzó Nofɔŋ Mboʼmvé.
(Mat 19:30; 20:16; Máá 10:31)
30Néré, pecyó njʉyǐndzəb kʉ́yó mbɛ pɛ sɔ́ pɔŋ. Pecyó sɔ́ pɔŋ kʉ́yó mbé pɛ njʉyǐndzəb.»
Yěsô kʉ́yó pfɔ́ Yerʉ́salɛm
31Á kɛ pé néré, pecyó pɛ Farízya suʼú mbəb fɛ́ pfúŋɔ́ Yěsô, ntsɔ́ pwó yé ŋgâ: «Ŋǎ ghaŋ, ŋgú mboʼ ndúŋ! Fɔŋ Erodə zɔŋɔ nɔʼ wo» 32Yěsô pɔ́rɔ́ ne pɔ́b ŋgâ: «Puŋ ghú ntsɔ́ pwó səb wéré ŋgâ: “Mə ndzú pɛ zhʉye kəpɔŋ, mbɛ́rɛ́ ghaŋághɔŋ, ndzebé, nǐmwɔ, zhyémvé pékyéd ghɛ́ ndzáʼá, mə mee faʼ ya. 33Á zɔŋɔ ŋgâ mə ndɔ́ɔ́ mɛndɔ́b ya ndzebé pú nǐmwɔ, ne nǐmwɔ wíŋ, ŋkyé ŋgâ a pú ŋgâ taʼ ŋgaŋatsɔ́kpaŋató Mboʼmvé tsó kii pfɔ́ Yerʉ́salɛm pó.”»
(Mat 23:37-39)
34«Pɔŋ Yerʉ́salɛm! Pɔŋ Yerʉ́salɛm! Puŋ ndɛ tswɔ́ ghaŋátsɔ́kpaŋató Mboʼmvé pwɛ pɔŋ pɛ́ Mboʼmvé twɔ́ nɛ́, pé ne ŋgɔʼ nɔ́ʼɔ! A kɛ zhyɛ́ kɔ́, mə ntaʼ ndzaʼ yé kɛɛ zááme ne ŋkúbune wúŋ njʉ́ mɛ́ ŋgúb ntsʉʼŋgɛmbɛ ŋkúbɔ pɔ́ŋ pé nɛ́, puŋ kirɛ? 35Puŋ zé ŋgâ Mboʼmvé ntéé ndáb yuŋ yéré ne puŋ. Mə sə́ŋɛ́ wúŋ, puŋ naʼ mbó zhʉ́ ya pó tɛ mbáŋ zhyémvé yɛ́ puŋ naʼ ntsɔ́ ŋgâ: “Mbúrú pɛ pwó ŋɔŋ wɛ́ a kʉ́yó ne tíí Ntsɛɛpɔŋ nɛ́!”»
ទើបបានជ្រើសរើសហើយ៖
Lúkaasə 13: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 13
13
Sědne mbziʼe fɛ́ tsómvé
1Á kɛ pé ŋkhoʼyéré, pɔŋ kʉ́yó ntsɔ́ Yěsô ŋgâ: «Njʉ́ pɔŋ Galílya kɛ fɛ́ shʉ́ pwó Mboʼmvé nɛ́, Piláto ŋgyɛ́ pé nɔʼ wɔ́b máʼá ywoʼɔ shʉ́.» 2Yěsô pɔ́rɔ́ ne pɔ́b ŋgâ: «Puŋ kpáŋ ŋgâ kəpɔŋ mbé Galílya pɔŋ pɛ́ pé kɛ nɔʼ nɛ́, kɛ gháʼmbwó ntsɛ́ɛ́ yé ŋkɔŋɔ pecyó pɔ́ŋmɛ́ pɔ́b náá? 3Ŋgáŋ! Mə ntʉ́ʉ́ tó yúŋ nɛ́ ŋgâ: Púŋ sɛrɛ́ mbziʼe yuŋ pó, mbǒ pǔŋ ké pfɔ́ náá njʉ́ pɔ́b nɛ́!
4Puŋ kpaŋ yúŋ ŋgâ ntsɔ̌b pɔ́ŋ péfwɔ̂ pɛ́ sáá kaŋ ndáb kəkwéʼe Silowe kɛ kubi, nɔʼ wɔ́b nɛ́, shǎŋane mɔ́b kɛ ntsɛ́ɛ́ yé ŋkɔŋɔ mbé mbɛ́lʉ́ŋ Yerʉ́salɛm náá? 5Ŋgáŋ! Mə ntʉ́ʉ́ wúŋ nɛ́: puŋ sɛrɛ́ mbziʼe yuŋ pó, mbǒ puŋ ké pfɔ́ náá njʉ́ pɔ́b nɛ́!»
Fuʼno ne ndwɔ́ nsó
6Ndzaʼnéré, Yěsô máʼ yɔŋ fuʼno ŋgâ: «Cyó ŋɔŋ kɛ pfé taʼ tsǐ figye faʼ yé. Naʼ kʉ́yó ne ŋkábne ntáá mé ndúŋú, mbé zhʉ́ yɔ́b pó. 7Á ntsɔ́ pwó Ŋgaŋafaʼ yé ŋgâ: “Tíŋí njʉ́! Á ŋkoʼyɔŋ ŋgǒʼmvé yíkyéd njʉ́ mə nyí tsi figye yɔŋ ndiŋɛ́, ntsʉʼmbé zhʉ́ yɔ́b ndúŋú nɛ́ pó. Ntséé wé ŋkyé ŋgâ a ghəʼɔ ywoʼ mbó nɔʼɔ tsetsáʼ pé ndzəndzóʼ”. 8Ŋgaŋafaʼ pɔ́rɔ́ pwó yé ŋgâ: “Tɛdfaʼ, ntéé wé ŋkʉ́rʉ́ yɔŋ ŋgǒʼmvé záʼ. Mə ntsú tsǐ yé, véd pférɛpfo. 9Cyó ŋkhoʼ, a naʼ cʉ́ ŋgoʼ naŋ. Mbó pé néré pó, wo tséé.”»
Yěsô pɛ́d taʼ ŋkʉ́ŋʉ́ məŋgʉ́yé zhyémvé ze
10A kɛ pé taʼ zhyéze, Yěsô tsé fɛ́ ntʉ́ʉ́ ndántéré pɛ Yuda. 11Taʼ məŋgʉ́yé pɛ́ yóʼó wɛ́ zhʉye kəpɔŋ kɛ ŋgyɛ́ a ŋkhú ŋkʉ́ŋʉ́ ne ntsɔ̌b ŋgǒʼmvé yífwɔ́ nɛ́. Ghɔŋ kɛ ŋwɔ́ wé kaʼatɛ a pé ŋkuʼu ne tsé ne nsó ŋgerɛ́ŋged ŋkʉ́rʉ́ pó. 12Ŋkhoʼyɛ́ Yěsô kɛ zhʉ́ wé nɛ́, a fú wé, ntsɔ́ pwó yé ŋgâ: «Məŋgʉ́yé, yɔ́ʼɔ́ yo yé kénɛ́ myé nɛ́ ndzebé.» 13Yěsô záb mbwó mé tó yé. Fǐme, məŋgʉ́yé wéré ŋáá syé tsé yé ŋgerɛ́ŋged, ndzyě ŋgúʼɔ Mboʼmvé.
14Ntsɛ́ssó ndántéré pɛ Yuda zúʼú ŋgyé, ŋkyé no yɛ́ Yěsô kɛ pɛ́d ŋɔŋ zhyémvé ze nɛ́. Néré a ntsɔ́ pwó pɔŋ pɛ pɔ́b kɛ pɛ yóʼó nɛ́ ŋgâ: «Pé tséʼé zhyémvé péntóó ne fǎʼne. A zhyémvé péré mbé zhyémvé pɛ́rɛ́ ghɔŋ. A zhyéze mbé zhyémvé pɛ́rɛ́ ghɔŋ pó.» 15Ntsʉʼmbé, Ntsɛɛpɔŋ Yěsô pɔ́rɔ́ pwó yé ŋgâ: «Yǎ wúŋ! Puŋ pɛ́ puŋ tséʼé kpaŋ ŋgɔ́b nɛ́! Puŋ táʼá ntsɔ́ ŋgâ ŋɔŋ ndzɔ́ʼɔ́ puŋ ké mbé kê naʼ yé kii ŋkíŋ yé ndzó kaŋ, ŋgú ne yé ŋgâ a nɔ́ nse zhyéze pɔɔ? 16Á ntsɔ̌b ŋgǒʼmvé yífwɔ́ njʉ́ Sátaŋ kɛ kwórɔ́ məŋgʉ́yé wɔŋ wɛ́ a ndǎ ndáb Ábraham nɛ́. Á kɛ pu ŋgâ pé kpê wé pé zhyéze pɔɔ?» 17Ghaŋákepeŋe Yěsô zóʼ no yɛ́ a kɛ pod nɛ́, pfɔ̂shʉ́ŋ gbáá wɔ́b kaʼatɛ. Ntsʉʼmbɛ ne záá pɔŋ, pɔ́b yébé ŋkyé ŋkɔŋɔ shʉrɛ́meno pɛ Yěsô kɛ zhyɛ́ náá nɛ́.
Fuʼno ndúŋú Nofɔŋ Mboʼmvé
(Mat 13:31-33; Máá 4:30-32)
18Yěsô pó nsó ŋgâ: «Nofɔŋ Mboʼmvé fwɛ́ɛ́ kɔ́? Tɛɛmbɛ pé yɔ́ɔ́ fuʼ Nofɔŋ Mboʼmvé pé ndúŋú kɔ́? 19Á fwɛ́ɛ́ míí mbɛrɛ̂tɛ́ yɛ́ pé maʼ, a sáʼ, pé sɔ́ʼɔ mbɛ́d, a ghóʼ, ntsʉʼ tsí nsó, péshʉŋ pépéé ŋkwód yáʼ mɔ́b ndúŋú ntâmbwó mé nɛ́.» 20Yěsô nsó ŋkʉ́rʉ́ ŋgâ: «Tɛɛmbɛ mə fuʼ Nofɔŋ Mboʼmvé pé ndúŋú kɔ́? 21Á fwɛ́ɛ́ mvuʼ yɛ́ taʼ məŋgʉ́yé yɔ́ɔ́ níŋi ndzɔʼ kílo ŋgəŋ pə́bé ghúbmebáá ne yítaŋ, ntɔ́b ŋkɔŋɔ yé náá, á kɔ́ʼ nɛ́!»
Mɔ́ŋtii tswée ndáb
22Yěsô kɛ záʼá ndzó pɛ yáʼ pwɛ pɛ mbɛ́lʉ́ŋ, fɛ́ ntʉ́ʉ́, ŋgɛ ŋgú Yerʉ́salɛm.
(Mat 7:13-14)
23Cyó ŋɔŋ psirɛ́ wé ŋgâ: «Ntsɛɛpɔŋ, a ndaʼ pɔ́ŋ ndíí pɔ́ŋ ŋgɛ kʉ́yó ntsɛ́ʼɛ́ ndzǔne?» Yěsô pɔ́rɔ́ pwó yé ŋgâ: 24«Puŋ sɛ́ɛ́ ne ndzáʼne ndzó mɔ́ŋtii ntswěndáb, ŋkyé ŋgâ záá pɔŋ kʉ́yó ntáʼá ne ŋkúŋne ndzó, mbé kúʼu pó.
(Mat 25:10-12)
25Ŋkhoʼyɛ́ ŋgaŋandáb naʼ ŋǎ syé fúŋɔ́ ndáb yé nɛ́, puŋ ntsɛ́ mvé ŋkɔ́bɔ́, ntsɔ́ ŋgâ: “Ntsɛɛpɔŋ ntsɔ́ʼ ndáb psi ŋkúŋ!” A pɔ́rɔ́ ne puŋ ŋgâ: “Mə ndzé ywoʼ yɛ́ pǔŋ twɔ́ nɛ́ po!”
(Mat 7:22-23)
26Néré, puŋ ndzyě ne ntsóne ŋgâ: “Psi kɛ zɔ mbó nɔ síŋ wo. Wo pó kɛ́rɛ́ ndzó mbɛ́lʉ́ŋ psi, fɛ́ ntʉ́ʉ́ ndzó pɛ záŋ.” 27Ntsʉʼmbé, a ké mbó mbɔ́rɔ́ ne pǔŋ ŋgâ: “Mə ndzɛ́ ywoʼ yɛ́ pǔŋ twɔ́ nɛ́ po! Ghaŋázhyɛ́ meno kəpɔŋ njʉ́ puŋ nɛ́, puŋ ŋǎ ghɛ́!”
(Mat 8:11-12)
28Pe náʼá máʼá wúŋ mvé. Puŋ ntsɛ́ yóʼó ŋkhɔ́, pfɔrɔ sɔŋ múŋ. Ŋkhoʼyéré puŋ zhʉ́ Ábraham, ne Izaʼ, ne Yakɔb pwɛ ŋkɔŋɔ ghaŋátsɔ́kpaŋató Mboʼmvé náá ndzó Nofɔŋ Mboʼmvé! 29Pɔŋ naʼ twɔ́ ne sáʼ ménab, twɔ́ ne ntswɛ́ɛ́ ménab, mbó twɔ́ ne ndzaʼapffe pwɛ ndzaʼambab ndɔ́ɔ́ ywoʼ ghɔ́rɔ́ ne ndebéne ndzó Nofɔŋ Mboʼmvé.
(Mat 19:30; 20:16; Máá 10:31)
30Néré, pecyó njʉyǐndzəb kʉ́yó mbɛ pɛ sɔ́ pɔŋ. Pecyó sɔ́ pɔŋ kʉ́yó mbé pɛ njʉyǐndzəb.»
Yěsô kʉ́yó pfɔ́ Yerʉ́salɛm
31Á kɛ pé néré, pecyó pɛ Farízya suʼú mbəb fɛ́ pfúŋɔ́ Yěsô, ntsɔ́ pwó yé ŋgâ: «Ŋǎ ghaŋ, ŋgú mboʼ ndúŋ! Fɔŋ Erodə zɔŋɔ nɔʼ wo» 32Yěsô pɔ́rɔ́ ne pɔ́b ŋgâ: «Puŋ ghú ntsɔ́ pwó səb wéré ŋgâ: “Mə ndzú pɛ zhʉye kəpɔŋ, mbɛ́rɛ́ ghaŋághɔŋ, ndzebé, nǐmwɔ, zhyémvé pékyéd ghɛ́ ndzáʼá, mə mee faʼ ya. 33Á zɔŋɔ ŋgâ mə ndɔ́ɔ́ mɛndɔ́b ya ndzebé pú nǐmwɔ, ne nǐmwɔ wíŋ, ŋkyé ŋgâ a pú ŋgâ taʼ ŋgaŋatsɔ́kpaŋató Mboʼmvé tsó kii pfɔ́ Yerʉ́salɛm pó.”»
(Mat 23:37-39)
34«Pɔŋ Yerʉ́salɛm! Pɔŋ Yerʉ́salɛm! Puŋ ndɛ tswɔ́ ghaŋátsɔ́kpaŋató Mboʼmvé pwɛ pɔŋ pɛ́ Mboʼmvé twɔ́ nɛ́, pé ne ŋgɔʼ nɔ́ʼɔ! A kɛ zhyɛ́ kɔ́, mə ntaʼ ndzaʼ yé kɛɛ zááme ne ŋkúbune wúŋ njʉ́ mɛ́ ŋgúb ntsʉʼŋgɛmbɛ ŋkúbɔ pɔ́ŋ pé nɛ́, puŋ kirɛ? 35Puŋ zé ŋgâ Mboʼmvé ntéé ndáb yuŋ yéré ne puŋ. Mə sə́ŋɛ́ wúŋ, puŋ naʼ mbó zhʉ́ ya pó tɛ mbáŋ zhyémvé yɛ́ puŋ naʼ ntsɔ́ ŋgâ: “Mbúrú pɛ pwó ŋɔŋ wɛ́ a kʉ́yó ne tíí Ntsɛɛpɔŋ nɛ́!”»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល