Lúkaasə 11
11
Yěsô nyóʼ ntsɛ́ʼɛ́ Mboʼmvé pwó ŋgíŋgye pé
(Mat 6:9-13)
1Yěsô kɛ pé cyó zhyémvé mvé ndzó taʼ ywoʼ tsé ntsɛ́ʼɛ́ Mboʼmvé. Ŋkhoʼyɛ́ a kɛ mee nɛ́, taʼ ŋɔŋ ndzɔ́ʼɔ́ ŋgíŋgye pé ntsɔ́ pwó yé ŋgâ: «Ntsɛɛpɔŋ nyóʼ ywí ne tsɛ́ʼɛ́ Mboʼmvé njʉ́ Zhâŋ kɛ nyóʼ pwó ŋgíŋgye pé nɛ́.» 2Yěsô pɔ́rɔ́ ne pɔ́b ŋgâ: «Ŋkhoʼyɛ́ puŋ ntsɛ́ʼɛ́ Mboʼmvé nɛ́, puŋ nsó ŋgâ:
Tɛd ya,
Ŋgyɛ́ ŋkɔŋɔ ŋɔŋ náá zé ŋɔŋ wɛ́ a wo nɛ́,
Ŋgyɛ́ Nofɔŋ wo kʉ́yó!
3Fɛ́ mɔ́b pɛ a zɔŋɔ ne psi ŋkɔŋɔ tó zhyémvé náá nɛ́!
4Máʼ vɔ̌no ndɔ́ɔ́ ywí, njʉ́ psi máʼá yé pɔŋ pɛ́ pɔ́b vɔ̌no mbəb psi nɛ́!
Kii pó mbzyɛ́ ŋgâ kəpɔŋ kpɛ́ʼɛ́ ywí!»
Ŋɔŋ wɛ́ a psirí nɛ́, a ntsɛ́ʼɛ́
5Yěsô máʼ yɔŋ fuʼno ne pɔ́b ŋgâ: «A pɛ́ɛ́ yɛ́ wo ghú ywoʼ sɔŋ wo ne ghəghóʼŋgɔŋ, ntsɔ́ pwó yé ŋgâ: “Sɔ́ŋ ya, tsɔ́ʼ ya ne ntʉ́ʼ mbré yíkyéd, 6ŋkyé ŋgâ cyó sɔ́ŋ ya páŋ ŋkhoʼyɔŋ, mə mbé tséʼé mɔ́b pɛ́ a ndzɔ́ nɛ́ po!” 7Sɔ́ŋ wo pɔ́rɔ́ ndzó ndzyě ndáb yé ŋgâ: “Tee ya fwóme! Mə kɛ fûŋ ntswěndáb ya, psi yɛ́ pɔŋ páá kɛ núnú. Tɛɛmbɛ mə mbé ŋǎ syé ne fɛ́ne mbré pwó wo pó.” 8Mə sə́ŋɛ́ wúŋ kpaʼ sísíŋ, Mbéyɛ́ a ŋǎ syé ŋkyé ŋgâ wo sɔ́ŋ yé nɛ́ pó, mbǒ a ŋǎ syé fɛ́ ŋkɔŋɔ yɔ́b yɛ́ wo zɔŋɔ náá nɛ́ pwó wo! ŋkyé ŋgâ mbəb wo tsě ne mvírine pó.
(Mat 7:7-11)
9A zhyɛ́ yéré mə ntsɔ́ ne puŋ ŋgâ: Puŋ yɔ́ŋ, pé kʉ́yó fɛ́ ne puŋ. Puŋ ntaʼ, puŋ kʉ́yó ntsɛ́ʼɛ́. Puŋ kɔ́b, pé kʉ́yó ntsɔ́ʼɔ́ ne puŋ. 10Ŋkyé ŋgâ ŋɔŋ wɛ́ a yɔ́ŋ nɛ́, ntsɛ́ʼɛ́, ŋɔŋ wɛ́ a ntáʼ nɛ́, njʉ́, ŋɔŋ wɛ́ a kɔ́b nɛ́, pé kʉ́yó ntsɔ́ʼɔ́ pwó yé. 11A wɛ́rɛ́ tɛd ndzɔ́ʼɔ́ puŋ wɛ́ tɛɛmbɛ a fɛ́ nɔ́ pwó Mɔ́ŋ yé, ŋkhoʼyɛ́ a psírí ndíí ssó pwó yé nɛ́? 12Kii ŋgâ Mbéyɛ́ a psírí pɔ́b nɛ́, a fɛ̌ máŋgaasyé pwó yé? 13Puŋ pɛ́ puŋ pukəpɔŋ, ndzɛ́ fɛ́ mɔ́b sʉ́ʼʉ pwó pɔ́ŋ puŋ nɛ́, ŋkɛyikɔ́ ne Tɛd wɛ́ a pépéé nɛ́! Á kʉ́yó fɛ́ Zhʉye Yáŋme pwó pɔŋ pɛ́ pɔ́b psirɛ́ pwó yé nɛ́!»
Yěsô fáʼa ne tʉ̌ŋ Bɛɛzebʉlə pó
(Mat 9:32-34; 12:22-30; Máá 3:22-27)
14A kɛ pé taʼ zhyémvé, Yěsô zú zhʉye móʼ mbəb taʼ ŋɔŋ. Njʉ́ zhʉye kəpɔŋ kɛ twɔ́ mbəb yé nɛ́, a ndzyě ntsóne no. No tsɛ́ɛ́ pɔŋ zááme pɛ́ pɔ́b kɛ pɛ́ yóʼó nɛ́. 15Ntsʉʼmbé pecyó pɔŋ nsó ŋgâ: «Á Bɛɛzebʉlə, ntsɛ́ssó pɛ zhʉye kəpɔŋ, fɛ́ tʉ̌ŋ pwó Yěsô ŋgâ a zú pɛ zhʉye kəpɔŋ núŋ.» 16Pecyó pɔŋ, ne mkpeʼene wé kɛ́ɛ́ pwó yé ŋgâ a nyóʼ taʼ kiŋi yɛ́ a twɔ́ pépéé nɛ́.
17Ntsʉʼmbé Yěsô zé kpaŋátó yɔ́b, ntsɔ́ ne pɔ́b ŋgâ: «Ŋkhoʼyɛ́ pɔŋ taʼ ŋgɔŋ tsé máʼ ntsɔ̂ tsé tsɛrɛ pɔ́b nɛ́, mbǒ ŋgɔŋ wéré mbwó, pɛ ndáb ŋkubɛ ndúŋú pecyó 18Puŋ ntsɔ́ ŋgâ: “Á fɛ́ Bɛɛzebʉlə fɛ́ tʉ̌ŋ ne mo, mə zú pɛ zhʉye kəpɔŋ.” Á nyoʼ ŋgâ Sátaŋ máʼ ntsɔ pú tómbəb yé. Tɛ ŋgɔŋ wéré ntsó níŋ? 19A pɛ́ɛ́ yɛ́ a fɛ́ Bɛɛzebʉlə fɛ́ tʉ̌ŋ ne mo ne nzəyune zhʉye kəpɔŋ núŋ nɛ́, mbǒ sɔŋ puŋ zú yɔ́b zhʉye kəpɔŋ pé ne kɔ́? A náʼá mbɛ sɔŋ puŋ mbɛ ghaŋásábáfiʼ puŋ. 20Ntsʉʼmbé a pɛ́ɛ́ yɛ́ mə zú zhʉye kəpɔŋ pe ne tʉ̌ŋ Mboʼmvé nɛ́, mbǒ Nofɔŋ Mboʼmvé kʉ́yó nɛ́ tɛ mbɛ́rɛ́ wúŋ! 21Ŋkhoʼyɛ́ taʼ ŋgáŋ tʉ̌ŋ tsé mvibɛ vǎ ywoʼ yé ne ŋgɛ́d nɛ́, tɛ ŋɔŋ pé kébe yɔ́b yé pó. 22Ntsʉʼmbé a pɛ́ɛ́ yɛ́ ŋɔŋ wɛ́ a ntsɛ́ɛ́ wé nɛ́ kʉ́yó máʼ ndzɔ̂ wé nɛ́, mbǒ a ndɔ́ɔ́ ŋkɔŋɔ mwɔ̌ntsɔ̂ pɛ́ a ghɛ́ɛ́ a ntíí ndzɔʼ yé ndúŋú náá nɛ́, mbó ŋgɔbɔ mɔ́b pé náá. 23Ŋɔŋ wɛ́ psi yé tə́b kpee nsěnyi nɛ́ pó, á ŋgáŋ ŋgaŋakəpeŋé ya. Ŋɔŋ wɛ́ a ghebe ya ne ntéréne pɔŋ nɛ́ pó, saŋ wɔ́b saŋ.»
Zhʉye kəpɔŋ pó ŋkhú
(Mat 12:43-45)
24Yěsô pó nsó ŋgâ: «Ŋkhoʼyɛ́ taʼ zhʉye kəpɔŋ twɔ́ mbəb ŋɔŋ nɛ́, a kérɛ ŋgʉ́ ndzó pɛ kɔ́ɔ́zəbé, ntáʼa ywoʼ yɛ́ a núŋɔ́ tó yé nɛ́. Njʉ́ a kiʼi mbé zhʉ́ nɛ́ pó, á nsó ŋgâ: “Mə mbɔ́rɔ́ ndzəb ndáb mo, ndzó ywoʼ yɛ́ mə ŋǎ nɛ́.” 25A pɛ yɛ́ a pod ndzəb njʉ́ ŋgâ ndáb zhʉyóme mbó mbé ntsuŋúme nɛ́, 26mbǒ a ghú, ntáʼá zhʉye kəpɔŋ pesambáá pɛ́ pɔ́b pʉ́ʉ́ ntsɛ́ɛ́ wé nɛ́. Pɔ́b ŋkhú, shʉʼɛ́ mbəb ŋɔŋ wéré, tsómvé yé pó mbʉʉ tsɛ́ɛ́ njʉ́ a mbě mbé nɛ́.»
Mbéne sʉ́ʼʉ pwó pɔŋ pɛ́ pɔ́b zóʼ nsó Mboʼmvé nɛ́
27Ŋkhoʼyɛ́ Yěsô kɛ nsó kɛ́ʼɛ́ nɛ́, taʼ məŋgʉ́yé ŋkʉ́rʉ́ ndzəb yé ndzɔ́ʼɔ́ pɔŋ nsó pwó yé ŋgâ: «Mbéne sʉ́ʼʉ pwó məŋgʉ́yé wɛ́ a ŋkyɛ́ wo pfɔ̂ yé mbó núŋu ne púŋ yé nɛ́.» 28Ntsʉʼmbé Yěsô pɔ́rɔ́ pwó yé ŋgâ: «Mbéne sʉ́ʼʉ pɛ́ɛ́ pwó pɔŋ pɛ́ pɔ́b zóʼó nsó Mboʼmvé mbó nyi ndúŋú nɛ́!»
Kiŋi Mɔ́ŋ ŋɔŋ
(Mat 12:38-42)
29Ŋkhoʼyɛ́ pɔŋ kɛ kʉ́yó pfúŋɔ́ Yěsô zááme nɛ́, a ntsɔ́ ne pɔ́b ŋgâ: «Pumésɔŋ ndúŋú yɔŋ Kerɛmvé pʉ́ʉ́ ŋgaʼ. Pɔ́b psírí taʼ kiŋi. Pɔ́b ntsʉ́ʼ ŋgɛ náʼá mbé zhʉ́ taʼ kiŋi fáá yé Ywǎnisə pó. 30Njʉ́ Ywǎnisə kɛ pé taʼ kiŋi pwó mbéŋgɔŋ Ninivə nɛ́, Mɔ́ŋ ŋɔŋ ké náʼá mbɛ taʼ kiŋi pwó mvémvé ŋkhoʼyɔŋ. 31Zhyémve yɛ́ Mboʼmvé kʉ́yó sábáfiʼ mvémvé nɛ́, a ŋǎ fɔŋ məŋgʉ́yé ŋgɔŋ Sába sɔbɔ́ pumve yɔŋ, ŋkyé ŋgâ, a kɛ twɔ́ taŋasesɛ ne ndzóʼne nsó zɛ́ no tswée fɔŋ Salomɔŋ. Ntsʉ́ʼŋgɛmbɛ ŋɔŋ pɛ ghaŋ ntsɛ́ɛ́ fɔŋ Salomɔŋ. 32Zhyémvé yɛ́ Mboʼmvé kʉ́yó sábáfiʼ mvémvé nɛ́, a ŋǎ mbéŋgɔŋ Ninivə sɔbɔ́ pumve yɔŋ. Ŋkyé ŋgâ pɔ́b kɛ zóʼ cʉrí Ywǎnisə, séd mbziʼe yɔ́b. Tsʉʼ ŋgɛ́ɛ́ ŋɔŋ pɛ ghaŋ ntsɛ́ɛ́ Ywǎnisə.»
Mbzítíí wo lámbo mbəb yo
(Mat 5:15; Máá 4:21; Lúk 8:16)
33Yěsô ké mbó nsó ŋgâ: «Pé ndɛ mbé nə́bɛ́ lámbo ntíí ndzó ywoʼɔ zhíbɛ pó. Pé ndɛ ntíí ndúŋú tswə́d kɛ́ʼɛ́ ŋgâ pɔŋ pɛ pɔ́b ŋkúŋɔ ndáb nɛ́, pɔ́b zhʉ́ ndáŋne mé.
(Mat 6:22-23)
34Mbzítíí wo lámbo mbəb yo. Ŋkhoʼyɛ́ mbzítíí wo sʉ́ʼʉ nɛ́, ŋkɔŋɔ mbəb wo náá ké mbɛ ndáŋne. Ntsʉʼmbé a pɛ́ɛ́ yɛ́ mbzítíí wo tsé ndzúʼú wo nɛ́, mbǒ ŋkɔŋɔ mbəb wo náá ké mbɛɛ ndzɔ́ʼɔ́ ndzə́ndzə́b. 35Kpeʼe zhʉ́ Mbéyɛ́ ŋkaʼ mɔ́ɔ́ wɛ́ a mbəb wo nɛ́, a ndzə́ndzə́b nɛ́ po! 36A pɛ́ɛ́ yɛ́ ŋkɔŋɔ mbəb wo náá ndzɔ́ʼɔ́ ndáŋne kii tɔʼ nɛ́, mbǒ a ké ghɛmbɛ́ ndzɔ́ʼɔ́ ndáŋne njʉ́ lámbo yáŋ, ŋkyáʼ wo nɛ́.»
Yěsô fiʼɛ́ pɛ Farízya pwɛ ghaŋákeʼekaŋ
(Mat 23:4, 6-7, 13, 25-27, 29-31, 34-36)
37Ŋkhoʼyɛ́ Yěsô kɛ mee nsó yé nɛ́, taʼ ŋɔŋ Farízya fú wé ŋgâ pú yé ghú ywoʼ yé ndzó mɔ́b. Yěsô ŋkúŋɔ ndáb yé, ghɔ́rɔ́ syé. 38No ntsɛ́ɛ́ ŋɔŋ Farízya njʉ́ Yěsô kɛ ntáʼá ndzɔ́ mɔ́b kii gbǎ nse nɛ́.
39Ntsɛɛpɔŋ ntsɔ́ pwó yé ŋgâ: «Puŋ pɛ Farízya, puŋ kʉyě sǒne mbəb ndɔŋ pwɛ pfúŋɔ́ káŋ. Ntsʉʼŋgɛmbɛ kəghoʼ pwɛ pʉ́ʉ́pfob yuŋɔ ndzó ndzɔʼ yuŋ! 40Pɛ kiitó! Ŋɔŋ wɛ́ a teŋé ŋgɔb nɛ́, a ké mbé teŋé yé nteŋé ndzyě yé pɔɔ? 41Puŋ fɛ́ yɔ́b yɛ́ a twɔ́ ndzó ndzɔʼ yuŋ nɛ́ ne shʉ́. Kɛ́ʼɛ́ ŋgâ ŋkɔŋɔ yɔ́b náá pé yáŋme ne puŋ.
42Ndɔŋ tó puŋ, pɛ Farízya. Puŋ yɔ́ɔ́ taʼ yé ndúŋú vwɔ́ ŋkɔŋɔ mɔ́b puŋ náá, kaʼatɛ mbáŋá ndúŋú mwɔ́tsiŋɛ pwɛ mɔ́b ŋgááne fɛ́ pwó Mboʼmvé. Ntéé yɛ́ puŋ mbɛ ŋgerɛ́ŋged mbó kʉyě Mboʼmvé nɛ́. A yɔŋ Mbéyɛ́ puŋ ŋgɛ ŋgyɛ́ nɛ́, kii zhǐ yiŋ. 43Ndɔŋ tó puŋ, pɛ Farízya, puŋ pɛ́ puŋ kʉyě ŋgǒdne ndzó sɔ́ ywoʼ ndzó pɛ ndántéré pɛ Yuda, mbó kʉyě ŋgâ pé tsɛ́ʼɛ́ wúŋ ne ŋgúʼune tétáá nɛ́. 44Ndɔŋ tó puŋ ŋkyé ŋgâ puŋ pɛ̌ njʉ́ pɛ sye pɛ pe kiŋi nɛ́ pó, pɔŋ nyi ndúŋú kii zé nɛ́!»
45Taʼ ŋɔŋ ndzɔ́ʼɔ́ ghaŋákeʼekaŋ ntsɔ́ pwó Yěsô ŋgâ: «Kéʼeyáŋ, wo ntsɔ́ kɛ́ʼɛ́ kémbó ntǒ zhí ywoʼ» 46Yěsô pod ŋgâ: «Ndɔŋ tó puŋ, mbɛ puŋ ghaŋákeʼekaŋ, ŋkyé ŋgâ puŋ ntii peʼ tédme tó pɔŋ, kii tɛɛmbɛ pǔŋ naʼ ndzyě ŋgébɛ wɔ́b núŋ! 47Ndɔŋ tó puŋ, puŋ pɛ́ puŋ ntɛŋɛ sye ghaŋátsɔ́kpaŋató Mboʼmvé pɛ tɛd puŋ kɛ nɔʼ nɛ́! 48Kɛ́ʼɛ́ puŋ nyóʼ ŋgâ puŋ yé tɛd puŋ tséʼé taʼ tswée, pɔ́b nɔʼɔ ghaŋátsɔ́kpaŋató Mboʼmvé, pǔŋ ntɛŋɛ syé! 49Á zhyɛ́ yéré, tómbəb Mboʼmvé ndzɔ́ʼɔ́ Zɛ́no yé, gháá: “Mə kʉ́yó twɔ́ ghaŋátsɔ́kpaŋató ya pwɛ ghaŋántɔ́b páá ne pɔ́b. Pɔ́b nɔʼ pecyó, mbó nzáá pecyó ne ŋgəʼo”. 50Pé náʼá mvirɛ nsə ŋkɔŋɔ ghaŋátsɔ́kpaŋató Mboʼmvé pɛ́ pé kɛ pfed, féré njʉ́ Mboʼmvé kɛ núŋ mvé yé nɛ́, pwó Kerɛmvé yɔŋ. 51Ndzyěne ndúŋú nsə Abɛl, tɛ mbáŋá ndúŋú nsə Sakalya wɛ́ a kɛ pfɔ́ tsé tsɛrɛ ywoʼɔ́shʉ́ pú ywoʼɔ́ze nɛ́. Ɔ́ŋɔ́, mə ntsɔ́ ne puŋ ŋgâ Mboʼmvé kʉ́yó mvirɛ́ Kerɛmvé yɔŋ núŋ! 52Ndɔŋ tó puŋ ghaŋákeʼekaŋ! Puŋ pɛ́ puŋ kpê kí zɛ́ no nɛ́. Ŋkɔ́ʼɔ́tómbəb yuŋ, puŋ ŋkúŋɔ po! Pɔŋ pɛ pɔ́b zɔŋɔ ŋkúŋɔ nɛ́ puŋ naŋa wɔ́b.»
53Ŋkhoʼyɛ́ Yěsô kɛ ŋǎ yóʼó nɛ́, ghaŋákeʼekaŋ pwɛ pɛ Farízya ndzyě ne mbǎŋne wé, tsé fɛ́rɛ́ wé ne nsó, ne ndzóʼne pɔ́rɔ́ nsó ndúŋú meno zááme. 54Mvérɛ wé, kɛ́ʼɛ́, ndɔ́ɔ́ pɔ́rɔ́ nsó yé ne ŋkɔʼyɛɛ.
ទើបបានជ្រើសរើសហើយ៖
Lúkaasə 11: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 11
11
Yěsô nyóʼ ntsɛ́ʼɛ́ Mboʼmvé pwó ŋgíŋgye pé
(Mat 6:9-13)
1Yěsô kɛ pé cyó zhyémvé mvé ndzó taʼ ywoʼ tsé ntsɛ́ʼɛ́ Mboʼmvé. Ŋkhoʼyɛ́ a kɛ mee nɛ́, taʼ ŋɔŋ ndzɔ́ʼɔ́ ŋgíŋgye pé ntsɔ́ pwó yé ŋgâ: «Ntsɛɛpɔŋ nyóʼ ywí ne tsɛ́ʼɛ́ Mboʼmvé njʉ́ Zhâŋ kɛ nyóʼ pwó ŋgíŋgye pé nɛ́.» 2Yěsô pɔ́rɔ́ ne pɔ́b ŋgâ: «Ŋkhoʼyɛ́ puŋ ntsɛ́ʼɛ́ Mboʼmvé nɛ́, puŋ nsó ŋgâ:
Tɛd ya,
Ŋgyɛ́ ŋkɔŋɔ ŋɔŋ náá zé ŋɔŋ wɛ́ a wo nɛ́,
Ŋgyɛ́ Nofɔŋ wo kʉ́yó!
3Fɛ́ mɔ́b pɛ a zɔŋɔ ne psi ŋkɔŋɔ tó zhyémvé náá nɛ́!
4Máʼ vɔ̌no ndɔ́ɔ́ ywí, njʉ́ psi máʼá yé pɔŋ pɛ́ pɔ́b vɔ̌no mbəb psi nɛ́!
Kii pó mbzyɛ́ ŋgâ kəpɔŋ kpɛ́ʼɛ́ ywí!»
Ŋɔŋ wɛ́ a psirí nɛ́, a ntsɛ́ʼɛ́
5Yěsô máʼ yɔŋ fuʼno ne pɔ́b ŋgâ: «A pɛ́ɛ́ yɛ́ wo ghú ywoʼ sɔŋ wo ne ghəghóʼŋgɔŋ, ntsɔ́ pwó yé ŋgâ: “Sɔ́ŋ ya, tsɔ́ʼ ya ne ntʉ́ʼ mbré yíkyéd, 6ŋkyé ŋgâ cyó sɔ́ŋ ya páŋ ŋkhoʼyɔŋ, mə mbé tséʼé mɔ́b pɛ́ a ndzɔ́ nɛ́ po!” 7Sɔ́ŋ wo pɔ́rɔ́ ndzó ndzyě ndáb yé ŋgâ: “Tee ya fwóme! Mə kɛ fûŋ ntswěndáb ya, psi yɛ́ pɔŋ páá kɛ núnú. Tɛɛmbɛ mə mbé ŋǎ syé ne fɛ́ne mbré pwó wo pó.” 8Mə sə́ŋɛ́ wúŋ kpaʼ sísíŋ, Mbéyɛ́ a ŋǎ syé ŋkyé ŋgâ wo sɔ́ŋ yé nɛ́ pó, mbǒ a ŋǎ syé fɛ́ ŋkɔŋɔ yɔ́b yɛ́ wo zɔŋɔ náá nɛ́ pwó wo! ŋkyé ŋgâ mbəb wo tsě ne mvírine pó.
(Mat 7:7-11)
9A zhyɛ́ yéré mə ntsɔ́ ne puŋ ŋgâ: Puŋ yɔ́ŋ, pé kʉ́yó fɛ́ ne puŋ. Puŋ ntaʼ, puŋ kʉ́yó ntsɛ́ʼɛ́. Puŋ kɔ́b, pé kʉ́yó ntsɔ́ʼɔ́ ne puŋ. 10Ŋkyé ŋgâ ŋɔŋ wɛ́ a yɔ́ŋ nɛ́, ntsɛ́ʼɛ́, ŋɔŋ wɛ́ a ntáʼ nɛ́, njʉ́, ŋɔŋ wɛ́ a kɔ́b nɛ́, pé kʉ́yó ntsɔ́ʼɔ́ pwó yé. 11A wɛ́rɛ́ tɛd ndzɔ́ʼɔ́ puŋ wɛ́ tɛɛmbɛ a fɛ́ nɔ́ pwó Mɔ́ŋ yé, ŋkhoʼyɛ́ a psírí ndíí ssó pwó yé nɛ́? 12Kii ŋgâ Mbéyɛ́ a psírí pɔ́b nɛ́, a fɛ̌ máŋgaasyé pwó yé? 13Puŋ pɛ́ puŋ pukəpɔŋ, ndzɛ́ fɛ́ mɔ́b sʉ́ʼʉ pwó pɔ́ŋ puŋ nɛ́, ŋkɛyikɔ́ ne Tɛd wɛ́ a pépéé nɛ́! Á kʉ́yó fɛ́ Zhʉye Yáŋme pwó pɔŋ pɛ́ pɔ́b psirɛ́ pwó yé nɛ́!»
Yěsô fáʼa ne tʉ̌ŋ Bɛɛzebʉlə pó
(Mat 9:32-34; 12:22-30; Máá 3:22-27)
14A kɛ pé taʼ zhyémvé, Yěsô zú zhʉye móʼ mbəb taʼ ŋɔŋ. Njʉ́ zhʉye kəpɔŋ kɛ twɔ́ mbəb yé nɛ́, a ndzyě ntsóne no. No tsɛ́ɛ́ pɔŋ zááme pɛ́ pɔ́b kɛ pɛ́ yóʼó nɛ́. 15Ntsʉʼmbé pecyó pɔŋ nsó ŋgâ: «Á Bɛɛzebʉlə, ntsɛ́ssó pɛ zhʉye kəpɔŋ, fɛ́ tʉ̌ŋ pwó Yěsô ŋgâ a zú pɛ zhʉye kəpɔŋ núŋ.» 16Pecyó pɔŋ, ne mkpeʼene wé kɛ́ɛ́ pwó yé ŋgâ a nyóʼ taʼ kiŋi yɛ́ a twɔ́ pépéé nɛ́.
17Ntsʉʼmbé Yěsô zé kpaŋátó yɔ́b, ntsɔ́ ne pɔ́b ŋgâ: «Ŋkhoʼyɛ́ pɔŋ taʼ ŋgɔŋ tsé máʼ ntsɔ̂ tsé tsɛrɛ pɔ́b nɛ́, mbǒ ŋgɔŋ wéré mbwó, pɛ ndáb ŋkubɛ ndúŋú pecyó 18Puŋ ntsɔ́ ŋgâ: “Á fɛ́ Bɛɛzebʉlə fɛ́ tʉ̌ŋ ne mo, mə zú pɛ zhʉye kəpɔŋ.” Á nyoʼ ŋgâ Sátaŋ máʼ ntsɔ pú tómbəb yé. Tɛ ŋgɔŋ wéré ntsó níŋ? 19A pɛ́ɛ́ yɛ́ a fɛ́ Bɛɛzebʉlə fɛ́ tʉ̌ŋ ne mo ne nzəyune zhʉye kəpɔŋ núŋ nɛ́, mbǒ sɔŋ puŋ zú yɔ́b zhʉye kəpɔŋ pé ne kɔ́? A náʼá mbɛ sɔŋ puŋ mbɛ ghaŋásábáfiʼ puŋ. 20Ntsʉʼmbé a pɛ́ɛ́ yɛ́ mə zú zhʉye kəpɔŋ pe ne tʉ̌ŋ Mboʼmvé nɛ́, mbǒ Nofɔŋ Mboʼmvé kʉ́yó nɛ́ tɛ mbɛ́rɛ́ wúŋ! 21Ŋkhoʼyɛ́ taʼ ŋgáŋ tʉ̌ŋ tsé mvibɛ vǎ ywoʼ yé ne ŋgɛ́d nɛ́, tɛ ŋɔŋ pé kébe yɔ́b yé pó. 22Ntsʉʼmbé a pɛ́ɛ́ yɛ́ ŋɔŋ wɛ́ a ntsɛ́ɛ́ wé nɛ́ kʉ́yó máʼ ndzɔ̂ wé nɛ́, mbǒ a ndɔ́ɔ́ ŋkɔŋɔ mwɔ̌ntsɔ̂ pɛ́ a ghɛ́ɛ́ a ntíí ndzɔʼ yé ndúŋú náá nɛ́, mbó ŋgɔbɔ mɔ́b pé náá. 23Ŋɔŋ wɛ́ psi yé tə́b kpee nsěnyi nɛ́ pó, á ŋgáŋ ŋgaŋakəpeŋé ya. Ŋɔŋ wɛ́ a ghebe ya ne ntéréne pɔŋ nɛ́ pó, saŋ wɔ́b saŋ.»
Zhʉye kəpɔŋ pó ŋkhú
(Mat 12:43-45)
24Yěsô pó nsó ŋgâ: «Ŋkhoʼyɛ́ taʼ zhʉye kəpɔŋ twɔ́ mbəb ŋɔŋ nɛ́, a kérɛ ŋgʉ́ ndzó pɛ kɔ́ɔ́zəbé, ntáʼa ywoʼ yɛ́ a núŋɔ́ tó yé nɛ́. Njʉ́ a kiʼi mbé zhʉ́ nɛ́ pó, á nsó ŋgâ: “Mə mbɔ́rɔ́ ndzəb ndáb mo, ndzó ywoʼ yɛ́ mə ŋǎ nɛ́.” 25A pɛ yɛ́ a pod ndzəb njʉ́ ŋgâ ndáb zhʉyóme mbó mbé ntsuŋúme nɛ́, 26mbǒ a ghú, ntáʼá zhʉye kəpɔŋ pesambáá pɛ́ pɔ́b pʉ́ʉ́ ntsɛ́ɛ́ wé nɛ́. Pɔ́b ŋkhú, shʉʼɛ́ mbəb ŋɔŋ wéré, tsómvé yé pó mbʉʉ tsɛ́ɛ́ njʉ́ a mbě mbé nɛ́.»
Mbéne sʉ́ʼʉ pwó pɔŋ pɛ́ pɔ́b zóʼ nsó Mboʼmvé nɛ́
27Ŋkhoʼyɛ́ Yěsô kɛ nsó kɛ́ʼɛ́ nɛ́, taʼ məŋgʉ́yé ŋkʉ́rʉ́ ndzəb yé ndzɔ́ʼɔ́ pɔŋ nsó pwó yé ŋgâ: «Mbéne sʉ́ʼʉ pwó məŋgʉ́yé wɛ́ a ŋkyɛ́ wo pfɔ̂ yé mbó núŋu ne púŋ yé nɛ́.» 28Ntsʉʼmbé Yěsô pɔ́rɔ́ pwó yé ŋgâ: «Mbéne sʉ́ʼʉ pɛ́ɛ́ pwó pɔŋ pɛ́ pɔ́b zóʼó nsó Mboʼmvé mbó nyi ndúŋú nɛ́!»
Kiŋi Mɔ́ŋ ŋɔŋ
(Mat 12:38-42)
29Ŋkhoʼyɛ́ pɔŋ kɛ kʉ́yó pfúŋɔ́ Yěsô zááme nɛ́, a ntsɔ́ ne pɔ́b ŋgâ: «Pumésɔŋ ndúŋú yɔŋ Kerɛmvé pʉ́ʉ́ ŋgaʼ. Pɔ́b psírí taʼ kiŋi. Pɔ́b ntsʉ́ʼ ŋgɛ náʼá mbé zhʉ́ taʼ kiŋi fáá yé Ywǎnisə pó. 30Njʉ́ Ywǎnisə kɛ pé taʼ kiŋi pwó mbéŋgɔŋ Ninivə nɛ́, Mɔ́ŋ ŋɔŋ ké náʼá mbɛ taʼ kiŋi pwó mvémvé ŋkhoʼyɔŋ. 31Zhyémve yɛ́ Mboʼmvé kʉ́yó sábáfiʼ mvémvé nɛ́, a ŋǎ fɔŋ məŋgʉ́yé ŋgɔŋ Sába sɔbɔ́ pumve yɔŋ, ŋkyé ŋgâ, a kɛ twɔ́ taŋasesɛ ne ndzóʼne nsó zɛ́ no tswée fɔŋ Salomɔŋ. Ntsʉ́ʼŋgɛmbɛ ŋɔŋ pɛ ghaŋ ntsɛ́ɛ́ fɔŋ Salomɔŋ. 32Zhyémvé yɛ́ Mboʼmvé kʉ́yó sábáfiʼ mvémvé nɛ́, a ŋǎ mbéŋgɔŋ Ninivə sɔbɔ́ pumve yɔŋ. Ŋkyé ŋgâ pɔ́b kɛ zóʼ cʉrí Ywǎnisə, séd mbziʼe yɔ́b. Tsʉʼ ŋgɛ́ɛ́ ŋɔŋ pɛ ghaŋ ntsɛ́ɛ́ Ywǎnisə.»
Mbzítíí wo lámbo mbəb yo
(Mat 5:15; Máá 4:21; Lúk 8:16)
33Yěsô ké mbó nsó ŋgâ: «Pé ndɛ mbé nə́bɛ́ lámbo ntíí ndzó ywoʼɔ zhíbɛ pó. Pé ndɛ ntíí ndúŋú tswə́d kɛ́ʼɛ́ ŋgâ pɔŋ pɛ pɔ́b ŋkúŋɔ ndáb nɛ́, pɔ́b zhʉ́ ndáŋne mé.
(Mat 6:22-23)
34Mbzítíí wo lámbo mbəb yo. Ŋkhoʼyɛ́ mbzítíí wo sʉ́ʼʉ nɛ́, ŋkɔŋɔ mbəb wo náá ké mbɛ ndáŋne. Ntsʉʼmbé a pɛ́ɛ́ yɛ́ mbzítíí wo tsé ndzúʼú wo nɛ́, mbǒ ŋkɔŋɔ mbəb wo náá ké mbɛɛ ndzɔ́ʼɔ́ ndzə́ndzə́b. 35Kpeʼe zhʉ́ Mbéyɛ́ ŋkaʼ mɔ́ɔ́ wɛ́ a mbəb wo nɛ́, a ndzə́ndzə́b nɛ́ po! 36A pɛ́ɛ́ yɛ́ ŋkɔŋɔ mbəb wo náá ndzɔ́ʼɔ́ ndáŋne kii tɔʼ nɛ́, mbǒ a ké ghɛmbɛ́ ndzɔ́ʼɔ́ ndáŋne njʉ́ lámbo yáŋ, ŋkyáʼ wo nɛ́.»
Yěsô fiʼɛ́ pɛ Farízya pwɛ ghaŋákeʼekaŋ
(Mat 23:4, 6-7, 13, 25-27, 29-31, 34-36)
37Ŋkhoʼyɛ́ Yěsô kɛ mee nsó yé nɛ́, taʼ ŋɔŋ Farízya fú wé ŋgâ pú yé ghú ywoʼ yé ndzó mɔ́b. Yěsô ŋkúŋɔ ndáb yé, ghɔ́rɔ́ syé. 38No ntsɛ́ɛ́ ŋɔŋ Farízya njʉ́ Yěsô kɛ ntáʼá ndzɔ́ mɔ́b kii gbǎ nse nɛ́.
39Ntsɛɛpɔŋ ntsɔ́ pwó yé ŋgâ: «Puŋ pɛ Farízya, puŋ kʉyě sǒne mbəb ndɔŋ pwɛ pfúŋɔ́ káŋ. Ntsʉʼŋgɛmbɛ kəghoʼ pwɛ pʉ́ʉ́pfob yuŋɔ ndzó ndzɔʼ yuŋ! 40Pɛ kiitó! Ŋɔŋ wɛ́ a teŋé ŋgɔb nɛ́, a ké mbé teŋé yé nteŋé ndzyě yé pɔɔ? 41Puŋ fɛ́ yɔ́b yɛ́ a twɔ́ ndzó ndzɔʼ yuŋ nɛ́ ne shʉ́. Kɛ́ʼɛ́ ŋgâ ŋkɔŋɔ yɔ́b náá pé yáŋme ne puŋ.
42Ndɔŋ tó puŋ, pɛ Farízya. Puŋ yɔ́ɔ́ taʼ yé ndúŋú vwɔ́ ŋkɔŋɔ mɔ́b puŋ náá, kaʼatɛ mbáŋá ndúŋú mwɔ́tsiŋɛ pwɛ mɔ́b ŋgááne fɛ́ pwó Mboʼmvé. Ntéé yɛ́ puŋ mbɛ ŋgerɛ́ŋged mbó kʉyě Mboʼmvé nɛ́. A yɔŋ Mbéyɛ́ puŋ ŋgɛ ŋgyɛ́ nɛ́, kii zhǐ yiŋ. 43Ndɔŋ tó puŋ, pɛ Farízya, puŋ pɛ́ puŋ kʉyě ŋgǒdne ndzó sɔ́ ywoʼ ndzó pɛ ndántéré pɛ Yuda, mbó kʉyě ŋgâ pé tsɛ́ʼɛ́ wúŋ ne ŋgúʼune tétáá nɛ́. 44Ndɔŋ tó puŋ ŋkyé ŋgâ puŋ pɛ̌ njʉ́ pɛ sye pɛ pe kiŋi nɛ́ pó, pɔŋ nyi ndúŋú kii zé nɛ́!»
45Taʼ ŋɔŋ ndzɔ́ʼɔ́ ghaŋákeʼekaŋ ntsɔ́ pwó Yěsô ŋgâ: «Kéʼeyáŋ, wo ntsɔ́ kɛ́ʼɛ́ kémbó ntǒ zhí ywoʼ» 46Yěsô pod ŋgâ: «Ndɔŋ tó puŋ, mbɛ puŋ ghaŋákeʼekaŋ, ŋkyé ŋgâ puŋ ntii peʼ tédme tó pɔŋ, kii tɛɛmbɛ pǔŋ naʼ ndzyě ŋgébɛ wɔ́b núŋ! 47Ndɔŋ tó puŋ, puŋ pɛ́ puŋ ntɛŋɛ sye ghaŋátsɔ́kpaŋató Mboʼmvé pɛ tɛd puŋ kɛ nɔʼ nɛ́! 48Kɛ́ʼɛ́ puŋ nyóʼ ŋgâ puŋ yé tɛd puŋ tséʼé taʼ tswée, pɔ́b nɔʼɔ ghaŋátsɔ́kpaŋató Mboʼmvé, pǔŋ ntɛŋɛ syé! 49Á zhyɛ́ yéré, tómbəb Mboʼmvé ndzɔ́ʼɔ́ Zɛ́no yé, gháá: “Mə kʉ́yó twɔ́ ghaŋátsɔ́kpaŋató ya pwɛ ghaŋántɔ́b páá ne pɔ́b. Pɔ́b nɔʼ pecyó, mbó nzáá pecyó ne ŋgəʼo”. 50Pé náʼá mvirɛ nsə ŋkɔŋɔ ghaŋátsɔ́kpaŋató Mboʼmvé pɛ́ pé kɛ pfed, féré njʉ́ Mboʼmvé kɛ núŋ mvé yé nɛ́, pwó Kerɛmvé yɔŋ. 51Ndzyěne ndúŋú nsə Abɛl, tɛ mbáŋá ndúŋú nsə Sakalya wɛ́ a kɛ pfɔ́ tsé tsɛrɛ ywoʼɔ́shʉ́ pú ywoʼɔ́ze nɛ́. Ɔ́ŋɔ́, mə ntsɔ́ ne puŋ ŋgâ Mboʼmvé kʉ́yó mvirɛ́ Kerɛmvé yɔŋ núŋ! 52Ndɔŋ tó puŋ ghaŋákeʼekaŋ! Puŋ pɛ́ puŋ kpê kí zɛ́ no nɛ́. Ŋkɔ́ʼɔ́tómbəb yuŋ, puŋ ŋkúŋɔ po! Pɔŋ pɛ pɔ́b zɔŋɔ ŋkúŋɔ nɛ́ puŋ naŋa wɔ́b.»
53Ŋkhoʼyɛ́ Yěsô kɛ ŋǎ yóʼó nɛ́, ghaŋákeʼekaŋ pwɛ pɛ Farízya ndzyě ne mbǎŋne wé, tsé fɛ́rɛ́ wé ne nsó, ne ndzóʼne pɔ́rɔ́ nsó ndúŋú meno zááme. 54Mvérɛ wé, kɛ́ʼɛ́, ndɔ́ɔ́ pɔ́rɔ́ nsó yé ne ŋkɔʼyɛɛ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល