Zhâŋ 1
1
Yěsô Kristo ŋkaʼ mɔ́ɔ́ wɛ́ a twɔ́ pwó Mboʼmvé nɛ́
1A kɛ ghɛ́ mbɛ́ ne ndzyě mvé, mbǒ Nsó kɛ pě mbé,
Nsó wéré pé pú Mboʼmvé. Nsó wéré kɛ ghaŋá mbɛɛ Mboʼmvé.
2A kɛ pɛ́ ne ndzyě yé néré, a pé pú Mboʼmvé
3Ŋkɔŋɔ yɔ́b náá kɛ záʼá pwó yé mbɔ́rɔ́ mbɛ,
Cyó yɔ́b yɛ́ a kɛ pe kii ke ndzáʼá pwó yé nɛ́, ghú pó.
4Tsómvé kɛ pɛ́ɛ́ pwó yé.
Tsómvé yéré pé ŋkaʼmɔ́ɔ́ pwó pumésɔŋ.
5Ŋkaʼmɔ́ɔ́ kyaʼa ndzɔ́ʼɔ́ ndzə́ndzə́b,
Ndzə́ndzə́b pó mbé psyɛ́#1:5 Mbzyɛne ghaŋ kaʼa ndzɔŋɔ ntsɔ́ɔ́ ŋgâ ŋgəhine. wé pó.
6Taʼ ŋɔŋ kɛ pɛ́ yóʼó, a twɔ́ Mboʼmvé twɔ́ wé. Tíí yé pé Zhâŋ.
7A kɛ kʉ́yó njʉ́ mkpêntáŋ nɛ́, ne kpêne táŋ ŋkaʼmɔ́ɔ́, kɛ́ʼɛ́ ŋgâ ŋkɔŋɔ pɔŋ náá yâ mbəb yé, tséʼé psyɛ́ndzɔʼ.
8A kɛ pe pɛ́ɛ́ ŋkaʼmɔ́ɔ́ pó, ntsʉʼmbé a kɛ ghɛ́ mbɛ̂ mkpêtáŋ ŋkaʼmɔ́ɔ́.
9Nsó wéré kɛ pé ndáá ŋkaʼmɔ́ɔ́, wɛ́ a kɛ kʉ́yó mvé pe ne kyáʼane ŋkɔŋɔ pumésɔŋ náá nɛ́.
10A kɛ pɛ́ mvé.
Mvé pó ŋgɛmbɛ, ndzáʼá pwó yé.
Ntsʉʼmbé mvémvé pe zí wé pó.
11A kʉ́yó kpaʼ yóʼó pɔŋ pé,
Pɔŋ pé pe ghəyɛ́ wé pó.
12Ntsʉ́ʼmbɛ ne pɔŋ pɛ́ pɔ́b ghəyɛ́ wé nɛ́, mbó ndǎ ne tíí yé tséʼé psyɛ́ndzɔʼ nɛ́, a fɛ́ tʉ̌ŋ ne pɔ́b ne mbéne pɔ́ŋ Mboʼmvé. 13Pɔ́b tsʉʼ pɔ́ŋ Mboʼmvé pé njʉ́ ŋumbzí pú məŋgʉ́yé ndɛ kʉ́yé mvɛ́ Mɔ́ŋ nɛ́ pó. Kii a pó kʉ́yé tómbəb yɔ́b, kii a pó tsiŋɛ ŋɔŋ tsiŋɛ wɔ́b. Ntsʉʼmbé, a kʉyě Mboʼmvé.
14Nsó wéré kɛ séd ntsúʼ ŋumesɔŋ,
Ntsó tsetsɛrɛ piŋi,
Foʼ ndzəndzoʼ pú no sísíŋ yúŋɔ́ ndzó ndzɔʼ yé,
Piŋi zhʉ́ ghɛ́ɛ́ yé.
Ghɛ́ɛ́ wéré twɔ́ pwó Mboʼmvé, yé wɛ́ a Tɛd yé. Mbé ghɛ́ɛ́ wɛ́ Mboʼmvé kɛ fɛ́ pwó kʉ́yé Mɔ́ŋ yé nɛ́.
15Zhâŋ kpě ntáŋ yé, ncʉ́rɛ́ ŋgâ:
«Yɔŋ ŋɔŋ wɛ́ mə kɛ nsó ŋgâ, ŋɔŋ ndzəb mo tsé ŋkʉ́yó, wɛ́ a kɛ kpɛ́ɛ́ síŋ mo kɔ́ŋ mə mbɔ́rɔ́ ŋkʉ́yó nɛ́, ŋkyé ŋgâ mə kɛ ghɛmbɛ, mbǒ a kɛ pě mbé.»
16A kɛ yɔ́ɔ́ pǔndzɔʼ zááme yɛ́ a tséʼé nɛ́, fɛ́ foʼndzəndzóʼ núŋ pwó ŋkɔŋɔ wíŋi náá kɛɛ kɛɛ kaʼatɛ,
17Njʉ́ Mboʼmvé kɛ zaʼa pwó Mǔsê fɛ́ kaŋ nɛ́, foʼndzəndzoʼ ne no sísíŋ ke ndzáʼá pwó Yěsô Kristo.
18Ŋɔŋ kâ kɛ zhʉ́ Mboʼmvé pó. Ntsʉʼmbé a zhyɛ́ kʉ́yé Mɔ́ŋ yé wɛ́ a Mboʼmvé, ŋgɛmbɛ pfuŋɔ yé nɛ́, piŋi zɛ́ wé.
No yɛ́ Zhâŋ kɛ nsó ŋkyé Yěsô nɛ́
(Mat 3:1-12; Máá 1:2-8; Lúk 3:15-17)
19A kɛ pe taʼ zhyémve, pɛ ntsɛ́ssó pɛ Yúda ndzó mbɛ́lʉ́ŋ Yerʉ́salɛm, twɔ́ ghaŋáshʉ́ pwɛ pɛ Levitə ŋgâ pɔ́b ghú mbzírɛ́ Zhâŋ ŋgâ: «Wo wɔ́?» Yɔŋ no yɛ́, a kɛ mkpêntáŋ yé, nsó nɛ́. 20A kɛ nsó yáŋme siŋi ŋkɔŋɔ pɔŋ náá, ŋgâ: «A mo mbé Kristo pó.» 21Pɔ́b po mbzírɛ́ wé ŋgâ: «Wo wɔ́ nɛ́? Wo kɛ́ʼɛ́ mbɛɛ Elya?» A pód ŋgâ: «Mə yé pó.» Pɔ́b psírɛ́ wé ŋkʉ́rʉ́ ŋgâ: «Wo kɛ́ʼɛ́ mbé ŋgaŋatsɔ́kpaŋató Mboʼmvé wɛ́ pé tsé ndzwəʼɛ nɛ́?» A pód ŋgâ: «Ɔ̌ŋwɔ̂.» 22Pɔ́b nsó nɛ́ pwó yé ŋkhoʼyɔŋ ŋgâ: «Tɛ wo wɔ́ nɛ́? Psi ghú fɛ́ pód pwó pɔŋ pɛ pɔ́b twɔ́ ywí nɛ́! Wo tsɔ́ yo ne tómbəb wo ŋgâ wo wɔ́?» 23A nsó ŋgâ: «Mə ndzəb ŋɔŋ wɛ́ a ghéʼe ghúŋkwéʼé nɛ́. Mə ntsɔ́ɔ́ ŋgâ: “Puŋ tsúŋú mɛndɔ́b Ntsɛɛpɔŋ”, njʉ́ ŋgaŋatsɔ́kpaŋató Mboʼmvé Ezaya kɛ nsó nɛ́.» 24A kɛ ghɛ́ mbɛ pɔŋ pɛ́ pé kɛ twɔ́ nɛ́ pé pɛ Farízya. 25Pɔ́b ké mbó mbzírɛ́ wé psírí ŋkʉ́rʉ́ ŋgâ: «Mbéyɛ́ wo Kristo pó, mbé pé Elya pó, ké mbó mbé pé ŋgaŋatsɔ́kpaŋató Mboʼmvé wɛ́ pé tsé ndzwəʼɛ́ nɛ́ pó, tɛ a zhyɛ́ kɔ́ wo fɛ́ kpênse?» 26Zhâŋ pɔ́rɔ́ ne pɔ́b ŋgâ: «Mo, mə fɛ́ kpênse ne puŋ pe ne nse. Ntsʉʼmbé, taʼ ŋɔŋ tsetsɛrɛ puŋ wɛ́ puŋ zɛ́ wé nɛ́ pó. 27A tsé ŋkʉ́yó ndzəb mo. Mə mbó mbé kúʼɔ́ ne ŋkěne kpǐtɔ́kpee mé pó.» 28Meno pe ké nɛ́ kɛ záʼá Betáni, ne yiŋi ndzáʼ nse Zhuudɛŋ, ndzó ywoʼ yɛ́ Zhâŋ kɛ fɛ́ kpênse pwó pɔŋ nɛ́.
Yěsô mɔ́ŋmvó njʉyǐnjʉyî Mboʼmvé
29Keemvé, Zhâŋ zhʉ́ njʉ́ Yěsô kɛ kʉ́yó pfuŋ yé nɛ́. A nsó ŋgâ: «Yɔŋ mɔ́ŋvó njʉyǐnjʉyî wɛ́ Mboʼmvé túbú kəpɔŋ pumésɔŋ nuŋ nɛ́. 30No yɛ́ mə mbě ntsɔ́ ŋgâ: “mə ŋgɛ́ kʉ́yó ŋɔŋ kpɛ́ɛ́ síŋ mo, ŋkyé ŋgâ mə ŋgɛ mbɛ mbǒ a kɛ pê mbé” nɛ́, mə mbě ntsɔ́ ŋkyé pé yé. 31Ŋkɔʼ tómbəb ya, mə kɛ pé zɛ́ wé pó. Mə kɛ kʉ́yó ne fɛ́ne kpênse kɛ́ʼɛ́ ŋgâ pɔ́ŋ Issayɛ yâ ndúŋú, ndzɛ́ wé.» 32Zhâŋ kɛ kpě ntáŋ yé ntsɔ́ ŋgâ: «Mə njʉ́ Zhʉye Mboʼmvé shʉyí njʉ́ fɔŋzɔ́tsaʼ ndɛ shʉ́yí nɛ́, kúŋɔ́ mbəb yé. 33Mə kɛ pé zɛ́ wé pó, ntsʉʼmbé ŋɔŋ wɛ́ a kɛ twɔ́ ya ne fɛ́ne kpênse nɛ́, a kɛ nsó yé ne mo ŋgâ: “Ŋɔŋ wɛ́ wo njʉ́ Zhʉye shʉ́yí kuŋɔ mbəb yé nɛ́, a ŋɔŋ wɛ́ a fɛ́ kpênse pe ne Zhʉye Yáŋme nɛ́.” 34Ghɛmbɛ́ ne mo, mə njʉ́. Mə kiʼi ntsɔ̂ yéré pwó poŋ ŋgâ, a yé mbé Mɔ́ŋ Mboʼmvé.»
Sɔ́ ŋgíŋgye yé Yěsô
35Keemvé, Zhâŋ pwɛ ŋgíŋgye pé pépáá ké mbó ntsɛ́ ndzó ywoʼ yɛ́ pɔ́b mbě nse nɛ́. 36Yěsô tsé ndzáʼá, a túŋ míí mé mbəb yé, nsó ŋgâ: «Yɔŋ mɔ́ŋmvó njʉyǐnjʉyî Mboʼmvé.» 37ŋgíŋgye pépáá pɛ zóʼó njʉ́ a kɛ nsó kɛ́ʼɛ́ nɛ́, ndzɔ́ŋɔ Yěsô. 38Yěsô séd mbəb yé, njʉ́ ŋgâ pɔ́b kɛ tsé ndzɔ́ŋɔ wé. A tsɔ́ ne pɔ́b ŋgâ: «Puŋ táʼá kɔ́?» Pɔ́b pód ŋgâ: «Rábi kee ntsi yé pé ŋgâ Kéʼeyáŋ, wo tsó pɛ́ɛ́?» 39A tsɔ́ ne pɔ́b ŋgâ: «Puŋ kʉ́yó, njʉ́.» Pɔ́b ghú nɛ́, njʉ́ ywoʼ yɛ́ a kɛ tsó nɛ́. Pɔ́b tsó pfuŋ yé ne yéré zhyémve. A kɛ ghɛmbɛ a pe ywɔ́ nab yíkwa kɛ́ʼɛ́.
40Andéré mɔ́ŋmɛ́ Símo Pětro kɛ pé taʼ ŋɔŋ ndzɔ́ʼɔ́ pɔŋ pépáá pɛ́ pɔ́b kɛ zóʼ no yɛ́ Zhâŋ kɛ nsó, ndzɔŋɔ Yěsô nɛ́. 41A kɛ ghɛ́ ntsɔ́ pwó cyó ŋɔŋ, mbê ŋgú njʉ́ kpaʼ mɔ́ŋmɛ́ yé Símo ntsɔ́ pwó yé ŋgâ: «Psi zhʉ́ Kristo! ŋkee tsi pe ŋgâ, ŋɔŋ wɛ́ Mboʼmvé ntsɔ́ʼ mbó núʼ nɛ́.» 42A yɔ́ɔ́ wé pú yé kʉ́yó pfúŋɔ́ Yěsô. Yěsô tíŋɛ wé túŋɔ mbəb yé, ntsɔ́ pwó yé ŋgâ: «Wo Símo, Mɔ́ŋ Zhâŋ. Pe fú wo ne Kefasə.» Nkéé ntsi yé pé ŋgâ Pětro#1:42 Kéétsi Pětro pɛ́ɛ́ ŋgâ ŋgɔʼ ne nsó pɛ Grɛkə..
43Keemvé, Yěsô tsíí ŋgâ a ŋgú ndzó pɛ́rɛ́ ŋgɔŋ Galílya. A zhʉ́ Filipo, ntsɔ́ pwó yé ŋgâ: «Cʉ́ʼɔ́ ndzəb mo.» 44Filipo kɛ pé ŋɔŋ Betsayida, mbé mbɛ́lʉ́ŋ yɛ́ Andéré pú Pětro kɛ twɔ́ ndzó nɛ́. 45A ghú njʉ́ Natanayɛlə, ntsɔ́ pwó yé ŋgâ: «Ŋɔŋ wɛ́ kaŋ Mǔsê pwɛ ŋwéʼe pɛ ghaŋátsɔ́kpaŋató Mboʼmvé kɛ ntsɔ́ nɛ́, psi zhʉ́ wé: a Yěsô, Mɔ́ŋ Yesə́b, ŋɔŋ Nǎzarɛd.» 46Natanayɛlə pɔ́rɔ́ pwó yé ŋgâ: «Ŋɔŋ Nǎzarɛd yɔ́ɔ́! Tɛɛmbɛ yɔ́b sʉ́ʼʉ twɔ́ Nǎzarɛd?» Filipo ntsɔ́ pwó yé ŋgâ: «Kʉ́yó, njʉ́.» 47Ŋkhoʼyɛ́ Natanayɛlə kɛ tsé kʉ́yó pfúŋɔ́ Yěsô nɛ́, Yěsô tiŋɛ́ wé ntsó ŋgâ: «Yɔŋ ndáá ŋɔŋ Issayɛ wɛ́ cyó ŋgɔ́b ndzó ndzɔʼ yé nɛ́ pó.» 48Natanayɛlə psírɛ́ wé ŋgâ: «Wo ze ya pɛ́ɛ́?» Yěsô pɔ́rɔ́ pwó yé ŋgâ: «Filipo ghɛ́ fú wo ntsǐ figye, mə njʉ́ wo.» 49Natanayɛlə nsó ŋgâ: «Rábi, wo Mɔ́ŋ Mboʼmvé, wo fɔŋ Issayɛ.» 50Yěsô pɔ́rɔ́ pwó yé ŋgâ: «ŋkyé ŋgâ mə nsó ŋgâ mə njʉ́ wo tsǐ figye nɛ́, wo psyɛ́. Wo náʼá njʉ́ pecyó meno kəkweʼé pɛ́, a ntsɛ́ɛ́ pɔŋ nɛ́.» 51A pó mvíí ŋgâ: «Kpaʼ sísíŋ, mə sɔ́ŋɔ́ wúŋ ŋgâ pǔŋ njʉ́ pépéé ŋáʼ. Pɛ aŋgere Mboʼmvé shʉ́yí mbəb Mɔ́ŋ ŋɔŋ mbó ŋkɔʼɔ pépéé.»
ទើបបានជ្រើសរើសហើយ៖
Zhâŋ 1: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Zhâŋ 1
1
Yěsô Kristo ŋkaʼ mɔ́ɔ́ wɛ́ a twɔ́ pwó Mboʼmvé nɛ́
1A kɛ ghɛ́ mbɛ́ ne ndzyě mvé, mbǒ Nsó kɛ pě mbé,
Nsó wéré pé pú Mboʼmvé. Nsó wéré kɛ ghaŋá mbɛɛ Mboʼmvé.
2A kɛ pɛ́ ne ndzyě yé néré, a pé pú Mboʼmvé
3Ŋkɔŋɔ yɔ́b náá kɛ záʼá pwó yé mbɔ́rɔ́ mbɛ,
Cyó yɔ́b yɛ́ a kɛ pe kii ke ndzáʼá pwó yé nɛ́, ghú pó.
4Tsómvé kɛ pɛ́ɛ́ pwó yé.
Tsómvé yéré pé ŋkaʼmɔ́ɔ́ pwó pumésɔŋ.
5Ŋkaʼmɔ́ɔ́ kyaʼa ndzɔ́ʼɔ́ ndzə́ndzə́b,
Ndzə́ndzə́b pó mbé psyɛ́#1:5 Mbzyɛne ghaŋ kaʼa ndzɔŋɔ ntsɔ́ɔ́ ŋgâ ŋgəhine. wé pó.
6Taʼ ŋɔŋ kɛ pɛ́ yóʼó, a twɔ́ Mboʼmvé twɔ́ wé. Tíí yé pé Zhâŋ.
7A kɛ kʉ́yó njʉ́ mkpêntáŋ nɛ́, ne kpêne táŋ ŋkaʼmɔ́ɔ́, kɛ́ʼɛ́ ŋgâ ŋkɔŋɔ pɔŋ náá yâ mbəb yé, tséʼé psyɛ́ndzɔʼ.
8A kɛ pe pɛ́ɛ́ ŋkaʼmɔ́ɔ́ pó, ntsʉʼmbé a kɛ ghɛ́ mbɛ̂ mkpêtáŋ ŋkaʼmɔ́ɔ́.
9Nsó wéré kɛ pé ndáá ŋkaʼmɔ́ɔ́, wɛ́ a kɛ kʉ́yó mvé pe ne kyáʼane ŋkɔŋɔ pumésɔŋ náá nɛ́.
10A kɛ pɛ́ mvé.
Mvé pó ŋgɛmbɛ, ndzáʼá pwó yé.
Ntsʉʼmbé mvémvé pe zí wé pó.
11A kʉ́yó kpaʼ yóʼó pɔŋ pé,
Pɔŋ pé pe ghəyɛ́ wé pó.
12Ntsʉ́ʼmbɛ ne pɔŋ pɛ́ pɔ́b ghəyɛ́ wé nɛ́, mbó ndǎ ne tíí yé tséʼé psyɛ́ndzɔʼ nɛ́, a fɛ́ tʉ̌ŋ ne pɔ́b ne mbéne pɔ́ŋ Mboʼmvé. 13Pɔ́b tsʉʼ pɔ́ŋ Mboʼmvé pé njʉ́ ŋumbzí pú məŋgʉ́yé ndɛ kʉ́yé mvɛ́ Mɔ́ŋ nɛ́ pó. Kii a pó kʉ́yé tómbəb yɔ́b, kii a pó tsiŋɛ ŋɔŋ tsiŋɛ wɔ́b. Ntsʉʼmbé, a kʉyě Mboʼmvé.
14Nsó wéré kɛ séd ntsúʼ ŋumesɔŋ,
Ntsó tsetsɛrɛ piŋi,
Foʼ ndzəndzoʼ pú no sísíŋ yúŋɔ́ ndzó ndzɔʼ yé,
Piŋi zhʉ́ ghɛ́ɛ́ yé.
Ghɛ́ɛ́ wéré twɔ́ pwó Mboʼmvé, yé wɛ́ a Tɛd yé. Mbé ghɛ́ɛ́ wɛ́ Mboʼmvé kɛ fɛ́ pwó kʉ́yé Mɔ́ŋ yé nɛ́.
15Zhâŋ kpě ntáŋ yé, ncʉ́rɛ́ ŋgâ:
«Yɔŋ ŋɔŋ wɛ́ mə kɛ nsó ŋgâ, ŋɔŋ ndzəb mo tsé ŋkʉ́yó, wɛ́ a kɛ kpɛ́ɛ́ síŋ mo kɔ́ŋ mə mbɔ́rɔ́ ŋkʉ́yó nɛ́, ŋkyé ŋgâ mə kɛ ghɛmbɛ, mbǒ a kɛ pě mbé.»
16A kɛ yɔ́ɔ́ pǔndzɔʼ zááme yɛ́ a tséʼé nɛ́, fɛ́ foʼndzəndzóʼ núŋ pwó ŋkɔŋɔ wíŋi náá kɛɛ kɛɛ kaʼatɛ,
17Njʉ́ Mboʼmvé kɛ zaʼa pwó Mǔsê fɛ́ kaŋ nɛ́, foʼndzəndzoʼ ne no sísíŋ ke ndzáʼá pwó Yěsô Kristo.
18Ŋɔŋ kâ kɛ zhʉ́ Mboʼmvé pó. Ntsʉʼmbé a zhyɛ́ kʉ́yé Mɔ́ŋ yé wɛ́ a Mboʼmvé, ŋgɛmbɛ pfuŋɔ yé nɛ́, piŋi zɛ́ wé.
No yɛ́ Zhâŋ kɛ nsó ŋkyé Yěsô nɛ́
(Mat 3:1-12; Máá 1:2-8; Lúk 3:15-17)
19A kɛ pe taʼ zhyémve, pɛ ntsɛ́ssó pɛ Yúda ndzó mbɛ́lʉ́ŋ Yerʉ́salɛm, twɔ́ ghaŋáshʉ́ pwɛ pɛ Levitə ŋgâ pɔ́b ghú mbzírɛ́ Zhâŋ ŋgâ: «Wo wɔ́?» Yɔŋ no yɛ́, a kɛ mkpêntáŋ yé, nsó nɛ́. 20A kɛ nsó yáŋme siŋi ŋkɔŋɔ pɔŋ náá, ŋgâ: «A mo mbé Kristo pó.» 21Pɔ́b po mbzírɛ́ wé ŋgâ: «Wo wɔ́ nɛ́? Wo kɛ́ʼɛ́ mbɛɛ Elya?» A pód ŋgâ: «Mə yé pó.» Pɔ́b psírɛ́ wé ŋkʉ́rʉ́ ŋgâ: «Wo kɛ́ʼɛ́ mbé ŋgaŋatsɔ́kpaŋató Mboʼmvé wɛ́ pé tsé ndzwəʼɛ nɛ́?» A pód ŋgâ: «Ɔ̌ŋwɔ̂.» 22Pɔ́b nsó nɛ́ pwó yé ŋkhoʼyɔŋ ŋgâ: «Tɛ wo wɔ́ nɛ́? Psi ghú fɛ́ pód pwó pɔŋ pɛ pɔ́b twɔ́ ywí nɛ́! Wo tsɔ́ yo ne tómbəb wo ŋgâ wo wɔ́?» 23A nsó ŋgâ: «Mə ndzəb ŋɔŋ wɛ́ a ghéʼe ghúŋkwéʼé nɛ́. Mə ntsɔ́ɔ́ ŋgâ: “Puŋ tsúŋú mɛndɔ́b Ntsɛɛpɔŋ”, njʉ́ ŋgaŋatsɔ́kpaŋató Mboʼmvé Ezaya kɛ nsó nɛ́.» 24A kɛ ghɛ́ mbɛ pɔŋ pɛ́ pé kɛ twɔ́ nɛ́ pé pɛ Farízya. 25Pɔ́b ké mbó mbzírɛ́ wé psírí ŋkʉ́rʉ́ ŋgâ: «Mbéyɛ́ wo Kristo pó, mbé pé Elya pó, ké mbó mbé pé ŋgaŋatsɔ́kpaŋató Mboʼmvé wɛ́ pé tsé ndzwəʼɛ́ nɛ́ pó, tɛ a zhyɛ́ kɔ́ wo fɛ́ kpênse?» 26Zhâŋ pɔ́rɔ́ ne pɔ́b ŋgâ: «Mo, mə fɛ́ kpênse ne puŋ pe ne nse. Ntsʉʼmbé, taʼ ŋɔŋ tsetsɛrɛ puŋ wɛ́ puŋ zɛ́ wé nɛ́ pó. 27A tsé ŋkʉ́yó ndzəb mo. Mə mbó mbé kúʼɔ́ ne ŋkěne kpǐtɔ́kpee mé pó.» 28Meno pe ké nɛ́ kɛ záʼá Betáni, ne yiŋi ndzáʼ nse Zhuudɛŋ, ndzó ywoʼ yɛ́ Zhâŋ kɛ fɛ́ kpênse pwó pɔŋ nɛ́.
Yěsô mɔ́ŋmvó njʉyǐnjʉyî Mboʼmvé
29Keemvé, Zhâŋ zhʉ́ njʉ́ Yěsô kɛ kʉ́yó pfuŋ yé nɛ́. A nsó ŋgâ: «Yɔŋ mɔ́ŋvó njʉyǐnjʉyî wɛ́ Mboʼmvé túbú kəpɔŋ pumésɔŋ nuŋ nɛ́. 30No yɛ́ mə mbě ntsɔ́ ŋgâ: “mə ŋgɛ́ kʉ́yó ŋɔŋ kpɛ́ɛ́ síŋ mo, ŋkyé ŋgâ mə ŋgɛ mbɛ mbǒ a kɛ pê mbé” nɛ́, mə mbě ntsɔ́ ŋkyé pé yé. 31Ŋkɔʼ tómbəb ya, mə kɛ pé zɛ́ wé pó. Mə kɛ kʉ́yó ne fɛ́ne kpênse kɛ́ʼɛ́ ŋgâ pɔ́ŋ Issayɛ yâ ndúŋú, ndzɛ́ wé.» 32Zhâŋ kɛ kpě ntáŋ yé ntsɔ́ ŋgâ: «Mə njʉ́ Zhʉye Mboʼmvé shʉyí njʉ́ fɔŋzɔ́tsaʼ ndɛ shʉ́yí nɛ́, kúŋɔ́ mbəb yé. 33Mə kɛ pé zɛ́ wé pó, ntsʉʼmbé ŋɔŋ wɛ́ a kɛ twɔ́ ya ne fɛ́ne kpênse nɛ́, a kɛ nsó yé ne mo ŋgâ: “Ŋɔŋ wɛ́ wo njʉ́ Zhʉye shʉ́yí kuŋɔ mbəb yé nɛ́, a ŋɔŋ wɛ́ a fɛ́ kpênse pe ne Zhʉye Yáŋme nɛ́.” 34Ghɛmbɛ́ ne mo, mə njʉ́. Mə kiʼi ntsɔ̂ yéré pwó poŋ ŋgâ, a yé mbé Mɔ́ŋ Mboʼmvé.»
Sɔ́ ŋgíŋgye yé Yěsô
35Keemvé, Zhâŋ pwɛ ŋgíŋgye pé pépáá ké mbó ntsɛ́ ndzó ywoʼ yɛ́ pɔ́b mbě nse nɛ́. 36Yěsô tsé ndzáʼá, a túŋ míí mé mbəb yé, nsó ŋgâ: «Yɔŋ mɔ́ŋmvó njʉyǐnjʉyî Mboʼmvé.» 37ŋgíŋgye pépáá pɛ zóʼó njʉ́ a kɛ nsó kɛ́ʼɛ́ nɛ́, ndzɔ́ŋɔ Yěsô. 38Yěsô séd mbəb yé, njʉ́ ŋgâ pɔ́b kɛ tsé ndzɔ́ŋɔ wé. A tsɔ́ ne pɔ́b ŋgâ: «Puŋ táʼá kɔ́?» Pɔ́b pód ŋgâ: «Rábi kee ntsi yé pé ŋgâ Kéʼeyáŋ, wo tsó pɛ́ɛ́?» 39A tsɔ́ ne pɔ́b ŋgâ: «Puŋ kʉ́yó, njʉ́.» Pɔ́b ghú nɛ́, njʉ́ ywoʼ yɛ́ a kɛ tsó nɛ́. Pɔ́b tsó pfuŋ yé ne yéré zhyémve. A kɛ ghɛmbɛ a pe ywɔ́ nab yíkwa kɛ́ʼɛ́.
40Andéré mɔ́ŋmɛ́ Símo Pětro kɛ pé taʼ ŋɔŋ ndzɔ́ʼɔ́ pɔŋ pépáá pɛ́ pɔ́b kɛ zóʼ no yɛ́ Zhâŋ kɛ nsó, ndzɔŋɔ Yěsô nɛ́. 41A kɛ ghɛ́ ntsɔ́ pwó cyó ŋɔŋ, mbê ŋgú njʉ́ kpaʼ mɔ́ŋmɛ́ yé Símo ntsɔ́ pwó yé ŋgâ: «Psi zhʉ́ Kristo! ŋkee tsi pe ŋgâ, ŋɔŋ wɛ́ Mboʼmvé ntsɔ́ʼ mbó núʼ nɛ́.» 42A yɔ́ɔ́ wé pú yé kʉ́yó pfúŋɔ́ Yěsô. Yěsô tíŋɛ wé túŋɔ mbəb yé, ntsɔ́ pwó yé ŋgâ: «Wo Símo, Mɔ́ŋ Zhâŋ. Pe fú wo ne Kefasə.» Nkéé ntsi yé pé ŋgâ Pětro#1:42 Kéétsi Pětro pɛ́ɛ́ ŋgâ ŋgɔʼ ne nsó pɛ Grɛkə..
43Keemvé, Yěsô tsíí ŋgâ a ŋgú ndzó pɛ́rɛ́ ŋgɔŋ Galílya. A zhʉ́ Filipo, ntsɔ́ pwó yé ŋgâ: «Cʉ́ʼɔ́ ndzəb mo.» 44Filipo kɛ pé ŋɔŋ Betsayida, mbé mbɛ́lʉ́ŋ yɛ́ Andéré pú Pětro kɛ twɔ́ ndzó nɛ́. 45A ghú njʉ́ Natanayɛlə, ntsɔ́ pwó yé ŋgâ: «Ŋɔŋ wɛ́ kaŋ Mǔsê pwɛ ŋwéʼe pɛ ghaŋátsɔ́kpaŋató Mboʼmvé kɛ ntsɔ́ nɛ́, psi zhʉ́ wé: a Yěsô, Mɔ́ŋ Yesə́b, ŋɔŋ Nǎzarɛd.» 46Natanayɛlə pɔ́rɔ́ pwó yé ŋgâ: «Ŋɔŋ Nǎzarɛd yɔ́ɔ́! Tɛɛmbɛ yɔ́b sʉ́ʼʉ twɔ́ Nǎzarɛd?» Filipo ntsɔ́ pwó yé ŋgâ: «Kʉ́yó, njʉ́.» 47Ŋkhoʼyɛ́ Natanayɛlə kɛ tsé kʉ́yó pfúŋɔ́ Yěsô nɛ́, Yěsô tiŋɛ́ wé ntsó ŋgâ: «Yɔŋ ndáá ŋɔŋ Issayɛ wɛ́ cyó ŋgɔ́b ndzó ndzɔʼ yé nɛ́ pó.» 48Natanayɛlə psírɛ́ wé ŋgâ: «Wo ze ya pɛ́ɛ́?» Yěsô pɔ́rɔ́ pwó yé ŋgâ: «Filipo ghɛ́ fú wo ntsǐ figye, mə njʉ́ wo.» 49Natanayɛlə nsó ŋgâ: «Rábi, wo Mɔ́ŋ Mboʼmvé, wo fɔŋ Issayɛ.» 50Yěsô pɔ́rɔ́ pwó yé ŋgâ: «ŋkyé ŋgâ mə nsó ŋgâ mə njʉ́ wo tsǐ figye nɛ́, wo psyɛ́. Wo náʼá njʉ́ pecyó meno kəkweʼé pɛ́, a ntsɛ́ɛ́ pɔŋ nɛ́.» 51A pó mvíí ŋgâ: «Kpaʼ sísíŋ, mə sɔ́ŋɔ́ wúŋ ŋgâ pǔŋ njʉ́ pépéé ŋáʼ. Pɛ aŋgere Mboʼmvé shʉ́yí mbəb Mɔ́ŋ ŋɔŋ mbó ŋkɔʼɔ pépéé.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល