Zhâŋ 9
9
Yěsô pɛ́d taʼ ffǒme
1Yěsô kɛ ghɛ́ ndzáʼá ndzó cyó ywoʼ, njʉ́ taʼ ŋɔŋ wɛ́ a kɛ twɔ́ pfɔ̂ mɛ́ yé ffǒme nɛ́. 2Ŋgíŋgye pé psírɛ wé ŋgâ: «Rábi, a ndzɔ́ʼɔ́ yé pú tɛd pé, a vǒ wɔ́ mvô no ŋkɔ́ŋ a pɔ́rɔ́ ntwɔ́ pfɔ̂ mɛ́ yé ffǒme?» 3Yěsô pód ŋgâ: «A vǒ yé pó, ké mbé pe tɛd pé pó! Ntsʉʼmbé, yéré pɛ́ɛ́ ŋgâ pe zhʉ́ faʼ Mboʼmvé mbəb yé. 4Njʉ́ ywoʼ kɛ yáŋ nɛ́, a zɔŋɔ ŋgâ piŋi faʼ faʼ ŋɔŋ wɛ́ a twɔ́ ya nɛ́. Netsúʼ tsé ŋkʉ́yó, ŋkhoʼyɛ́ tɛɛmbɛ ŋɔŋ pó mbé faʼ nɛ́ pó. 5Kaʼatɛ mbáŋá ne zhyémve yɛ́ mə ŋáá mvé ghaŋ nɛ́, a mo mbé ŋkaʼmɔ́ɔ́ mvémvé.»
6Njʉ́ Yěsô kɛ nsó néré nɛ́, a tswə́ tə́ syé, ntɔ́b tsətswɔ núŋ, núʼɔ ndúŋú míí ffǒme, 7ntsɔ́ pwó yé ŋgâ: «Ghú sǒ míí mo ndzó ywoʼɔ́ póʼó zháʼá yɛ́ pé fú ne Silo wé nɛ́.» Kee tsi Silowe yéré pɛ́ɛ́ ŋgâ ŋgaŋantɔ́b. Ffǒme ghú yoʼo, sǒ, ŋgɛ ŋkhú, tsé njʉ́ ywoʼ.
8Ffǒme wéré kɛ pe taʼ ndɔ́ŋɔ́, pɛ tɛdfaʼ pe pwɛ pɔŋ pɛ́ pɔ́b kɛ pě njʉ́ wé kɔ́ŋ ŋkhoʼ náá nɛ́, nsó ŋgâ: «Yɔŋ ŋɔŋ wɛ́ a kɛ ghɔrɔ ghiŋ ndɔŋɔ nɛ́ pɔɔ?» 9Pecyó pɔŋ kɛ tsɔ́ ŋgâ: «A kpaʼ yé!» Pecyó ntsɔ́ ŋgâ: «Ngaŋ! A fwɛ́ɛ́ ŋɔŋ fwɛ́ɛ́ wé.» Ntsʉʼmbé, ŋkɔʼɔtómbəb yé tsɔ́ ŋgâ: «A kpaʼ mo!» 10Pɔ́b psirɛ́ wé ŋgâ: «Tɛ mbé néré kɛ́ʼɛ́, míí mó zhyɛ́ níŋ mbɔ́rɔ́ njʉ́ ywóʼ?» 11A pód ŋgâ: «Ŋɔŋ wɛ́ pe fú wé ne Yěsô nɛ́, tɔ́b tsətswɔ núʼɔ ndúŋú míí mé ya, mbó ntsɔ́ ne mo ŋgâ: “Ghǔ Silowe sǒ”. Néré, mə ŋgú yóʼó sǒ, mbó ndzyě ne njʉ́ne ywoʼ.» 12Pɔ́b psirɛ́ wé ŋgâ: «Ŋɔŋ wéré pe pɛɛ?» A pód ŋgâ: «Mə ndzɛ́ ya pó.»
13Pe yɔ́ɔ́ ŋɔŋ wéré wɛ́ a kɛ pe ffǒme nɛ́, ŋgú né yé siŋi pɛ Farízya. 14Yěsô kɛ tɔ́b tsətswɔ ŋgyɛ́ a zhʉ́ ywoʼ kɛ́ʼɛ́ pe taʼ zhyéze pɛ Yuda. 15Pɛ Farízya yɔ́ɔ́ nsó mbzírɛ́ wé mbziʼe njʉ́ a zhyɛ́ mbɔ́rɔ́ njʉ́ ywoʼ nɛ́. A pɔ́rɔ́ ne pɔ́b ŋgâ: «A nuʼ tsətswɔ ndúŋú míí máá, mə sǒ, njʉ́ ywoʼ.» 16Ndzɔ́ʼɔ́ pɛ Farízya, pecyó kɛ tsɔ́ ŋgâ: «Ŋɔŋ wekénɛ́ tsé mbé ŋguʼɔ zhyéze pó. Yéré nyóʼó ŋgâ a twɔ́ Mboʼmvé ntwɔ́ wé pó.» Ntsʉʼ mbé pecyó pó tsɔ́ yɔ́b pe ŋgâ: «Tɛɛmbɛ ŋukəpɔŋ zhyɛ́ níŋ, tséʼé tʉ̌ŋ ne ŋgyɛ̌ne pɛ shʉrɛ́meno kɛ́ʼɛ́!» A kɛ pé néré, nsó ndzóʼ pó mbé pɛ́ tsetsɛrɛ pɔ́b ŋkʉ́rʉ́ pó. 17Néré, pɔ́b ké mbó mbzírɛ́ ffǒme ŋkʉ́rʉ́ ŋgâ: «A ne wo, wo tsɔ́ yo pe ŋgâ kɔ́ ŋkyé ŋɔŋ wɛ́ a zhyɛ́ mii mo zhʉ́ ywoʼ nɛ́?» A pód ŋgâ: «A taʼ ŋgaŋatsɔ́kpaŋató Mboʼmvé.» 18Ntsʉʼmbé, ntsɛ́ssó pɛ Yúda nsó ŋgâ, tɛd pé mbɔŋɔ ké mbé paŋa syé pó, pɔ́b pe psyɛ́ ŋgâ a kɛ pe ffǒme, mbɔ́rɔ́ mbó njʉ́ ywoʼ pó. 19Ŋkhoʼyɛ́ tɛd pe kɛ paŋ nɛ́, pɔ́b psirɛ́ wɔ́b ŋgâ: «kpaʼ sísíŋ ŋgâ ŋɔŋ wɔŋ, a kpaʼ Mɔ́ŋ wúŋ wɛ́ puŋ tsɔ́ ŋgâ a kɛ twɔ́ pfɔ̂ mɛ yé pe ffǒme nɛ́? Tɛ ŋkhoʼyɔŋ kaʼa, a zhyɛ́ níŋ mbɔ́rɔ́ njʉ́ ywoʼ?» 20Tɛd pe pɔ́rɔ́ ne pɔ́b ŋgâ: «Psi zé kpaʼ sísíŋ ŋgâ a kpaʼ Mɔ́ŋ ywí, twɔ́ pfɔ̂ mɛ́ yé pe ffǒme. 21Kii a zhyɛ́ níŋ tsé njʉ́ yóʼó ŋkhoʼyɔŋ, psi zɛ́ zhí pó! kii a zhyɛ́ wɔ́ míí mé tsé njʉ́ ywoʼ? Psi zé pó! Puŋ psirɛ́ wé, a ŋgəkód ne ntsóne no yɛ́ a tiŋɛ́ wé nɛ́.» 22Tɛd pe kɛ tsɔ́ nɛ́ néré ŋkyé ŋgâ, pɔ́b kɛ tsé mbɔɔ pɛ ntsɛ́ssó pɛ Yúda. Ŋkyé ŋgâ a kɛ ghɛmbɛ, pɔ́b tíí ne ndzǔne tsyé ŋɔŋ wɛ́ a psyɛ ŋgâ a Yěsô mbé Kristo nɛ́, ndántéré pɔ́b. 23Yekénɛ́ yɔ́b yɛ́ nɛ́ a kɛ zhyɛ́, tɛd pé nsó ŋgâ: «A kɛ pe ŋgəkód, puŋ psirɛ́ wé» nɛ́.
24Pɛ Farízya zhʉbí fû ŋɔŋ wɛ́ a kɛ pe ffǒme nɛ́, ntsɔ́ pwó ŋgâ: «Nsó no sísíŋ siŋi Mboʼmvé! Psi zɛ́ zhí ŋgâ ŋɔŋ wekénɛ́ taʼ ŋgyɛ no kəpɔŋ.» 25A pɔ́rɔ́ ne pɔ́b ŋgâ: «Mə ndzɛ́ ya Mbéyɛ́ a taʼ ŋgyɛ no kəpɔŋ nɛ́ pó, mə ndzɛ́ ndaʼ taʼ no! Mə kɛ pe ffǒme, a kiʼi ŋgɛmbɛ ne ŋkhoʼyɔŋ, mə tsé njʉ́ ywoʼ.» 26Pɔ́b psirɛ́ wé ŋgâ: «A zhyɛ́ kɔ́ mbəb wo? A zhyɛ́ níŋ míí mo pɔ́rɔ́ zhʉ́ ywoʼ?» 27A pɔ́rɔ́ ne pɔ́b ŋgâ: «Mə kɛ sí náá ne puŋ, ntsʉʼmbé, puŋ ké mbe zóʼ pó! Puŋ ké mbó ndzɔŋɔ ndzóʼó ŋkʉ́rʉ́ ŋkyé kɔ́? A fwɛ̌ njʉ́ ŋkɔʼɔtómbəb yuŋ, puŋ tsé kʉ́yé yuŋ ne mbéne ŋgíŋgye pé nɛ́!» 28Pɛ Farízya ndzyě ne tóne wé, ntsɔ́ ŋgâ: «A wo mbé meŋkhó yé! Ŋgɛmbɛ ne psi, psi pɛ zhí pe ŋgíŋgye Mǔsê. 29Psi zé ŋgâ, Mboʼmvé kɛ nsó no pe pwó Mǔsê. Ŋgɛ khú ne wekénɛ́ ŋɔŋ, psi zɛ́ twɔ́ ndáb mé yé pó.» 30Ŋɔŋ wéré pɔ́rɔ́ ne pɔ́b ŋgâ: «Yekénɛ́ kpaʼ no tsɛɛme yɛ́ nɛ́ a ghaŋásyé mbɛ ndúŋú nɛ́. Puŋ nzɛ́ɛ́ twɔ́ ndáb mé, kii mbé nzé pó, mbǒ a zhyɛ́ yé mə njʉ́ ywoʼ! 31Piŋi zé ŋgâ Mboʼmvé ndɛ mbé zóʼo tséʼé ghaŋázhyɛ́ meno kəpɔŋ pó. Ntsʉʼmbé, a pɛ́ɛ́ yɛ́ taʼ ŋɔŋ niŋi no Mboʼmvé ndzó ndzɔʼ yé, mbó ŋgyɛ́ njʉ́ a zɔŋɔ nɛ́, mbǒ Mboʼmvé ndzóʼó tséʼé yé. 32Pe kǎ kɛ zóʼó ŋgâ cyó ŋɔŋ zhyɛ́, ŋɔŋ wɛ́ a twɔ́ pfwɔ̂ mɛ́ yé ffǒme nɛ́, zhʉ́ ywoʼ pó. 33A ghɛmbɛ a pe twɔ́ Mboʼmvé twɔ́ ŋɔŋ wɔŋ pó, mbǒ a kúʼɔ́ ne ŋgyɛ̌ne cyó no pó.» 34Pɔ́b pód ŋgâ: «Wo ke mbɛ́ɛ́ yɔ́b kəpɔŋ féré njʉ́ pe kɛ pfɛ́ wo nɛ́, ndzɔŋɔ ŋkʉ́yó fɛ́ ntʉ́ʉ́ ne psi!» pɔ́b túbɔ́ wé fɛ́ mvé.
35Yěsô zóʼ ŋgâ pɔ́b kɛ zú wé. A ŋkʉ́yó mbɛ́rɛ́ wé, ntsɔ́ pwó yé ŋgâ: «Wo tséʼé psyɛ́ndzɔʼ ne tíí Mɔ́ŋ Ŋɔŋ?» 36A pód ŋgâ: «Ntsɛɛpɔŋ, a wɔ mbé yé, kaʼatɛ mə tséʼé psyɛ́ndzɔʼ ŋkyé wé?» 37Yěsô pɔ́rɔ́ pwó yé ŋgâ: «Wo zhʉ wé, a tsɔ́ yé nɛ́ kɛ́ʼɛ́ pwó wo.» 38Ŋɔŋ wéré nsó ŋgâ: «Ntsɛɛpɔŋ, mə tséʼé psyɛ́ndzɔʼ ne tíí yo.» Néré a féd kwéʼe mé síŋ yé. 39Yěsô pó nɛ́ nsó ŋgâ: «Mə ŋkʉ́yó ndzó mvé yɔŋ pé ne taʼ sabafiʼ, kɛ́ʼɛ́ ŋgâ pɔŋ pɛ́ pɔ́b tsé mbé zhʉ́ ywoʼ nɛ́ pó, pɔ́b zhʉ́. Pɔŋ pɛ́ pɔ́b kɛ tsé njʉ́ ywoʼ nɛ́, tsʉʼ pɛ ffǒme.» 40Pɛ Farízya pɛ pwɛ pɔ́b kɛ pé nɛ́, zóʼ nsó wéré, ntsɔ́ pwó yé ŋgâ: «Wo kɛ́ʼɛ́ ndzɔŋɔ ntsɔ̌ ŋgâ ŋkɔʼtómbəb zhí, psi ke ghɛmbɛ́ zhí pe pɛ ffǒme?» 41Yěsô pɔ́rɔ́ ne pɔ́b ŋgâ: «A ghɛmbɛ puŋ pɛ́ɛ́ pɛ ffǒme, mbǒ puŋ tséʼé kəpɔŋ pó. Ntsʉʼmbɛ ne ŋkhoʼyɔŋ wɛ́, puŋ tsɔ́ ŋgâ: “Psi tsé njʉ́ ywoʼ nɛ́,” kəpɔŋ wúŋ ke mbɛ́ɛ́ pé.»
ទើបបានជ្រើសរើសហើយ៖
Zhâŋ 9: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Zhâŋ 9
9
Yěsô pɛ́d taʼ ffǒme
1Yěsô kɛ ghɛ́ ndzáʼá ndzó cyó ywoʼ, njʉ́ taʼ ŋɔŋ wɛ́ a kɛ twɔ́ pfɔ̂ mɛ́ yé ffǒme nɛ́. 2Ŋgíŋgye pé psírɛ wé ŋgâ: «Rábi, a ndzɔ́ʼɔ́ yé pú tɛd pé, a vǒ wɔ́ mvô no ŋkɔ́ŋ a pɔ́rɔ́ ntwɔ́ pfɔ̂ mɛ́ yé ffǒme?» 3Yěsô pód ŋgâ: «A vǒ yé pó, ké mbé pe tɛd pé pó! Ntsʉʼmbé, yéré pɛ́ɛ́ ŋgâ pe zhʉ́ faʼ Mboʼmvé mbəb yé. 4Njʉ́ ywoʼ kɛ yáŋ nɛ́, a zɔŋɔ ŋgâ piŋi faʼ faʼ ŋɔŋ wɛ́ a twɔ́ ya nɛ́. Netsúʼ tsé ŋkʉ́yó, ŋkhoʼyɛ́ tɛɛmbɛ ŋɔŋ pó mbé faʼ nɛ́ pó. 5Kaʼatɛ mbáŋá ne zhyémve yɛ́ mə ŋáá mvé ghaŋ nɛ́, a mo mbé ŋkaʼmɔ́ɔ́ mvémvé.»
6Njʉ́ Yěsô kɛ nsó néré nɛ́, a tswə́ tə́ syé, ntɔ́b tsətswɔ núŋ, núʼɔ ndúŋú míí ffǒme, 7ntsɔ́ pwó yé ŋgâ: «Ghú sǒ míí mo ndzó ywoʼɔ́ póʼó zháʼá yɛ́ pé fú ne Silo wé nɛ́.» Kee tsi Silowe yéré pɛ́ɛ́ ŋgâ ŋgaŋantɔ́b. Ffǒme ghú yoʼo, sǒ, ŋgɛ ŋkhú, tsé njʉ́ ywoʼ.
8Ffǒme wéré kɛ pe taʼ ndɔ́ŋɔ́, pɛ tɛdfaʼ pe pwɛ pɔŋ pɛ́ pɔ́b kɛ pě njʉ́ wé kɔ́ŋ ŋkhoʼ náá nɛ́, nsó ŋgâ: «Yɔŋ ŋɔŋ wɛ́ a kɛ ghɔrɔ ghiŋ ndɔŋɔ nɛ́ pɔɔ?» 9Pecyó pɔŋ kɛ tsɔ́ ŋgâ: «A kpaʼ yé!» Pecyó ntsɔ́ ŋgâ: «Ngaŋ! A fwɛ́ɛ́ ŋɔŋ fwɛ́ɛ́ wé.» Ntsʉʼmbé, ŋkɔʼɔtómbəb yé tsɔ́ ŋgâ: «A kpaʼ mo!» 10Pɔ́b psirɛ́ wé ŋgâ: «Tɛ mbé néré kɛ́ʼɛ́, míí mó zhyɛ́ níŋ mbɔ́rɔ́ njʉ́ ywóʼ?» 11A pód ŋgâ: «Ŋɔŋ wɛ́ pe fú wé ne Yěsô nɛ́, tɔ́b tsətswɔ núʼɔ ndúŋú míí mé ya, mbó ntsɔ́ ne mo ŋgâ: “Ghǔ Silowe sǒ”. Néré, mə ŋgú yóʼó sǒ, mbó ndzyě ne njʉ́ne ywoʼ.» 12Pɔ́b psirɛ́ wé ŋgâ: «Ŋɔŋ wéré pe pɛɛ?» A pód ŋgâ: «Mə ndzɛ́ ya pó.»
13Pe yɔ́ɔ́ ŋɔŋ wéré wɛ́ a kɛ pe ffǒme nɛ́, ŋgú né yé siŋi pɛ Farízya. 14Yěsô kɛ tɔ́b tsətswɔ ŋgyɛ́ a zhʉ́ ywoʼ kɛ́ʼɛ́ pe taʼ zhyéze pɛ Yuda. 15Pɛ Farízya yɔ́ɔ́ nsó mbzírɛ́ wé mbziʼe njʉ́ a zhyɛ́ mbɔ́rɔ́ njʉ́ ywoʼ nɛ́. A pɔ́rɔ́ ne pɔ́b ŋgâ: «A nuʼ tsətswɔ ndúŋú míí máá, mə sǒ, njʉ́ ywoʼ.» 16Ndzɔ́ʼɔ́ pɛ Farízya, pecyó kɛ tsɔ́ ŋgâ: «Ŋɔŋ wekénɛ́ tsé mbé ŋguʼɔ zhyéze pó. Yéré nyóʼó ŋgâ a twɔ́ Mboʼmvé ntwɔ́ wé pó.» Ntsʉʼ mbé pecyó pó tsɔ́ yɔ́b pe ŋgâ: «Tɛɛmbɛ ŋukəpɔŋ zhyɛ́ níŋ, tséʼé tʉ̌ŋ ne ŋgyɛ̌ne pɛ shʉrɛ́meno kɛ́ʼɛ́!» A kɛ pé néré, nsó ndzóʼ pó mbé pɛ́ tsetsɛrɛ pɔ́b ŋkʉ́rʉ́ pó. 17Néré, pɔ́b ké mbó mbzírɛ́ ffǒme ŋkʉ́rʉ́ ŋgâ: «A ne wo, wo tsɔ́ yo pe ŋgâ kɔ́ ŋkyé ŋɔŋ wɛ́ a zhyɛ́ mii mo zhʉ́ ywoʼ nɛ́?» A pód ŋgâ: «A taʼ ŋgaŋatsɔ́kpaŋató Mboʼmvé.» 18Ntsʉʼmbé, ntsɛ́ssó pɛ Yúda nsó ŋgâ, tɛd pé mbɔŋɔ ké mbé paŋa syé pó, pɔ́b pe psyɛ́ ŋgâ a kɛ pe ffǒme, mbɔ́rɔ́ mbó njʉ́ ywoʼ pó. 19Ŋkhoʼyɛ́ tɛd pe kɛ paŋ nɛ́, pɔ́b psirɛ́ wɔ́b ŋgâ: «kpaʼ sísíŋ ŋgâ ŋɔŋ wɔŋ, a kpaʼ Mɔ́ŋ wúŋ wɛ́ puŋ tsɔ́ ŋgâ a kɛ twɔ́ pfɔ̂ mɛ yé pe ffǒme nɛ́? Tɛ ŋkhoʼyɔŋ kaʼa, a zhyɛ́ níŋ mbɔ́rɔ́ njʉ́ ywoʼ?» 20Tɛd pe pɔ́rɔ́ ne pɔ́b ŋgâ: «Psi zé kpaʼ sísíŋ ŋgâ a kpaʼ Mɔ́ŋ ywí, twɔ́ pfɔ̂ mɛ́ yé pe ffǒme. 21Kii a zhyɛ́ níŋ tsé njʉ́ yóʼó ŋkhoʼyɔŋ, psi zɛ́ zhí pó! kii a zhyɛ́ wɔ́ míí mé tsé njʉ́ ywoʼ? Psi zé pó! Puŋ psirɛ́ wé, a ŋgəkód ne ntsóne no yɛ́ a tiŋɛ́ wé nɛ́.» 22Tɛd pe kɛ tsɔ́ nɛ́ néré ŋkyé ŋgâ, pɔ́b kɛ tsé mbɔɔ pɛ ntsɛ́ssó pɛ Yúda. Ŋkyé ŋgâ a kɛ ghɛmbɛ, pɔ́b tíí ne ndzǔne tsyé ŋɔŋ wɛ́ a psyɛ ŋgâ a Yěsô mbé Kristo nɛ́, ndántéré pɔ́b. 23Yekénɛ́ yɔ́b yɛ́ nɛ́ a kɛ zhyɛ́, tɛd pé nsó ŋgâ: «A kɛ pe ŋgəkód, puŋ psirɛ́ wé» nɛ́.
24Pɛ Farízya zhʉbí fû ŋɔŋ wɛ́ a kɛ pe ffǒme nɛ́, ntsɔ́ pwó ŋgâ: «Nsó no sísíŋ siŋi Mboʼmvé! Psi zɛ́ zhí ŋgâ ŋɔŋ wekénɛ́ taʼ ŋgyɛ no kəpɔŋ.» 25A pɔ́rɔ́ ne pɔ́b ŋgâ: «Mə ndzɛ́ ya Mbéyɛ́ a taʼ ŋgyɛ no kəpɔŋ nɛ́ pó, mə ndzɛ́ ndaʼ taʼ no! Mə kɛ pe ffǒme, a kiʼi ŋgɛmbɛ ne ŋkhoʼyɔŋ, mə tsé njʉ́ ywoʼ.» 26Pɔ́b psirɛ́ wé ŋgâ: «A zhyɛ́ kɔ́ mbəb wo? A zhyɛ́ níŋ míí mo pɔ́rɔ́ zhʉ́ ywoʼ?» 27A pɔ́rɔ́ ne pɔ́b ŋgâ: «Mə kɛ sí náá ne puŋ, ntsʉʼmbé, puŋ ké mbe zóʼ pó! Puŋ ké mbó ndzɔŋɔ ndzóʼó ŋkʉ́rʉ́ ŋkyé kɔ́? A fwɛ̌ njʉ́ ŋkɔʼɔtómbəb yuŋ, puŋ tsé kʉ́yé yuŋ ne mbéne ŋgíŋgye pé nɛ́!» 28Pɛ Farízya ndzyě ne tóne wé, ntsɔ́ ŋgâ: «A wo mbé meŋkhó yé! Ŋgɛmbɛ ne psi, psi pɛ zhí pe ŋgíŋgye Mǔsê. 29Psi zé ŋgâ, Mboʼmvé kɛ nsó no pe pwó Mǔsê. Ŋgɛ khú ne wekénɛ́ ŋɔŋ, psi zɛ́ twɔ́ ndáb mé yé pó.» 30Ŋɔŋ wéré pɔ́rɔ́ ne pɔ́b ŋgâ: «Yekénɛ́ kpaʼ no tsɛɛme yɛ́ nɛ́ a ghaŋásyé mbɛ ndúŋú nɛ́. Puŋ nzɛ́ɛ́ twɔ́ ndáb mé, kii mbé nzé pó, mbǒ a zhyɛ́ yé mə njʉ́ ywoʼ! 31Piŋi zé ŋgâ Mboʼmvé ndɛ mbé zóʼo tséʼé ghaŋázhyɛ́ meno kəpɔŋ pó. Ntsʉʼmbé, a pɛ́ɛ́ yɛ́ taʼ ŋɔŋ niŋi no Mboʼmvé ndzó ndzɔʼ yé, mbó ŋgyɛ́ njʉ́ a zɔŋɔ nɛ́, mbǒ Mboʼmvé ndzóʼó tséʼé yé. 32Pe kǎ kɛ zóʼó ŋgâ cyó ŋɔŋ zhyɛ́, ŋɔŋ wɛ́ a twɔ́ pfwɔ̂ mɛ́ yé ffǒme nɛ́, zhʉ́ ywoʼ pó. 33A ghɛmbɛ a pe twɔ́ Mboʼmvé twɔ́ ŋɔŋ wɔŋ pó, mbǒ a kúʼɔ́ ne ŋgyɛ̌ne cyó no pó.» 34Pɔ́b pód ŋgâ: «Wo ke mbɛ́ɛ́ yɔ́b kəpɔŋ féré njʉ́ pe kɛ pfɛ́ wo nɛ́, ndzɔŋɔ ŋkʉ́yó fɛ́ ntʉ́ʉ́ ne psi!» pɔ́b túbɔ́ wé fɛ́ mvé.
35Yěsô zóʼ ŋgâ pɔ́b kɛ zú wé. A ŋkʉ́yó mbɛ́rɛ́ wé, ntsɔ́ pwó yé ŋgâ: «Wo tséʼé psyɛ́ndzɔʼ ne tíí Mɔ́ŋ Ŋɔŋ?» 36A pód ŋgâ: «Ntsɛɛpɔŋ, a wɔ mbé yé, kaʼatɛ mə tséʼé psyɛ́ndzɔʼ ŋkyé wé?» 37Yěsô pɔ́rɔ́ pwó yé ŋgâ: «Wo zhʉ wé, a tsɔ́ yé nɛ́ kɛ́ʼɛ́ pwó wo.» 38Ŋɔŋ wéré nsó ŋgâ: «Ntsɛɛpɔŋ, mə tséʼé psyɛ́ndzɔʼ ne tíí yo.» Néré a féd kwéʼe mé síŋ yé. 39Yěsô pó nɛ́ nsó ŋgâ: «Mə ŋkʉ́yó ndzó mvé yɔŋ pé ne taʼ sabafiʼ, kɛ́ʼɛ́ ŋgâ pɔŋ pɛ́ pɔ́b tsé mbé zhʉ́ ywoʼ nɛ́ pó, pɔ́b zhʉ́. Pɔŋ pɛ́ pɔ́b kɛ tsé njʉ́ ywoʼ nɛ́, tsʉʼ pɛ ffǒme.» 40Pɛ Farízya pɛ pwɛ pɔ́b kɛ pé nɛ́, zóʼ nsó wéré, ntsɔ́ pwó yé ŋgâ: «Wo kɛ́ʼɛ́ ndzɔŋɔ ntsɔ̌ ŋgâ ŋkɔʼtómbəb zhí, psi ke ghɛmbɛ́ zhí pe pɛ ffǒme?» 41Yěsô pɔ́rɔ́ ne pɔ́b ŋgâ: «A ghɛmbɛ puŋ pɛ́ɛ́ pɛ ffǒme, mbǒ puŋ tséʼé kəpɔŋ pó. Ntsʉʼmbɛ ne ŋkhoʼyɔŋ wɛ́, puŋ tsɔ́ ŋgâ: “Psi tsé njʉ́ ywoʼ nɛ́,” kəpɔŋ wúŋ ke mbɛ́ɛ́ pé.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល