Zhâŋ 10
10
Fuʼno mbəb mvyébkɛd
1Yěsô pó nsó ŋgâ: «Kpaʼ sísíŋ mə sə́ŋɛ́ wúŋ ŋgâ, ŋɔŋ wɛ́ a záʼá ntswěkaŋ mbɔ́rɔ́ kúŋɔ́ ndzó kaŋ nɛ́ pó, tsʉʼ mbó nné ŋkaŋ nné ywoʼɔ́ ndúŋ ŋkúŋɔ ndzó kaŋ nɛ́, wéré ŋɔŋ ghaŋámvé mbó mbé səbntswee. 2Ntsʉʼmbé ŋɔŋ wɛ́ a záʼá ntswěkaŋ ŋkúŋɔ nɛ́, a yé mbé mvyébkɛd. 3Ŋɔŋ wɛ́ a psyɛbɛ tswěndáb nɛ́, ntsɔ́ʼɔ́ pwó yé. Pɔ́ŋmvó pó ndzóʼó ndzəb yé. Pɔ́ŋmvəhó pɛ a pé nɛ́, a fú mbɛwɔ̂ pe ne tíí, ndɔ́ɔ́ wɔ́b, pú pɔ́b twɔ́. 4Ŋkhoʼyɛ́ a zhyɛ́ pɔ́b twɔ́ náá nɛ́, a nyi síŋ pɔ́b, pɔ́b zɔŋɔ wé ŋkyé ŋgâ pɔ́b zɛ́ ndzəb yé. 5Cyó zhyémve yɛ́ pɔ́b náʼá ndzɔŋɔ ŋɔŋ shʉyɛ̂ nɛ́ ghú pó. Pɔ́b mbó ŋkʉ́yó kí wé kí, ŋkyé ŋgâ pɔ́b zɛ́ ndzəb pǔshʉyɛ̂ pó.» 6Yěsô kɛ ntsó yɔŋ fuʼno ne pɔ́b, ntsʉʼmbé pɔ́b pe zóʼ ywoʼ yɛ́ a kɛ zɔŋɔ ŋgú mbáŋá nɛ́ pó. 7Yěsô pó ntsó ŋkʉ́rʉ́ ŋgâ: «Kpaʼ sísíŋ, mə sə́ŋɛ́ wúŋ, a mo mbé ntswěkaŋ. 8Ŋkɔŋɔ pɔŋ pɛ́ pɔ́b pě ŋkʉ́yó náá kɔ́ŋ mə́ mbɔ́rɔ́ ŋkʉ́yó nɛ́, pɔ́b pɛ́ɛ́ pɛ gháŋagháŋ pwɛ pɛ səb ntswee. Ntsʉʼmbé pɔ́ŋmvó kɛ pé zóʼ ndzəb yɔb pó. 9Mo, mə́ ntswěkaŋ. A pɛ yɛ́ ŋɔŋ záʼá ndzó nɛ́, mbǒ a ŋkʉ́yó ntsɛ́ʼɛ́ ndzǔne. A ŋkʉ́yó twɔ́, ŋkúŋɔ njʉ́ a kʉyě nɛ́, mbó njʉ́ yɔ́b yɛ́ a njʉyí mbəb yé núŋ nɛ́. 10Ghaŋámvé ke ŋkʉ́yó yé pe ndaʼ ne ndzwə̌ne, ne nɔ̌ʼne pú mǎʼne psyé. Mo ya, mə ŋkʉ́yó ŋgâ pumésɔŋ tséʼé ndáá tsómvé, kaʼatɛ yɔ́b pó mbé tsé kǎ ndúŋú pó.
11Mo, mə mvyébkɛd sʉ́ʼʉ. Ndáá mvyébkɛd sʉ́ʼʉ ntee tsómvé yé ŋkyé pɔ́ŋmvó pé. 12Faʼndzɔ́ŋ wɛ́ pɔ́ŋmvó pé nɛ́ pó, yé wɛ́ a mvyébkɛd nɛ́ pó, pé tɛ njʉ́ ntsɔbɔ tsé ŋkʉ́yó, a máʼ pɔ́ŋmvó, kí. Ntsɔbɔ gbáá pecyó, ŋgyɛ́ pfuʼí gbáʼ. 13Ŋkyé ŋgâ a ke ntáʼá ndaʼ mbób yé, pɔ́ŋmvó pé zhʉ́ wé ne cyó yɔ́b pó. 14Mo, mə mvyébkɛd sʉ́ʼʉ, mə zɛ́ pɔ́ŋmvó páá. Pɔ́ŋmvó páá pó ndzɛ ya. 15Njʉ́ Tɛd ya zɛ́ ya, mə ke mbó ndzɛ Tɛd ya nɛ́. Mə ntee tsómvé ya ŋkyé pɔ́ŋmvó páá. 16Mə tséʼé pecyó pɔ́ŋmvó pɛ́, pɔ́b ndzó kaŋ yɔŋ nɛ́ pó. Péré ŋkʉ́rʉ́, a zɔŋɔ ŋgâ mə ké mbó tsyaŋa wɔ́b. Pɔ́b náʼá ndzóʼó ndzəb ya. Néré, pé kʉ́yó tséʼé taʼ kɛd ne taʼ mvyébkɛd. 17Tɛd kʉ́yé ya ŋkyé ŋgâ, mə fɛ́ tsómvé ya kɛ́ʼɛ́ a náʼ mbó fɛ né mo ŋkʉ́rʉ́. 18Mə fɛ́ tsómvé ya pé ne tómbəb ya, a kpě ŋɔŋ ne mo pó. Ntsʉʼmbé a fɛ́ mo ne tómbəb ya. Mə tséʼé tʉ̌ŋ ne fɛ́ne, ké mbó tséʼé tʉ̌ŋ ne kpêne ŋkʉ́rʉ́. Yekénɛ́ no yɛ́ Tɛd ya tsɔ́ ne mo ŋgâ mə ŋgyɛ́ nɛ́.»
19Yěsô kɛ nsó néré, váʼ vɔ́ tsetsɛrɛ pɛ ntsɛ́ssó pɛ Yúda, pɔ́b saŋ ŋkʉ́rʉ́ twɔ́ mvuʼɔ́ yípáá. 20Pɔŋ zááme tsetsɛrɛ pɔ́b nsó ŋgâ: «A zhʉye kəpɔŋ mbəb yé. A tsé mbé kpáŋa tó sʉ́ʼʉ pó, puŋ zóʼo wé ŋkyé kɔ́?» 21Ntsʉʼmbé pecyó pɔŋ nsó ŋgâ: «Yekénɛ́ nsó ŋɔŋ wɛ́ a tséʼé zhʉye kəpɔŋ nɛ́ pó. Tɛɛmbɛ zhʉye kəpɔŋ zhyɛ́ taʼ ffǒme zhʉ́ ywoʼ?»
Pɛ Yuda sirɛ́ Yěsô
22A kɛ pé ŋgabmvé kəpɔŋ. Zhyémve yéré, pé zhyémve yɛ́ pɛ Yuda kɛ zhyɛ́ ndebéne Tsɔ́ʼɔ́ ndámboʼmvé Yerʉ́salɛm. 23Yěsô nyí ferɛ́nda yɛ́ pe kɛ fú né yé Salomɔŋ ndámboʼmvé nɛ́. 24Ntsɛ́ssó pɛ Yúda zhyɛ̂ Yěsô ntɛ́ɛ́, ntsɔ́ pwó yé ŋgâ: «Wo ŋgyɛ́ ntə́ ŋkhú ntswee psi kaʼatɛ mbáŋá ŋkhoʼ kɔ́? A pɛ́ɛ́ yɛ́ wo Kristo nɛ́, wo ghaŋá nsó taʼ kɛɛ ne psi.» 25Yěsô pɔ́rɔ́ ne pɔ́b ŋgâ: «Mə kɛ tsɔ́ ne puŋ, ntsʉʼmbé puŋ pe psyɛ́ pó. Faʼ yɛ́ mə faʼa ne tíí Tɛd ya nɛ́, tsé kpě ntáŋ ya. 26Ntsʉʼmbé puŋ tsé mbé psyɛ́ ya pó ŋkyé ŋgâ puŋ ndzɔ́ʼɔ́ mvó páá pó. 27Mvó páá tsé ndzóʼó ndzəb yá, mə mbó ndzɛ wɔ́b. Pɔ́b pó tsé ndzɔŋɔ ya. 28Ŋgɛ́mbɛ́ ne mo, mə fɛ́ tsómvé ŋeŋáŋ pwó pɔŋ pɛ́ pɔ́b ntsʉʼɔ ndzəb mo, cyó zhyémve yɛ́ pɔ́b náʼá mbwó nɛ́ ghú pó. Ŋɔŋ náʼá kúʼɔ́ ne sáʼane wɔ́b ndzó mbwó máá pó. 29Ŋkyé ŋgâ Tɛd ya wɛ́ a fɛ́ wɔ́b ne mo nɛ́, tséʼé tʉ̌ŋ ntsɛ́ɛ́ ŋkɔŋɔ yɔ́b náá. Cyó ŋɔŋ pó mbé tséʼé tʉ̌ŋ ne sáʼne wɔ́b ndzó mbwó mé pó. 30Mo psi Tɛd ya, psi yé pɛɛ taʼ ŋɔŋ.»
31Njʉ́ a kɛ nsó néré nɛ́, pɛ Yúda péré ké mbó mwê pɛ ŋgɔʼ ŋkʉ́rʉ́ ne ntswɔ́ne wé núŋ, nɔ̌ʼ. 32Ntsʉʼmbé Yěsô ké mbó ndɔ́ɔ́ nsó mvirɛ wɔ́b ŋgâ: «Mə ŋgyɛ́ puŋ zhʉ́ pɛ faʼ sʉ́ʼʉ zááme pɛ́, a kɛ twɔ́ pwó Tɛd nɛ́. Puŋ zɔŋɔ ndáá ndúŋú yɛ́rɛ́, ntswɔ́ ya ne pɛ ŋgɔʼ?» 33Pɛ Yúda pɔ́rɔ́ pwó yé ŋgâ: «A no faʼ sʉ́ʼʉ psi zɔŋɔ ntswɔ́ wo pó, ntsʉʼmbé ŋkyé ntóne tíí Mboʼmvé yɛ́, wo tó nɛ́, ŋkyé ŋgâ wo ŋuŋmesɔŋ mbó fú mbəb wo ne Mboʼmvé.» 34Yěsô pɔ́rɔ́ ne pɔ́b ŋgâ: «A ŋwéʼéme ndzó kaŋ múŋ ŋgâ: “A nsó mo, puŋ pɛ́ mboʼmvé pɔɔ?” 35Piŋi zé ŋgâ tɛɛmbɛ ŋɔŋ pé póó Ŋwéʼe Yáŋme pó. Kaŋ tsʉʼ ŋgyɛ ŋgâ pé fú pɔŋ pɛ́ Mboʼmvé fɛ nsó ye wéré ne pɔ́b nɛ́, né pɛ́ Mboʼmvé. 36A pwó ŋɔŋ wɛ́ Tɛd nǔʼ mbó ntwɔ́ pwó pumésɔŋ nɛ́, puŋ gháá: “Wo too tíí Mboʼmvé”, ŋkyé ŋgâ mə ntsó ŋgâ mə Mɔ́ŋ Mboʼmvé. 37A pɛ́ɛ́ yɛ́ mə tsé mbé faʼa faʼ Tɛd ya nɛ́ pó, kii puŋ ndɛ mbzyɛ́ ya! 38Ntsʉʼmbé a pɛ́ɛ́ yɛ́ mə tsé faʼa, ghɛmbɛ́ njʉ́ puŋ ke mbé psyɛ́ nɛ́ pó, puŋ psyɛ́ faʼ péré. Yânéré kɛ́ʼɛ́ ŋgâ puŋ zé mbó mbzyɛ́ kpaʼ sísíŋ ŋgâ Tɛd ne mo, njʉ́ mə pwó yé nɛ́.» 39Njʉ́ a kɛ pe néré nɛ́, pɔ́b ke mbó ntáʼá ne gbǎne wé ŋkʉ́rʉ́, ntsʉʼmbé a ywʉ́rɔ ndzó mbwó mɔ́b, ŋgú. 40Yěsô pó mbód ndzəb ne yiŋ ndzáʼ nse Zhuudɛŋ, ndzó ywoʼ yɛ́ Zhâŋ kɛ ndzyě fɛ́ kpênse nɛ́, ntsó yé yóʼó. 41Pɔŋ zááme kʉ́yó pfuŋ yé, ntsɔ̂ ŋgâ: «A sísíŋ ŋgâ, Zhâŋ kɛ zhyɛ́ cyó shʉrɛ́no pó. Ntsʉʼmbé ŋkɔŋɔ no yɛ́, a kɛ nsó ŋkyé ŋɔŋ wɔŋ náá nɛ́, sísíŋ.» 42Néré, pɔŋ zááme pɛ́ pɔ́b kɛ pɛ́ yóʼó nɛ́, psyɛ́ wé.
ទើបបានជ្រើសរើសហើយ៖
Zhâŋ 10: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Zhâŋ 10
10
Fuʼno mbəb mvyébkɛd
1Yěsô pó nsó ŋgâ: «Kpaʼ sísíŋ mə sə́ŋɛ́ wúŋ ŋgâ, ŋɔŋ wɛ́ a záʼá ntswěkaŋ mbɔ́rɔ́ kúŋɔ́ ndzó kaŋ nɛ́ pó, tsʉʼ mbó nné ŋkaŋ nné ywoʼɔ́ ndúŋ ŋkúŋɔ ndzó kaŋ nɛ́, wéré ŋɔŋ ghaŋámvé mbó mbé səbntswee. 2Ntsʉʼmbé ŋɔŋ wɛ́ a záʼá ntswěkaŋ ŋkúŋɔ nɛ́, a yé mbé mvyébkɛd. 3Ŋɔŋ wɛ́ a psyɛbɛ tswěndáb nɛ́, ntsɔ́ʼɔ́ pwó yé. Pɔ́ŋmvó pó ndzóʼó ndzəb yé. Pɔ́ŋmvəhó pɛ a pé nɛ́, a fú mbɛwɔ̂ pe ne tíí, ndɔ́ɔ́ wɔ́b, pú pɔ́b twɔ́. 4Ŋkhoʼyɛ́ a zhyɛ́ pɔ́b twɔ́ náá nɛ́, a nyi síŋ pɔ́b, pɔ́b zɔŋɔ wé ŋkyé ŋgâ pɔ́b zɛ́ ndzəb yé. 5Cyó zhyémve yɛ́ pɔ́b náʼá ndzɔŋɔ ŋɔŋ shʉyɛ̂ nɛ́ ghú pó. Pɔ́b mbó ŋkʉ́yó kí wé kí, ŋkyé ŋgâ pɔ́b zɛ́ ndzəb pǔshʉyɛ̂ pó.» 6Yěsô kɛ ntsó yɔŋ fuʼno ne pɔ́b, ntsʉʼmbé pɔ́b pe zóʼ ywoʼ yɛ́ a kɛ zɔŋɔ ŋgú mbáŋá nɛ́ pó. 7Yěsô pó ntsó ŋkʉ́rʉ́ ŋgâ: «Kpaʼ sísíŋ, mə sə́ŋɛ́ wúŋ, a mo mbé ntswěkaŋ. 8Ŋkɔŋɔ pɔŋ pɛ́ pɔ́b pě ŋkʉ́yó náá kɔ́ŋ mə́ mbɔ́rɔ́ ŋkʉ́yó nɛ́, pɔ́b pɛ́ɛ́ pɛ gháŋagháŋ pwɛ pɛ səb ntswee. Ntsʉʼmbé pɔ́ŋmvó kɛ pé zóʼ ndzəb yɔb pó. 9Mo, mə́ ntswěkaŋ. A pɛ yɛ́ ŋɔŋ záʼá ndzó nɛ́, mbǒ a ŋkʉ́yó ntsɛ́ʼɛ́ ndzǔne. A ŋkʉ́yó twɔ́, ŋkúŋɔ njʉ́ a kʉyě nɛ́, mbó njʉ́ yɔ́b yɛ́ a njʉyí mbəb yé núŋ nɛ́. 10Ghaŋámvé ke ŋkʉ́yó yé pe ndaʼ ne ndzwə̌ne, ne nɔ̌ʼne pú mǎʼne psyé. Mo ya, mə ŋkʉ́yó ŋgâ pumésɔŋ tséʼé ndáá tsómvé, kaʼatɛ yɔ́b pó mbé tsé kǎ ndúŋú pó.
11Mo, mə mvyébkɛd sʉ́ʼʉ. Ndáá mvyébkɛd sʉ́ʼʉ ntee tsómvé yé ŋkyé pɔ́ŋmvó pé. 12Faʼndzɔ́ŋ wɛ́ pɔ́ŋmvó pé nɛ́ pó, yé wɛ́ a mvyébkɛd nɛ́ pó, pé tɛ njʉ́ ntsɔbɔ tsé ŋkʉ́yó, a máʼ pɔ́ŋmvó, kí. Ntsɔbɔ gbáá pecyó, ŋgyɛ́ pfuʼí gbáʼ. 13Ŋkyé ŋgâ a ke ntáʼá ndaʼ mbób yé, pɔ́ŋmvó pé zhʉ́ wé ne cyó yɔ́b pó. 14Mo, mə mvyébkɛd sʉ́ʼʉ, mə zɛ́ pɔ́ŋmvó páá. Pɔ́ŋmvó páá pó ndzɛ ya. 15Njʉ́ Tɛd ya zɛ́ ya, mə ke mbó ndzɛ Tɛd ya nɛ́. Mə ntee tsómvé ya ŋkyé pɔ́ŋmvó páá. 16Mə tséʼé pecyó pɔ́ŋmvó pɛ́, pɔ́b ndzó kaŋ yɔŋ nɛ́ pó. Péré ŋkʉ́rʉ́, a zɔŋɔ ŋgâ mə ké mbó tsyaŋa wɔ́b. Pɔ́b náʼá ndzóʼó ndzəb ya. Néré, pé kʉ́yó tséʼé taʼ kɛd ne taʼ mvyébkɛd. 17Tɛd kʉ́yé ya ŋkyé ŋgâ, mə fɛ́ tsómvé ya kɛ́ʼɛ́ a náʼ mbó fɛ né mo ŋkʉ́rʉ́. 18Mə fɛ́ tsómvé ya pé ne tómbəb ya, a kpě ŋɔŋ ne mo pó. Ntsʉʼmbé a fɛ́ mo ne tómbəb ya. Mə tséʼé tʉ̌ŋ ne fɛ́ne, ké mbó tséʼé tʉ̌ŋ ne kpêne ŋkʉ́rʉ́. Yekénɛ́ no yɛ́ Tɛd ya tsɔ́ ne mo ŋgâ mə ŋgyɛ́ nɛ́.»
19Yěsô kɛ nsó néré, váʼ vɔ́ tsetsɛrɛ pɛ ntsɛ́ssó pɛ Yúda, pɔ́b saŋ ŋkʉ́rʉ́ twɔ́ mvuʼɔ́ yípáá. 20Pɔŋ zááme tsetsɛrɛ pɔ́b nsó ŋgâ: «A zhʉye kəpɔŋ mbəb yé. A tsé mbé kpáŋa tó sʉ́ʼʉ pó, puŋ zóʼo wé ŋkyé kɔ́?» 21Ntsʉʼmbé pecyó pɔŋ nsó ŋgâ: «Yekénɛ́ nsó ŋɔŋ wɛ́ a tséʼé zhʉye kəpɔŋ nɛ́ pó. Tɛɛmbɛ zhʉye kəpɔŋ zhyɛ́ taʼ ffǒme zhʉ́ ywoʼ?»
Pɛ Yuda sirɛ́ Yěsô
22A kɛ pé ŋgabmvé kəpɔŋ. Zhyémve yéré, pé zhyémve yɛ́ pɛ Yuda kɛ zhyɛ́ ndebéne Tsɔ́ʼɔ́ ndámboʼmvé Yerʉ́salɛm. 23Yěsô nyí ferɛ́nda yɛ́ pe kɛ fú né yé Salomɔŋ ndámboʼmvé nɛ́. 24Ntsɛ́ssó pɛ Yúda zhyɛ̂ Yěsô ntɛ́ɛ́, ntsɔ́ pwó yé ŋgâ: «Wo ŋgyɛ́ ntə́ ŋkhú ntswee psi kaʼatɛ mbáŋá ŋkhoʼ kɔ́? A pɛ́ɛ́ yɛ́ wo Kristo nɛ́, wo ghaŋá nsó taʼ kɛɛ ne psi.» 25Yěsô pɔ́rɔ́ ne pɔ́b ŋgâ: «Mə kɛ tsɔ́ ne puŋ, ntsʉʼmbé puŋ pe psyɛ́ pó. Faʼ yɛ́ mə faʼa ne tíí Tɛd ya nɛ́, tsé kpě ntáŋ ya. 26Ntsʉʼmbé puŋ tsé mbé psyɛ́ ya pó ŋkyé ŋgâ puŋ ndzɔ́ʼɔ́ mvó páá pó. 27Mvó páá tsé ndzóʼó ndzəb yá, mə mbó ndzɛ wɔ́b. Pɔ́b pó tsé ndzɔŋɔ ya. 28Ŋgɛ́mbɛ́ ne mo, mə fɛ́ tsómvé ŋeŋáŋ pwó pɔŋ pɛ́ pɔ́b ntsʉʼɔ ndzəb mo, cyó zhyémve yɛ́ pɔ́b náʼá mbwó nɛ́ ghú pó. Ŋɔŋ náʼá kúʼɔ́ ne sáʼane wɔ́b ndzó mbwó máá pó. 29Ŋkyé ŋgâ Tɛd ya wɛ́ a fɛ́ wɔ́b ne mo nɛ́, tséʼé tʉ̌ŋ ntsɛ́ɛ́ ŋkɔŋɔ yɔ́b náá. Cyó ŋɔŋ pó mbé tséʼé tʉ̌ŋ ne sáʼne wɔ́b ndzó mbwó mé pó. 30Mo psi Tɛd ya, psi yé pɛɛ taʼ ŋɔŋ.»
31Njʉ́ a kɛ nsó néré nɛ́, pɛ Yúda péré ké mbó mwê pɛ ŋgɔʼ ŋkʉ́rʉ́ ne ntswɔ́ne wé núŋ, nɔ̌ʼ. 32Ntsʉʼmbé Yěsô ké mbó ndɔ́ɔ́ nsó mvirɛ wɔ́b ŋgâ: «Mə ŋgyɛ́ puŋ zhʉ́ pɛ faʼ sʉ́ʼʉ zááme pɛ́, a kɛ twɔ́ pwó Tɛd nɛ́. Puŋ zɔŋɔ ndáá ndúŋú yɛ́rɛ́, ntswɔ́ ya ne pɛ ŋgɔʼ?» 33Pɛ Yúda pɔ́rɔ́ pwó yé ŋgâ: «A no faʼ sʉ́ʼʉ psi zɔŋɔ ntswɔ́ wo pó, ntsʉʼmbé ŋkyé ntóne tíí Mboʼmvé yɛ́, wo tó nɛ́, ŋkyé ŋgâ wo ŋuŋmesɔŋ mbó fú mbəb wo ne Mboʼmvé.» 34Yěsô pɔ́rɔ́ ne pɔ́b ŋgâ: «A ŋwéʼéme ndzó kaŋ múŋ ŋgâ: “A nsó mo, puŋ pɛ́ mboʼmvé pɔɔ?” 35Piŋi zé ŋgâ tɛɛmbɛ ŋɔŋ pé póó Ŋwéʼe Yáŋme pó. Kaŋ tsʉʼ ŋgyɛ ŋgâ pé fú pɔŋ pɛ́ Mboʼmvé fɛ nsó ye wéré ne pɔ́b nɛ́, né pɛ́ Mboʼmvé. 36A pwó ŋɔŋ wɛ́ Tɛd nǔʼ mbó ntwɔ́ pwó pumésɔŋ nɛ́, puŋ gháá: “Wo too tíí Mboʼmvé”, ŋkyé ŋgâ mə ntsó ŋgâ mə Mɔ́ŋ Mboʼmvé. 37A pɛ́ɛ́ yɛ́ mə tsé mbé faʼa faʼ Tɛd ya nɛ́ pó, kii puŋ ndɛ mbzyɛ́ ya! 38Ntsʉʼmbé a pɛ́ɛ́ yɛ́ mə tsé faʼa, ghɛmbɛ́ njʉ́ puŋ ke mbé psyɛ́ nɛ́ pó, puŋ psyɛ́ faʼ péré. Yânéré kɛ́ʼɛ́ ŋgâ puŋ zé mbó mbzyɛ́ kpaʼ sísíŋ ŋgâ Tɛd ne mo, njʉ́ mə pwó yé nɛ́.» 39Njʉ́ a kɛ pe néré nɛ́, pɔ́b ke mbó ntáʼá ne gbǎne wé ŋkʉ́rʉ́, ntsʉʼmbé a ywʉ́rɔ ndzó mbwó mɔ́b, ŋgú. 40Yěsô pó mbód ndzəb ne yiŋ ndzáʼ nse Zhuudɛŋ, ndzó ywoʼ yɛ́ Zhâŋ kɛ ndzyě fɛ́ kpênse nɛ́, ntsó yé yóʼó. 41Pɔŋ zááme kʉ́yó pfuŋ yé, ntsɔ̂ ŋgâ: «A sísíŋ ŋgâ, Zhâŋ kɛ zhyɛ́ cyó shʉrɛ́no pó. Ntsʉʼmbé ŋkɔŋɔ no yɛ́, a kɛ nsó ŋkyé ŋɔŋ wɔŋ náá nɛ́, sísíŋ.» 42Néré, pɔŋ zááme pɛ́ pɔ́b kɛ pɛ́ yóʼó nɛ́, psyɛ́ wé.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល