Zhâŋ 8
8
Məŋgʉ́yé wɛ́ a kɛ púbú ndáá nɛ́
1Yěsô ŋáá yóʼó, ŋkɔ́ʼɔ́ ndúŋú ŋkəŋ nsó vód Oliivə. 2Kpaʼ ne fʉ́ʉ́wáá, a pód ndzəb ndámboʼmvé. Njʉ́ ŋkɔŋɔ pɔŋ náá kɛ ke ŋkʉ́yo ŋkʉ́yó pfúŋɔ́ yé nɛ́, a ghɔ́rɔ́ syé, ndzyě ne fɛ́ne ntʉ́ʉ́ ne pɔ́b. 3Pɛ ghaŋákeʼekaŋ pwɛ pɛ Farízya kʉ́yó ne taʼ məŋgʉ́yé wɛ́ pe gbáá wé a tsé mbubɔ ndáá nɛ́, ntíí wé tsetsɛrɛ pɔŋ. 4Pɔ́b tsɔ́ pwó Yěsô ŋgâ: «Kéʼeyáŋ, psi gbáá məŋgʉ́yé wɔŋ ŋgɛmbɛ a tsé mbubɔ ndáá. 5Mǔsê ŋwéʼɛ́ ndzó kaŋ ŋgâ pe tswɔ́ zhí məŋgʉ́yé wéré pe ne ŋgɔʼ kaʼatɛ a ke pfǒ pfô. Ŋgɛ ŋkhú ne wo, wo tsɔ́ yo pe ŋgâ kɔ́?» 6Pɔ́b kɛ tsɔ́ néré kɛ́ʼɛ́ pe ne mveréne wé, a pé taʼ ŋkɔʼyɛ̂, pɔ́b yáá ndúŋú sɔbɔ wé. Ntsʉʼmbé Yěsô tsúŋú mbəb yé, tsé ntsye mɔ́b syé ne tɔ̂pwó yé. 7Njʉ́ pɔ́b kɛ ke tsiŋɛ wé tsíŋi ne nsó nɛ́, Yěsô púʼú mbəb yé, ntsɔ́ ne pɔ́b ŋgâ: «Ŋɔŋ wɛ́ a ndzɔ́ʼɔ́ puŋ, mbǒ a kâ kɛ vɔ̂ no nɛ́ pó, pé sɔ́ ŋɔŋ ne ntswɔ́ne wé ne ŋgɔʼ.» 8Ŋkhoʼyɛ́ a kɛ nsó néré nɛ́, a tsúŋú mbəb, ké mbó tsé ntsyé mɔ́b syé. 9Ŋkhoʼyɛ́ pɔ́b kɛ zóʼ nsó wéré nɛ́, pɔ́b ke suʼú mbəb yɔ́b pe pɛ mɔʼɔ́ mɔʼɔ́, ŋgú náá. Ndzyěne mbəb pɛ́ pɔ́b kɛ pe ndáá ghəkód nɛ́, kaʼatɛ Yěsô cʉ́ʼɔ́ ne ndúŋ yé. Njʉ́ məŋgʉ́yé wéré kɛ cʉ́ʼɔ́ siŋi ne ndúŋ yé nɛ́, 10Yěsô púʼú mbəb yé, ntsɔ́ pwó yé ŋgâ: «Mɛnde, tɛ pɔ́b yɛ́ náá, ŋɔŋ fûŋ wo pɔɔ?» 11A pód ŋgâ: «Ŋɔŋ pó, kɛ Ntsɛɛpɔŋ.» Yěsô ké mbó ntsɔ́ pwó yé ŋgâ: «Ŋkɔ́ʼɔ́ tómbəb ya, mə fúŋɔ́ wo pó. Ghú, ndɛ náʼá mbó ŋgyɛ́ no kəpɔŋ ŋkʉ́rʉ́.»
A Yěsô mbé ŋkaʼ mɔ́ɔ́ mvémvé
12Yěsô ké mbó tsɔ́ ne pɔ́b ŋkúrʉ́ ŋgâ: «Mə ŋkaʼ mɔ́ɔ́ mvémvé, ŋɔŋ wɛ́ a kʉ́yó ndzəb mo nɛ́, náʼá nyi ndzɔ́ʼɔ́ ndzə́ndzə́b pó. A náʼá ntsɛ́ʼɛ́ ŋkaʼ mɔ́ɔ́ wɛ́ a tyáŋa ŋɔŋ ne tsómvé nɛ́.» 13Néré, pɛ Farízya tsɔ́ pwó yé ŋgâ: «Wo mkpê ntáŋ tómbəb wo, mkpêntaŋ yo wéré, psi psyɛ́ pó.» 14Yěsô pɔ́rɔ́ ne pɔ́b ŋgâ: «A sísíŋ ŋgâ mə mkpê ntáŋ tómbəb ya, tsʉ́ʼ ŋgɛmbɛ mkpêntaŋ ya pe no sísíŋ. Ŋkyé ŋgâ mə ndzɛ́ ywoʼ yɛ́ mə ntwɔ́ nɛ́, mbó ndzé ywoʼ yɛ́ mə ŋgú nɛ́. Ŋgɛ ŋkú ne puŋ, pǔŋ zɛ́ ywoʼ yɛ́ mə ntwɔ́ nɛ́ pó, ké mbó mbé zɛ́ ywoʼ yɛ́ mə ŋgú nɛ́ pó. 15Puŋ ke fiʼɛ pɔŋ pé njʉ́ pumésɔŋ nɛ́. Ŋgɛ ŋkhu ne mo, mə tsé mbé fiʼɛ ŋɔŋ pó. 16Mbó Mbéyɛ́ a zɔŋɔ ŋgâ mə fiʼɛ ŋɔŋ nɛ́, sabáfiʼ ya pɛ́ɛ́ njʉ́ ŋgerɛ́ŋged zɔŋɔ nɛ́, ŋkyé ŋgâ mə mbɛ́ɛ́ ne ndúŋ mo pó. A psi ŋɔŋ wɛ́ a twɔ́ ya nɛ́. 17A ŋwéʼéme ndzó kpaʼ kaŋ múŋ ŋgâ a pɛɛ yɛ́ pɔŋ pépáá mkpê ntáŋ taʼ no nɛ́, mbǒ pé mbzyɛ́. 18Mə mkpê ntáŋ tómbəb ya. Tɛd wɛ́ a twɔ́ ya nɛ́, ké mbó mkpee ntáŋ ya ŋkʉ́rʉ́.» 19Pɔ́b pó mbzirɛ́ wé nɛ́ ŋgâ: «Tɛd wo wéré yɛ́?» Yěsô pód ŋgâ: «Puŋ zé ya pó, ke mbé zé Tɛd ya pó. A ghɛ́ mbɛ puŋ zé ya, mbǒ puŋ ké mbó ndzɛ́ Tɛd ya.» 20A kɛ ghɛ̂ tsɔ́ pɔŋ nsó, ntsɛ́ɛ́ ndzó Ywoʼɔ́ywʉʼɔ́ foʼ, fɛ́ ntʉ́ʉ́ ndámboʼmvé. Ŋɔŋ pé gbáá wé pó, ŋkyé ŋgâ a kɛ ghɛ́mbɛ yé ŋkhoʼ pe kúʼú pó.
Yěsô nsó ŋgâ a ŋgú pfúŋɔ́ Tɛd
21Yěsô ké mbó ntsɔ́ ne pɔ́b ŋkʉ́rʉ́ ŋgâ: «Mə ŋgú, puŋ náʼá ntáʼá ya, ntsʉʼmbé puŋ náʼá ke pfɔ̌ ndzɔ́ʼɔ́ kəpɔŋ wúŋ. Ywoʼ yɛ́ mə ŋgú nɛ́ tɛɛmbɛ puŋ pe ghú pó.» 22Néré, pɛ ntsɛ́ssó pɛ Yúda nsó ŋgâ: «Kpaŋ nɔ́ʼne mbəb yé kɛ́ʼɛ́ mbɛ tó yé, mbziʼe njʉ́ a tsɔ́ ŋgâ: “Ywoʼ yɛ́ mə ŋgú nɛ́, tɛɛmbɛ puŋ pe ghú pó!”» 23Yěsô pɔ́rɔ́ ne pɔ́b ŋgâ: «Puŋ pɛ́ɛ́ pɔŋ ndúŋú tsetsáʼ. Mo, mə mbɛ ya pe ŋɔŋ pépéé. Puŋ pɔŋ mvémvé yɔŋ. Mo, mə mbó pɛ́ɛ́ ya pe ŋɔŋ mvé yɔŋ pó. 24A zhyɛ́ yéré mə ntsɔ́ ne puŋ ŋgâ puŋ ke náʼá pfɔ̌ ndzɔ́ʼɔ́ kəpɔŋ wúŋ. A pɛ́ɛ́ yɛ́ puŋ psyɛ́ ŋgâ a mo mbé ŋɔŋ wɛ́ pe fú ŋgâ Mə Yé nɛ́ pó, puŋ ke náʼá pfɔ̌ ndzɔ́ʼɔ́ kəpɔŋ puŋ.» 25Pɔ́b tsɔ́ pwó Yěsô ŋgâ: «Wo, wo wɔ́?» Yěsô pɔ́rɔ́ ne pɔ́b ŋgâ: «Mə ke mbɛ ŋɔŋ wɛ́ mə ntsɔ́ ne puŋ féré ŋkhoʼ ndzyě yé nɛ́. 26Mbɛ ne no yɛ́ a tíŋɛ wúŋ nɛ́, mə tséʼé meno zááme ne ntsóne ne puŋ, mbɛ ne fiʼne wúŋ ndúŋú. Ntsʉʼmbé ŋɔŋ wɛ́ a twɔ́ ya nɛ́, a ŋɔŋ no sísíŋ. No yɛ́ mə ndzóʼó pwó yé nɛ́, mə ke ncʉ́rɛ yéré pwó pumésɔŋ.» 27Pɔ́b kɛ pe tsé ndzóʼó ŋgâ a kɛ ntsɔ́ɔ́ no Mboʼmvé ne pɔ́b po, yé wɛ́ a Tɛd nɛ́. 28Yěsô pó ntsɔ́ ne pɔ́b ŋgâ: «Ŋkhoʼyɛ́ puŋ ŋkúʼɔ́ Mɔ́ŋ ŋɔŋ nɛ́, puŋ zé ŋgâ, a mo mbé ŋɔŋ wɛ́ pé fú ŋgâ Mə Yé, nɛ́. Mbó ndzé ŋgâ mə ndɛ mbé zhyɛ́ no pe ne tó ya pó, mə ntsɔ́ɔ́ no yɛ́ Tɛd nyóʼó ne mo nɛ́. 29Ŋɔŋ wɛ́ a twɔ́ ya nɛ́, a ke mbɛ psi yé, a tee ya ne ndúŋ mo pó ŋkyé ŋgâ mə ke ŋgyɛ̂ no yɛ́ a pú wé nɛ́.» 30Njʉ́ a kɛ tsɔ́ néré nɛ́, pɔŋ zááme tséʼé psyɛ́ndzɔʼ ne tíí.
Psi pɔŋ ne ndǎndáb Ábraham
31Yěsô tsɔ́ pwó pɛ́ Yúda pɛ pɔ́b kɛ psyɛ́ wé nɛ́ ŋgâ: «A pɛ́ɛ́ yɛ́ puŋ tíí kpee ndúŋú nsó ya nɛ́, mbǒ puŋ ndáá ŋgíŋgye páá. 32Puŋ náʼá ndzɛ no sísíŋ, no sísíŋ túbɔ́ wúŋ ndáb mkpaŋ.» 33Pɔ́b pɔ́rɔ́ pwó yé ŋgâ: «Psi pɔŋ ne ndǎndáb Ábraham. Psi kâ kɛ pɛ mkpaŋ pwó ŋɔŋ pó. A ŋgyɛ́ níŋ wo tsɔ ŋgâ pé túbɔ́ ywí ndáb mkpaŋ?» 34Yěsô pɔ́rɔ́ ne pɔ́b ŋgâ: «Kpaʼ sísíŋ Mə sə́ŋɛ wúŋ ŋgâ, ŋɔŋ wɛ́ a zhyɛ́ no kəpɔŋ nɛ́, á mkpaŋ kəpɔŋ. 35Mkpaŋ ndɛ ke mbé njʉyí ndzɔʼ ndǎ pó. Ŋgɛmbɛ ne Mɔ́ŋ ndǎ, a zhʉyí yé pé yóʼó. 36Mbó Mbéyɛ́ a zhyɛ́ Mɔ́ŋ puŋ ntwɔ́ ndábmkpaŋ nɛ́, mbǒ puŋ ncʉyí ntwɔ́ kpaʼ sísíŋ. 37Mə ndzé ŋgâ puŋ pɔ́ŋ Ábraham. Ntsʉ́ʼ ŋgɛmbɛ́ njʉ́ puŋ tsé mbé zóʼó nsó ya nɛ́ pó, puŋ táʼá ŋgyɛ́ mə pfɔ̂. 38Mo, mə tsɔ́ɔ́ yɔ́b yɛ́ mə njʉ́ pfúŋɔ́ Tɛd ya nɛ́. Ŋgɛ ŋkú ne puŋ, pǔŋ zhyɛ́ yɔ́b yɛ́ puŋ zóʼó pwó tɛd wúŋ nɛ́!» 39Pɔ́b pód ŋgâ: «Á Ábraham mbé tɛd ywí.» Yěsô tsɔ́ ne pɔ́b ŋgâ: «Mbéyɛ́ puŋ pɔ́ŋ Ábraham nɛ́, puŋ faʼ faʼ Ábraham nɛ́. 40A kiʼi mbé puŋ táʼá ŋkhoʼyɔŋ ŋgyɛ́ ŋgâ mə pfɔ̂. Mo, wɛ́ mə nsó no sísíŋ yɛ́ mə ndzóʼó pwó Mboʼmvé nɛ́. No yɛ́ Ábraham kɛ pe zhyɛ́ nɛ́ pó. 41Ntsʉʼmbé puŋ faʼa faʼ tɛd wúŋ.» Pɔ́b ntsɔ́ pwó yé ŋgâ: «Pe máʼá sakhə mvɛ́ ywí pó! Psi ke ntsɛ́ʼɛ́ ndaʼ taʼ Tɛd, a pé Mboʼmvé!» 42Yěsô tsɔ́ ne pɔ́b ŋgâ: «A ghɛ́mbɛ Mboʼmvé pe Tɛd wúŋ, mbǒ puŋ kʉyě ya, ŋkyé ŋgâ mə twɔ́ pwó Mboʼmvé kʉ́yó kaʼa. Mə ŋkʉ́yó ne tó ya pó. A twɔ́ yé twɔ́ ya. 43A zhyɛ́ kɔ́ puŋ pé tsé ndzóʼó ndzəb nsó ya pɔɔ? ŋkyé ŋgâ puŋ kúʼɔ́ ne ndzóʼne nsó ya pó. 44Puŋ ndáá pɔ́ŋ tɛd wúŋ, Sátaŋ. Puŋ ke kʉyě ne ŋgyɛ̌ne no yɛ́ tɛd wúŋ zɔŋɔ nɛ́. A kɛ pɛ ne ndzyě, a ke niŋɛ ndzó ndzɔʼ yé pe ŋgâ a ŋkʉ́yó ŋgyɛ́ pumésɔŋ pfɔ̂. A kâ kɛ tsɔ no sísíŋ pó, ŋkyé ŋgâ a zɛ́ yɔ́b yɛ no sísíŋ yéré nɛ́ pó. Mbwɔ́ yɛ́ a ntsɔ́ nɛ́, a twɔ̌ ndzɔ́ʼɔ́ foʼ yé, ŋkyé ŋgâ a ŋgaŋa mbwɔ́ mbó mbé tɛd mbwɔ́. 45Ŋgɛmbɛ ne mo, a zhyɛ́ no yɛ́ mə ntsɔ́ɔ no sísíŋ nɛ́, puŋ pé tsé mbzyɛ́ ya pó. 46A wɔ́ ndzɔ́ʼɔ́ puŋ wɛ́ tɛɛmbɛ a nyóʼ ŋgâ mə ŋgyɛ́ no kəpɔŋ nɛ́? A pɛ́ɛ́ yɛ́ mə ntsɔ no sísíŋ nɛ́, a zhyɛ́ kɔ́ puŋ pe tsé mbzyɛ́ ya pɔɔ? 47Ŋɔŋ wɛ́ a ŋɔŋ Mboʼmvé nɛ́, zóʼó nsó Mboʼmvé. A zhyɛ́ no yɛ́ puŋ pǔmboʼmve nɛ́ pó, puŋ pé tsé ndzóʼó ya pó.» 48Pɛ Yúda pɔ́rɔ́ pwó Yěsô ŋgâ: «A no sísíŋ njʉ́ psi tsɔ́ ŋgâ wo ŋɔŋ Samari, zhʉye kəpɔŋ pó mbɛ mbəb wo, nɛ́!» 49Yěsô pɔ́rɔ́ ne pɔ́b ŋgâ: «Ngaŋ, zhʉye kəpɔŋ mbəb mo pó, ntsʉʼmbé mə ŋguʼɔ Tɛd ya. Ŋgɛ ŋkhú ne puŋ, puŋ tsé ŋkɔɔ ndɔŋ ya! 50Mə tsé mbé táʼá ghɛ́ɛ́ ya ŋkɔŋ pó. Taʼ Ŋɔŋ yóʼó tsé fɛ́ ghɛ́ɛ́ ne mo. A pó tséé yé nsê fiʼ. 51Kpaʼ sísíŋ, mə sə́ŋɛ́ wúŋ ŋgâ, a pɛ́ɛ́ ŋɔŋ zóʼ nsó ya, tíí kpee yé ndúŋú nɛ́, mbǒ a náʼá pfɔ̂ pó.» 52Pɛ Yúda péré tsɔ́ pwó yé ŋgâ: «Psi zé ŋkhoʼyɔŋ ŋgâ zhʉye kəpɔŋ mbəb wo. Ábraham kɛ pfɔ̂, ghaŋátsɔ́kpaŋató Mboʼmvé ke mbó pfɔ́ yɔ́b. Wo pó ntsɔ́ ŋgâ: “Mbéyɛ́ ŋɔŋ tíí kpee ndúŋú nsó ya nɛ́, a náʼá mbé zɛ́ yɔ́b yɛ́ pe fú ne vó nɛ́ pó, ŋkyé kɔ́.” 53Wo kɛ́ʼɛ́ mbé ŋɔŋ kəkwéʼe ntsɛ́ɛ́ tɛd ywí Ábraham? A kɛ pfɔ̂ nɛ́! Pɛ ghaŋátsɔ́kpaŋató Mboʼmvé kémbó pfɔ̂! Wo kɛ́ʼɛ́ kpaŋ ŋgâ wo kɔ́?» 54Yěsô tsɔ́ ne pɔ́b ŋgâ: «A ghɛmbɛ mə ŋgúʼɔ mbəb ya ne tómbəb ya, mbǒ ghɛ́ɛ́ ya ndzyě mbé pé cyó yɔ́b pó. A kiʼi mbé, a ŋgúʼɔ́ Tɛd ya ŋguʼɔ ya, yé wɛ́ puŋ tsɔ́ ŋgâ a ke mbé Mboʼmvé wúŋ nɛ́. 55Puŋ zɛ́ wé pó, ŋgɛmbɛ ne mo, mə ndzɛ́ wé. A ghɛ́ mbɛ mə nsó ŋgâ mə ndzɛ́ wé nɛ́ pó, mbǒ mə ké mbó mbɛ́ɛ́ njʉ́ puŋ nɛ́, taʼ ŋgaŋambwɔ́. Ntsʉʼmbé mə ndzɛ́ wé, mbó tíí kpee ya ndúŋú nsó yé. 56Ábraham tɛd wúŋ kɛ kpáŋ ne njʉ́ne zhyémve yɛ́ mə kɛ́ ghɛ́ ŋkʉ́yó nɛ́, a tséʼé ndáá ndebéne kaʼatɛ. A náʼ njʉ́, ndebéne gháʼmbwo mé yé» 57A kɛ pe néré, pɛ Yúda ntsɔ́ pwó Yěsô ŋgâ: «Wo ndzyě mbé tséʼé ŋgǒʼmvé ghúbmetáŋ pó, mbó njʉ́ Ábraham pɛ́ɛ́!» 58Yěsô pɔ́rɔ́ ne pɔ́b ŋgâ: «Kpaʼ sísíŋ mə sə́ŋɛ́ wúŋ ŋgâ Ábraham kɛ ghɛmbɛ, Mo, mə mbé.» 59Néré kɛ́ʼɛ́, pɔ́b ŋwéé pɛ ŋgɔʼ ne ntswɔ́ne Yěsô núŋ nɔʼ, ntsʉʼmbé Yěsô ssɛ́rɛ yé ndzɔ́ʼɔ́ pɔ́b, ntwɔ́ ndámboʼmvé, ŋgú.
ទើបបានជ្រើសរើសហើយ៖
Zhâŋ 8: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Zhâŋ 8
8
Məŋgʉ́yé wɛ́ a kɛ púbú ndáá nɛ́
1Yěsô ŋáá yóʼó, ŋkɔ́ʼɔ́ ndúŋú ŋkəŋ nsó vód Oliivə. 2Kpaʼ ne fʉ́ʉ́wáá, a pód ndzəb ndámboʼmvé. Njʉ́ ŋkɔŋɔ pɔŋ náá kɛ ke ŋkʉ́yo ŋkʉ́yó pfúŋɔ́ yé nɛ́, a ghɔ́rɔ́ syé, ndzyě ne fɛ́ne ntʉ́ʉ́ ne pɔ́b. 3Pɛ ghaŋákeʼekaŋ pwɛ pɛ Farízya kʉ́yó ne taʼ məŋgʉ́yé wɛ́ pe gbáá wé a tsé mbubɔ ndáá nɛ́, ntíí wé tsetsɛrɛ pɔŋ. 4Pɔ́b tsɔ́ pwó Yěsô ŋgâ: «Kéʼeyáŋ, psi gbáá məŋgʉ́yé wɔŋ ŋgɛmbɛ a tsé mbubɔ ndáá. 5Mǔsê ŋwéʼɛ́ ndzó kaŋ ŋgâ pe tswɔ́ zhí məŋgʉ́yé wéré pe ne ŋgɔʼ kaʼatɛ a ke pfǒ pfô. Ŋgɛ ŋkhú ne wo, wo tsɔ́ yo pe ŋgâ kɔ́?» 6Pɔ́b kɛ tsɔ́ néré kɛ́ʼɛ́ pe ne mveréne wé, a pé taʼ ŋkɔʼyɛ̂, pɔ́b yáá ndúŋú sɔbɔ wé. Ntsʉʼmbé Yěsô tsúŋú mbəb yé, tsé ntsye mɔ́b syé ne tɔ̂pwó yé. 7Njʉ́ pɔ́b kɛ ke tsiŋɛ wé tsíŋi ne nsó nɛ́, Yěsô púʼú mbəb yé, ntsɔ́ ne pɔ́b ŋgâ: «Ŋɔŋ wɛ́ a ndzɔ́ʼɔ́ puŋ, mbǒ a kâ kɛ vɔ̂ no nɛ́ pó, pé sɔ́ ŋɔŋ ne ntswɔ́ne wé ne ŋgɔʼ.» 8Ŋkhoʼyɛ́ a kɛ nsó néré nɛ́, a tsúŋú mbəb, ké mbó tsé ntsyé mɔ́b syé. 9Ŋkhoʼyɛ́ pɔ́b kɛ zóʼ nsó wéré nɛ́, pɔ́b ke suʼú mbəb yɔ́b pe pɛ mɔʼɔ́ mɔʼɔ́, ŋgú náá. Ndzyěne mbəb pɛ́ pɔ́b kɛ pe ndáá ghəkód nɛ́, kaʼatɛ Yěsô cʉ́ʼɔ́ ne ndúŋ yé. Njʉ́ məŋgʉ́yé wéré kɛ cʉ́ʼɔ́ siŋi ne ndúŋ yé nɛ́, 10Yěsô púʼú mbəb yé, ntsɔ́ pwó yé ŋgâ: «Mɛnde, tɛ pɔ́b yɛ́ náá, ŋɔŋ fûŋ wo pɔɔ?» 11A pód ŋgâ: «Ŋɔŋ pó, kɛ Ntsɛɛpɔŋ.» Yěsô ké mbó ntsɔ́ pwó yé ŋgâ: «Ŋkɔ́ʼɔ́ tómbəb ya, mə fúŋɔ́ wo pó. Ghú, ndɛ náʼá mbó ŋgyɛ́ no kəpɔŋ ŋkʉ́rʉ́.»
A Yěsô mbé ŋkaʼ mɔ́ɔ́ mvémvé
12Yěsô ké mbó tsɔ́ ne pɔ́b ŋkúrʉ́ ŋgâ: «Mə ŋkaʼ mɔ́ɔ́ mvémvé, ŋɔŋ wɛ́ a kʉ́yó ndzəb mo nɛ́, náʼá nyi ndzɔ́ʼɔ́ ndzə́ndzə́b pó. A náʼá ntsɛ́ʼɛ́ ŋkaʼ mɔ́ɔ́ wɛ́ a tyáŋa ŋɔŋ ne tsómvé nɛ́.» 13Néré, pɛ Farízya tsɔ́ pwó yé ŋgâ: «Wo mkpê ntáŋ tómbəb wo, mkpêntaŋ yo wéré, psi psyɛ́ pó.» 14Yěsô pɔ́rɔ́ ne pɔ́b ŋgâ: «A sísíŋ ŋgâ mə mkpê ntáŋ tómbəb ya, tsʉ́ʼ ŋgɛmbɛ mkpêntaŋ ya pe no sísíŋ. Ŋkyé ŋgâ mə ndzɛ́ ywoʼ yɛ́ mə ntwɔ́ nɛ́, mbó ndzé ywoʼ yɛ́ mə ŋgú nɛ́. Ŋgɛ ŋkú ne puŋ, pǔŋ zɛ́ ywoʼ yɛ́ mə ntwɔ́ nɛ́ pó, ké mbó mbé zɛ́ ywoʼ yɛ́ mə ŋgú nɛ́ pó. 15Puŋ ke fiʼɛ pɔŋ pé njʉ́ pumésɔŋ nɛ́. Ŋgɛ ŋkhu ne mo, mə tsé mbé fiʼɛ ŋɔŋ pó. 16Mbó Mbéyɛ́ a zɔŋɔ ŋgâ mə fiʼɛ ŋɔŋ nɛ́, sabáfiʼ ya pɛ́ɛ́ njʉ́ ŋgerɛ́ŋged zɔŋɔ nɛ́, ŋkyé ŋgâ mə mbɛ́ɛ́ ne ndúŋ mo pó. A psi ŋɔŋ wɛ́ a twɔ́ ya nɛ́. 17A ŋwéʼéme ndzó kpaʼ kaŋ múŋ ŋgâ a pɛɛ yɛ́ pɔŋ pépáá mkpê ntáŋ taʼ no nɛ́, mbǒ pé mbzyɛ́. 18Mə mkpê ntáŋ tómbəb ya. Tɛd wɛ́ a twɔ́ ya nɛ́, ké mbó mkpee ntáŋ ya ŋkʉ́rʉ́.» 19Pɔ́b pó mbzirɛ́ wé nɛ́ ŋgâ: «Tɛd wo wéré yɛ́?» Yěsô pód ŋgâ: «Puŋ zé ya pó, ke mbé zé Tɛd ya pó. A ghɛ́ mbɛ puŋ zé ya, mbǒ puŋ ké mbó ndzɛ́ Tɛd ya.» 20A kɛ ghɛ̂ tsɔ́ pɔŋ nsó, ntsɛ́ɛ́ ndzó Ywoʼɔ́ywʉʼɔ́ foʼ, fɛ́ ntʉ́ʉ́ ndámboʼmvé. Ŋɔŋ pé gbáá wé pó, ŋkyé ŋgâ a kɛ ghɛ́mbɛ yé ŋkhoʼ pe kúʼú pó.
Yěsô nsó ŋgâ a ŋgú pfúŋɔ́ Tɛd
21Yěsô ké mbó ntsɔ́ ne pɔ́b ŋkʉ́rʉ́ ŋgâ: «Mə ŋgú, puŋ náʼá ntáʼá ya, ntsʉʼmbé puŋ náʼá ke pfɔ̌ ndzɔ́ʼɔ́ kəpɔŋ wúŋ. Ywoʼ yɛ́ mə ŋgú nɛ́ tɛɛmbɛ puŋ pe ghú pó.» 22Néré, pɛ ntsɛ́ssó pɛ Yúda nsó ŋgâ: «Kpaŋ nɔ́ʼne mbəb yé kɛ́ʼɛ́ mbɛ tó yé, mbziʼe njʉ́ a tsɔ́ ŋgâ: “Ywoʼ yɛ́ mə ŋgú nɛ́, tɛɛmbɛ puŋ pe ghú pó!”» 23Yěsô pɔ́rɔ́ ne pɔ́b ŋgâ: «Puŋ pɛ́ɛ́ pɔŋ ndúŋú tsetsáʼ. Mo, mə mbɛ ya pe ŋɔŋ pépéé. Puŋ pɔŋ mvémvé yɔŋ. Mo, mə mbó pɛ́ɛ́ ya pe ŋɔŋ mvé yɔŋ pó. 24A zhyɛ́ yéré mə ntsɔ́ ne puŋ ŋgâ puŋ ke náʼá pfɔ̌ ndzɔ́ʼɔ́ kəpɔŋ wúŋ. A pɛ́ɛ́ yɛ́ puŋ psyɛ́ ŋgâ a mo mbé ŋɔŋ wɛ́ pe fú ŋgâ Mə Yé nɛ́ pó, puŋ ke náʼá pfɔ̌ ndzɔ́ʼɔ́ kəpɔŋ puŋ.» 25Pɔ́b tsɔ́ pwó Yěsô ŋgâ: «Wo, wo wɔ́?» Yěsô pɔ́rɔ́ ne pɔ́b ŋgâ: «Mə ke mbɛ ŋɔŋ wɛ́ mə ntsɔ́ ne puŋ féré ŋkhoʼ ndzyě yé nɛ́. 26Mbɛ ne no yɛ́ a tíŋɛ wúŋ nɛ́, mə tséʼé meno zááme ne ntsóne ne puŋ, mbɛ ne fiʼne wúŋ ndúŋú. Ntsʉʼmbé ŋɔŋ wɛ́ a twɔ́ ya nɛ́, a ŋɔŋ no sísíŋ. No yɛ́ mə ndzóʼó pwó yé nɛ́, mə ke ncʉ́rɛ yéré pwó pumésɔŋ.» 27Pɔ́b kɛ pe tsé ndzóʼó ŋgâ a kɛ ntsɔ́ɔ́ no Mboʼmvé ne pɔ́b po, yé wɛ́ a Tɛd nɛ́. 28Yěsô pó ntsɔ́ ne pɔ́b ŋgâ: «Ŋkhoʼyɛ́ puŋ ŋkúʼɔ́ Mɔ́ŋ ŋɔŋ nɛ́, puŋ zé ŋgâ, a mo mbé ŋɔŋ wɛ́ pé fú ŋgâ Mə Yé, nɛ́. Mbó ndzé ŋgâ mə ndɛ mbé zhyɛ́ no pe ne tó ya pó, mə ntsɔ́ɔ́ no yɛ́ Tɛd nyóʼó ne mo nɛ́. 29Ŋɔŋ wɛ́ a twɔ́ ya nɛ́, a ke mbɛ psi yé, a tee ya ne ndúŋ mo pó ŋkyé ŋgâ mə ke ŋgyɛ̂ no yɛ́ a pú wé nɛ́.» 30Njʉ́ a kɛ tsɔ́ néré nɛ́, pɔŋ zááme tséʼé psyɛ́ndzɔʼ ne tíí.
Psi pɔŋ ne ndǎndáb Ábraham
31Yěsô tsɔ́ pwó pɛ́ Yúda pɛ pɔ́b kɛ psyɛ́ wé nɛ́ ŋgâ: «A pɛ́ɛ́ yɛ́ puŋ tíí kpee ndúŋú nsó ya nɛ́, mbǒ puŋ ndáá ŋgíŋgye páá. 32Puŋ náʼá ndzɛ no sísíŋ, no sísíŋ túbɔ́ wúŋ ndáb mkpaŋ.» 33Pɔ́b pɔ́rɔ́ pwó yé ŋgâ: «Psi pɔŋ ne ndǎndáb Ábraham. Psi kâ kɛ pɛ mkpaŋ pwó ŋɔŋ pó. A ŋgyɛ́ níŋ wo tsɔ ŋgâ pé túbɔ́ ywí ndáb mkpaŋ?» 34Yěsô pɔ́rɔ́ ne pɔ́b ŋgâ: «Kpaʼ sísíŋ Mə sə́ŋɛ wúŋ ŋgâ, ŋɔŋ wɛ́ a zhyɛ́ no kəpɔŋ nɛ́, á mkpaŋ kəpɔŋ. 35Mkpaŋ ndɛ ke mbé njʉyí ndzɔʼ ndǎ pó. Ŋgɛmbɛ ne Mɔ́ŋ ndǎ, a zhʉyí yé pé yóʼó. 36Mbó Mbéyɛ́ a zhyɛ́ Mɔ́ŋ puŋ ntwɔ́ ndábmkpaŋ nɛ́, mbǒ puŋ ncʉyí ntwɔ́ kpaʼ sísíŋ. 37Mə ndzé ŋgâ puŋ pɔ́ŋ Ábraham. Ntsʉ́ʼ ŋgɛmbɛ́ njʉ́ puŋ tsé mbé zóʼó nsó ya nɛ́ pó, puŋ táʼá ŋgyɛ́ mə pfɔ̂. 38Mo, mə tsɔ́ɔ́ yɔ́b yɛ́ mə njʉ́ pfúŋɔ́ Tɛd ya nɛ́. Ŋgɛ ŋkú ne puŋ, pǔŋ zhyɛ́ yɔ́b yɛ́ puŋ zóʼó pwó tɛd wúŋ nɛ́!» 39Pɔ́b pód ŋgâ: «Á Ábraham mbé tɛd ywí.» Yěsô tsɔ́ ne pɔ́b ŋgâ: «Mbéyɛ́ puŋ pɔ́ŋ Ábraham nɛ́, puŋ faʼ faʼ Ábraham nɛ́. 40A kiʼi mbé puŋ táʼá ŋkhoʼyɔŋ ŋgyɛ́ ŋgâ mə pfɔ̂. Mo, wɛ́ mə nsó no sísíŋ yɛ́ mə ndzóʼó pwó Mboʼmvé nɛ́. No yɛ́ Ábraham kɛ pe zhyɛ́ nɛ́ pó. 41Ntsʉʼmbé puŋ faʼa faʼ tɛd wúŋ.» Pɔ́b ntsɔ́ pwó yé ŋgâ: «Pe máʼá sakhə mvɛ́ ywí pó! Psi ke ntsɛ́ʼɛ́ ndaʼ taʼ Tɛd, a pé Mboʼmvé!» 42Yěsô tsɔ́ ne pɔ́b ŋgâ: «A ghɛ́mbɛ Mboʼmvé pe Tɛd wúŋ, mbǒ puŋ kʉyě ya, ŋkyé ŋgâ mə twɔ́ pwó Mboʼmvé kʉ́yó kaʼa. Mə ŋkʉ́yó ne tó ya pó. A twɔ́ yé twɔ́ ya. 43A zhyɛ́ kɔ́ puŋ pé tsé ndzóʼó ndzəb nsó ya pɔɔ? ŋkyé ŋgâ puŋ kúʼɔ́ ne ndzóʼne nsó ya pó. 44Puŋ ndáá pɔ́ŋ tɛd wúŋ, Sátaŋ. Puŋ ke kʉyě ne ŋgyɛ̌ne no yɛ́ tɛd wúŋ zɔŋɔ nɛ́. A kɛ pɛ ne ndzyě, a ke niŋɛ ndzó ndzɔʼ yé pe ŋgâ a ŋkʉ́yó ŋgyɛ́ pumésɔŋ pfɔ̂. A kâ kɛ tsɔ no sísíŋ pó, ŋkyé ŋgâ a zɛ́ yɔ́b yɛ no sísíŋ yéré nɛ́ pó. Mbwɔ́ yɛ́ a ntsɔ́ nɛ́, a twɔ̌ ndzɔ́ʼɔ́ foʼ yé, ŋkyé ŋgâ a ŋgaŋa mbwɔ́ mbó mbé tɛd mbwɔ́. 45Ŋgɛmbɛ ne mo, a zhyɛ́ no yɛ́ mə ntsɔ́ɔ no sísíŋ nɛ́, puŋ pé tsé mbzyɛ́ ya pó. 46A wɔ́ ndzɔ́ʼɔ́ puŋ wɛ́ tɛɛmbɛ a nyóʼ ŋgâ mə ŋgyɛ́ no kəpɔŋ nɛ́? A pɛ́ɛ́ yɛ́ mə ntsɔ no sísíŋ nɛ́, a zhyɛ́ kɔ́ puŋ pe tsé mbzyɛ́ ya pɔɔ? 47Ŋɔŋ wɛ́ a ŋɔŋ Mboʼmvé nɛ́, zóʼó nsó Mboʼmvé. A zhyɛ́ no yɛ́ puŋ pǔmboʼmve nɛ́ pó, puŋ pé tsé ndzóʼó ya pó.» 48Pɛ Yúda pɔ́rɔ́ pwó Yěsô ŋgâ: «A no sísíŋ njʉ́ psi tsɔ́ ŋgâ wo ŋɔŋ Samari, zhʉye kəpɔŋ pó mbɛ mbəb wo, nɛ́!» 49Yěsô pɔ́rɔ́ ne pɔ́b ŋgâ: «Ngaŋ, zhʉye kəpɔŋ mbəb mo pó, ntsʉʼmbé mə ŋguʼɔ Tɛd ya. Ŋgɛ ŋkhú ne puŋ, puŋ tsé ŋkɔɔ ndɔŋ ya! 50Mə tsé mbé táʼá ghɛ́ɛ́ ya ŋkɔŋ pó. Taʼ Ŋɔŋ yóʼó tsé fɛ́ ghɛ́ɛ́ ne mo. A pó tséé yé nsê fiʼ. 51Kpaʼ sísíŋ, mə sə́ŋɛ́ wúŋ ŋgâ, a pɛ́ɛ́ ŋɔŋ zóʼ nsó ya, tíí kpee yé ndúŋú nɛ́, mbǒ a náʼá pfɔ̂ pó.» 52Pɛ Yúda péré tsɔ́ pwó yé ŋgâ: «Psi zé ŋkhoʼyɔŋ ŋgâ zhʉye kəpɔŋ mbəb wo. Ábraham kɛ pfɔ̂, ghaŋátsɔ́kpaŋató Mboʼmvé ke mbó pfɔ́ yɔ́b. Wo pó ntsɔ́ ŋgâ: “Mbéyɛ́ ŋɔŋ tíí kpee ndúŋú nsó ya nɛ́, a náʼá mbé zɛ́ yɔ́b yɛ́ pe fú ne vó nɛ́ pó, ŋkyé kɔ́.” 53Wo kɛ́ʼɛ́ mbé ŋɔŋ kəkwéʼe ntsɛ́ɛ́ tɛd ywí Ábraham? A kɛ pfɔ̂ nɛ́! Pɛ ghaŋátsɔ́kpaŋató Mboʼmvé kémbó pfɔ̂! Wo kɛ́ʼɛ́ kpaŋ ŋgâ wo kɔ́?» 54Yěsô tsɔ́ ne pɔ́b ŋgâ: «A ghɛmbɛ mə ŋgúʼɔ mbəb ya ne tómbəb ya, mbǒ ghɛ́ɛ́ ya ndzyě mbé pé cyó yɔ́b pó. A kiʼi mbé, a ŋgúʼɔ́ Tɛd ya ŋguʼɔ ya, yé wɛ́ puŋ tsɔ́ ŋgâ a ke mbé Mboʼmvé wúŋ nɛ́. 55Puŋ zɛ́ wé pó, ŋgɛmbɛ ne mo, mə ndzɛ́ wé. A ghɛ́ mbɛ mə nsó ŋgâ mə ndzɛ́ wé nɛ́ pó, mbǒ mə ké mbó mbɛ́ɛ́ njʉ́ puŋ nɛ́, taʼ ŋgaŋambwɔ́. Ntsʉʼmbé mə ndzɛ́ wé, mbó tíí kpee ya ndúŋú nsó yé. 56Ábraham tɛd wúŋ kɛ kpáŋ ne njʉ́ne zhyémve yɛ́ mə kɛ́ ghɛ́ ŋkʉ́yó nɛ́, a tséʼé ndáá ndebéne kaʼatɛ. A náʼ njʉ́, ndebéne gháʼmbwo mé yé» 57A kɛ pe néré, pɛ Yúda ntsɔ́ pwó Yěsô ŋgâ: «Wo ndzyě mbé tséʼé ŋgǒʼmvé ghúbmetáŋ pó, mbó njʉ́ Ábraham pɛ́ɛ́!» 58Yěsô pɔ́rɔ́ ne pɔ́b ŋgâ: «Kpaʼ sísíŋ mə sə́ŋɛ́ wúŋ ŋgâ Ábraham kɛ ghɛmbɛ, Mo, mə mbé.» 59Néré kɛ́ʼɛ́, pɔ́b ŋwéé pɛ ŋgɔʼ ne ntswɔ́ne Yěsô núŋ nɔʼ, ntsʉʼmbé Yěsô ssɛ́rɛ yé ndzɔ́ʼɔ́ pɔ́b, ntwɔ́ ndámboʼmvé, ŋgú.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល