Zhâŋ 16
16
1Yěsô ke mbó nsó ŋgâ: «Mə sɔ́ŋɔ́ wúŋ ne ŋkɔŋɔ meno pɔŋ náá kɛ́ʼɛ́ ŋgâ kii puŋ ndɛ mvɔ́ ndzɔ́ʼɔ́ mkpeʼe. 2Pe náʼá ndzú wúŋ ndántéré pɛ Yuda. Ŋgɛmbɛ yɔŋ yɛ́ a tsé ŋkʉ́yó nɛ́, a ntsɛ́ɛ́ yéré. Ŋɔŋ wɛ́ a náʼá ŋgyɛ́ puŋ pwó nɛ́, ghɛmbɛ tó yé, a kpaŋa ŋgâ a faʼa faʼ Mboʼmvé. 3Pɔ́b náʼá ŋgyɛ́ kɛ́ʼɛ́ ŋkyé ŋgâ pɔ́b kɛ pé zɛ́ Tɛd pó, ke mbó mbé zɛ́ ya pó. 4Ntsʉʼmbé, mə kɛ tsɔ́ ne puŋ kɛ́ʼɛ́ ŋgâ ŋkhoʼyɛ́ yɔ́b ŋkhoʼ ŋkúʼɔ́ nɛ́, tó yuŋ fú ŋgâ mə kɛ́rɛ́ pê ntsɔ́ ne puŋ.»
Faʼ Zhʉye Yáŋme
Yěsô ke mbó nsó ŋgâ: «Mə kɛ pe sɔ́ŋɔ́ wúŋ ne ndzyě yé pó ŋkyé ŋgâ a kɛ ke mbɛ piŋi. 5Ntsʉ́ʼmbɛ ne ŋkhoʼyɔŋ, mə ŋgú pfúŋɔ́ Ŋɔŋ wɛ́ a twɔ́ nɛ́, cyó ŋɔŋ tsetsɛrɛ puŋ pe psírí ya ne cyó no, ŋgâ: “Wo ghú pɛ́ɛ́? Pó” 6Ntsʉʼmbé, ndzɔʼ yuŋ púbú kaʼatɛ njʉ́ mə nsó yéré no ne puŋ nɛ́. 7Ntsʉ́ʼ ŋgɛmbɛ mə ntsɔ̌ no sísíŋ ne puŋ. A taʼ no sʉ́ʼʉ ne puŋ njʉ́ mə ŋgú nɛ́. A pɛ́ɛ́ yɛ́ mə ŋgú nɛ́ pó, mbǒ Ŋgebe ŋkʉ́yó ne puŋ pó! A pó mbɛɛ yɛ́ mə ŋgú nɛ́ mbǒ mə ntwɔ́ wé ne puŋ. 8Ŋgɛmbɛ ne yé, ŋkhoʼyɛ́ a ŋkʉ́yó nɛ́, a ŋgyɛ́ míí pumésɔŋ yáŋa ndúŋú kəpɔŋ, ndúŋú ŋgerɛ́ŋged, mbɛ ndúŋú sabáfiʼ. 9Kəpɔŋ pɛ́ɛ́ ŋgâ, pɔ́b tséʼé psyɛ́ndzɔʼ mbəb mo pó. 10Ŋgerɛ́ŋged pɛ́ɛ́ ŋgâ, mə ŋgúú pfuŋ Tɛd, puŋ pó mbé tsé zhʉ́ ya pó. 11Sábáfiʼ pɛ́ɛ́ ŋgâ, pe kɛ fiʼɛ Sáʼmvé wɔŋ. 12Mə ke mbó tséʼé meno zááme ne ntsóne ne puŋ. Ntsʉʼmbé pǔŋ pé ŋkúʼɔ́ ne ndzóʼne meno péré ŋkhoʼyɔŋ pó. 13Ŋkhoʼyɛ́ Zhʉye no sísíŋ náʼá ŋkʉ́yó nɛ́, a zhyɛ́ puŋ zé ŋkɔŋɔ no sísíŋ náá. Ŋkyé ŋgâ no yɛ́ a náʼá ntsɔ́ nɛ́, a náʼ mbé twɔ̌ pfɔ̂ yé pó. Ntsʉʼmbé a náʼá ntsɔ́ɔ́ no yɛ́ a zóʼ nɛ́, mbó ncʉ́rɛ ŋkɔŋɔ meno pɛ́ a náʼá ŋkʉ́yó náá nɛ́, ne puŋ. 14A náʼá ŋgúʼɔ ya ŋkyé ŋgâ meno pɛ́ a náʼá ncʉ́rɛ ne puŋ nɛ́, náʼá ntwɔ́ ndzɔ́ʼɔ́ mɔ́b pɛ́ a ne mo nɛ́. 15Ŋkɔŋɔ yɔ́b yɛ́ Tɛd ya tséʼé náá nɛ́, pɛ́ɛ́ ne mo. A zhyɛ́ yéré mə ntsɔ́ ne puŋ ŋgâ, meno pɛ́ a náʼá ntsɔ́ ne puŋ nɛ́, náʼá ntwɔ́ ne mo.»
Ŋgəʼo yúŋ náʼá sɛ́rɛ́ cʉ́ʼɔ́ ndebéne
16Yěsô ke mbó nsó ŋgâ: «Mɔ́ŋtiʼa ŋkhoʼ, puŋ pé tsé njʉ́ ya ne míí múŋ pó, mɔ́ŋtiʼa ŋkhoʼ ŋkʉ́rʉ́ puŋ pó njʉ́ ya.» 17Pecyó ŋgíŋgye pé ntsɔ́ tsetsɛrɛ pɔ́b ŋgâ: «A zɔŋɔ ntsɔɔ ŋgâ kɔ́ ne piŋi: “Mɔ́ŋtiʼa ŋkhoʼ, puŋ pé tsé njʉ́ ya ne míí múŋ pó, mɔ́ŋtiʼa ŋkhoʼ ŋkʉ́rʉ́ puŋ pó njʉ́ ya.” Kii ŋgâ: “mə ŋgú pfuŋɔ́ Tɛd”.» 18Pɔ́b kɛ ntsɔ́ ŋgâ: «Yɔŋ “mɔ́ŋtiʼa ŋkho” kɛ́ʼɛ́ ntsɔ́ɔ́ ŋgâ kɔ́, piŋi tsé mbé zóʼó no yɛ́ a zɔŋɔ́ ntsɔ́ nɛ́ pó!» 19Njʉ́ Yěsô kɛ zé ŋgâ pɔ́b zɔ́ŋɔ́ mbzírɛ́ wé ne no nɛ́, a tsɔ́ ne pɔ́b ŋgâ: «Puŋ tsé ntáʼá kéé tsi nsó ya wɔŋ tsetsɛrɛ puŋ: “Mɔ́ŋtiʼa ŋkhoʼ, puŋ pé tsé zhʉ́ ya ne míí múŋ pó, mɔ́ŋtiʼa ŋkhoʼ ŋkʉ́rʉ́ puŋ pó njʉ́ ya.” 20Kpaʼ sísíŋ mə ntsɔ́ ne puŋ, puŋ ntsúŋɛ mbɔ́rɔ́ ŋkhɔ kaʼatɛ sə́ʼɛ. Ntsʉ́ʼ ŋgɛ mbɛ kɛ́ʼɛ́ mvémvé pó ndebɛ yɔ́b yébé. Puŋ náʼá mbɛ ndzɔ́ʼɔ́ ŋgəʼo, ntsʉʼmbé ŋgəʼo yúŋ sed mbó ntsʉ́ʼɔ́ ndebéne. 21Ŋkhoʼyɛ́ məŋgʉ́yé tsé mvɛ́ nɛ́, a pɛ ndzɔ́ʼɔ́ ŋgəʼo ŋkyé ŋgâ yé ŋkhoʼ kuʼu. Ntsʉʼmbé, ŋkhoʼyɛ́ a pe tɛ mvé nɛ́, a zhí ŋgəʼo, tsʉ́ʼ ndébɛ yɛ́bɛ́ ŋkyé ŋgâ a pfé taʼ Mɔ́ŋ. 22Yɔ̌ŋ njʉ́ puŋ ndzɔ́ʼɔ́ ŋgəʼo ŋkhoʼyɔŋ nɛ́. Ntsʉʼmbé, mə náʼá mbó njʉ́ wúŋ ne njʉ́ne ffé, néré ndzɔʼ yuŋ yébé. Méré ndebéne, cyó ŋɔŋ wɛ́ tɛɛmbɛ a náʼá kpě ne puŋ nɛ́, ghú pó. 23Kɛ́ʼɛ́, a náʼá ŋgɛmbɛ ne yéré zhyémve, puŋ pó mbé tséʼé cyó no ne mvírine ya nuŋ pó. Kpaʼ sísíŋ, mə sɔ́ŋɔ́ wúŋ, a pɛ́ɛ́ yɛ́ puŋ psírí yɔ́b pwó Tɛd ne tíí ya nɛ́, mbǒ a fɛ́ ne puŋ. 24Kaʼatɛ mbáŋ ne ŋkhoʼyɔŋ, puŋ kɛ psirɛ́ yɔ́b pwó Mboʼmvé ne tíí ya pó. Puŋ psírí, a fɛ́ ne puŋ. Yânéré ndebéne múŋ yúŋú.»
Yěsô máʼ ntsɛ́ɛ́ mvé
25Yěsô nsó ŋkʉ́rʉ́ ŋgâ: «Mə kɛ nsó ŋkɔŋɔ meno péré náá ne puŋ pe ghéréme, ntsʉʼmbé ŋkhoʼ tsé ŋkʉ́yó yɛ́ mə mbó ntsɔ́ ne puŋ pe néré nɛ́ pó. Mə náʼá ncʉ́rɛ meno pɛ́ a tiŋɛ́ Tɛd nɛ́, ne puŋ pe wéé. 26A náʼá mbɛ zhyémve yéré, puŋ psírí no pwó Tɛd ne tíí ya. Ntsʉʼmbé, mə nsó nɛ́ nné puŋ ŋgâ, mə náʼá mbóʼmbwó pwó Tɛd ŋkyé wúŋ pó! 27ŋkyé ŋgâ ŋkɔʼ tómbəb Tɛd kʉ́yé wúŋ ŋkyé ŋgâ puŋ kɛ ŋkʉ́yé ya, mbó mbzyɛ́ ŋgâ, mə kɛ twɔ́ pfúŋɔ́ Mboʼmvé. 28Mə twɔ́ mbəb Tɛd, ŋkʉ́yó ndzó mvé yɔŋ. A kiʼi ŋgɛ mbɛ ne ŋkhoʼyɔŋ, mə ntéé mvé yɔŋ, ŋgú pfúŋɔ́ Tɛd.» 29ŋgíŋgye pé tsɔ́ pwó yé ŋgâ: «Zhʉ́ njʉ́ wo tsɔ́ no ŋkhoʼyɔŋ wéé nɛ́, ŋgɛmbɛ, ntee tsɔ́ no ghéréme yɛ́ a mbɛ wo tsɔ́ nɛ́. 30Psi zé ŋkhoʼyɔŋ ŋgâ wo, wo zé ŋkɔŋɔ no náá, kaʼatɛ ndzɛ no yɛ́ psi zɔŋɔ mbzírɛ wo núŋ nɛ́. A zhyɛ́ yéré psi psyɛ́ ŋgâ a twɔ́ Mboʼmvé ntwɔ́ wo.» 31Yěsô pɔ́rɔ́ ne pɔ́b ŋgâ: «Puŋ psyɛ́ ŋkhoʼyɔŋ? 32Ŋkhoʼ tsé ŋkʉ́yó. A kɛ kuʼu. Ŋkhoʼyɛ́ pe ŋkʉ́yó gbáʼá wúŋ, mbɛwɔ̂ ghú ne yé ndzáʼá, puŋ ntee ya ne ndúŋ mo nɛ́. Ntsʉʼmbé, mə mbɛ́ɛ́ ne ndúŋ mo pó, a psi Tɛd. 33Mə nsó yéré ne puŋ kɛ́ʼɛ́ ŋgâ puŋ yɛ́rɛ́ mbəb mo tséʼé mbúru. Puŋ ghɛmbɛ́ ndzɔ́ʼɔ́ ŋgəʼo ndzó mvé yɔŋ, ntsʉʼmbé puŋ tséʼé shʉ̌ndzɔʼ ŋkyé ŋgâ mə máʼ ntsɛ́ɛ́ mvé!»
ទើបបានជ្រើសរើសហើយ៖
Zhâŋ 16: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Zhâŋ 16
16
1Yěsô ke mbó nsó ŋgâ: «Mə sɔ́ŋɔ́ wúŋ ne ŋkɔŋɔ meno pɔŋ náá kɛ́ʼɛ́ ŋgâ kii puŋ ndɛ mvɔ́ ndzɔ́ʼɔ́ mkpeʼe. 2Pe náʼá ndzú wúŋ ndántéré pɛ Yuda. Ŋgɛmbɛ yɔŋ yɛ́ a tsé ŋkʉ́yó nɛ́, a ntsɛ́ɛ́ yéré. Ŋɔŋ wɛ́ a náʼá ŋgyɛ́ puŋ pwó nɛ́, ghɛmbɛ tó yé, a kpaŋa ŋgâ a faʼa faʼ Mboʼmvé. 3Pɔ́b náʼá ŋgyɛ́ kɛ́ʼɛ́ ŋkyé ŋgâ pɔ́b kɛ pé zɛ́ Tɛd pó, ke mbó mbé zɛ́ ya pó. 4Ntsʉʼmbé, mə kɛ tsɔ́ ne puŋ kɛ́ʼɛ́ ŋgâ ŋkhoʼyɛ́ yɔ́b ŋkhoʼ ŋkúʼɔ́ nɛ́, tó yuŋ fú ŋgâ mə kɛ́rɛ́ pê ntsɔ́ ne puŋ.»
Faʼ Zhʉye Yáŋme
Yěsô ke mbó nsó ŋgâ: «Mə kɛ pe sɔ́ŋɔ́ wúŋ ne ndzyě yé pó ŋkyé ŋgâ a kɛ ke mbɛ piŋi. 5Ntsʉ́ʼmbɛ ne ŋkhoʼyɔŋ, mə ŋgú pfúŋɔ́ Ŋɔŋ wɛ́ a twɔ́ nɛ́, cyó ŋɔŋ tsetsɛrɛ puŋ pe psírí ya ne cyó no, ŋgâ: “Wo ghú pɛ́ɛ́? Pó” 6Ntsʉʼmbé, ndzɔʼ yuŋ púbú kaʼatɛ njʉ́ mə nsó yéré no ne puŋ nɛ́. 7Ntsʉ́ʼ ŋgɛmbɛ mə ntsɔ̌ no sísíŋ ne puŋ. A taʼ no sʉ́ʼʉ ne puŋ njʉ́ mə ŋgú nɛ́. A pɛ́ɛ́ yɛ́ mə ŋgú nɛ́ pó, mbǒ Ŋgebe ŋkʉ́yó ne puŋ pó! A pó mbɛɛ yɛ́ mə ŋgú nɛ́ mbǒ mə ntwɔ́ wé ne puŋ. 8Ŋgɛmbɛ ne yé, ŋkhoʼyɛ́ a ŋkʉ́yó nɛ́, a ŋgyɛ́ míí pumésɔŋ yáŋa ndúŋú kəpɔŋ, ndúŋú ŋgerɛ́ŋged, mbɛ ndúŋú sabáfiʼ. 9Kəpɔŋ pɛ́ɛ́ ŋgâ, pɔ́b tséʼé psyɛ́ndzɔʼ mbəb mo pó. 10Ŋgerɛ́ŋged pɛ́ɛ́ ŋgâ, mə ŋgúú pfuŋ Tɛd, puŋ pó mbé tsé zhʉ́ ya pó. 11Sábáfiʼ pɛ́ɛ́ ŋgâ, pe kɛ fiʼɛ Sáʼmvé wɔŋ. 12Mə ke mbó tséʼé meno zááme ne ntsóne ne puŋ. Ntsʉʼmbé pǔŋ pé ŋkúʼɔ́ ne ndzóʼne meno péré ŋkhoʼyɔŋ pó. 13Ŋkhoʼyɛ́ Zhʉye no sísíŋ náʼá ŋkʉ́yó nɛ́, a zhyɛ́ puŋ zé ŋkɔŋɔ no sísíŋ náá. Ŋkyé ŋgâ no yɛ́ a náʼá ntsɔ́ nɛ́, a náʼ mbé twɔ̌ pfɔ̂ yé pó. Ntsʉʼmbé a náʼá ntsɔ́ɔ́ no yɛ́ a zóʼ nɛ́, mbó ncʉ́rɛ ŋkɔŋɔ meno pɛ́ a náʼá ŋkʉ́yó náá nɛ́, ne puŋ. 14A náʼá ŋgúʼɔ ya ŋkyé ŋgâ meno pɛ́ a náʼá ncʉ́rɛ ne puŋ nɛ́, náʼá ntwɔ́ ndzɔ́ʼɔ́ mɔ́b pɛ́ a ne mo nɛ́. 15Ŋkɔŋɔ yɔ́b yɛ́ Tɛd ya tséʼé náá nɛ́, pɛ́ɛ́ ne mo. A zhyɛ́ yéré mə ntsɔ́ ne puŋ ŋgâ, meno pɛ́ a náʼá ntsɔ́ ne puŋ nɛ́, náʼá ntwɔ́ ne mo.»
Ŋgəʼo yúŋ náʼá sɛ́rɛ́ cʉ́ʼɔ́ ndebéne
16Yěsô ke mbó nsó ŋgâ: «Mɔ́ŋtiʼa ŋkhoʼ, puŋ pé tsé njʉ́ ya ne míí múŋ pó, mɔ́ŋtiʼa ŋkhoʼ ŋkʉ́rʉ́ puŋ pó njʉ́ ya.» 17Pecyó ŋgíŋgye pé ntsɔ́ tsetsɛrɛ pɔ́b ŋgâ: «A zɔŋɔ ntsɔɔ ŋgâ kɔ́ ne piŋi: “Mɔ́ŋtiʼa ŋkhoʼ, puŋ pé tsé njʉ́ ya ne míí múŋ pó, mɔ́ŋtiʼa ŋkhoʼ ŋkʉ́rʉ́ puŋ pó njʉ́ ya.” Kii ŋgâ: “mə ŋgú pfuŋɔ́ Tɛd”.» 18Pɔ́b kɛ ntsɔ́ ŋgâ: «Yɔŋ “mɔ́ŋtiʼa ŋkho” kɛ́ʼɛ́ ntsɔ́ɔ́ ŋgâ kɔ́, piŋi tsé mbé zóʼó no yɛ́ a zɔŋɔ́ ntsɔ́ nɛ́ pó!» 19Njʉ́ Yěsô kɛ zé ŋgâ pɔ́b zɔ́ŋɔ́ mbzírɛ́ wé ne no nɛ́, a tsɔ́ ne pɔ́b ŋgâ: «Puŋ tsé ntáʼá kéé tsi nsó ya wɔŋ tsetsɛrɛ puŋ: “Mɔ́ŋtiʼa ŋkhoʼ, puŋ pé tsé zhʉ́ ya ne míí múŋ pó, mɔ́ŋtiʼa ŋkhoʼ ŋkʉ́rʉ́ puŋ pó njʉ́ ya.” 20Kpaʼ sísíŋ mə ntsɔ́ ne puŋ, puŋ ntsúŋɛ mbɔ́rɔ́ ŋkhɔ kaʼatɛ sə́ʼɛ. Ntsʉ́ʼ ŋgɛ mbɛ kɛ́ʼɛ́ mvémvé pó ndebɛ yɔ́b yébé. Puŋ náʼá mbɛ ndzɔ́ʼɔ́ ŋgəʼo, ntsʉʼmbé ŋgəʼo yúŋ sed mbó ntsʉ́ʼɔ́ ndebéne. 21Ŋkhoʼyɛ́ məŋgʉ́yé tsé mvɛ́ nɛ́, a pɛ ndzɔ́ʼɔ́ ŋgəʼo ŋkyé ŋgâ yé ŋkhoʼ kuʼu. Ntsʉʼmbé, ŋkhoʼyɛ́ a pe tɛ mvé nɛ́, a zhí ŋgəʼo, tsʉ́ʼ ndébɛ yɛ́bɛ́ ŋkyé ŋgâ a pfé taʼ Mɔ́ŋ. 22Yɔ̌ŋ njʉ́ puŋ ndzɔ́ʼɔ́ ŋgəʼo ŋkhoʼyɔŋ nɛ́. Ntsʉʼmbé, mə náʼá mbó njʉ́ wúŋ ne njʉ́ne ffé, néré ndzɔʼ yuŋ yébé. Méré ndebéne, cyó ŋɔŋ wɛ́ tɛɛmbɛ a náʼá kpě ne puŋ nɛ́, ghú pó. 23Kɛ́ʼɛ́, a náʼá ŋgɛmbɛ ne yéré zhyémve, puŋ pó mbé tséʼé cyó no ne mvírine ya nuŋ pó. Kpaʼ sísíŋ, mə sɔ́ŋɔ́ wúŋ, a pɛ́ɛ́ yɛ́ puŋ psírí yɔ́b pwó Tɛd ne tíí ya nɛ́, mbǒ a fɛ́ ne puŋ. 24Kaʼatɛ mbáŋ ne ŋkhoʼyɔŋ, puŋ kɛ psirɛ́ yɔ́b pwó Mboʼmvé ne tíí ya pó. Puŋ psírí, a fɛ́ ne puŋ. Yânéré ndebéne múŋ yúŋú.»
Yěsô máʼ ntsɛ́ɛ́ mvé
25Yěsô nsó ŋkʉ́rʉ́ ŋgâ: «Mə kɛ nsó ŋkɔŋɔ meno péré náá ne puŋ pe ghéréme, ntsʉʼmbé ŋkhoʼ tsé ŋkʉ́yó yɛ́ mə mbó ntsɔ́ ne puŋ pe néré nɛ́ pó. Mə náʼá ncʉ́rɛ meno pɛ́ a tiŋɛ́ Tɛd nɛ́, ne puŋ pe wéé. 26A náʼá mbɛ zhyémve yéré, puŋ psírí no pwó Tɛd ne tíí ya. Ntsʉʼmbé, mə nsó nɛ́ nné puŋ ŋgâ, mə náʼá mbóʼmbwó pwó Tɛd ŋkyé wúŋ pó! 27ŋkyé ŋgâ ŋkɔʼ tómbəb Tɛd kʉ́yé wúŋ ŋkyé ŋgâ puŋ kɛ ŋkʉ́yé ya, mbó mbzyɛ́ ŋgâ, mə kɛ twɔ́ pfúŋɔ́ Mboʼmvé. 28Mə twɔ́ mbəb Tɛd, ŋkʉ́yó ndzó mvé yɔŋ. A kiʼi ŋgɛ mbɛ ne ŋkhoʼyɔŋ, mə ntéé mvé yɔŋ, ŋgú pfúŋɔ́ Tɛd.» 29ŋgíŋgye pé tsɔ́ pwó yé ŋgâ: «Zhʉ́ njʉ́ wo tsɔ́ no ŋkhoʼyɔŋ wéé nɛ́, ŋgɛmbɛ, ntee tsɔ́ no ghéréme yɛ́ a mbɛ wo tsɔ́ nɛ́. 30Psi zé ŋkhoʼyɔŋ ŋgâ wo, wo zé ŋkɔŋɔ no náá, kaʼatɛ ndzɛ no yɛ́ psi zɔŋɔ mbzírɛ wo núŋ nɛ́. A zhyɛ́ yéré psi psyɛ́ ŋgâ a twɔ́ Mboʼmvé ntwɔ́ wo.» 31Yěsô pɔ́rɔ́ ne pɔ́b ŋgâ: «Puŋ psyɛ́ ŋkhoʼyɔŋ? 32Ŋkhoʼ tsé ŋkʉ́yó. A kɛ kuʼu. Ŋkhoʼyɛ́ pe ŋkʉ́yó gbáʼá wúŋ, mbɛwɔ̂ ghú ne yé ndzáʼá, puŋ ntee ya ne ndúŋ mo nɛ́. Ntsʉʼmbé, mə mbɛ́ɛ́ ne ndúŋ mo pó, a psi Tɛd. 33Mə nsó yéré ne puŋ kɛ́ʼɛ́ ŋgâ puŋ yɛ́rɛ́ mbəb mo tséʼé mbúru. Puŋ ghɛmbɛ́ ndzɔ́ʼɔ́ ŋgəʼo ndzó mvé yɔŋ, ntsʉʼmbé puŋ tséʼé shʉ̌ndzɔʼ ŋkyé ŋgâ mə máʼ ntsɛ́ɛ́ mvé!»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល