Zhâŋ 15
15
Yěsô ndáá tsǐnsó
1Yěsô pó nsó ŋgâ: «Mə ndáá tsǐnsó, Tɛd ya pé ndáá ŋɔŋ wɛ́ a faʼa ndúŋú nɛ́ 2Ŋkɔŋɔ mbwó nsó mɛ́, a cʉ́ mbəb mo, mbé tóó ntáá nɛ́ pó, á tséé wé. Ŋkɔŋɔ mbwó nsó mɛ́ a tóó ntáá náá nɛ́, a tséé ŋkáb ndzóʼó, yânéré ŋgâ a pó tóó yé zááme ŋkʉ́rʉ́. 3Nsó wɛ́ mə ntsɔ́ ne puŋ nɛ́, kɛ tséé ŋkáb ndzɔ́ʼɔ́ puŋ. 4Puŋ yɛ́rɛ́ mbəb mo njʉ́ mə ndɛrɛ́ mbəb puŋ nɛ́! Njʉ́ mbwó nsó nɛ́, a pɛ́ɛ́ yɛ́ a yɛ́rɛ́ mbəb tsǐnsó nɛ́ pó, tɛɛmbɛ a pé tóó ntáá ne ndúŋú yé pó. Ntsʉ́ŋntsʉ́ŋ njʉ́, tɛɛmbɛ puŋ pe zhyɛ́ cyó no sʉ́ʼʉ, kii yɛ́rɛ́ mbəb mo nɛ́ pó. 5Mə tsítsəhó, puŋ pe pɛ mbwó nsó. Ŋɔŋ wɛ́ a yɛ́rɛ́ mbəb mo, mə ké mbó ndɛrɛ mbəb nɛ́. Ŋɔŋ wéré ŋgyɛ́ meno sʉ́ʼʉ zááme, ŋkyé ŋgâ a kâ mo, puŋ pe zhyɛ́ cyó yɔ́b pó. 6A pɛ́ɛ́ yɛ́ ŋɔŋ yɛ́rɛ́ mbəb mo nɛ́ pó, mbǒ pé máʼá wé mvé njʉ́ mbwó nsó mɛ́ pe ntséé wé maʼa ndzɔ́ʼɔ́kaʼ, a zwɔ̂, pe ŋwéé, máʼá mɔ́ɔ́, a kpíí nɛ́. 7A pɛ́ɛ́ yɛ́ puŋ yɛ́rɛ́ mbəb mo, nsó ya pó ndɛ́rɛ tswee puŋ nɛ́, puŋ mbzirɛ́ mbɛ kɔ́ yɛ́ puŋ zɔŋɔ nɛ́, mbǒ pé ŋkʉ́yó fɛ́ ne puŋ. 8A ŋkhoʼyɛ́ puŋ ŋgyɛ́ meno sʉ́ʼʉ zááme, mbó ŋgɛ mbɛ́ ŋgíŋgye páá nɛ́ ŋkɔ́ŋ, Tɛd ya pɔ́rɔ́ ntsɛ́ʼɛ́ ŋgúʼune. 9Njʉ́ Tɛd ya kʉyě ya nɛ́, mo ya, mə mbó kʉ́yé wúŋ nɛ́, puŋ tsó ndzɔ́ʼɔ́ kəŋe ya. 10A pɛ́ɛ́ yɛ́ pǔŋ psyéb kaŋ máá nɛ́, mbǒ pǔŋ ntsó ndzɔ́ʼɔ́ ŋkəŋe ya, njʉ́ mə mbzyěb kaŋ Tɛd ya, ntsó ndzɔ́ʼɔ́ kəŋe yé nɛ́.
11Mə nsó yékénɛ́ ne puŋ kɛ́ʼɛ́ ŋgâ ndebéne máá pɛ́ ne puŋ, múŋ ndebéne pe yúŋme. 12Kaŋ máá pé nɔŋ, puŋ kʉyě mbəb yúŋ njʉ́ mə kʉ́yé wúŋ nɛ́. 13Cyó ŋɔŋ tséʼé kəŋe kaʼatɛ a záá, fáá ŋɔŋ wɛ́ a tě tsómvé yé ŋkyé pɔŋ pɛ́ a kʉyě wɔ́b nɛ́ pó. 14Puŋ ghɛmbɛ́ sɔ́ŋ páá mbéyɛ́ puŋ zhyɛ́ njʉ́ kaŋ máá psirɛ́ nɛ́. 15Mə mbó nɛ́ mbé fû wúŋ, pé né péŋkhó páá ŋkʉ́rʉ́ pó, ŋkyé ŋgâ méŋkho faʼ, mbe zɛ́ yɔ́b yɛ́ tɛdfaʼ yé zhyɛ́ nɛ́ pó. Mə fû wúŋ pe ne sɔ́ŋ páá, ŋkyé ŋgâ ŋkɔŋɔ no yɛ́ mə ndzóʼó ntswee Tɛd ya náá nɛ́, mə ŋgyɛ́ puŋ zé. 16A kɛ pe tsɔ́ʼ puŋ ntsɔ́ʼ ya pó, a tsɔ́ʼ mo ntsɔ́ʼ wúŋ, fɛ́ tʉ̌ŋ ne puŋ kɛ́ʼɛ́ ŋgâ puŋ ghú, ŋgyɛ meno sʉ́ʼʉ, meno sʉ́ʼʉ pɛ́ á ntsó nɛ́. Kaʼatɛ ŋkɔŋɔ yɔ́b yɛ́ puŋ mbzírɛ́ pwó Tɛd, ne tíí ya náá nɛ́, a fɛ́ ne puŋ. 17No yɛ́ mə nsó ŋgâ puŋ zhyɛ́ nɛ́, pɛ́ɛ́ ŋgâ puŋ kʉyě mbəb yúŋ tsetsɛrɛ puŋ.»
Mvémvé mbáŋá ŋgíŋgye Yěsô
18Yěsô ké mbó nsó ŋgâ: «A pɛ́ɛ́ yɛ́ mvémvé páŋá wúŋ nɛ́, puŋ zé ŋgâ a kɛ pê mbáŋá páá. 19A ghɛ́ mbɛ puŋ pɛ́ɛ́ pɔŋ mvémvé, mbǒ mvémvé kʉyě yɔ́b yɛ́ a yé nɛ́. Ntsʉʼmbé puŋ pɛ́ɛ́ pɔŋ mvémvé pó, a tsɔ́ʼ mo ntsɔ́ʼɔ́ wúŋ ndzɔ́ʼɔ́ mvémvé ntíí ywoʼɔ ndúŋ. A zhyɛ́ yéré mvémvé páŋá wúŋ. 20Pǔŋ kpáŋ nsó wɛ́ mə kɛ ntsɔ́ ne puŋ ŋgâ: “Tɛɛmbɛ méŋkho pe ntsɛ́ɛ́ tɛdfaʼ yé pó.” A pɛ́ɛ́ yɛ́ pɔ́b kɛ záá ya ne ŋgəʼo nɛ́, mbǒ pɔ́b náʼá ke záá yúŋ ywoʼ ne ŋgəʼo pe néré. A pɛ́ɛ́ yɛ́ pɔ́b kɛ zóʼ nsó ya nɛ́, mbǒ pɔ́b náʼá ke ndzóʼó wúŋ pe néré. 21Ŋkɔŋɔ meno pékenɛ́ náá, pɔ́b náʼá ŋgyɛ́ mbəb puŋ ŋkyé tíí ya. Ŋkyé ŋgâ pɔ́b zɛ́ ŋɔŋ wɛ́ a twɔ́ ya nɛ́ pó. 22A kɛ ghɛmbɛ́ mə mbé kʉ́yó pó, ke mbó mbé ncʉri nsó ya ne pɔ́b pó, mbǒ pɔ́b kɛ pé tséʼé cyó kəpɔŋ pó. A kiʼi mbɛ ne ŋkhoʼyɔŋ, cyó mǎʼne kəpɔŋ wɔ́b ghú pó. 23Ŋɔŋ wɛ́ a páŋá ya nɛ́, ke mbáŋ Tɛd ya páŋ. 24A kɛ ghɛ́ mbɛ mə mbé fáʼ faʼ pɔŋ pɛ́ ŋɔŋ kâ kɛ fáʼá nɛ́ tsetsɛrɛ pɔ́b pó, mbǒ pɔ́b kɛ pé tséʼé vɔ̌no pó. Ntsʉ́ʼmbɛ ne ŋkhoʼyɔŋ yɛ́ pɔ́b zhʉ́ péré faʼ nɛ́, pɔ́b ke mbó mbáŋá ywí páŋ, Mo, psi Tɛd ya. 25Ntsʉʼmbé kɛ́ʼɛ́ ŋgâ tó nsó wɛ́ pe ŋwɛ́ʼɛ́ ndzó kaŋ mɔ́b nɛ́ yúŋú. Nsó pɛ́ɛ́ ŋgâ: “Pɔ́b páŋa ya kii tsi yé.”
26Ŋkhoʼyɛ́ mə náʼá twɔ́ pfuŋɔ Tɛd, fɛ́ Ŋgebe ne puŋ nɛ́, Zhʉye wɛ́ a nyóʼó no sísíŋ nɛ́, yé wɛ́ a twɔ̌ pwó Tɛd nɛ́, ŋkɔʼɔtómbəb yé náʼá mkpee ntáŋ ya. 27Puŋ ke mbó mkpê yuŋ taŋa ya ŋkʉ́rʉ́, ŋkyé ŋgâ a kɛ pe piŋi féré ŋkhoʼ ndzyě yé.»
ទើបបានជ្រើសរើសហើយ៖
Zhâŋ 15: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Zhâŋ 15
15
Yěsô ndáá tsǐnsó
1Yěsô pó nsó ŋgâ: «Mə ndáá tsǐnsó, Tɛd ya pé ndáá ŋɔŋ wɛ́ a faʼa ndúŋú nɛ́ 2Ŋkɔŋɔ mbwó nsó mɛ́, a cʉ́ mbəb mo, mbé tóó ntáá nɛ́ pó, á tséé wé. Ŋkɔŋɔ mbwó nsó mɛ́ a tóó ntáá náá nɛ́, a tséé ŋkáb ndzóʼó, yânéré ŋgâ a pó tóó yé zááme ŋkʉ́rʉ́. 3Nsó wɛ́ mə ntsɔ́ ne puŋ nɛ́, kɛ tséé ŋkáb ndzɔ́ʼɔ́ puŋ. 4Puŋ yɛ́rɛ́ mbəb mo njʉ́ mə ndɛrɛ́ mbəb puŋ nɛ́! Njʉ́ mbwó nsó nɛ́, a pɛ́ɛ́ yɛ́ a yɛ́rɛ́ mbəb tsǐnsó nɛ́ pó, tɛɛmbɛ a pé tóó ntáá ne ndúŋú yé pó. Ntsʉ́ŋntsʉ́ŋ njʉ́, tɛɛmbɛ puŋ pe zhyɛ́ cyó no sʉ́ʼʉ, kii yɛ́rɛ́ mbəb mo nɛ́ pó. 5Mə tsítsəhó, puŋ pe pɛ mbwó nsó. Ŋɔŋ wɛ́ a yɛ́rɛ́ mbəb mo, mə ké mbó ndɛrɛ mbəb nɛ́. Ŋɔŋ wéré ŋgyɛ́ meno sʉ́ʼʉ zááme, ŋkyé ŋgâ a kâ mo, puŋ pe zhyɛ́ cyó yɔ́b pó. 6A pɛ́ɛ́ yɛ́ ŋɔŋ yɛ́rɛ́ mbəb mo nɛ́ pó, mbǒ pé máʼá wé mvé njʉ́ mbwó nsó mɛ́ pe ntséé wé maʼa ndzɔ́ʼɔ́kaʼ, a zwɔ̂, pe ŋwéé, máʼá mɔ́ɔ́, a kpíí nɛ́. 7A pɛ́ɛ́ yɛ́ puŋ yɛ́rɛ́ mbəb mo, nsó ya pó ndɛ́rɛ tswee puŋ nɛ́, puŋ mbzirɛ́ mbɛ kɔ́ yɛ́ puŋ zɔŋɔ nɛ́, mbǒ pé ŋkʉ́yó fɛ́ ne puŋ. 8A ŋkhoʼyɛ́ puŋ ŋgyɛ́ meno sʉ́ʼʉ zááme, mbó ŋgɛ mbɛ́ ŋgíŋgye páá nɛ́ ŋkɔ́ŋ, Tɛd ya pɔ́rɔ́ ntsɛ́ʼɛ́ ŋgúʼune. 9Njʉ́ Tɛd ya kʉyě ya nɛ́, mo ya, mə mbó kʉ́yé wúŋ nɛ́, puŋ tsó ndzɔ́ʼɔ́ kəŋe ya. 10A pɛ́ɛ́ yɛ́ pǔŋ psyéb kaŋ máá nɛ́, mbǒ pǔŋ ntsó ndzɔ́ʼɔ́ ŋkəŋe ya, njʉ́ mə mbzyěb kaŋ Tɛd ya, ntsó ndzɔ́ʼɔ́ kəŋe yé nɛ́.
11Mə nsó yékénɛ́ ne puŋ kɛ́ʼɛ́ ŋgâ ndebéne máá pɛ́ ne puŋ, múŋ ndebéne pe yúŋme. 12Kaŋ máá pé nɔŋ, puŋ kʉyě mbəb yúŋ njʉ́ mə kʉ́yé wúŋ nɛ́. 13Cyó ŋɔŋ tséʼé kəŋe kaʼatɛ a záá, fáá ŋɔŋ wɛ́ a tě tsómvé yé ŋkyé pɔŋ pɛ́ a kʉyě wɔ́b nɛ́ pó. 14Puŋ ghɛmbɛ́ sɔ́ŋ páá mbéyɛ́ puŋ zhyɛ́ njʉ́ kaŋ máá psirɛ́ nɛ́. 15Mə mbó nɛ́ mbé fû wúŋ, pé né péŋkhó páá ŋkʉ́rʉ́ pó, ŋkyé ŋgâ méŋkho faʼ, mbe zɛ́ yɔ́b yɛ́ tɛdfaʼ yé zhyɛ́ nɛ́ pó. Mə fû wúŋ pe ne sɔ́ŋ páá, ŋkyé ŋgâ ŋkɔŋɔ no yɛ́ mə ndzóʼó ntswee Tɛd ya náá nɛ́, mə ŋgyɛ́ puŋ zé. 16A kɛ pe tsɔ́ʼ puŋ ntsɔ́ʼ ya pó, a tsɔ́ʼ mo ntsɔ́ʼ wúŋ, fɛ́ tʉ̌ŋ ne puŋ kɛ́ʼɛ́ ŋgâ puŋ ghú, ŋgyɛ meno sʉ́ʼʉ, meno sʉ́ʼʉ pɛ́ á ntsó nɛ́. Kaʼatɛ ŋkɔŋɔ yɔ́b yɛ́ puŋ mbzírɛ́ pwó Tɛd, ne tíí ya náá nɛ́, a fɛ́ ne puŋ. 17No yɛ́ mə nsó ŋgâ puŋ zhyɛ́ nɛ́, pɛ́ɛ́ ŋgâ puŋ kʉyě mbəb yúŋ tsetsɛrɛ puŋ.»
Mvémvé mbáŋá ŋgíŋgye Yěsô
18Yěsô ké mbó nsó ŋgâ: «A pɛ́ɛ́ yɛ́ mvémvé páŋá wúŋ nɛ́, puŋ zé ŋgâ a kɛ pê mbáŋá páá. 19A ghɛ́ mbɛ puŋ pɛ́ɛ́ pɔŋ mvémvé, mbǒ mvémvé kʉyě yɔ́b yɛ́ a yé nɛ́. Ntsʉʼmbé puŋ pɛ́ɛ́ pɔŋ mvémvé pó, a tsɔ́ʼ mo ntsɔ́ʼɔ́ wúŋ ndzɔ́ʼɔ́ mvémvé ntíí ywoʼɔ ndúŋ. A zhyɛ́ yéré mvémvé páŋá wúŋ. 20Pǔŋ kpáŋ nsó wɛ́ mə kɛ ntsɔ́ ne puŋ ŋgâ: “Tɛɛmbɛ méŋkho pe ntsɛ́ɛ́ tɛdfaʼ yé pó.” A pɛ́ɛ́ yɛ́ pɔ́b kɛ záá ya ne ŋgəʼo nɛ́, mbǒ pɔ́b náʼá ke záá yúŋ ywoʼ ne ŋgəʼo pe néré. A pɛ́ɛ́ yɛ́ pɔ́b kɛ zóʼ nsó ya nɛ́, mbǒ pɔ́b náʼá ke ndzóʼó wúŋ pe néré. 21Ŋkɔŋɔ meno pékenɛ́ náá, pɔ́b náʼá ŋgyɛ́ mbəb puŋ ŋkyé tíí ya. Ŋkyé ŋgâ pɔ́b zɛ́ ŋɔŋ wɛ́ a twɔ́ ya nɛ́ pó. 22A kɛ ghɛmbɛ́ mə mbé kʉ́yó pó, ke mbó mbé ncʉri nsó ya ne pɔ́b pó, mbǒ pɔ́b kɛ pé tséʼé cyó kəpɔŋ pó. A kiʼi mbɛ ne ŋkhoʼyɔŋ, cyó mǎʼne kəpɔŋ wɔ́b ghú pó. 23Ŋɔŋ wɛ́ a páŋá ya nɛ́, ke mbáŋ Tɛd ya páŋ. 24A kɛ ghɛ́ mbɛ mə mbé fáʼ faʼ pɔŋ pɛ́ ŋɔŋ kâ kɛ fáʼá nɛ́ tsetsɛrɛ pɔ́b pó, mbǒ pɔ́b kɛ pé tséʼé vɔ̌no pó. Ntsʉ́ʼmbɛ ne ŋkhoʼyɔŋ yɛ́ pɔ́b zhʉ́ péré faʼ nɛ́, pɔ́b ke mbó mbáŋá ywí páŋ, Mo, psi Tɛd ya. 25Ntsʉʼmbé kɛ́ʼɛ́ ŋgâ tó nsó wɛ́ pe ŋwɛ́ʼɛ́ ndzó kaŋ mɔ́b nɛ́ yúŋú. Nsó pɛ́ɛ́ ŋgâ: “Pɔ́b páŋa ya kii tsi yé.”
26Ŋkhoʼyɛ́ mə náʼá twɔ́ pfuŋɔ Tɛd, fɛ́ Ŋgebe ne puŋ nɛ́, Zhʉye wɛ́ a nyóʼó no sísíŋ nɛ́, yé wɛ́ a twɔ̌ pwó Tɛd nɛ́, ŋkɔʼɔtómbəb yé náʼá mkpee ntáŋ ya. 27Puŋ ke mbó mkpê yuŋ taŋa ya ŋkʉ́rʉ́, ŋkyé ŋgâ a kɛ pe piŋi féré ŋkhoʼ ndzyě yé.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល