Zhâŋ 17
17
Yěsô tsɛ́ʼɛ́ Mboʼmvé
1Njʉ́ Yěsô kɛ nsó kɛ́ʼɛ́ nɛ́, a púʼú míí mé ndii pépéé, nsó ŋgâ: «Tɛd, ŋkhoʼ kuʼu! Fɛ́ ŋgúʼune pwó Mɔ́ŋ wo, kɛ́ʼɛ́ ŋgâ Mɔ́ŋ wo fɛ́ ŋgúʼune pwó wo. 2Ŋkʉ́rʉ́ kɛ́ʼɛ́, ne ŋkɔŋɔ tʉ̌ŋ saʼne yɛ́ wo fɛ́ pwó yé ndúŋú ŋkɔŋɔ pumésɔŋ náá nɛ́, a fɛ́ tsómvé ŋeŋáŋ pwó ŋkɔŋɔ pɔŋ pɛ́ wo kɛ tee wɔ́b pwó yé náá nɛ́. 3Ntsʉ́ʼŋgɛmbɛ, tsómvé ŋeŋáŋ pɛ́ɛ́ ŋgâ pɔ́b zɛ́ wo, wo wɛ́, a ndaʼ wo mbé Mboʼmvé ŋgerɛ́ŋged nɛ́, mbó ndzɛ́ Yěsô kristo, Ŋɔŋ wɛ́ wo kɛ twɔ́ nɛ́. 4Mə ŋgúʼɔ tíí wo ndúŋú tsetsáʼ. Mə mee faʼ yɛ́ wo kɛ fɛ́ ŋgâ mə fáʼ nɛ́. 5Ŋgɛmbɛ ne ŋkhoʼyɔŋ, Tɛd, fɛ́ ŋgúʼune ne mo pfúŋɔ́ wo, ŋgúʼune mɛ́ mə kɛ pê ntsɛ́ʼɛ́ pfúŋ wo kɔ́ŋ mvé pɔ́rɔ́ mbɛ́ nɛ́.
6Pɔŋ pɛ́ wo kɛ túbɔ́ wɔ́b ndzɔ́ʼɔ́ mvémvé fɛ́ ne mo nɛ́, mə ŋgyɛ́ pɔ́b zɛ́ tíí wo. Pɔ́b kɛ pɛ́ɛ́ pwó wo, wo fɛ́ wɔ́b ne mo. Pɔ́b pó nyí njʉ́ nsó wo tsɔ́ nɛ́. 7Pɔ́b zé ŋkhoʼyɔŋ ŋgâ ŋkɔŋɔ yɔ́b yɛ́ wo fɛ́ ne mo náá nɛ́, twɔ̌ pwó wo. 8Mbɛ nsó pɛ́ mə ntsɔ ne pɔ́b nɛ́, ke mbɛ́ɛ́ nsó pɛ́ wo fɛ́ ne mo nɛ́. Pɔ́b psyɛ́ nsó péré, mbó ndzé sísíŋ ŋgâ mə twɔ̌ pwó wo. Pɔ́b pó tséʼé psyɛ́ndzɔʼ ŋgâ a twɔ́ wo ntwɔ́ ya. 9Mə mbóʼmbwó ŋkyé wɔ́b. Mə tsé mbé póʼombwó ŋkyé mvémvé pó. Ntsʉ́ʼmbɛ ne pɔŋ pɛ wo fɛ́ ne mo nɛ́, ŋkyé ŋgâ pɔ́b pɛ́ɛ́ pwó wo. 10Ŋkɔŋɔ yɔ́b yɛ́ a ne mo náá nɛ́, pɛ́ɛ́ pwó wo, njʉ́ ŋkɔŋɔ yɔ́b yɛ́ pwó wo náá nɛ́, pɛ́ɛ́ ne mo nɛ́. A zhyɛ́ pɔ́b ŋgâ pe zhʉ́ ghɛ́ɛ́ ya. 11Ndzyěne ŋkhoʼyɔŋ, mə ndzó mvé yɔŋ nɛ́ ŋkʉ́rʉ́ pó. Mə ŋgɛ́ ŋkɔʼɔ ya pfuŋ wo, pɔ́b cʉ́ʼɔ́ ndzó mvé yɔŋ. Tɛd Yáŋme, kúbɔ́ wɔ́b ne tíí wo yɛ́ wo fɛ́ ne mo nɛ́, kɛ́ʼɛ́ ŋgâ pɔ́b pe taʼ yé, njʉ́ paʼa ke mbé yaʼa taʼ yé nɛ́. 12Ŋkhoʼyɛ́ psi pɔ́b mbé nɛ́, mə ŋkubɔ́ wɔ́b pe ne tíí wo, yɛ́ wo kɛ fɛ́ ne mo nɛ́. Mə kɛ kúbɔ́ wɔ́b kaʼatɛ taʼ ŋɔŋ ndzɔ́ʼɔ́ pɔ́b pé pwó pó, ndaʼ wɛ́ a kɛ ghɛ́ ke mbwó pwó nɛ́, kɛ́ʼɛ́ ŋgâ tó no yɛ́ a ŋwéʼéme nɛ́ yúŋú. 13A ne ŋkhoʼyɔŋ, mə ŋkɔʼɔ nɛ́ pe pfúŋɔ́ wo. Mə ntsɔ́ pɛ nsó pɔŋ ndúŋú tsetsáʼ kɛ́ʼɛ́ ŋgâ ndebéne mɛ́ a twɔ̌ ne mo nɛ́, pɛ ndzó ndzɔʼ yɔ́b, kaʼatɛ ndúŋ. 14Mə nyóʼ nsó wo ne pɔ́b, mvémvé paŋa wɔ́b, ŋkyé ŋgâ pɔ́b pɛ́ɛ́ pǔmvé pɔŋ pó, njʉ́ mo, mə ŋɔŋ mvé wɔŋ nɛ́ pó. 15Mə mbzírɛ pwó wo pe ŋgâ wo túbɔ́ wɔ́b ndúŋú tsetsáʼ pó, tsʉʼ mbé ŋgâ wo páʼá wɔ́b pwó Sátaŋ, yé wɛ́ a ŋukəpɔŋ nɛ́. 16Pɔ́b ke mbé pɛ́ yɔ́b pɔŋ mvé yɔŋ pó njʉ́ ŋkɔʼɔtómbəb ya, mə ŋumvé yɔŋ nɛ́ pó. 17Zhyɛ́ ne no sísíŋ, pɔ́b pɛ pwó wo, ŋkyé ŋgâ Nsó wo no sísíŋ. 18Njʉ́ wo kɛ́ twɔ́ ya ndzó mvé yɔŋ nɛ́, Mo yá, mə kiʼi ntwɔ́ wɔ́b nɛ́ ndzó mvé yɔŋ. 19Mə fɛ́ mbəb ya nɛ́ ne shʉ́ pwó wo ŋkyé wɔ́b, kɛ́ʼɛ́ ŋgâ no sísíŋ zhyɛ́, pɔ́b ké mbó fɛ́ yɔ́b mbəb ne shʉ́ pwó wo.
20Mə tsé mbé póʼombwó pé ŋkyé ndaʼ wɔ́b pó, mə ké mbó mbóʼómbwó ŋkyé pɔŋ pɛ́ pɔ́b náʼá ndáá ndúŋú nsó wɔ́b, ntíí ndzɔʼ yɔ́b mbəb mo nɛ́. 21Ŋgâ ŋkɔŋɔ ŋɔŋ náá pé taʼ yé njʉ́ wo, Tɛd, wo ne mo, mə mbó mbɛ́ pwó wo nɛ́, ŋgâ piŋɛ pɔ́b kpaʼ náá mbé taʼ yé. Kɛ́ʼɛ́ ŋgâ mvémvé yǎ ndúŋú mbzyɛ́ ŋgâ a twɔ́ wo ntwɔ́ ya. 22Ŋgɛmbɛ ne mo, ŋgúʼune mɛ́, wo kɛ fɛ́ ne mo nɛ́, mə fɛ́ ne pɔ́b, kɛ́ʼɛ́ ŋgâ pɔ́b ke mbɛ yɔ́b taʼ yé, njʉ́ páʼá taʼ yé nɛ́. 23Mə́ mbɛ́ ne pɔ́b mbziʼe njʉ́ wo ne mo nɛ́, kɛ́ʼɛ́ ŋgâ ntə́bne mɔ́b yúŋú. Kɛ́ʼɛ́ ŋgâ, mvémvé zé ŋgâ a twɔ́ wo ntwɔ́ ya, wo pó kʉ́yé wɔ́b njʉ́ wo kʉ́yé ya nɛ́. 24Tɛd, mə tsé ndzɔŋɔ ŋgâ ywoʼ yɛ́ mə yóʼó nɛ́, pɔŋ pɛ́ wo kɛ fɛ́ ne mo nɛ́, psi pɔ́b kaa náá mbɛ́ yóʼó, pɔ́b pó ŋgóʼ ghɛ́ɛ́ wɛ́ wo kɛ fɛ́ ne mo nɛ́. Ŋkyé ŋgâ wo kɛ pee kʉ́yé ya ŋkɔ́ŋ, mbɔ́rɔ́ mbóʼó mvé. 25Tɛd kii shaŋa, mvémvé ghɛ́ mbé zɛ́ wo pó, mə ndzɛ wo. Pɔŋ pɔŋ pó ndzé ŋgâ wo twɔ́ ya. 26Mə kɛ zhyɛ́ pɔ́b zɛ́ tíí wo. Mə ŋgɛ́ mbɔ́rɔ́ ŋgyɛ́ pɔ́b zé ŋkʉ́rʉ́, kɛ́ʼɛ́ ŋgâ kəŋe yɛ́ wo kɛ kʉ́yé ya nuŋu nɛ́, pɛ́ ne pɔ́b, Mo ya, Mə ké mbó mbɛ́ ne pɔ́b.»
ទើបបានជ្រើសរើសហើយ៖
Zhâŋ 17: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Zhâŋ 17
17
Yěsô tsɛ́ʼɛ́ Mboʼmvé
1Njʉ́ Yěsô kɛ nsó kɛ́ʼɛ́ nɛ́, a púʼú míí mé ndii pépéé, nsó ŋgâ: «Tɛd, ŋkhoʼ kuʼu! Fɛ́ ŋgúʼune pwó Mɔ́ŋ wo, kɛ́ʼɛ́ ŋgâ Mɔ́ŋ wo fɛ́ ŋgúʼune pwó wo. 2Ŋkʉ́rʉ́ kɛ́ʼɛ́, ne ŋkɔŋɔ tʉ̌ŋ saʼne yɛ́ wo fɛ́ pwó yé ndúŋú ŋkɔŋɔ pumésɔŋ náá nɛ́, a fɛ́ tsómvé ŋeŋáŋ pwó ŋkɔŋɔ pɔŋ pɛ́ wo kɛ tee wɔ́b pwó yé náá nɛ́. 3Ntsʉ́ʼŋgɛmbɛ, tsómvé ŋeŋáŋ pɛ́ɛ́ ŋgâ pɔ́b zɛ́ wo, wo wɛ́, a ndaʼ wo mbé Mboʼmvé ŋgerɛ́ŋged nɛ́, mbó ndzɛ́ Yěsô kristo, Ŋɔŋ wɛ́ wo kɛ twɔ́ nɛ́. 4Mə ŋgúʼɔ tíí wo ndúŋú tsetsáʼ. Mə mee faʼ yɛ́ wo kɛ fɛ́ ŋgâ mə fáʼ nɛ́. 5Ŋgɛmbɛ ne ŋkhoʼyɔŋ, Tɛd, fɛ́ ŋgúʼune ne mo pfúŋɔ́ wo, ŋgúʼune mɛ́ mə kɛ pê ntsɛ́ʼɛ́ pfúŋ wo kɔ́ŋ mvé pɔ́rɔ́ mbɛ́ nɛ́.
6Pɔŋ pɛ́ wo kɛ túbɔ́ wɔ́b ndzɔ́ʼɔ́ mvémvé fɛ́ ne mo nɛ́, mə ŋgyɛ́ pɔ́b zɛ́ tíí wo. Pɔ́b kɛ pɛ́ɛ́ pwó wo, wo fɛ́ wɔ́b ne mo. Pɔ́b pó nyí njʉ́ nsó wo tsɔ́ nɛ́. 7Pɔ́b zé ŋkhoʼyɔŋ ŋgâ ŋkɔŋɔ yɔ́b yɛ́ wo fɛ́ ne mo náá nɛ́, twɔ̌ pwó wo. 8Mbɛ nsó pɛ́ mə ntsɔ ne pɔ́b nɛ́, ke mbɛ́ɛ́ nsó pɛ́ wo fɛ́ ne mo nɛ́. Pɔ́b psyɛ́ nsó péré, mbó ndzé sísíŋ ŋgâ mə twɔ̌ pwó wo. Pɔ́b pó tséʼé psyɛ́ndzɔʼ ŋgâ a twɔ́ wo ntwɔ́ ya. 9Mə mbóʼmbwó ŋkyé wɔ́b. Mə tsé mbé póʼombwó ŋkyé mvémvé pó. Ntsʉ́ʼmbɛ ne pɔŋ pɛ wo fɛ́ ne mo nɛ́, ŋkyé ŋgâ pɔ́b pɛ́ɛ́ pwó wo. 10Ŋkɔŋɔ yɔ́b yɛ́ a ne mo náá nɛ́, pɛ́ɛ́ pwó wo, njʉ́ ŋkɔŋɔ yɔ́b yɛ́ pwó wo náá nɛ́, pɛ́ɛ́ ne mo nɛ́. A zhyɛ́ pɔ́b ŋgâ pe zhʉ́ ghɛ́ɛ́ ya. 11Ndzyěne ŋkhoʼyɔŋ, mə ndzó mvé yɔŋ nɛ́ ŋkʉ́rʉ́ pó. Mə ŋgɛ́ ŋkɔʼɔ ya pfuŋ wo, pɔ́b cʉ́ʼɔ́ ndzó mvé yɔŋ. Tɛd Yáŋme, kúbɔ́ wɔ́b ne tíí wo yɛ́ wo fɛ́ ne mo nɛ́, kɛ́ʼɛ́ ŋgâ pɔ́b pe taʼ yé, njʉ́ paʼa ke mbé yaʼa taʼ yé nɛ́. 12Ŋkhoʼyɛ́ psi pɔ́b mbé nɛ́, mə ŋkubɔ́ wɔ́b pe ne tíí wo, yɛ́ wo kɛ fɛ́ ne mo nɛ́. Mə kɛ kúbɔ́ wɔ́b kaʼatɛ taʼ ŋɔŋ ndzɔ́ʼɔ́ pɔ́b pé pwó pó, ndaʼ wɛ́ a kɛ ghɛ́ ke mbwó pwó nɛ́, kɛ́ʼɛ́ ŋgâ tó no yɛ́ a ŋwéʼéme nɛ́ yúŋú. 13A ne ŋkhoʼyɔŋ, mə ŋkɔʼɔ nɛ́ pe pfúŋɔ́ wo. Mə ntsɔ́ pɛ nsó pɔŋ ndúŋú tsetsáʼ kɛ́ʼɛ́ ŋgâ ndebéne mɛ́ a twɔ̌ ne mo nɛ́, pɛ ndzó ndzɔʼ yɔ́b, kaʼatɛ ndúŋ. 14Mə nyóʼ nsó wo ne pɔ́b, mvémvé paŋa wɔ́b, ŋkyé ŋgâ pɔ́b pɛ́ɛ́ pǔmvé pɔŋ pó, njʉ́ mo, mə ŋɔŋ mvé wɔŋ nɛ́ pó. 15Mə mbzírɛ pwó wo pe ŋgâ wo túbɔ́ wɔ́b ndúŋú tsetsáʼ pó, tsʉʼ mbé ŋgâ wo páʼá wɔ́b pwó Sátaŋ, yé wɛ́ a ŋukəpɔŋ nɛ́. 16Pɔ́b ke mbé pɛ́ yɔ́b pɔŋ mvé yɔŋ pó njʉ́ ŋkɔʼɔtómbəb ya, mə ŋumvé yɔŋ nɛ́ pó. 17Zhyɛ́ ne no sísíŋ, pɔ́b pɛ pwó wo, ŋkyé ŋgâ Nsó wo no sísíŋ. 18Njʉ́ wo kɛ́ twɔ́ ya ndzó mvé yɔŋ nɛ́, Mo yá, mə kiʼi ntwɔ́ wɔ́b nɛ́ ndzó mvé yɔŋ. 19Mə fɛ́ mbəb ya nɛ́ ne shʉ́ pwó wo ŋkyé wɔ́b, kɛ́ʼɛ́ ŋgâ no sísíŋ zhyɛ́, pɔ́b ké mbó fɛ́ yɔ́b mbəb ne shʉ́ pwó wo.
20Mə tsé mbé póʼombwó pé ŋkyé ndaʼ wɔ́b pó, mə ké mbó mbóʼómbwó ŋkyé pɔŋ pɛ́ pɔ́b náʼá ndáá ndúŋú nsó wɔ́b, ntíí ndzɔʼ yɔ́b mbəb mo nɛ́. 21Ŋgâ ŋkɔŋɔ ŋɔŋ náá pé taʼ yé njʉ́ wo, Tɛd, wo ne mo, mə mbó mbɛ́ pwó wo nɛ́, ŋgâ piŋɛ pɔ́b kpaʼ náá mbé taʼ yé. Kɛ́ʼɛ́ ŋgâ mvémvé yǎ ndúŋú mbzyɛ́ ŋgâ a twɔ́ wo ntwɔ́ ya. 22Ŋgɛmbɛ ne mo, ŋgúʼune mɛ́, wo kɛ fɛ́ ne mo nɛ́, mə fɛ́ ne pɔ́b, kɛ́ʼɛ́ ŋgâ pɔ́b ke mbɛ yɔ́b taʼ yé, njʉ́ páʼá taʼ yé nɛ́. 23Mə́ mbɛ́ ne pɔ́b mbziʼe njʉ́ wo ne mo nɛ́, kɛ́ʼɛ́ ŋgâ ntə́bne mɔ́b yúŋú. Kɛ́ʼɛ́ ŋgâ, mvémvé zé ŋgâ a twɔ́ wo ntwɔ́ ya, wo pó kʉ́yé wɔ́b njʉ́ wo kʉ́yé ya nɛ́. 24Tɛd, mə tsé ndzɔŋɔ ŋgâ ywoʼ yɛ́ mə yóʼó nɛ́, pɔŋ pɛ́ wo kɛ fɛ́ ne mo nɛ́, psi pɔ́b kaa náá mbɛ́ yóʼó, pɔ́b pó ŋgóʼ ghɛ́ɛ́ wɛ́ wo kɛ fɛ́ ne mo nɛ́. Ŋkyé ŋgâ wo kɛ pee kʉ́yé ya ŋkɔ́ŋ, mbɔ́rɔ́ mbóʼó mvé. 25Tɛd kii shaŋa, mvémvé ghɛ́ mbé zɛ́ wo pó, mə ndzɛ wo. Pɔŋ pɔŋ pó ndzé ŋgâ wo twɔ́ ya. 26Mə kɛ zhyɛ́ pɔ́b zɛ́ tíí wo. Mə ŋgɛ́ mbɔ́rɔ́ ŋgyɛ́ pɔ́b zé ŋkʉ́rʉ́, kɛ́ʼɛ́ ŋgâ kəŋe yɛ́ wo kɛ kʉ́yé ya nuŋu nɛ́, pɛ́ ne pɔ́b, Mo ya, Mə ké mbó mbɛ́ ne pɔ́b.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល