Zhâŋ 11
11
Yěsô zhʉyɛ́ Nǎzaro ne vó
1Taʼ ŋɔŋ kɛ vǒ ghɔŋ, tíí yé pé Nǎzaro. Pwɛ pɔ́ŋmɛ́ pé Malya pú Máátaa kɛ tsó ndzó ŋgɔŋ Betáni. 2Á Malya wɛ́ a kɛ nǔʼ Ntsɛɛpɔŋ ne vód tswɔtwɔ́ nɛ́, mbó sébé kpee mé ne nwɔ̌tó mé nɛ́. A kɛ pé mɔ́ŋmɛ́ yé Nǎzaro ŋgɔŋɔ. 3Pɔ́ŋmɛ́ pé, pé pěŋgyé péré twɔ́ ntɔ́b ŋgâ pe tsɔ̌ Yěsô ŋgâ: «Ntsɛɛpɔŋ, sɔŋ wo wɛ́ wo kʉ́yé wé nɛ́, tsé ŋgɔ́ŋɔ kaʼatɛ.»
4Ŋkhoʼyɛ́ Yěsô kɛ zóʼ nɛ́, a nsó ŋgâ: «Yéré ghɔŋ mbáŋ ne tó yé pó, a pɛ́ɛ́ ne nyǒʼne ghɛ́ɛ́ Mboʼmvé. Pé ndzáʼá ndúŋú, ŋgúʼɔ Mɔ́ŋ Mboʼmvé.» 5A kɛ ghɛmbɛ Yěsô ŋkʉyé Máátaa ne mɔ́ŋmɛ́ yé pú Nǎzaro kaʼatɛ. 6Mbɛ njʉ́ Yěsô kɛ zé ŋgâ a ghɔŋɔ Nǎzaro nɛ́, a pó ŋgyɛ́ zhyémve pépáá ŋkʉ́rʉ́ ndzó ywoʼ yɛ́ a kɛ pé nɛ́. 7Ŋkhoʼyɛ́ zhyémve péré kɛ záʼ nɛ́, a tsɔ́ pwó ŋgíŋgye pé ŋgâ: «Piŋi pód ndzəb Zhʉde.» 8Ŋgíŋgye pé tsɔ́ pwó yé ŋgâ: «Rábi, ntsɛ́ssó pɛ Yúda ke kɛ ŋâ ŋǎ ne ntáʼne mɛndɔ́b njʉ́ pɔ́b ntswɔ́ wo ne ŋgɔʼ nɔʼɔ nɛ́. Wo zɔŋɔ mbó mbɔ́rɔ́ ndzəb yoʼo pe niŋ?» 9Yěsô pɔ́rɔ́ ne pɔ́b ŋgâ: «Zhyémve tséʼé ŋkhoʼ mé ntsɔ̌bpáá pɔɔ? Mbéyɛ́ ŋɔŋ tsé nyí mvé ne zhyáŋá nɛ́, mbǒ tɛɛmbɛ a pe tɔ́ kpee yé pó, ŋkyé ŋgâ ndáŋne mvé yɔŋ tsé ŋgyɛ́, a zhʉ́ ywoʼ. 10Ntsʉʼmbé, a pɛ́ɛ́ yɛ́ ŋɔŋ tsé nyí mvé netsúʼ nɛ́, mbǒ a tɔ́ kpee yé, ŋkyé ŋgâ yɔ́b yɛ́ a ŋkiʼa ywoʼ pwó yé nɛ́, yóʼó pó.»
11Ŋkhoʼyɛ́ a kɛ nsó néré nɛ́, a pó ntsó ŋkʉ́rʉ́ ŋgâ: «Sɔ́ŋ wíŋi Nǎzaro tsé ŋgye, ntsʉʼmbé mə ŋgú njʉ̌ wé.» 12ŋgíŋgye pé tsɔ́ pwó yé ŋgâ: «Ntsɛɛpɔŋ, a pɛ́ɛ́ yɛ́ a zhyé zhyé nɛ́, mbǒ a ndzú.» 13A kɛ ŋgɛmbɛ néré mbǒ Yěsô kɛ zɔŋɔ tsɔ̌ no vó Nǎzaro, ntsʉʼmbé kpaŋató ŋgíŋgye pe zhyɛ́, pɔ́b pó ndzóʼó yɔ́b pe ŋgâ a tsɔ̂ nɔ yɔ́ɔ́. 14Yěsô tsɔ́ ne pɔ́b ŋgerɛ́ŋged ŋgâ: «Nǎzaro pfɔ̂. 15Mə tséʼé ndebéne ŋkyé wúŋ njʉ́ mə mbě mbé pɛ yóʼó nɛ́ pó, kɛ́ʼɛ́ ŋgâ puŋ cʉ̌yi ntíí ndzɔʼ yuŋ mbəb mo. Néré, piŋi ghú pfúŋɔ́ Nǎzaro.» 16Néré Tomâsə wɛ́ pe kɛ fû wé ne Didimə nɛ́, tsɔ́ pwó pecyó ŋgíŋgye ŋgâ: «Piŋi ghú yiŋi, piŋ pɔ́b kâ náá pfɔ̂.»
17Yěsô kɛ ghɛ́ mbáŋa, njʉ́ Nǎzaro pe ndzó sye, ŋgɛmbɛ a kɛ zhyɛ́ zhyémve pekwa. 18Njʉ́ taŋa Betáni kɛ sǎ ne Yerʉ́salɛm ne ywɔ̌ kílometa yíkyéd nɛ́, 19pɔŋ Zááme twɔ́ ne pɛ́rɛ́ ŋgɔŋ Zhʉdé, ŋkʉ́yó yóʼó Máátaa pú Malya ne ntsúbune ndzɔʼ yɔ́b, ŋkyé mɔ́ŋmɛ́ wɔ́b wɛ́ a kɛ pfɔ̂ nɛ́. 20Ŋkhoʼyɛ́ Máátaa kɛ zóʼ ŋgâ Yěsô kɛ tsé ŋkʉ́yó nɛ́, a ghú ntsɔ́rɔ́ wé mɛndɔ́b, ŋgɛmbɛ Malya ghɔ́rɔ́ yé ndáb. 21Máátaa tsɔ́ pwó Yěsô ŋgâ: «Ntsɛɛpɔŋ, a ghɛmbɛ wo pɛ́ ghaŋ, mbǒ mɔ́ŋmɛ́ ya pfɔ̂ pó. 22Mbɛ néré, ŋkhoʼyɔŋ, mə ndzé ŋgâ ŋkɔŋɔ yɔ́b yɛ́ wo náʼá mbzírɛ́ pwó Mboʼmvé náá nɛ́, a náʼá fɛ́ pwó wo.» 23Yěsô tsɔ́ pwó yé ŋgâ: «Mɔ́ŋmɛ́ wo njʉyɛ́ ne vó.» 24Máátaa pɔ́rɔ́ pwó yé ŋgâ: «Mə ndzé ŋgâ a njʉyɛ́ ne vó ne zhyémve njʉ́yi ndzəb.» 25Yěsô tsɔ́ pwó yé ŋgâ: «Mo, mə njʉyɛ́ne ne vó, mbó mbé tsómvé. Ŋɔŋ wɛ́ a tséʼé psyɛ́ndzɔʼ ne tíí ya nɛ́, mbɛ a pɛɛ yɛ́ a pfo nɛ́, mbǒ a ke náʼá tséʼé tsómvé tséʼé. 26Ntsye ŋɔŋ wɛ́ a tsó mvé mbó tséʼé psyɛ́ndzɔʼ ne tíí ya nɛ́, mbǒ a náʼá pfɔ̂ pó. Wo psyɛ́ néré?» 27Máátaa pód ŋgâ: «Ɔ́ŋɔ́ kɛ Ntsɛɛpɔŋ! Mə mbzyɛ́ ŋgâ wo Kristo, Mɔ́ŋ Mboʼmvé wɛ́ á kɛ ghɛ́ ŋkʉ́yó ndzó mvé yɔŋ nɛ́.»
28Ŋkhoʼyɛ́ Máátaa kɛ nsó néré nɛ́, a ghú fû mɔ́ŋmɛ́ yé Malya, ŋkhí ntsəb ndzó təŋé yé ŋgâ: «Kéʼeyáŋ nsé nɛ́ mvé. A ghǎ wo kʉ́yó.» 29Njʉ́ Malya kɛ ke ndzóʼ néré nɛ́, a ke ŋáá syé pe néré, ne ŋgǔne pfúŋɔ́ Yěsô. 30A kɛ ghɛmbɛ Yěsô pe kɛ kúŋɔ́ yaʼ pó, a kɛ ké mbɛ́ɛ́ ndzó ywoʼ yɛ́ Máátaa kɛ pɛ́rɛ́ wé nɛ́. 31Pɛ Yúda kɛ pɛ ndáb pwɛ Malya, ne ntsúbune ndzɔʼ yé. Pɔ́b ghɛ́ mvuwɛ́, a ŋǎ sye ntwɔ́ mvé, pɔ́b zɔŋɔ wé, kpaŋa ŋgâ a ghǔ ntswěsyé tsé ŋkhɔ. 32Ŋkhoʼyɛ́ Malya kɛ páŋá ndzó ywoʼ yɛ́ Yěsô kɛ pe nɛ́, a ke ŋgɛ́ njʉ́ wé, mvɔ̂ ne kpee mé, ntsɔ́ pwó yé ŋgâ: «Ntsɛɛpɔŋ, a ghɛmbɛ wo pɛ́ ghaŋ, mbǒ mɔ́ŋmɛ́ ya pfɔ̂ pó.» 33Ŋkhoʼyɛ́ Yěsô kɛ zhʉ́ njʉ́ Malya pwɛ pɛ Yúda pɛ́ pɔ́b kɛ tsyáŋa wé nɛ́, kɛ tsé ntsaŋa vó nɛ́, ndzɔʼ yé púbú kaʼatɛ, tó yé vaʼ. 34A nsó ŋgâ: «Puŋ nuŋɔ wé pɛ́ɛ́?» Pɔ́b pód ŋgâ: «Ntsɛɛpɔŋ, kʉ́yó njʉ́!» 35Néré, Yěsô khó. 36Pɛ Yúda kɛ tsɔ́ ŋgâ: «Puŋ zhʉ́ njʉ́ a kɛ kʉ́yé wé nɛ́!» 37Ntsʉʼmbé pecyó pɔŋ ndzɔ́ʼɔ́ pɔ́b tsɔ́ ŋgâ: «Ŋɔŋ wɛ́ a kɛ zhyɛ́ míí ffǒme zhʉ́ ywoʼ nɛ́, pó mbé kúʼɔ́ ne mbâʼne Nǎzaro ne vó pó!» 38Néré, ndzɔʼ Yěsô ke mbó mbúbú ŋkʉ́rʉ́, a ghú tswěsyé. Pe kɛ təŋé sye pe ndzɔ́ʼɔ́ yɛ́d, ndɔ́ɔ́ táá ŋgɔʼ kəkwéʼe naŋ ntswee yé núŋ. 39Yěsô nsó ŋgâ: «Puŋ suʼú ŋgɔʼ yɔŋ.» Máátaa mɔ́ŋmɛ́ pfɔ́pfɔ́ tsɔ́ pwó yé ŋgâ: «Ntsɛɛpɔŋ, a kɛ tsé ntswɔ̂! ŋkyé ŋgâ a kɛ pe nɔŋ zhyémve pekwa njʉ́ a pfɔ̂ nɛ́.» 40Ntsʉʼmbé Yěsô pɔ́rɔ́ pwó yé ŋgâ: «Mə kâ ntsɔ́ pwó wo ŋgâ Mbéyɛ́ wo psyɛ́ nɛ́, mbǒ wo njʉ́ ghɛ́ɛ́ Mboʼmvé pɔɔ?» 41Pe suʼú ŋgɔʼ. Néré, Yěsô púʼú míí mé, ntsó ŋgâ: «Tɛd, mə fɛ́ ŋgúʼune pwó wo njʉ́ wo zóʼ tséʼé ya nɛ́. 42A sísíŋ, mə ncʉyí ndzé ŋgâ wo yɛ́ ke ndzóʼó tséʼé ya zóʼ. Ntsʉʼmbé mə ntsó kaʼa, ŋkyé pɔŋ pɔŋ pɛ́ pɔ́b tsɛ pfúŋɔ́ mo kaʼa nɛ́, kɛ́ʼɛ́ ŋgâ pɔ́b psyɛ́ ŋgâ a twɔ́ wo ntwɔ́ ya.» 43Njʉ́ a kɛ nsó néré nɛ́, a ghéʼ ne tʉ̌ŋ ŋgâ: «Nǎzaro, twɔ́ ghɛ́!» 44Ŋɔŋ wɛ́ a kɛ pɛ́ɛ́ pfɔ́ yé nɛ́, twɔ́. Kpee mé pwɛ mbwó mé pe kwódme, ne pɛ pɛ́rɛ́ ndzwé, záŋ yé pé pwɔ́me ne ywɔ̌ndzwé. Yěsô tsɔ́ pwó pɔŋ ŋgâ: «Puŋ kee wé, ntee wé, a ghú!»
Menaŋ mɛ́ pé kɛ nyí ŋkyé Yěsô nɛ́
(Mat 26:1-5; Máá 14:1-2; Lúk 22:1-2)
45Pɔŋ zááme ndzɔ́ʼɔ́ pɔŋ pɛ́ pɔ́b kɛ twɔ́ ndzó pɛ́rɛ́ ŋgɔŋ Zhʉdé, kʉ́yó pfúŋɔ́ Malya nɛ́, zhʉ́ no yɛ́ Yěsô kɛ zhyɛ́ nɛ́, ntíí ndzɔʼ mbəb yé. 46Ntsʉʼmbé, pecyó ghú, njʉ́ pɛ Farízya, ndaʼ no yɛ́ Yěsô kɛ zhyɛ́ nɛ́ ne pɔ́b. 47Pɛ ntsɛ́ssó ghaŋáshʉ́ pwɛ pɛ Farízya kúŋ ntéré, nsó ŋgâ: «Piŋi zhyɛ́ níŋ? Ŋɔŋ wɔŋ tsé nɛ́ ŋgyɛ́ pɛ meno shʉyédme ŋgáʼ! 48Piŋi tě wé tê a ghú nuŋu ssó, mbǒ ŋkɔŋɔ pɔŋ náá ntíí ndzɔʼ mbəb yé. Pɛ Roma kʉ́yó, ŋgɛ́ nʉ́ʉ́, ntaʼa ne mbǒne ywoʼɔ́ yiŋi yé yáŋme pú ŋgɔŋ wíŋi.» 49Taʼ ŋɔŋ ndzɔ́ʼɔ́ pɔ́b, tíí yé pe Kayifə, wɛ́ a kɛ pé tɛdshʉ́ kəkwéʼe ne yéré ŋgǒʼmvé nɛ́, nsó ŋgâ: «Puŋ tsé mbé zóʼó cyó yɔ́b pó, 50Kii pó tsé njʉ́ ŋgâ a kuʼɛ ne puŋ ŋgâ taʼ ŋɔŋ pfɔ́ ne tó pumésɔŋ, ne yɛ́ ŋkɔŋɔ ŋgɔŋ náá mbwó nɛ́.» 51Nsó wéré kɛ twɔ̌ kpaʼ pfɔ̂ yé pó. Ntsʉʼ mbé, njʉ́ a kɛ pé yé mbé tɛdshʉ́ kəkwéʼe ne yéré ŋgǒʼmvé nɛ́, a nsó kpaŋató Mboʼmvé ŋgâ: «A zɔŋɔ ŋgâ Yěsô pfɔ̂ ŋkyé pɛ Yúda.» 52Ke mbé pɛ́ɛ́ ŋkyé ndaʼ pɛ Yúda pó, ntsʉʼmbɛ́ɛ́ ne ntéréne pɔ́ŋ Mboʼmvé pɛ́ pɔ́b kɛ gbaʼ náá nɛ́, yânéré ŋgâ pɔ́b ŋkhú taʼ yé. 53A kɛ pɛ́ɛ́ zhyémve yéré nɛ́, pɔ́b tíí ŋgâ pɔ́b ntaʼa ndzaʼ yé kaʼatɛ pe ke nɔ́ʼɔ́ Yěsô nɔ́ʼ. 54Ŋgɛmbɛ ne tómbəb Yěsô, a pó mbé tsé nyí ŋkʉ́rʉ́ ndzó ywoʼ yɛ́ pɛ ntsɛ́ssó pɛ Yúda yóʼó nɛ́ pó. A ŋǎ yé ŋgú ndzó taʼ ywoʼ yɛ́ a kɛ pɛ pfúŋɔ́ ghúŋkwéʼé nɛ́, ndzó mbɛ́lʉ́ŋ yɛ́ tíí kɛ pe Efrayim, ntsó yóʼó pwɛ ŋgíŋgye pé.
Pe táʼá Yěsô ne gbǎne wé
(Mat 26:6-13; Máá 14:3-9; Lúk 7:36-38)
55A kɛ ghɛmbɛ, ndebéne Pasəka pɛ Yúda tsé ŋkʉ́yó. Njʉ́ mvé kɛ ghɛ́ ŋkě a pe zhyémve Pasəka nɛ́, pɔŋ zááme ndzó pɛ yaʼ kɔʼɔ Yerʉ́salɛm ne mbǒdne mbəb yɔ́b. 56Pɔ́b táʼá Yěsô. Ndzó ywoʼ yɛ́ pɔ́b kɛ pɛ Ndámboʼmvé nɛ́, pɔ́b tsɔ́ tsetsɛrɛ pɔ́b ŋgâ: «Puŋ zhʉ́ yuŋ pe níŋ? Tɛɛmbɛ a pe kʉ́yó ndebéne pó.» 57Pɛ ntsɛ́ssó ghaŋáshʉ́ pwɛ pɛ Farízya kɛ zhíbí ŋgâ, tsyé ŋɔŋ wɛ́ a zɛ́ ywoʼ yɛ́ a yóʼó nɛ́, ntsɛ́ʼɛ́ ne ntáŋne wé, kɛ́ʼɛ́ ŋgâ pe ghú gbáá wé.
ទើបបានជ្រើសរើសហើយ៖
Zhâŋ 11: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Zhâŋ 11
11
Yěsô zhʉyɛ́ Nǎzaro ne vó
1Taʼ ŋɔŋ kɛ vǒ ghɔŋ, tíí yé pé Nǎzaro. Pwɛ pɔ́ŋmɛ́ pé Malya pú Máátaa kɛ tsó ndzó ŋgɔŋ Betáni. 2Á Malya wɛ́ a kɛ nǔʼ Ntsɛɛpɔŋ ne vód tswɔtwɔ́ nɛ́, mbó sébé kpee mé ne nwɔ̌tó mé nɛ́. A kɛ pé mɔ́ŋmɛ́ yé Nǎzaro ŋgɔŋɔ. 3Pɔ́ŋmɛ́ pé, pé pěŋgyé péré twɔ́ ntɔ́b ŋgâ pe tsɔ̌ Yěsô ŋgâ: «Ntsɛɛpɔŋ, sɔŋ wo wɛ́ wo kʉ́yé wé nɛ́, tsé ŋgɔ́ŋɔ kaʼatɛ.»
4Ŋkhoʼyɛ́ Yěsô kɛ zóʼ nɛ́, a nsó ŋgâ: «Yéré ghɔŋ mbáŋ ne tó yé pó, a pɛ́ɛ́ ne nyǒʼne ghɛ́ɛ́ Mboʼmvé. Pé ndzáʼá ndúŋú, ŋgúʼɔ Mɔ́ŋ Mboʼmvé.» 5A kɛ ghɛmbɛ Yěsô ŋkʉyé Máátaa ne mɔ́ŋmɛ́ yé pú Nǎzaro kaʼatɛ. 6Mbɛ njʉ́ Yěsô kɛ zé ŋgâ a ghɔŋɔ Nǎzaro nɛ́, a pó ŋgyɛ́ zhyémve pépáá ŋkʉ́rʉ́ ndzó ywoʼ yɛ́ a kɛ pé nɛ́. 7Ŋkhoʼyɛ́ zhyémve péré kɛ záʼ nɛ́, a tsɔ́ pwó ŋgíŋgye pé ŋgâ: «Piŋi pód ndzəb Zhʉde.» 8Ŋgíŋgye pé tsɔ́ pwó yé ŋgâ: «Rábi, ntsɛ́ssó pɛ Yúda ke kɛ ŋâ ŋǎ ne ntáʼne mɛndɔ́b njʉ́ pɔ́b ntswɔ́ wo ne ŋgɔʼ nɔʼɔ nɛ́. Wo zɔŋɔ mbó mbɔ́rɔ́ ndzəb yoʼo pe niŋ?» 9Yěsô pɔ́rɔ́ ne pɔ́b ŋgâ: «Zhyémve tséʼé ŋkhoʼ mé ntsɔ̌bpáá pɔɔ? Mbéyɛ́ ŋɔŋ tsé nyí mvé ne zhyáŋá nɛ́, mbǒ tɛɛmbɛ a pe tɔ́ kpee yé pó, ŋkyé ŋgâ ndáŋne mvé yɔŋ tsé ŋgyɛ́, a zhʉ́ ywoʼ. 10Ntsʉʼmbé, a pɛ́ɛ́ yɛ́ ŋɔŋ tsé nyí mvé netsúʼ nɛ́, mbǒ a tɔ́ kpee yé, ŋkyé ŋgâ yɔ́b yɛ́ a ŋkiʼa ywoʼ pwó yé nɛ́, yóʼó pó.»
11Ŋkhoʼyɛ́ a kɛ nsó néré nɛ́, a pó ntsó ŋkʉ́rʉ́ ŋgâ: «Sɔ́ŋ wíŋi Nǎzaro tsé ŋgye, ntsʉʼmbé mə ŋgú njʉ̌ wé.» 12ŋgíŋgye pé tsɔ́ pwó yé ŋgâ: «Ntsɛɛpɔŋ, a pɛ́ɛ́ yɛ́ a zhyé zhyé nɛ́, mbǒ a ndzú.» 13A kɛ ŋgɛmbɛ néré mbǒ Yěsô kɛ zɔŋɔ tsɔ̌ no vó Nǎzaro, ntsʉʼmbé kpaŋató ŋgíŋgye pe zhyɛ́, pɔ́b pó ndzóʼó yɔ́b pe ŋgâ a tsɔ̂ nɔ yɔ́ɔ́. 14Yěsô tsɔ́ ne pɔ́b ŋgerɛ́ŋged ŋgâ: «Nǎzaro pfɔ̂. 15Mə tséʼé ndebéne ŋkyé wúŋ njʉ́ mə mbě mbé pɛ yóʼó nɛ́ pó, kɛ́ʼɛ́ ŋgâ puŋ cʉ̌yi ntíí ndzɔʼ yuŋ mbəb mo. Néré, piŋi ghú pfúŋɔ́ Nǎzaro.» 16Néré Tomâsə wɛ́ pe kɛ fû wé ne Didimə nɛ́, tsɔ́ pwó pecyó ŋgíŋgye ŋgâ: «Piŋi ghú yiŋi, piŋ pɔ́b kâ náá pfɔ̂.»
17Yěsô kɛ ghɛ́ mbáŋa, njʉ́ Nǎzaro pe ndzó sye, ŋgɛmbɛ a kɛ zhyɛ́ zhyémve pekwa. 18Njʉ́ taŋa Betáni kɛ sǎ ne Yerʉ́salɛm ne ywɔ̌ kílometa yíkyéd nɛ́, 19pɔŋ Zááme twɔ́ ne pɛ́rɛ́ ŋgɔŋ Zhʉdé, ŋkʉ́yó yóʼó Máátaa pú Malya ne ntsúbune ndzɔʼ yɔ́b, ŋkyé mɔ́ŋmɛ́ wɔ́b wɛ́ a kɛ pfɔ̂ nɛ́. 20Ŋkhoʼyɛ́ Máátaa kɛ zóʼ ŋgâ Yěsô kɛ tsé ŋkʉ́yó nɛ́, a ghú ntsɔ́rɔ́ wé mɛndɔ́b, ŋgɛmbɛ Malya ghɔ́rɔ́ yé ndáb. 21Máátaa tsɔ́ pwó Yěsô ŋgâ: «Ntsɛɛpɔŋ, a ghɛmbɛ wo pɛ́ ghaŋ, mbǒ mɔ́ŋmɛ́ ya pfɔ̂ pó. 22Mbɛ néré, ŋkhoʼyɔŋ, mə ndzé ŋgâ ŋkɔŋɔ yɔ́b yɛ́ wo náʼá mbzírɛ́ pwó Mboʼmvé náá nɛ́, a náʼá fɛ́ pwó wo.» 23Yěsô tsɔ́ pwó yé ŋgâ: «Mɔ́ŋmɛ́ wo njʉyɛ́ ne vó.» 24Máátaa pɔ́rɔ́ pwó yé ŋgâ: «Mə ndzé ŋgâ a njʉyɛ́ ne vó ne zhyémve njʉ́yi ndzəb.» 25Yěsô tsɔ́ pwó yé ŋgâ: «Mo, mə njʉyɛ́ne ne vó, mbó mbé tsómvé. Ŋɔŋ wɛ́ a tséʼé psyɛ́ndzɔʼ ne tíí ya nɛ́, mbɛ a pɛɛ yɛ́ a pfo nɛ́, mbǒ a ke náʼá tséʼé tsómvé tséʼé. 26Ntsye ŋɔŋ wɛ́ a tsó mvé mbó tséʼé psyɛ́ndzɔʼ ne tíí ya nɛ́, mbǒ a náʼá pfɔ̂ pó. Wo psyɛ́ néré?» 27Máátaa pód ŋgâ: «Ɔ́ŋɔ́ kɛ Ntsɛɛpɔŋ! Mə mbzyɛ́ ŋgâ wo Kristo, Mɔ́ŋ Mboʼmvé wɛ́ á kɛ ghɛ́ ŋkʉ́yó ndzó mvé yɔŋ nɛ́.»
28Ŋkhoʼyɛ́ Máátaa kɛ nsó néré nɛ́, a ghú fû mɔ́ŋmɛ́ yé Malya, ŋkhí ntsəb ndzó təŋé yé ŋgâ: «Kéʼeyáŋ nsé nɛ́ mvé. A ghǎ wo kʉ́yó.» 29Njʉ́ Malya kɛ ke ndzóʼ néré nɛ́, a ke ŋáá syé pe néré, ne ŋgǔne pfúŋɔ́ Yěsô. 30A kɛ ghɛmbɛ Yěsô pe kɛ kúŋɔ́ yaʼ pó, a kɛ ké mbɛ́ɛ́ ndzó ywoʼ yɛ́ Máátaa kɛ pɛ́rɛ́ wé nɛ́. 31Pɛ Yúda kɛ pɛ ndáb pwɛ Malya, ne ntsúbune ndzɔʼ yé. Pɔ́b ghɛ́ mvuwɛ́, a ŋǎ sye ntwɔ́ mvé, pɔ́b zɔŋɔ wé, kpaŋa ŋgâ a ghǔ ntswěsyé tsé ŋkhɔ. 32Ŋkhoʼyɛ́ Malya kɛ páŋá ndzó ywoʼ yɛ́ Yěsô kɛ pe nɛ́, a ke ŋgɛ́ njʉ́ wé, mvɔ̂ ne kpee mé, ntsɔ́ pwó yé ŋgâ: «Ntsɛɛpɔŋ, a ghɛmbɛ wo pɛ́ ghaŋ, mbǒ mɔ́ŋmɛ́ ya pfɔ̂ pó.» 33Ŋkhoʼyɛ́ Yěsô kɛ zhʉ́ njʉ́ Malya pwɛ pɛ Yúda pɛ́ pɔ́b kɛ tsyáŋa wé nɛ́, kɛ tsé ntsaŋa vó nɛ́, ndzɔʼ yé púbú kaʼatɛ, tó yé vaʼ. 34A nsó ŋgâ: «Puŋ nuŋɔ wé pɛ́ɛ́?» Pɔ́b pód ŋgâ: «Ntsɛɛpɔŋ, kʉ́yó njʉ́!» 35Néré, Yěsô khó. 36Pɛ Yúda kɛ tsɔ́ ŋgâ: «Puŋ zhʉ́ njʉ́ a kɛ kʉ́yé wé nɛ́!» 37Ntsʉʼmbé pecyó pɔŋ ndzɔ́ʼɔ́ pɔ́b tsɔ́ ŋgâ: «Ŋɔŋ wɛ́ a kɛ zhyɛ́ míí ffǒme zhʉ́ ywoʼ nɛ́, pó mbé kúʼɔ́ ne mbâʼne Nǎzaro ne vó pó!» 38Néré, ndzɔʼ Yěsô ke mbó mbúbú ŋkʉ́rʉ́, a ghú tswěsyé. Pe kɛ təŋé sye pe ndzɔ́ʼɔ́ yɛ́d, ndɔ́ɔ́ táá ŋgɔʼ kəkwéʼe naŋ ntswee yé núŋ. 39Yěsô nsó ŋgâ: «Puŋ suʼú ŋgɔʼ yɔŋ.» Máátaa mɔ́ŋmɛ́ pfɔ́pfɔ́ tsɔ́ pwó yé ŋgâ: «Ntsɛɛpɔŋ, a kɛ tsé ntswɔ̂! ŋkyé ŋgâ a kɛ pe nɔŋ zhyémve pekwa njʉ́ a pfɔ̂ nɛ́.» 40Ntsʉʼmbé Yěsô pɔ́rɔ́ pwó yé ŋgâ: «Mə kâ ntsɔ́ pwó wo ŋgâ Mbéyɛ́ wo psyɛ́ nɛ́, mbǒ wo njʉ́ ghɛ́ɛ́ Mboʼmvé pɔɔ?» 41Pe suʼú ŋgɔʼ. Néré, Yěsô púʼú míí mé, ntsó ŋgâ: «Tɛd, mə fɛ́ ŋgúʼune pwó wo njʉ́ wo zóʼ tséʼé ya nɛ́. 42A sísíŋ, mə ncʉyí ndzé ŋgâ wo yɛ́ ke ndzóʼó tséʼé ya zóʼ. Ntsʉʼmbé mə ntsó kaʼa, ŋkyé pɔŋ pɔŋ pɛ́ pɔ́b tsɛ pfúŋɔ́ mo kaʼa nɛ́, kɛ́ʼɛ́ ŋgâ pɔ́b psyɛ́ ŋgâ a twɔ́ wo ntwɔ́ ya.» 43Njʉ́ a kɛ nsó néré nɛ́, a ghéʼ ne tʉ̌ŋ ŋgâ: «Nǎzaro, twɔ́ ghɛ́!» 44Ŋɔŋ wɛ́ a kɛ pɛ́ɛ́ pfɔ́ yé nɛ́, twɔ́. Kpee mé pwɛ mbwó mé pe kwódme, ne pɛ pɛ́rɛ́ ndzwé, záŋ yé pé pwɔ́me ne ywɔ̌ndzwé. Yěsô tsɔ́ pwó pɔŋ ŋgâ: «Puŋ kee wé, ntee wé, a ghú!»
Menaŋ mɛ́ pé kɛ nyí ŋkyé Yěsô nɛ́
(Mat 26:1-5; Máá 14:1-2; Lúk 22:1-2)
45Pɔŋ zááme ndzɔ́ʼɔ́ pɔŋ pɛ́ pɔ́b kɛ twɔ́ ndzó pɛ́rɛ́ ŋgɔŋ Zhʉdé, kʉ́yó pfúŋɔ́ Malya nɛ́, zhʉ́ no yɛ́ Yěsô kɛ zhyɛ́ nɛ́, ntíí ndzɔʼ mbəb yé. 46Ntsʉʼmbé, pecyó ghú, njʉ́ pɛ Farízya, ndaʼ no yɛ́ Yěsô kɛ zhyɛ́ nɛ́ ne pɔ́b. 47Pɛ ntsɛ́ssó ghaŋáshʉ́ pwɛ pɛ Farízya kúŋ ntéré, nsó ŋgâ: «Piŋi zhyɛ́ níŋ? Ŋɔŋ wɔŋ tsé nɛ́ ŋgyɛ́ pɛ meno shʉyédme ŋgáʼ! 48Piŋi tě wé tê a ghú nuŋu ssó, mbǒ ŋkɔŋɔ pɔŋ náá ntíí ndzɔʼ mbəb yé. Pɛ Roma kʉ́yó, ŋgɛ́ nʉ́ʉ́, ntaʼa ne mbǒne ywoʼɔ́ yiŋi yé yáŋme pú ŋgɔŋ wíŋi.» 49Taʼ ŋɔŋ ndzɔ́ʼɔ́ pɔ́b, tíí yé pe Kayifə, wɛ́ a kɛ pé tɛdshʉ́ kəkwéʼe ne yéré ŋgǒʼmvé nɛ́, nsó ŋgâ: «Puŋ tsé mbé zóʼó cyó yɔ́b pó, 50Kii pó tsé njʉ́ ŋgâ a kuʼɛ ne puŋ ŋgâ taʼ ŋɔŋ pfɔ́ ne tó pumésɔŋ, ne yɛ́ ŋkɔŋɔ ŋgɔŋ náá mbwó nɛ́.» 51Nsó wéré kɛ twɔ̌ kpaʼ pfɔ̂ yé pó. Ntsʉʼ mbé, njʉ́ a kɛ pé yé mbé tɛdshʉ́ kəkwéʼe ne yéré ŋgǒʼmvé nɛ́, a nsó kpaŋató Mboʼmvé ŋgâ: «A zɔŋɔ ŋgâ Yěsô pfɔ̂ ŋkyé pɛ Yúda.» 52Ke mbé pɛ́ɛ́ ŋkyé ndaʼ pɛ Yúda pó, ntsʉʼmbɛ́ɛ́ ne ntéréne pɔ́ŋ Mboʼmvé pɛ́ pɔ́b kɛ gbaʼ náá nɛ́, yânéré ŋgâ pɔ́b ŋkhú taʼ yé. 53A kɛ pɛ́ɛ́ zhyémve yéré nɛ́, pɔ́b tíí ŋgâ pɔ́b ntaʼa ndzaʼ yé kaʼatɛ pe ke nɔ́ʼɔ́ Yěsô nɔ́ʼ. 54Ŋgɛmbɛ ne tómbəb Yěsô, a pó mbé tsé nyí ŋkʉ́rʉ́ ndzó ywoʼ yɛ́ pɛ ntsɛ́ssó pɛ Yúda yóʼó nɛ́ pó. A ŋǎ yé ŋgú ndzó taʼ ywoʼ yɛ́ a kɛ pɛ pfúŋɔ́ ghúŋkwéʼé nɛ́, ndzó mbɛ́lʉ́ŋ yɛ́ tíí kɛ pe Efrayim, ntsó yóʼó pwɛ ŋgíŋgye pé.
Pe táʼá Yěsô ne gbǎne wé
(Mat 26:6-13; Máá 14:3-9; Lúk 7:36-38)
55A kɛ ghɛmbɛ, ndebéne Pasəka pɛ Yúda tsé ŋkʉ́yó. Njʉ́ mvé kɛ ghɛ́ ŋkě a pe zhyémve Pasəka nɛ́, pɔŋ zááme ndzó pɛ yaʼ kɔʼɔ Yerʉ́salɛm ne mbǒdne mbəb yɔ́b. 56Pɔ́b táʼá Yěsô. Ndzó ywoʼ yɛ́ pɔ́b kɛ pɛ Ndámboʼmvé nɛ́, pɔ́b tsɔ́ tsetsɛrɛ pɔ́b ŋgâ: «Puŋ zhʉ́ yuŋ pe níŋ? Tɛɛmbɛ a pe kʉ́yó ndebéne pó.» 57Pɛ ntsɛ́ssó ghaŋáshʉ́ pwɛ pɛ Farízya kɛ zhíbí ŋgâ, tsyé ŋɔŋ wɛ́ a zɛ́ ywoʼ yɛ́ a yóʼó nɛ́, ntsɛ́ʼɛ́ ne ntáŋne wé, kɛ́ʼɛ́ ŋgâ pe ghú gbáá wé.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល