Zhâŋ 2
2
Sɔ́ kiŋi yɛ́ Yěsô kɛ zhyɛ́ nɛ́
1A kɛ pe mbɛ́rɛ́ zhyémve yíkyéd, taʼ kpaʼándáá pɛ́ Kana ndzó pɛ́rɛ́ ŋgɔŋ Galílya. A kɛ ghɛmbɛ mɛ́ Yěsô pɛ yóʼó. 2Pe kɛ ke káʼá Yěsô pwɛ ŋgíŋgye pé ne kpaʼándáá yéré. 3Njʉ́ yoʼ kɛ kâ nɛ́, mɛ́ Yěsô tsɔ́ pwó yé ŋgâ: «Yoʼ mɔ́b myé.» 4Ntsʉʼmbé Yěsô pɔ́rɔ́ pwó yé ŋgâ: «Mɛ́ ya, a njʉ́ ya pé ne kɔ, Yáá ŋkhoʼ kɛ kúʼɔ́ pó.» 5Mɛ́ yé tsɔ́ pwó ŋgaŋafaʼ ŋgâ: «A ntsɔ̂ mbɛ ŋgâ kɔ́ ne puŋ, pǔŋ ke ŋgyɛ̌ néré.» 6A kɛ ghɛmbɛ kəŋ yíntóó pɛ́ yóʼó yɛ́ pé kɛ ntə́ŋɛ́ ne pɛ ŋgɔʼ nɛ́, mbé kəŋ pɛ́, pɛ Yúda kɛ níŋɛ nse sǒkəpɔŋ ndzóó nɛ́. Taʼ kəŋ kɛ ntsɛ́ʼɛ́ ywɔ́ létaa ghúbmepfuʼɔ kii ŋgâ kpǐ kɛ́ʼɛ́. 7Yěsô tsɔ́ pwó ŋgaŋafaʼ ŋgâ: «Puŋ yúŋú kəŋ pe ké nɛ́ ne nse.» Pɔ́b yúŋú kaʼatɛ a pě. 8Yěsô tsɔ́ ne pɔ́b ŋgâ: «Puŋ tóʼ nɛ́ ŋkhoʼyɔŋ ŋgú fɛ́ pwó ntsuŋu.» Pɔ́b tóʼ ŋgú fɛ́ pwó yé. 9Ntsuŋu nzwə́ʼ nse wɛ́ a kɛ séd ŋkhú yoʼ nɛ́ - A kɛ pé zɛ́ ywoʼ yɛ́ a kɛ twɔ́ nɛ́ pó, ndaʼ ŋgaŋafaʼ pɛ́ pɔ́b kɛ tóʼ nse nɛ́- Néré, a tsɔ́ pwó tsé fɔŋ, 10ŋgâ: «Ŋkɔŋɔ pɔŋ náá pê fɛ́ yoʼ sʉ́ʼʉ. Ŋkhoʼyɛ́ kɛ kúŋɔ́ ndzɔ́ʼɔ́ yoʼ nɛ́, pé pɔ́rɔ́ kʉ́yó ne mɛ́ a mbǔ sʉ́ʼʉ nɛ́ pó. Ntsʉ́ʼ ŋgɛmbɛ ne wo, wo ywʉ́ʼʉ́ yoʼ sʉ́ʼʉ, kaʼatɛ mbó ŋkʉ́yó núŋ pe ŋkhoʼyɔŋ!» 11Yɔŋ ndzyě kiŋi shʉrɛ́no yɛ́ nɛ́ Yěsô kɛ zhyɛ́ Kana ndzó pɛ́rɛ́ ŋgɔŋ Galílya nɛ́. A kɛ zhyɛ́ kɛ́ʼɛ́ nyóʼó ghɛ́ɛ́ yé, néré ŋgíŋgye pé tsɛʼɛ psyɛ́ndzɔʼ mbəb yé. 12Ŋkhoʼyɛ́ yéré no kɛ záʼ nɛ́, Yěsô shʉ́yí Kapɛɛnawum pú mɛ́ yé, pwɛ pɔ́ŋmɛ́ pé ne ŋgíŋgye pé. Ntsʉʼmbé, pɔ́b ke ŋgyɛ̌ pɔŋ zhyémvé yóʼó.
Yěsô zú ghaŋapɛʼɛ́táŋ Ndáb Mboʼmvé
(Mat 21:12-17; Máá 11:15-17; Lúk 19:45-46)
13Ndebéne Pasəka pɛ Yúda kɛ tsé ŋkʉ́yó. Yěsô kɔ́ʼɔ́ Yerʉ́salɛm. 14A páŋá Ndámboʼmvé, njʉ́ ghaŋáfí pɛ naʼ, pwɛ ghaŋáfí pɔ́ŋmvó pwɛ fɔŋzɔ́tsaʼ. Ghaŋásɛ́rɛ mbób ke ntíí wɔ́b kúŋ yóʼó. 15Néré, a taʼ kpii, mbɛ̌ Mɔ́ŋ fě, ndzú wɔ́b náá núŋ Ndámboʼmvé, ndzú pɔ́ŋmvó pwɛ pɛ naʼ, ndzɛ d ŋkɔŋɔ mbób ghaŋásɛ́rɛ mbób náá, séd kúŋ wɔ́b ŋkubɔ́ syé. 16Yěsô tsɔ́ pwó ghaŋáfí péshʉŋ ŋgâ: «Puŋ túbú ŋkɔŋɔ mɔ́b pé ké nɛ́ náá ghaŋ! Kii puŋ ndɛ ndɔ́ɔ́ ndáb Tɛd ya, a tsʉʼ ywoʼɔ pɛ́ʼɛ́táŋ.» 17Tó ŋgíŋgye pé fû njʉ́ a ŋwéʼéme ŋgâ: «Zyaŋámbəb yɛ́ mə tséʼé ŋkyé ndáb wo nɛ́, tsé tsiŋɛ ya kaʼatɛ.» 18Ntsʉʼmbé, pɛ ntsɛ́ssó pɛ Yúda yɔ́ɔ́ nsó, ntsɔ́ pwó Yěsô ŋgâ: «Wo zhyɛ́ yɛ́rɛ́ kiŋi, nyóʼó ne psi ŋgâ wo tséʼé tʉ̌ŋ ne ŋgyɛ̌ne no yé ké nɛ́ wo zhyɛ́ nɛ́?» 19Yěsô pɔ́rɔ́ ne pɔ́b ŋgâ: «Puŋ maʼ Ndámboʼmvé yɔŋ syé, mə mbó mbúʼɔ́ wé ntíí nsó ne zhyémve pekyéd.» 20Néré pɛ Yúda péré ntsɔ́ pwó yé ŋgâ: «Pé kɛ yɔ́ɔ́ ŋgǒʼmvé ghúbmekwa ne yintóó kwód Ndámboʼmvé yɔŋ núŋ! Wo yó, wo ghɛ́ mbó mbúʼɔ́ wé ntíí nsó ne zhyémve pekyéd yɔ́ɔ́?» 21Ntsʉʼmbé, Yěsô kɛ ghɛ́ ntsɔ́ no Ndámboʼmvé kɛ́ʼɛ́, ntsɔ̌ tó mbəb yé. 22Mbɛ ŋkhoʼyɛ́ a kɛ zhʉyɛ́ ne vó nɛ́, tó ŋgíŋgye pé fû ŋgâ a kɛ pě nsó kɛ́ʼɛ́. Néré, Pɔ́b ntíí ndzɔʼ yɔ́b ndúŋú Ŋwéʼe yáŋme, mbɛ ndúŋú nsó wɛ́ a kɛ nsó nɛ́.
Yěsô zé yɔ́b yɛ́ ndzó ndzɔʼ ŋumesɔŋ nɛ́
23Njʉ́ Yěsô kɛ kɛ kɛ́rɛ Yerʉ́salɛm ne ndebéne Pasəka pɛ Yuda nɛ́, pɔŋ zááme záʼá ndúŋú tíí yé tséʼé psyɛ́ndzɔʼ, ŋkyé pɛ shʉrɛ́meno pɛ a kɛ zhyɛ́ nɛ́. 24Ntsʉ́ʼmbɛ́ ne Yěsô, a zɛ̌ yé zɛ̌, ŋkyé ŋgâ a kɛ zɛ́ wɔ́b náá. 25A kɛ tsé mbé zɔŋɔ ŋgâ pe kʉ́yó fú tíí cyó ŋɔŋ pwó yé pó, ŋkyé ŋgâ a kɛ ghɛ́ mbɛ ne yé, a zé yɔ́b yɛ́ a ndzó ndzɔʼ ŋumesɔŋ nɛ́.
ទើបបានជ្រើសរើសហើយ៖
Zhâŋ 2: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Zhâŋ 2
2
Sɔ́ kiŋi yɛ́ Yěsô kɛ zhyɛ́ nɛ́
1A kɛ pe mbɛ́rɛ́ zhyémve yíkyéd, taʼ kpaʼándáá pɛ́ Kana ndzó pɛ́rɛ́ ŋgɔŋ Galílya. A kɛ ghɛmbɛ mɛ́ Yěsô pɛ yóʼó. 2Pe kɛ ke káʼá Yěsô pwɛ ŋgíŋgye pé ne kpaʼándáá yéré. 3Njʉ́ yoʼ kɛ kâ nɛ́, mɛ́ Yěsô tsɔ́ pwó yé ŋgâ: «Yoʼ mɔ́b myé.» 4Ntsʉʼmbé Yěsô pɔ́rɔ́ pwó yé ŋgâ: «Mɛ́ ya, a njʉ́ ya pé ne kɔ, Yáá ŋkhoʼ kɛ kúʼɔ́ pó.» 5Mɛ́ yé tsɔ́ pwó ŋgaŋafaʼ ŋgâ: «A ntsɔ̂ mbɛ ŋgâ kɔ́ ne puŋ, pǔŋ ke ŋgyɛ̌ néré.» 6A kɛ ghɛmbɛ kəŋ yíntóó pɛ́ yóʼó yɛ́ pé kɛ ntə́ŋɛ́ ne pɛ ŋgɔʼ nɛ́, mbé kəŋ pɛ́, pɛ Yúda kɛ níŋɛ nse sǒkəpɔŋ ndzóó nɛ́. Taʼ kəŋ kɛ ntsɛ́ʼɛ́ ywɔ́ létaa ghúbmepfuʼɔ kii ŋgâ kpǐ kɛ́ʼɛ́. 7Yěsô tsɔ́ pwó ŋgaŋafaʼ ŋgâ: «Puŋ yúŋú kəŋ pe ké nɛ́ ne nse.» Pɔ́b yúŋú kaʼatɛ a pě. 8Yěsô tsɔ́ ne pɔ́b ŋgâ: «Puŋ tóʼ nɛ́ ŋkhoʼyɔŋ ŋgú fɛ́ pwó ntsuŋu.» Pɔ́b tóʼ ŋgú fɛ́ pwó yé. 9Ntsuŋu nzwə́ʼ nse wɛ́ a kɛ séd ŋkhú yoʼ nɛ́ - A kɛ pé zɛ́ ywoʼ yɛ́ a kɛ twɔ́ nɛ́ pó, ndaʼ ŋgaŋafaʼ pɛ́ pɔ́b kɛ tóʼ nse nɛ́- Néré, a tsɔ́ pwó tsé fɔŋ, 10ŋgâ: «Ŋkɔŋɔ pɔŋ náá pê fɛ́ yoʼ sʉ́ʼʉ. Ŋkhoʼyɛ́ kɛ kúŋɔ́ ndzɔ́ʼɔ́ yoʼ nɛ́, pé pɔ́rɔ́ kʉ́yó ne mɛ́ a mbǔ sʉ́ʼʉ nɛ́ pó. Ntsʉ́ʼ ŋgɛmbɛ ne wo, wo ywʉ́ʼʉ́ yoʼ sʉ́ʼʉ, kaʼatɛ mbó ŋkʉ́yó núŋ pe ŋkhoʼyɔŋ!» 11Yɔŋ ndzyě kiŋi shʉrɛ́no yɛ́ nɛ́ Yěsô kɛ zhyɛ́ Kana ndzó pɛ́rɛ́ ŋgɔŋ Galílya nɛ́. A kɛ zhyɛ́ kɛ́ʼɛ́ nyóʼó ghɛ́ɛ́ yé, néré ŋgíŋgye pé tsɛʼɛ psyɛ́ndzɔʼ mbəb yé. 12Ŋkhoʼyɛ́ yéré no kɛ záʼ nɛ́, Yěsô shʉ́yí Kapɛɛnawum pú mɛ́ yé, pwɛ pɔ́ŋmɛ́ pé ne ŋgíŋgye pé. Ntsʉʼmbé, pɔ́b ke ŋgyɛ̌ pɔŋ zhyémvé yóʼó.
Yěsô zú ghaŋapɛʼɛ́táŋ Ndáb Mboʼmvé
(Mat 21:12-17; Máá 11:15-17; Lúk 19:45-46)
13Ndebéne Pasəka pɛ Yúda kɛ tsé ŋkʉ́yó. Yěsô kɔ́ʼɔ́ Yerʉ́salɛm. 14A páŋá Ndámboʼmvé, njʉ́ ghaŋáfí pɛ naʼ, pwɛ ghaŋáfí pɔ́ŋmvó pwɛ fɔŋzɔ́tsaʼ. Ghaŋásɛ́rɛ mbób ke ntíí wɔ́b kúŋ yóʼó. 15Néré, a taʼ kpii, mbɛ̌ Mɔ́ŋ fě, ndzú wɔ́b náá núŋ Ndámboʼmvé, ndzú pɔ́ŋmvó pwɛ pɛ naʼ, ndzɛ d ŋkɔŋɔ mbób ghaŋásɛ́rɛ mbób náá, séd kúŋ wɔ́b ŋkubɔ́ syé. 16Yěsô tsɔ́ pwó ghaŋáfí péshʉŋ ŋgâ: «Puŋ túbú ŋkɔŋɔ mɔ́b pé ké nɛ́ náá ghaŋ! Kii puŋ ndɛ ndɔ́ɔ́ ndáb Tɛd ya, a tsʉʼ ywoʼɔ pɛ́ʼɛ́táŋ.» 17Tó ŋgíŋgye pé fû njʉ́ a ŋwéʼéme ŋgâ: «Zyaŋámbəb yɛ́ mə tséʼé ŋkyé ndáb wo nɛ́, tsé tsiŋɛ ya kaʼatɛ.» 18Ntsʉʼmbé, pɛ ntsɛ́ssó pɛ Yúda yɔ́ɔ́ nsó, ntsɔ́ pwó Yěsô ŋgâ: «Wo zhyɛ́ yɛ́rɛ́ kiŋi, nyóʼó ne psi ŋgâ wo tséʼé tʉ̌ŋ ne ŋgyɛ̌ne no yé ké nɛ́ wo zhyɛ́ nɛ́?» 19Yěsô pɔ́rɔ́ ne pɔ́b ŋgâ: «Puŋ maʼ Ndámboʼmvé yɔŋ syé, mə mbó mbúʼɔ́ wé ntíí nsó ne zhyémve pekyéd.» 20Néré pɛ Yúda péré ntsɔ́ pwó yé ŋgâ: «Pé kɛ yɔ́ɔ́ ŋgǒʼmvé ghúbmekwa ne yintóó kwód Ndámboʼmvé yɔŋ núŋ! Wo yó, wo ghɛ́ mbó mbúʼɔ́ wé ntíí nsó ne zhyémve pekyéd yɔ́ɔ́?» 21Ntsʉʼmbé, Yěsô kɛ ghɛ́ ntsɔ́ no Ndámboʼmvé kɛ́ʼɛ́, ntsɔ̌ tó mbəb yé. 22Mbɛ ŋkhoʼyɛ́ a kɛ zhʉyɛ́ ne vó nɛ́, tó ŋgíŋgye pé fû ŋgâ a kɛ pě nsó kɛ́ʼɛ́. Néré, Pɔ́b ntíí ndzɔʼ yɔ́b ndúŋú Ŋwéʼe yáŋme, mbɛ ndúŋú nsó wɛ́ a kɛ nsó nɛ́.
Yěsô zé yɔ́b yɛ́ ndzó ndzɔʼ ŋumesɔŋ nɛ́
23Njʉ́ Yěsô kɛ kɛ kɛ́rɛ Yerʉ́salɛm ne ndebéne Pasəka pɛ Yuda nɛ́, pɔŋ zááme záʼá ndúŋú tíí yé tséʼé psyɛ́ndzɔʼ, ŋkyé pɛ shʉrɛ́meno pɛ a kɛ zhyɛ́ nɛ́. 24Ntsʉ́ʼmbɛ́ ne Yěsô, a zɛ̌ yé zɛ̌, ŋkyé ŋgâ a kɛ zɛ́ wɔ́b náá. 25A kɛ tsé mbé zɔŋɔ ŋgâ pe kʉ́yó fú tíí cyó ŋɔŋ pwó yé pó, ŋkyé ŋgâ a kɛ ghɛ́ mbɛ ne yé, a zé yɔ́b yɛ́ a ndzó ndzɔʼ ŋumesɔŋ nɛ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល