Faʼ Ghaŋántɔ́b 6
6
Pé tsɔ́ʼ ghaŋághebe pésambáá
1A kɛ ghɛ́ mbɛ néré, ndɔŋɔ́ pǔkristo pfî. Pǔkristo pɛ́ pɔ́b kɛ tsɔ́ nsó Gerɛʼ nɛ́, zyé ne mbʉ̂ne ŋgyé ŋkyé pǔkristo pɛ́ pɔ́b kɛ tsɔ́ nsó pɛ Yúda nɛ́. Ŋkyé ŋgâ pé kɛ tɔ́ʼɔ mpfʉ́ʉ́ pɔ́b tɔ̌ʼ ŋkɔŋɔ zhyémve náá, ŋkhoʼyɛ́ pé kɛ ghɔ́bɔ mɔ́b nɛ́. 2Néré, ntsɔ̌b ŋgíŋgye Yěsô yípáá fú ŋkɔŋɔ pǔkristo náá, nsó ŋgâ: «A mbǔ ŋgâ psi tee Nsómboʼmvé ke ndiŋɛ́ no ghɔbɔ́ mɔ́b pó. 3Pɔ́ŋmɛ́ páá, a pú ŋgâ puŋ tsɔ́ʼ pɔŋ pésambáá tsetsɛrɛ puŋ. Pɔŋ pɛ́ pe ghúʼɔ wɔ́b ŋkyé ŋgâ pɔ́b tséʼé mbziʼe sʉ́ʼʉ nɛ́, Zhʉye Yáŋme pó ndúŋɔ́ wɔ́b nɛ́, pɔ́b pó ntséʼé zé nɛ́. Néré, psi fɛ́ faʼ yéré ne pɔ́b. 4Ŋgɛ́ ŋkhú ne psi, psi syɛ́ ŋkhoʼyɔŋ níŋɛ tó zhí pé ne tsɛ́ʼɛ́ Mboʼmvé pwɛ ncʉríne Nsómboʼmvé.» 5A kɛ pé néré, ŋkɔŋɔ pɔŋ psyɛ́ yéré kpaŋató náá. Pé tsɔ́ʼ Etyɛŋ wɛ́ a kɛ ntséʼé psyɛ́ndzɔʼ kəkwéʼe, Zhʉye Yáŋme pó mbɛ mbəb ye nɛ́. Ntsɔ́ʼ Filipo, Prokɔrə, Nikanɔɔ, Timɔ́ŋ, Paaménasə pú Nikolasə, ŋushʉyɛ wɛ́ a kɛ twɔ́ Antyoshə mbzyɛ́ ŋgúʼune Mboʼmvé njʉ́ pɛ Yúda nɛ́. 6Pe kʉ́yó ne wɔ́b síŋ ghaŋántɔ́b Yěsô, pɔ́b ntsɛ́ʼɛ́ Mboʼmvé mbó ndzab mbwó mɔ́b mbəb pɔ́b.
7Nsómboʼmvé gbáʼá ywoʼ, pǔkristo pfî zááme Yerʉ́salɛm kaʼatɛ. Ghaŋáshʉ́ zááme kɛ tsɛ́ʼɛ́ psyɛ́ndzɔʼ mbəb Yěsô Kristo, mbó nyí njʉ́ a kɛ tsɔ́ nɛ́.
Pé gbáá Etyɛŋ
8Njʉ́ foʼndzəndzoʼ ne tʉ̌ŋ Mboʼmvé kɛ yúŋɔ́ mbəb Etyɛŋ nɛ́, a zhyɛ́ pɛ shʉrɛ́meno pwɛ pɛ kiŋi tsetsɛrɛ pɔŋ. 9Ntsʉʼmbé, pɔŋ pɛ́ pɔ́b kɛ pɛ́ ndántéré pɛ Yúda yɛ́ pé kɛ fú ne ye «Pɔŋ pɛ́ pɔ́b kɛ pě mbé pɛ poʼ nɛ́», gbáá fiʼ pwɛ Etyɛŋ. A kɛ ghɛmbɛ, pɛ Yúda pɛ́ pɔ́b kɛ twɔ́ Sirɛnə, mbɛ Aleʼzandri, mbɛ Silisya, mbɛ Azi nɛ́, ke mbɛ yɔ́b yóʼó. 10Njʉ́ zé pwɛ Zhʉye Yáŋme kɛ pɛ́ ndzɔ́ʼɔ́ nsó Etyɛŋ nɛ́, pɔ́b pe kúʼɔ́ ne ntsɛ̌ne wé pó. 11Pɔ́b péé pɔŋ ŋgâ pɔ́b nsó ŋgâ: «Psi zóʼ a tó Mǔsê mbó tó Mboʼmvé.» 12Pɔ́b ntsiŋɛ pɔŋ, ghəkód pwɛ pɛ ghaŋákeʼekaŋ, pɔ́b mvuwɛ́ Etyɛŋ gbáá wé ŋgú níŋ i síŋ ghaŋásábáfiʼ kəkwéʼe. 13Mbáŋa yóʼó, ntíí paŋ tó yé, nsó ŋgâ: «Ŋɔŋ wɔŋ wɛ́ a ntsɛ́ ghaŋ nɛ́, a ke ntó Ndábmboʼmvé pwɛ kaŋ Mǔsê tó kii fúrú. 14Psi zóʼ a ntsɔ́ ŋgâ Yěsô ŋunǎzarɛd wɛ́, ŋʉʼɛ́ Ndábmboʼmvé mbɔ́rɔ́ sɛ́rɛ́ Kaŋ pɛ́ Mǔsê kɛ fɛ́ ne piŋi nɛ́.» 15Ŋkɔŋɔ ghaŋásábáfiʼ náá túŋ míí mɔ́b mbəb Etyɛŋ, záŋ ye pɛ́ ne pɔ́b pe njʉ́ záŋ taʼ aŋgere nɛ́.
ទើបបានជ្រើសរើសហើយ៖
Faʼ Ghaŋántɔ́b 6: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Faʼ Ghaŋántɔ́b 6
6
Pé tsɔ́ʼ ghaŋághebe pésambáá
1A kɛ ghɛ́ mbɛ néré, ndɔŋɔ́ pǔkristo pfî. Pǔkristo pɛ́ pɔ́b kɛ tsɔ́ nsó Gerɛʼ nɛ́, zyé ne mbʉ̂ne ŋgyé ŋkyé pǔkristo pɛ́ pɔ́b kɛ tsɔ́ nsó pɛ Yúda nɛ́. Ŋkyé ŋgâ pé kɛ tɔ́ʼɔ mpfʉ́ʉ́ pɔ́b tɔ̌ʼ ŋkɔŋɔ zhyémve náá, ŋkhoʼyɛ́ pé kɛ ghɔ́bɔ mɔ́b nɛ́. 2Néré, ntsɔ̌b ŋgíŋgye Yěsô yípáá fú ŋkɔŋɔ pǔkristo náá, nsó ŋgâ: «A mbǔ ŋgâ psi tee Nsómboʼmvé ke ndiŋɛ́ no ghɔbɔ́ mɔ́b pó. 3Pɔ́ŋmɛ́ páá, a pú ŋgâ puŋ tsɔ́ʼ pɔŋ pésambáá tsetsɛrɛ puŋ. Pɔŋ pɛ́ pe ghúʼɔ wɔ́b ŋkyé ŋgâ pɔ́b tséʼé mbziʼe sʉ́ʼʉ nɛ́, Zhʉye Yáŋme pó ndúŋɔ́ wɔ́b nɛ́, pɔ́b pó ntséʼé zé nɛ́. Néré, psi fɛ́ faʼ yéré ne pɔ́b. 4Ŋgɛ́ ŋkhú ne psi, psi syɛ́ ŋkhoʼyɔŋ níŋɛ tó zhí pé ne tsɛ́ʼɛ́ Mboʼmvé pwɛ ncʉríne Nsómboʼmvé.» 5A kɛ pé néré, ŋkɔŋɔ pɔŋ psyɛ́ yéré kpaŋató náá. Pé tsɔ́ʼ Etyɛŋ wɛ́ a kɛ ntséʼé psyɛ́ndzɔʼ kəkwéʼe, Zhʉye Yáŋme pó mbɛ mbəb ye nɛ́. Ntsɔ́ʼ Filipo, Prokɔrə, Nikanɔɔ, Timɔ́ŋ, Paaménasə pú Nikolasə, ŋushʉyɛ wɛ́ a kɛ twɔ́ Antyoshə mbzyɛ́ ŋgúʼune Mboʼmvé njʉ́ pɛ Yúda nɛ́. 6Pe kʉ́yó ne wɔ́b síŋ ghaŋántɔ́b Yěsô, pɔ́b ntsɛ́ʼɛ́ Mboʼmvé mbó ndzab mbwó mɔ́b mbəb pɔ́b.
7Nsómboʼmvé gbáʼá ywoʼ, pǔkristo pfî zááme Yerʉ́salɛm kaʼatɛ. Ghaŋáshʉ́ zááme kɛ tsɛ́ʼɛ́ psyɛ́ndzɔʼ mbəb Yěsô Kristo, mbó nyí njʉ́ a kɛ tsɔ́ nɛ́.
Pé gbáá Etyɛŋ
8Njʉ́ foʼndzəndzoʼ ne tʉ̌ŋ Mboʼmvé kɛ yúŋɔ́ mbəb Etyɛŋ nɛ́, a zhyɛ́ pɛ shʉrɛ́meno pwɛ pɛ kiŋi tsetsɛrɛ pɔŋ. 9Ntsʉʼmbé, pɔŋ pɛ́ pɔ́b kɛ pɛ́ ndántéré pɛ Yúda yɛ́ pé kɛ fú ne ye «Pɔŋ pɛ́ pɔ́b kɛ pě mbé pɛ poʼ nɛ́», gbáá fiʼ pwɛ Etyɛŋ. A kɛ ghɛmbɛ, pɛ Yúda pɛ́ pɔ́b kɛ twɔ́ Sirɛnə, mbɛ Aleʼzandri, mbɛ Silisya, mbɛ Azi nɛ́, ke mbɛ yɔ́b yóʼó. 10Njʉ́ zé pwɛ Zhʉye Yáŋme kɛ pɛ́ ndzɔ́ʼɔ́ nsó Etyɛŋ nɛ́, pɔ́b pe kúʼɔ́ ne ntsɛ̌ne wé pó. 11Pɔ́b péé pɔŋ ŋgâ pɔ́b nsó ŋgâ: «Psi zóʼ a tó Mǔsê mbó tó Mboʼmvé.» 12Pɔ́b ntsiŋɛ pɔŋ, ghəkód pwɛ pɛ ghaŋákeʼekaŋ, pɔ́b mvuwɛ́ Etyɛŋ gbáá wé ŋgú níŋ i síŋ ghaŋásábáfiʼ kəkwéʼe. 13Mbáŋa yóʼó, ntíí paŋ tó yé, nsó ŋgâ: «Ŋɔŋ wɔŋ wɛ́ a ntsɛ́ ghaŋ nɛ́, a ke ntó Ndábmboʼmvé pwɛ kaŋ Mǔsê tó kii fúrú. 14Psi zóʼ a ntsɔ́ ŋgâ Yěsô ŋunǎzarɛd wɛ́, ŋʉʼɛ́ Ndábmboʼmvé mbɔ́rɔ́ sɛ́rɛ́ Kaŋ pɛ́ Mǔsê kɛ fɛ́ ne piŋi nɛ́.» 15Ŋkɔŋɔ ghaŋásábáfiʼ náá túŋ míí mɔ́b mbəb Etyɛŋ, záŋ ye pɛ́ ne pɔ́b pe njʉ́ záŋ taʼ aŋgere nɛ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល