Faʼ Ghaŋántɔ́b 7
7
Nsó Etyɛŋ síŋ ghaŋásábáfiʼ kəkwéʼe
1Tɛdshʉ́ kəkwéʼe psirɛ́ Etyɛŋ ŋgâ: «No yéré sísíŋ?» 2Etyɛŋ pód ŋgâ: «Tɛd páá pwɛ pɔ́ŋmɛ́ páá, puŋ zóʼ ya. Mboʼmvé wɛ́ pé fɛ́ ŋgúʼune pwó yé nɛ́, kɛ nyóʼ mbəb ye pwó Ábraham tɛd tɛd wíŋi ŋkhoʼyɛ́ a kɛ pɛ́ Mézopotamya ŋkɔ́ŋ, mbɔ́rɔ́ ŋgú ntsó Karáŋ nɛ́. 3Mboʼmvé kɛ tsɔ́ pwó ye ŋgâ: “Ŋǎ ndzó ŋgɔŋ wo, ntéé ndǎ ŋɔŋ wo, ŋgú ndzó ŋgɔŋ wɛ́ mə nyóʼó pwó wo nɛ́.” 4Ábraham ŋáá nɛ́ ndzó ŋgɔŋ pɔ́ŋ Kaləde, ŋgú tsǒ Karáŋ. Mbáŋa yóʼó, ŋkhoʼyɛ́ tɛd ye kɛ pfó nɛ́, Mboʼmvé zhyɛ́ a ŋáá yóʼó ŋgú ndzó ŋgɔŋ wɔŋ wɛ́ piŋi tsó ndzóó kaʼa ŋkhoʼyɔŋ nɛ́. 5Mboʼmvé kɛ pé fɛ́ cyó ywoʼ pwó ye ndzó ŋgɔŋ wéré pó, mbɛ Mɔ́ŋ ywoʼ yɛ́ tɛɛmbɛ a tíí kpee ye tíí nɛ́. Ntsʉʼmbé, a kaʼ ŋgâ a náʼá fɛ́ ywoʼ yéré náá pwó ye, mbɛ pwó ndǎ ŋu ye. Ntsʉʼŋgɛ ntsɔ́ néré, Ábraham pe kɛ tsɛ́ʼɛ́ Mɔ́ŋ pó. 6Mboʼmvé nsó ŋgâ: “Pɔ́ŋ Ábraham náʼá tsó ndzó ŋgɔŋ shʉyɛ, pe yɔ́ɔ́ wɔ́b ne pɛ mkpaŋ, ndzáá wɔ́b ne ŋgəʼo ne kpii ŋgǒʼmvé yíkwa. 7Ntsʉʼmbé, mbéŋgɔŋ yɛ́ pɔ́b ŋkʉ́yó ndɔ́ɔ́ wɔ́b ne mkpaŋ nɛ́, mo, Mboʼmvé mə náʼá fiʼɛ wɔ́b. Pɔ́ŋ páá ghɛ̌ náʼá ntwɔ́ yóʼó, faʼa ne mo ndzó ywoʼ yɔŋ ne ŋgúʼune ya.” 8Ndzáʼnéré, Mboʼmvé gbɛ́d kaŋ pú Ábraham, kiŋi pé psírɛ ŋɔŋ. A kɛ zhyɛ́ yéré nɛ́ ŋkhoʼyɛ́ Ábraham kɛ pfɛ́ Izaʼ nɛ́, zhyémve péfwɔ̂ kúʼu, a psirɛ́ wé. Izaʼ ke ŋgyɛ́ɛ́ néré mbəb Mɔ́ŋ yé Yakɔ́b, Yakɔ́b ke ŋgyɛ́ ye pé néré mbəb ntsɔ̌b tɛd tɛd piŋi pépáá.
9Njʉ́ tɛd tɛd piŋi kɛ sháŋá Yesə́b nɛ́, pɔ́b fí wé, pé ghú Níŋí ŋgɔŋ Egibto. Ntsʉʼmbé Mboʼmvé pɛ́ ndzəb ye. 10Mboʼmvé tubɔ́ wé ndzɔ́ʼɔ́ ŋkɔŋɔ ŋgəʼo yɛ́ a kɛ zhʉ́ nɛ́ náá, fɛ́ foʼndzəndzoʼ pwó yé ne zɛ́no síŋ Farahɔŋ, fɔŋ Egibto. Farahɔŋ wéré tíí wé ne ntsɛ́ssó pɛ ŋgɔ́bmenaʼ ndzó ŋgɔŋ Egibto pwɛ ŋkɔŋɔ zyé ndáb yé náá. 11Cyó ŋgǒʼmvé, ndzyě vɔ́ ndzó ŋkɔŋɔ ŋgɔŋ Egibto náá pú Kanahaŋ. Ndzye yéré kɛ gháʼmbwo kaʼatɛ tɛd piŋi pe tséʼé mwɔ̌zó pó. 12Ŋkhoʼyɛ́ Yakɔ́b kɛ zóʼ ŋgâ mwɔ̌zó Egibto nɛ́, a twɔ́ tɛd piŋi yóʼó ne sɔ́ kɛɛ. 13Ŋkhoʼyɛ́ pɔ́b kɛ kʉ́yó mbɛ́rɛ́ yípáá nɛ́, Yesə́b kéʼ mbəb yé pwó pɔ́ŋmɛ́ pé. Pe kee tsi ye pwó Farahɔŋ. 14Néré, Yesə́b twɔ́ ntɔ́b ŋgâ pe yɔɔ tɛd ye Yakɔ́b pwɛ ŋkɔŋɔ pɔ́ŋmɛ́ pé náá ŋkʉ́yó núŋ. Ŋkɔŋɔ wɔ́b náá kɛ pé pɔŋ ghúbmésambáá né yítaŋ. 15Yakɔ́b shʉyí nɛ́ Egibto, pfɔ́ yóʼó, mbɛ tɛd tɛd piŋi. 16Pé ŋkyɛ́ wɔ́b ŋgú núŋ Sikɛm, núŋɔ́ ndzó sye yɛ́ Ábraham kɛ zúŋ ne mbób tʉŋɔndɔŋ pwó pɔ́ŋ Emɔɔ, tɛd Sikɛm nɛ́.
17Njʉ́ ŋkhoʼ kɛ tsé ŋkúʼɔ yɛ́ Mboʼmvé kɛ ghɛ́ ndúŋɔ tó no yɛ́ a kɛ kaʼa pwó Ábraham nɛ́, pɔ́ŋ Issayɛ k mě mê sáŋa mvii zááme ŋgɔŋ Egibto, 18kaʼatɛ mbáŋ zhyémve yɛ́ cyó Farahɔŋ wɛ́ a kɛ pe zɛ́ Yesə́b nɛ́ pó, kɛ kɔ́ʼ mɛghwʉŋ nɛ́. 19Farahɔŋ wéré nyíʼá ndɔ́ɔ́ ŋgɔ́b ŋkúŋɔ wíŋi núŋ. Pʉ́ʉ́ pfod yɛ́ a kɛ tséʼé ŋkyé tɛd tɛd piŋi nɛ́, kɛ gháʼmbwo kaʼatɛ a ziʼ tɛd piŋi ŋgâ pɔ́b máʼ pɔ́ŋ mbɔ́d, pɔ́b pfó. 20A ŋkhoʼyɛ́ nɛ́ pe kɛ pfɛ́ Mǔsê nɛ́. Mboʼmvé tiŋɛ́ wé ŋgôʼ. Mǔsê kɛ tsó ndáb tɛd ye ne pénab pékyéd. 21Ŋkhoʼyɛ́ pe kɛ máʼá wé nɛ́, Mɔ́ŋ Farahɔŋ wé məŋgʉ́yé yɔ́ɔ́ wé, mirɛ wé njʉ́ kpaʼ Mɔ́ŋ pfé yé nɛ́. 22Mǔsê zéʼ ŋkɔŋɔ zɛ́no pǔ Egibto náá. Nsó ye pwɛ ŋgyɛ́ meno pé tséʼé ŋgaŋ.
23Ŋkhoʼyɛ́ a kɛ tséʼé ŋgǒʼmvé ghúbmekwa nɛ́, kpaŋa tó ye kʉ́yó ŋgâ a ghú ndzɔ́ʼɔ́ pɔ́ŋmɛ́ pé, pɔ́ŋ Issayɛ. 24Mǔsê zhʉ́ njʉ́ taʼ ŋǔ Egibto kɛ záá ŋǔ Issayɛ ne ŋgəʼo nɛ́, ŋgú ne kpêne wé, gbíí ŋǔ Egibto wéré. 25Mǔsê kɛ kpaŋa yé ŋgyɛ́ pɔ́ŋmɛ́ pé zé ŋgâ Mboʼmvé kɛ ghɛ́ ndzáʼá mbəb ye mkpéé wɔ́b. Ntsʉʼmbé, pɔ́b pe zóʼ wé pó. 26Keemvé, Mǔsê zhʉ́ pɔ́ŋmɛ́ Issayɛ pépáá tsé gbíí ŋkɔd tsetsɛrɛ pɔ́b. A tsé shʉbɛ wɔ́b ntsɔ́ ŋgâ: “Sɔŋ páá, puŋ pɔ́ŋmɛ́ nɛ́, puŋ pó gbíí ŋkɔd tsetsɛrɛ puŋ ŋkyé kɔ́?” 27Ntsʉʼmbé ŋɔŋ wɛ́ a kɛ tse ntsɛ́ɛ́ cyó nɛ́, mî Mǔsê ntsɔ́ ŋgâ: “A ntíí wɔ̂ ntíí wo ne fɔŋ kii ŋgâ ŋgaŋasábafiʼ tsetsɛrɛ psi? 28Wo zɔŋɔ nɔ́ʼɔ́ ya njʉ́ wo nɔʼ ŋǔ Egibto nǐmwɔ nɛ́?” 29Ŋkhoʼyɛ́ a kɛ nsó néré nɛ́, Mǔsê kí ŋgú ŋgɔŋ ntɔ́b. Tíí ŋgɔŋ wéré kɛ pé Madyaŋ. A páŋ yóʼó, ntséʼé pɔ́ŋ pépáá.
30Njʉ́ ŋgǒʼmvé ghúbmekwa kɛ kuʼu nɛ́, taʼ aŋgere nyóʼ mbəb ye pwó ye ghúŋkwéʼé ndúŋú ŋkə́ŋ Sinayi, ndzɔ́ʼɔ́ mɔ́ɔ́ wɛ́ a kɛ kpii ntsóʼgháŋ nɛ́. 31Yéré no ntsɛ́ɛ́ Mǔsê kaʼatɛ a zɔŋɔ ŋgú zhʉ́. Ntsʉʼmbé, ndzəb Ntsɛɛpɔŋ tsɔ́ pwó ye ŋgâ: 32“A mo, Mboʼmvé tɛd pó, Mboʼmvé Ábraham, Mboʼmvé Izaʼ, Mboʼmvé Yakɔ́b.” Mǔsê vód kaʼatɛ ndíŋíne ŋkʉ́rʉ́ ntsɛ́ɛ́ wé. 33Njʉ́ a kɛ pé néré nɛ́, Ntsɛɛpɔŋ ntsɔ́ pwó ye ŋgâ: “Sɔ́d tɔ́kpee mo, ŋkyé ŋgâ ywoʼ yekénɛ́ wo nsé nɛ́, ywoʼ yáŋme. 34Ɔ́ŋɔ́, mə njʉ́ ŋgəʼo yɛ́ pɔ́ŋ páá tsé njʉ́ ŋgɔŋ Egibto nɛ́. Mə ndzóʼ ntsááŋkobe yɔ́b. Mə shʉyíí ne kpěne wɔ́b. Ne ŋkhoʼyɔŋ kaʼa, ghú, mə ntwɔ́ wo Egibto.”
35Mǔsê wéré wɛ́ pɔ́ŋ Issayɛ kɛ tɔʼɔ wé, ntsɔ́ ŋgâ: “A ntíí wɔ̂ ntíí wo ne fɔŋ kii ŋgâ ŋgaŋasábafiʼ tsetsɛrɛ psi?” nɛ́, a yé mbé ŋɔŋ wɛ́ Mboʼmvé twɔ́ njʉ́ fɔŋ pú ŋgaŋakpê wɔ́b nɛ́. A kɛ záʼá mbəb aŋgere wɛ́ a kɛ nyóʼ mbəb ye pwó ye ndzɔ́ʼɔ́ tsóʼ gháŋ nɛ́. 36A kɛ túbú yé túbɔ́ wɔ́b ŋgɔŋ Egibto ne pɛ shʉrɛ́meno pwɛ pɛ kiŋi, ŋgyɛ́ pecyó ndzó lepaanse psǐpsî, ŋgyɛ́ pecyó ghúŋkwéʼé, ne ŋgǒʼmvé ghúbmekwa. 37A Mǔsê wéré wɛ́ a kɛ tsɔ́ pwó pɔ́ŋ Issayɛ ŋgâ: “Mboʼmvé ntsɔ́ʼɔ́ taʼ ŋgaŋatsɔ́kpaŋató tsetsɛrɛ pɔ́ŋmɛ́ puŋ njʉ́ mo nɛ́.” 38A yé wɛ́, ŋkhoʼyɛ́ pɔ́ŋ Issayɛ, tɛd piŋi kɛ tɛrɛ́ ghúŋkwéʼé ne cyó ndzaʼye, aŋgere po ntsɛ́ ye ne cyǒ, a ntsɛ́ tsetsɛrɛ pɔ́b, aŋgere wéré tsɔ́ meno pwó ye ndúŋú ŋkə́ŋ Sinayi nɛ́. A yé wɛ́ a kɛ zóʼó yé ndzóʼo nsó wɛ́ a fɛ́ tsómvé nɛ́, ntsɔ́ ne piŋi nɛ́. 39Ntsʉʼmbé tɛd piŋi pé tsé ndzɔŋɔ ndzóʼó ntswee yé pó. Pɔ́b ke mii wé mǐ, kaʼatɛ kpáŋá ne mbǒdne ndzəb Egibto. 40Njʉ́ a kɛ pé néré nɛ́, pɔ́b tsɔ́ pwó Árɔŋ ŋgâ: “Nteŋé pɛ Mboʼmvé, pɔ́b nyí síŋ psi. Ŋkyé ŋgâ Mǔsê wékénɛ́ a kɛ zhyɛ́ piŋi twɔ́ ndzó ŋgɔŋ Egibto nɛ́, psi zɛ́ yɔ́b yɛ́ a tsʉ́ʼ nɛ́ pó.” 41Pɔ́b pwɔ̂ Mɔ́ŋ naʼ zhyémve yéré, fɛ́ shʉ́ pwó záʼá yéré, mbó ndebe ŋkyé yɔ́b yɛ́ pɔ́b kɛ teŋé ne mbwó mɔ́b nɛ́. 42Mboʼmvé séd pfuŋ ye fɛ́ ne pɔ́b, ntéé ŋgâ pɔ́b tsé ŋguʼɔ́ pɛ saŋ njʉ́ ghaŋátsɔ́kpaŋató Mboʼmvé kɛ ŋweʼe ŋgâ:
Ndǎ ndáb Issayɛ, puŋ kɛ fɛ́ mwɔ̂paʼ pwɛ pecyó mwɔ̌shʉ́ pé ne mo ghúŋkwéʼé
Ne ŋgǒʼmvé ghúbmekwa?
43Pǔŋ kɛ kyɛ́ ntab Mboʼmvé wuŋ Molɔʼ
Pú saŋ yɛ́ pe kɛ teŋé ne tíí Mboʼmvé wuŋ Rəfaŋ nɛ́,
Pɛ záʼá pɛ́ pǔŋ kɛ tɛ́ŋɛ́ ne ŋgúʼune nɛ́.
A zhyɛ́ yéré mə́ náʼá ŋkyɛ́ wúŋ, máʼá, puŋ ghú fáá mbɛ́lʉ́ŋ Babilɔnə.
44A kɛ pɛ́ ghúŋkwéʼé, tɛd piŋi kɛ ntséʼé ntab yɛ́ pwɛ Mboʼmvé kɛ sɛ́rɛ yóʼó nɛ́. Mboʼmvé wɛ́ a kɛ ntsɔ́ no pwó Mǔsê nɛ́, a kɛ gháá a ke ŋkwórɔ́ mbziʼe yɛ́ a kɛ nyóʼó pwó yé nɛ́. 45Tɛd piŋi náʼá kpéé, ŋkúŋ núŋ ndzó ŋgɔŋ wɛ́ pɔ́b kɛ kpéé pwó pɔŋ pɛ́ Mboʼmvé kɛ zú wɔ́b ndzó nɛ́. A kɛ sáʼá Yǒswa sáʼá wɔ́b. Ntab yéré kɛ tsó yóʼó kaʼatɛ mbáŋ ndzó mbwó fɔŋ Ndavíd. 46Njʉ́ fɔŋ Ndavíd wɔŋ kɛ tséʼé purɔ́záŋ síŋ Mboʼmvé nɛ́, a yɔ́ŋ pwó yé ŋgâ a tee a kwód ywoʼɔ́tsó pwó yé, ye wɛ́ a Mboʼmvé pɔ́ŋ Yakɔ́b nɛ́. 47Ntsʉʼmbé a náʼá mbo ŋkwód fɔŋ Salomɔŋ kwód ndáb pwó Mboʼmvé. 48Ntsʉʼŋgɛmbɛ Mboʼmvé wɛ́ a kpaʼ pépéé nɛ́, ndɛ mbé tsó ndzó ndáb yɛ́ a ŋkwód pumésɔŋ ne mbwó mɔ́b nɛ́ pó. Njʉ́ ŋgaŋatsɔ́kpaŋató Mboʼmvé kɛ nsó ŋgâ:
49“Ntsɛɛpɔŋ nsó ŋgâ: a pépéé mbé ywʉ ya
Tsetsáʼ pé ywoʼɔ́ tíí kpee máá.
A yɛ́rɛ́ mbziʼe ndáb yɛ́ puŋ ŋkwórɔ́ ne mo nɛ́?
Ywoʼɔ fúrú ya ghaŋásyé mbɛ́ pɛɛ?
50A teŋé mo nteŋé ŋkɔŋɔ mɔ́b pɔŋ náá pɔɔ?”
51Puŋ pɛ́ ndzɔʼ yuŋ tʉ̌ŋ nɛ́, təŋé múŋ pwɛ ndzɔʼ yuŋ po mbé psyɛ́ ndzóʼó no nɛ́ pó. Puŋ ké mbɛ́ɛ́ njʉ́ tɛd puŋ nɛ́, ke tʉ́ŋɔ tʉŋɔ́ pwó Zhʉye Yáŋme. 52A wɛ́rɛ́ ŋgaŋatsɔ́kpaŋató Mboʼmvé wɛ́ tɛd puŋ kɛ paŋá wé nɛ́ pɔɔ? Pɔ́b kɛ nɔ̂ʼ mbɛ́ pɔŋ pɛ́ pɔ́b kɛ pě ndəd ncʉ́ri ŋgâ ŋɔŋ ŋgerɛ́ŋged ŋkʉ́yó nɛ́. Ŋɔŋ wéré wɛ́ a ghɛmbɛ ne ŋkhoʼyɔŋ, puŋ fí mbó nɔʼ nɛ́. 53Puŋ kɛ kpéé kaŋ yɛ́ pɛ aŋgere kɛ fɛ́ ne puŋ nɛ́, mbé ghúʼú kaŋ yéré pó!»
Pe tswɔ́ Etyɛŋ ne ŋgɔʼ nɔ́ʼ
54Nsó wɛ́ Etyɛŋ kɛ nsó nɛ́ zuʼɔ́ ghaŋásábáfiʼ kəkwéʼe, pɔ́b zyé pfódne sɔŋ mɔ́b ŋkyé wé. 55Ntsʉ́ʼmbɛ́ ne yé, Zhʉye Yáŋme yúŋɔ́ wé, a púʼú míí mé ndíŋí pépéé, njʉ́ ghɛ́ɛ́ Mboʼmvé mbó njʉ́ njʉ́ Yěsô ntsɛ́ ne ndzaʼ pwó Mboʼmvé ye maʼ nɛ́. 56A nsó ŋgâ: «Puŋ tíŋí njʉ́, pépéé ŋáʼme. Mə tsé njʉ́ Mɔ́ŋ Ŋɔŋ a tsɛ́ ne ndzáʼ pwó Mboʼmvé yé maʼ.» 57Pɔŋ pɛ́ pɔ́b kɛ pɛ́ yóʼó nɛ́ ghéʼ né tʉ̌ŋ, náŋ ntəŋé mɔ́b. Ŋkɔŋɔ ŋɔŋ náá kpaʼ náá mvɔ́ tó Etyɛŋ, 58sú wé twɔ́ níŋí mbɛ́lʉ́ŋ, ntswɔ̂ wé ne ŋgɔʼ. Pɔŋ pɛ́ pɔ́b kɛ pɛ́ yóʼó nɛ́ sɔ́d ndzwé pɔ́b ntéé pfúŋɔ́ taʼ ŋkɔ́ʼŋɔŋ wɛ́ a kɛ pɛ́ yóʼó pé fú né Sɔlə nɛ́. 59Njʉ́ pɔ́b kɛ tsé ntswɔ̂ Etyɛŋ nɛ́, a ntsɛ́ʼɛ́ Mboʼmvé ntsɔ́ ŋgâ: «Ntsɛɛpɔŋ Yěsô, kpéé zhʉye ya.» 60A féd tókuʼé mé syé, ŋgéʼ ne tʉ̌ŋ nsó ŋgâ: «Ntsɛɛpɔŋ, wo ndɛ sí yɔ́ŋ no ndzɔ́ʼɔ́ kəpɔŋ wɔ́b.» Njʉ́ a kɛ nsó néré nɛ́, a pfó.
ទើបបានជ្រើសរើសហើយ៖
Faʼ Ghaŋántɔ́b 7: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Faʼ Ghaŋántɔ́b 7
7
Nsó Etyɛŋ síŋ ghaŋásábáfiʼ kəkwéʼe
1Tɛdshʉ́ kəkwéʼe psirɛ́ Etyɛŋ ŋgâ: «No yéré sísíŋ?» 2Etyɛŋ pód ŋgâ: «Tɛd páá pwɛ pɔ́ŋmɛ́ páá, puŋ zóʼ ya. Mboʼmvé wɛ́ pé fɛ́ ŋgúʼune pwó yé nɛ́, kɛ nyóʼ mbəb ye pwó Ábraham tɛd tɛd wíŋi ŋkhoʼyɛ́ a kɛ pɛ́ Mézopotamya ŋkɔ́ŋ, mbɔ́rɔ́ ŋgú ntsó Karáŋ nɛ́. 3Mboʼmvé kɛ tsɔ́ pwó ye ŋgâ: “Ŋǎ ndzó ŋgɔŋ wo, ntéé ndǎ ŋɔŋ wo, ŋgú ndzó ŋgɔŋ wɛ́ mə nyóʼó pwó wo nɛ́.” 4Ábraham ŋáá nɛ́ ndzó ŋgɔŋ pɔ́ŋ Kaləde, ŋgú tsǒ Karáŋ. Mbáŋa yóʼó, ŋkhoʼyɛ́ tɛd ye kɛ pfó nɛ́, Mboʼmvé zhyɛ́ a ŋáá yóʼó ŋgú ndzó ŋgɔŋ wɔŋ wɛ́ piŋi tsó ndzóó kaʼa ŋkhoʼyɔŋ nɛ́. 5Mboʼmvé kɛ pé fɛ́ cyó ywoʼ pwó ye ndzó ŋgɔŋ wéré pó, mbɛ Mɔ́ŋ ywoʼ yɛ́ tɛɛmbɛ a tíí kpee ye tíí nɛ́. Ntsʉʼmbé, a kaʼ ŋgâ a náʼá fɛ́ ywoʼ yéré náá pwó ye, mbɛ pwó ndǎ ŋu ye. Ntsʉʼŋgɛ ntsɔ́ néré, Ábraham pe kɛ tsɛ́ʼɛ́ Mɔ́ŋ pó. 6Mboʼmvé nsó ŋgâ: “Pɔ́ŋ Ábraham náʼá tsó ndzó ŋgɔŋ shʉyɛ, pe yɔ́ɔ́ wɔ́b ne pɛ mkpaŋ, ndzáá wɔ́b ne ŋgəʼo ne kpii ŋgǒʼmvé yíkwa. 7Ntsʉʼmbé, mbéŋgɔŋ yɛ́ pɔ́b ŋkʉ́yó ndɔ́ɔ́ wɔ́b ne mkpaŋ nɛ́, mo, Mboʼmvé mə náʼá fiʼɛ wɔ́b. Pɔ́ŋ páá ghɛ̌ náʼá ntwɔ́ yóʼó, faʼa ne mo ndzó ywoʼ yɔŋ ne ŋgúʼune ya.” 8Ndzáʼnéré, Mboʼmvé gbɛ́d kaŋ pú Ábraham, kiŋi pé psírɛ ŋɔŋ. A kɛ zhyɛ́ yéré nɛ́ ŋkhoʼyɛ́ Ábraham kɛ pfɛ́ Izaʼ nɛ́, zhyémve péfwɔ̂ kúʼu, a psirɛ́ wé. Izaʼ ke ŋgyɛ́ɛ́ néré mbəb Mɔ́ŋ yé Yakɔ́b, Yakɔ́b ke ŋgyɛ́ ye pé néré mbəb ntsɔ̌b tɛd tɛd piŋi pépáá.
9Njʉ́ tɛd tɛd piŋi kɛ sháŋá Yesə́b nɛ́, pɔ́b fí wé, pé ghú Níŋí ŋgɔŋ Egibto. Ntsʉʼmbé Mboʼmvé pɛ́ ndzəb ye. 10Mboʼmvé tubɔ́ wé ndzɔ́ʼɔ́ ŋkɔŋɔ ŋgəʼo yɛ́ a kɛ zhʉ́ nɛ́ náá, fɛ́ foʼndzəndzoʼ pwó yé ne zɛ́no síŋ Farahɔŋ, fɔŋ Egibto. Farahɔŋ wéré tíí wé ne ntsɛ́ssó pɛ ŋgɔ́bmenaʼ ndzó ŋgɔŋ Egibto pwɛ ŋkɔŋɔ zyé ndáb yé náá. 11Cyó ŋgǒʼmvé, ndzyě vɔ́ ndzó ŋkɔŋɔ ŋgɔŋ Egibto náá pú Kanahaŋ. Ndzye yéré kɛ gháʼmbwo kaʼatɛ tɛd piŋi pe tséʼé mwɔ̌zó pó. 12Ŋkhoʼyɛ́ Yakɔ́b kɛ zóʼ ŋgâ mwɔ̌zó Egibto nɛ́, a twɔ́ tɛd piŋi yóʼó ne sɔ́ kɛɛ. 13Ŋkhoʼyɛ́ pɔ́b kɛ kʉ́yó mbɛ́rɛ́ yípáá nɛ́, Yesə́b kéʼ mbəb yé pwó pɔ́ŋmɛ́ pé. Pe kee tsi ye pwó Farahɔŋ. 14Néré, Yesə́b twɔ́ ntɔ́b ŋgâ pe yɔɔ tɛd ye Yakɔ́b pwɛ ŋkɔŋɔ pɔ́ŋmɛ́ pé náá ŋkʉ́yó núŋ. Ŋkɔŋɔ wɔ́b náá kɛ pé pɔŋ ghúbmésambáá né yítaŋ. 15Yakɔ́b shʉyí nɛ́ Egibto, pfɔ́ yóʼó, mbɛ tɛd tɛd piŋi. 16Pé ŋkyɛ́ wɔ́b ŋgú núŋ Sikɛm, núŋɔ́ ndzó sye yɛ́ Ábraham kɛ zúŋ ne mbób tʉŋɔndɔŋ pwó pɔ́ŋ Emɔɔ, tɛd Sikɛm nɛ́.
17Njʉ́ ŋkhoʼ kɛ tsé ŋkúʼɔ yɛ́ Mboʼmvé kɛ ghɛ́ ndúŋɔ tó no yɛ́ a kɛ kaʼa pwó Ábraham nɛ́, pɔ́ŋ Issayɛ k mě mê sáŋa mvii zááme ŋgɔŋ Egibto, 18kaʼatɛ mbáŋ zhyémve yɛ́ cyó Farahɔŋ wɛ́ a kɛ pe zɛ́ Yesə́b nɛ́ pó, kɛ kɔ́ʼ mɛghwʉŋ nɛ́. 19Farahɔŋ wéré nyíʼá ndɔ́ɔ́ ŋgɔ́b ŋkúŋɔ wíŋi núŋ. Pʉ́ʉ́ pfod yɛ́ a kɛ tséʼé ŋkyé tɛd tɛd piŋi nɛ́, kɛ gháʼmbwo kaʼatɛ a ziʼ tɛd piŋi ŋgâ pɔ́b máʼ pɔ́ŋ mbɔ́d, pɔ́b pfó. 20A ŋkhoʼyɛ́ nɛ́ pe kɛ pfɛ́ Mǔsê nɛ́. Mboʼmvé tiŋɛ́ wé ŋgôʼ. Mǔsê kɛ tsó ndáb tɛd ye ne pénab pékyéd. 21Ŋkhoʼyɛ́ pe kɛ máʼá wé nɛ́, Mɔ́ŋ Farahɔŋ wé məŋgʉ́yé yɔ́ɔ́ wé, mirɛ wé njʉ́ kpaʼ Mɔ́ŋ pfé yé nɛ́. 22Mǔsê zéʼ ŋkɔŋɔ zɛ́no pǔ Egibto náá. Nsó ye pwɛ ŋgyɛ́ meno pé tséʼé ŋgaŋ.
23Ŋkhoʼyɛ́ a kɛ tséʼé ŋgǒʼmvé ghúbmekwa nɛ́, kpaŋa tó ye kʉ́yó ŋgâ a ghú ndzɔ́ʼɔ́ pɔ́ŋmɛ́ pé, pɔ́ŋ Issayɛ. 24Mǔsê zhʉ́ njʉ́ taʼ ŋǔ Egibto kɛ záá ŋǔ Issayɛ ne ŋgəʼo nɛ́, ŋgú ne kpêne wé, gbíí ŋǔ Egibto wéré. 25Mǔsê kɛ kpaŋa yé ŋgyɛ́ pɔ́ŋmɛ́ pé zé ŋgâ Mboʼmvé kɛ ghɛ́ ndzáʼá mbəb ye mkpéé wɔ́b. Ntsʉʼmbé, pɔ́b pe zóʼ wé pó. 26Keemvé, Mǔsê zhʉ́ pɔ́ŋmɛ́ Issayɛ pépáá tsé gbíí ŋkɔd tsetsɛrɛ pɔ́b. A tsé shʉbɛ wɔ́b ntsɔ́ ŋgâ: “Sɔŋ páá, puŋ pɔ́ŋmɛ́ nɛ́, puŋ pó gbíí ŋkɔd tsetsɛrɛ puŋ ŋkyé kɔ́?” 27Ntsʉʼmbé ŋɔŋ wɛ́ a kɛ tse ntsɛ́ɛ́ cyó nɛ́, mî Mǔsê ntsɔ́ ŋgâ: “A ntíí wɔ̂ ntíí wo ne fɔŋ kii ŋgâ ŋgaŋasábafiʼ tsetsɛrɛ psi? 28Wo zɔŋɔ nɔ́ʼɔ́ ya njʉ́ wo nɔʼ ŋǔ Egibto nǐmwɔ nɛ́?” 29Ŋkhoʼyɛ́ a kɛ nsó néré nɛ́, Mǔsê kí ŋgú ŋgɔŋ ntɔ́b. Tíí ŋgɔŋ wéré kɛ pé Madyaŋ. A páŋ yóʼó, ntséʼé pɔ́ŋ pépáá.
30Njʉ́ ŋgǒʼmvé ghúbmekwa kɛ kuʼu nɛ́, taʼ aŋgere nyóʼ mbəb ye pwó ye ghúŋkwéʼé ndúŋú ŋkə́ŋ Sinayi, ndzɔ́ʼɔ́ mɔ́ɔ́ wɛ́ a kɛ kpii ntsóʼgháŋ nɛ́. 31Yéré no ntsɛ́ɛ́ Mǔsê kaʼatɛ a zɔŋɔ ŋgú zhʉ́. Ntsʉʼmbé, ndzəb Ntsɛɛpɔŋ tsɔ́ pwó ye ŋgâ: 32“A mo, Mboʼmvé tɛd pó, Mboʼmvé Ábraham, Mboʼmvé Izaʼ, Mboʼmvé Yakɔ́b.” Mǔsê vód kaʼatɛ ndíŋíne ŋkʉ́rʉ́ ntsɛ́ɛ́ wé. 33Njʉ́ a kɛ pé néré nɛ́, Ntsɛɛpɔŋ ntsɔ́ pwó ye ŋgâ: “Sɔ́d tɔ́kpee mo, ŋkyé ŋgâ ywoʼ yekénɛ́ wo nsé nɛ́, ywoʼ yáŋme. 34Ɔ́ŋɔ́, mə njʉ́ ŋgəʼo yɛ́ pɔ́ŋ páá tsé njʉ́ ŋgɔŋ Egibto nɛ́. Mə ndzóʼ ntsááŋkobe yɔ́b. Mə shʉyíí ne kpěne wɔ́b. Ne ŋkhoʼyɔŋ kaʼa, ghú, mə ntwɔ́ wo Egibto.”
35Mǔsê wéré wɛ́ pɔ́ŋ Issayɛ kɛ tɔʼɔ wé, ntsɔ́ ŋgâ: “A ntíí wɔ̂ ntíí wo ne fɔŋ kii ŋgâ ŋgaŋasábafiʼ tsetsɛrɛ psi?” nɛ́, a yé mbé ŋɔŋ wɛ́ Mboʼmvé twɔ́ njʉ́ fɔŋ pú ŋgaŋakpê wɔ́b nɛ́. A kɛ záʼá mbəb aŋgere wɛ́ a kɛ nyóʼ mbəb ye pwó ye ndzɔ́ʼɔ́ tsóʼ gháŋ nɛ́. 36A kɛ túbú yé túbɔ́ wɔ́b ŋgɔŋ Egibto ne pɛ shʉrɛ́meno pwɛ pɛ kiŋi, ŋgyɛ́ pecyó ndzó lepaanse psǐpsî, ŋgyɛ́ pecyó ghúŋkwéʼé, ne ŋgǒʼmvé ghúbmekwa. 37A Mǔsê wéré wɛ́ a kɛ tsɔ́ pwó pɔ́ŋ Issayɛ ŋgâ: “Mboʼmvé ntsɔ́ʼɔ́ taʼ ŋgaŋatsɔ́kpaŋató tsetsɛrɛ pɔ́ŋmɛ́ puŋ njʉ́ mo nɛ́.” 38A yé wɛ́, ŋkhoʼyɛ́ pɔ́ŋ Issayɛ, tɛd piŋi kɛ tɛrɛ́ ghúŋkwéʼé ne cyó ndzaʼye, aŋgere po ntsɛ́ ye ne cyǒ, a ntsɛ́ tsetsɛrɛ pɔ́b, aŋgere wéré tsɔ́ meno pwó ye ndúŋú ŋkə́ŋ Sinayi nɛ́. A yé wɛ́ a kɛ zóʼó yé ndzóʼo nsó wɛ́ a fɛ́ tsómvé nɛ́, ntsɔ́ ne piŋi nɛ́. 39Ntsʉʼmbé tɛd piŋi pé tsé ndzɔŋɔ ndzóʼó ntswee yé pó. Pɔ́b ke mii wé mǐ, kaʼatɛ kpáŋá ne mbǒdne ndzəb Egibto. 40Njʉ́ a kɛ pé néré nɛ́, pɔ́b tsɔ́ pwó Árɔŋ ŋgâ: “Nteŋé pɛ Mboʼmvé, pɔ́b nyí síŋ psi. Ŋkyé ŋgâ Mǔsê wékénɛ́ a kɛ zhyɛ́ piŋi twɔ́ ndzó ŋgɔŋ Egibto nɛ́, psi zɛ́ yɔ́b yɛ́ a tsʉ́ʼ nɛ́ pó.” 41Pɔ́b pwɔ̂ Mɔ́ŋ naʼ zhyémve yéré, fɛ́ shʉ́ pwó záʼá yéré, mbó ndebe ŋkyé yɔ́b yɛ́ pɔ́b kɛ teŋé ne mbwó mɔ́b nɛ́. 42Mboʼmvé séd pfuŋ ye fɛ́ ne pɔ́b, ntéé ŋgâ pɔ́b tsé ŋguʼɔ́ pɛ saŋ njʉ́ ghaŋátsɔ́kpaŋató Mboʼmvé kɛ ŋweʼe ŋgâ:
Ndǎ ndáb Issayɛ, puŋ kɛ fɛ́ mwɔ̂paʼ pwɛ pecyó mwɔ̌shʉ́ pé ne mo ghúŋkwéʼé
Ne ŋgǒʼmvé ghúbmekwa?
43Pǔŋ kɛ kyɛ́ ntab Mboʼmvé wuŋ Molɔʼ
Pú saŋ yɛ́ pe kɛ teŋé ne tíí Mboʼmvé wuŋ Rəfaŋ nɛ́,
Pɛ záʼá pɛ́ pǔŋ kɛ tɛ́ŋɛ́ ne ŋgúʼune nɛ́.
A zhyɛ́ yéré mə́ náʼá ŋkyɛ́ wúŋ, máʼá, puŋ ghú fáá mbɛ́lʉ́ŋ Babilɔnə.
44A kɛ pɛ́ ghúŋkwéʼé, tɛd piŋi kɛ ntséʼé ntab yɛ́ pwɛ Mboʼmvé kɛ sɛ́rɛ yóʼó nɛ́. Mboʼmvé wɛ́ a kɛ ntsɔ́ no pwó Mǔsê nɛ́, a kɛ gháá a ke ŋkwórɔ́ mbziʼe yɛ́ a kɛ nyóʼó pwó yé nɛ́. 45Tɛd piŋi náʼá kpéé, ŋkúŋ núŋ ndzó ŋgɔŋ wɛ́ pɔ́b kɛ kpéé pwó pɔŋ pɛ́ Mboʼmvé kɛ zú wɔ́b ndzó nɛ́. A kɛ sáʼá Yǒswa sáʼá wɔ́b. Ntab yéré kɛ tsó yóʼó kaʼatɛ mbáŋ ndzó mbwó fɔŋ Ndavíd. 46Njʉ́ fɔŋ Ndavíd wɔŋ kɛ tséʼé purɔ́záŋ síŋ Mboʼmvé nɛ́, a yɔ́ŋ pwó yé ŋgâ a tee a kwód ywoʼɔ́tsó pwó yé, ye wɛ́ a Mboʼmvé pɔ́ŋ Yakɔ́b nɛ́. 47Ntsʉʼmbé a náʼá mbo ŋkwód fɔŋ Salomɔŋ kwód ndáb pwó Mboʼmvé. 48Ntsʉʼŋgɛmbɛ Mboʼmvé wɛ́ a kpaʼ pépéé nɛ́, ndɛ mbé tsó ndzó ndáb yɛ́ a ŋkwód pumésɔŋ ne mbwó mɔ́b nɛ́ pó. Njʉ́ ŋgaŋatsɔ́kpaŋató Mboʼmvé kɛ nsó ŋgâ:
49“Ntsɛɛpɔŋ nsó ŋgâ: a pépéé mbé ywʉ ya
Tsetsáʼ pé ywoʼɔ́ tíí kpee máá.
A yɛ́rɛ́ mbziʼe ndáb yɛ́ puŋ ŋkwórɔ́ ne mo nɛ́?
Ywoʼɔ fúrú ya ghaŋásyé mbɛ́ pɛɛ?
50A teŋé mo nteŋé ŋkɔŋɔ mɔ́b pɔŋ náá pɔɔ?”
51Puŋ pɛ́ ndzɔʼ yuŋ tʉ̌ŋ nɛ́, təŋé múŋ pwɛ ndzɔʼ yuŋ po mbé psyɛ́ ndzóʼó no nɛ́ pó. Puŋ ké mbɛ́ɛ́ njʉ́ tɛd puŋ nɛ́, ke tʉ́ŋɔ tʉŋɔ́ pwó Zhʉye Yáŋme. 52A wɛ́rɛ́ ŋgaŋatsɔ́kpaŋató Mboʼmvé wɛ́ tɛd puŋ kɛ paŋá wé nɛ́ pɔɔ? Pɔ́b kɛ nɔ̂ʼ mbɛ́ pɔŋ pɛ́ pɔ́b kɛ pě ndəd ncʉ́ri ŋgâ ŋɔŋ ŋgerɛ́ŋged ŋkʉ́yó nɛ́. Ŋɔŋ wéré wɛ́ a ghɛmbɛ ne ŋkhoʼyɔŋ, puŋ fí mbó nɔʼ nɛ́. 53Puŋ kɛ kpéé kaŋ yɛ́ pɛ aŋgere kɛ fɛ́ ne puŋ nɛ́, mbé ghúʼú kaŋ yéré pó!»
Pe tswɔ́ Etyɛŋ ne ŋgɔʼ nɔ́ʼ
54Nsó wɛ́ Etyɛŋ kɛ nsó nɛ́ zuʼɔ́ ghaŋásábáfiʼ kəkwéʼe, pɔ́b zyé pfódne sɔŋ mɔ́b ŋkyé wé. 55Ntsʉ́ʼmbɛ́ ne yé, Zhʉye Yáŋme yúŋɔ́ wé, a púʼú míí mé ndíŋí pépéé, njʉ́ ghɛ́ɛ́ Mboʼmvé mbó njʉ́ njʉ́ Yěsô ntsɛ́ ne ndzaʼ pwó Mboʼmvé ye maʼ nɛ́. 56A nsó ŋgâ: «Puŋ tíŋí njʉ́, pépéé ŋáʼme. Mə tsé njʉ́ Mɔ́ŋ Ŋɔŋ a tsɛ́ ne ndzáʼ pwó Mboʼmvé yé maʼ.» 57Pɔŋ pɛ́ pɔ́b kɛ pɛ́ yóʼó nɛ́ ghéʼ né tʉ̌ŋ, náŋ ntəŋé mɔ́b. Ŋkɔŋɔ ŋɔŋ náá kpaʼ náá mvɔ́ tó Etyɛŋ, 58sú wé twɔ́ níŋí mbɛ́lʉ́ŋ, ntswɔ̂ wé ne ŋgɔʼ. Pɔŋ pɛ́ pɔ́b kɛ pɛ́ yóʼó nɛ́ sɔ́d ndzwé pɔ́b ntéé pfúŋɔ́ taʼ ŋkɔ́ʼŋɔŋ wɛ́ a kɛ pɛ́ yóʼó pé fú né Sɔlə nɛ́. 59Njʉ́ pɔ́b kɛ tsé ntswɔ̂ Etyɛŋ nɛ́, a ntsɛ́ʼɛ́ Mboʼmvé ntsɔ́ ŋgâ: «Ntsɛɛpɔŋ Yěsô, kpéé zhʉye ya.» 60A féd tókuʼé mé syé, ŋgéʼ ne tʉ̌ŋ nsó ŋgâ: «Ntsɛɛpɔŋ, wo ndɛ sí yɔ́ŋ no ndzɔ́ʼɔ́ kəpɔŋ wɔ́b.» Njʉ́ a kɛ nsó néré nɛ́, a pfó.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល