Faʼ Ghaŋántɔ́b 5
5
Ananiyasə pú Safíra shʉyɛ́ Zhʉye Yáŋme
1Cyó taʼ ŋɔŋ wɛ́ tíí kɛ pe Ananiyasə nɛ́, kɛ tséʼé taʼ ntswee pú ŋgʉ́yé yé Safíra, fí taʼ ywoʼ. 2Pɔ́b zhyɛ́ ŋgɔ́b ŋgʉ́ʼʉ́ cyó pɛ́rɛ́ mbób, ndɔ́ɔ́ pfuʼ yé kʉ́yó fɛ́ pwó ghaŋántɔ́b Yěsô. 3Ntsʉʼmbé, Pětro nsó ŋgâ: «Ananiyasə, a zhyɛ́ kɔ́ Sátaŋ zó ndzɔʼ wo kɛ́ʼɛ́? Wo shʉyɛ́ Zhʉye Yáŋme, ŋgʉ́ʼʉ́ cyó pɛ́rɛ́ mbób faʼ. 4A ghɛ́ tɛɛmbɛ wo pé tê kii fi pɔɔ? Mbɛ njʉ́ wo fí nɛ́, a ghɛ́ tɛɛmbɛ wo pé zhyɛ́ ne mbób njʉ́ wo kʉyě nɛ́ pɔɔ? A zhyɛ́ kɔ́ ŋgâ yekénɛ́ kpaŋ kʉ́yó ndzó ndzɔʼ wo kɛ́ʼɛ́? Wo shʉyɛ̂ pumésɔŋ pó, wo shʉyɛ̂ Mboʼmvé.» 5Ŋkhoʼyɛ́ Ananiyasə kɛ zóʼ nsó wéré nɛ́, a vô, ke pfɔ́ néré. Ŋkɔŋɔ pɔŋ pɛ́ pɔ́b kɛ zóʼó náá nɛ́ pɔ́ɔ́ kaʼatɛ. 6Ŋkɔ́ʼpɔŋ kʉ́yó mbuyɛ́ pfó yé, ndɔ́ɔ́, ŋgú cʉ́.
7Njʉ́ ywɔ̌ ŋkhoʼmvé yíkyéd kɛ záʼ nɛ́, ŋgʉyé yé wɛ́ kɛ zɛ́ no yɛ́ a kɛ záʼ nɛ́ pó, ke mbó mbáŋá yé, kúŋɔ́ ndáb. 8Pětro pfírɛ́ wé ŋgâ: «Sɔ́ŋɔ́ ya, a kpaʼ sísíŋ ŋgâ puŋ fí tsetsáʼ pé ne fuʼ mbób yɔŋ?» A pód ŋgâ: «Ɔ́ŋɔ́, a ndɔŋ yé!» 9Néré, Pětro psíʼí ŋgâ: «Puŋ zhyɛ́ níŋ ntséʼé taʼ ntswee ne mwɔ̌ne Zhʉye Ntsɛɛpɔŋ? Zóʼó: Pɔŋ pɛ́ pɔ́b cʉ́ ndwɔ́ wo nɛ́, kɛ nsé nɛ́ pe ntswědáb. Pɔ́b ke ndɔ́ɔ́ yó ywoʼ pé néré ŋgú ncʉ́.» 10Kpaʼ ŋkhoʼyéré, a ke vɔ̌ síŋ Pětro pé néré, pfó. Ŋkɔ́ʼpɔŋ ghɛ́ ŋkúŋɔ ndáb, njʉ́ wé pé pfóme, pɔ́b yɔ́ɔ́ pfɔ́ yé ŋgú cʉ́ pfúŋɔ ndwɔ́ yé. 11Néré, ŋkɔŋɔ pǔkristo náá, pwɛ pɛ́ pɔ́b kɛ zóʼó no yéré nɛ́, pɔ́ɔ́ kaʼatɛ.
Ghaŋátɔ́b zhyɛ́ pɛ shʉrɛ́meno zááme
12Ghaŋátɔ́b kɛ zhyɛ́ kiŋi zááme pwɛ pɛ meno shʉyédme mbəb pɔŋ. Ŋkɔŋɔ pǔkristo náá kɛ tɛ́rɛ njʉ́ taʼ ŋɔŋ nɛ́, ntsɛ́ ferɛ́nda yɛ́ pé kɛ fú né ferɛ́nda Salomɔŋ nɛ́. 13Néré, cyó ŋɔŋ zyé mbé m wɔ̂ suʼú mbəb ye mvíí wɔ́b pó. Ntsʉʼŋgɛmbɛ pɔŋ ke ŋgóʼó wɔ́b ghóʼ, 14kaʼatɛ ndɔŋɔ mbziŋi pwɛ pěŋgyé pɛ́ pɔ́b kɛ psyɛ́ Ntsɛɛpɔŋ nɛ́, ke mvî pfǐ. 15A kɛ pé kaʼatɛ pé túbɔ́ pɛ ghaŋághɔŋ túbú ndzó pɛ ndáb, núŋɔ ndzó pɛ kúŋ pwɛ pɛ kɔʼ mɛndɔ́b, kɛ́ʼɛ́ ŋgâ Pětro mbɔŋɔ ntsé ndzáʼa, ŋkhoʼcyó ndaʼ méziŋ yé kɛ́bɛ́ ŋɔŋ ndzɔ́ʼɔ́ pɔ́b, a fwó. 16Puzááme kɛ twɔ̌ ndzó pɛ yáʼ pɛ́ pɔ́b ntsyɛ́ Yerʉ́salɛm nɛ́, ŋkʉ́yó ne pɛ ghaŋághɔŋ pwɛ pɔŋ pɛ zhʉye kəpɔŋ kɛ ŋʉ́ wɔ́b nɛ́, ŋkɔŋɔ wɔ́b náá tsɛ́ʼɛ́ fwôghɔŋ.
Pɛ Ghaŋátɔ́b zû ntswee vó
17Njʉ́ a kɛ pé néré nɛ́, ŋgyé Tɛdshʉ́ kəkwéʼe pwɛ pɔŋ pɛ́ pɔ́b kɛ ntsyɛ́ wé nɛ́ zúʼú kaʼatɛ. Pɔŋ péré kɛ pé pɛ Sadúkayə 18Pɔ́b nyíŋá pe gbáá pɛghaŋantɔ́b tétáá, máʼá ndátsáŋ. 19Ntsʉʼmbé, aŋgere Ntsɛɛpɔŋ kʉ́yó netsúʼ, ntsɔ́ʼ ntswěndátsaŋ, ŋgyɛ́ pɔ́b twɔ́. A ntsɔ́ ne pɔ́b ŋgâ: 20«Puŋ ghú ntsɛ́ Ndámboʼmvé, ncʉ́rí ŋkɔŋɔ nsó wɔŋ wɛ́ a fɛ́ tsómvé náá nɛ́, pwó pɔŋ!» 21Pɔ́b zóʼ ntswee yé. Mvé ké ŋgɛ ŋkee, pɔ́b ghú Ndámboʼmvé, ndzyě fɛ́ ntʉ́ʉ́ yóʼó.
Tɛdshʉ́ kəkwéʼe páŋ pwɛ pɔŋ pɛ́ pɔ́b ntsyɛ́ wé nɛ́, ntéré, fú ntéré sábáfiʼ kəkwéʼe. Ntéré yéré a ywoʼ yɛ́ ŋkɔŋɔ ŋgəkod Issayɛ náá ndɛ ndɔ̂ nsó nɛ́. Pɔ́b twɔ́ pɔŋ ŋgâ pé ghú ntúbú pɛghaŋantɔ́b ndátsáŋ ŋkʉ́yó ne wɔ́b. 22Ntsʉʼmbé pɛ ghaŋáfaʼ ghú mbáŋa yóʼó, mbé zhʉ́ ŋɔŋ ndátsáŋ pó. Mbód yɔ́b ndzəb, ntsɔ́ pwó pɔŋ pɛ́ pɔ́b kɛ twɔ́ wɔ́b nɛ́ ŋgâ: 23«Psi páŋá ndátsáŋ, njʉ́ ntswěndáb ké ncʉyí mbɛ́ɛ́ fǔŋme, ne pɛ ghaŋápsibɛvǎ yóʼó, ntsʉʼmbé ŋkhoʼyɛ́ psi tsɔ́ʼ nɛ́, psi pé zhʉ́ ŋɔŋ ndzó pó.» 24Ŋkhoʼyɛ́ ntsɛ́ssó pɔŋ pɛ́ pɔ́b kɛ psibɛ Ndámboʼmvé nɛ́ pwɛ pɛ ntsɛ́ssó ghaŋáshʉ́ kɛ zóʼ yéré no ŋkyé pɛghaŋantɔ́b nɛ́, tó yɔ́b váʼ. Pɔ́b psírɛ́ mbəb yɔ́b ne no yɛ́ a kɛ záʼ nɛ́. 25Ntsʉʼmbé cyó ŋɔŋ kʉ́yó ntsɔ́ ne pɔ́b ŋgâ: «Puŋ zhʉ́, pɔŋ pɛ́ puŋ máʼ wɔ́b ndátsáŋ nɛ́, nsé níŋ Ndámboʼmvé fɛ́ ntʉ́ʉ́.» 26Néré ntsɛ́ssó pɔŋ pɛ́ pɔ́b kɛ psibɛ Ndábmboʼmvé nɛ́ pwɛ pɛ ŋgaŋafaʼ ghú ndɔ́ɔ́ pɛghaŋantɔ́b, ŋkʉ́yó ne wɔ́b kii núʼɔ wɔ́b, ŋkyé ŋgâ pɔ́b kɛ tsé mbɔɔ ŋgâ pɔŋ ntswɔ̂ wɔ́b ne ŋgɔʼ kaʼatɛ pɔ́b ke pfó pfo.
27Pɔ́b kʉ́yó ne wɔ́b tíí tsetsɛrɛ ghaŋásábáfiʼ kəkwéʼe. Tɛdshʉ́ kəkwéʼe psirɛ́ wɔ́b ŋgâ: 28«Psi ncʉ́yí nʉ́ʉ́ ne puŋ ŋgâ puŋ ndɛ mbó tsé ndɔ́ɔ́ tíí yekénɛ́ ntʉ́ʉ́ pɔŋ núŋ. Puŋ zhʉ́ nɛ́ njʉ́ pǔŋ zhyɛ́ ntʉ́ʉ́ yéré gbaʼ ŋkɔŋɔ Yerʉ́salɛm náá nɛ́. Puŋ zɔŋɔ ŋgyɛ́ ŋgâ nsə ŋɔŋ wɔŋ ŋkhú tó psi?» 29Ntsʉʼmbé Pětro pwɛ ghaŋántɔ́b pód ŋgâ: «A mbǔ ŋgyɛ̌ne no yɛ́ Mboʼmvé zɔŋɔ nɛ́ ne ŋgyɛ̌ne yɛ́ pumésɔŋ zɔŋɔ nɛ́! 30Yěsô wɛ́ puŋ kɛ ghɛ́ nɔʼɔ wé kpii wé ndúŋú ŋgʉŋʉ nɛ́, Mboʼmvé tɛd piŋi zhyɛ́ a zhʉyɛ́ ne vó. 31A yé wɛ́ Mboʼmvé kuʼu fɛ́ ne pwó yé ye maʼ njʉ́ Fɔŋ mbó mbé Ŋgaŋakpê pɔŋ nɛ́. Kɛ́ʼɛ́ pɔ́ŋ Issayɛ yáá mbəb yé séd ndzɔʼ yɔ́b, Mboʼmvé máʼ vɔ̌no yɔ́b. 32Psi zhʉ́ meno péré. Psi, ghaŋántɔ́b, ŋgɛmbɛ Zhʉye Yáŋme wɛ́ Mboʼmvé fɛ̌ pwó pɔŋ pɛ́ pɔ́b zóʼó ntswee yé nɛ́.»
33Ŋgyé ghaŋásábáfiʼ zúʼú ŋkyé nsó wéré kaʼatɛ, pɔ́b zɔŋɔ ŋgyɛ́ pe nɔ́ʼɔ́ wɔ́b. 34Ntsʉʼmbé, taʼ ŋɔŋ ŋáá ndzɔ́ʼɔ́ pɔ́b. A kɛ pé taʼ ŋɔŋ Farízya wɛ́ tíí kɛ pé Gamalyɛlə mbé taʼ ŋgaŋakeʼekaŋ wɛ́ ŋkɔŋɔ pɔŋ náá kɛ ghúʼɔ́ wé kaʼatɛ nɛ́. A nsó ŋgâ pɔŋ pɛ́ pé kɛ sɔ́bɔ́ wɔ́b nɛ́ náʼá ndzwəʼɛ́ mvé. 35Ŋkhoʼyɛ́ pɔ́b kɛ twɔ́ nɛ́, a nsó ŋgâ: «Pɔŋ Issayɛ, puŋ náʼ ngyaŋa ne no yɛ́ puŋ zɔŋɔ ŋgyɛ́ mbəb pɔŋ pɔ́ŋ nɛ́. 36A ké mbɛ̌ pwɔ̂kpee, cyó ŋɔŋ kɔ́ʼ pé fú wé ne Tədaasə. A ntsɔ́ ŋgâ a kpaʼ ŋɔŋ kaʼatɛ. Néré, ywɔ̌ kpǐ ŋɔŋ yíkwa cʉ́ʼɔ́ ndzəb yé. Tómbəb ye, pe kɛ nɔ́ʼ wé, ŋkɔŋɔ pɔŋ pɛ́ pɔ́b kɛ zɔŋɔ wé náá nɛ́ gbeʼe, kii taʼ ye tsʉ́ʼ. 37Pe ke mbó njʉ́ Yudasə ŋɔŋ Galílya, kɔ́ʼ ŋkhoʼyɛ́ pé kɛ sí pɔŋ nɛ́. A kɛ zhyɛ́ puzááme zɔŋɔ wé. Ŋkɔʼɔtómbəb yé kɛ ke pfó, ŋkɔŋɔ pɔŋ pɛ́ pɔ́b kɛ zɔŋɔ wé náá nɛ́, gbéʼe. 38Mbé kɛ́ʼɛ́, mə ntsɔ́ ne puŋ, kii pǔŋ ndɛ mbǒ gbáá táb pɔŋ pékénɛ́ ŋkʉ́rʉ́, ntsʉʼmbé, puŋ tee wɔ́b pɔ́b ghú! A pɛ́ɛ́ yɛ́ kpaŋató yɔ́b kii faʼ yɔ́b twɔ̌ pwó pumésɔŋ nɛ́, mbǒ a tsɛ́bɛ́ ne ndúŋ yé. 39A pɛ́ɛ́ yɛ́ a twɔ̌ pwó Mboʼmvé nɛ́, mbǒ tɛɛmbɛ puŋ pé zhyɛ́ a tsébé pó. Kii puŋ ndɛ ŋgyɛ́ kɛ́ʼɛ́ tsʉ́ʼ ghaŋámáʼá ntsɔ puŋɛ́ Mboʼmvé!»
Njʉ́ a kɛ nsó néré nɛ́, ghaŋásábáfiʼ kəkwéʼe zóʼ ntswee yé 40Ŋgyɛ́ pɛghaŋantɔ́b kúŋɔ́ ndáb. Pɔ́b zhyɛ́ pe gbíí wɔ́b ne fě, mbó kirɛ́ ne pɔ́b ŋgâ kii pɔ́b ndɛ mbó mwɔ fú tíí Yěsô ŋkʉ́rʉ́, ntéé wɔ́b. 41Ghaŋátɔ́b ŋǎ yóʼó, ne ndzɔʼ yɔ́b yáŋme ŋkyé ŋgâ Mboʼmvé kɛ zhʉ́ wɔ́b pɔ́b kúʼɔ́ ne njʉ̌né ŋgəʼo ne tíí Yěsô. 42Ŋkɔŋɔ zhyémve náá Ndámboʼmvé njʉ́ ndzó pɛ ndáb nɛ́, pɔ́b ke fɛ́ɛ́ ntʉ́ʉ́ mbó ncʉ́rɛ Ŋkəŋ Sʉ́ʼʉ Yěsô Kristo.
ទើបបានជ្រើសរើសហើយ៖
Faʼ Ghaŋántɔ́b 5: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Faʼ Ghaŋántɔ́b 5
5
Ananiyasə pú Safíra shʉyɛ́ Zhʉye Yáŋme
1Cyó taʼ ŋɔŋ wɛ́ tíí kɛ pe Ananiyasə nɛ́, kɛ tséʼé taʼ ntswee pú ŋgʉ́yé yé Safíra, fí taʼ ywoʼ. 2Pɔ́b zhyɛ́ ŋgɔ́b ŋgʉ́ʼʉ́ cyó pɛ́rɛ́ mbób, ndɔ́ɔ́ pfuʼ yé kʉ́yó fɛ́ pwó ghaŋántɔ́b Yěsô. 3Ntsʉʼmbé, Pětro nsó ŋgâ: «Ananiyasə, a zhyɛ́ kɔ́ Sátaŋ zó ndzɔʼ wo kɛ́ʼɛ́? Wo shʉyɛ́ Zhʉye Yáŋme, ŋgʉ́ʼʉ́ cyó pɛ́rɛ́ mbób faʼ. 4A ghɛ́ tɛɛmbɛ wo pé tê kii fi pɔɔ? Mbɛ njʉ́ wo fí nɛ́, a ghɛ́ tɛɛmbɛ wo pé zhyɛ́ ne mbób njʉ́ wo kʉyě nɛ́ pɔɔ? A zhyɛ́ kɔ́ ŋgâ yekénɛ́ kpaŋ kʉ́yó ndzó ndzɔʼ wo kɛ́ʼɛ́? Wo shʉyɛ̂ pumésɔŋ pó, wo shʉyɛ̂ Mboʼmvé.» 5Ŋkhoʼyɛ́ Ananiyasə kɛ zóʼ nsó wéré nɛ́, a vô, ke pfɔ́ néré. Ŋkɔŋɔ pɔŋ pɛ́ pɔ́b kɛ zóʼó náá nɛ́ pɔ́ɔ́ kaʼatɛ. 6Ŋkɔ́ʼpɔŋ kʉ́yó mbuyɛ́ pfó yé, ndɔ́ɔ́, ŋgú cʉ́.
7Njʉ́ ywɔ̌ ŋkhoʼmvé yíkyéd kɛ záʼ nɛ́, ŋgʉyé yé wɛ́ kɛ zɛ́ no yɛ́ a kɛ záʼ nɛ́ pó, ke mbó mbáŋá yé, kúŋɔ́ ndáb. 8Pětro pfírɛ́ wé ŋgâ: «Sɔ́ŋɔ́ ya, a kpaʼ sísíŋ ŋgâ puŋ fí tsetsáʼ pé ne fuʼ mbób yɔŋ?» A pód ŋgâ: «Ɔ́ŋɔ́, a ndɔŋ yé!» 9Néré, Pětro psíʼí ŋgâ: «Puŋ zhyɛ́ níŋ ntséʼé taʼ ntswee ne mwɔ̌ne Zhʉye Ntsɛɛpɔŋ? Zóʼó: Pɔŋ pɛ́ pɔ́b cʉ́ ndwɔ́ wo nɛ́, kɛ nsé nɛ́ pe ntswědáb. Pɔ́b ke ndɔ́ɔ́ yó ywoʼ pé néré ŋgú ncʉ́.» 10Kpaʼ ŋkhoʼyéré, a ke vɔ̌ síŋ Pětro pé néré, pfó. Ŋkɔ́ʼpɔŋ ghɛ́ ŋkúŋɔ ndáb, njʉ́ wé pé pfóme, pɔ́b yɔ́ɔ́ pfɔ́ yé ŋgú cʉ́ pfúŋɔ ndwɔ́ yé. 11Néré, ŋkɔŋɔ pǔkristo náá, pwɛ pɛ́ pɔ́b kɛ zóʼó no yéré nɛ́, pɔ́ɔ́ kaʼatɛ.
Ghaŋátɔ́b zhyɛ́ pɛ shʉrɛ́meno zááme
12Ghaŋátɔ́b kɛ zhyɛ́ kiŋi zááme pwɛ pɛ meno shʉyédme mbəb pɔŋ. Ŋkɔŋɔ pǔkristo náá kɛ tɛ́rɛ njʉ́ taʼ ŋɔŋ nɛ́, ntsɛ́ ferɛ́nda yɛ́ pé kɛ fú né ferɛ́nda Salomɔŋ nɛ́. 13Néré, cyó ŋɔŋ zyé mbé m wɔ̂ suʼú mbəb ye mvíí wɔ́b pó. Ntsʉʼŋgɛmbɛ pɔŋ ke ŋgóʼó wɔ́b ghóʼ, 14kaʼatɛ ndɔŋɔ mbziŋi pwɛ pěŋgyé pɛ́ pɔ́b kɛ psyɛ́ Ntsɛɛpɔŋ nɛ́, ke mvî pfǐ. 15A kɛ pé kaʼatɛ pé túbɔ́ pɛ ghaŋághɔŋ túbú ndzó pɛ ndáb, núŋɔ ndzó pɛ kúŋ pwɛ pɛ kɔʼ mɛndɔ́b, kɛ́ʼɛ́ ŋgâ Pětro mbɔŋɔ ntsé ndzáʼa, ŋkhoʼcyó ndaʼ méziŋ yé kɛ́bɛ́ ŋɔŋ ndzɔ́ʼɔ́ pɔ́b, a fwó. 16Puzááme kɛ twɔ̌ ndzó pɛ yáʼ pɛ́ pɔ́b ntsyɛ́ Yerʉ́salɛm nɛ́, ŋkʉ́yó ne pɛ ghaŋághɔŋ pwɛ pɔŋ pɛ zhʉye kəpɔŋ kɛ ŋʉ́ wɔ́b nɛ́, ŋkɔŋɔ wɔ́b náá tsɛ́ʼɛ́ fwôghɔŋ.
Pɛ Ghaŋátɔ́b zû ntswee vó
17Njʉ́ a kɛ pé néré nɛ́, ŋgyé Tɛdshʉ́ kəkwéʼe pwɛ pɔŋ pɛ́ pɔ́b kɛ ntsyɛ́ wé nɛ́ zúʼú kaʼatɛ. Pɔŋ péré kɛ pé pɛ Sadúkayə 18Pɔ́b nyíŋá pe gbáá pɛghaŋantɔ́b tétáá, máʼá ndátsáŋ. 19Ntsʉʼmbé, aŋgere Ntsɛɛpɔŋ kʉ́yó netsúʼ, ntsɔ́ʼ ntswěndátsaŋ, ŋgyɛ́ pɔ́b twɔ́. A ntsɔ́ ne pɔ́b ŋgâ: 20«Puŋ ghú ntsɛ́ Ndámboʼmvé, ncʉ́rí ŋkɔŋɔ nsó wɔŋ wɛ́ a fɛ́ tsómvé náá nɛ́, pwó pɔŋ!» 21Pɔ́b zóʼ ntswee yé. Mvé ké ŋgɛ ŋkee, pɔ́b ghú Ndámboʼmvé, ndzyě fɛ́ ntʉ́ʉ́ yóʼó.
Tɛdshʉ́ kəkwéʼe páŋ pwɛ pɔŋ pɛ́ pɔ́b ntsyɛ́ wé nɛ́, ntéré, fú ntéré sábáfiʼ kəkwéʼe. Ntéré yéré a ywoʼ yɛ́ ŋkɔŋɔ ŋgəkod Issayɛ náá ndɛ ndɔ̂ nsó nɛ́. Pɔ́b twɔ́ pɔŋ ŋgâ pé ghú ntúbú pɛghaŋantɔ́b ndátsáŋ ŋkʉ́yó ne wɔ́b. 22Ntsʉʼmbé pɛ ghaŋáfaʼ ghú mbáŋa yóʼó, mbé zhʉ́ ŋɔŋ ndátsáŋ pó. Mbód yɔ́b ndzəb, ntsɔ́ pwó pɔŋ pɛ́ pɔ́b kɛ twɔ́ wɔ́b nɛ́ ŋgâ: 23«Psi páŋá ndátsáŋ, njʉ́ ntswěndáb ké ncʉyí mbɛ́ɛ́ fǔŋme, ne pɛ ghaŋápsibɛvǎ yóʼó, ntsʉʼmbé ŋkhoʼyɛ́ psi tsɔ́ʼ nɛ́, psi pé zhʉ́ ŋɔŋ ndzó pó.» 24Ŋkhoʼyɛ́ ntsɛ́ssó pɔŋ pɛ́ pɔ́b kɛ psibɛ Ndámboʼmvé nɛ́ pwɛ pɛ ntsɛ́ssó ghaŋáshʉ́ kɛ zóʼ yéré no ŋkyé pɛghaŋantɔ́b nɛ́, tó yɔ́b váʼ. Pɔ́b psírɛ́ mbəb yɔ́b ne no yɛ́ a kɛ záʼ nɛ́. 25Ntsʉʼmbé cyó ŋɔŋ kʉ́yó ntsɔ́ ne pɔ́b ŋgâ: «Puŋ zhʉ́, pɔŋ pɛ́ puŋ máʼ wɔ́b ndátsáŋ nɛ́, nsé níŋ Ndámboʼmvé fɛ́ ntʉ́ʉ́.» 26Néré ntsɛ́ssó pɔŋ pɛ́ pɔ́b kɛ psibɛ Ndábmboʼmvé nɛ́ pwɛ pɛ ŋgaŋafaʼ ghú ndɔ́ɔ́ pɛghaŋantɔ́b, ŋkʉ́yó ne wɔ́b kii núʼɔ wɔ́b, ŋkyé ŋgâ pɔ́b kɛ tsé mbɔɔ ŋgâ pɔŋ ntswɔ̂ wɔ́b ne ŋgɔʼ kaʼatɛ pɔ́b ke pfó pfo.
27Pɔ́b kʉ́yó ne wɔ́b tíí tsetsɛrɛ ghaŋásábáfiʼ kəkwéʼe. Tɛdshʉ́ kəkwéʼe psirɛ́ wɔ́b ŋgâ: 28«Psi ncʉ́yí nʉ́ʉ́ ne puŋ ŋgâ puŋ ndɛ mbó tsé ndɔ́ɔ́ tíí yekénɛ́ ntʉ́ʉ́ pɔŋ núŋ. Puŋ zhʉ́ nɛ́ njʉ́ pǔŋ zhyɛ́ ntʉ́ʉ́ yéré gbaʼ ŋkɔŋɔ Yerʉ́salɛm náá nɛ́. Puŋ zɔŋɔ ŋgyɛ́ ŋgâ nsə ŋɔŋ wɔŋ ŋkhú tó psi?» 29Ntsʉʼmbé Pětro pwɛ ghaŋántɔ́b pód ŋgâ: «A mbǔ ŋgyɛ̌ne no yɛ́ Mboʼmvé zɔŋɔ nɛ́ ne ŋgyɛ̌ne yɛ́ pumésɔŋ zɔŋɔ nɛ́! 30Yěsô wɛ́ puŋ kɛ ghɛ́ nɔʼɔ wé kpii wé ndúŋú ŋgʉŋʉ nɛ́, Mboʼmvé tɛd piŋi zhyɛ́ a zhʉyɛ́ ne vó. 31A yé wɛ́ Mboʼmvé kuʼu fɛ́ ne pwó yé ye maʼ njʉ́ Fɔŋ mbó mbé Ŋgaŋakpê pɔŋ nɛ́. Kɛ́ʼɛ́ pɔ́ŋ Issayɛ yáá mbəb yé séd ndzɔʼ yɔ́b, Mboʼmvé máʼ vɔ̌no yɔ́b. 32Psi zhʉ́ meno péré. Psi, ghaŋántɔ́b, ŋgɛmbɛ Zhʉye Yáŋme wɛ́ Mboʼmvé fɛ̌ pwó pɔŋ pɛ́ pɔ́b zóʼó ntswee yé nɛ́.»
33Ŋgyé ghaŋásábáfiʼ zúʼú ŋkyé nsó wéré kaʼatɛ, pɔ́b zɔŋɔ ŋgyɛ́ pe nɔ́ʼɔ́ wɔ́b. 34Ntsʉʼmbé, taʼ ŋɔŋ ŋáá ndzɔ́ʼɔ́ pɔ́b. A kɛ pé taʼ ŋɔŋ Farízya wɛ́ tíí kɛ pé Gamalyɛlə mbé taʼ ŋgaŋakeʼekaŋ wɛ́ ŋkɔŋɔ pɔŋ náá kɛ ghúʼɔ́ wé kaʼatɛ nɛ́. A nsó ŋgâ pɔŋ pɛ́ pé kɛ sɔ́bɔ́ wɔ́b nɛ́ náʼá ndzwəʼɛ́ mvé. 35Ŋkhoʼyɛ́ pɔ́b kɛ twɔ́ nɛ́, a nsó ŋgâ: «Pɔŋ Issayɛ, puŋ náʼ ngyaŋa ne no yɛ́ puŋ zɔŋɔ ŋgyɛ́ mbəb pɔŋ pɔ́ŋ nɛ́. 36A ké mbɛ̌ pwɔ̂kpee, cyó ŋɔŋ kɔ́ʼ pé fú wé ne Tədaasə. A ntsɔ́ ŋgâ a kpaʼ ŋɔŋ kaʼatɛ. Néré, ywɔ̌ kpǐ ŋɔŋ yíkwa cʉ́ʼɔ́ ndzəb yé. Tómbəb ye, pe kɛ nɔ́ʼ wé, ŋkɔŋɔ pɔŋ pɛ́ pɔ́b kɛ zɔŋɔ wé náá nɛ́ gbeʼe, kii taʼ ye tsʉ́ʼ. 37Pe ke mbó njʉ́ Yudasə ŋɔŋ Galílya, kɔ́ʼ ŋkhoʼyɛ́ pé kɛ sí pɔŋ nɛ́. A kɛ zhyɛ́ puzááme zɔŋɔ wé. Ŋkɔʼɔtómbəb yé kɛ ke pfó, ŋkɔŋɔ pɔŋ pɛ́ pɔ́b kɛ zɔŋɔ wé náá nɛ́, gbéʼe. 38Mbé kɛ́ʼɛ́, mə ntsɔ́ ne puŋ, kii pǔŋ ndɛ mbǒ gbáá táb pɔŋ pékénɛ́ ŋkʉ́rʉ́, ntsʉʼmbé, puŋ tee wɔ́b pɔ́b ghú! A pɛ́ɛ́ yɛ́ kpaŋató yɔ́b kii faʼ yɔ́b twɔ̌ pwó pumésɔŋ nɛ́, mbǒ a tsɛ́bɛ́ ne ndúŋ yé. 39A pɛ́ɛ́ yɛ́ a twɔ̌ pwó Mboʼmvé nɛ́, mbǒ tɛɛmbɛ puŋ pé zhyɛ́ a tsébé pó. Kii puŋ ndɛ ŋgyɛ́ kɛ́ʼɛ́ tsʉ́ʼ ghaŋámáʼá ntsɔ puŋɛ́ Mboʼmvé!»
Njʉ́ a kɛ nsó néré nɛ́, ghaŋásábáfiʼ kəkwéʼe zóʼ ntswee yé 40Ŋgyɛ́ pɛghaŋantɔ́b kúŋɔ́ ndáb. Pɔ́b zhyɛ́ pe gbíí wɔ́b ne fě, mbó kirɛ́ ne pɔ́b ŋgâ kii pɔ́b ndɛ mbó mwɔ fú tíí Yěsô ŋkʉ́rʉ́, ntéé wɔ́b. 41Ghaŋátɔ́b ŋǎ yóʼó, ne ndzɔʼ yɔ́b yáŋme ŋkyé ŋgâ Mboʼmvé kɛ zhʉ́ wɔ́b pɔ́b kúʼɔ́ ne njʉ̌né ŋgəʼo ne tíí Yěsô. 42Ŋkɔŋɔ zhyémve náá Ndámboʼmvé njʉ́ ndzó pɛ ndáb nɛ́, pɔ́b ke fɛ́ɛ́ ntʉ́ʉ́ mbó ncʉ́rɛ Ŋkəŋ Sʉ́ʼʉ Yěsô Kristo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល