Faʼ Ghaŋántɔ́b 4
4
Pětro pú Zhâŋ síŋ ghaŋásábáfiʼ kəkwéʼe
1Njʉ́ Pětro pú Zhâŋ kɛ tsé ntsɔ́ pwó pɔŋ kɛ́ʼɛ́ nɛ́, pɛ ghaŋáshʉ́ pwɛ ntsɛ́ssó pɔŋ pɛ́ pɔ́b kɛ psíbɛ Ndámboʼmvé nɛ́, pwɛ pɛ Sadúkayə nyí mbɛ́rɛ́ wɔ́b. 2Ŋgyé mɔ́b kɛ pʉ́ʉ́ kaʼatɛ njʉ́ Pětro pú Zhâŋ kɛ fɛ́ ntʉ́ʉ́ pwó pɔŋ, mbó ndɔ́ɔ́ no Yěsô, tɛ́bɛ́ mbziʼe njʉ́ njʉyɛ́ne pɔŋ ne vó ghú nɛ́. 3Pɔ́b zhyɛ́ pé gbáá Pětro pú Zhâŋ máʼá ndátsáŋ. Njʉ́ a kɛ ghɛmbɛ ŋkhoʼ fwɔ̌nab kɛ kuʼu nɛ́, pɔ́b yáʼá ndzó kaʼatɛ mvé kee. 4Ndzɔ́ʼɔ́ pɔŋ pɛ́ pɔ́b kɛ zóʼ nsó Mboʼmvé nɛ́, záá yé tséʼé psyɛ́ndzɔʼ. Ndɔŋ wɔ́b kɛ pé ywɔ̌ káb ŋɔŋ yítaŋ.
5A kɛ syɛ́ mbɛ́ɛ́ keemvé nɛ́ kɔ́ŋ, pɛ ntsɛ́ssó pɛ Yúda, pɛ ghəkód pwɛ ghaŋákeʼekaŋ pɛ́ pɔ́b kɛ pɛ́ Yerʉ́salɛm nɛ́, pɔ́rɔ́ nterɛ́. 6Mbɛ Anə wɛ́ a kɛ pé tɛdshʉ́ kəkwéʼe nɛ́, kɛ ke ghɛmbɛ́ ye yóʼó. Mbɛ Kayifə, mbɛ Zhâŋ, mbɛ Aleʼzandrə pwɛ ŋkɔŋɔ pɔŋ pɛ́ pɔ́b ne ndǎ ndáb pɛ ntsɛ́ssó ghaŋáshʉ́ náá nɛ́. 7Pɔ́b zhyɛ́ pe kʉ́yó ne Pětro pú Zhâŋ síŋ pɔ́b. Pɔ́b zyé mvírine wɔ́b ŋgâ: «Mɔ́ŋ tʉ̌ŋ twɔ́ pɛ́ɛ́ puŋ zhyɛ́ yɔŋ no núŋ? Puŋ yɔ́ɔ́ tíí wɔ̂ faʼa kaʼa núŋ?» 8Néré, Zhʉye Yáŋme yuŋɔ́ Pětro. A ntsɔ́ ne pɔ́b ŋgâ: 9«Ntsɛ́ssó pwɛ ghəkód psi, psi zhyɛ́ taʼ no sʉ́ʼʉ mbəb taʼ ŋkʉ́ŋʉ́. Pé kiʼi tsé ndzíʼɛ ywí ndzebé ŋgâ psi nsó mbziʼe yɛ́ a záʼ ŋkɔ́ŋ ŋɔŋ wɔŋ pɔ́rɔ́ ndzú nɛ́. 10Ŋkɔŋɔ wuŋ náá pwɛ ŋkɔŋɔ pɔ́ŋ Issayɛ náá, puŋ cʉ̌yi nɛ́ ndzé ŋgâ, psi zhyɛ́ yɔŋ no pé ne tíí Yěsô Kristo, ŋɔŋ Nǎzarɛd wɛ́ puŋ kɛ kpii wé ndúŋú ŋgʉŋʉ nɛ́. Mboʼmvé kii njʉyɛ́ wé ne vó. A zhyɛ́ yé ŋɔŋ wɔŋ wɛ́ a tsɛ́ ghaŋ síŋ puŋ nɛ́, tséʼé fwôghɔŋ. 11A yé mbé ŋgɔʼ yɛ́ pǔŋ, ghaŋákúrɔndáb kɛ suʼú fɛ́ ndzəb nɛ́, a tsʉ́ʼ yéré tsʉ́ʼ ŋgɔʼ ntɛ́ɛ́ndáb. 12Tɛɛmbɛ cyó ndzǔne po mbé pɛ́ ywoʼɔ́nduŋ fáá ndaʼ pwó yé pó. Ŋkyé ŋgâ Mboʼmvé kɛ pé fɛ́ cyó tíí tsí pépéé yɛ́ tɛɛmbɛ a fɛ́ ndzǔne pwó ŋumesɔŋ nɛ́ pó.» 13Ghaŋásábáfiʼ kəkwéʼe zé ŋgâ Pětro pú Zhâŋ kɛ pé tséʼé zɛ́no pó. Pɔ́b kɛ ke mbɛ́ yɔ́b pe kɛ́ʼɛ́. Ntsʉʼmbé pɔ́b pó ndzóʼ mbziʼe njʉ́ pɔ́b kɛ pɔ́rɔ́ né ŋkɔ́bɔ́ ndzɔʼ nɛ́, no ntsɛ́ɛ́ wɔ́b. Pɔ́b zé ŋgâ pɔ́b pɛkpee Yěsô. 14Pɔ́b zhʉ́ njʉ́ ŋɔŋ wɛ́ a kɛ fwó nɛ́ kɛ ntsɛ́ pfúŋɔ́ pɔ́b nɛ́, pɔ́b pó mbé tséʼé cyó pod pó.
15Pɔ́b zhyɛ́ ŋgâ pe túbɔ́ wɔ́b ndzó ywoʼɔ́sábafiʼ, pɔ́b tséé fiʼ. 16Pɔ́b kpáŋ tsetsɛrɛ pɔ́b ŋgâ: «Piŋi ŋgyɛ́ɛ́ níŋ ne pɔŋ pe ké nɛ́? A sísíŋ! A zhyɛ́ kpaʼ pɔ́b ŋgyɛ́ no shʉyédme yekénɛ́ piŋi zhʉ́ nɛ́. No ke ndzáʼa tsetsɛrɛ ŋkɔŋɔ mbé Yerʉ́salɛm náá, tɛɛmbɛ piŋi pé sírí pó. 17A zɔŋɔ ŋgâ piŋi ntíí ndii no yekénɛ́ kɛ́ʼɛ́ ŋgâ a ndɛ gbáʼ ywoʼ. Piŋi su təŋé mɔ́b ŋgâ kii pɔ́b ndɛ mbó fú tíí yekénɛ́ síŋ ntsye ŋɔŋ.» 18Pɔ́b zhyɛ́ pé fú wɔ́b, pɔ́b nʉ́ʉ́ ŋgâ kii pɔ́b ndɛ mbó ŋáʼ, kii pó ntʉ́ʉ́ pɔŋ ne tíí Yěsô. 19Ntsʉʼmbé Pětro pú Zhâŋ pɔ́rɔ́ ne pɔ́b ŋgâ: «A kɔ́ mbé ŋgerɛ́ŋged síŋ Mboʼmvé? Ndzóʼne ntswee wuŋ kii ndzóʼne Mboʼmvé? A pɛ́ɛ́ ne puŋ nɛ́ ŋkhoʼyɔŋ ne mbǒdne! 20Ŋgɛ́ ŋkhú ne psi, tɛɛmbɛ psi pé tee kii nsó no yɛ́ psi zhʉ́ mbó ndzóʼ nɛ́ pó.» 21Njʉ́ pɔ́b kɛ zhʉ́ yɔ́b yɛ́ pɔ́b ndáá ndúŋú fúŋɔ́ wɔ́b nɛ́ pó, pɔ́b ké mbó su təŋé mɔ́b ŋkʉ́rʉ́, ntéé wɔ́b, pɔ́b ghú. Pɔ́b kɛ tee wɔ́b néré ŋkyě pɔŋ. Ŋkyé ŋgâ ŋkɔŋɔ pɔŋ náá kɛ fɛ́ ŋgúʼune pwó Mboʼmvé nné no yɛ́ a kɛ záʼ nɛ́. 22Ŋɔŋ wɛ́ yéré shʉrɛ́no kɛ záʼá mbəb ye nɛ́, kɛ tséʼé ŋgǒʼmvé ghúbmekwa ndzáʼ.
Ŋkɔŋɔ pǔkristo náá téré, tsɛ́ʼɛ́ Mboʼmvé
23Njʉ́ pe kɛ ke ntéé Pětro pú Zhâŋ nɛ́, pɔ́b ghú mbɛ́d pɛkpee pɔ́b. Ntsó ŋkɔŋɔ meno pɛ́ pɛ ntsɛ́ssó ghaŋáshʉ́ pwɛ pɛ ghəkód kɛ tsɔ́ ne pɔ́b nɛ́. 24Ŋkhoʼyɛ́ pɔ́b kɛ zóʼ nɛ́, pɔ́b kaa náá ntséʼé taʼ ntswee, nsó ŋgâ: «Mboʼmvé, wo wɛ́ wo nʉʉ ŋɔŋ pé tsɔ́ʼɔ nɛ́ pó, a teŋé wo nteŋé pépéé, nteŋé tsetsáʼ, nteŋé lepaanse pwɛ ŋkɔŋɔ mɔ́b pɛ́ a ndzó náá nɛ́. 25Wo wɛ́ wo kɛ yɔ̌ Zhʉye Yáŋme níŋí nsó núŋ ntswee tɛd tɛd ywí fɔŋ Ndavíd, ŋgaŋafaʼ wo nɛ́. Nsó wéré kɛ pɛ́ɛ́ ŋgâ:
A zhyɛ́ kɔ́ ndzɔʼ mvémvé fǐ káʼa? A zhyɛ́ kɔ́ pɔŋ níŋɛ tó yɔ́b, ne tsuŋúne no ndzəndzoʼ káʼa?
26Péfɔŋ ndúŋú tsetsáʼ kǎ ŋgaŋ fɛ́ zú,
Pɛ ntsɛ́ssó térɛ́ ŋkhú taʼ yé
Kɛ́ʼɛ́ ne mǎʼne Ntsɛɛpɔŋ pú Kristo wɛ́ a tsɔ́ʼ nɛ́, ne ntsɔ.
27Ɔ́ŋɔ́, pɔ́b téré sísíŋ ndzó mbɛ́lʉ́ŋ yɔŋ. Erodə pú Pɔŋtyo Piláto, pwɛ mvémvé né pɔ́ŋ Issayɛ, ŋǎ syé máʼá Yěsô, ŋgaŋafaʼ wo wé yáŋme wɛ́ wo kɛ nuʼ nɛ́. 28Pɔ́b zhyɛ́ ŋkɔŋɔ meno pɛ́ wo kɛ tíí náá ne tʉ̌ŋ mo pwɛ ŋkʉyěne mo, féré zhyémve nɛ́. 29Ŋgɛmbɛ ne ŋkhoʼyɔŋ kaʼa kɛ Ntsɛɛpɔŋ, zóʼ nsó wɛ́ pɔ́b tsɔ́ mǐ ywí núŋ, psi, ŋgaŋafaʼ po nɛ́. Fɛ́ tʉ̌ŋ nɛ́ ne psi, psi cʉrí nsó wo núŋ, ne kɔbɔ́ndzɔʼ. 30Sǐ pwó wo, ntúbú tʉ̌ŋ mo, a zhyɛ́ ghaŋághɔŋ fwó, a zhyɛ́ pɛ kiŋi pwɛ meno shʉyédme, ne tíí Yěsô, ŋgaŋafaʼ wo wé yáŋme.» 31Ŋkhoʼyɛ́ pɔ́b kɛ mee ntsɛ́ʼɛ́ Mboʼmvé kɛ́ʼɛ́ nɛ́, ywoʼ yɛ́ pɔ́b kɛ téré nɛ́ vôd. Zhʉye Yáŋme ŋkúŋɔ mbəb ŋkɔŋɔ wɔ́b náá, pɔ́b tsʉʼ ŋkhoʼyɔŋ cʉ́rɛ nsó Mboʼmvé ne kɔbɔ́ndzɔʼ.
Mbziʼe njʉ́ sɔ́ ghaŋá psyɛ́ndzɔʼ kɛ ghɔ́bɔ mɔ́b tsetsɛrɛ pɔ́b nɛ́
32Néré, ŋkɔŋɔ pɔŋ pɛ́ pɔ́b kɛ psyɛ́ Mboʼmvé náá nɛ́, ké ntsɛ́ʼɛ́ taʼ ndzɔʼ ne taʼ kpaŋató. Cyó ŋɔŋ pó mbé tsé ndiŋɛ́ ywɔ̌ yé njʉ́ kpaʼ yé nɛ́ pó. Ntsʉʼmbé pɔ́b kɛ káá mwɔ̌ pɔ́b káá fɛ́ ywoʼɔmɔ́ʼɔ́. 33Tʉ̌ŋ kəkwéʼe kɛ tsyaŋa meno pɛ́ ghaŋántɔ́b kɛ tsɔ, kpê ntáŋ núŋ ŋgâ Ntsɛɛpɔŋ Yěsô zhʉyɛ́ ne vó nɛ́. Mboʼmvé pó fɛ́ foʼndzəndzoʼ zááme pwó ŋkɔŋɔ wɔ́b náá. 34Mbɛ wɔ̂ tsetsɛrɛ pɔ́b ke tsɛ́ʼɛ́ we Mɔ́ŋ yɔ́b yɛ́ a kuʼɔ pwó yé nɛ́. Ŋkyé ŋgâ pɔŋ pɛ́ pɔ́b kɛ tséʼé tsetsáʼ kii ŋgâ pɛ ndáb nɛ́, kɛ fí, ŋkʉ́yó ne mbób 35núŋɔ́ síŋ ghaŋántɔ́b Yěsô. Pɔ́b ghɔbɔ fɛ́ ye ŋɔŋ njʉ́ ye ntsɛ́ɛ́ no kɛ pé nɛ́.
36A kɛ ghɛmbɛ néré, taʼ ŋɔŋ pɛ́ yóʼó ntséʼé taʼ faʼ. Tíí ye pe Yesə́b. Pɛ ghaŋántɔ́b kɛ tswə̌ tíí yé ŋgâ Baanabasə, ŋkee ntsi Baanabasə yéré pɛ́ɛ́ ŋgâ ŋgaŋatsúbɔ ndzɔʼ. A kɛ pé taʼ Levitə, ŋɔŋ ŋgɔŋ Shiiprə. 37A fí faʼ yé, ŋkʉ́yó ne mbób núŋɔ́ síŋ ghaŋántɔ́b Yěsô.
ទើបបានជ្រើសរើសហើយ៖
Faʼ Ghaŋántɔ́b 4: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Faʼ Ghaŋántɔ́b 4
4
Pětro pú Zhâŋ síŋ ghaŋásábáfiʼ kəkwéʼe
1Njʉ́ Pětro pú Zhâŋ kɛ tsé ntsɔ́ pwó pɔŋ kɛ́ʼɛ́ nɛ́, pɛ ghaŋáshʉ́ pwɛ ntsɛ́ssó pɔŋ pɛ́ pɔ́b kɛ psíbɛ Ndámboʼmvé nɛ́, pwɛ pɛ Sadúkayə nyí mbɛ́rɛ́ wɔ́b. 2Ŋgyé mɔ́b kɛ pʉ́ʉ́ kaʼatɛ njʉ́ Pětro pú Zhâŋ kɛ fɛ́ ntʉ́ʉ́ pwó pɔŋ, mbó ndɔ́ɔ́ no Yěsô, tɛ́bɛ́ mbziʼe njʉ́ njʉyɛ́ne pɔŋ ne vó ghú nɛ́. 3Pɔ́b zhyɛ́ pé gbáá Pětro pú Zhâŋ máʼá ndátsáŋ. Njʉ́ a kɛ ghɛmbɛ ŋkhoʼ fwɔ̌nab kɛ kuʼu nɛ́, pɔ́b yáʼá ndzó kaʼatɛ mvé kee. 4Ndzɔ́ʼɔ́ pɔŋ pɛ́ pɔ́b kɛ zóʼ nsó Mboʼmvé nɛ́, záá yé tséʼé psyɛ́ndzɔʼ. Ndɔŋ wɔ́b kɛ pé ywɔ̌ káb ŋɔŋ yítaŋ.
5A kɛ syɛ́ mbɛ́ɛ́ keemvé nɛ́ kɔ́ŋ, pɛ ntsɛ́ssó pɛ Yúda, pɛ ghəkód pwɛ ghaŋákeʼekaŋ pɛ́ pɔ́b kɛ pɛ́ Yerʉ́salɛm nɛ́, pɔ́rɔ́ nterɛ́. 6Mbɛ Anə wɛ́ a kɛ pé tɛdshʉ́ kəkwéʼe nɛ́, kɛ ke ghɛmbɛ́ ye yóʼó. Mbɛ Kayifə, mbɛ Zhâŋ, mbɛ Aleʼzandrə pwɛ ŋkɔŋɔ pɔŋ pɛ́ pɔ́b ne ndǎ ndáb pɛ ntsɛ́ssó ghaŋáshʉ́ náá nɛ́. 7Pɔ́b zhyɛ́ pe kʉ́yó ne Pětro pú Zhâŋ síŋ pɔ́b. Pɔ́b zyé mvírine wɔ́b ŋgâ: «Mɔ́ŋ tʉ̌ŋ twɔ́ pɛ́ɛ́ puŋ zhyɛ́ yɔŋ no núŋ? Puŋ yɔ́ɔ́ tíí wɔ̂ faʼa kaʼa núŋ?» 8Néré, Zhʉye Yáŋme yuŋɔ́ Pětro. A ntsɔ́ ne pɔ́b ŋgâ: 9«Ntsɛ́ssó pwɛ ghəkód psi, psi zhyɛ́ taʼ no sʉ́ʼʉ mbəb taʼ ŋkʉ́ŋʉ́. Pé kiʼi tsé ndzíʼɛ ywí ndzebé ŋgâ psi nsó mbziʼe yɛ́ a záʼ ŋkɔ́ŋ ŋɔŋ wɔŋ pɔ́rɔ́ ndzú nɛ́. 10Ŋkɔŋɔ wuŋ náá pwɛ ŋkɔŋɔ pɔ́ŋ Issayɛ náá, puŋ cʉ̌yi nɛ́ ndzé ŋgâ, psi zhyɛ́ yɔŋ no pé ne tíí Yěsô Kristo, ŋɔŋ Nǎzarɛd wɛ́ puŋ kɛ kpii wé ndúŋú ŋgʉŋʉ nɛ́. Mboʼmvé kii njʉyɛ́ wé ne vó. A zhyɛ́ yé ŋɔŋ wɔŋ wɛ́ a tsɛ́ ghaŋ síŋ puŋ nɛ́, tséʼé fwôghɔŋ. 11A yé mbé ŋgɔʼ yɛ́ pǔŋ, ghaŋákúrɔndáb kɛ suʼú fɛ́ ndzəb nɛ́, a tsʉ́ʼ yéré tsʉ́ʼ ŋgɔʼ ntɛ́ɛ́ndáb. 12Tɛɛmbɛ cyó ndzǔne po mbé pɛ́ ywoʼɔ́nduŋ fáá ndaʼ pwó yé pó. Ŋkyé ŋgâ Mboʼmvé kɛ pé fɛ́ cyó tíí tsí pépéé yɛ́ tɛɛmbɛ a fɛ́ ndzǔne pwó ŋumesɔŋ nɛ́ pó.» 13Ghaŋásábáfiʼ kəkwéʼe zé ŋgâ Pětro pú Zhâŋ kɛ pé tséʼé zɛ́no pó. Pɔ́b kɛ ke mbɛ́ yɔ́b pe kɛ́ʼɛ́. Ntsʉʼmbé pɔ́b pó ndzóʼ mbziʼe njʉ́ pɔ́b kɛ pɔ́rɔ́ né ŋkɔ́bɔ́ ndzɔʼ nɛ́, no ntsɛ́ɛ́ wɔ́b. Pɔ́b zé ŋgâ pɔ́b pɛkpee Yěsô. 14Pɔ́b zhʉ́ njʉ́ ŋɔŋ wɛ́ a kɛ fwó nɛ́ kɛ ntsɛ́ pfúŋɔ́ pɔ́b nɛ́, pɔ́b pó mbé tséʼé cyó pod pó.
15Pɔ́b zhyɛ́ ŋgâ pe túbɔ́ wɔ́b ndzó ywoʼɔ́sábafiʼ, pɔ́b tséé fiʼ. 16Pɔ́b kpáŋ tsetsɛrɛ pɔ́b ŋgâ: «Piŋi ŋgyɛ́ɛ́ níŋ ne pɔŋ pe ké nɛ́? A sísíŋ! A zhyɛ́ kpaʼ pɔ́b ŋgyɛ́ no shʉyédme yekénɛ́ piŋi zhʉ́ nɛ́. No ke ndzáʼa tsetsɛrɛ ŋkɔŋɔ mbé Yerʉ́salɛm náá, tɛɛmbɛ piŋi pé sírí pó. 17A zɔŋɔ ŋgâ piŋi ntíí ndii no yekénɛ́ kɛ́ʼɛ́ ŋgâ a ndɛ gbáʼ ywoʼ. Piŋi su təŋé mɔ́b ŋgâ kii pɔ́b ndɛ mbó fú tíí yekénɛ́ síŋ ntsye ŋɔŋ.» 18Pɔ́b zhyɛ́ pé fú wɔ́b, pɔ́b nʉ́ʉ́ ŋgâ kii pɔ́b ndɛ mbó ŋáʼ, kii pó ntʉ́ʉ́ pɔŋ ne tíí Yěsô. 19Ntsʉʼmbé Pětro pú Zhâŋ pɔ́rɔ́ ne pɔ́b ŋgâ: «A kɔ́ mbé ŋgerɛ́ŋged síŋ Mboʼmvé? Ndzóʼne ntswee wuŋ kii ndzóʼne Mboʼmvé? A pɛ́ɛ́ ne puŋ nɛ́ ŋkhoʼyɔŋ ne mbǒdne! 20Ŋgɛ́ ŋkhú ne psi, tɛɛmbɛ psi pé tee kii nsó no yɛ́ psi zhʉ́ mbó ndzóʼ nɛ́ pó.» 21Njʉ́ pɔ́b kɛ zhʉ́ yɔ́b yɛ́ pɔ́b ndáá ndúŋú fúŋɔ́ wɔ́b nɛ́ pó, pɔ́b ké mbó su təŋé mɔ́b ŋkʉ́rʉ́, ntéé wɔ́b, pɔ́b ghú. Pɔ́b kɛ tee wɔ́b néré ŋkyě pɔŋ. Ŋkyé ŋgâ ŋkɔŋɔ pɔŋ náá kɛ fɛ́ ŋgúʼune pwó Mboʼmvé nné no yɛ́ a kɛ záʼ nɛ́. 22Ŋɔŋ wɛ́ yéré shʉrɛ́no kɛ záʼá mbəb ye nɛ́, kɛ tséʼé ŋgǒʼmvé ghúbmekwa ndzáʼ.
Ŋkɔŋɔ pǔkristo náá téré, tsɛ́ʼɛ́ Mboʼmvé
23Njʉ́ pe kɛ ke ntéé Pětro pú Zhâŋ nɛ́, pɔ́b ghú mbɛ́d pɛkpee pɔ́b. Ntsó ŋkɔŋɔ meno pɛ́ pɛ ntsɛ́ssó ghaŋáshʉ́ pwɛ pɛ ghəkód kɛ tsɔ́ ne pɔ́b nɛ́. 24Ŋkhoʼyɛ́ pɔ́b kɛ zóʼ nɛ́, pɔ́b kaa náá ntséʼé taʼ ntswee, nsó ŋgâ: «Mboʼmvé, wo wɛ́ wo nʉʉ ŋɔŋ pé tsɔ́ʼɔ nɛ́ pó, a teŋé wo nteŋé pépéé, nteŋé tsetsáʼ, nteŋé lepaanse pwɛ ŋkɔŋɔ mɔ́b pɛ́ a ndzó náá nɛ́. 25Wo wɛ́ wo kɛ yɔ̌ Zhʉye Yáŋme níŋí nsó núŋ ntswee tɛd tɛd ywí fɔŋ Ndavíd, ŋgaŋafaʼ wo nɛ́. Nsó wéré kɛ pɛ́ɛ́ ŋgâ:
A zhyɛ́ kɔ́ ndzɔʼ mvémvé fǐ káʼa? A zhyɛ́ kɔ́ pɔŋ níŋɛ tó yɔ́b, ne tsuŋúne no ndzəndzoʼ káʼa?
26Péfɔŋ ndúŋú tsetsáʼ kǎ ŋgaŋ fɛ́ zú,
Pɛ ntsɛ́ssó térɛ́ ŋkhú taʼ yé
Kɛ́ʼɛ́ ne mǎʼne Ntsɛɛpɔŋ pú Kristo wɛ́ a tsɔ́ʼ nɛ́, ne ntsɔ.
27Ɔ́ŋɔ́, pɔ́b téré sísíŋ ndzó mbɛ́lʉ́ŋ yɔŋ. Erodə pú Pɔŋtyo Piláto, pwɛ mvémvé né pɔ́ŋ Issayɛ, ŋǎ syé máʼá Yěsô, ŋgaŋafaʼ wo wé yáŋme wɛ́ wo kɛ nuʼ nɛ́. 28Pɔ́b zhyɛ́ ŋkɔŋɔ meno pɛ́ wo kɛ tíí náá ne tʉ̌ŋ mo pwɛ ŋkʉyěne mo, féré zhyémve nɛ́. 29Ŋgɛmbɛ ne ŋkhoʼyɔŋ kaʼa kɛ Ntsɛɛpɔŋ, zóʼ nsó wɛ́ pɔ́b tsɔ́ mǐ ywí núŋ, psi, ŋgaŋafaʼ po nɛ́. Fɛ́ tʉ̌ŋ nɛ́ ne psi, psi cʉrí nsó wo núŋ, ne kɔbɔ́ndzɔʼ. 30Sǐ pwó wo, ntúbú tʉ̌ŋ mo, a zhyɛ́ ghaŋághɔŋ fwó, a zhyɛ́ pɛ kiŋi pwɛ meno shʉyédme, ne tíí Yěsô, ŋgaŋafaʼ wo wé yáŋme.» 31Ŋkhoʼyɛ́ pɔ́b kɛ mee ntsɛ́ʼɛ́ Mboʼmvé kɛ́ʼɛ́ nɛ́, ywoʼ yɛ́ pɔ́b kɛ téré nɛ́ vôd. Zhʉye Yáŋme ŋkúŋɔ mbəb ŋkɔŋɔ wɔ́b náá, pɔ́b tsʉʼ ŋkhoʼyɔŋ cʉ́rɛ nsó Mboʼmvé ne kɔbɔ́ndzɔʼ.
Mbziʼe njʉ́ sɔ́ ghaŋá psyɛ́ndzɔʼ kɛ ghɔ́bɔ mɔ́b tsetsɛrɛ pɔ́b nɛ́
32Néré, ŋkɔŋɔ pɔŋ pɛ́ pɔ́b kɛ psyɛ́ Mboʼmvé náá nɛ́, ké ntsɛ́ʼɛ́ taʼ ndzɔʼ ne taʼ kpaŋató. Cyó ŋɔŋ pó mbé tsé ndiŋɛ́ ywɔ̌ yé njʉ́ kpaʼ yé nɛ́ pó. Ntsʉʼmbé pɔ́b kɛ káá mwɔ̌ pɔ́b káá fɛ́ ywoʼɔmɔ́ʼɔ́. 33Tʉ̌ŋ kəkwéʼe kɛ tsyaŋa meno pɛ́ ghaŋántɔ́b kɛ tsɔ, kpê ntáŋ núŋ ŋgâ Ntsɛɛpɔŋ Yěsô zhʉyɛ́ ne vó nɛ́. Mboʼmvé pó fɛ́ foʼndzəndzoʼ zááme pwó ŋkɔŋɔ wɔ́b náá. 34Mbɛ wɔ̂ tsetsɛrɛ pɔ́b ke tsɛ́ʼɛ́ we Mɔ́ŋ yɔ́b yɛ́ a kuʼɔ pwó yé nɛ́. Ŋkyé ŋgâ pɔŋ pɛ́ pɔ́b kɛ tséʼé tsetsáʼ kii ŋgâ pɛ ndáb nɛ́, kɛ fí, ŋkʉ́yó ne mbób 35núŋɔ́ síŋ ghaŋántɔ́b Yěsô. Pɔ́b ghɔbɔ fɛ́ ye ŋɔŋ njʉ́ ye ntsɛ́ɛ́ no kɛ pé nɛ́.
36A kɛ ghɛmbɛ néré, taʼ ŋɔŋ pɛ́ yóʼó ntséʼé taʼ faʼ. Tíí ye pe Yesə́b. Pɛ ghaŋántɔ́b kɛ tswə̌ tíí yé ŋgâ Baanabasə, ŋkee ntsi Baanabasə yéré pɛ́ɛ́ ŋgâ ŋgaŋatsúbɔ ndzɔʼ. A kɛ pé taʼ Levitə, ŋɔŋ ŋgɔŋ Shiiprə. 37A fí faʼ yé, ŋkʉ́yó ne mbób núŋɔ́ síŋ ghaŋántɔ́b Yěsô.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល