Faʼ Ghaŋántɔ́b 15
15
Fiʼ yɛ́ no mbzírine pɔŋ kɛ máʼa Aŋtyoshə
1Pecyó pɔŋ twɔ́ Zhʉdé ŋkʉ́yó Aŋtyoshə, ne fɛ́ne ntʉ́ʉ́ pwó pǔkristo. Pɔ́b kɛ ntsɔ́ ne pɔ́b ŋgâ: «A pɛ́ɛ́ yɛ́ pe psírɛ wúŋ njʉ́ kaŋ Mǔsê tsɔ́ nɛ́ pó, mbǒ puŋ náʼá ntséʼé ndzǔne pó.» 2Néré, taʼ fiʼ vô, tʉ̌ŋɔntswee gháʼmbwo tsetsɛrɛ pɔ́b pwɛ Pɔ́lə ne Baanabasə. Pé nsó ŋgâ Pɔ́lə, Baanabasə pwɛ pecyó pɔŋ ŋkɔ́ʼɔ́ Yerʉ́salɛm, njʉ́ ghaŋántɔ́b Yěsô pwɛ pɛ ghəkód ne no yéré. 3Ndáméted yɛ́ a kɛ pɛ́ Aŋtyoshə, kɛ tsúŋú mɔ́b pɛ́ a kɛ zɔŋɔ nɛ́, ne nsěnyi wéré. Pɔ́b záʼ ne Fenisya pú Samari, ntébɛ́ pwó pǔkristo pɛ́ pɔ́b kɛ pɛ yóʼó nɛ́, mbziʼe njʉ́ pɔŋ pɛ́ pɔ́b pɛ Yúda nɛ́ pó, kɛ séd ndzɔʼ yɔ́b mbzyɛ́ Mboʼmvé nɛ́. No yéré fɛ́ ndebéne zááme pwó ŋkɔŋɔ pǔkristo náá.
4Ŋkhoʼyɛ́ pɔ́b kɛ páŋá Yerʉ́salɛm nɛ́, pǔkristo, ghaŋántɔ́b Yěsô pwɛ ghəkód ghəyɛ́ wɔ́b. Pɔ́b sə́ŋɛ́ wɔ́b ne ŋkɔŋɔ meno pɛ́ Mboʼmvé kɛ záʼá mbəb pɔ́b, ŋgyɛ́ náá nɛ́.
Mbziʼe njʉ́ pé kɛ tséé no mbzírine pɔŋ Yerʉ́salɛm nɛ́
5Pecyó pǔkristo pɛ́ pɔ́b kɛ twɔ́ ndzɔ́ʼɔ́ pɛ Farízya nɛ́, ŋǎ ntsó ŋgâ, a zɔŋɔ ŋgâ pé psíri pǔkristo pɛ́ pɔ́b pɛ Yúda nɛ́ pó. Pɔb kɛ kémbó ntsó ŋkʉ́rʉ́ ŋgâ, pe tsɔ́ ne pɔ́b, pɔ́b nyi ndúŋú kaŋ Mǔsê. 6Kɛ́ʼɛ́ ghaŋántɔ́b Yěsô pwɛ ghəkód téré ne kpǎŋne tó ne no yéré.
7Njʉ́ fiʼ kɛ ké tʉ̂ŋɔ tʉ̌ŋɔ nɛ́, Pětro yɔ́ɔ́ nsó, nsó ŋgâ: «Pɔ́ŋmɛ́ páá, puŋ zé! A kɛ pɛ́ɛ́ ywoʼ puŋ ne sɔ́ zhyémve, Mboʼmvé zhyɛ́ ŋgâ pɔŋ pɔ́ŋ pɛ́ pɔ́b pɛ́ Yúda nɛ́ po, zóʼ Ŋkəŋ Sʉ́ʼʉ ntswee mo, ke ntsʉ́ʼɔ́ yɔ́b ghaŋá psyɛ́ndzɔʼ. 8Mboʼmvé, yé wɛ́ a zɛ́ mkpěntɔ́ ŋɔŋ nɛ́, kpéé ntáŋ yɔ́b, ŋkhoʼyɛ́ a kɛ fɛ́ Zhʉye Yáŋme mbəb pɔ́b njʉ́ a kɛ ke fɛ́ ne piŋi nɛ́. 9Mboʼmvé yáá ne psyɛ́ndzɔʼ yɔ́b sǒ ndzɔʼ yɔ́b, kii tɔʼɔ́ cyó ŋɔŋ tsetsɛrɛ piŋɛ pɔ́b. 10Ndzyěne néré, a zhyɛ́ kɔ́ puŋ yɔ́bɔ́ Mboʼmvé, ntíí peʼ tó pǔkristo pɔŋɔ? Peʼ yɛ́, tɛd tɛd piŋi kii tómbəb yiŋi kɛ pe kúʼɔ́ ne ŋkyɛ́ne nɛ́ pó! 11Ŋkʉ́rʉ́, piŋi zé, a zhyɛ́ foʼndzəndzoʼ yɛ́ Ntsɛɛpɔŋ Yěsô tséʼé nɛ́, piŋi tséʼé ndzǔne, ntsʉ́ŋntsʉ́ŋ njʉ́ pɔ́b nɛ́!»
12Ŋkɔŋɔ pɔŋ pɛ́ pɔ́b kɛ pɛ́ yóʼó náá nɛ́, zhirí. Néré, pé yaa ndúŋú, ndzóʼ Baanabasə pú Pɔ́lə nsó ŋkɔŋɔ pɛ kiŋi pwɛ pɛ shʉrɛ́meno pɛ́ Mboʼmvé kɛ záʼá mbəb pɔ́b, ŋgyɛ́ mbəb pɔŋ pɛ́ pɔb pɛ Yúda nɛ́ po náá.
13Ŋkhoʼyɛ́ pɔ́b kɛ mê nɛ́, Zhakə yɔ́ɔ́ yé nsó, nsó ŋgâ: «Puŋ zóʼ ya, kɛ pɔ́ŋmɛ́ páá. 14Simeyɔŋ ŋǎ ne fûne tó yiŋi mbziʼe njʉ́, féré ne ndzyě, Mboʼmvé kɛ yuwɛ́ ntsɔ́ʼ pɔŋ ndzɔ́ʼɔ́ pɔŋ pɛ́, pɔ́b pɛ Yúda nɛ́ pó, kɛ́ʼɛ́ ŋgâ pɔ́b tsʉ́ʼ pupé. 15Yéré no tsyɛ́ nɛ́ ne nsó wɛ́ pɛ ghaŋátsɔ́kpaŋató Mboʼmvé kɛ ŋweʼe nɛ́. Nsó wéré pɛ́ɛ́ ŋgâ:
16“Ndzáʼnéré, mo, Ntsɛɛpɔŋ, mə náʼá ŋkʉ́yó mbó ŋkwórɔ́ ntab Ndavíd yɛ́ a kɛ kubi nɛ́.
Kiŋi yɛ́ a tsʉ́ʼ nɛ́, mə náʼá ŋkwórɔ́, mbó náʼá mbúʼɔ́ ntíí nsó.
17Yânéré, pfuʼɔ pɔŋ táʼ ya, mo, Ntsɛɛpɔŋ,
Pwɛ ŋkɔŋɔ mvémvé pɛ́ pé yɔ́ɔ́ tíí Ntsɛɛpɔŋ fú wɔ́b núŋ nɛ́.
Yɔ̂ŋ no yɛ́ Ntsɛɛpɔŋ nsó nɛ́,
A zhíyɛ́ no yɛ́ nɛ́ a kɛ kaʼ nɛ́ kɛ́ʼɛ́
18Pé pó ndzé féré zhyémve nɛ́.”
19A ne máá njʉ́, a yáŋ ŋgâ pe pfíí pɛ kéʼe ndúŋú pecyó síŋ pɔŋ pɛ́ pɔ́b pɛ Yúda nɛ́ pó. Pɔ́b pɛ́ pɔb séd ndzɔʼ yɔ́b mbzyɛ́ Mboʼmvé nɛ́. 20Piŋi ŋweʼɛ ne pɔ́b pé ndaʼ ŋgâ pɔ́b zhyaŋa siŋɛ́ mbəb yɛ́ pɛ záʼá fɛ́ nɛ́, ŋgyáŋá menoghóʼotó, ŋgyáŋá ndzab yɛ́ pé fúb fúb nɛ́, pwɛ yɛ́ nsə kɛ cʉyǐ mbəb yé nɛ́. 21Ŋkyé ŋgâ féré mɛ́ ŋgǒʼ, pɛ ghaŋáfɛ́ nsó Mboʼmvé ndzó pɛ mbɛ́lʉ́ŋ zéʼé pɔŋ ne kaŋ Mǔsê. Ŋgâ pe fú ŋkɔŋɔ pɛ zhyéze náá ndzó pɛ ndántéré pɛ Yúda!»
No yɛ́ pé kɛ tíí mbó ŋweʼe twɔ́ ndzó pɛ ndáméted nɛ́
22Ghaŋántɔ́b pwɛ ghəkód, pwɛ ŋkɔŋɔ pǔkristo náá tséʼé taʼ ntswee ŋgâ, pɔ́b ntsɔ́ʼɔ́ pɔŋ tsetsɛrɛ pɔ́b, ntwɔ́ wɔ́b Antyoshə pwɛ Pɔ́lə ne Baanabasə. Pɔ́b kɛ tsɔʼ pɔŋ pɛ́ pǔkristo kɛ ghúʼɔ wɔ́b nɛ́. A kɛ pé Zhʉ́da wɛ́ pé kɛ fú ne Baasabasə nɛ́, pú Silasə. 23Pɔ́b fɛ́ ŋweʼe yéré ne pɔ́b. A kɛ pɛ́ ndzóó ŋgâ: «Psi, ghaŋántɔ́b Yěsô, ghəkód pwɛ pǔkristo, psi tsɛ́ʼɛ́ wúŋ. Puŋ, pɔ́ŋmɛ́ pɛ́ pǔŋ pɛ Yúda nɛ́ pó. Puŋ pɛ pǔŋ tsó ndzó mbɛ́lʉ́ŋ Antyoshə, mbɛ́ ndzó pɛ́rɛ́ ŋgɔŋ Sirya mbɛ́ ndzó pɛ́rɛ́ ŋgɔŋ Silisya nɛ́. 24Psi kɛ zóʼ ŋgâ pecyó pɔŋ ndzɔ́ʼɔ́ psi kɛ kʉ́yó mváʼá wúŋ mbó séd kpaŋató yúŋ ne nsó wɔ́b. A kɛ pé twɔ́ ŋɔŋ ntwɔ́ wɔ́b pó. 25Psi kaa nɛ́ náá ntséʼé taʼ ntswee, ntsɔ́ʼ ntsɔ́tó psi ne ntwɔ̂ne wɔ́b ne puŋ pwɛ Baanabasə pú Pɔ́lə, pɔ́ŋmɛ́ psi pe tʉŋɔndɔŋ, 26pɔ́b pɛ́ pɔ́b fɛ́ tsómvé yɔ́b ne tíí Ntsɛɛpɔŋ Yěsô Kristo wíŋi nɛ́. 27Psi kiʼi ntwɔ́ Zhʉ́da pú Silasə nɛ́ pfúŋɔ́ puŋ ŋgâ pɔ́b nsó yɔ́b yɛ́ a ndzó ŋweʼe yɔ̂ŋ nɛ́, ne ntswee wɔ́b ne puŋ. 28Psyɛ́ Zhʉye Yáŋme tséʼé taʼ ntswee ŋgâ psi ntíí cyó peʼ tó puŋ fáá yɔ̂ŋ yɛ́ tɛɛmbɛ pe pé suʼú nɛ́ pó. 29Puŋ nzǐ ndzab yɛ́ pɛ kiizɛ́mboʼmvé shʉ́ Mboʼmvé wɔ́b núŋ nɛ́, ndzǐ nsə mwɔ̂paʼ pɛ pé fúbɔ́ wɔ́b fúb nɛ́, pwɛ menoghóʼotó. A pɛ́ɛ́ yɛ́ puŋ ywóʼ ŋkɔŋɔ meno péré náá kpaʼ sʉ́ʼʉ nɛ́, mbǒ puŋ zhyɛ́ a pú. Puŋ yáŋmvé!»
30Ŋkhoʼyɛ́ pe kɛ yiʼɛ́ wɔ́b nɛ́, pɔ́b ŋáá nɛ́, mviŋɛ́ Antyoshə, ntéré pǔkristo yóʼó, nsó yɔ́b yɛ́ a ndzó ŋweʼe nɛ́ ne pɔ́b. 31Ŋkhoʼyɛ́ pe kɛ fú ŋweʼe yéré nɛ́, ŋkɔŋɔ wɔ́b náá yébé ŋkyé nsó wɛ́ a kɛ twɔ́ ndzóó níŋí ndzɔʼ yɔ́b nɛ́. 32Ŋgɛ́ ŋkhú ne Zhʉ́da pú Silasə, njʉ́ pɔ́b kɛ ke mbɛ́ yɔ́b ghaŋátsɔ́kpaŋató Mboʼmvé nɛ́, pɔ́b nsó meno zááme ne pɔ́b ne shʉyǐne ndzɔʼ yɔb mbó ntuʼɔ́ wɔ́b. 33Pɔ́b pó tsó yóʼó ne pɔ́ŋ zhyémve, pǔkristo yiʼɛ́ wɔ́b, nsó ŋgâ: «Mbúru tíŋá wúŋ, puŋ ghú mbɛ́rɛ́ pɔŋ pɛ́ pɔ́b twɔ́ wúŋ nɛ́.» [ 34Ntsʉʼmbé Silasə sɛ́ɛ́ ŋgâ a tsʉ́ʼɔ yé yóʼó.] 35Ŋgɛ́ ŋkhu ne Pɔ́lə pú Baanabasə, pɔ́b cʉ́ʼɔ́ yɔ́b Antyoshə pwɛ pecyó pɔŋ, ntsé fɛ́ ntʉ́ʉ́ mbó ncʉ́rɛ Ŋkəŋ Sʉ́ʼʉ Ntsɛɛpɔŋ.
Pɔ́lə pú Silasə pó ghú ne faʼ
36Njʉ́ pɔ́ŋ zhyémve kɛ záʼ nɛ́, Pɔ́lə tsɔ́ pwó Baanabasə ŋgâ: «Paʼa pód ndzəb ŋgáŋá pǔkristo ndzó pɛ mbɛ́lʉ́ŋ pɛ́ paʼa kɛ záʼ ncʉ́ri Nsó Ntsɛɛpɔŋ ndzóó nɛ́, mbó njʉ́ njʉ́ pɔ́b ghú nɛ́.» 37Baanabasə kɛ zɔŋɔ ndɔ́ɔ́ Zhâŋ wɛ́ pe kɛ fú né Máákuusə nɛ́, pú pɔ́b ghú. 38Ntsʉʼmbé Pɔ́lə tsé mbé psyɛ́ yé pó ŋkyé ŋgâ a kɛ pé taʼ ŋgaŋákpee wɔ́b wɛ́ a kɛ fǎ mbəb pɔ́b féré Paŋfilya, kaʼatɛ pú pɔ́b pó mbé yɔ̌ faʼ ŋkʉ́rʉ́ ŋgú ne ssó nɛ́ pó. 39Mɛ́ʼɛ́ntswee yéré gháʼmbwo kaʼatɛ mbɛwɔ̂ yɔ́ɔ́ wé mɛndɔ́b. Baanabasə yɔ́ɔ́ Máákuusə pú ye yɔ́ɔ́ páŋ ŋgú Shiiprə. 40Pɔ́lə yɔ́ɔ́ Silasə ne ntsyɛ́ yé pú yé ghú. Pǔkristo nsó ŋgâ Ntsɛɛpɔŋ, ye wɛ́ a tséʼé pǔpfob nɛ́, pɛ́ ne pɔ́b. 41Pɔ́lə nyí ndzó ŋgɔŋ Sirya pú ŋgɔŋ Silisya, fɛ́ nsó shʉ̌ndzɔʼ pwó pǔkristo.
ទើបបានជ្រើសរើសហើយ៖
Faʼ Ghaŋántɔ́b 15: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Faʼ Ghaŋántɔ́b 15
15
Fiʼ yɛ́ no mbzírine pɔŋ kɛ máʼa Aŋtyoshə
1Pecyó pɔŋ twɔ́ Zhʉdé ŋkʉ́yó Aŋtyoshə, ne fɛ́ne ntʉ́ʉ́ pwó pǔkristo. Pɔ́b kɛ ntsɔ́ ne pɔ́b ŋgâ: «A pɛ́ɛ́ yɛ́ pe psírɛ wúŋ njʉ́ kaŋ Mǔsê tsɔ́ nɛ́ pó, mbǒ puŋ náʼá ntséʼé ndzǔne pó.» 2Néré, taʼ fiʼ vô, tʉ̌ŋɔntswee gháʼmbwo tsetsɛrɛ pɔ́b pwɛ Pɔ́lə ne Baanabasə. Pé nsó ŋgâ Pɔ́lə, Baanabasə pwɛ pecyó pɔŋ ŋkɔ́ʼɔ́ Yerʉ́salɛm, njʉ́ ghaŋántɔ́b Yěsô pwɛ pɛ ghəkód ne no yéré. 3Ndáméted yɛ́ a kɛ pɛ́ Aŋtyoshə, kɛ tsúŋú mɔ́b pɛ́ a kɛ zɔŋɔ nɛ́, ne nsěnyi wéré. Pɔ́b záʼ ne Fenisya pú Samari, ntébɛ́ pwó pǔkristo pɛ́ pɔ́b kɛ pɛ yóʼó nɛ́, mbziʼe njʉ́ pɔŋ pɛ́ pɔ́b pɛ Yúda nɛ́ pó, kɛ séd ndzɔʼ yɔ́b mbzyɛ́ Mboʼmvé nɛ́. No yéré fɛ́ ndebéne zááme pwó ŋkɔŋɔ pǔkristo náá.
4Ŋkhoʼyɛ́ pɔ́b kɛ páŋá Yerʉ́salɛm nɛ́, pǔkristo, ghaŋántɔ́b Yěsô pwɛ ghəkód ghəyɛ́ wɔ́b. Pɔ́b sə́ŋɛ́ wɔ́b ne ŋkɔŋɔ meno pɛ́ Mboʼmvé kɛ záʼá mbəb pɔ́b, ŋgyɛ́ náá nɛ́.
Mbziʼe njʉ́ pé kɛ tséé no mbzírine pɔŋ Yerʉ́salɛm nɛ́
5Pecyó pǔkristo pɛ́ pɔ́b kɛ twɔ́ ndzɔ́ʼɔ́ pɛ Farízya nɛ́, ŋǎ ntsó ŋgâ, a zɔŋɔ ŋgâ pé psíri pǔkristo pɛ́ pɔ́b pɛ Yúda nɛ́ pó. Pɔb kɛ kémbó ntsó ŋkʉ́rʉ́ ŋgâ, pe tsɔ́ ne pɔ́b, pɔ́b nyi ndúŋú kaŋ Mǔsê. 6Kɛ́ʼɛ́ ghaŋántɔ́b Yěsô pwɛ ghəkód téré ne kpǎŋne tó ne no yéré.
7Njʉ́ fiʼ kɛ ké tʉ̂ŋɔ tʉ̌ŋɔ nɛ́, Pětro yɔ́ɔ́ nsó, nsó ŋgâ: «Pɔ́ŋmɛ́ páá, puŋ zé! A kɛ pɛ́ɛ́ ywoʼ puŋ ne sɔ́ zhyémve, Mboʼmvé zhyɛ́ ŋgâ pɔŋ pɔ́ŋ pɛ́ pɔ́b pɛ́ Yúda nɛ́ po, zóʼ Ŋkəŋ Sʉ́ʼʉ ntswee mo, ke ntsʉ́ʼɔ́ yɔ́b ghaŋá psyɛ́ndzɔʼ. 8Mboʼmvé, yé wɛ́ a zɛ́ mkpěntɔ́ ŋɔŋ nɛ́, kpéé ntáŋ yɔ́b, ŋkhoʼyɛ́ a kɛ fɛ́ Zhʉye Yáŋme mbəb pɔ́b njʉ́ a kɛ ke fɛ́ ne piŋi nɛ́. 9Mboʼmvé yáá ne psyɛ́ndzɔʼ yɔ́b sǒ ndzɔʼ yɔ́b, kii tɔʼɔ́ cyó ŋɔŋ tsetsɛrɛ piŋɛ pɔ́b. 10Ndzyěne néré, a zhyɛ́ kɔ́ puŋ yɔ́bɔ́ Mboʼmvé, ntíí peʼ tó pǔkristo pɔŋɔ? Peʼ yɛ́, tɛd tɛd piŋi kii tómbəb yiŋi kɛ pe kúʼɔ́ ne ŋkyɛ́ne nɛ́ pó! 11Ŋkʉ́rʉ́, piŋi zé, a zhyɛ́ foʼndzəndzoʼ yɛ́ Ntsɛɛpɔŋ Yěsô tséʼé nɛ́, piŋi tséʼé ndzǔne, ntsʉ́ŋntsʉ́ŋ njʉ́ pɔ́b nɛ́!»
12Ŋkɔŋɔ pɔŋ pɛ́ pɔ́b kɛ pɛ́ yóʼó náá nɛ́, zhirí. Néré, pé yaa ndúŋú, ndzóʼ Baanabasə pú Pɔ́lə nsó ŋkɔŋɔ pɛ kiŋi pwɛ pɛ shʉrɛ́meno pɛ́ Mboʼmvé kɛ záʼá mbəb pɔ́b, ŋgyɛ́ mbəb pɔŋ pɛ́ pɔb pɛ Yúda nɛ́ po náá.
13Ŋkhoʼyɛ́ pɔ́b kɛ mê nɛ́, Zhakə yɔ́ɔ́ yé nsó, nsó ŋgâ: «Puŋ zóʼ ya, kɛ pɔ́ŋmɛ́ páá. 14Simeyɔŋ ŋǎ ne fûne tó yiŋi mbziʼe njʉ́, féré ne ndzyě, Mboʼmvé kɛ yuwɛ́ ntsɔ́ʼ pɔŋ ndzɔ́ʼɔ́ pɔŋ pɛ́, pɔ́b pɛ Yúda nɛ́ pó, kɛ́ʼɛ́ ŋgâ pɔ́b tsʉ́ʼ pupé. 15Yéré no tsyɛ́ nɛ́ ne nsó wɛ́ pɛ ghaŋátsɔ́kpaŋató Mboʼmvé kɛ ŋweʼe nɛ́. Nsó wéré pɛ́ɛ́ ŋgâ:
16“Ndzáʼnéré, mo, Ntsɛɛpɔŋ, mə náʼá ŋkʉ́yó mbó ŋkwórɔ́ ntab Ndavíd yɛ́ a kɛ kubi nɛ́.
Kiŋi yɛ́ a tsʉ́ʼ nɛ́, mə náʼá ŋkwórɔ́, mbó náʼá mbúʼɔ́ ntíí nsó.
17Yânéré, pfuʼɔ pɔŋ táʼ ya, mo, Ntsɛɛpɔŋ,
Pwɛ ŋkɔŋɔ mvémvé pɛ́ pé yɔ́ɔ́ tíí Ntsɛɛpɔŋ fú wɔ́b núŋ nɛ́.
Yɔ̂ŋ no yɛ́ Ntsɛɛpɔŋ nsó nɛ́,
A zhíyɛ́ no yɛ́ nɛ́ a kɛ kaʼ nɛ́ kɛ́ʼɛ́
18Pé pó ndzé féré zhyémve nɛ́.”
19A ne máá njʉ́, a yáŋ ŋgâ pe pfíí pɛ kéʼe ndúŋú pecyó síŋ pɔŋ pɛ́ pɔ́b pɛ Yúda nɛ́ pó. Pɔ́b pɛ́ pɔb séd ndzɔʼ yɔ́b mbzyɛ́ Mboʼmvé nɛ́. 20Piŋi ŋweʼɛ ne pɔ́b pé ndaʼ ŋgâ pɔ́b zhyaŋa siŋɛ́ mbəb yɛ́ pɛ záʼá fɛ́ nɛ́, ŋgyáŋá menoghóʼotó, ŋgyáŋá ndzab yɛ́ pé fúb fúb nɛ́, pwɛ yɛ́ nsə kɛ cʉyǐ mbəb yé nɛ́. 21Ŋkyé ŋgâ féré mɛ́ ŋgǒʼ, pɛ ghaŋáfɛ́ nsó Mboʼmvé ndzó pɛ mbɛ́lʉ́ŋ zéʼé pɔŋ ne kaŋ Mǔsê. Ŋgâ pe fú ŋkɔŋɔ pɛ zhyéze náá ndzó pɛ ndántéré pɛ Yúda!»
No yɛ́ pé kɛ tíí mbó ŋweʼe twɔ́ ndzó pɛ ndáméted nɛ́
22Ghaŋántɔ́b pwɛ ghəkód, pwɛ ŋkɔŋɔ pǔkristo náá tséʼé taʼ ntswee ŋgâ, pɔ́b ntsɔ́ʼɔ́ pɔŋ tsetsɛrɛ pɔ́b, ntwɔ́ wɔ́b Antyoshə pwɛ Pɔ́lə ne Baanabasə. Pɔ́b kɛ tsɔʼ pɔŋ pɛ́ pǔkristo kɛ ghúʼɔ wɔ́b nɛ́. A kɛ pé Zhʉ́da wɛ́ pé kɛ fú ne Baasabasə nɛ́, pú Silasə. 23Pɔ́b fɛ́ ŋweʼe yéré ne pɔ́b. A kɛ pɛ́ ndzóó ŋgâ: «Psi, ghaŋántɔ́b Yěsô, ghəkód pwɛ pǔkristo, psi tsɛ́ʼɛ́ wúŋ. Puŋ, pɔ́ŋmɛ́ pɛ́ pǔŋ pɛ Yúda nɛ́ pó. Puŋ pɛ pǔŋ tsó ndzó mbɛ́lʉ́ŋ Antyoshə, mbɛ́ ndzó pɛ́rɛ́ ŋgɔŋ Sirya mbɛ́ ndzó pɛ́rɛ́ ŋgɔŋ Silisya nɛ́. 24Psi kɛ zóʼ ŋgâ pecyó pɔŋ ndzɔ́ʼɔ́ psi kɛ kʉ́yó mváʼá wúŋ mbó séd kpaŋató yúŋ ne nsó wɔ́b. A kɛ pé twɔ́ ŋɔŋ ntwɔ́ wɔ́b pó. 25Psi kaa nɛ́ náá ntséʼé taʼ ntswee, ntsɔ́ʼ ntsɔ́tó psi ne ntwɔ̂ne wɔ́b ne puŋ pwɛ Baanabasə pú Pɔ́lə, pɔ́ŋmɛ́ psi pe tʉŋɔndɔŋ, 26pɔ́b pɛ́ pɔ́b fɛ́ tsómvé yɔ́b ne tíí Ntsɛɛpɔŋ Yěsô Kristo wíŋi nɛ́. 27Psi kiʼi ntwɔ́ Zhʉ́da pú Silasə nɛ́ pfúŋɔ́ puŋ ŋgâ pɔ́b nsó yɔ́b yɛ́ a ndzó ŋweʼe yɔ̂ŋ nɛ́, ne ntswee wɔ́b ne puŋ. 28Psyɛ́ Zhʉye Yáŋme tséʼé taʼ ntswee ŋgâ psi ntíí cyó peʼ tó puŋ fáá yɔ̂ŋ yɛ́ tɛɛmbɛ pe pé suʼú nɛ́ pó. 29Puŋ nzǐ ndzab yɛ́ pɛ kiizɛ́mboʼmvé shʉ́ Mboʼmvé wɔ́b núŋ nɛ́, ndzǐ nsə mwɔ̂paʼ pɛ pé fúbɔ́ wɔ́b fúb nɛ́, pwɛ menoghóʼotó. A pɛ́ɛ́ yɛ́ puŋ ywóʼ ŋkɔŋɔ meno péré náá kpaʼ sʉ́ʼʉ nɛ́, mbǒ puŋ zhyɛ́ a pú. Puŋ yáŋmvé!»
30Ŋkhoʼyɛ́ pe kɛ yiʼɛ́ wɔ́b nɛ́, pɔ́b ŋáá nɛ́, mviŋɛ́ Antyoshə, ntéré pǔkristo yóʼó, nsó yɔ́b yɛ́ a ndzó ŋweʼe nɛ́ ne pɔ́b. 31Ŋkhoʼyɛ́ pe kɛ fú ŋweʼe yéré nɛ́, ŋkɔŋɔ wɔ́b náá yébé ŋkyé nsó wɛ́ a kɛ twɔ́ ndzóó níŋí ndzɔʼ yɔ́b nɛ́. 32Ŋgɛ́ ŋkhú ne Zhʉ́da pú Silasə, njʉ́ pɔ́b kɛ ke mbɛ́ yɔ́b ghaŋátsɔ́kpaŋató Mboʼmvé nɛ́, pɔ́b nsó meno zááme ne pɔ́b ne shʉyǐne ndzɔʼ yɔb mbó ntuʼɔ́ wɔ́b. 33Pɔ́b pó tsó yóʼó ne pɔ́ŋ zhyémve, pǔkristo yiʼɛ́ wɔ́b, nsó ŋgâ: «Mbúru tíŋá wúŋ, puŋ ghú mbɛ́rɛ́ pɔŋ pɛ́ pɔ́b twɔ́ wúŋ nɛ́.» [ 34Ntsʉʼmbé Silasə sɛ́ɛ́ ŋgâ a tsʉ́ʼɔ yé yóʼó.] 35Ŋgɛ́ ŋkhu ne Pɔ́lə pú Baanabasə, pɔ́b cʉ́ʼɔ́ yɔ́b Antyoshə pwɛ pecyó pɔŋ, ntsé fɛ́ ntʉ́ʉ́ mbó ncʉ́rɛ Ŋkəŋ Sʉ́ʼʉ Ntsɛɛpɔŋ.
Pɔ́lə pú Silasə pó ghú ne faʼ
36Njʉ́ pɔ́ŋ zhyémve kɛ záʼ nɛ́, Pɔ́lə tsɔ́ pwó Baanabasə ŋgâ: «Paʼa pód ndzəb ŋgáŋá pǔkristo ndzó pɛ mbɛ́lʉ́ŋ pɛ́ paʼa kɛ záʼ ncʉ́ri Nsó Ntsɛɛpɔŋ ndzóó nɛ́, mbó njʉ́ njʉ́ pɔ́b ghú nɛ́.» 37Baanabasə kɛ zɔŋɔ ndɔ́ɔ́ Zhâŋ wɛ́ pe kɛ fú né Máákuusə nɛ́, pú pɔ́b ghú. 38Ntsʉʼmbé Pɔ́lə tsé mbé psyɛ́ yé pó ŋkyé ŋgâ a kɛ pé taʼ ŋgaŋákpee wɔ́b wɛ́ a kɛ fǎ mbəb pɔ́b féré Paŋfilya, kaʼatɛ pú pɔ́b pó mbé yɔ̌ faʼ ŋkʉ́rʉ́ ŋgú ne ssó nɛ́ pó. 39Mɛ́ʼɛ́ntswee yéré gháʼmbwo kaʼatɛ mbɛwɔ̂ yɔ́ɔ́ wé mɛndɔ́b. Baanabasə yɔ́ɔ́ Máákuusə pú ye yɔ́ɔ́ páŋ ŋgú Shiiprə. 40Pɔ́lə yɔ́ɔ́ Silasə ne ntsyɛ́ yé pú yé ghú. Pǔkristo nsó ŋgâ Ntsɛɛpɔŋ, ye wɛ́ a tséʼé pǔpfob nɛ́, pɛ́ ne pɔ́b. 41Pɔ́lə nyí ndzó ŋgɔŋ Sirya pú ŋgɔŋ Silisya, fɛ́ nsó shʉ̌ndzɔʼ pwó pǔkristo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល