Faʼ Ghaŋántɔ́b 16
16
Timoté tyáŋa Pɔ́lə pú Silasə
1Pɔ́lə kɛ nyí néré mbáŋá Dɛɛbe pú Listrə. Taʼ ŋukristo pɛ́ yóʼó pe fú wé ne Timote. A kɛ pé Mɔ́ŋ taʼ məŋgʉ́yé Yúda wɛ́ a kɛ ŋkhú ŋukristo nɛ́, tɛd yé pé taʼ ŋɔŋ Gerɛʼ. 2Pǔkristo pɛ́ pɔ́b kɛ pɛ́ Listrə pú Ikoniyɔŋ nɛ́, kɛ tsɔ no sʉ́ʼʉ ŋkyé Timote wéré. 3Pɔ́lə kɛ tsé ndzɔŋɔ ŋgâ pú yé ghú. A yɔ́ɔ́ wé, ŋgyɛ́ pe psirɛ́ wé, ŋkyé pɛ Yúda pɛ́ pɔ́b kɛ tsó yóʼó nɛ́. Ŋkyé ŋgâ, ŋkɔŋɔ wɔ́b náá kɛ zé ŋgâ tɛd ye kɛ pé ŋɔŋ Gerɛʼ. 4Mbɛ́lʉ́ŋ pɛ Pɔ́lə pú Silasə kɛ záʼá ndzóó nɛ́, pɔ́b kɛ tsɔ́ no yɛ́ pɛ ghaŋántɔ́b pwɛ pɛ ghəkód Yerʉ́salɛm kɛ tíí nɛ́, mbó ntsɔ́ ne pɔ́b ŋgâ pɔ́b nyí njʉ́ ŋweʼe yéré psirɛ nɛ́. 5A kɛ pé néré, psyɛ́ndzɔʼ pǔkristo kɛ pfî, ndɔŋɔ wɔ́b ke mvî pfǐ ŋkɔŋɔ zhyémve náá.
Zhʉyɛ́ Yáŋme twɔ́ Pɔ́lə Makadoniya
6Pɔ́lə pú Silasə ŋ kɛ d ŋkɔŋɔ ŋgɔŋ Firizhi náá pwɛ pɛ́rɛ́ ŋgɔŋ Galasi. Ŋkyé ŋgâ Zhʉye Yáŋme kɛ pe psyɛ́ ne pɔ́b ŋgâ pɔ́b ncʉ́ri Nsómboʼmvé ndzó ŋgɔŋ Azi pó. 7Ŋkhoʼyɛ́ pɔ́b kɛ páŋá ne ndii pɛ́rɛ́ ŋgɔŋ Misya nɛ́, pɔ́b zɔŋɔ ŋgú ndzó pɛ́rɛ́ ŋgɔŋ Bitini, ntsʉʼmbé Zhʉye Yěsô kembé psyɛ́ pó. 8Pɔ́b siʼá Misya nɛ́ ŋkhoʼyɔŋ shʉyí Trowasə. 9Taʼ netsúʼ, Pɔ́lə tséʼé zhʉ́ ywoʼ. Ndzɔ́ʼɔ́ zhʉ́ywoʼ yéré, taʼ ŋǔ Makadoniya kʉ́yó ntsɛ́ síŋ yé, mbóʼmbwó ntsɔ́ ŋgâ: «Záʼá ne Makadoniya, ŋkʉ́yó kpéé ywí!» 10Njʉ́ a kɛ ke mbé néré nɛ́, psi ke ŋáá syé pe néré ne ŋgúne Makadoniya. Ŋkyé ŋgâ psi kɛ zóʼ ŋgâ Mboʼmvé fú ywí ŋgâ psi ghú ncʉ́ri Ŋkəŋ Sʉ́ʼʉ yóʼó.
Lítya psyɛ́ Mboʼmvé
11Psi yɔ́ɔ́ páŋ Trowasə ke ŋgǔ ŋgerɛ́ŋged Samotrasə. Keemvé psi ghú Neyapolisə. 12Ŋǎ yóʼó ŋgú Filipo, mbɛ́lʉ́ŋ kəkwéʼe yɛ́ a kɛ pɛ ndzó pɛ́rɛ́ ŋgɔŋ Makadoniya, mbé ye pɛ Roma nɛ́. Psi zhyɛ́ pɔ́ŋ zhyémve ndzó mbɛ́lʉ́ŋ yéré. 13Zhyéze pɛ Yúda, psi twɔ́ mbɛ́lʉ́ŋ, ŋgú ne gháánse, ndzó ywoʼ yɛ́ psi kɛ kpáŋa ŋgâ taʼ ywoʼɔ́ ntsɛ́ʼɛ́ Mboʼmvé yóʼó nɛ́. Psi ghɔ́rɔ́ syé, ntsɔ́ psyɛ́ pěŋgyé pɛ́ pɔ́b kɛ tɛ́rɛ yóʼó nɛ́. 14Cyó taʼ ye pɛ́ ndzɔ́ʼɔ́ pɔ́b, pe fú wé ne Lítya. A kɛ pé taʼ mbéʼétáŋ ndzwé psǐpsî pé tʉŋɔndɔŋ. Məŋgʉyé wéré kɛ twɔ̌ mbɛ́lʉ́ŋ Tyatii. Ŋgɛmbɛ mbǒ a kɛ psyɛ́ Mboʼmvé. A kɛ psyé ntəŋé yé tsé ndzóʼó ŋkyé ŋgâ Ntsɛɛpɔŋ kɛ ŋáʼ ndzɔʼ yé ŋgâ a ncʉyɛ́ ndzóʼ nsó Pɔ́lə. 15Ŋkhoʼyɛ́ Lítya wéré kɛ kpéé nse pwɛ ndâ ŋɔŋ yé nɛ́, a kaʼa ywí ywoʼ yé, nsó ŋgâ: «A pɛ́ɛ́ yɛ́ puŋ zé kpaʼ sísíŋ ŋgâ mə mbzyɛ́ Mboʼmvé nɛ́, puŋ kʉ́yó tsó yóʼó mo.» A pé nɛ́ njʉ́ nɛ́, a kɛ zíʼɛ́ ywí ŋgâ psi ke mbzyɛ́ psyɛ́ nɛ́.
No yɛ́ a kɛ kúŋɔ́ Pɔ́lə pú Silasə ndzó mbɛ́lʉ́ŋ Filipo nɛ́
16Njʉ́ psi kɛ tsé ŋgú ywoʼɔ́ ntsɛ́ʼɛ́ Mboʼmvé cyó zhyémve nɛ́, taʼ Mɔ́ŋ məŋgʉ́yé wɛ́ syé kɛ gbaa wé, zhʉye yéré zhyɛ́ a tsɔ́ meno pɔŋ nɛ́, kʉ́yó mbɛ́rɛ́ ywí. Faʼ syé yé yéré kɛ fɛ́ mbób zááme pwó pɔŋ pɛ́ a kɛ fáʼa ne pɔ́b nɛ́. 17Mɔ́ŋ məŋgʉ́yé wéré kɛ sɛ́ɛ́ ndzəb psyɛ́ Pɔ́lə, ŋgéʼé ŋgâ: «Pɔŋ pɔ́ŋ ghaŋáfaʼ Mboʼmvé wɛ́ a kpaʼ pépéé nɛ́, pɔ́b ncʉ́rɛ mɛndɔ́b ndzǔne nɛ́ ne puŋ.» 18Mɔ́ŋ məŋgʉ́yé wéré zhyɛ́ néré ne zhyémve zááme kaʼatɛ ŋgyé Pɔ́lə zúʼú. Á sěd mbəb yé ntsɔ́ pwó zhʉyɛ́ kəpɔŋ wéré ŋgâ: «Mə nsó nɛ́ pwó ne tíí Yěsô Kristo, twɔ́ mbəb məŋgʉ́yé wɔ̂ŋ!» Kpaʼ ŋkhoʼyéré, zhʉye kəpɔŋ wéré ke ntwɔ́ɔ́ néré. 19Ŋkhoʼyɛ́ pɔŋ pɛ́ a kɛ faʼa ne pɔ́b nɛ́, kɛ zhʉ́ ŋgâ mɛndɔ́b mbób yɔ́b nǎŋme nɛ́, pɔ́b gbáá Pɔ́lə pú Silasə ŋgú ne wɔ́b záŋ síŋ ghaŋáfíʼɛkɔ́d. 20Pɔ́b tíí wɔ́b síŋ ghaŋáfíʼɛkɔ́d pɛ́, pɛ Roma kɛ tíí nɛ́, nsó ŋgâ: «Pɔŋ pɔ́ŋ pɛ́ pɔ́b pɛ Yúda nɛ́, máʼá vaʼ nɛ́ ndzó mbɛ́lʉ́ŋ zhí. 21Pɔ́b tsé nyóʼó kpee nsěnyi yɛ́ piŋi pɛ Roma, a psyɛ́ ŋgâ piŋi zóʼ kii ŋgâ nyí ndúŋú nɛ́ pó.» 22Puzááme pɛ́ pɔ́b kɛ pɛ́ yóʼó nɛ́, ŋáá shʉyɛ́ tó Pɔ́lə pú Silasə. Ghaŋáfíʼɛkɔ́d péré nsó ŋgâ pe sɛ́ɛ́ ndzwé mbəb pɔ́b, gbíí wɔ́b ne fě. 23Ŋkhoʼyɛ́ pɔ́b kɛ gbíí wɔ́b nɛ́, pɔ́b máʼá wɔ́b ndátsáŋ, ntsɔ́ pwó ŋgaŋatsí ghaŋátsáŋ ŋgâ a ncʉ́yí ntsî wɔ́b. 24Njʉ́ a kɛ ke mbé néré nɛ́, ŋgaŋatsí ghaŋátsáŋ níŋɛ́ wɔ́b ndátsáŋ yɛ́ a kɛ zhibi kaʼatɛ nɛ́, níŋí kapoʼ ndzó kpee mɔ́b.
25Ne ywɔ̌ ghəghóʼŋgɔŋ kɛ́ʼɛ́, Pɔ́lə pú Silasə tsé ntsɛ́ʼɛ́ Mboʼmvé mbó ndzɔ́bɔnse ŋgúʼɔ wé. Pecyó ghaŋátsáŋ zóʼ. 26Fǐme nɛ́ ywoʼ vôd kaʼatɛ tsindáb ŋʉ́. Ŋkɔŋɔ pɛ ntswěndáb náá tsɔ́ʼ kpaʼ ŋkhoʼyéré, pɛ tsáŋ pwɛ kapoʼ tséé mbəb ŋkɔŋɔ ghaŋátsáŋ náá. 27Ŋkhoʼyɛ́ ŋgaŋatsítsáŋ kɛ zɛ́bɛ ne yɔ́ɔ́ nɛ́, a zhʉ́ pɛ ntswěndáb pé tsɔ́ʼme. A kpáŋ ŋgâ ghaŋátsáŋ kí náá, ndɔ́ɔ́ memíí ye ndzɔŋɔ nɔ́ʼɔ́ mbəb yé. 28Ntsʉʼmbé Pɔ́lə ghéʼ ne tʉ̌ŋ ŋgâ: «Ndɛ ŋgyɛ́ no kəpɔŋ mbəb wo, psi yóʼó náá.» 29Ŋgaŋatsí ghaŋátsáŋ psirí lámbo zǎŋazâŋa, ŋkúŋɔ ndáb, nyí mvórɔ, mvɔ́ ne kpee Pɔ́lə pú Silasə. 30Ndzáʼnéré, a túbɔ́ wɔ́b fɛ́ mvé, ntsɔ́ ne pɔ́b ŋgâ: «Ntsɛɛpɔŋ, tɛɛmbɛ mə ŋgyɛ́ɛ́ níŋ ntséʼé ndzǔne?» 31Pɔ́b pɔ́rɔ́ pwó yé ŋgâ: «Wo psyɛ́ Ntsɛɛpɔŋ Yěsô, mbǒ wo ntsɛ́ʼɛ́ ndzǔne. Wo, puŋɛ́ zyé ndáb wo.» 32Pɔ́b cʉrí Nsó Ntsɛɛpɔŋ pwó ŋgaŋatsí ghaŋátsáŋ wéré pwɛ ŋkɔŋɔ pɔŋ pɛ pɔ́b kɛ tsó ywoʼ yé náá nɛ́. 33Kpaʼ ŋkhoʼyéré ne ntʉ̌ŋ ntsúʼ wéré, ŋgaŋatsí ghaŋátsáŋ yɔ́ɔ́ wɔ́b ŋgú ne wɔ́b ŋgâ pɔ́b sǒ pɛ́rɛ́ náb pɔ́b. Kpaʼ ŋkhoʼyéré, a kpênse pwɛ yé ndǎ. 34Ŋgaŋatsí ghaŋátsáŋ wéré yɔ́ɔ́ Pɔ́lə pú Silasə pú pɔ́b kɔ́ʼɔ́ ywoʼ yé, a fɛ́ mwɔ̌zó ne pɔ́b. Pwɛ yé ndǎ yebɛ́ njʉ́ a kɛ psyɛ́ Mboʼmvé nɛ́.
35Njʉ́ mvé kɛ kee nɛ́, ghaŋáfíʼɛkɔ́d twɔ́ pɛ káŋató ŋgâ pɔ́b ghú ntsɔ́ pwó ŋgaŋatsí ghaŋátsáŋ ŋgâ: «Tee pɔŋ pékénɛ́!» 36Ŋgaŋatsí ghaŋátsáŋ ntsɔ́ pwó Pɔ́lə ŋgâ: «Ghaŋáfíʼɛkɔ́d twɔ́ ntɔ́b nɛ́ ŋgâ pe tee wúŋ. Njʉ́ a kɛ́ʼɛ́ nɛ́, puŋ twɔ́ ŋgú ne mbúru!» 37Ntsʉʼmbé Pɔ́lə nsó ŋgâ: «Pɔ́b gbíí ywí ndzɔ́ʼɔ́ yáʼ kii zyé fiʼɛ́ ywí, máʼá ywí ndátsáŋ, psi pɛ́ psi pɛ Roma nɛ́. A kiʼi mbó mbé ŋkhoʼyɔŋ, a po ndzɔŋɔ nyiʼá nyiʼá túbɔ́ ywí ŋkyé kɔ́? A yéré pó! Pɔ́b kʉ́yó kpaʼ ne tómbəb yɔ́b túbɔ́ ywí!» 38Pɛ káŋató péré pód ndzəb ntsɔ́ njʉ́ pɔ́b kɛ pód nɛ́. Pɔ́ɔ́ gbáá wɔ́b njʉ́ pɔ́b kɛ zóʼ ŋgâ pɔ́b pǔ Roma nɛ́. 39Pɔ́b kʉ́yó ndɔ́ŋ vɔ̌no pwó Pɔ́lə pú Silasə. Ntéé wɔ́b ntsɔ́ ne pɔ́b ŋgâ pɔ́b ŋáá mbɛ́lʉ́ŋ pɔ́b. 40Njʉ́ Pɔ́lə pú Silasə kɛ ké ntwɔ́ tsáŋ nɛ́, pɔ́b ghú ywoʼ Lítya, njʉ́ pǔkristo, ne níŋine ndzɔʼ yɔ́b. Ŋkhoʼyɛ́ pɔ́b kɛ zhyɛ́ néré nɛ́, pɔ́b ghú yɔ́b.
ទើបបានជ្រើសរើសហើយ៖
Faʼ Ghaŋántɔ́b 16: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Faʼ Ghaŋántɔ́b 16
16
Timoté tyáŋa Pɔ́lə pú Silasə
1Pɔ́lə kɛ nyí néré mbáŋá Dɛɛbe pú Listrə. Taʼ ŋukristo pɛ́ yóʼó pe fú wé ne Timote. A kɛ pé Mɔ́ŋ taʼ məŋgʉ́yé Yúda wɛ́ a kɛ ŋkhú ŋukristo nɛ́, tɛd yé pé taʼ ŋɔŋ Gerɛʼ. 2Pǔkristo pɛ́ pɔ́b kɛ pɛ́ Listrə pú Ikoniyɔŋ nɛ́, kɛ tsɔ no sʉ́ʼʉ ŋkyé Timote wéré. 3Pɔ́lə kɛ tsé ndzɔŋɔ ŋgâ pú yé ghú. A yɔ́ɔ́ wé, ŋgyɛ́ pe psirɛ́ wé, ŋkyé pɛ Yúda pɛ́ pɔ́b kɛ tsó yóʼó nɛ́. Ŋkyé ŋgâ, ŋkɔŋɔ wɔ́b náá kɛ zé ŋgâ tɛd ye kɛ pé ŋɔŋ Gerɛʼ. 4Mbɛ́lʉ́ŋ pɛ Pɔ́lə pú Silasə kɛ záʼá ndzóó nɛ́, pɔ́b kɛ tsɔ́ no yɛ́ pɛ ghaŋántɔ́b pwɛ pɛ ghəkód Yerʉ́salɛm kɛ tíí nɛ́, mbó ntsɔ́ ne pɔ́b ŋgâ pɔ́b nyí njʉ́ ŋweʼe yéré psirɛ nɛ́. 5A kɛ pé néré, psyɛ́ndzɔʼ pǔkristo kɛ pfî, ndɔŋɔ wɔ́b ke mvî pfǐ ŋkɔŋɔ zhyémve náá.
Zhʉyɛ́ Yáŋme twɔ́ Pɔ́lə Makadoniya
6Pɔ́lə pú Silasə ŋ kɛ d ŋkɔŋɔ ŋgɔŋ Firizhi náá pwɛ pɛ́rɛ́ ŋgɔŋ Galasi. Ŋkyé ŋgâ Zhʉye Yáŋme kɛ pe psyɛ́ ne pɔ́b ŋgâ pɔ́b ncʉ́ri Nsómboʼmvé ndzó ŋgɔŋ Azi pó. 7Ŋkhoʼyɛ́ pɔ́b kɛ páŋá ne ndii pɛ́rɛ́ ŋgɔŋ Misya nɛ́, pɔ́b zɔŋɔ ŋgú ndzó pɛ́rɛ́ ŋgɔŋ Bitini, ntsʉʼmbé Zhʉye Yěsô kembé psyɛ́ pó. 8Pɔ́b siʼá Misya nɛ́ ŋkhoʼyɔŋ shʉyí Trowasə. 9Taʼ netsúʼ, Pɔ́lə tséʼé zhʉ́ ywoʼ. Ndzɔ́ʼɔ́ zhʉ́ywoʼ yéré, taʼ ŋǔ Makadoniya kʉ́yó ntsɛ́ síŋ yé, mbóʼmbwó ntsɔ́ ŋgâ: «Záʼá ne Makadoniya, ŋkʉ́yó kpéé ywí!» 10Njʉ́ a kɛ ke mbé néré nɛ́, psi ke ŋáá syé pe néré ne ŋgúne Makadoniya. Ŋkyé ŋgâ psi kɛ zóʼ ŋgâ Mboʼmvé fú ywí ŋgâ psi ghú ncʉ́ri Ŋkəŋ Sʉ́ʼʉ yóʼó.
Lítya psyɛ́ Mboʼmvé
11Psi yɔ́ɔ́ páŋ Trowasə ke ŋgǔ ŋgerɛ́ŋged Samotrasə. Keemvé psi ghú Neyapolisə. 12Ŋǎ yóʼó ŋgú Filipo, mbɛ́lʉ́ŋ kəkwéʼe yɛ́ a kɛ pɛ ndzó pɛ́rɛ́ ŋgɔŋ Makadoniya, mbé ye pɛ Roma nɛ́. Psi zhyɛ́ pɔ́ŋ zhyémve ndzó mbɛ́lʉ́ŋ yéré. 13Zhyéze pɛ Yúda, psi twɔ́ mbɛ́lʉ́ŋ, ŋgú ne gháánse, ndzó ywoʼ yɛ́ psi kɛ kpáŋa ŋgâ taʼ ywoʼɔ́ ntsɛ́ʼɛ́ Mboʼmvé yóʼó nɛ́. Psi ghɔ́rɔ́ syé, ntsɔ́ psyɛ́ pěŋgyé pɛ́ pɔ́b kɛ tɛ́rɛ yóʼó nɛ́. 14Cyó taʼ ye pɛ́ ndzɔ́ʼɔ́ pɔ́b, pe fú wé ne Lítya. A kɛ pé taʼ mbéʼétáŋ ndzwé psǐpsî pé tʉŋɔndɔŋ. Məŋgʉyé wéré kɛ twɔ̌ mbɛ́lʉ́ŋ Tyatii. Ŋgɛmbɛ mbǒ a kɛ psyɛ́ Mboʼmvé. A kɛ psyé ntəŋé yé tsé ndzóʼó ŋkyé ŋgâ Ntsɛɛpɔŋ kɛ ŋáʼ ndzɔʼ yé ŋgâ a ncʉyɛ́ ndzóʼ nsó Pɔ́lə. 15Ŋkhoʼyɛ́ Lítya wéré kɛ kpéé nse pwɛ ndâ ŋɔŋ yé nɛ́, a kaʼa ywí ywoʼ yé, nsó ŋgâ: «A pɛ́ɛ́ yɛ́ puŋ zé kpaʼ sísíŋ ŋgâ mə mbzyɛ́ Mboʼmvé nɛ́, puŋ kʉ́yó tsó yóʼó mo.» A pé nɛ́ njʉ́ nɛ́, a kɛ zíʼɛ́ ywí ŋgâ psi ke mbzyɛ́ psyɛ́ nɛ́.
No yɛ́ a kɛ kúŋɔ́ Pɔ́lə pú Silasə ndzó mbɛ́lʉ́ŋ Filipo nɛ́
16Njʉ́ psi kɛ tsé ŋgú ywoʼɔ́ ntsɛ́ʼɛ́ Mboʼmvé cyó zhyémve nɛ́, taʼ Mɔ́ŋ məŋgʉ́yé wɛ́ syé kɛ gbaa wé, zhʉye yéré zhyɛ́ a tsɔ́ meno pɔŋ nɛ́, kʉ́yó mbɛ́rɛ́ ywí. Faʼ syé yé yéré kɛ fɛ́ mbób zááme pwó pɔŋ pɛ́ a kɛ fáʼa ne pɔ́b nɛ́. 17Mɔ́ŋ məŋgʉ́yé wéré kɛ sɛ́ɛ́ ndzəb psyɛ́ Pɔ́lə, ŋgéʼé ŋgâ: «Pɔŋ pɔ́ŋ ghaŋáfaʼ Mboʼmvé wɛ́ a kpaʼ pépéé nɛ́, pɔ́b ncʉ́rɛ mɛndɔ́b ndzǔne nɛ́ ne puŋ.» 18Mɔ́ŋ məŋgʉ́yé wéré zhyɛ́ néré ne zhyémve zááme kaʼatɛ ŋgyé Pɔ́lə zúʼú. Á sěd mbəb yé ntsɔ́ pwó zhʉyɛ́ kəpɔŋ wéré ŋgâ: «Mə nsó nɛ́ pwó ne tíí Yěsô Kristo, twɔ́ mbəb məŋgʉ́yé wɔ̂ŋ!» Kpaʼ ŋkhoʼyéré, zhʉye kəpɔŋ wéré ke ntwɔ́ɔ́ néré. 19Ŋkhoʼyɛ́ pɔŋ pɛ́ a kɛ faʼa ne pɔ́b nɛ́, kɛ zhʉ́ ŋgâ mɛndɔ́b mbób yɔ́b nǎŋme nɛ́, pɔ́b gbáá Pɔ́lə pú Silasə ŋgú ne wɔ́b záŋ síŋ ghaŋáfíʼɛkɔ́d. 20Pɔ́b tíí wɔ́b síŋ ghaŋáfíʼɛkɔ́d pɛ́, pɛ Roma kɛ tíí nɛ́, nsó ŋgâ: «Pɔŋ pɔ́ŋ pɛ́ pɔ́b pɛ Yúda nɛ́, máʼá vaʼ nɛ́ ndzó mbɛ́lʉ́ŋ zhí. 21Pɔ́b tsé nyóʼó kpee nsěnyi yɛ́ piŋi pɛ Roma, a psyɛ́ ŋgâ piŋi zóʼ kii ŋgâ nyí ndúŋú nɛ́ pó.» 22Puzááme pɛ́ pɔ́b kɛ pɛ́ yóʼó nɛ́, ŋáá shʉyɛ́ tó Pɔ́lə pú Silasə. Ghaŋáfíʼɛkɔ́d péré nsó ŋgâ pe sɛ́ɛ́ ndzwé mbəb pɔ́b, gbíí wɔ́b ne fě. 23Ŋkhoʼyɛ́ pɔ́b kɛ gbíí wɔ́b nɛ́, pɔ́b máʼá wɔ́b ndátsáŋ, ntsɔ́ pwó ŋgaŋatsí ghaŋátsáŋ ŋgâ a ncʉ́yí ntsî wɔ́b. 24Njʉ́ a kɛ ke mbé néré nɛ́, ŋgaŋatsí ghaŋátsáŋ níŋɛ́ wɔ́b ndátsáŋ yɛ́ a kɛ zhibi kaʼatɛ nɛ́, níŋí kapoʼ ndzó kpee mɔ́b.
25Ne ywɔ̌ ghəghóʼŋgɔŋ kɛ́ʼɛ́, Pɔ́lə pú Silasə tsé ntsɛ́ʼɛ́ Mboʼmvé mbó ndzɔ́bɔnse ŋgúʼɔ wé. Pecyó ghaŋátsáŋ zóʼ. 26Fǐme nɛ́ ywoʼ vôd kaʼatɛ tsindáb ŋʉ́. Ŋkɔŋɔ pɛ ntswěndáb náá tsɔ́ʼ kpaʼ ŋkhoʼyéré, pɛ tsáŋ pwɛ kapoʼ tséé mbəb ŋkɔŋɔ ghaŋátsáŋ náá. 27Ŋkhoʼyɛ́ ŋgaŋatsítsáŋ kɛ zɛ́bɛ ne yɔ́ɔ́ nɛ́, a zhʉ́ pɛ ntswěndáb pé tsɔ́ʼme. A kpáŋ ŋgâ ghaŋátsáŋ kí náá, ndɔ́ɔ́ memíí ye ndzɔŋɔ nɔ́ʼɔ́ mbəb yé. 28Ntsʉʼmbé Pɔ́lə ghéʼ ne tʉ̌ŋ ŋgâ: «Ndɛ ŋgyɛ́ no kəpɔŋ mbəb wo, psi yóʼó náá.» 29Ŋgaŋatsí ghaŋátsáŋ psirí lámbo zǎŋazâŋa, ŋkúŋɔ ndáb, nyí mvórɔ, mvɔ́ ne kpee Pɔ́lə pú Silasə. 30Ndzáʼnéré, a túbɔ́ wɔ́b fɛ́ mvé, ntsɔ́ ne pɔ́b ŋgâ: «Ntsɛɛpɔŋ, tɛɛmbɛ mə ŋgyɛ́ɛ́ níŋ ntséʼé ndzǔne?» 31Pɔ́b pɔ́rɔ́ pwó yé ŋgâ: «Wo psyɛ́ Ntsɛɛpɔŋ Yěsô, mbǒ wo ntsɛ́ʼɛ́ ndzǔne. Wo, puŋɛ́ zyé ndáb wo.» 32Pɔ́b cʉrí Nsó Ntsɛɛpɔŋ pwó ŋgaŋatsí ghaŋátsáŋ wéré pwɛ ŋkɔŋɔ pɔŋ pɛ pɔ́b kɛ tsó ywoʼ yé náá nɛ́. 33Kpaʼ ŋkhoʼyéré ne ntʉ̌ŋ ntsúʼ wéré, ŋgaŋatsí ghaŋátsáŋ yɔ́ɔ́ wɔ́b ŋgú ne wɔ́b ŋgâ pɔ́b sǒ pɛ́rɛ́ náb pɔ́b. Kpaʼ ŋkhoʼyéré, a kpênse pwɛ yé ndǎ. 34Ŋgaŋatsí ghaŋátsáŋ wéré yɔ́ɔ́ Pɔ́lə pú Silasə pú pɔ́b kɔ́ʼɔ́ ywoʼ yé, a fɛ́ mwɔ̌zó ne pɔ́b. Pwɛ yé ndǎ yebɛ́ njʉ́ a kɛ psyɛ́ Mboʼmvé nɛ́.
35Njʉ́ mvé kɛ kee nɛ́, ghaŋáfíʼɛkɔ́d twɔ́ pɛ káŋató ŋgâ pɔ́b ghú ntsɔ́ pwó ŋgaŋatsí ghaŋátsáŋ ŋgâ: «Tee pɔŋ pékénɛ́!» 36Ŋgaŋatsí ghaŋátsáŋ ntsɔ́ pwó Pɔ́lə ŋgâ: «Ghaŋáfíʼɛkɔ́d twɔ́ ntɔ́b nɛ́ ŋgâ pe tee wúŋ. Njʉ́ a kɛ́ʼɛ́ nɛ́, puŋ twɔ́ ŋgú ne mbúru!» 37Ntsʉʼmbé Pɔ́lə nsó ŋgâ: «Pɔ́b gbíí ywí ndzɔ́ʼɔ́ yáʼ kii zyé fiʼɛ́ ywí, máʼá ywí ndátsáŋ, psi pɛ́ psi pɛ Roma nɛ́. A kiʼi mbó mbé ŋkhoʼyɔŋ, a po ndzɔŋɔ nyiʼá nyiʼá túbɔ́ ywí ŋkyé kɔ́? A yéré pó! Pɔ́b kʉ́yó kpaʼ ne tómbəb yɔ́b túbɔ́ ywí!» 38Pɛ káŋató péré pód ndzəb ntsɔ́ njʉ́ pɔ́b kɛ pód nɛ́. Pɔ́ɔ́ gbáá wɔ́b njʉ́ pɔ́b kɛ zóʼ ŋgâ pɔ́b pǔ Roma nɛ́. 39Pɔ́b kʉ́yó ndɔ́ŋ vɔ̌no pwó Pɔ́lə pú Silasə. Ntéé wɔ́b ntsɔ́ ne pɔ́b ŋgâ pɔ́b ŋáá mbɛ́lʉ́ŋ pɔ́b. 40Njʉ́ Pɔ́lə pú Silasə kɛ ké ntwɔ́ tsáŋ nɛ́, pɔ́b ghú ywoʼ Lítya, njʉ́ pǔkristo, ne níŋine ndzɔʼ yɔ́b. Ŋkhoʼyɛ́ pɔ́b kɛ zhyɛ́ néré nɛ́, pɔ́b ghú yɔ́b.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល