Faʼ Ghaŋántɔ́b 14
14
Pɔ́lə pú Baanabasə ghú Ikoniyɔŋ
1No yɛ́ a kɛ záʼá Aŋtyoshə nɛ́, ké mbó ŋkúŋɔ́ wɔ́b pé néré ndzó mbɛ́lʉ́ŋ Ikoniyɔŋ. Pɔ́lə pú Baanabasə ghú ndántéré pɛ Yúda, nsó Nsómboʼmvé kaʼatɛ pɛ Yúda pwɛ mbé Gerɛʼ zááme tséʼé psyɛ́ndzɔʼ. 2Ntsʉʼmbé, pɛ Yúda pɛ pɔ́b kɛ tséʼé psyɛ́ndzɔʼ nɛ́ pó, zhyɛ́ ŋgâ pɔŋ pɛ́ pɔ́b kɛ pé pɛ Yúda nɛ́ pó tiŋɛ́ pǔkristo ne mbzítíí kəpɔŋ. 3Néré, Pɔ́lə pú Baanabasə pé kyáŋa Ikoniyɔŋ pó. Kɔbɔ́ndzɔʼ yɔ́b kɛ twɔ̌ pwó Ntsɛɛpɔŋ, a pó fɛ́ tʉ̌ŋ ne pɔ́b, kɛ́ʼɛ́ ŋgâ pɔ́b záb mbwó mɔ́b mbəb pɔŋ, a zhyɛ́ pɛ kiŋi pwɛ meno shʉyédme. Ntsɛɛpɔŋ kɛ zaʼa ndúŋú, mkpê ntáŋ ŋgâ nsó foʼndzəndzoʼ ye yɛ́ pɔ́b kɛ cʉ́rɛ nɛ́, kɛ pe sísíŋ. 4Pɔŋ pɛ́ pɔ́b kɛ tsó mbɛ́lʉ́ŋ yéré nɛ́ ghób mbəb ywoʼ yípáá. Pecyó ghú ndzəb pɛ Yúda, pecyó ghú ndzəb pɛ ghaŋántɔ́b Yěsô. 5Pɔŋ pɛ́ pɔ́b kɛ pé pɛ Yúda nɛ́ pó pwɛ pɛ Yúda ŋkáá náá sɛ́ɛ́ pwɛ fɔŋ wɔ́b ŋgâ pɔ́b ndɔ́ɔ́ no ndʉʼ ŋkúŋɔ́ ghaŋántɔ́b Yěsô núŋ, mbó ntswɔ̂ wɔ́b ne ŋgɔʼ nɔ́ʼɔ́. 6Ŋkhoʼyɛ́ pɛ ghaŋántɔ́b kɛ zé yéré kpaŋató nɛ́, pɔ́b kí ŋgú ndzó pɛ mbɛ́lʉ́ŋ ndzó pɛ́rɛ́ ŋgɔŋ Likahoniya, njʉ́ mbɛ́lʉ́ŋ Listrə, Siri pwɛ ŋkɔŋɔ mbɛ́lʉ́ŋ pɛ́ a kɛ pɛ ne ŋgə́ yɔ́b náá nɛ́, ŋgíbí. 7Mbɛ njʉ́ pɔ́b kɛ pɛ́ yóʼó nɛ́, pɔ́b ke ncʉ́rɛ Ŋkəŋ Sʉ́ʼʉ cʉrí.
Pɔ́lə pɛ́d taʼ ŋkʉ́ŋʉ́ Listrə
8A kɛ pɛ ndzó mbɛ́lʉ́ŋ Listrə, taʼ ŋɔŋ pɛ́ yóʼó wɛ́ a kaa kɛ tsɛ́ ndúŋú kpee mé nɛ́ pó, mbé kɛ nyi taʼ zhyémve nɛ́ pó, ŋkyé ŋgâ a kɛ pé ŋkʉ́ŋʉ́ féré njʉ́ pé kɛ pfɛ́ wé nɛ́. 9Taʼ zhyémve yɛ́ a kɛ tsé ndzóʼó Pɔ́lə nɛ́, Pɔ́lə tíŋɛ́ wé mbebé, njʉ́ ŋgâ tɛɛmbɛ psyɛ́ndzɔʼ yé kpéé wé. 10Ntsɔ́ pwó yé ne tʉ̌ŋ ŋgâ: «Ŋǎ syé, nsénsé ŋgerɛ́ŋged ndúŋú kpee mó!» Ŋɔŋ wéré ntéd nsénsé, nyi.
11Ŋkhoʼyɛ́ pɔŋ kɛ zhʉ́ no yɛ́ Pɔ́lə kɛ ŋǎ ne ŋgyɛ̌ne nɛ́, pɔ́b nsó ne nsó Likahoniya ŋgâ: «Pɛ Mboʼmvé séd tsʉ́ʼ pumésɔŋ, ŋkʉ́yó pfúŋɔ́ piŋi!» 12Pɔ́b fú Baanabasə ne «Zəsə» mbó fú Pɔ́lə ne «Ɛɛmɛsə», ŋkyé ŋgâ a kɛ tsɔ́ yé ntsɔ pɛ́ meno. Tíí péré kɛ pé tíí pɛ Mboʼmvé pɔ́b. 13Ywoʼɔ́shʉ́ Zəsə wéré kɛ pɛ́ɛ́ ne yiŋ ndzáʼá mbɛ́lʉ́ŋ. Ŋgaŋashʉ́ Zəsə zhyɛ́ pé kʉ́yó tswěpoʼ mbɛ́lʉ́ŋ ne pɛ naʼ pɛ́ pe kɛ maʼ pɛ flawa mbəb pɔ́b nɛ́. Pwɛ pɔŋ tséʼé taʼ ntswee ne fɛ́ne taʼ shʉ́. 14Ŋkhoʼyɛ́ Pɔ́lə pú Baanabasə kɛ zóʼ yéré no nɛ́, pɔ́b sɛ́ɛ́ ndzwéfóó pɔ́b ne nyǒʼné ŋgâ pɔ́b psyɛ́ pó, kí, mbóʼ wɛ́d ŋkʉ́yó pfúŋɔ́ pɔ́b 15nsó ŋgâ: «Éee! Puŋ zhyɛ́ kɔ́ kɛ́ʼɛ́? Psi ke mbɛ zhí pe pumésɔŋ njʉ́ puŋ nɛ́! Ŋkəŋ Sʉ́ʼʉ yɛ́ psi máʼá ne puŋ nɛ́, pɛ́ɛ́ ŋgâ puŋ máʼ ŋkɔŋɔ meno pekénɛ́ a tséʼé ghebe náá nɛ́ pó, mbzyɛ́ Mboʼmvé wɛ́ a teŋé pépéé, tsetsáʼ, lepaanse pú ŋkɔŋɔ mɔ́b pɛ́ pɔ́b ndzóó náá nɛ́. 16Ŋgɛmbɛ ne Kɛ́rɛmvé pɛ́ a kɛ záʼ nɛ́, a kɛ tee mvémvé yɔ́ɔ́ wɔ́b mɛndɔ́b. 17Ntsʉʼmbé, a pe tee kii tsé ŋgyɛ́ no sʉ́ʼʉ mbəb pɔ́b pó. Ŋkyé ŋgâ a kɛ fɛ́ mbuŋ pwɛ ŋgab yɔ̌mɔ́b ne pɔ́b. Kɛ́ʼɛ́ múʼɔ wɔ́b ne mwɔ̌zó mbó ndúŋú ndzɔʼ yɔ́b ne ndebéne.» 18Mbɛ njʉ́ pɔ́b kɛ nsó néré, a kɛ tʉŋɔ́ pwó pɛ ghaŋántɔ́b ne nǎŋne wɔ́b, kaʼatɛ ŋkɔ́ŋ pɔ́b pɔ́rɔ́ mbzyɛ́ ntéé shʉ́ yɛ́ pɔ́b kɛ kpaŋ ne fɛ́ne ne tíí yɔ́b nɛ́.
19Pɛ Yúda twɔ́ Antyoshə pwɛ Ikoniyɔŋ, ŋgyɛ́ pɔŋ pɛ́ pɔ́b kɛ pɛ yóʼó nɛ́, zóʼ ntswee wɔ́b. Pe tswɔ̂ Pɔ́lə ne ŋgɔʼ, sú wé twɔ́ Níŋí mbɛ́lʉ́ŋ yéré, njʉ́ kɛ́ʼɛ́ ŋgâ a kɛ pfó. 20Ntsʉʼmbé ŋkhoʼyɛ́ pǔkristo kɛ tɛ́rɛ́ pfúŋɔ́ yé nɛ́, Pɔ́lə ŋǎ syé, mbód ndzəb mbɛ́lʉ́ŋ. Nkeemvé, pú Baanabasə ghú Dɛɛbe.
Pɔ́lə pú Baanabasə pód ndzəb Aŋtyoshə
21Ŋkhoʼyɛ́ pɔ́b kɛ ncʉ́ri Ŋkəŋ Sʉ́ʼʉ ndzó mbɛ́lʉ́ŋ yéré kaʼatɛ pǔkristo záá nɛ́, pɔ́b ghɛ́ mbɔ́rɔ́ ndzəb ké mbó ndzáʼá ne Listrə ne Ikoniyɔŋ pú Antyoshə ndzó pɛ́rɛ́ ŋgɔŋ Pisidya. 22Pɔ́b kɛ záʼá yóʼó kɛ́ʼɛ́, ne níŋine ndzɔʼ pǔkristo mbó ntsɔ́ ne pɔ́b ŋgâ pɔ́b nsé ntʉ̌ŋme ndzɔ́ʼɔ́ psyɛ́ndzɔʼ. Pɔ́b kɛ ké mbó ntsɔ́ ŋgâ: «A zɔŋɔ ŋgâ piŋi záʼá ndzɔ́ʼɔ́ pɛ ŋgəʼo zááme ŋkɔ́ŋ, mbɔ́rɔ́ ŋkúŋɔ́ ndzó Nofɔŋ Mboʼmvé.» 23Ndzó ŋkɔŋɔ pɛ́ ndáméted náá, pɔ́b kɛ ntsɔ́ʼ pɛ ghəkód ndzó, ntsɛ́ʼɛ́ Mboʼmvé, ndzɛ́ nse mbɔ́rɔ́ ntee wɔ́b pwó Ntsɛɛpɔŋ wɛ́, pɔ́b kɛ ntíí psyɛ́ndzɔʼ yɔ́b mbəb yé nɛ́.
24Néré Pɔ́lə pú Baanabasə siʼá Pisidya mbáŋá Paŋfilya, 25ncʉ́ri Nsó Mboʼmvé ndzó mbɛ́lʉ́ŋ Pɛɛzhe. Ndzáʼnéré, mviŋɛ Atalya. 26Ŋáá yóʼó, ndɔ́ɔ́ páŋ, ndɔ́ɔ́ mɛndɔ́b Antyoshə, ywoʼ yɛ́ pɔ́b kɛ ŋǎ nɛ́. Ywoʼ yɛ́ pɔ́b kɛ páŋ pé pee ntéé wɔ́b pwó Mboʼmvé, yé wɛ́ a tséʼé ndzɔʼ sʉ́ʼʉ nɛ́, pɔ́b pɔ́rɔ́ fáʼá faʼ yɛ́ pɔ́b kɛ fáʼ kɛ́ʼɛ́ nɛ́. 27Ŋkhoʼyɛ́ pɔ́b kɛ páŋ nɛ́, pɔ́b téré ŋkɔŋɔ pǔkristo náá, sə́ŋɛ́ wɔ́b ne ŋkɔŋɔ meno pɛ́ Mboʼmvé kɛ záʼá mbəb pɔ́b ŋgyɛ́, pwɛ mbziʼe njʉ́ Mboʼmvé kɛ tsɔ́ʼ mɛndɔ́b psyɛ́ndzɔʼ pwó pɔŋ pɛ́ pɔ́b kɛ pé pɛ Yúda nɛ́ pó. 28Néré, Pɔ́lə pú Baanabasə pó náʼa tsó pwɛ pǔkristo pɛ pɔ́b kɛ pɛ Aŋtyoshə, ŋkɔ́ŋ mbɔ́rɔ́ mbɔ́rɔ́ndzəb.
ទើបបានជ្រើសរើសហើយ៖
Faʼ Ghaŋántɔ́b 14: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Faʼ Ghaŋántɔ́b 14
14
Pɔ́lə pú Baanabasə ghú Ikoniyɔŋ
1No yɛ́ a kɛ záʼá Aŋtyoshə nɛ́, ké mbó ŋkúŋɔ́ wɔ́b pé néré ndzó mbɛ́lʉ́ŋ Ikoniyɔŋ. Pɔ́lə pú Baanabasə ghú ndántéré pɛ Yúda, nsó Nsómboʼmvé kaʼatɛ pɛ Yúda pwɛ mbé Gerɛʼ zááme tséʼé psyɛ́ndzɔʼ. 2Ntsʉʼmbé, pɛ Yúda pɛ pɔ́b kɛ tséʼé psyɛ́ndzɔʼ nɛ́ pó, zhyɛ́ ŋgâ pɔŋ pɛ́ pɔ́b kɛ pé pɛ Yúda nɛ́ pó tiŋɛ́ pǔkristo ne mbzítíí kəpɔŋ. 3Néré, Pɔ́lə pú Baanabasə pé kyáŋa Ikoniyɔŋ pó. Kɔbɔ́ndzɔʼ yɔ́b kɛ twɔ̌ pwó Ntsɛɛpɔŋ, a pó fɛ́ tʉ̌ŋ ne pɔ́b, kɛ́ʼɛ́ ŋgâ pɔ́b záb mbwó mɔ́b mbəb pɔŋ, a zhyɛ́ pɛ kiŋi pwɛ meno shʉyédme. Ntsɛɛpɔŋ kɛ zaʼa ndúŋú, mkpê ntáŋ ŋgâ nsó foʼndzəndzoʼ ye yɛ́ pɔ́b kɛ cʉ́rɛ nɛ́, kɛ pe sísíŋ. 4Pɔŋ pɛ́ pɔ́b kɛ tsó mbɛ́lʉ́ŋ yéré nɛ́ ghób mbəb ywoʼ yípáá. Pecyó ghú ndzəb pɛ Yúda, pecyó ghú ndzəb pɛ ghaŋántɔ́b Yěsô. 5Pɔŋ pɛ́ pɔ́b kɛ pé pɛ Yúda nɛ́ pó pwɛ pɛ Yúda ŋkáá náá sɛ́ɛ́ pwɛ fɔŋ wɔ́b ŋgâ pɔ́b ndɔ́ɔ́ no ndʉʼ ŋkúŋɔ́ ghaŋántɔ́b Yěsô núŋ, mbó ntswɔ̂ wɔ́b ne ŋgɔʼ nɔ́ʼɔ́. 6Ŋkhoʼyɛ́ pɛ ghaŋántɔ́b kɛ zé yéré kpaŋató nɛ́, pɔ́b kí ŋgú ndzó pɛ mbɛ́lʉ́ŋ ndzó pɛ́rɛ́ ŋgɔŋ Likahoniya, njʉ́ mbɛ́lʉ́ŋ Listrə, Siri pwɛ ŋkɔŋɔ mbɛ́lʉ́ŋ pɛ́ a kɛ pɛ ne ŋgə́ yɔ́b náá nɛ́, ŋgíbí. 7Mbɛ njʉ́ pɔ́b kɛ pɛ́ yóʼó nɛ́, pɔ́b ke ncʉ́rɛ Ŋkəŋ Sʉ́ʼʉ cʉrí.
Pɔ́lə pɛ́d taʼ ŋkʉ́ŋʉ́ Listrə
8A kɛ pɛ ndzó mbɛ́lʉ́ŋ Listrə, taʼ ŋɔŋ pɛ́ yóʼó wɛ́ a kaa kɛ tsɛ́ ndúŋú kpee mé nɛ́ pó, mbé kɛ nyi taʼ zhyémve nɛ́ pó, ŋkyé ŋgâ a kɛ pé ŋkʉ́ŋʉ́ féré njʉ́ pé kɛ pfɛ́ wé nɛ́. 9Taʼ zhyémve yɛ́ a kɛ tsé ndzóʼó Pɔ́lə nɛ́, Pɔ́lə tíŋɛ́ wé mbebé, njʉ́ ŋgâ tɛɛmbɛ psyɛ́ndzɔʼ yé kpéé wé. 10Ntsɔ́ pwó yé ne tʉ̌ŋ ŋgâ: «Ŋǎ syé, nsénsé ŋgerɛ́ŋged ndúŋú kpee mó!» Ŋɔŋ wéré ntéd nsénsé, nyi.
11Ŋkhoʼyɛ́ pɔŋ kɛ zhʉ́ no yɛ́ Pɔ́lə kɛ ŋǎ ne ŋgyɛ̌ne nɛ́, pɔ́b nsó ne nsó Likahoniya ŋgâ: «Pɛ Mboʼmvé séd tsʉ́ʼ pumésɔŋ, ŋkʉ́yó pfúŋɔ́ piŋi!» 12Pɔ́b fú Baanabasə ne «Zəsə» mbó fú Pɔ́lə ne «Ɛɛmɛsə», ŋkyé ŋgâ a kɛ tsɔ́ yé ntsɔ pɛ́ meno. Tíí péré kɛ pé tíí pɛ Mboʼmvé pɔ́b. 13Ywoʼɔ́shʉ́ Zəsə wéré kɛ pɛ́ɛ́ ne yiŋ ndzáʼá mbɛ́lʉ́ŋ. Ŋgaŋashʉ́ Zəsə zhyɛ́ pé kʉ́yó tswěpoʼ mbɛ́lʉ́ŋ ne pɛ naʼ pɛ́ pe kɛ maʼ pɛ flawa mbəb pɔ́b nɛ́. Pwɛ pɔŋ tséʼé taʼ ntswee ne fɛ́ne taʼ shʉ́. 14Ŋkhoʼyɛ́ Pɔ́lə pú Baanabasə kɛ zóʼ yéré no nɛ́, pɔ́b sɛ́ɛ́ ndzwéfóó pɔ́b ne nyǒʼné ŋgâ pɔ́b psyɛ́ pó, kí, mbóʼ wɛ́d ŋkʉ́yó pfúŋɔ́ pɔ́b 15nsó ŋgâ: «Éee! Puŋ zhyɛ́ kɔ́ kɛ́ʼɛ́? Psi ke mbɛ zhí pe pumésɔŋ njʉ́ puŋ nɛ́! Ŋkəŋ Sʉ́ʼʉ yɛ́ psi máʼá ne puŋ nɛ́, pɛ́ɛ́ ŋgâ puŋ máʼ ŋkɔŋɔ meno pekénɛ́ a tséʼé ghebe náá nɛ́ pó, mbzyɛ́ Mboʼmvé wɛ́ a teŋé pépéé, tsetsáʼ, lepaanse pú ŋkɔŋɔ mɔ́b pɛ́ pɔ́b ndzóó náá nɛ́. 16Ŋgɛmbɛ ne Kɛ́rɛmvé pɛ́ a kɛ záʼ nɛ́, a kɛ tee mvémvé yɔ́ɔ́ wɔ́b mɛndɔ́b. 17Ntsʉʼmbé, a pe tee kii tsé ŋgyɛ́ no sʉ́ʼʉ mbəb pɔ́b pó. Ŋkyé ŋgâ a kɛ fɛ́ mbuŋ pwɛ ŋgab yɔ̌mɔ́b ne pɔ́b. Kɛ́ʼɛ́ múʼɔ wɔ́b ne mwɔ̌zó mbó ndúŋú ndzɔʼ yɔ́b ne ndebéne.» 18Mbɛ njʉ́ pɔ́b kɛ nsó néré, a kɛ tʉŋɔ́ pwó pɛ ghaŋántɔ́b ne nǎŋne wɔ́b, kaʼatɛ ŋkɔ́ŋ pɔ́b pɔ́rɔ́ mbzyɛ́ ntéé shʉ́ yɛ́ pɔ́b kɛ kpaŋ ne fɛ́ne ne tíí yɔ́b nɛ́.
19Pɛ Yúda twɔ́ Antyoshə pwɛ Ikoniyɔŋ, ŋgyɛ́ pɔŋ pɛ́ pɔ́b kɛ pɛ yóʼó nɛ́, zóʼ ntswee wɔ́b. Pe tswɔ̂ Pɔ́lə ne ŋgɔʼ, sú wé twɔ́ Níŋí mbɛ́lʉ́ŋ yéré, njʉ́ kɛ́ʼɛ́ ŋgâ a kɛ pfó. 20Ntsʉʼmbé ŋkhoʼyɛ́ pǔkristo kɛ tɛ́rɛ́ pfúŋɔ́ yé nɛ́, Pɔ́lə ŋǎ syé, mbód ndzəb mbɛ́lʉ́ŋ. Nkeemvé, pú Baanabasə ghú Dɛɛbe.
Pɔ́lə pú Baanabasə pód ndzəb Aŋtyoshə
21Ŋkhoʼyɛ́ pɔ́b kɛ ncʉ́ri Ŋkəŋ Sʉ́ʼʉ ndzó mbɛ́lʉ́ŋ yéré kaʼatɛ pǔkristo záá nɛ́, pɔ́b ghɛ́ mbɔ́rɔ́ ndzəb ké mbó ndzáʼá ne Listrə ne Ikoniyɔŋ pú Antyoshə ndzó pɛ́rɛ́ ŋgɔŋ Pisidya. 22Pɔ́b kɛ záʼá yóʼó kɛ́ʼɛ́, ne níŋine ndzɔʼ pǔkristo mbó ntsɔ́ ne pɔ́b ŋgâ pɔ́b nsé ntʉ̌ŋme ndzɔ́ʼɔ́ psyɛ́ndzɔʼ. Pɔ́b kɛ ké mbó ntsɔ́ ŋgâ: «A zɔŋɔ ŋgâ piŋi záʼá ndzɔ́ʼɔ́ pɛ ŋgəʼo zááme ŋkɔ́ŋ, mbɔ́rɔ́ ŋkúŋɔ́ ndzó Nofɔŋ Mboʼmvé.» 23Ndzó ŋkɔŋɔ pɛ́ ndáméted náá, pɔ́b kɛ ntsɔ́ʼ pɛ ghəkód ndzó, ntsɛ́ʼɛ́ Mboʼmvé, ndzɛ́ nse mbɔ́rɔ́ ntee wɔ́b pwó Ntsɛɛpɔŋ wɛ́, pɔ́b kɛ ntíí psyɛ́ndzɔʼ yɔ́b mbəb yé nɛ́.
24Néré Pɔ́lə pú Baanabasə siʼá Pisidya mbáŋá Paŋfilya, 25ncʉ́ri Nsó Mboʼmvé ndzó mbɛ́lʉ́ŋ Pɛɛzhe. Ndzáʼnéré, mviŋɛ Atalya. 26Ŋáá yóʼó, ndɔ́ɔ́ páŋ, ndɔ́ɔ́ mɛndɔ́b Antyoshə, ywoʼ yɛ́ pɔ́b kɛ ŋǎ nɛ́. Ywoʼ yɛ́ pɔ́b kɛ páŋ pé pee ntéé wɔ́b pwó Mboʼmvé, yé wɛ́ a tséʼé ndzɔʼ sʉ́ʼʉ nɛ́, pɔ́b pɔ́rɔ́ fáʼá faʼ yɛ́ pɔ́b kɛ fáʼ kɛ́ʼɛ́ nɛ́. 27Ŋkhoʼyɛ́ pɔ́b kɛ páŋ nɛ́, pɔ́b téré ŋkɔŋɔ pǔkristo náá, sə́ŋɛ́ wɔ́b ne ŋkɔŋɔ meno pɛ́ Mboʼmvé kɛ záʼá mbəb pɔ́b ŋgyɛ́, pwɛ mbziʼe njʉ́ Mboʼmvé kɛ tsɔ́ʼ mɛndɔ́b psyɛ́ndzɔʼ pwó pɔŋ pɛ́ pɔ́b kɛ pé pɛ Yúda nɛ́ pó. 28Néré, Pɔ́lə pú Baanabasə pó náʼa tsó pwɛ pǔkristo pɛ pɔ́b kɛ pɛ Aŋtyoshə, ŋkɔ́ŋ mbɔ́rɔ́ mbɔ́rɔ́ndzəb.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល