1 Korɛŋto 6
6
Ŋkhoʼyɛ́ ŋɔŋ tséʼé no pú mɔ́ŋmɛ́ ye nɛ́
1Ŋkhoʼyɛ́ puŋ tséʼé no puŋɛ pɔ́ŋmɛ́ púŋ nɛ́, a zhyɛ́ kɔ́ puŋ tee ne ŋgúne núŋ siŋ pǔkristo, mbó ŋgú nuŋ pe siŋ pɛ kiizɛ́mboʼmvé ŋgâ pɔ́b fiʼɛ wuŋ? 2Puŋ zɛ́ yúŋ ŋgâ, a náʼá fiʼɛ́ pǔkristo fiʼɛ́ mvémvé pɔɔ? A pɛɛ yɛ́ a náʼá fiʼɛ́ puŋ nɛ́, a pó mbɛɛ níŋ puŋ pe kúʼɔ́ ne fǐʼne mɔ́ŋtiʼa fiʼ káʼa pɔɔ? 3Puŋ zɛ́ yúŋ ŋgâ piŋi náʼá fiʼɛ́ pɛ aŋgere pɔɔ? Tɛ ŋ kɛ yikɔ ne meno mvé yɔŋ? 4Ŋkhoʼyɛ́ puŋ tséʼé fiʼ njʉ́ yekénɛ́ nɛ́, a zhyɛ́ kɔ́ ghaŋásábáfiʼ pɛ puŋ taʼ nɛ́, pɛɛ pɔŋ pɛ́ pɔ́b tséʼé cyó ghebe siŋi ndáméted nɛ́ pɔɔ? 5Me tsɔ́ kɛ́ʼɛ́ ŋgâ pfɔ́shʉ́ŋ gbáá wuŋ! Ŋɔŋ ndzɔ́ʼɔ́ puŋ, ntséʼe zé ne sǎbne fiʼ pɔ́ŋmɛ́ tsetsɛrɛ puŋ pɔ́ɔ? 6Kaʼatɛ taʼ mɔ́ŋmɛ́ tséʼé fiʼ pú cyó, ŋgú ntsɛ́ síŋ pɛ kiizɛ́mboʼmvé! 7Mbɛ, a kɛ pe taʼ pfɔ́shʉ́ŋ ŋgâ fiʼ pɛ́ tsetsɛrɛ puŋ. A zhyɛ́ kɔ́ tɛɛmbɛ ŋɔŋ pe maʼ ŋgɔʼ ndzó ndɔŋ ye pɔɔ? A zhyɛ́ kɔ́ tɛɛmbɛ pe pé yɔ́ɔ́ ywɔ̌ yuŋ, puŋ wáŋ, ntee pɔɔ? 8Ntsʉʼmbé, a pó sháŋa puŋ mbəb pɔ́ŋmɛ́ puŋ, mbó mgbaa pɔŋ kpee mɔ́b pɔ́b! Ntsuʼŋgɛmbɛ pɔ́b pé pɔ́ŋmɛ́ puŋ. 9Pǔŋ zé ŋgâ pɔŋ pɛ́ pɔ́b shaŋa mbəb pɔŋ nɛ́, náʼá ŋkúŋɔ́ ndzó Nofɔŋ Mboʼmvé pɔɔ? Kii puŋ ndɛ shʉyɛ́ mbəb yuŋ! Ghaŋá zhyɛ́ menoghoʼótó, ghaŋáŋguʼɔzáʼá, ghaŋá pubɔ́ndáá, mbzíŋi pɛ́ pɔ́b zhyɛ́ njʉ́ pěŋgyé nɛ́, pwɛ mbziŋi pɛ́ pɔ́b nu ne pɔ́ŋmbzíŋi nɛ́ 10gháŋagháŋ, pɛ gbǎmkpéé, pɛ mbɛ́ɛ́yoʼ, ghaŋá zhyɛ́ pégháá, ghaŋ kɛrɛ mɔ́b, ŋkɔŋɔ wɔ́b náá náʼ ŋkúŋɔ́ ndzó Nofɔŋ Mboʼmvé pó. 11Yékénɛ́ yɔ́b yɛ́ nɛ́ pecyó pɔŋ ndzɔ́ʼɔ́ puŋ kɛ pe nɛ́. Ntsʉʼmbé, Mboʼmvé kɛ sǒ wúŋ, ŋgyɛ́ puŋ tsʉʼ pupé. Mboʼmvé yáá ne tíí Ntsɛɛpɔŋ Yěsô Kristo pú Zhʉye yáŋme, ndiŋɛ́ wuŋ njʉ́ puŋgerɛ́ŋged nɛ́.
Tɛɛmbɛ mə ŋgyɛ́ ŋkɔŋɔ yɔ́b náá?
12Pecyó pɔŋ ndzɔ́ʼɔ́ puŋ tsɔ́ ŋgâ: «Tɛɛmbɛ mə ŋgyɛ́ ŋkɔŋɔ yɔ́b yɛ́ mə ŋkʉ́yé náá nɛ́.» A sísíŋ, ntsʉʼmbé ŋkɔŋɔ yɔ́b náá tsyɛ́ ne ŋgyɛ̌ne pó. Mo, mə ntsɔ́ ne puŋ ŋgâ: «Tɛɛmbɛ mə ŋgyɛ́ ŋkɔŋɔ yɔ́b yɛ mə ŋkʉ́yé náá nɛ́.» Ntsʉʼmbé tɛɛmbɛ mə mbé ntéé mbəb ya tsʉʼ kpaŋ pwó cyó yɔ́b pó. 13Pé zɔ mɔ́b a ghǔ pfob, pfob pó mbɛɛ ne mkpêne mwɔ̌zó, Mboʼmvé ghɛ́ náʼá mbǒ wɔ́b náá pépáá. Ntsʉʼmbé, mbəb ŋɔŋ pɛɛ ne ŋgyɛ̌ne menoghóʼotó pó, a pɛɛ pwó Ntsɛɛpɔŋ, a pó ntséʼé Ntsɛɛpɔŋ ntseʼé no ndúŋú. 14Ntsʉʼŋgɛmbɛ Mboʼmvé, yé wɛ́ a kɛ zhʉyɛ́ Ntsɛɛpɔŋ ne vó nɛ́, ghɛ̌ náʼa ké ŋkʉ́yó njʉyɛ́ yiŋi ywoʼ ne vó, ne tʉ̌ŋ mé. 15Puŋ zé ŋgâ mbəb yúŋ ywoʼɔ́mbəb Kristo pɔɔ? Tɛɛmbɛ mə ndɔ́ɔ́ ywoʼɔ́mbəb Kristo, fɛ pwó məŋgʉ́yé wɛ́ á máʼa sakhə nɛ́? Ŋgáŋ yɛ́. Tɛɛmbɛ a naʼ mbé pe néré pó! 16Puŋ zé ŋgâ ŋɔŋ wɛ́ pú sakhə tə̌b nɛ́, tsʉ́ʼɔ ndaʼ taʼ ŋɔŋ pɔɔ? ŋkyé ŋgâ a ŋwéʼeme ŋgâ: «Pɔŋ pépáá péré tsʉʼɔ́ ndaʼ taʼ ŋɔŋ.» 17Ntsʉʼmbé ŋɔŋ wɛ́ pú Ntsɛɛpɔŋ tə̌b nɛ́, pú ye kaa náá tsɛ́ʼɛ́ taʼ Zhʉye. 18Puŋ kí menoghóʼotó. Ŋkyé ŋgâ ŋkɔŋɔ kəpɔŋ yɛ́ ŋɔŋ zhyɛ́ náá nɛ́, pɛɛ mbəb yé pó. Ntsʉʼmbé ŋɔŋ wɛ́ a zhyɛ́ menoghóʼotó nɛ́, zhyɛ́ kəpɔŋ pé mbəb tómbəb yé. 19Puŋ zé ŋgâ mbəb yuŋ ndáb Zhʉye Yáŋme yɛ́ a twɔ́ pwó Mboʼmvé, mbɛ mbəb puŋ nɛ́ pɔɔ? A pó nɛ́ mbé tséʼé puŋ tséʼé mbəb yuŋ pó! 20Taʼ ŋɔŋ kɛ péé nɛ́ ne kpêne tó yúŋ. Á mbəb yuŋ zhyɛ́ no yɛ nɛ́, a ŋgúʼɔ Mboʼmvé nɛ́.
ទើបបានជ្រើសរើសហើយ៖
1 Korɛŋto 6: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល