1 Korɛŋto 4
4
Ŋgaŋantɔ́b Kristo
1A zɔŋɔ nɛ́ ŋgâ puŋ yɔ́ɔ́ ywí, pe njʉ́ ŋgaŋafaʼ Kristo, mbó mbé pɔŋ pɛ pɔ́b tíí mii mɔ́b ndúŋú meno ŋgerɛ́ŋged ywʉ̂me pɛ́ a ne no Mboʼmvé nɛ́. 2Ntsʉʼŋgɛmbɛ néré kɛ́ʼɛ́, kpaʼ no yɛ́ pe nzwəʼɛ, pwó pɛ́ pɔ́b tíí mii mɔ́b ndúŋú mɔ́b nɛ́, pɛɛ ŋgâ pɔ́b pé ŋgerɛ́ŋged. 3Ŋgɛ khú ne mo, a zyé mbé pé cyó yɔ́b nɛ́ ne mo pó, mbé yɛ a fiʼɛ puŋ fiʼɛ ya, kii ŋgâ pumésɔŋ nɛ́. Ŋgɛmbɛ ne tómbəb ya, mə tsé mbé fíʼɛ mbəb ya nɛ́ ne tómbəb ya pó. 4Ɔ́ŋɔ́, ndzɔʼ ya ké mbé tsé fiʼ ya ne cyó yɔ́b pó. Ntsʉʼmbé, a pe nyóʼó yéré ŋgâ mə ŋgerɛ́ŋged siŋ Mboʼmvé pó. A Ntsɛɛpɔŋ mbé ŋɔŋ wɛ́ a fiʼ ya nɛ́. 5Néré kɛ́ʼɛ́, puŋ ndɛ fiʼɛ ŋɔŋ kii ŋkhoʼ kuʼu, puŋ nzwəʼɛ Ntsɛɛpɔŋ kʉ́yó ŋkɔ́ŋ. A kʉyo ŋkiʼa ye ŋkiʼa yɔ́b yɛ́ a ywʉ̂me ndzɔ́ʼɔ́ ndzə́ndzə́b náá nɛ́, mbó ntúbɔ pɛ kpaŋató pɛ́ a ndzó zyě ndzɔʼ pɔŋ nɛ́, tíí tétáá. Néré Mboʼmvé ke fɛ mé ŋɔŋ ŋgúʼune pe njʉ́ a tsyɛ nɛ́.
6Pɔ́ŋmɛ́ páá, a zhyɛ́ puŋ ŋgâ mə nsó meno pé ké nɛ́ kɛ́ʼɛ́ ne cyó mbziʼe, ŋgɛmbɛ ndɔ́ɔ́ fuʼ no pé mbəb mo, ne Apolosə kɛ́ʼɛ́ ne ntʉ́ʉ́ne tó yuŋ núŋ. Yânéré ŋgâ, puŋ yɔɔ fuʼ no mbəb psi, ndzéʼé ne fɛ́ne mbəb syé, kii pó tsé ndɔ́ɔ́ tíí ŋɔŋ ntó cyó ŋɔŋ núŋ. 7Kpaʼ yɔ́b yɛ́ wo kpáŋa ŋgâ wo tsɛɛ pecyó pɔŋ núŋ nɛ́ kɔ́? A kɔ yɛ́ wo tséʼé kii a fɛ́ Mboʼmvé pwó wo nɛ́? Mbó mbé yɛ́ wo tséʼé nɛ́, wo pó ŋɛ́ʼɛ núŋ pe njʉ kii a fɛ́ Mboʼmvé pwó nɛ́ pó, pe ne kɔ́? 8Puŋ kɛ pé zódme! Puŋ kɛ pé pɛ foʼ! Puŋ kɛ pé pɛ fɔŋ ne tó puŋ, kii psi zé. Mə tsé shʉ́rɛ ŋgâ puŋ pé pɛ fɔŋ, kɛ́ʼɛ́ ŋgâ piŋi kpaʼ náá, tsé sáʼá pɔŋ! 9Ŋkyé ŋgâ mə mkpaŋ ŋgâ, piŋi pɛ́ piŋi ghaŋántɔ́b Kristo nɛ́, Mboʼmvé tíí wíŋi pe ne njʉyǐndzʉ ywoʼ ntsetserɛ pɔŋ. Piŋi pé nɛ́ siŋ pɔ́b pe njʉ pɔŋ pɛ́, pe fuŋɔ wɔ́b ŋgâ pe ke nɔ̌ʼ nɔ̂ʼ nɛ́. Pe tíí wiŋi siŋ ŋkɔŋɔ mvémvé náá, siŋ pɛ aŋgere, mbɛ siŋ pumésɔŋ, pe njʉ́ taʼ yɔ́b yɛ́ pe zhʉ zhʉ nɛ́. 10Pe tiŋɛ́ wíŋi pe njʉ pɛ mbɛ́ɛ́ nɛ́, ŋkyé Kristo. Ntsʉʼmbé, ŋgɛ khú ne puŋ, puŋ ghaŋázé ŋkyé ŋgâ puŋɛ Kristo tə̌b mbé taʼ ye. Pe tiŋɛ́ ywí pe njʉ́ pupɔ́dme nɛ́, ntsʉʼmbé puŋ tséʼé tʉ̌ŋ, pe fɛ ŋgúʼune ne puŋ, mbó cóʼo zhí ywoʼ. 11A ghɛmbɛ ne ŋkhoʼyɔŋ, ndzyé tsé ndzî wíŋi, ywʉ wíŋi zwɔ̂, piŋi pe tsiŋí, pe záá wíŋi ne ŋgəʼo, piŋi kɛrɛ ŋgʉywʉ, 12piŋi pó zhʉʉ ŋgəʼo ŋkɔŋ mbɔ́rɔ́ tsɛ́ʼɛ́ ywɔ̌zó. Pe tó wíŋi, piŋi níŋ ɛ yiŋi pe mbúru. Pe záá wíŋi ne ŋgəʼo, piŋi ghurɔ ghurɔ. 13Pé tsɔ̂ ndzəb yiŋi, piŋi ke mbɔ́rɔ́ ne suuywʉye. Kaʼatɛ mbáŋa ŋkhoʼyɔŋ, piŋi siŋ pɔŋ, mbɛɛ pɛ méŋaʼ, mbɛɛ pɛ ywoʼɔ́ndzəndzoʼ.
Nsó Pɔ́lə pwó pɔ́ŋ pe pé tʉŋɔndɔŋ
14Mə ŋwɛʼɛ yékénɛ́ no ne puŋ, pe ne mǎʼne pfɔshʉŋ mbəb puŋ pó. Ntsʉʼ mbɛɛ ne ntʉ́ʉ́ne tó yuŋ, njʉ́ pɔ́ŋ páá pɛ́ mə ŋkʉ́yé kaʼatɛ nɛ́. 15Mbɛ mbé yɛ́ puŋ ŋkʉyo tsɛ́ʼɛ́ vwɔ́ ŋkáb tsyáŋa ndzɔ́ʼɔ́ tsómvé yuŋ ye Kristo nɛ́, puŋ zé nɛ́ ŋgâ, puŋ ke tsɛ́ʼɛ́ ndaʼ taʼ tɛd. A mo mbé ŋɔŋ wɛ́, Ŋkəŋ sʉ́ʼʉ kɛ zhyɛ́, mə mvɛ́ wúŋ ne tíí Yěsô Kristo nɛ́. 16Mə mbóʼómbwó nɛ́ ne puŋ, ŋgâ puŋ yɛ́ɛ́kpee ya. 17A kɛ zhyɛ́ yéré nɛ́ mə twɔ́ Timoté ne puŋ, Mɔ́ŋ ya wɛ́ mə ŋkʉ́yé kaʼatɛ, a pó mbé ŋgerɛ́ŋged siŋ Ntsɛɛpɔŋ nɛ́, kɛ́ʼɛ́ ne fûne tó yúŋ ndúŋú kpênsenyi ya, ndzɔ́ʼɔ́ tsómvé ya ye Kristo, mbziʼe njʉ́ mə kɛ ke nyóʼo ndzó ŋkɔŋɔ yáʼméted náá, ndzó ŋkɔŋɔ ywoʼ náá nɛ́. 18Mbziʼe njʉ́ pecyó pɔŋ kɛ nu sye, njʉ́ ŋgâ mə naʼ mbó ŋkʉ́yó yóʼó puŋ ŋkʉ́rʉ́ nɛ́ pó, pɔ́b ntsʉʼ ŋkhoʼyɔŋ ŋéʼene gháʼmbwó mɔ́b. 19Ntsʉʼmbé, mə kyáŋá mbɔ́rɔ́ ŋkʉyo yóʼó puŋ, mbéyɛ́ Ntsɛɛpɔŋ psyɛ́ nɛ́. Mbe pɛɛ ne ndzéne nsó pɛ kamboʼ fááteŋe péré pó, ntsʉmbɛ ne ndzéne ŋgyɛ̌no yɔ́b. 20Ŋkyé ŋgâ no Fɔŋ Mboʼmvé pɛɛ ne nsó pó, a pɛɛ ŋgyɛ̌no ŋɔŋ. 21Puŋ kʉ́yé yuŋ pe kɔ́? Ŋgâ mə ŋkʉyo pfúŋɔ́ puŋ pe ne mgbaa, kii pe ne kəŋe pwɛ ndzɔʼ purúme?
ទើបបានជ្រើសរើសហើយ៖
1 Korɛŋto 4: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Korɛŋto 4
4
Ŋgaŋantɔ́b Kristo
1A zɔŋɔ nɛ́ ŋgâ puŋ yɔ́ɔ́ ywí, pe njʉ́ ŋgaŋafaʼ Kristo, mbó mbé pɔŋ pɛ pɔ́b tíí mii mɔ́b ndúŋú meno ŋgerɛ́ŋged ywʉ̂me pɛ́ a ne no Mboʼmvé nɛ́. 2Ntsʉʼŋgɛmbɛ néré kɛ́ʼɛ́, kpaʼ no yɛ́ pe nzwəʼɛ, pwó pɛ́ pɔ́b tíí mii mɔ́b ndúŋú mɔ́b nɛ́, pɛɛ ŋgâ pɔ́b pé ŋgerɛ́ŋged. 3Ŋgɛ khú ne mo, a zyé mbé pé cyó yɔ́b nɛ́ ne mo pó, mbé yɛ a fiʼɛ puŋ fiʼɛ ya, kii ŋgâ pumésɔŋ nɛ́. Ŋgɛmbɛ ne tómbəb ya, mə tsé mbé fíʼɛ mbəb ya nɛ́ ne tómbəb ya pó. 4Ɔ́ŋɔ́, ndzɔʼ ya ké mbé tsé fiʼ ya ne cyó yɔ́b pó. Ntsʉʼmbé, a pe nyóʼó yéré ŋgâ mə ŋgerɛ́ŋged siŋ Mboʼmvé pó. A Ntsɛɛpɔŋ mbé ŋɔŋ wɛ́ a fiʼ ya nɛ́. 5Néré kɛ́ʼɛ́, puŋ ndɛ fiʼɛ ŋɔŋ kii ŋkhoʼ kuʼu, puŋ nzwəʼɛ Ntsɛɛpɔŋ kʉ́yó ŋkɔ́ŋ. A kʉyo ŋkiʼa ye ŋkiʼa yɔ́b yɛ́ a ywʉ̂me ndzɔ́ʼɔ́ ndzə́ndzə́b náá nɛ́, mbó ntúbɔ pɛ kpaŋató pɛ́ a ndzó zyě ndzɔʼ pɔŋ nɛ́, tíí tétáá. Néré Mboʼmvé ke fɛ mé ŋɔŋ ŋgúʼune pe njʉ́ a tsyɛ nɛ́.
6Pɔ́ŋmɛ́ páá, a zhyɛ́ puŋ ŋgâ mə nsó meno pé ké nɛ́ kɛ́ʼɛ́ ne cyó mbziʼe, ŋgɛmbɛ ndɔ́ɔ́ fuʼ no pé mbəb mo, ne Apolosə kɛ́ʼɛ́ ne ntʉ́ʉ́ne tó yuŋ núŋ. Yânéré ŋgâ, puŋ yɔɔ fuʼ no mbəb psi, ndzéʼé ne fɛ́ne mbəb syé, kii pó tsé ndɔ́ɔ́ tíí ŋɔŋ ntó cyó ŋɔŋ núŋ. 7Kpaʼ yɔ́b yɛ́ wo kpáŋa ŋgâ wo tsɛɛ pecyó pɔŋ núŋ nɛ́ kɔ́? A kɔ yɛ́ wo tséʼé kii a fɛ́ Mboʼmvé pwó wo nɛ́? Mbó mbé yɛ́ wo tséʼé nɛ́, wo pó ŋɛ́ʼɛ núŋ pe njʉ kii a fɛ́ Mboʼmvé pwó nɛ́ pó, pe ne kɔ́? 8Puŋ kɛ pé zódme! Puŋ kɛ pé pɛ foʼ! Puŋ kɛ pé pɛ fɔŋ ne tó puŋ, kii psi zé. Mə tsé shʉ́rɛ ŋgâ puŋ pé pɛ fɔŋ, kɛ́ʼɛ́ ŋgâ piŋi kpaʼ náá, tsé sáʼá pɔŋ! 9Ŋkyé ŋgâ mə mkpaŋ ŋgâ, piŋi pɛ́ piŋi ghaŋántɔ́b Kristo nɛ́, Mboʼmvé tíí wíŋi pe ne njʉyǐndzʉ ywoʼ ntsetserɛ pɔŋ. Piŋi pé nɛ́ siŋ pɔ́b pe njʉ pɔŋ pɛ́, pe fuŋɔ wɔ́b ŋgâ pe ke nɔ̌ʼ nɔ̂ʼ nɛ́. Pe tíí wiŋi siŋ ŋkɔŋɔ mvémvé náá, siŋ pɛ aŋgere, mbɛ siŋ pumésɔŋ, pe njʉ́ taʼ yɔ́b yɛ́ pe zhʉ zhʉ nɛ́. 10Pe tiŋɛ́ wíŋi pe njʉ pɛ mbɛ́ɛ́ nɛ́, ŋkyé Kristo. Ntsʉʼmbé, ŋgɛ khú ne puŋ, puŋ ghaŋázé ŋkyé ŋgâ puŋɛ Kristo tə̌b mbé taʼ ye. Pe tiŋɛ́ ywí pe njʉ́ pupɔ́dme nɛ́, ntsʉʼmbé puŋ tséʼé tʉ̌ŋ, pe fɛ ŋgúʼune ne puŋ, mbó cóʼo zhí ywoʼ. 11A ghɛmbɛ ne ŋkhoʼyɔŋ, ndzyé tsé ndzî wíŋi, ywʉ wíŋi zwɔ̂, piŋi pe tsiŋí, pe záá wíŋi ne ŋgəʼo, piŋi kɛrɛ ŋgʉywʉ, 12piŋi pó zhʉʉ ŋgəʼo ŋkɔŋ mbɔ́rɔ́ tsɛ́ʼɛ́ ywɔ̌zó. Pe tó wíŋi, piŋi níŋ ɛ yiŋi pe mbúru. Pe záá wíŋi ne ŋgəʼo, piŋi ghurɔ ghurɔ. 13Pé tsɔ̂ ndzəb yiŋi, piŋi ke mbɔ́rɔ́ ne suuywʉye. Kaʼatɛ mbáŋa ŋkhoʼyɔŋ, piŋi siŋ pɔŋ, mbɛɛ pɛ méŋaʼ, mbɛɛ pɛ ywoʼɔ́ndzəndzoʼ.
Nsó Pɔ́lə pwó pɔ́ŋ pe pé tʉŋɔndɔŋ
14Mə ŋwɛʼɛ yékénɛ́ no ne puŋ, pe ne mǎʼne pfɔshʉŋ mbəb puŋ pó. Ntsʉʼ mbɛɛ ne ntʉ́ʉ́ne tó yuŋ, njʉ́ pɔ́ŋ páá pɛ́ mə ŋkʉ́yé kaʼatɛ nɛ́. 15Mbɛ mbé yɛ́ puŋ ŋkʉyo tsɛ́ʼɛ́ vwɔ́ ŋkáb tsyáŋa ndzɔ́ʼɔ́ tsómvé yuŋ ye Kristo nɛ́, puŋ zé nɛ́ ŋgâ, puŋ ke tsɛ́ʼɛ́ ndaʼ taʼ tɛd. A mo mbé ŋɔŋ wɛ́, Ŋkəŋ sʉ́ʼʉ kɛ zhyɛ́, mə mvɛ́ wúŋ ne tíí Yěsô Kristo nɛ́. 16Mə mbóʼómbwó nɛ́ ne puŋ, ŋgâ puŋ yɛ́ɛ́kpee ya. 17A kɛ zhyɛ́ yéré nɛ́ mə twɔ́ Timoté ne puŋ, Mɔ́ŋ ya wɛ́ mə ŋkʉ́yé kaʼatɛ, a pó mbé ŋgerɛ́ŋged siŋ Ntsɛɛpɔŋ nɛ́, kɛ́ʼɛ́ ne fûne tó yúŋ ndúŋú kpênsenyi ya, ndzɔ́ʼɔ́ tsómvé ya ye Kristo, mbziʼe njʉ́ mə kɛ ke nyóʼo ndzó ŋkɔŋɔ yáʼméted náá, ndzó ŋkɔŋɔ ywoʼ náá nɛ́. 18Mbziʼe njʉ́ pecyó pɔŋ kɛ nu sye, njʉ́ ŋgâ mə naʼ mbó ŋkʉ́yó yóʼó puŋ ŋkʉ́rʉ́ nɛ́ pó, pɔ́b ntsʉʼ ŋkhoʼyɔŋ ŋéʼene gháʼmbwó mɔ́b. 19Ntsʉʼmbé, mə kyáŋá mbɔ́rɔ́ ŋkʉyo yóʼó puŋ, mbéyɛ́ Ntsɛɛpɔŋ psyɛ́ nɛ́. Mbe pɛɛ ne ndzéne nsó pɛ kamboʼ fááteŋe péré pó, ntsʉmbɛ ne ndzéne ŋgyɛ̌no yɔ́b. 20Ŋkyé ŋgâ no Fɔŋ Mboʼmvé pɛɛ ne nsó pó, a pɛɛ ŋgyɛ̌no ŋɔŋ. 21Puŋ kʉ́yé yuŋ pe kɔ́? Ŋgâ mə ŋkʉyo pfúŋɔ́ puŋ pe ne mgbaa, kii pe ne kəŋe pwɛ ndzɔʼ purúme?
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល