1 Korɛŋto 3
3
Faʼ ghaŋátsɔ́kpaŋató Mboʼmvé ndáméted
1Ŋgɛ khú ne mo kɛ pɔ́ŋmɛ́ páá, mə kɛ pe kúʼɔ́ ne ntsóne no ne puŋ njʉ́, pé ndɛ tsɔ́ pwó pɔŋ pɛ́ pɔ́b tséʼé Zhʉye Mboʼmvé nɛ́, pó. Ntsʉʼmbé, mə kɛ pó tsɔ́ɔ́ njʉ́ pe ndɛ ntsɔ́ pwó pɔŋ pɛ́, a tsyaŋa ndzǎmbəb yɔ́b tsyaŋa wɔ́b nɛ́, njʉ́ pe ndɛ ntsɔ́ pwó pɔŋmbɔd pɛ́, pɔ́b ke kɛ psyɛ Kristo psyɛ́ nɛ́. 2Ntʉ́ʉ́ yɛ́ mə kɛ fɛ́ ne puŋ nɛ́, kɛ púrɔ njʉ́ púŋ nɛ́. Ŋkyé ŋgâ, a kɛ ghɛmbɛ psyɛ́ndzɔʼ yúŋ pe kɛ tʉŋɔ́ njʉ́, tɛɛmbɛ mə fɛ ntʉ́ʉ́ yɛ́ a pɛɛ njʉ́ mwɔ̌zó ntʉ̌ŋme nɛ́, ne puŋ pó. A kɛ ghɛmbɛ, tɛɛmbɛ puŋ pe kúʼɔ́ ndúŋú pó. Mbɛ ndzebé puŋ ké mbé kúʼɔ́ ndúŋú pó. 3Ŋkyé ŋgâ puŋ kɛ kɛrɛ pɔŋ pɛ́, a ke tsyáŋa ndzǎmbəb yɔ́b tsyáŋa wɔ́b nɛ́, mbziʼe njʉ́ pɛ sháŋá pwɛ pɛ mɛʼɛntswee tsetsɛrɛ puŋ nɛ́. A ké mbé tsyáŋa ndzǎmbəb yuŋ nɛ́ tsyáŋa wuŋ pɔɔ? Ké mbé zhyɛ́ no pé njʉ́ pumésɔŋ zhyɛ́ nɛ́ pɔɔ? 4Ŋkhoʼyɛ́ cyó ŋɔŋ tsɔ́ ŋgâ: «Mo, a psi Pɔ́lə» cyó gháá: «Mo, a psi Apolosə» nɛ́, puŋ pe zhyɛ́ njʉ́ pecyó pumésɔŋ zhyɛ́ yɔ́b nɛ́ pɔɔ?
5Apolosə wɔ̂? Pɔ́lə pé wɔ̂? Ŋgâ á ghaŋáfaʼ pɛ́ pɔ́b kɛ zhyɛ́ puŋ tséʼé psyɛ́ndzɔʼ nɛ́? Mbɛwɔ̂ ndzɔ́ʼɔ́ pɔ́b ke faʼá ne yé fɛ yɛ́, Ntsɛɛpɔŋ fɛ́ pwó yé nɛ́. 6Mo Pɔ́lə, mə kɛ pfě, Apolosə pfed nse ndúŋú, ntsʉʼmbé, a zhyɛ́ Mboʼmvé, a ghóʼo. 7Néré kɛ́ʼɛ́, ŋɔŋ wɛ́ a pfɛ nɛ́ cyó yɔ́b pó, wɛ́ a pferɛ nse ndúŋú nɛ́ ké mbé pé cyó yɔ́b pó. A ndaʼ Mboʼmvé wɛ́ a zhyɛ́ a ghóʼo nɛ́, mbé yɔ́b. 8Ŋɔŋ wɛ́ a pfɛ nɛ́, pú wɛ́ a pférɛ nsə ndúŋú nɛ́, kaa náá mbɛɛ taʼ ye. Mbɛwɔ̂ náʼá ke tsɛ́ʼɛ́ tsɔʼɔfaʼ yé, pé ne mbziʼe faʼ yɛ́ a kɛ fáʼ nɛ́. 9Ŋkyé ŋgâ, piŋi ŋkáá náá faʼá faʼ Mboʼmvé. Puŋ pé nɛ́ pe njʉ́ faʼ yɛ́ Mboʼmvé núŋu nɛ́, mbó mbé nɛ́ pe njʉ́ ndáb yé yɛ́ a kwód nɛ́. 10Foʼndzəndzoʼ yɛ́ Mboʼmvé fɛ́ ne mo nɛ́, zhyɛ́ mə máʼ tsindáb, njʉ́ ndáá tɛdfaʼ ndzab ndáb ndɛ ŋgyɛ nɛ́. Cyó ŋɔŋ pó ndzab a ye ŋkɔʼɔ, n ntsʉ́ʼmbé a zɔŋɔ ŋgâ Mbɛwɔ̂ zhyáŋá ne mbziʼe yɛ́ a ndzab á ye nɛ́. 11Ŋgɛ khú ne tsindáb, tɛɛmbɛ ŋɔŋ pó mbé máʼ cyó, fáá yɛ́ a pě mbɛ yóʼó nɛ́ pó. Tsindáb yéré, a Yěsô Kristo. 12Pecyó pɔŋ maʼá ne tʉŋɔ́paŋ, pecyó maʼá ne tʉ́ŋɔ́ yɛ́ pe fú ne mbób nɛ́, pecyó ŋkʉ́rʉ́ maʼá ne pɛ ŋgɔʼ sʉ́ʼʉ, pecyó nʉʉ ne nsó, ne pfíŋ kii ŋgâ ne cyó mbziʼe gháŋ. 13Pe ŋkʉ́yó njʉ́ faʼ Mbɛwɔ̂. Zhyémve njʉyǐndzəb yéré náʼá mbó wé. Pe náʼá ndzɛ́ zhyémve yéré pe ne mɔ́ɔ́ wɛ́ a náʼá mkpii nɛ́. Faʼ Mbɛwɔ̂ náʼá ndzáʼá ndzɔ́ʼɔ́ mɔ́ɔ́ wéré, pe njʉ́. 14Ŋɔŋ wɛ́, faʼ ye ŋkʉyo nzú pwó mɔ́ɔ́ wéré nɛ́, náʼá ntsɛ́ʼɛ péé. 15Ŋɔŋ wɛ́ mɔ́ɔ́ náʼá mkpii faʼ yé nɛ́, a náʼá tséʼé péé pó. Ŋgɛ́ ŋkhú ne ŋ ŋkɔʼɔtómbəb ye, a náʼá ndzú, ntsʉʼmbɛ njʉ ŋɔŋ ndɛ ndzú pwó mɔ́ɔ́ nɛ́.
16Ŋgâ puŋ zé ŋgâ puŋ ndáb Mboʼmvé pɔɔ? Zhʉye Mboʼmvé pó tsóó mbəb puŋ pɔɔ? 17A pɛ́ɛ́ yɛ́ ŋɔŋ ŋʉʼí ndáb Mboʼmvé nɛ́, mbǒ Mboʼmvé ŋʉʼɛ ye ywoʼ. Ŋkyé ŋgâ ndáb Mboʼmvé yáŋme, ndáb yéré, á pé puŋ.
18Kii ŋɔŋ ndɛ shʉyɛ́ mbəb ye! A pɛ́ɛ́ yɛ́ ŋɔŋ tsetsɛrɛ puŋ, mkpáŋa ŋgâ a tséʼé zé njʉ pumve yɔŋ nɛ́, mbǒ a zɔŋɔ ŋgâ a pě mbé mbɛ́ɛ́ ŋkɔŋ, mbɔ́rɔ́ tsɛ́ʼɛ́ zé. 19Zé yɛ́ a ndzó mvé yɔŋ nɛ́, pɛɛ pɛ́ɛ́ síŋ Mboʼmvé. Ŋkyé ŋgâ, a ŋweʼéme ŋgâ: «Mboʼmvé ke ndɔ̂ nsó ghaŋázé mgbaa wɔ́b núŋ.» 20A ŋweʼéme ŋkʉ́rʉ́ ŋgâ: «Ntsɛɛpɔŋ zɛ́ kpaŋató ghaŋázé, a zé ŋgâ a no ndzəndzoʼ.» 21Néré kɛ́ʼɛ́, kii ŋɔŋ ndɛ ke ndɔ́ɔ́ pumésɔŋ ŋɛ́ʼɛ núŋ. Ŋkyé ŋgâ ŋkɔŋɔ yɔ́b náá pɛɛ ne puŋ. 22Yɔ́b yéré, a Pɔ́lə, a Apolosə, a Kefasə, a mvé yɔŋ, a tsómvé, a vó, a yɔ́b yɛ́ a ndzebé nɛ́, a yɔ́b yɛ́ a ndɛ mbɛ nǐmwɔ́ nɛ́, ŋkɔŋɔ ye náá pɛɛ ne puŋ. 23Ntsʉʼmbé puŋ pɛɛ pwó Kristo, Kristo pó mbɛ pwó Mboʼmvé.
ទើបបានជ្រើសរើសហើយ៖
1 Korɛŋto 3: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Korɛŋto 3
3
Faʼ ghaŋátsɔ́kpaŋató Mboʼmvé ndáméted
1Ŋgɛ khú ne mo kɛ pɔ́ŋmɛ́ páá, mə kɛ pe kúʼɔ́ ne ntsóne no ne puŋ njʉ́, pé ndɛ tsɔ́ pwó pɔŋ pɛ́ pɔ́b tséʼé Zhʉye Mboʼmvé nɛ́, pó. Ntsʉʼmbé, mə kɛ pó tsɔ́ɔ́ njʉ́ pe ndɛ ntsɔ́ pwó pɔŋ pɛ́, a tsyaŋa ndzǎmbəb yɔ́b tsyaŋa wɔ́b nɛ́, njʉ́ pe ndɛ ntsɔ́ pwó pɔŋmbɔd pɛ́, pɔ́b ke kɛ psyɛ Kristo psyɛ́ nɛ́. 2Ntʉ́ʉ́ yɛ́ mə kɛ fɛ́ ne puŋ nɛ́, kɛ púrɔ njʉ́ púŋ nɛ́. Ŋkyé ŋgâ, a kɛ ghɛmbɛ psyɛ́ndzɔʼ yúŋ pe kɛ tʉŋɔ́ njʉ́, tɛɛmbɛ mə fɛ ntʉ́ʉ́ yɛ́ a pɛɛ njʉ́ mwɔ̌zó ntʉ̌ŋme nɛ́, ne puŋ pó. A kɛ ghɛmbɛ, tɛɛmbɛ puŋ pe kúʼɔ́ ndúŋú pó. Mbɛ ndzebé puŋ ké mbé kúʼɔ́ ndúŋú pó. 3Ŋkyé ŋgâ puŋ kɛ kɛrɛ pɔŋ pɛ́, a ke tsyáŋa ndzǎmbəb yɔ́b tsyáŋa wɔ́b nɛ́, mbziʼe njʉ́ pɛ sháŋá pwɛ pɛ mɛʼɛntswee tsetsɛrɛ puŋ nɛ́. A ké mbé tsyáŋa ndzǎmbəb yuŋ nɛ́ tsyáŋa wuŋ pɔɔ? Ké mbé zhyɛ́ no pé njʉ́ pumésɔŋ zhyɛ́ nɛ́ pɔɔ? 4Ŋkhoʼyɛ́ cyó ŋɔŋ tsɔ́ ŋgâ: «Mo, a psi Pɔ́lə» cyó gháá: «Mo, a psi Apolosə» nɛ́, puŋ pe zhyɛ́ njʉ́ pecyó pumésɔŋ zhyɛ́ yɔ́b nɛ́ pɔɔ?
5Apolosə wɔ̂? Pɔ́lə pé wɔ̂? Ŋgâ á ghaŋáfaʼ pɛ́ pɔ́b kɛ zhyɛ́ puŋ tséʼé psyɛ́ndzɔʼ nɛ́? Mbɛwɔ̂ ndzɔ́ʼɔ́ pɔ́b ke faʼá ne yé fɛ yɛ́, Ntsɛɛpɔŋ fɛ́ pwó yé nɛ́. 6Mo Pɔ́lə, mə kɛ pfě, Apolosə pfed nse ndúŋú, ntsʉʼmbé, a zhyɛ́ Mboʼmvé, a ghóʼo. 7Néré kɛ́ʼɛ́, ŋɔŋ wɛ́ a pfɛ nɛ́ cyó yɔ́b pó, wɛ́ a pferɛ nse ndúŋú nɛ́ ké mbé pé cyó yɔ́b pó. A ndaʼ Mboʼmvé wɛ́ a zhyɛ́ a ghóʼo nɛ́, mbé yɔ́b. 8Ŋɔŋ wɛ́ a pfɛ nɛ́, pú wɛ́ a pférɛ nsə ndúŋú nɛ́, kaa náá mbɛɛ taʼ ye. Mbɛwɔ̂ náʼá ke tsɛ́ʼɛ́ tsɔʼɔfaʼ yé, pé ne mbziʼe faʼ yɛ́ a kɛ fáʼ nɛ́. 9Ŋkyé ŋgâ, piŋi ŋkáá náá faʼá faʼ Mboʼmvé. Puŋ pé nɛ́ pe njʉ́ faʼ yɛ́ Mboʼmvé núŋu nɛ́, mbó mbé nɛ́ pe njʉ́ ndáb yé yɛ́ a kwód nɛ́. 10Foʼndzəndzoʼ yɛ́ Mboʼmvé fɛ́ ne mo nɛ́, zhyɛ́ mə máʼ tsindáb, njʉ́ ndáá tɛdfaʼ ndzab ndáb ndɛ ŋgyɛ nɛ́. Cyó ŋɔŋ pó ndzab a ye ŋkɔʼɔ, n ntsʉ́ʼmbé a zɔŋɔ ŋgâ Mbɛwɔ̂ zhyáŋá ne mbziʼe yɛ́ a ndzab á ye nɛ́. 11Ŋgɛ khú ne tsindáb, tɛɛmbɛ ŋɔŋ pó mbé máʼ cyó, fáá yɛ́ a pě mbɛ yóʼó nɛ́ pó. Tsindáb yéré, a Yěsô Kristo. 12Pecyó pɔŋ maʼá ne tʉŋɔ́paŋ, pecyó maʼá ne tʉ́ŋɔ́ yɛ́ pe fú ne mbób nɛ́, pecyó ŋkʉ́rʉ́ maʼá ne pɛ ŋgɔʼ sʉ́ʼʉ, pecyó nʉʉ ne nsó, ne pfíŋ kii ŋgâ ne cyó mbziʼe gháŋ. 13Pe ŋkʉ́yó njʉ́ faʼ Mbɛwɔ̂. Zhyémve njʉyǐndzəb yéré náʼá mbó wé. Pe náʼá ndzɛ́ zhyémve yéré pe ne mɔ́ɔ́ wɛ́ a náʼá mkpii nɛ́. Faʼ Mbɛwɔ̂ náʼá ndzáʼá ndzɔ́ʼɔ́ mɔ́ɔ́ wéré, pe njʉ́. 14Ŋɔŋ wɛ́, faʼ ye ŋkʉyo nzú pwó mɔ́ɔ́ wéré nɛ́, náʼá ntsɛ́ʼɛ péé. 15Ŋɔŋ wɛ́ mɔ́ɔ́ náʼá mkpii faʼ yé nɛ́, a náʼá tséʼé péé pó. Ŋgɛ́ ŋkhú ne ŋ ŋkɔʼɔtómbəb ye, a náʼá ndzú, ntsʉʼmbɛ njʉ ŋɔŋ ndɛ ndzú pwó mɔ́ɔ́ nɛ́.
16Ŋgâ puŋ zé ŋgâ puŋ ndáb Mboʼmvé pɔɔ? Zhʉye Mboʼmvé pó tsóó mbəb puŋ pɔɔ? 17A pɛ́ɛ́ yɛ́ ŋɔŋ ŋʉʼí ndáb Mboʼmvé nɛ́, mbǒ Mboʼmvé ŋʉʼɛ ye ywoʼ. Ŋkyé ŋgâ ndáb Mboʼmvé yáŋme, ndáb yéré, á pé puŋ.
18Kii ŋɔŋ ndɛ shʉyɛ́ mbəb ye! A pɛ́ɛ́ yɛ́ ŋɔŋ tsetsɛrɛ puŋ, mkpáŋa ŋgâ a tséʼé zé njʉ pumve yɔŋ nɛ́, mbǒ a zɔŋɔ ŋgâ a pě mbé mbɛ́ɛ́ ŋkɔŋ, mbɔ́rɔ́ tsɛ́ʼɛ́ zé. 19Zé yɛ́ a ndzó mvé yɔŋ nɛ́, pɛɛ pɛ́ɛ́ síŋ Mboʼmvé. Ŋkyé ŋgâ, a ŋweʼéme ŋgâ: «Mboʼmvé ke ndɔ̂ nsó ghaŋázé mgbaa wɔ́b núŋ.» 20A ŋweʼéme ŋkʉ́rʉ́ ŋgâ: «Ntsɛɛpɔŋ zɛ́ kpaŋató ghaŋázé, a zé ŋgâ a no ndzəndzoʼ.» 21Néré kɛ́ʼɛ́, kii ŋɔŋ ndɛ ke ndɔ́ɔ́ pumésɔŋ ŋɛ́ʼɛ núŋ. Ŋkyé ŋgâ ŋkɔŋɔ yɔ́b náá pɛɛ ne puŋ. 22Yɔ́b yéré, a Pɔ́lə, a Apolosə, a Kefasə, a mvé yɔŋ, a tsómvé, a vó, a yɔ́b yɛ́ a ndzebé nɛ́, a yɔ́b yɛ́ a ndɛ mbɛ nǐmwɔ́ nɛ́, ŋkɔŋɔ ye náá pɛɛ ne puŋ. 23Ntsʉʼmbé puŋ pɛɛ pwó Kristo, Kristo pó mbɛ pwó Mboʼmvé.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល