1 Korɛŋto 5
5
Meno ghóʼotó tsetsɛrɛ pǔkristo ndzó mbɛ́lʉ́ŋ Korɛŋto
1Psi zóʼ pe tsɔ́ ndzó ŋkɔŋɔ ywoʼ náá ŋgâ, taʼ ŋɔŋ ndzɔ́ʼɔ́ puŋ tsé ŋgyɛ menoghóʼotó. Mbziʼe menoghoʼótó yɛ́, pe tsé mbé zhʉ́ mbɛ́ tsetsɛrɛ pɛ kiizɛ́mboʼmvé nɛ́ ŋkɔŋɔ pó. Psi nzoʼ pe tsɔ́ ŋgâ, taʼ ŋɔŋ ndzɔ́ʼɔ́ puŋ yɔ́ɔ́ ŋgʉyé tɛd yé. 2Puŋ pó mbɛ́ ghɛ́, ŋéʼéne gháʼmbwo múŋ! Ne yɛ́ puŋ ŋgɛ ŋkhɔ́ ŋkhɔ́, kaʼatɛ ntáʼá ne tubúne wéré ŋɔŋ tsetsɛrɛ puŋ nɛ́! 3Ŋgɛmbɛ ne mo, mə tsetsɛrɛ puŋ pó, ntsʉʼmbé méziŋ ya pɛ́ tsetsɛrɛ puŋ. Mə kɛ fiʼɛ́ wéré ŋɔŋ wɛ́ a zhyɛ́ yéré zhí no nɛ́, pe njʉ́ kii mə mbɛɛ pe tsetsɛrɛ puŋ nɛ́. 4Ŋkhoʼyɛ́ puŋ tɛ́rɛ ne tíí Ntsɛɛpɔŋ Yěsô nɛ́, tʉ̌ŋ me pɛ ne puŋ. Ŋkɔʼɔtómbəb ya, mə ke mbó mbɛ́ tsetsɛrɛ puŋ pe ne méziŋ ya, 5kɛ́ʼɛ́ ŋgâ pe ŋkyé wéré zhí ŋɔŋ pwó Sátaŋ, a póó ndzǎbmbəb yé, yânéré kɛ́ʼɛ́ ŋgâ zhʉye ye tséʼé ndzǔne zhyémve yɛ́ Ntsɛɛpɔŋ náʼá ŋkʉ́yó nɛ́.
6Cyô yɔ́b yɛ́ a tsyɛ ŋgâ puŋ tsé nyóʼo mbəb nɛ́, ghú pó. Puŋ zé ŋgâ, a ke ndzɔŋɔ ndaʼ mɔ́ŋtii mvuʼ kaʼa ndzɔ́ʼɔ́ ŋgəŋ pə́bé, ŋkɔŋɔ ŋgəŋ pə́bé yéré náá kɔ́ʼ pɔɔ? 7Puŋ túbú ndzuŋ mvuʼ yɛ́ nɛ́ a tsetsɛrɛ puŋ nɛ́, khú njʉ́ ŋgəŋ pə́bé ffé nɛ́. Ŋkyé ŋgâ, mvuʼ mbəb puŋ ŋkʉ́rʉ́ pó. Ŋkyé ŋgâ Kristo, yé wɛ́ a mɔ́ŋ mvó njʉyǐnjʉyî Pasəka wíŋi nɛ́, pe kɛ fɛ wé ne shʉ́. 8Piŋi mbɔŋɔ ŋgɛ tsé ndɛ́bɛ ndebéne Pasəka nɛ́, kii piŋi ndɛ ndébé ne ndzuŋ mvuʼ, kii pó ndébé ne mvuʼ yɛ́ a fɛ pʉ́ʉ́pfob pwɛ menoghoʼótó nɛ́. Ntsʉʼmbé piŋi yɛ́bɛ ne mbré yɛ́ a tséʼé mvuʼ nɛ́ po, yɛ́ a fɛ ndáŋne pwɛ ŋgerɛ́ŋged nɛ́.
9Mə kɛrɛ ŋweʼe fɛ́ ne puŋ ŋgâ, kii puŋ ndɛ tób no pwɛ ghaŋá zhyɛ́ menoghoʼótó. 10No yɛ́ mə kɛ tsɔ́ ndzó ŋweʼe nɛ́, kɛ pe pé ŋkyé ŋkɔŋɔ pɔŋ pɛ́ pɔ́b ndzó mvé yɔŋ mbé pɛ ghaŋá zhyɛ́ menoghóʼotó, pɛ ghaŋámíí sesɛ, pɛ gháŋagháŋ, ghaŋáŋguʼɔzáʼá nɛ́, pó. A kɛ ghɛmbɛ a pɛɛ néré, mbǒ puŋ kí ntee ndúŋú tsetsáʼ. 11Ŋgáŋ! mə ŋweʼe nɛ́ ne puŋ pe ŋgâ, kii puŋ tséʼé tɔbɔ́ no puŋɛ ŋɔŋ wɛ́ a psyɛ́ tíí ŋukristo, ŋgɛmbɛ néré mbɛ́ɛ́ ghaŋá zhyɛ́ menoghoʼótó, kii ŋgâ ghaŋámíí səsɛ, kii ghaŋáŋguʼɔzáʼá, kii ghaŋápeghǎ, ghaŋápɛ́ɛ́yoʼ, gháŋagháŋ. Mbɛ puŋɛ zhí ŋɔŋ wéré ndɛ təb mwɔ̌nzó. 12A tséʼé mo ne fiʼne pɔŋ pɛ́ pɔ́b pǔkristo nɛ́ pɔɔ? Ŋgâ puŋ tsɛ́ʼɛ́ yúŋ pe ne fiʼne pǔkristo? 13Pɔŋ pɛ́ pɔ́b pǔkristo nɛ́ po, a náʼá fiʼɛ Mboʼmvé fiʼɛ wɔ́b. Ŋkyé ŋgâ Mboʼmvé tsɔ ŋgâ: «Puŋ túbú ŋukəpɔŋ tsetsɛrɛ puŋ.»
ទើបបានជ្រើសរើសហើយ៖
1 Korɛŋto 5: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Korɛŋto 5
5
Meno ghóʼotó tsetsɛrɛ pǔkristo ndzó mbɛ́lʉ́ŋ Korɛŋto
1Psi zóʼ pe tsɔ́ ndzó ŋkɔŋɔ ywoʼ náá ŋgâ, taʼ ŋɔŋ ndzɔ́ʼɔ́ puŋ tsé ŋgyɛ menoghóʼotó. Mbziʼe menoghoʼótó yɛ́, pe tsé mbé zhʉ́ mbɛ́ tsetsɛrɛ pɛ kiizɛ́mboʼmvé nɛ́ ŋkɔŋɔ pó. Psi nzoʼ pe tsɔ́ ŋgâ, taʼ ŋɔŋ ndzɔ́ʼɔ́ puŋ yɔ́ɔ́ ŋgʉyé tɛd yé. 2Puŋ pó mbɛ́ ghɛ́, ŋéʼéne gháʼmbwo múŋ! Ne yɛ́ puŋ ŋgɛ ŋkhɔ́ ŋkhɔ́, kaʼatɛ ntáʼá ne tubúne wéré ŋɔŋ tsetsɛrɛ puŋ nɛ́! 3Ŋgɛmbɛ ne mo, mə tsetsɛrɛ puŋ pó, ntsʉʼmbé méziŋ ya pɛ́ tsetsɛrɛ puŋ. Mə kɛ fiʼɛ́ wéré ŋɔŋ wɛ́ a zhyɛ́ yéré zhí no nɛ́, pe njʉ́ kii mə mbɛɛ pe tsetsɛrɛ puŋ nɛ́. 4Ŋkhoʼyɛ́ puŋ tɛ́rɛ ne tíí Ntsɛɛpɔŋ Yěsô nɛ́, tʉ̌ŋ me pɛ ne puŋ. Ŋkɔʼɔtómbəb ya, mə ke mbó mbɛ́ tsetsɛrɛ puŋ pe ne méziŋ ya, 5kɛ́ʼɛ́ ŋgâ pe ŋkyé wéré zhí ŋɔŋ pwó Sátaŋ, a póó ndzǎbmbəb yé, yânéré kɛ́ʼɛ́ ŋgâ zhʉye ye tséʼé ndzǔne zhyémve yɛ́ Ntsɛɛpɔŋ náʼá ŋkʉ́yó nɛ́.
6Cyô yɔ́b yɛ́ a tsyɛ ŋgâ puŋ tsé nyóʼo mbəb nɛ́, ghú pó. Puŋ zé ŋgâ, a ke ndzɔŋɔ ndaʼ mɔ́ŋtii mvuʼ kaʼa ndzɔ́ʼɔ́ ŋgəŋ pə́bé, ŋkɔŋɔ ŋgəŋ pə́bé yéré náá kɔ́ʼ pɔɔ? 7Puŋ túbú ndzuŋ mvuʼ yɛ́ nɛ́ a tsetsɛrɛ puŋ nɛ́, khú njʉ́ ŋgəŋ pə́bé ffé nɛ́. Ŋkyé ŋgâ, mvuʼ mbəb puŋ ŋkʉ́rʉ́ pó. Ŋkyé ŋgâ Kristo, yé wɛ́ a mɔ́ŋ mvó njʉyǐnjʉyî Pasəka wíŋi nɛ́, pe kɛ fɛ wé ne shʉ́. 8Piŋi mbɔŋɔ ŋgɛ tsé ndɛ́bɛ ndebéne Pasəka nɛ́, kii piŋi ndɛ ndébé ne ndzuŋ mvuʼ, kii pó ndébé ne mvuʼ yɛ́ a fɛ pʉ́ʉ́pfob pwɛ menoghoʼótó nɛ́. Ntsʉʼmbé piŋi yɛ́bɛ ne mbré yɛ́ a tséʼé mvuʼ nɛ́ po, yɛ́ a fɛ ndáŋne pwɛ ŋgerɛ́ŋged nɛ́.
9Mə kɛrɛ ŋweʼe fɛ́ ne puŋ ŋgâ, kii puŋ ndɛ tób no pwɛ ghaŋá zhyɛ́ menoghoʼótó. 10No yɛ́ mə kɛ tsɔ́ ndzó ŋweʼe nɛ́, kɛ pe pé ŋkyé ŋkɔŋɔ pɔŋ pɛ́ pɔ́b ndzó mvé yɔŋ mbé pɛ ghaŋá zhyɛ́ menoghóʼotó, pɛ ghaŋámíí sesɛ, pɛ gháŋagháŋ, ghaŋáŋguʼɔzáʼá nɛ́, pó. A kɛ ghɛmbɛ a pɛɛ néré, mbǒ puŋ kí ntee ndúŋú tsetsáʼ. 11Ŋgáŋ! mə ŋweʼe nɛ́ ne puŋ pe ŋgâ, kii puŋ tséʼé tɔbɔ́ no puŋɛ ŋɔŋ wɛ́ a psyɛ́ tíí ŋukristo, ŋgɛmbɛ néré mbɛ́ɛ́ ghaŋá zhyɛ́ menoghoʼótó, kii ŋgâ ghaŋámíí səsɛ, kii ghaŋáŋguʼɔzáʼá, kii ghaŋápeghǎ, ghaŋápɛ́ɛ́yoʼ, gháŋagháŋ. Mbɛ puŋɛ zhí ŋɔŋ wéré ndɛ təb mwɔ̌nzó. 12A tséʼé mo ne fiʼne pɔŋ pɛ́ pɔ́b pǔkristo nɛ́ pɔɔ? Ŋgâ puŋ tsɛ́ʼɛ́ yúŋ pe ne fiʼne pǔkristo? 13Pɔŋ pɛ́ pɔ́b pǔkristo nɛ́ po, a náʼá fiʼɛ Mboʼmvé fiʼɛ wɔ́b. Ŋkyé ŋgâ Mboʼmvé tsɔ ŋgâ: «Puŋ túbú ŋukəpɔŋ tsetsɛrɛ puŋ.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល