1 Korɛŋto 2
2
Pɔ́lə cʉ́rɛ Kristo wɛ́ pe kɛ kpíí wé ndúŋú ŋgʉŋʉ nɛ́
1Pɔ́ŋmɛ́ páá puŋ zé ŋgâ, ŋ ŋkɔʼɔtómbəb ya, ŋkhoʼyɛ́ mə kɛ kʉ́yó yóʼó pʉŋ nɛ́, mə kɛ pé cʉrí meno pɛ́ Mboʼmvé kɛ ywʉ́ nɛ́, ne puŋ, pé né nyǒʼne ŋgâ mə ndɛ ndwɛ́ɛ́ nsó kaʼatɛ, kii ŋgâ mə ntséʼe zɛ́no kaʼatɛ, pó. 2Ŋkyé ŋgâ mə kɛ cʉ̌yi ntii ŋgâ, mə ndzɛ́ cyó no tsetsɛrɛ puŋ fáá Yěsô Kristo, yé wɛ́ pe kɛ kpíí wé ndúŋú ŋgʉŋʉ nɛ́ pó. 3A kɛ zhyɛ́ yéré nɛ́, mə ŋkʉ́yó siŋ puŋ ŋgɛmbɛ mbé ŋupɔ́dme, mbó tséʼé pɔ́ɔ́ kaʼatɛ mvɔrɔ vɔrɔ. 4Ntʉ́ʉ́ yɛ́ mə kɛ fɛ́ ne puŋ, pwɛ Nsó Mboʼmvé wɛ́ mə kɛ cʉ́rɛ ne puŋ nɛ́, kɛ pé tséʼé cyó no pwɛ pɛ nsó zé pɛ́ pɔŋ tsɔ ne puŋ, ne shʉríne wuŋ nɛ́ pó. Ntsʉʼmbé, a kɛ fɛ́ Zhʉye Yáŋme fɛ́ tʉ̌ŋ ne mo, mə nyóʼ meno péré nuŋ ne puŋ. 5Kɛ́ʼɛ́ ŋgâ kii puŋ ndɛ tíí psyɛ́ndzɔʼ yúŋ pé ndúŋú zɛ́no pumésɔŋ. Ntsʉʼmbé, puŋ tíí ndúŋú tʉ̌ŋ Mboʼmvé.
Zɛ́no Mboʼmvé
6Ntsʉʼŋgɛmbɛ, a ghaŋá mbé taʼ zɛ́no, psi nyóʼo pwó pǔkristo pɛ́ pɔ́b pfɛpé nɛ́, mbé pɛɛ zé yɛ́ a twɔ́ ndzó mvé yɔŋ nɛ́ pó, kii pó mbɛ ye pɛ Sáʼmvé pɔŋ. Pɔ́b pɛ́ pɔ́b náʼá ke shʉbí shʉbí náá nɛ́. 7Psi ncʉrɛ́ zé Mboʼmvé yɛ́ a ye ywʉme, pɔŋ pe kɛ zɛ́ nɛ́ pó. Ntsʉʼŋgɛmbɛ mbǒ, Mboʼmvé kɛ ghɛ mbóʼó mvé ye, ntii ŋgâ a pé ghɛ́ɛ́ wíŋi. 8Tsyé ŋɔŋ ndzɔ́ʼɔ́ ghaŋásaʼá mvé pɔŋ, kɛ pe zɛ́ wé pó. A kɛ ghɛmbɛ pɔ́b zɛ́ wé, mbǒ pɔ́b kɛ kpíí Ntsɛɛpɔŋ ndúŋú ŋgʉŋʉ pó. Yé wɛ́ ghɛ́ɛ́ pɛɛ pwó ye nɛ́. 9Ntsʉʼmbɛ njʉ́ a ŋweʼéme ŋgâ:
«Yɔ́b yɛ́ tsye ŋɔŋ kaa kɛ zhʉ́ ne mii mé nɛ́ pó,
Yɔ́b yɛ́ tsye ŋɔŋ kaa kɛ zóʼó ne ntəŋé mé nɛ́ pó
Yɔ́b yɛ́ tsye ŋɔŋ kaa kɛ kpaŋá ne tó nɛ́ po,
Mboʼmvé tsúŋú ŋkɔŋɔ mɔ́b péré náá, pwó pɔŋ pɛ́ pɔ́b kʉyě wé nɛ́.»
10Mboʼmvé zhyɛ́ Zhʉye Yáŋme nyóʼ ŋkɔŋɔ meno ywʉme péré náá ne piŋi. Ŋkyé ŋgâ Zhʉye Yáŋme kpɛʼɛ ŋkɔŋɔ no náá, mbɛ pɛ kpaŋató Mboʼmvé pɛ́, a pɛ́ɛ́ ndáá pe ywʉ̂me pwó yé nɛ́. 11A wɔ̂ tsetsɛrɛ pumésɔŋ wɛ́, tɛɛmbɛ a zɛ́ no yɛ́ a ndzó ndzɔʼ ŋɔŋ nɛ́, fáá ndaʼ zhʉye yé wɛ́ a mbəb ye nɛ́? A ntsʉ́ŋntsʉ́ŋ nɛ́ njʉ́ cyó ŋɔŋ yóʼó ndzɛ́ kpaŋató Mboʼmvé fáá Zhʉyɛ́ Mboʼmvé nɛ́ pó. 12Ŋgɛ khú ne piŋi, Mboʼmvé kɛ pé fɛɛ zhʉye mvé yɔŋ ne piŋi pó. Ntsʉʼmbé, a kɛ fɛɛ Zhʉye wɛ́ a twɔ̌ pwó ye nɛ́, kɛ́ʼɛ́ ŋgâ piŋi kúʼɔ́ ne ndzéne fɛ pɛ́ a fɛ́ ne piŋi ndzɔ́ʼɔ́ foʼndzəndzoʼ ye nɛ́. 13Piŋi tsɔ meno péré, pe ne nsó wɛ́ zɛ́no ŋumesɔŋ fɛ nɛ́ pó. Ntsʉʼmbé, piŋi tsɔ́ yiŋi pe ne nsó wɛ́ Zhʉye Yáŋme nyóʼo wíŋi nuŋ nɛ́, keʼe meno Zhʉye pé ne nsó Zhʉye. 14Ŋɔŋ nwɔ̌tó wɛ́ a ke kpáŋa yé no pe ne tó yé ŋgyɛ́ nɛ́, a tsé mbé psyɛ́ no yɛ́ a twɔ́ pwó Zhʉye Mboʼmvé nɛ́ pó. Ŋkyé ŋgâ, a pwó ye mbɛ pɛ́ɛ́, tɛɛmbɛ a pé ndzoʼ meno péré pó, ŋkyé ŋgâ a zhyɛ́ Zhʉye Yáŋme pé nzóʼo meno péré. 15Ŋɔŋ wɛ́ a tséʼé Zhʉye Mboʼmvé nɛ́, tɛɛmbɛ a fiʼ ŋkɔŋɔ meno náá. Ntsʉʼmbé tɛɛmbɛ cyó ŋɔŋ pe fíʼɛ́ wé po, 16ŋkyé ŋgâ a ŋwéʼeme ŋgâ: «A wɔ̂ wɛ́ a zé kpaŋató Ntsɛɛpɔŋ nɛ́? A wɔ̂ wɛ́ tɛɛmbɛ a fɛ́ ntʉ́ʉ́ pwó ye nɛ́?» Ntsʉʼŋgɛmbɛ ne piŋi, piŋi tséʼé kpaŋató Kristo.
ទើបបានជ្រើសរើសហើយ៖
1 Korɛŋto 2: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Korɛŋto 2
2
Pɔ́lə cʉ́rɛ Kristo wɛ́ pe kɛ kpíí wé ndúŋú ŋgʉŋʉ nɛ́
1Pɔ́ŋmɛ́ páá puŋ zé ŋgâ, ŋ ŋkɔʼɔtómbəb ya, ŋkhoʼyɛ́ mə kɛ kʉ́yó yóʼó pʉŋ nɛ́, mə kɛ pé cʉrí meno pɛ́ Mboʼmvé kɛ ywʉ́ nɛ́, ne puŋ, pé né nyǒʼne ŋgâ mə ndɛ ndwɛ́ɛ́ nsó kaʼatɛ, kii ŋgâ mə ntséʼe zɛ́no kaʼatɛ, pó. 2Ŋkyé ŋgâ mə kɛ cʉ̌yi ntii ŋgâ, mə ndzɛ́ cyó no tsetsɛrɛ puŋ fáá Yěsô Kristo, yé wɛ́ pe kɛ kpíí wé ndúŋú ŋgʉŋʉ nɛ́ pó. 3A kɛ zhyɛ́ yéré nɛ́, mə ŋkʉ́yó siŋ puŋ ŋgɛmbɛ mbé ŋupɔ́dme, mbó tséʼé pɔ́ɔ́ kaʼatɛ mvɔrɔ vɔrɔ. 4Ntʉ́ʉ́ yɛ́ mə kɛ fɛ́ ne puŋ, pwɛ Nsó Mboʼmvé wɛ́ mə kɛ cʉ́rɛ ne puŋ nɛ́, kɛ pé tséʼé cyó no pwɛ pɛ nsó zé pɛ́ pɔŋ tsɔ ne puŋ, ne shʉríne wuŋ nɛ́ pó. Ntsʉʼmbé, a kɛ fɛ́ Zhʉye Yáŋme fɛ́ tʉ̌ŋ ne mo, mə nyóʼ meno péré nuŋ ne puŋ. 5Kɛ́ʼɛ́ ŋgâ kii puŋ ndɛ tíí psyɛ́ndzɔʼ yúŋ pé ndúŋú zɛ́no pumésɔŋ. Ntsʉʼmbé, puŋ tíí ndúŋú tʉ̌ŋ Mboʼmvé.
Zɛ́no Mboʼmvé
6Ntsʉʼŋgɛmbɛ, a ghaŋá mbé taʼ zɛ́no, psi nyóʼo pwó pǔkristo pɛ́ pɔ́b pfɛpé nɛ́, mbé pɛɛ zé yɛ́ a twɔ́ ndzó mvé yɔŋ nɛ́ pó, kii pó mbɛ ye pɛ Sáʼmvé pɔŋ. Pɔ́b pɛ́ pɔ́b náʼá ke shʉbí shʉbí náá nɛ́. 7Psi ncʉrɛ́ zé Mboʼmvé yɛ́ a ye ywʉme, pɔŋ pe kɛ zɛ́ nɛ́ pó. Ntsʉʼŋgɛmbɛ mbǒ, Mboʼmvé kɛ ghɛ mbóʼó mvé ye, ntii ŋgâ a pé ghɛ́ɛ́ wíŋi. 8Tsyé ŋɔŋ ndzɔ́ʼɔ́ ghaŋásaʼá mvé pɔŋ, kɛ pe zɛ́ wé pó. A kɛ ghɛmbɛ pɔ́b zɛ́ wé, mbǒ pɔ́b kɛ kpíí Ntsɛɛpɔŋ ndúŋú ŋgʉŋʉ pó. Yé wɛ́ ghɛ́ɛ́ pɛɛ pwó ye nɛ́. 9Ntsʉʼmbɛ njʉ́ a ŋweʼéme ŋgâ:
«Yɔ́b yɛ́ tsye ŋɔŋ kaa kɛ zhʉ́ ne mii mé nɛ́ pó,
Yɔ́b yɛ́ tsye ŋɔŋ kaa kɛ zóʼó ne ntəŋé mé nɛ́ pó
Yɔ́b yɛ́ tsye ŋɔŋ kaa kɛ kpaŋá ne tó nɛ́ po,
Mboʼmvé tsúŋú ŋkɔŋɔ mɔ́b péré náá, pwó pɔŋ pɛ́ pɔ́b kʉyě wé nɛ́.»
10Mboʼmvé zhyɛ́ Zhʉye Yáŋme nyóʼ ŋkɔŋɔ meno ywʉme péré náá ne piŋi. Ŋkyé ŋgâ Zhʉye Yáŋme kpɛʼɛ ŋkɔŋɔ no náá, mbɛ pɛ kpaŋató Mboʼmvé pɛ́, a pɛ́ɛ́ ndáá pe ywʉ̂me pwó yé nɛ́. 11A wɔ̂ tsetsɛrɛ pumésɔŋ wɛ́, tɛɛmbɛ a zɛ́ no yɛ́ a ndzó ndzɔʼ ŋɔŋ nɛ́, fáá ndaʼ zhʉye yé wɛ́ a mbəb ye nɛ́? A ntsʉ́ŋntsʉ́ŋ nɛ́ njʉ́ cyó ŋɔŋ yóʼó ndzɛ́ kpaŋató Mboʼmvé fáá Zhʉyɛ́ Mboʼmvé nɛ́ pó. 12Ŋgɛ khú ne piŋi, Mboʼmvé kɛ pé fɛɛ zhʉye mvé yɔŋ ne piŋi pó. Ntsʉʼmbé, a kɛ fɛɛ Zhʉye wɛ́ a twɔ̌ pwó ye nɛ́, kɛ́ʼɛ́ ŋgâ piŋi kúʼɔ́ ne ndzéne fɛ pɛ́ a fɛ́ ne piŋi ndzɔ́ʼɔ́ foʼndzəndzoʼ ye nɛ́. 13Piŋi tsɔ meno péré, pe ne nsó wɛ́ zɛ́no ŋumesɔŋ fɛ nɛ́ pó. Ntsʉʼmbé, piŋi tsɔ́ yiŋi pe ne nsó wɛ́ Zhʉye Yáŋme nyóʼo wíŋi nuŋ nɛ́, keʼe meno Zhʉye pé ne nsó Zhʉye. 14Ŋɔŋ nwɔ̌tó wɛ́ a ke kpáŋa yé no pe ne tó yé ŋgyɛ́ nɛ́, a tsé mbé psyɛ́ no yɛ́ a twɔ́ pwó Zhʉye Mboʼmvé nɛ́ pó. Ŋkyé ŋgâ, a pwó ye mbɛ pɛ́ɛ́, tɛɛmbɛ a pé ndzoʼ meno péré pó, ŋkyé ŋgâ a zhyɛ́ Zhʉye Yáŋme pé nzóʼo meno péré. 15Ŋɔŋ wɛ́ a tséʼé Zhʉye Mboʼmvé nɛ́, tɛɛmbɛ a fiʼ ŋkɔŋɔ meno náá. Ntsʉʼmbé tɛɛmbɛ cyó ŋɔŋ pe fíʼɛ́ wé po, 16ŋkyé ŋgâ a ŋwéʼeme ŋgâ: «A wɔ̂ wɛ́ a zé kpaŋató Ntsɛɛpɔŋ nɛ́? A wɔ̂ wɛ́ tɛɛmbɛ a fɛ́ ntʉ́ʉ́ pwó ye nɛ́?» Ntsʉʼŋgɛmbɛ ne piŋi, piŋi tséʼé kpaŋató Kristo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល