1 Korɛŋto 1
1
Pɔ́lə fɛ́ tséʼé pwó ndáméted yɛ́ á Korɛŋto nɛ́
1A mo Pɔ́lə wɛ́ Mboʼmvé kɛ fú ne ŋkʉyěne mé, nné mbéne ŋgaŋantɔ́b Yěsô Kristo nɛ́, pú Sosətɛne mɔ́ŋmɛ́, ŋwɛʼɛ, 2pwó ndáméted Mboʼmvé yɛ́ a ndzó mbɛ́lʉ́ŋ Korɛŋto nɛ́, a pwó pɔŋ pɛ́ Yěsô Kristo kɛ zhyɛ́, pɔ́b tsʉ́ʼ pú Mboʼmvé nɛ́. Puŋ pɛ́ Mboʼmvé kɛ fú wuŋ ŋgâ puŋ tsúʼ púpé, pwɛ ŋkɔŋɔ pɔŋ pɛ́ pɔ́b fú Ntsɛɛpɔŋ wíŋi Yěsô Kristo, ndzó ŋkɔŋɔ ywoʼ náá nɛ́. Yé wɛ́ a ghɛmbɛ Ntsɛɛpɔŋ wɔ́b ké mbó mbé Ntsɛɛpɔŋ wíŋi nɛ́. 3A Foʼndzəndzoʼ ne mbúru twɔ́ pwó Mboʼmvé, yé wɛ́ á Tɛd wíŋi nɛ́, mbɛ pwó Ntsɛɛpɔŋ Yěsô Kristo, ghɛmbɛ ne puŋ.
4Mə fɛ́ ŋgúʼune pwó Mboʼmvé kii káŋ ne tó yúŋ, ŋkyé foʼndzəndzoʼ yɛ́ a kɛ yáá mbəb Yěsô Kristo fɛ́ ne puŋ nɛ́. 5Ŋkyé ŋgâ puŋ kɛ yǎ ndáá yé, ŋkɔŋɔ foʼ náá yúŋɔ́ wúŋ, mbɛ náá foʼ tsɔ́ no, pwɛ yé zɛ́no zááme. 6No Kristo yɛ́ psi kɛ tsɔ́ ne puŋ nɛ́, puŋ kɛ gbáá kaʼatɛ á tʉ̌ŋ, 7kaʼatɛ cyó fɛ́ yɛ́ a twɔ́ pwó Mboʼmvé nɛ́, pó mbé tsé ŋkaa wúŋ ŋkʉ́rʉ́ pó. Puŋ pɛ́ puŋ nzwəʼɛ ŋgâ Ntsɛɛpɔŋ wíŋi Yěsô Kristo nyóʼ mbəb ye ne puŋ nɛ́. 8A kembé yé, mbé ŋɔŋ wɛ́ a ŋgyɛ́ puŋ nsé tʉ̌ŋme kaʼatɛ mbáŋ zhyémve njʉyí ndzəb nɛ́. Kɛ́ʼɛ́ ŋgâ kii ŋɔŋ ndɛ náʼá njʉ́ cyó yɔ́ʼɔ́ mbəb puŋ, zhyémve yɛ́ Yěsô Kristo, Ntsɛɛpɔŋ wíŋi náʼá ŋkʉ́yó nɛ́. 9Mboʼmvé, yé wɛ́ a fú wúŋ ne ntə̌bne wúŋɛ Mɔ́ŋ ye, Ntsɛɛpɔŋ wíŋi Yěsô Kristo nɛ́, a ŋgerɛ́ŋged.
Sǎŋne ndzó ndáméted Korɛŋto
10Pɔ́ŋmɛ́ páá, mə mboʼómbwó nɛ́ ne puŋ, ne tíí Ntsɛɛpɔŋ wíŋi Yěsô Kristo ŋgâ: puŋ tséʼé taʼ ntswee, kii no sǎŋne ndɛ mbɛ́ tsetsɛrɛ puŋ. Puŋ cʉ̌yi mbé nzwə́réme ŋgɛmbɛ tséʼé taʼ zhʉye, kpaŋató yuŋ po mbé taʼ ye. 11Ɔ́ŋɔ́ kɛ pɔ́ŋmɛ́ páá, mbé ndǎ Kolowé kɛ tsɔ́ ne mo ŋgâ, meyaʼ tsetsɛrɛ puŋ. 12Mə ŋkéʼé puŋ zóʼ! Mbɛ wɔ̂ ndzɔ́ʼɔ́ puŋ ké tsɔ́ɔ́ ŋgâ: «Mo, a psi Pɔ́lə.» Cyó tsɔ́ yé ŋgâ: «Mo, a psi Apolosə.» Cyó ké mbó ntsɔ́ ŋkʉrʉ́ ŋgâ: «Mo, a psi Kefasə#1:12 Pé fú Pětro nɛ́ ne Kefasə..» Cyó ké mbó ntsɔ́ yé ŋkʉ́rʉ́ ŋgâ: «Mo, a psi Kristo.» 13Kristo sǎŋme? Pe kɛ kpíí Pɔ́lə ndúŋú ŋgʉŋʉ ŋkyé wúŋ? Puŋ kɛ kpéé nse pé ne tíí Pɔ́lə? 14Mboʼmvé ghebé ŋgâ mə kɛ pe fɛ́ kpênse pwó ŋɔŋ ndzɔ́ʼɔ́ puŋ, fáá Krispʉsə pú Gayʉsə pó. 15Néré, tɛɛmbɛ ŋɔŋ pé nsó ŋgâ puŋ kɛ kpéé nse pé ne tíí ya pó. 16Ɔ́ŋɔ́ a sísíŋ! Mə kɛ ké mbó fɛ́ kpênse pwó ndǎndáb Stefanasə. Ŋgɛ ŋkhú ne pfuʼ yé, mə kɛ pé fɛ́ kpênse pwó ŋɔŋ ŋkʉ́rʉ́ pó, njʉ́ mə ndzɛ́ ya nɛ́. 17Ŋkyé ŋgâ Kristo kɛ pé twɔ́ ya pe ne fɛ́ne kpênse pó. Ntsʉʼmbé, a kɛ twɔ́ ya pé ŋgâ mə ncʉ́ri Ŋkəŋ sʉ́ʼʉ. Ŋkii pó tsɛ́ɛ́ ndúŋú nsó pɛ́ zɛ́no ŋumesɔŋ fɛ́ nɛ́, kɛ́ʼɛ́ ŋgâ ntʉŋ mɛ vó Kristo ndúŋú ŋgʉŋʉ fɛ nɛ́, ndɛ ndzáʼ ndzəndzoʼ.
Mboʼmvé séd zɛ́no mvé yɔŋ a tsʉ́ʼ pɛ́ɛ́
18Ɔ́ŋɔ́, ncʉ́ri ne ŋgâ, Yěsô kɛ pfɔ́ ndúŋú ŋgʉŋʉ, a pwó pɔŋ pɛ́ pɔ́b ndúŋú mɛndɔ́b pwó nɛ́, mbɛ́ɛ́ pɛ́ɛ́, ntsʉ́ʼmbɛ pwó pɔŋ pɛ́ pɔ́b ndúŋú mɛndɔ́b ndzǔne njʉ́ piŋi nɛ́, mbɛ́ɛ́ tʉ̌ŋ Mboʼmvé. 19Ŋkyé ŋgâ a ŋweʼéme ŋgâ: Mə mbóó zɛ́no pɛ ndzɛ́no, ŋkɔ́ɔ́ zé ghaŋázé a khú no ndzəndzoʼ. 20Zɛ́no yɛ! Ghaŋákeʼekaŋ yɛ! Ghaŋáywɛ nsó ndzó mvé yɔŋ yɛ! Mboʼmvé kɛ pé séd zɛ́no mvé yɔŋ a tsʉ́ʼ pɛ́ɛ́ pɔɔ? 21A njʉ́ mvé yɔŋ ndzɔ́ʼɔ́ zɛ́no, kɛ pe zɛ́ Mboʼmvé ndzɔ́ʼɔ́ zɛ́no ye nɛ́ pó, a záʼá ndúŋú nsó ye, wɛ́ pecyó pɔŋ fu ne pɛ́ɛ́ nɛ́, njʉ́ ŋgâ a pú ŋgâ a kpéé pɔŋ pɛ́ pɔ́b tséʼé psyɛ́ndzɔʼ nɛ́. 22Pɛ Yúda psírɛ yɔ́b pé pɛ shʉrɛ́meno, a pɛ ne pɔ́b njʉ́ kiŋi nɛ́, mbé Gerɛʼ táʼa yɔ́b pé zɛ́no. 23Ntsʉ́ʼmbɛ ne piŋi, piŋi ncʉrɛ yiŋi pe Kristo wɛ́ pé kɛ kpii wé ndúŋú ŋgʉŋʉ nɛ́, ŋgɛmbɛ mbɛɛ no ghoʼótó pwó pɛ Yúda, mbɛɛ pɛ́ɛ́ pwó pɔŋ pɛ́ pɔ́b pɛ́ Yúda nɛ́ pó. 24Ntsʉ́ʼmbɛ ne pɔŋ pɛ́ Mboʼmvé fú wɔ́b nɛ́, ŋɔŋ Yúda njʉ́ ŋɔŋ Gerɛʼ nɛ́, Kristo tʉ̌ŋ Mboʼmvé, mbó mbé zɛ́no yé. 25Ŋkyé ŋgâ yɔ́b yɛ́ a pwó Mboʼmvé mbɛ́ɛ́ ywoʼ ndzəndzoʼ nɛ́, tséʼé zé kaʼatɛ ntsɛ́ɛ́ zɛ́no ŋumesɔŋ. Yɔ́b yɛ́ a pwó Mboʼmvé mbé ye pɔ́dme nɛ́, tséʼé tʉ̌ŋ kaʼatɛ ntsɛ́ɛ́ tʉ̌ŋ ŋumesɔŋ.
Pɔŋ pɛ́ Mboʼmvé tsɔ́ʼɔ ndzó mvé yɔŋ nɛ́
26Pɔ́ŋmɛ́ páá, puŋ zɛ́ pɔŋ pɛ́ puŋ péré nɛ́, puŋ pɛ́ Mboʼmvé tsɔ́ʼɔ́ wúŋ nɛ́. A ne míí pumésɔŋ ghaŋázé pe záá ndzɔ́ʼɔ́ puŋ pó, ghaŋágaŋ ké mbó mbé záá po, kii kpáʼá pɔŋ pó ndzáá ndzɔ́ʼɔ́ puŋ. 27Ntsʉʼmbé, Mboʼmvé tsɔ́ʼɔ́ yɔ́b yɛ́ a ndzó mvé yɔŋ, pe fu ne pɛ́ɛ́ nɛ́, máʼ pfɔ́shʉ́ŋ núŋ tó ghaŋázé. Yɛ́ a tséʼé tʉ̌ŋ ndzó mvé yɔŋ nɛ́ pó, Mboʼmvé tsɔ́ʼɔ́ yéré máʼ pfɔ́shʉ́ŋ núŋ tó ghaŋátʉ́ŋ. 28Yɔ́b yɛ́ a ndzó mvé yɔŋ pé tiŋɛ̂ a pe tséʼé ghebe nɛ́ po, pé pó ncóʼo nɛ́, yɛ́ pe zhʉ́ a pɛ no ndzəndzoʼ nɛ́, Mboʼmvé tsɔ́ʼɔ́ yéré mbóó yɛ pe zhʉ́ ŋgâ, a yóʼó nɛ́, 29yânéré ŋgâ tsyé ŋɔŋ ndɛ tsé ŋɛ́ʼɛ siŋi Mboʼmvé. 30A zhyɛ́ Mboʼmvé ŋgâ puŋɛ Yěsô Kristo káá náá mbé taʼye, mbó ŋgyɛ́ ŋgâ Kristo twɔ́ pwó ye mbé zɛ́no wiŋi. A zhyɛ́ Kristo ŋgâ Mboʼmvé tiŋɛ́ wíŋi njʉ puŋgerɛ́ŋged nɛ́, a ké mbó ŋgyɛ́ yé ŋgâ piŋi pe pǔmboʼmve, a ké mbó mkpéé ye kpéé wíŋi pwó kəpɔŋ. 31Néré kɛ́ʼɛ́ ŋgâ, no yɛ́ Ŋweʼe Yáŋme tsɔ́ nɛ́, yúŋú. Ŋweʼe yéré tsɔ́ɔ́ ŋgâ: «A pɛɛ yɛ́ ŋɔŋ zɔŋɔ ntíʼɛ́ nɛ́, a ke ntíʼɛ ndaʼ ne no yɛ́ Ntsɛɛpɔŋ zhyɛ́ nɛ́.»
ទើបបានជ្រើសរើសហើយ៖
1 Korɛŋto 1: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Korɛŋto 1
1
Pɔ́lə fɛ́ tséʼé pwó ndáméted yɛ́ á Korɛŋto nɛ́
1A mo Pɔ́lə wɛ́ Mboʼmvé kɛ fú ne ŋkʉyěne mé, nné mbéne ŋgaŋantɔ́b Yěsô Kristo nɛ́, pú Sosətɛne mɔ́ŋmɛ́, ŋwɛʼɛ, 2pwó ndáméted Mboʼmvé yɛ́ a ndzó mbɛ́lʉ́ŋ Korɛŋto nɛ́, a pwó pɔŋ pɛ́ Yěsô Kristo kɛ zhyɛ́, pɔ́b tsʉ́ʼ pú Mboʼmvé nɛ́. Puŋ pɛ́ Mboʼmvé kɛ fú wuŋ ŋgâ puŋ tsúʼ púpé, pwɛ ŋkɔŋɔ pɔŋ pɛ́ pɔ́b fú Ntsɛɛpɔŋ wíŋi Yěsô Kristo, ndzó ŋkɔŋɔ ywoʼ náá nɛ́. Yé wɛ́ a ghɛmbɛ Ntsɛɛpɔŋ wɔ́b ké mbó mbé Ntsɛɛpɔŋ wíŋi nɛ́. 3A Foʼndzəndzoʼ ne mbúru twɔ́ pwó Mboʼmvé, yé wɛ́ á Tɛd wíŋi nɛ́, mbɛ pwó Ntsɛɛpɔŋ Yěsô Kristo, ghɛmbɛ ne puŋ.
4Mə fɛ́ ŋgúʼune pwó Mboʼmvé kii káŋ ne tó yúŋ, ŋkyé foʼndzəndzoʼ yɛ́ a kɛ yáá mbəb Yěsô Kristo fɛ́ ne puŋ nɛ́. 5Ŋkyé ŋgâ puŋ kɛ yǎ ndáá yé, ŋkɔŋɔ foʼ náá yúŋɔ́ wúŋ, mbɛ náá foʼ tsɔ́ no, pwɛ yé zɛ́no zááme. 6No Kristo yɛ́ psi kɛ tsɔ́ ne puŋ nɛ́, puŋ kɛ gbáá kaʼatɛ á tʉ̌ŋ, 7kaʼatɛ cyó fɛ́ yɛ́ a twɔ́ pwó Mboʼmvé nɛ́, pó mbé tsé ŋkaa wúŋ ŋkʉ́rʉ́ pó. Puŋ pɛ́ puŋ nzwəʼɛ ŋgâ Ntsɛɛpɔŋ wíŋi Yěsô Kristo nyóʼ mbəb ye ne puŋ nɛ́. 8A kembé yé, mbé ŋɔŋ wɛ́ a ŋgyɛ́ puŋ nsé tʉ̌ŋme kaʼatɛ mbáŋ zhyémve njʉyí ndzəb nɛ́. Kɛ́ʼɛ́ ŋgâ kii ŋɔŋ ndɛ náʼá njʉ́ cyó yɔ́ʼɔ́ mbəb puŋ, zhyémve yɛ́ Yěsô Kristo, Ntsɛɛpɔŋ wíŋi náʼá ŋkʉ́yó nɛ́. 9Mboʼmvé, yé wɛ́ a fú wúŋ ne ntə̌bne wúŋɛ Mɔ́ŋ ye, Ntsɛɛpɔŋ wíŋi Yěsô Kristo nɛ́, a ŋgerɛ́ŋged.
Sǎŋne ndzó ndáméted Korɛŋto
10Pɔ́ŋmɛ́ páá, mə mboʼómbwó nɛ́ ne puŋ, ne tíí Ntsɛɛpɔŋ wíŋi Yěsô Kristo ŋgâ: puŋ tséʼé taʼ ntswee, kii no sǎŋne ndɛ mbɛ́ tsetsɛrɛ puŋ. Puŋ cʉ̌yi mbé nzwə́réme ŋgɛmbɛ tséʼé taʼ zhʉye, kpaŋató yuŋ po mbé taʼ ye. 11Ɔ́ŋɔ́ kɛ pɔ́ŋmɛ́ páá, mbé ndǎ Kolowé kɛ tsɔ́ ne mo ŋgâ, meyaʼ tsetsɛrɛ puŋ. 12Mə ŋkéʼé puŋ zóʼ! Mbɛ wɔ̂ ndzɔ́ʼɔ́ puŋ ké tsɔ́ɔ́ ŋgâ: «Mo, a psi Pɔ́lə.» Cyó tsɔ́ yé ŋgâ: «Mo, a psi Apolosə.» Cyó ké mbó ntsɔ́ ŋkʉrʉ́ ŋgâ: «Mo, a psi Kefasə#1:12 Pé fú Pětro nɛ́ ne Kefasə..» Cyó ké mbó ntsɔ́ yé ŋkʉ́rʉ́ ŋgâ: «Mo, a psi Kristo.» 13Kristo sǎŋme? Pe kɛ kpíí Pɔ́lə ndúŋú ŋgʉŋʉ ŋkyé wúŋ? Puŋ kɛ kpéé nse pé ne tíí Pɔ́lə? 14Mboʼmvé ghebé ŋgâ mə kɛ pe fɛ́ kpênse pwó ŋɔŋ ndzɔ́ʼɔ́ puŋ, fáá Krispʉsə pú Gayʉsə pó. 15Néré, tɛɛmbɛ ŋɔŋ pé nsó ŋgâ puŋ kɛ kpéé nse pé ne tíí ya pó. 16Ɔ́ŋɔ́ a sísíŋ! Mə kɛ ké mbó fɛ́ kpênse pwó ndǎndáb Stefanasə. Ŋgɛ ŋkhú ne pfuʼ yé, mə kɛ pé fɛ́ kpênse pwó ŋɔŋ ŋkʉ́rʉ́ pó, njʉ́ mə ndzɛ́ ya nɛ́. 17Ŋkyé ŋgâ Kristo kɛ pé twɔ́ ya pe ne fɛ́ne kpênse pó. Ntsʉʼmbé, a kɛ twɔ́ ya pé ŋgâ mə ncʉ́ri Ŋkəŋ sʉ́ʼʉ. Ŋkii pó tsɛ́ɛ́ ndúŋú nsó pɛ́ zɛ́no ŋumesɔŋ fɛ́ nɛ́, kɛ́ʼɛ́ ŋgâ ntʉŋ mɛ vó Kristo ndúŋú ŋgʉŋʉ fɛ nɛ́, ndɛ ndzáʼ ndzəndzoʼ.
Mboʼmvé séd zɛ́no mvé yɔŋ a tsʉ́ʼ pɛ́ɛ́
18Ɔ́ŋɔ́, ncʉ́ri ne ŋgâ, Yěsô kɛ pfɔ́ ndúŋú ŋgʉŋʉ, a pwó pɔŋ pɛ́ pɔ́b ndúŋú mɛndɔ́b pwó nɛ́, mbɛ́ɛ́ pɛ́ɛ́, ntsʉ́ʼmbɛ pwó pɔŋ pɛ́ pɔ́b ndúŋú mɛndɔ́b ndzǔne njʉ́ piŋi nɛ́, mbɛ́ɛ́ tʉ̌ŋ Mboʼmvé. 19Ŋkyé ŋgâ a ŋweʼéme ŋgâ: Mə mbóó zɛ́no pɛ ndzɛ́no, ŋkɔ́ɔ́ zé ghaŋázé a khú no ndzəndzoʼ. 20Zɛ́no yɛ! Ghaŋákeʼekaŋ yɛ! Ghaŋáywɛ nsó ndzó mvé yɔŋ yɛ! Mboʼmvé kɛ pé séd zɛ́no mvé yɔŋ a tsʉ́ʼ pɛ́ɛ́ pɔɔ? 21A njʉ́ mvé yɔŋ ndzɔ́ʼɔ́ zɛ́no, kɛ pe zɛ́ Mboʼmvé ndzɔ́ʼɔ́ zɛ́no ye nɛ́ pó, a záʼá ndúŋú nsó ye, wɛ́ pecyó pɔŋ fu ne pɛ́ɛ́ nɛ́, njʉ́ ŋgâ a pú ŋgâ a kpéé pɔŋ pɛ́ pɔ́b tséʼé psyɛ́ndzɔʼ nɛ́. 22Pɛ Yúda psírɛ yɔ́b pé pɛ shʉrɛ́meno, a pɛ ne pɔ́b njʉ́ kiŋi nɛ́, mbé Gerɛʼ táʼa yɔ́b pé zɛ́no. 23Ntsʉ́ʼmbɛ ne piŋi, piŋi ncʉrɛ yiŋi pe Kristo wɛ́ pé kɛ kpii wé ndúŋú ŋgʉŋʉ nɛ́, ŋgɛmbɛ mbɛɛ no ghoʼótó pwó pɛ Yúda, mbɛɛ pɛ́ɛ́ pwó pɔŋ pɛ́ pɔ́b pɛ́ Yúda nɛ́ pó. 24Ntsʉ́ʼmbɛ ne pɔŋ pɛ́ Mboʼmvé fú wɔ́b nɛ́, ŋɔŋ Yúda njʉ́ ŋɔŋ Gerɛʼ nɛ́, Kristo tʉ̌ŋ Mboʼmvé, mbó mbé zɛ́no yé. 25Ŋkyé ŋgâ yɔ́b yɛ́ a pwó Mboʼmvé mbɛ́ɛ́ ywoʼ ndzəndzoʼ nɛ́, tséʼé zé kaʼatɛ ntsɛ́ɛ́ zɛ́no ŋumesɔŋ. Yɔ́b yɛ́ a pwó Mboʼmvé mbé ye pɔ́dme nɛ́, tséʼé tʉ̌ŋ kaʼatɛ ntsɛ́ɛ́ tʉ̌ŋ ŋumesɔŋ.
Pɔŋ pɛ́ Mboʼmvé tsɔ́ʼɔ ndzó mvé yɔŋ nɛ́
26Pɔ́ŋmɛ́ páá, puŋ zɛ́ pɔŋ pɛ́ puŋ péré nɛ́, puŋ pɛ́ Mboʼmvé tsɔ́ʼɔ́ wúŋ nɛ́. A ne míí pumésɔŋ ghaŋázé pe záá ndzɔ́ʼɔ́ puŋ pó, ghaŋágaŋ ké mbó mbé záá po, kii kpáʼá pɔŋ pó ndzáá ndzɔ́ʼɔ́ puŋ. 27Ntsʉʼmbé, Mboʼmvé tsɔ́ʼɔ́ yɔ́b yɛ́ a ndzó mvé yɔŋ, pe fu ne pɛ́ɛ́ nɛ́, máʼ pfɔ́shʉ́ŋ núŋ tó ghaŋázé. Yɛ́ a tséʼé tʉ̌ŋ ndzó mvé yɔŋ nɛ́ pó, Mboʼmvé tsɔ́ʼɔ́ yéré máʼ pfɔ́shʉ́ŋ núŋ tó ghaŋátʉ́ŋ. 28Yɔ́b yɛ́ a ndzó mvé yɔŋ pé tiŋɛ̂ a pe tséʼé ghebe nɛ́ po, pé pó ncóʼo nɛ́, yɛ́ pe zhʉ́ a pɛ no ndzəndzoʼ nɛ́, Mboʼmvé tsɔ́ʼɔ́ yéré mbóó yɛ pe zhʉ́ ŋgâ, a yóʼó nɛ́, 29yânéré ŋgâ tsyé ŋɔŋ ndɛ tsé ŋɛ́ʼɛ siŋi Mboʼmvé. 30A zhyɛ́ Mboʼmvé ŋgâ puŋɛ Yěsô Kristo káá náá mbé taʼye, mbó ŋgyɛ́ ŋgâ Kristo twɔ́ pwó ye mbé zɛ́no wiŋi. A zhyɛ́ Kristo ŋgâ Mboʼmvé tiŋɛ́ wíŋi njʉ puŋgerɛ́ŋged nɛ́, a ké mbó ŋgyɛ́ yé ŋgâ piŋi pe pǔmboʼmve, a ké mbó mkpéé ye kpéé wíŋi pwó kəpɔŋ. 31Néré kɛ́ʼɛ́ ŋgâ, no yɛ́ Ŋweʼe Yáŋme tsɔ́ nɛ́, yúŋú. Ŋweʼe yéré tsɔ́ɔ́ ŋgâ: «A pɛɛ yɛ́ ŋɔŋ zɔŋɔ ntíʼɛ́ nɛ́, a ke ntíʼɛ ndaʼ ne no yɛ́ Ntsɛɛpɔŋ zhyɛ́ nɛ́.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល