1 Korɛŋto Tónsó ŋweʼe pwó pɛ Korɛŋto
Tónsó ŋweʼe pwó pɛ Korɛŋto
Sɔ́ ŋweʼe yɔŋ pwó pɛ Korɛnto, zhyɛ́ piŋi zé ŋgâ, mbɛ́lʉ́ŋ Korɛŋto a taʼ mbɛ́lʉ́ŋ yɛ́ pɔŋ kɛ twɔ́ ndzó pɛ mbaʼ mvé zááme, ŋkʉ́yó tsó ndzóó nɛ́. Taʼ mbɛ́lʉ́ŋ yɛ́ mbób kɛ gháʼmbwó ndzóó nɛ́. Néré meno pɛ́ pɔŋ kɛ ghɛ̂ zhyɛ́ ndzɔʼ yɔ́b pe sʉ́ʼʉ ndzóó nɛ́, gháʼmbwó. A kɛ zhyɛ́ yéré nɛ́ tɛɛmbɛ pe zhʉ́ ŋkɔŋɔ mbziʼe kəpɔŋ náá ndzó yéré mbɛ́lʉ́ŋ. Mbziʼe njʉ́ ŋukristó a taʼ ŋɔŋ wɛ́ Mboʼmvé sɛrɛ wé a tsʉ́ʼ ŋɔŋ ffé nɛ́, a tsé mbé zɔŋɔ ŋgâ a zhyɛ́ njʉ́ pɔŋ pɛ́, pwɛ pɔ́b tsó nɛ́, zhyɛ́ nɛ́ pó. Ntsʉʼmbé, a zɔŋɔ ŋgâ a sáʼ tʉ̌ŋ, nyí njʉ́ nsó Mboʼmvé tsɔ́ nɛ́, mbziʼe njʉ́ tʉ́ʉ́ Yěsô Kristo tsɔ́ nɛ́, pwɛ ntʉ́ʉ́ pɛ ghaŋántɔ́b. Ŋkhoʼyɛ́ pé mee fûne ŋwéʼe yɔŋ nɛ́, pe tséʼé tʉ̌ŋ ne mǎʼne tsɛɛ pɛ kpeʼe pɛ́ a ndzó mvé yɔŋ náá nɛ́, ŋkyé ŋgâ piŋi ghɛ̂ tsó, a pe Kristo mbé ŋkɔŋɔ yiŋi no náá. Kəŋe yɛ́ piŋi tséʼé nɛ́ twɔ́ pwó ye. Piŋi pó mbé zhyɛ̌ njʉ́ pecyó pɔŋ zhyɛ́ nɛ́ pó. Néré, ne fɛ́ne ŋgúʼune pwó Mboʼmvé. Ŋweʼe yɔŋ kémbó ghɛ́bɛ wíŋi nɛ́, ne ndiŋíne kpee tsé nyí yiŋi ndzó mvé yɔŋ. Mbó ntʉ́ʉ́ tó yiŋi ŋgâ, piŋi tee ŋkɔŋɔ mbəb yiŋi náá pwó Ntɛɛpɔŋ Mboʼmvé, ne shʉ́.
A kɛ ŋweʼé wɔ̂ ŋwéʼé 1 ŋweʼe Korɛnto?
A kɛ ŋwéʼé Pɔ́lə ŋgaŋantɔ́b ŋwéʼé ŋwéʼe yɔŋ, a kɛ ŋwɛʼɛ ndúŋú ywɔ̌ ŋgǒʼmvé ghúbmetáŋ ne yítaŋ, ŋkhoʼyɛ́ a kɛ tsʉʼ mɔ́ŋtiʼa khoʼ a ŋǎ Éfɛ̂zə nɛ́.
A kɛ ŋwɛʼɛ pwó wɔ̂? A kɛ ŋwɛʼɛ ŋkyé kɔ́?
Sɔ́ pɔŋ pɛ́ pe kɛ ŋwɛʼɛ yɔŋ ŋwéʼe ne pɔ́b nɛ́, kɛ pe pǔkristo pɛ́, pɔ́b kɛ pɛ́ ndzó mbɛ́lʉ́ŋ Korɛŋto nɛ́. Pɔ́lə kɛ nu syé, njʉ́ meno pɛ́ a kɛ tsé mváʼá wɔ́b ndáméted pɔ́b nɛ́, ŋwɛʼɛ nɛ́ kɛ́ʼɛ́, fɛ́ ne pɔ́b ne fɛ́ne ndzaʼ ye pwɛ ntʉ́ʉ́ mbziʼe njʉ́ pɔ́b pɛ́ pɔ́b tséʼé psyɛ́ndzɔʼ nɛ́, tɛɛmbɛ pɔ́b tsó tsetsɛrɛ pɔŋ pɛ́ kəpɔŋ pɔ́b gháʼmbwó nɛ́.
Pe tsɔ̌ ŋgâ kɔ ndzó ŋweʼe yɔŋ?
Pǔkristo ndzó mbɛ́lʉ́ŋ Korɛŋto, zé ŋgâ Kristo kɛ túbɔ́ wɔ́b ndáb mkpaŋ. Ntsʉʼmbé pɛ́ menoghoʼótó, pwɛ pɛ meno kəpɔŋ gháʼmbwó, ndzó ywoʼ yɛ pɔ́b tsó nɛ́. Néré meno péré m wɔ̂ wɔ́b, ŋgâ pɔ́b zhyɛ́ njʉ́ ŋkɔŋɔ pɔŋ pɛ́ pɔ́b pfúŋɔ́ pɔ́b náá nɛ́ zhyɛ́ nɛ́. Pɔ́b pɛ́ pɔ́b kɛ pé ghaŋághuʼɔ záʼá nɛ́, pɔ́b kɛ po mbé zɛ́ njʉ́ tɛɛmbɛ pɔ́b zhyɛ́ ŋkhoʼyɔŋ nɛ́ po, pɔ́b pɛ́ pɔ́b kɛ khú pǔkristo nɛ́. Mbɛ ndúŋú no kpáʼá ndáá, pɔ́b kɛ pó mbé zɛ́ njʉ́ pɔ́b zhyɛ́ nɛ́ pó. Pɔ́b pɛ́ pɔ́b kɛ pé tɔ́bɔ ywoʼ pwɛ pěŋgyé ŋgɔrɔ nɛ́ pó, pɔ́b kɛ pó mbé zɛ́ njʉ́, pɔ́b ŋgyɛ́ ne pěŋgyé pɛ́ pɔ́b kɛ khú pǔkristo nɛ́ pó. A kɛ ghɛmbɛ pɔ́ŋmɛ́ péré pó mbé zé mbziʼe yɛ́, pɔ́b tsó ŋkʉ́rʉ́ nɛ́ pó, pɔ́b pɛ́ pɔ́b kɛ tséʼé psyɛ́ndzɔʼ ne tíí Yěsô Kristo nɛ́. A kɛ ghɛmbɛ mbziʼe yɛ́ pɔ́b kɛ tsó nɛ́, kɛ zhyɛ́ kaʼatɛ pecyó pɔŋ pfó. Yéré nyóʼó ŋgâ, a kɛ pe pɛ́ɛ́ maʼákpaŋ pó. Ŋkhoʼyɛ́ meno péré kɛ vɔ̂ ndzó təŋé Pɔ́lə nɛ́, a ŋwéʼé ŋwéʼe yɔŋ ne ntʉ́ʉ́ne wɔ́b nuŋ.
Pe tsúŋu ŋweʼe yɔŋ pé níŋ?
Yɔŋ pé nɔŋ njʉ́ Pɔ́lə ŋgaŋantɔ́b tsuŋú ŋwéʼe ye nɛ́:
Pɔ́lə fɛ́ tséʼé: 1:1-9
A tsé mbé zɔŋɔ ŋgâ sǎŋne pɛ́ tsetsɛrɛ pǔkristo pó: 1:1–4:21
Ntsóne njʉ́ pɔ́ŋmɛ́ nɛ́: 5:1–6:20
Mbziʼe njʉ́ ŋumbzí pú ŋgʉyé yé tsó nɛ́: 7:1-40
A zɔŋɔ ŋgâ pé tee pɛ záʼá ŋguʼɔ Mboʼmvé: 8:1–11:1
Mbziʼe njʉ́ pǔkristo ŋgyɛ́ ndáméted nɛ́: 11:2–14:40
Mbziʼe njʉ́ Kristo kɛ máʼ ntsɛɛ vó nɛ́: 15:1-58
Mbób yɛ́ kɛ ghɛ́ maʼa fɛ́ ndáméted Yerʉ́salɛm nɛ́: 16:1-4
Pɔ́lə kaʼ nsə̌nyí wɛ́ a ŋgú nɛ́: 16:5-12
Pɔ́lə fɛ njʉyǐndzʉ ntʉ́ʉ́: 16:13-24.
ទើបបានជ្រើសរើសហើយ៖
1 Korɛŋto Tónsó ŋweʼe pwó pɛ Korɛŋto: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Korɛŋto Tónsó ŋweʼe pwó pɛ Korɛŋto
Tónsó ŋweʼe pwó pɛ Korɛŋto
Sɔ́ ŋweʼe yɔŋ pwó pɛ Korɛnto, zhyɛ́ piŋi zé ŋgâ, mbɛ́lʉ́ŋ Korɛŋto a taʼ mbɛ́lʉ́ŋ yɛ́ pɔŋ kɛ twɔ́ ndzó pɛ mbaʼ mvé zááme, ŋkʉ́yó tsó ndzóó nɛ́. Taʼ mbɛ́lʉ́ŋ yɛ́ mbób kɛ gháʼmbwó ndzóó nɛ́. Néré meno pɛ́ pɔŋ kɛ ghɛ̂ zhyɛ́ ndzɔʼ yɔ́b pe sʉ́ʼʉ ndzóó nɛ́, gháʼmbwó. A kɛ zhyɛ́ yéré nɛ́ tɛɛmbɛ pe zhʉ́ ŋkɔŋɔ mbziʼe kəpɔŋ náá ndzó yéré mbɛ́lʉ́ŋ. Mbziʼe njʉ́ ŋukristó a taʼ ŋɔŋ wɛ́ Mboʼmvé sɛrɛ wé a tsʉ́ʼ ŋɔŋ ffé nɛ́, a tsé mbé zɔŋɔ ŋgâ a zhyɛ́ njʉ́ pɔŋ pɛ́, pwɛ pɔ́b tsó nɛ́, zhyɛ́ nɛ́ pó. Ntsʉʼmbé, a zɔŋɔ ŋgâ a sáʼ tʉ̌ŋ, nyí njʉ́ nsó Mboʼmvé tsɔ́ nɛ́, mbziʼe njʉ́ tʉ́ʉ́ Yěsô Kristo tsɔ́ nɛ́, pwɛ ntʉ́ʉ́ pɛ ghaŋántɔ́b. Ŋkhoʼyɛ́ pé mee fûne ŋwéʼe yɔŋ nɛ́, pe tséʼé tʉ̌ŋ ne mǎʼne tsɛɛ pɛ kpeʼe pɛ́ a ndzó mvé yɔŋ náá nɛ́, ŋkyé ŋgâ piŋi ghɛ̂ tsó, a pe Kristo mbé ŋkɔŋɔ yiŋi no náá. Kəŋe yɛ́ piŋi tséʼé nɛ́ twɔ́ pwó ye. Piŋi pó mbé zhyɛ̌ njʉ́ pecyó pɔŋ zhyɛ́ nɛ́ pó. Néré, ne fɛ́ne ŋgúʼune pwó Mboʼmvé. Ŋweʼe yɔŋ kémbó ghɛ́bɛ wíŋi nɛ́, ne ndiŋíne kpee tsé nyí yiŋi ndzó mvé yɔŋ. Mbó ntʉ́ʉ́ tó yiŋi ŋgâ, piŋi tee ŋkɔŋɔ mbəb yiŋi náá pwó Ntɛɛpɔŋ Mboʼmvé, ne shʉ́.
A kɛ ŋweʼé wɔ̂ ŋwéʼé 1 ŋweʼe Korɛnto?
A kɛ ŋwéʼé Pɔ́lə ŋgaŋantɔ́b ŋwéʼé ŋwéʼe yɔŋ, a kɛ ŋwɛʼɛ ndúŋú ywɔ̌ ŋgǒʼmvé ghúbmetáŋ ne yítaŋ, ŋkhoʼyɛ́ a kɛ tsʉʼ mɔ́ŋtiʼa khoʼ a ŋǎ Éfɛ̂zə nɛ́.
A kɛ ŋwɛʼɛ pwó wɔ̂? A kɛ ŋwɛʼɛ ŋkyé kɔ́?
Sɔ́ pɔŋ pɛ́ pe kɛ ŋwɛʼɛ yɔŋ ŋwéʼe ne pɔ́b nɛ́, kɛ pe pǔkristo pɛ́, pɔ́b kɛ pɛ́ ndzó mbɛ́lʉ́ŋ Korɛŋto nɛ́. Pɔ́lə kɛ nu syé, njʉ́ meno pɛ́ a kɛ tsé mváʼá wɔ́b ndáméted pɔ́b nɛ́, ŋwɛʼɛ nɛ́ kɛ́ʼɛ́, fɛ́ ne pɔ́b ne fɛ́ne ndzaʼ ye pwɛ ntʉ́ʉ́ mbziʼe njʉ́ pɔ́b pɛ́ pɔ́b tséʼé psyɛ́ndzɔʼ nɛ́, tɛɛmbɛ pɔ́b tsó tsetsɛrɛ pɔŋ pɛ́ kəpɔŋ pɔ́b gháʼmbwó nɛ́.
Pe tsɔ̌ ŋgâ kɔ ndzó ŋweʼe yɔŋ?
Pǔkristo ndzó mbɛ́lʉ́ŋ Korɛŋto, zé ŋgâ Kristo kɛ túbɔ́ wɔ́b ndáb mkpaŋ. Ntsʉʼmbé pɛ́ menoghoʼótó, pwɛ pɛ meno kəpɔŋ gháʼmbwó, ndzó ywoʼ yɛ pɔ́b tsó nɛ́. Néré meno péré m wɔ̂ wɔ́b, ŋgâ pɔ́b zhyɛ́ njʉ́ ŋkɔŋɔ pɔŋ pɛ́ pɔ́b pfúŋɔ́ pɔ́b náá nɛ́ zhyɛ́ nɛ́. Pɔ́b pɛ́ pɔ́b kɛ pé ghaŋághuʼɔ záʼá nɛ́, pɔ́b kɛ po mbé zɛ́ njʉ́ tɛɛmbɛ pɔ́b zhyɛ́ ŋkhoʼyɔŋ nɛ́ po, pɔ́b pɛ́ pɔ́b kɛ khú pǔkristo nɛ́. Mbɛ ndúŋú no kpáʼá ndáá, pɔ́b kɛ pó mbé zɛ́ njʉ́ pɔ́b zhyɛ́ nɛ́ pó. Pɔ́b pɛ́ pɔ́b kɛ pé tɔ́bɔ ywoʼ pwɛ pěŋgyé ŋgɔrɔ nɛ́ pó, pɔ́b kɛ pó mbé zɛ́ njʉ́, pɔ́b ŋgyɛ́ ne pěŋgyé pɛ́ pɔ́b kɛ khú pǔkristo nɛ́ pó. A kɛ ghɛmbɛ pɔ́ŋmɛ́ péré pó mbé zé mbziʼe yɛ́, pɔ́b tsó ŋkʉ́rʉ́ nɛ́ pó, pɔ́b pɛ́ pɔ́b kɛ tséʼé psyɛ́ndzɔʼ ne tíí Yěsô Kristo nɛ́. A kɛ ghɛmbɛ mbziʼe yɛ́ pɔ́b kɛ tsó nɛ́, kɛ zhyɛ́ kaʼatɛ pecyó pɔŋ pfó. Yéré nyóʼó ŋgâ, a kɛ pe pɛ́ɛ́ maʼákpaŋ pó. Ŋkhoʼyɛ́ meno péré kɛ vɔ̂ ndzó təŋé Pɔ́lə nɛ́, a ŋwéʼé ŋwéʼe yɔŋ ne ntʉ́ʉ́ne wɔ́b nuŋ.
Pe tsúŋu ŋweʼe yɔŋ pé níŋ?
Yɔŋ pé nɔŋ njʉ́ Pɔ́lə ŋgaŋantɔ́b tsuŋú ŋwéʼe ye nɛ́:
Pɔ́lə fɛ́ tséʼé: 1:1-9
A tsé mbé zɔŋɔ ŋgâ sǎŋne pɛ́ tsetsɛrɛ pǔkristo pó: 1:1–4:21
Ntsóne njʉ́ pɔ́ŋmɛ́ nɛ́: 5:1–6:20
Mbziʼe njʉ́ ŋumbzí pú ŋgʉyé yé tsó nɛ́: 7:1-40
A zɔŋɔ ŋgâ pé tee pɛ záʼá ŋguʼɔ Mboʼmvé: 8:1–11:1
Mbziʼe njʉ́ pǔkristo ŋgyɛ́ ndáméted nɛ́: 11:2–14:40
Mbziʼe njʉ́ Kristo kɛ máʼ ntsɛɛ vó nɛ́: 15:1-58
Mbób yɛ́ kɛ ghɛ́ maʼa fɛ́ ndáméted Yerʉ́salɛm nɛ́: 16:1-4
Pɔ́lə kaʼ nsə̌nyí wɛ́ a ŋgú nɛ́: 16:5-12
Pɔ́lə fɛ njʉyǐndzʉ ntʉ́ʉ́: 16:13-24.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល