Luka 15
15
Ma marərək a talaŋ ntek makuɗəp
(Matta 18:12-14)
1Hedi mə cakal budu iyi abə hedi mə ɗal hem iyi i kərəɗaha fuk tata əŋ kelek Yesu amba ley teheŋ zləm. 2Farisa iyi abə metir tə ma majaw iyi i kəguŋgur ma a talaŋ Yesu, i zla: «Hedi ta wa, a kəkuw hedi mə ɗal hem iyi, a kəzəm wuda abə tata#15:2 Luka 5:29-30..» 3Ɓa, Yesu a zlapaŋta abə ma marərək wa, a zla: 4«Əŋgah hedi əŋ faŋw təheni abə ntek iyi temere, ntaɗ a kuɗəp, a yak dakayta iyi ndəra cafaɗ a meɗek cafaɗ a damu, a nda i pələkaha makuɗəp ha mbiŋ mə limehew za seh halla vaw? 5Əŋgah kəlimehew za seh, a ɓətahaw a mabəsa ŋga abə səsəm, 6ɓa, a ziŋgehe ŋga əŋ ge, a ɗafaŋta ma əŋ maday ŋga iyi abə məslige ŋga iyi, a zlapaŋta, a zla: “Hi səsəm abə sa məŋgəvday sa kəlimehe ntek na makuɗəp sey za.” 7Sa kəzlapaheni mənaŋ mba bahayim, səsəm a ɗal za mbeh səku a wuzlaf a hedi mə ɗal hem ntaɗ mə buw nja ŋga, day hedi ndəra cafaɗ a meɗek cafaɗ sə delele iyi i kəmba i buw nja tata səku ba.»
Ma marərək abə dala makuɗəp
8A zlapaŋta baha, a zla: «Aka səku, wala vitikey, əŋgah dala tə malaway ŋga mawaɗ wam#15:8 Dala tə malaway mawaɗ wam, aka səku, sisi sisi wam., ntaɗ a kuɗəp. A bas kahaw əŋ lalam, a faɗ lay tə biŋ, a pələku abə dak wucum ha mbiŋ mə limehew za seh halla vaw? 9Əŋgah kəlimehew za seh, a ɗafaŋta ma əŋ maday ŋga iyi abə məslige ŋga iyi, a zlapaŋta, a zla: “Hi ndaha, hi səsəm abə sa, məŋgəvday sa kəlimehe dala na makuɗəp sey za.” 10Sa kəzlapaheni, mənaŋ mba bahayim, mələɓ tə Bizlaf iyi i səsəm za a hedi mə ɗal hem ntaɗ mə buw nja ŋga.»
Ma marərək a talaŋ mbu makuɗəp
11Yesu a zlap baha, a zla: «Hedi məzəwindi aka, abə wuziyi ŋga iyi bək. 12Mbu mekedek, a zlapaŋ əŋ baba ŋga, a zla: “Babay, vəlaka ɓiz na, sa mə nda i zəm ge təkwa za.” Ɓa, baba sey, a ɓizekeŋta məsəkəŋ ŋga iyi. 13Abə dawaŋ tə waŋ iyi mbizek, mbu mekedek sey, a ber məsəkəŋ ŋga iyi fuk, a nda ŋga abə dala ŋga əŋ hayak guduk. A namba, ɓa, a gay dala sey abə ley ɗal kurzlay. 14Əŋ mbiŋ kəgay dala sey fuk, mətis səndawl a ɗal əŋ hayak ta, abə dawaŋ ta, a lim məsəkəŋ kə zəm səku ba. 15A nda i ɗalaha kəzəɗ a ge hedi ntaɗ tə əŋ hayak ta, hedi ta a ləɓu əŋ lay ŋga iyi ley jəɗ gəldam iyi#15:15 Markus 5:11.. 16A kəmba i zəm məsəkəŋ tə gəldam iyi i mə zəm, ama hedi mə vəlaŋgu halla. 17Abə dawaŋ ta izey, a mar ley wulək əŋ nəf ŋga, a zla: “Hedi mə ɗal kəzəɗ tə ge baba na iyi, i kəzəm məsəkəŋ gwaɗ ha i yaku, ama sa izey, sa kəməc a mətis a nawa! 18Sa nda i ziŋ əŋ kelek baba na, sa nda i zlapaŋgu: Babay, sa kəɗal hem za a ma tə Bizlaf abə a ma təkwa. 19Sa kəhwas amba hwa ɗafaka ma mbu təkwa seh halla ba. Ɗalaka mənaŋ hedi ntaɗ tə əŋ faŋw tə hedi mə ɗal kəzəɗ təkwa iyi.” 20A ziŋgehe əŋ kelek baba ŋga.
«Əŋ mbiŋ a wulehe guduk abə ge ndagwa seh, baba ŋga a limʉ, a ɗalaŋ nje həhər, a hiy ley gbamaŋ talaŋ, humbuk, a humbuku əŋ ndəra, ɓa, a səməɗu. 21Mbu ta, a zlapaŋgu izey, a zla: “Babay, sa kəɗal hem za a ma tə Bizlaf abə a ma təkwa, sa kəhwas amba hwa ɗafaka ma mbu təkwa seh halla ba.” 22Ama baba a zlapaŋta əŋ gula ŋga iyi, a zla: “Viyu, hi daha rukut səntaŋ, hi ndəkaŋgu, hi ɗiyaŋ daŋgwa əŋ mbu ndəra, hi ndəkaŋ kərap əŋ ŋgas. 23Hi daha mbu vəriŋge magap, hi fatu, nakwa iyi zəmu, nakwa iyi ɗal gugway amba nakwa iyi səsəm. 24Məŋgəvday mbu na wa, kəməc za, ama kəmbəlaha cuza, kəkuɗəp za, ama i kəlimehew za.” Ɓa, i mar ley ɗal gugway abə səsəm.
25«Əŋ hala ta mba, mbu səndawl a wulehe a damu. A gwaraha mbehmbeh abə ge, a zlim rəv tə gaŋgaŋ abə zlay. 26A ɗafaŋ ma əŋ hedi ntaɗ tə əŋ faŋw tə hedi mə ɗal kəzəɗ iyi, a ɗəpu, a zla: “Mə ɗal seh, mey?” 27Hedi mə ɗal kəzəɗ ta, a ziŋgeŋ zlap, a zla: “Ar zliŋgeh mə ziŋgehe, baba təkwa kəfat mbu vəriŋge magap za, məŋgəvday a limʉ, kəziŋgehe za lawlaw.” 28Abə dawaŋ ta izey, mbu səndawl sey, a zəm nəf, a kəmba i təɗ əŋ ge səku ba. Baba ŋga a təɗaha, a buruku ley təɗ əŋ ge. 29Ama a ziŋgeŋ zlap əŋ baba ŋga, a zla: “Ehe, va mbeh səku, sa kəɗalah kəzəɗ, kwa sa kəyak ma təkwa ntaɗ ley kuw halla, ama əŋ sa seh, hwa kəvəlaka kwa mbu hencek ley ɗal gugway abə maday na iyi seh halla. 30Ama ehe, mbu təkwa wa, kəziŋgehe za, kəcukwaɗaha məsəkəŋ təkwa iyi fuk abə wala barlaw iyi, hwa kəfat mbu vəriŋge magap za məŋgəvday mbiŋ!” 31Abə dawaŋ ta izey, baba ŋga a ziŋgeŋ zlap, a zla: “Mbu na, hwa seh, hwa mbə abə sa hwayhway, məsəkəŋ na iyi fuk, ar tə təkwa. 32Ama a kəlim seh, nakwa iyi ɗal gugway, nakwa iyi səsəm məŋgəvday zliŋgeh wa, ehe, kəməc za, ama kəmbəlaha cuza, kəkuɗəp za, ama i kəlimehew za!”»
ទើបបានជ្រើសរើសហើយ៖
Luka 15: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 15
15
Ma marərək a talaŋ ntek makuɗəp
(Matta 18:12-14)
1Hedi mə cakal budu iyi abə hedi mə ɗal hem iyi i kərəɗaha fuk tata əŋ kelek Yesu amba ley teheŋ zləm. 2Farisa iyi abə metir tə ma majaw iyi i kəguŋgur ma a talaŋ Yesu, i zla: «Hedi ta wa, a kəkuw hedi mə ɗal hem iyi, a kəzəm wuda abə tata#15:2 Luka 5:29-30..» 3Ɓa, Yesu a zlapaŋta abə ma marərək wa, a zla: 4«Əŋgah hedi əŋ faŋw təheni abə ntek iyi temere, ntaɗ a kuɗəp, a yak dakayta iyi ndəra cafaɗ a meɗek cafaɗ a damu, a nda i pələkaha makuɗəp ha mbiŋ mə limehew za seh halla vaw? 5Əŋgah kəlimehew za seh, a ɓətahaw a mabəsa ŋga abə səsəm, 6ɓa, a ziŋgehe ŋga əŋ ge, a ɗafaŋta ma əŋ maday ŋga iyi abə məslige ŋga iyi, a zlapaŋta, a zla: “Hi səsəm abə sa məŋgəvday sa kəlimehe ntek na makuɗəp sey za.” 7Sa kəzlapaheni mənaŋ mba bahayim, səsəm a ɗal za mbeh səku a wuzlaf a hedi mə ɗal hem ntaɗ mə buw nja ŋga, day hedi ndəra cafaɗ a meɗek cafaɗ sə delele iyi i kəmba i buw nja tata səku ba.»
Ma marərək abə dala makuɗəp
8A zlapaŋta baha, a zla: «Aka səku, wala vitikey, əŋgah dala tə malaway ŋga mawaɗ wam#15:8 Dala tə malaway mawaɗ wam, aka səku, sisi sisi wam., ntaɗ a kuɗəp. A bas kahaw əŋ lalam, a faɗ lay tə biŋ, a pələku abə dak wucum ha mbiŋ mə limehew za seh halla vaw? 9Əŋgah kəlimehew za seh, a ɗafaŋta ma əŋ maday ŋga iyi abə məslige ŋga iyi, a zlapaŋta, a zla: “Hi ndaha, hi səsəm abə sa, məŋgəvday sa kəlimehe dala na makuɗəp sey za.” 10Sa kəzlapaheni, mənaŋ mba bahayim, mələɓ tə Bizlaf iyi i səsəm za a hedi mə ɗal hem ntaɗ mə buw nja ŋga.»
Ma marərək a talaŋ mbu makuɗəp
11Yesu a zlap baha, a zla: «Hedi məzəwindi aka, abə wuziyi ŋga iyi bək. 12Mbu mekedek, a zlapaŋ əŋ baba ŋga, a zla: “Babay, vəlaka ɓiz na, sa mə nda i zəm ge təkwa za.” Ɓa, baba sey, a ɓizekeŋta məsəkəŋ ŋga iyi. 13Abə dawaŋ tə waŋ iyi mbizek, mbu mekedek sey, a ber məsəkəŋ ŋga iyi fuk, a nda ŋga abə dala ŋga əŋ hayak guduk. A namba, ɓa, a gay dala sey abə ley ɗal kurzlay. 14Əŋ mbiŋ kəgay dala sey fuk, mətis səndawl a ɗal əŋ hayak ta, abə dawaŋ ta, a lim məsəkəŋ kə zəm səku ba. 15A nda i ɗalaha kəzəɗ a ge hedi ntaɗ tə əŋ hayak ta, hedi ta a ləɓu əŋ lay ŋga iyi ley jəɗ gəldam iyi#15:15 Markus 5:11.. 16A kəmba i zəm məsəkəŋ tə gəldam iyi i mə zəm, ama hedi mə vəlaŋgu halla. 17Abə dawaŋ ta izey, a mar ley wulək əŋ nəf ŋga, a zla: “Hedi mə ɗal kəzəɗ tə ge baba na iyi, i kəzəm məsəkəŋ gwaɗ ha i yaku, ama sa izey, sa kəməc a mətis a nawa! 18Sa nda i ziŋ əŋ kelek baba na, sa nda i zlapaŋgu: Babay, sa kəɗal hem za a ma tə Bizlaf abə a ma təkwa. 19Sa kəhwas amba hwa ɗafaka ma mbu təkwa seh halla ba. Ɗalaka mənaŋ hedi ntaɗ tə əŋ faŋw tə hedi mə ɗal kəzəɗ təkwa iyi.” 20A ziŋgehe əŋ kelek baba ŋga.
«Əŋ mbiŋ a wulehe guduk abə ge ndagwa seh, baba ŋga a limʉ, a ɗalaŋ nje həhər, a hiy ley gbamaŋ talaŋ, humbuk, a humbuku əŋ ndəra, ɓa, a səməɗu. 21Mbu ta, a zlapaŋgu izey, a zla: “Babay, sa kəɗal hem za a ma tə Bizlaf abə a ma təkwa, sa kəhwas amba hwa ɗafaka ma mbu təkwa seh halla ba.” 22Ama baba a zlapaŋta əŋ gula ŋga iyi, a zla: “Viyu, hi daha rukut səntaŋ, hi ndəkaŋgu, hi ɗiyaŋ daŋgwa əŋ mbu ndəra, hi ndəkaŋ kərap əŋ ŋgas. 23Hi daha mbu vəriŋge magap, hi fatu, nakwa iyi zəmu, nakwa iyi ɗal gugway amba nakwa iyi səsəm. 24Məŋgəvday mbu na wa, kəməc za, ama kəmbəlaha cuza, kəkuɗəp za, ama i kəlimehew za.” Ɓa, i mar ley ɗal gugway abə səsəm.
25«Əŋ hala ta mba, mbu səndawl a wulehe a damu. A gwaraha mbehmbeh abə ge, a zlim rəv tə gaŋgaŋ abə zlay. 26A ɗafaŋ ma əŋ hedi ntaɗ tə əŋ faŋw tə hedi mə ɗal kəzəɗ iyi, a ɗəpu, a zla: “Mə ɗal seh, mey?” 27Hedi mə ɗal kəzəɗ ta, a ziŋgeŋ zlap, a zla: “Ar zliŋgeh mə ziŋgehe, baba təkwa kəfat mbu vəriŋge magap za, məŋgəvday a limʉ, kəziŋgehe za lawlaw.” 28Abə dawaŋ ta izey, mbu səndawl sey, a zəm nəf, a kəmba i təɗ əŋ ge səku ba. Baba ŋga a təɗaha, a buruku ley təɗ əŋ ge. 29Ama a ziŋgeŋ zlap əŋ baba ŋga, a zla: “Ehe, va mbeh səku, sa kəɗalah kəzəɗ, kwa sa kəyak ma təkwa ntaɗ ley kuw halla, ama əŋ sa seh, hwa kəvəlaka kwa mbu hencek ley ɗal gugway abə maday na iyi seh halla. 30Ama ehe, mbu təkwa wa, kəziŋgehe za, kəcukwaɗaha məsəkəŋ təkwa iyi fuk abə wala barlaw iyi, hwa kəfat mbu vəriŋge magap za məŋgəvday mbiŋ!” 31Abə dawaŋ ta izey, baba ŋga a ziŋgeŋ zlap, a zla: “Mbu na, hwa seh, hwa mbə abə sa hwayhway, məsəkəŋ na iyi fuk, ar tə təkwa. 32Ama a kəlim seh, nakwa iyi ɗal gugway, nakwa iyi səsəm məŋgəvday zliŋgeh wa, ehe, kəməc za, ama kəmbəlaha cuza, kəkuɗəp za, ama i kəlimehew za!”»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល