Luka 14
14
Yesu a mbəl hedi mə dal əŋ pis kə yip
1Əŋ pis kə yip məzəwindi aka, Yesu a nda əŋ ge hedi ntaɗ tə əŋ faŋw tə talaŋ habay tə Farisa iyi ley zəmaha wuda. Hedi tə a namba iyi i kəsəŋgəlu abə dak wucum. 2Ehe, hedi məc mə havaŋ wucum, mə geri a ma ŋga. 3Yesu a ɗəp metir tə ma majaw iyi abə Farisa iyi, a zla: «Ma majaw takwa kəvəl kataf za ley mbəl hedi əŋ pis kə yip vaw, aka səku halla vaw?» 4Ama, i nja tete. Ɓa, Yesu a məl hedi mə dal ta, a mbəlu, a yaku, mə nda ŋga. 5Ɓa, a zlapaŋta, a zla: «Ar viyey əŋ faŋw təheni wa, əŋgah mbu ŋgaŋ, aka səku zla ŋga a ndəv əŋ ɓulndu, a təɗahaw viyu kwa əŋ pis kə yip seh halla vaw#14:5 Matta 12:11; Luka 13:15.?» 6Ama i gula i ziŋgeŋ zlap kwa kʉsit a ma mbiŋ mə zlap ta səku#14:6 Matta 22:46..
Hi may lay kə nja tə dawaŋ, liŋ abə ley ɗafaŋta ma əŋ hedi məstakwaŋ iyi əŋ gugway
7Yesu a zlapaŋta əŋ hedi maɗaf ma iyi tə əŋ gugway abə ma marərək, məŋgəvday a kəsəŋgəlta i kəmay lay kə nja səntaŋ tə a ma. A zlapaŋta, a zla: 8«Əŋgah hedi kəɗafah ma za əŋ gugway kə ɓət wala, aka səku kə ɓət muwul seh, hwa mba i nja a lay səntaŋ səku. Kəganah əŋ faŋw təheni maɗaf ma iyi wa, hedi mə dayah abə səndawl aka. 9Hedi mə ɗafaheni ma, a ndaha ley zlapah: “Yakaŋ lay wa əŋ hedi wa.” Abə dawaŋ ta izey, hawa a ɗalah za ley nda i nja a lay tə a dawaŋ. 10Ama əŋgah i kəɗafah ma za, nda i nja a lay tə dawaŋ, ha əŋ hala hedi mə ɗafah ma mə nda i ndaha ley zlapah: “Maday na, ndaha ley nja a ma#14:10 Ma marərək 25:6-7..” Abə dawaŋ ta, a havah talaŋ za a ma tə hedi mə nda i zəm wuda lalaŋ iyi wa fuk. 11Məŋgəvday hedi mə kaf talaŋ ŋga əŋ səndawl seh, Bizlaf a bəreŋgehew za əŋ mekedek, hedi mə bəreŋ talaŋ ŋga əŋ mekedek bahayim, Bizlaf a kafza za əŋ səndawl#14:11 Matta 18:4; 23:12; Luka 16:15..»
12Ɓa, Yesu a zlapaŋ əŋ hedi mə ɗafaŋ ma sey, a zla: «Əŋgah hwa kəɗal zəm tə gugway seh, hwa mba i ɗafaŋta ma əŋ maday təkwa iyi, əŋ zliŋgeh iyi, əŋ hedi tə ge təheni iyi, kwa məslige təkwa tə abə məsəkəŋ iyi səku, məŋgəvday tata i gula i ɗafah ma bahayim, i mineh məsəkəŋ hwa mə vəlaŋta za. 13Ama əŋgah hwa kəɗal zəm tə gugway seh, ɗafaŋta ma əŋ hedi məstakwaŋ iyi, əŋ hedi mahuluɓ iyi, əŋ hedi sə gəlvaɗah iyi liŋ əŋ hedi wuluf iyi. 14Hwa lim nja səntaŋ za məŋgəvday i gula i ziŋgehza səku. Bizlaf a minehza za, əŋ pis hedi sə delele iyi i mə nda i garaha əŋ faŋw tə hedi maməc iyi.»
Ma marərək a talaŋ zəm mbeh səku
(Matta 22:1-10)
15Abə dawaŋ ta, i mə zlim ma iyi wa, hedi ntaɗ əŋ faŋw tə hedi mə zəm wuda iyi, a zlapaŋ əŋ Yesu, a zla: «Nja səntaŋ aka əŋ hedi mə nda i zəm wuda ŋga əŋ Bay tə Bizlaf!» 16Yesu a ziŋgeŋ zlap, a zla: «Hedi məzəwindi aka, kəɗal zəm mbeh səku, kəɗafaŋta ma əŋ hedi iyi mbeh səku. 17Pis tiɗe kə zəm wuda, a ləɓ hedi mə ɗal kəzəɗ ŋga ley zlapaŋta əŋ hedi maɗaf ma iyi: “Hi ndaha, məŋgəvday məsəkəŋ iyi fuk i mə ɗiyi kwata.” 18Ama tata fuk, i mar ley ɗəp mbuh əŋ ntaɗ ntaɗ. Hedi titʉz a zlapaŋ əŋ gula ta, a zla: “Sa kəsəkəmaha lay za, sa nda za ley gərahaw, sa kəɗalah mbuh, yakaka kataf.” 19Hedi məzəwindi, a zlapaŋgu, a zla: “Sa kəsəkəmaha zla iyi wam za ley ɗəs, sa nda za ley təlahata, sa kəɗalah mbuh, yakaka kataf.” 20Hedi məzəwindi bahayim, a zla: “Sa ɓətaha dəma mbehmbeh wa, məŋgəvday a ɗek, sa lim kataf ley nda halla.” 21Hedi mə ɗal kəzəɗ sey, a ziŋgehe əŋ kelek bay ŋga, a gizeŋ məsəkəŋ mə taŋ iyi ta fuk. Bay ŋga ta, nəf ŋga kədəm za, a zlapaŋ əŋ gula ŋga ta, a zla: “Nda viyu əŋ lay kə kwas hedi iyi abə əŋ kataf tə əŋ berne iyi, ɗafaŋta ma əŋ hedi məstakwaŋ iyi, əŋ hedi mahuluɓ iyi, əŋ hedi wuluf iyi liŋ əŋ hedi sə gəlvaɗah iyi i mə ndaha əŋ nawa.” 22Abə dawaŋ tə kʉsit, hedi mə ɗal kəzəɗ sey, a ziŋgehe, a zla: “Bay na, sa kəɗal məsəkəŋ iyi ta za mənaŋ hwa mə zlapaka ta, ama lay mayak aka baha.” 23Ɓa, bay sey, a zlapaŋ əŋ hedi mə ɗal kəzəɗ ta, a zla: “Nda əŋ meɗek kataf mekedek iyi abə əŋ meɗek lay iyi, takaŋta wula əŋ hedi hwa mə lim tə a namba iyi, i mə ndaha əŋ ge na, amba ge na mə gwaɗ. 24Məŋgəvday sa kəzlapaheni: kwa hedi ntaɗ əŋ faŋw tə hedi maɗaf ma titʉz iyi wa, mə nda i təl wuda na seh halla.”»
Ley mbaɗ əŋ gula tə Yesu seh viŋgey?
(Matta 10:37-38)
25Hedi makwas iyi i kənda abə Yesu a kataf. A gəraha nje əŋ dawaŋ, a zlapaŋta, a zla: 26«Əŋgah hedi a ndaha əŋ kelek na, kəmbalaka day baba ŋga, day mama ŋga, day wala ŋga, day wuziyi ŋga iyi, day zliŋgeŋ muwul muwul iyi abə hazləma hazləma iyi, kwa day mədəŋcur ŋga halla seh, a gula i mbaɗ əŋ gula na səku. 27Hedi kəɓət mpay mazlaŋgal ŋga ley zibereke halla seh, a gula i mbaɗ əŋ gula na səku. 28Ar viyey əŋ faŋw təheni, əŋgah a mba i ləm biŋ səndawl, a nja ley wulək mbeh səku a talaŋ dala mbiŋ mə nda i gay ley ləm biŋ ta, ɓa, a gər, a gula i maɗza za vaw, halla vaw? 29Ama, əŋgah a mar manjaraf tə biŋ ta, a gula i cukwaɗ ley maɗ biŋ ta səku seh, hedi mə nda i gər kəzəɗ ŋga iyi ta fuk i nda i ɓasaŋ a talaŋ, 30i zla: “Ehe, hedi wa, kəmar za ley ləm biŋ, ama a gula i cukwaɗ kəzəɗ ta səku!” 31Aka səku, bay vitikey, əŋgah a mba i nda i ɗal vərəm abə bay məzəwindi mənaŋ mbiŋ, a nja ndagwa ley ɗal wulək, əŋgah a gula za ley nda abə hedi ŋga iyi gabal wam ley jəm abə bay mə ndaha tə abə sewje ŋga iyi gabal ndəra bək za vaw? 32Əŋgah a gula səku, mar bay məzəwindi a wulehe guduk ndagwa, a ləɓ mələɓ ŋga iyi za ley ɗəpahaw amba məsəkəŋ tata i mə nda i ɗal ley lim zahay. 33Mənaŋ mba bahayim, əŋ faŋw təheni, kwa viyey kəyak məsəkəŋ ŋga iyi fuk halla seh, a gula i mbaɗ əŋ gula na səku.»
Əŋgah neweŋ kəkuɗəp ndərəm ŋga za seh, viŋgey?
(Matta 5:13; Markus 9:50)
34«Neweŋ seh, ar məsəkəŋ səntaŋ, ama əŋgah neweŋ ta, kəkuɗəp ndərəm ŋga cuza seh, nakwa iyi nda i ziŋgehe ndərəm ta baha seh, viŋgey? 35Neweŋ ta, ləlaw səku ba, kwa əŋ lay, kwa ley kʉy əŋ lay mənaŋ wureɓ ləlaw səku ba, i kʉyu əŋ damu. Hedi abə zləm ley zlim, mə zlimʉ!»
ទើបបានជ្រើសរើសហើយ៖
Luka 14: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 14
14
Yesu a mbəl hedi mə dal əŋ pis kə yip
1Əŋ pis kə yip məzəwindi aka, Yesu a nda əŋ ge hedi ntaɗ tə əŋ faŋw tə talaŋ habay tə Farisa iyi ley zəmaha wuda. Hedi tə a namba iyi i kəsəŋgəlu abə dak wucum. 2Ehe, hedi məc mə havaŋ wucum, mə geri a ma ŋga. 3Yesu a ɗəp metir tə ma majaw iyi abə Farisa iyi, a zla: «Ma majaw takwa kəvəl kataf za ley mbəl hedi əŋ pis kə yip vaw, aka səku halla vaw?» 4Ama, i nja tete. Ɓa, Yesu a məl hedi mə dal ta, a mbəlu, a yaku, mə nda ŋga. 5Ɓa, a zlapaŋta, a zla: «Ar viyey əŋ faŋw təheni wa, əŋgah mbu ŋgaŋ, aka səku zla ŋga a ndəv əŋ ɓulndu, a təɗahaw viyu kwa əŋ pis kə yip seh halla vaw#14:5 Matta 12:11; Luka 13:15.?» 6Ama i gula i ziŋgeŋ zlap kwa kʉsit a ma mbiŋ mə zlap ta səku#14:6 Matta 22:46..
Hi may lay kə nja tə dawaŋ, liŋ abə ley ɗafaŋta ma əŋ hedi məstakwaŋ iyi əŋ gugway
7Yesu a zlapaŋta əŋ hedi maɗaf ma iyi tə əŋ gugway abə ma marərək, məŋgəvday a kəsəŋgəlta i kəmay lay kə nja səntaŋ tə a ma. A zlapaŋta, a zla: 8«Əŋgah hedi kəɗafah ma za əŋ gugway kə ɓət wala, aka səku kə ɓət muwul seh, hwa mba i nja a lay səntaŋ səku. Kəganah əŋ faŋw təheni maɗaf ma iyi wa, hedi mə dayah abə səndawl aka. 9Hedi mə ɗafaheni ma, a ndaha ley zlapah: “Yakaŋ lay wa əŋ hedi wa.” Abə dawaŋ ta izey, hawa a ɗalah za ley nda i nja a lay tə a dawaŋ. 10Ama əŋgah i kəɗafah ma za, nda i nja a lay tə dawaŋ, ha əŋ hala hedi mə ɗafah ma mə nda i ndaha ley zlapah: “Maday na, ndaha ley nja a ma#14:10 Ma marərək 25:6-7..” Abə dawaŋ ta, a havah talaŋ za a ma tə hedi mə nda i zəm wuda lalaŋ iyi wa fuk. 11Məŋgəvday hedi mə kaf talaŋ ŋga əŋ səndawl seh, Bizlaf a bəreŋgehew za əŋ mekedek, hedi mə bəreŋ talaŋ ŋga əŋ mekedek bahayim, Bizlaf a kafza za əŋ səndawl#14:11 Matta 18:4; 23:12; Luka 16:15..»
12Ɓa, Yesu a zlapaŋ əŋ hedi mə ɗafaŋ ma sey, a zla: «Əŋgah hwa kəɗal zəm tə gugway seh, hwa mba i ɗafaŋta ma əŋ maday təkwa iyi, əŋ zliŋgeh iyi, əŋ hedi tə ge təheni iyi, kwa məslige təkwa tə abə məsəkəŋ iyi səku, məŋgəvday tata i gula i ɗafah ma bahayim, i mineh məsəkəŋ hwa mə vəlaŋta za. 13Ama əŋgah hwa kəɗal zəm tə gugway seh, ɗafaŋta ma əŋ hedi məstakwaŋ iyi, əŋ hedi mahuluɓ iyi, əŋ hedi sə gəlvaɗah iyi liŋ əŋ hedi wuluf iyi. 14Hwa lim nja səntaŋ za məŋgəvday i gula i ziŋgehza səku. Bizlaf a minehza za, əŋ pis hedi sə delele iyi i mə nda i garaha əŋ faŋw tə hedi maməc iyi.»
Ma marərək a talaŋ zəm mbeh səku
(Matta 22:1-10)
15Abə dawaŋ ta, i mə zlim ma iyi wa, hedi ntaɗ əŋ faŋw tə hedi mə zəm wuda iyi, a zlapaŋ əŋ Yesu, a zla: «Nja səntaŋ aka əŋ hedi mə nda i zəm wuda ŋga əŋ Bay tə Bizlaf!» 16Yesu a ziŋgeŋ zlap, a zla: «Hedi məzəwindi aka, kəɗal zəm mbeh səku, kəɗafaŋta ma əŋ hedi iyi mbeh səku. 17Pis tiɗe kə zəm wuda, a ləɓ hedi mə ɗal kəzəɗ ŋga ley zlapaŋta əŋ hedi maɗaf ma iyi: “Hi ndaha, məŋgəvday məsəkəŋ iyi fuk i mə ɗiyi kwata.” 18Ama tata fuk, i mar ley ɗəp mbuh əŋ ntaɗ ntaɗ. Hedi titʉz a zlapaŋ əŋ gula ta, a zla: “Sa kəsəkəmaha lay za, sa nda za ley gərahaw, sa kəɗalah mbuh, yakaka kataf.” 19Hedi məzəwindi, a zlapaŋgu, a zla: “Sa kəsəkəmaha zla iyi wam za ley ɗəs, sa nda za ley təlahata, sa kəɗalah mbuh, yakaka kataf.” 20Hedi məzəwindi bahayim, a zla: “Sa ɓətaha dəma mbehmbeh wa, məŋgəvday a ɗek, sa lim kataf ley nda halla.” 21Hedi mə ɗal kəzəɗ sey, a ziŋgehe əŋ kelek bay ŋga, a gizeŋ məsəkəŋ mə taŋ iyi ta fuk. Bay ŋga ta, nəf ŋga kədəm za, a zlapaŋ əŋ gula ŋga ta, a zla: “Nda viyu əŋ lay kə kwas hedi iyi abə əŋ kataf tə əŋ berne iyi, ɗafaŋta ma əŋ hedi məstakwaŋ iyi, əŋ hedi mahuluɓ iyi, əŋ hedi wuluf iyi liŋ əŋ hedi sə gəlvaɗah iyi i mə ndaha əŋ nawa.” 22Abə dawaŋ tə kʉsit, hedi mə ɗal kəzəɗ sey, a ziŋgehe, a zla: “Bay na, sa kəɗal məsəkəŋ iyi ta za mənaŋ hwa mə zlapaka ta, ama lay mayak aka baha.” 23Ɓa, bay sey, a zlapaŋ əŋ hedi mə ɗal kəzəɗ ta, a zla: “Nda əŋ meɗek kataf mekedek iyi abə əŋ meɗek lay iyi, takaŋta wula əŋ hedi hwa mə lim tə a namba iyi, i mə ndaha əŋ ge na, amba ge na mə gwaɗ. 24Məŋgəvday sa kəzlapaheni: kwa hedi ntaɗ əŋ faŋw tə hedi maɗaf ma titʉz iyi wa, mə nda i təl wuda na seh halla.”»
Ley mbaɗ əŋ gula tə Yesu seh viŋgey?
(Matta 10:37-38)
25Hedi makwas iyi i kənda abə Yesu a kataf. A gəraha nje əŋ dawaŋ, a zlapaŋta, a zla: 26«Əŋgah hedi a ndaha əŋ kelek na, kəmbalaka day baba ŋga, day mama ŋga, day wala ŋga, day wuziyi ŋga iyi, day zliŋgeŋ muwul muwul iyi abə hazləma hazləma iyi, kwa day mədəŋcur ŋga halla seh, a gula i mbaɗ əŋ gula na səku. 27Hedi kəɓət mpay mazlaŋgal ŋga ley zibereke halla seh, a gula i mbaɗ əŋ gula na səku. 28Ar viyey əŋ faŋw təheni, əŋgah a mba i ləm biŋ səndawl, a nja ley wulək mbeh səku a talaŋ dala mbiŋ mə nda i gay ley ləm biŋ ta, ɓa, a gər, a gula i maɗza za vaw, halla vaw? 29Ama, əŋgah a mar manjaraf tə biŋ ta, a gula i cukwaɗ ley maɗ biŋ ta səku seh, hedi mə nda i gər kəzəɗ ŋga iyi ta fuk i nda i ɓasaŋ a talaŋ, 30i zla: “Ehe, hedi wa, kəmar za ley ləm biŋ, ama a gula i cukwaɗ kəzəɗ ta səku!” 31Aka səku, bay vitikey, əŋgah a mba i nda i ɗal vərəm abə bay məzəwindi mənaŋ mbiŋ, a nja ndagwa ley ɗal wulək, əŋgah a gula za ley nda abə hedi ŋga iyi gabal wam ley jəm abə bay mə ndaha tə abə sewje ŋga iyi gabal ndəra bək za vaw? 32Əŋgah a gula səku, mar bay məzəwindi a wulehe guduk ndagwa, a ləɓ mələɓ ŋga iyi za ley ɗəpahaw amba məsəkəŋ tata i mə nda i ɗal ley lim zahay. 33Mənaŋ mba bahayim, əŋ faŋw təheni, kwa viyey kəyak məsəkəŋ ŋga iyi fuk halla seh, a gula i mbaɗ əŋ gula na səku.»
Əŋgah neweŋ kəkuɗəp ndərəm ŋga za seh, viŋgey?
(Matta 5:13; Markus 9:50)
34«Neweŋ seh, ar məsəkəŋ səntaŋ, ama əŋgah neweŋ ta, kəkuɗəp ndərəm ŋga cuza seh, nakwa iyi nda i ziŋgehe ndərəm ta baha seh, viŋgey? 35Neweŋ ta, ləlaw səku ba, kwa əŋ lay, kwa ley kʉy əŋ lay mənaŋ wureɓ ləlaw səku ba, i kʉyu əŋ damu. Hedi abə zləm ley zlim, mə zlimʉ!»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល