Luka 16
16
Ma marərək a talaŋ hedi mə ɗal kəzəɗ tə abə wereh
1Ɓa, Yesu a zlapaŋta əŋ gula ŋga iyi, a zla: «Hedi tə abə məsəkəŋ məzəwindi aka, abə gula ŋga mə jəɗaŋ məsəkəŋ ŋga iyi ta. Hedi iyi i ndaha, i zlapaŋgu, i zla: “Hedi mə ɗal kəzəɗ təkwa, a kəgayah məsəkəŋ təkwa iyi.” 2Hedi tə abə məsəkəŋ ta, a ɗafaŋ ma, ɓa, a zlapaŋgu, a zla: “Sa zlim i kəzlap a talaŋ təkwa seh, məndiwiŋ vaw? Gizeke kəzəɗ təkwa, hwa mə ɗal fuk, məŋgəvday hwa kənda i nja əŋ hedi mə ɗal kəzəɗ na seh halla ba!” 3Hedi mə ɗal kəzəɗ ta, ɓa, a wulək əŋ nəf ŋga, a zla: “Sa nda i ɗal seh, viŋgey? Bay na, a nda i gamaka əŋ kəzəɗ ŋga, ley ɗəs fagay na halla, ley rək hawa a nda i ɗalaka. 4Yawa! Sa səŋ məsəkəŋ sa mə nda i ɗal, əŋgah i kəgamaka za əŋ kəzəɗ na ta seh, hedi məzəwindi iyi i kuwaka za əŋ ge tata.” 5Ɓa, a ɗafaŋta ma əŋ hedi mə ɓət duwa tə ndəra bay ŋga iyi, ntaɗ ntaɗ fuk. A zlapaŋ əŋ hedi titʉz, a zla: “Duwa tə bay na a ndəra təkwa seh, veney?” 6Hedi ta a ziŋgeŋ zlap, a zla: “Gwaŋgwaŋ tə mel temere”. A zlapaŋgu, a zla: “Ehe, ɗerewel tə duwa təkwa, nja viyu, wuzlel ndəra juɓum.” 7Ɓa, a ɗəp hedi məzəwindi baha, a zla: “Duwa tə bay na, a ndəra təkwa seh, veney?” Hedi ta a ziŋgeŋ zlap, a zla: “Gabal tə ndəri temere.” A zlapaŋ əŋ hedi ta, a zla: “Ehe, ɗerewel tə duwa təkwa, wuzlel a ɗek, ndəra jamaakaɗ.” 8Ɓa, bay ta, a səbaŋ hedi mə ɗal kəzəɗ madawar ta, məŋgəvday a mbiŋ mə ɗal kəzəɗ ta abə wereh. Məndiwiŋ, hedi tə əŋ məŋhayak mənjawa iyi, i pay mba ley ɗal kəzəɗ tə abə wereh əŋ faŋw tata, day a hedi tə əŋ lay mawaɗ iyi.»
9Yesu a zlap baha, a zla: «Sa seh, sa kəzlapaheni: Hi məl maday abə məsəkəŋ təheni tə əŋ məŋhayak iyi wa. Əŋgah kəcukwaɗ za a ndəra təheni seh, maday iyi ta i nda i kuwaheni əŋ lay kə nja səntaŋ mə cukwaɗ səku a wuzlaf. 10Hedi mə ɗal kəzəɗ sə delele tə abə məsəkəŋ mekedek, a ɗal kəzəɗ sə delele za abə məsəkəŋ səndawl bahayim. Hedi mə ɗal kəzəɗ sə delele səku tə abə məsəkəŋ mekedek, a ɗal kəzəɗ sə delele abə məsəkəŋ səndawl halla bahayim. 11Əŋgah heni gula i ɗal kəzəɗ sə delele abə məsəkəŋ i mə vəlaheni tə əŋ məŋhayak wa səku seh, mə nda i vəlaheni məsəkəŋ səntaŋ cekcek seh, viyey? 12Əŋgah heni gula i ɗal kəzəɗ sə delele abə məsəkəŋ tə hedi məzəwindi iyi səku seh, mə nda i vəlaheni məsəkəŋ amba heni sla a ɗek seh, viyey? 13Kwa hedi ntaɗ mə gula i ɗalaŋta kəzəɗ əŋ bay iyi bək seh halla, məŋgəvday a kənda i mba hedi ntaɗ halla, a mba hedi məzəwindi za, aka səku a nda i waŋgaŋ talaŋ əŋ hedi ntaɗ, a geŋgir hedi məzəwindi za. Heni gula i ziber Bizlaf abə dala bək tata iyi seh halla#16:13 Matta 6:24..»
Zlap tə Yesu dakayta iyi
(Matta 11:12-13; 5:31-32; Markus 10:11-12)
14Farisa iyi seh, hedi mə mba dala tədayday iyi, i zlim ma ta seh, i ɓasaŋ a talaŋ Yesu. 15Ama Yesu a zlapaŋta, a zla: «Heni seh, hi kəɗal məsəkəŋ mənaŋ hedi sə delele iyi a ma tə hedi iyi. Ama Bizlaf a kəsəŋ nəf təheni. Məsəkəŋ hedi iyi i mə gər səndawl a ma tata seh, ar məsəkəŋ haya a ma tə Bizlaf. 16Hala tə ma majaw tə Musa abə tə hedi mə giz ma abə miya tə Bizlaf iyi kənja za ha a gwaraha əŋ hala tə Yahwana mə ɗal batem. Mar tə əŋ hala ta mba, i kəgiz Labara Səntaŋ Lawayaŋ tə Bay tə Bizlaf, kwa viyey a kəpələk ley təɗ abə fagay əŋ ɗəməŋ. 17Lay tə wuzlaf abə lay tə teyek pay gelɓe ley kuɗəp a talaŋ tir mekedek ntaɗ tə əŋ ɗerewel tə ma majaw tə Musa mə nda i kuɗəp. 18Hedi mə gam wala ŋga, a daha par seh, a ɗal mba, a ɓət wucum sifteleh a palah. Baha, hedi mə ɓət wala magamaha seh, a ɗal mba, a ɓət wucum sifteleh a palah.»
Ma marərək a talaŋ hedi tə abə məsəkəŋ abə Lazarus
19Yesu a zlapaŋta abə ma marərək, a zla: «Hedi tə abə məsəkəŋ aka, a kəndək rukut səntaŋ a wucum tə dala kwak. Əŋ waŋ fuk, a kəsəsəm, a kəɗal gugway. 20Hedi məstakwaŋ məzəwindi aka, miya ŋga Lazarus, wucum ŋga fuk mbəlah, mə weŋgi a medigiɗ tə hedi tə abə məsəkəŋ sey. 21A kəmba i cam wuda mapəpəs tə teyek tə a lay kə zəm wuda tə hedi tə abə məsəkəŋ ta wa. Ama haza iyi i kəndaha ley ndefeɗ mbəlah ŋga iyi. 22Abə dawaŋ ta kʉsit, hedi məstakwaŋ sey, ɓak, a məc ŋga, mələɓ tə Bizlaf tə wuzlaf iyi i ndaha, i ɓətu əŋ wuzlaf əŋ kelek Ibrahima#16:22 13:28.. Hedi tə abə məsəkəŋ sey, ɓak, a məc ŋga bahayim, kah, i kahaw. 23Əŋ mbiŋ, a kəzləŋ takwaŋ mbeh səku əŋ faŋw tə hedi maməc iyi seh, a kaf nje əŋ wuzlaf, a lim Ibrahima abə guduk ta, Lazarus mbə a kelek ŋga. 24Abə dawaŋ ta izey, a ja varay, a zla: “Waa baba na, Ibrahima, səŋgaka nje həhər, ləɓaha Lazarus amba mə jəraɓ meɗek tə mbu ndəra ŋga əŋ yim ley maɗaka ganaɗ na, məŋgəvday sa kəzləŋ takwaŋ tədayday əŋ kahaw wa.” 25Ama Ibrahima a ziŋgeŋ zlap, a zla: “Mbu na, səŋ kenek a hwa mbə əŋ məŋhayak, hwa kəlim məsəkəŋ za mbeh səku, əŋ mbamba Lazarus a kəzləŋ takwaŋ. Mənjawa, mbə a nawa, nini kədakaŋ nəf, ama hwa bahayim hwa kəzləŋ takwaŋ. 26Mə day mba baha dap, jiɓ sə seleleŋ əŋ faŋw təheni abə nini aka, məŋgəvday a ɗek, hedi tə a nawa iyi i mba i nda əŋ namba, i gula səku, aka səku hedi tə a namba iyi i mba i ndaha əŋ nawa, i gula səku.” 27Hedi tə abə məsəkəŋ sey, a zlapaŋ əŋ Ibrahima, a zla: “Sa kəɗalah mbuh izey, waa baba na Ibrahima, ləɓ Lazarus əŋ ge baba na, 28məŋgəvday a namba, sa abə zliŋmana iyi juɓum aka, mə nda i gizeŋta, amba tata bahayim, i mba i ndaha əŋ lay tə tuwah wa səku ba.” 29Ibrahima a ziŋgeŋ zlap, a zla: “Zliŋgeh iyi wa, Musa abə hedi mə giz ma abə miya tə Bizlaf iyi i mbə a namba ley gizeŋta, i mə teheŋta zləm.” 30Hedi tə abə məsəkəŋ ta, a zlapaŋgu, a zla: “Mbamba seh ɓəraŋ, waa baba na Ibrahima. Ama əŋgah a lim za seh, hedi mə gar tə a nawa əŋ faŋw tə hedi maməc iyi, a nda əŋ kelek tata, mbamba seh, i buw nja tata za.” 31Ama Ibrahima a zlapaŋgu, a zla: “Əŋgah i kəmba i zlimeŋ ma tə Musa abə tə hedi mə giz ma abə miya tə Bizlaf iyi səku seh, kwa hedi mə garaha tə əŋ faŋw tə hedi maməc iyi seh, i kənda i kuwaŋta ma seh halla bahayim.”»
ទើបបានជ្រើសរើសហើយ៖
Luka 16: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 16
16
Ma marərək a talaŋ hedi mə ɗal kəzəɗ tə abə wereh
1Ɓa, Yesu a zlapaŋta əŋ gula ŋga iyi, a zla: «Hedi tə abə məsəkəŋ məzəwindi aka, abə gula ŋga mə jəɗaŋ məsəkəŋ ŋga iyi ta. Hedi iyi i ndaha, i zlapaŋgu, i zla: “Hedi mə ɗal kəzəɗ təkwa, a kəgayah məsəkəŋ təkwa iyi.” 2Hedi tə abə məsəkəŋ ta, a ɗafaŋ ma, ɓa, a zlapaŋgu, a zla: “Sa zlim i kəzlap a talaŋ təkwa seh, məndiwiŋ vaw? Gizeke kəzəɗ təkwa, hwa mə ɗal fuk, məŋgəvday hwa kənda i nja əŋ hedi mə ɗal kəzəɗ na seh halla ba!” 3Hedi mə ɗal kəzəɗ ta, ɓa, a wulək əŋ nəf ŋga, a zla: “Sa nda i ɗal seh, viŋgey? Bay na, a nda i gamaka əŋ kəzəɗ ŋga, ley ɗəs fagay na halla, ley rək hawa a nda i ɗalaka. 4Yawa! Sa səŋ məsəkəŋ sa mə nda i ɗal, əŋgah i kəgamaka za əŋ kəzəɗ na ta seh, hedi məzəwindi iyi i kuwaka za əŋ ge tata.” 5Ɓa, a ɗafaŋta ma əŋ hedi mə ɓət duwa tə ndəra bay ŋga iyi, ntaɗ ntaɗ fuk. A zlapaŋ əŋ hedi titʉz, a zla: “Duwa tə bay na a ndəra təkwa seh, veney?” 6Hedi ta a ziŋgeŋ zlap, a zla: “Gwaŋgwaŋ tə mel temere”. A zlapaŋgu, a zla: “Ehe, ɗerewel tə duwa təkwa, nja viyu, wuzlel ndəra juɓum.” 7Ɓa, a ɗəp hedi məzəwindi baha, a zla: “Duwa tə bay na, a ndəra təkwa seh, veney?” Hedi ta a ziŋgeŋ zlap, a zla: “Gabal tə ndəri temere.” A zlapaŋ əŋ hedi ta, a zla: “Ehe, ɗerewel tə duwa təkwa, wuzlel a ɗek, ndəra jamaakaɗ.” 8Ɓa, bay ta, a səbaŋ hedi mə ɗal kəzəɗ madawar ta, məŋgəvday a mbiŋ mə ɗal kəzəɗ ta abə wereh. Məndiwiŋ, hedi tə əŋ məŋhayak mənjawa iyi, i pay mba ley ɗal kəzəɗ tə abə wereh əŋ faŋw tata, day a hedi tə əŋ lay mawaɗ iyi.»
9Yesu a zlap baha, a zla: «Sa seh, sa kəzlapaheni: Hi məl maday abə məsəkəŋ təheni tə əŋ məŋhayak iyi wa. Əŋgah kəcukwaɗ za a ndəra təheni seh, maday iyi ta i nda i kuwaheni əŋ lay kə nja səntaŋ mə cukwaɗ səku a wuzlaf. 10Hedi mə ɗal kəzəɗ sə delele tə abə məsəkəŋ mekedek, a ɗal kəzəɗ sə delele za abə məsəkəŋ səndawl bahayim. Hedi mə ɗal kəzəɗ sə delele səku tə abə məsəkəŋ mekedek, a ɗal kəzəɗ sə delele abə məsəkəŋ səndawl halla bahayim. 11Əŋgah heni gula i ɗal kəzəɗ sə delele abə məsəkəŋ i mə vəlaheni tə əŋ məŋhayak wa səku seh, mə nda i vəlaheni məsəkəŋ səntaŋ cekcek seh, viyey? 12Əŋgah heni gula i ɗal kəzəɗ sə delele abə məsəkəŋ tə hedi məzəwindi iyi səku seh, mə nda i vəlaheni məsəkəŋ amba heni sla a ɗek seh, viyey? 13Kwa hedi ntaɗ mə gula i ɗalaŋta kəzəɗ əŋ bay iyi bək seh halla, məŋgəvday a kənda i mba hedi ntaɗ halla, a mba hedi məzəwindi za, aka səku a nda i waŋgaŋ talaŋ əŋ hedi ntaɗ, a geŋgir hedi məzəwindi za. Heni gula i ziber Bizlaf abə dala bək tata iyi seh halla#16:13 Matta 6:24..»
Zlap tə Yesu dakayta iyi
(Matta 11:12-13; 5:31-32; Markus 10:11-12)
14Farisa iyi seh, hedi mə mba dala tədayday iyi, i zlim ma ta seh, i ɓasaŋ a talaŋ Yesu. 15Ama Yesu a zlapaŋta, a zla: «Heni seh, hi kəɗal məsəkəŋ mənaŋ hedi sə delele iyi a ma tə hedi iyi. Ama Bizlaf a kəsəŋ nəf təheni. Məsəkəŋ hedi iyi i mə gər səndawl a ma tata seh, ar məsəkəŋ haya a ma tə Bizlaf. 16Hala tə ma majaw tə Musa abə tə hedi mə giz ma abə miya tə Bizlaf iyi kənja za ha a gwaraha əŋ hala tə Yahwana mə ɗal batem. Mar tə əŋ hala ta mba, i kəgiz Labara Səntaŋ Lawayaŋ tə Bay tə Bizlaf, kwa viyey a kəpələk ley təɗ abə fagay əŋ ɗəməŋ. 17Lay tə wuzlaf abə lay tə teyek pay gelɓe ley kuɗəp a talaŋ tir mekedek ntaɗ tə əŋ ɗerewel tə ma majaw tə Musa mə nda i kuɗəp. 18Hedi mə gam wala ŋga, a daha par seh, a ɗal mba, a ɓət wucum sifteleh a palah. Baha, hedi mə ɓət wala magamaha seh, a ɗal mba, a ɓət wucum sifteleh a palah.»
Ma marərək a talaŋ hedi tə abə məsəkəŋ abə Lazarus
19Yesu a zlapaŋta abə ma marərək, a zla: «Hedi tə abə məsəkəŋ aka, a kəndək rukut səntaŋ a wucum tə dala kwak. Əŋ waŋ fuk, a kəsəsəm, a kəɗal gugway. 20Hedi məstakwaŋ məzəwindi aka, miya ŋga Lazarus, wucum ŋga fuk mbəlah, mə weŋgi a medigiɗ tə hedi tə abə məsəkəŋ sey. 21A kəmba i cam wuda mapəpəs tə teyek tə a lay kə zəm wuda tə hedi tə abə məsəkəŋ ta wa. Ama haza iyi i kəndaha ley ndefeɗ mbəlah ŋga iyi. 22Abə dawaŋ ta kʉsit, hedi məstakwaŋ sey, ɓak, a məc ŋga, mələɓ tə Bizlaf tə wuzlaf iyi i ndaha, i ɓətu əŋ wuzlaf əŋ kelek Ibrahima#16:22 13:28.. Hedi tə abə məsəkəŋ sey, ɓak, a məc ŋga bahayim, kah, i kahaw. 23Əŋ mbiŋ, a kəzləŋ takwaŋ mbeh səku əŋ faŋw tə hedi maməc iyi seh, a kaf nje əŋ wuzlaf, a lim Ibrahima abə guduk ta, Lazarus mbə a kelek ŋga. 24Abə dawaŋ ta izey, a ja varay, a zla: “Waa baba na, Ibrahima, səŋgaka nje həhər, ləɓaha Lazarus amba mə jəraɓ meɗek tə mbu ndəra ŋga əŋ yim ley maɗaka ganaɗ na, məŋgəvday sa kəzləŋ takwaŋ tədayday əŋ kahaw wa.” 25Ama Ibrahima a ziŋgeŋ zlap, a zla: “Mbu na, səŋ kenek a hwa mbə əŋ məŋhayak, hwa kəlim məsəkəŋ za mbeh səku, əŋ mbamba Lazarus a kəzləŋ takwaŋ. Mənjawa, mbə a nawa, nini kədakaŋ nəf, ama hwa bahayim hwa kəzləŋ takwaŋ. 26Mə day mba baha dap, jiɓ sə seleleŋ əŋ faŋw təheni abə nini aka, məŋgəvday a ɗek, hedi tə a nawa iyi i mba i nda əŋ namba, i gula səku, aka səku hedi tə a namba iyi i mba i ndaha əŋ nawa, i gula səku.” 27Hedi tə abə məsəkəŋ sey, a zlapaŋ əŋ Ibrahima, a zla: “Sa kəɗalah mbuh izey, waa baba na Ibrahima, ləɓ Lazarus əŋ ge baba na, 28məŋgəvday a namba, sa abə zliŋmana iyi juɓum aka, mə nda i gizeŋta, amba tata bahayim, i mba i ndaha əŋ lay tə tuwah wa səku ba.” 29Ibrahima a ziŋgeŋ zlap, a zla: “Zliŋgeh iyi wa, Musa abə hedi mə giz ma abə miya tə Bizlaf iyi i mbə a namba ley gizeŋta, i mə teheŋta zləm.” 30Hedi tə abə məsəkəŋ ta, a zlapaŋgu, a zla: “Mbamba seh ɓəraŋ, waa baba na Ibrahima. Ama əŋgah a lim za seh, hedi mə gar tə a nawa əŋ faŋw tə hedi maməc iyi, a nda əŋ kelek tata, mbamba seh, i buw nja tata za.” 31Ama Ibrahima a zlapaŋgu, a zla: “Əŋgah i kəmba i zlimeŋ ma tə Musa abə tə hedi mə giz ma abə miya tə Bizlaf iyi səku seh, kwa hedi mə garaha tə əŋ faŋw tə hedi maməc iyi seh, i kənda i kuwaŋta ma seh halla bahayim.”»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល