Yahwana 3
3
Gbam talaŋ tə Yesu abə Nikwademus
1Hedi məzəwindi aka əŋ faŋw tə Farisa iyi, miya ŋga Nikwademus, ar hedi ntaɗ tə əŋ faŋw tə talaŋ habay tə Yahuda iyi. 2A ndaha əŋ kelek Yesu abə njaɗu, a zlapaŋgu, a zla: «Rabbi, nini kəsəŋ hwa seh, hwa metir Bizlaf mə ləɓah ley sərək hedi iyi, məŋgəvday kwa hedi ntaɗ mə gula i ɗal mazla mənaŋ hwa mə ɗal wa seh halla, əŋgah Bizlaf mbə abə mbiŋ halla.» 3Yesu a ziŋgeŋ zlap, a zla: «Ayaw, sa kəzlapah məndiwiŋ: əŋgah hedi kəmbuwaha əŋ ŋgas bək halla seh, a gula i lim Bay tə Bizlaf səku.» 4Nikwademus a ziŋgeŋ zlap, a zla: «Əŋgah hedi kəɗal məsəra kwata seh, a nda i mbuwaha əŋ ŋgas bək baha seh viŋgey? A gula i ziŋ əŋ dəməs mama ŋga ley mbuwaha əŋ ŋgas bək baha vaw?» 5Yesu a ziŋgeŋ zlap, a zla: «Ayaw, sa kəzlapah məndiwiŋ: əŋgah hedi kəmbuwaha abə yim liŋ abə Mimiɗ sə Kweɗek halla seh, a gula i təɗ əŋ Bay tə Bizlaf seh halla. 6Mambuwaha tə dəməs hedi iyi seh, ar hedi. Mambuwaha kəɗi əŋ Mimiɗ tə Bizlaf seh, ar mimiɗ. 7Hwa mba i har məŋgəvday sa mə zlapah wa səku: “Sey heni mbuwaha əŋ ŋgas bək baha.” 8Mimiɗ a kəɗal əŋ lay mənaŋ mbiŋ mə mba, hwa kəzlim rəv ta, ama hwa kəsəŋ a ndaha a tikey səku, a nda ŋga əŋ vey səku. Mənaŋ wa, a taŋ za abə kwa viyey mə mbuwaha kəɗi əŋ Mimiɗ tə Bizlaf.» 9Ɓa, Nikwademus a ɗəpu, a zla: «Məsəkəŋ ta, a nda i ɗal seh viŋgey?» 10Yesu a ziŋgeŋ zlap, a zla: «Hwa seh, hwa metir mə sərək hedi tə əŋ Israyila iyi, hwa kəsəŋ məsəkəŋ iyi ta wa səku vaw? 11Ayaw, sa kəzlapah məndiwiŋ: Nini kəzlap a talaŋ məsəkəŋ nini mə səŋ abə a talaŋ məsəkəŋ nini mə lim tə abə nje tini, ama abə mbiŋ ta fuk, heni ŋgəm ley kuw ma tini səku. 12Sa kəzlapaheni za a talaŋ məsəkəŋ mə taŋ tə teyek, ama heni kəkuwaka ma halla. Heni nda i kuwaka ma, əŋgah sa zlapaheni a talaŋ məsəkəŋ mə taŋ tə wuzlaf seh viŋgey? 13Kwa hedi ntaɗ mə ter ley nda əŋ wuzlaf seh halla, sey Mbu tə Hedi mə bəreŋgehe tə wuzlaf#3:13 Ma marərək 30:4; Rawma iyi 10:6.. 14Mənaŋ Musa mə law zʉzʉk tə malaway sə pəreŋ a mpay tə əŋ təp damu, mənaŋ mba bahayim, sey i law Mbu tə Hedi bahayim, 15amba kwa viyey mə kuw ma ŋga a lim mədəŋcur mə cukwaɗ səku za. 16Məŋgəvday Bizlaf kəmba məŋhayak za mbeh səku, kəvəl Mbu ŋgaŋ malay za, amba kwa viyey mə kuwu a kuɗəp halla, ama a lim mədəŋcur mə cukwaɗ səku za. 17Bizlaf kələɓaha Mbu ŋgaŋ əŋ məŋhayak ley mbəzl ma a talaŋ məŋhayak seh halla, ama amba məŋhayak mə lim reh kəɗi mbiŋ. 18Hedi mə kuw ma tə Mbu seh, a lim mbəzl ma halla. Ama hedi mə kuw ma ŋga səku seh, i kəmbəzlaŋ ma cuza, məŋgəvday kəkuw ma tə Mbu tə Bizlaf malay seh halla. 19Ehe, mbəzl ma ta seh mənaŋ wa: Lay mawaɗ kəndaha za əŋ məŋhayak, ama hedi tə əŋ məŋhayak iyi i mba ləvəŋ pay day a lay mawaɗ, məŋgəvday i kəɗal kəzəɗ madawar iyi. 20Kwa viyey, əŋgah a kəɗal məsəkəŋ madawar, a kəmba lay mawaɗ səku, a ndaha əŋ lay mawaɗ halla, məŋgəvday a kələndəŋ a kəzəɗ ŋga madawar iyi i nda i təɗaha a palah. 21Ama hedi mə ɗal məsəkəŋ səntaŋ seh, a ndaha za əŋ lay mawaɗ amba kəzəɗ ŋga iyi i lim ley təɗaha a palah, kəzəɗ ŋga maɗal tə abə mba tə Bizlaf.»
Yahwana mə ɗal batem abə Yesu
22Abə dawaŋ tə wa, Yesu a nda abə gula ŋga iyi əŋ hayak tə Yahudiya. A nja abə tata mbizek a namba, ɓa, a ɗalaŋta batem əŋ hedi iyi. 23Yahwana bahayim a kəɗalaŋta batem əŋ hedi iyi a Aynaŋw, mbehmbeh abə wuta i mə ɗafaŋ ma Salim, məŋgəvday yim a namba mbeh səku. Hedi iyi i kənda kəɗi əŋ kelek ŋga, ɓa, a kəɗalaŋta batem. 24Əŋ mbamba seh, i kənaha Yahwana ta əŋ daŋgay halla ndagwa#3:24 Matta 14:3; Markus 6:17; Luka 3:19-20.. 25Abə dawaŋ ta, yawa kəɗal za əŋ faŋw tə gula tə Yahwana iyi abə lə Yahuda aka, a talaŋ kukus ley baŋ hem. 26I nda əŋ kelek Yahwana, i zlapaŋgu, i zla: «Rabbi, hwa kəsəŋ kenek za a hedi wa, mə nja tə abə hwa kəɗi əŋ kəv məzəwindi tə lakwat Urdun, hwa mə zlap tə a mbiŋ sey, ehe mbiŋ bahayim a kəɗalaŋta batem əŋ hedi iyi, hedi iyi fuk i kənda əŋ kelek ŋga.» 27Yahwana a ziŋgeŋta zlap, a zla: «Hedi a gula i lim kwa mey səku, sey Bizlaf mə vəlaŋgu. 28Heni abə talaŋ təheni, heni kəɗal sedewe za əŋ sa mə zlap, sa zla: “Sa seh, sa Almasihu səku, ama sa hedi maləɓaha məpər a mbiŋ.” 29Hedi mə ɓət wala seh, wala ta ar wala ŋga. Ama maday tə muwul mə geri a kelek ŋga, a kəzlim zlap ŋga, a kəsəsəm ley zlim wula tə muwul ta mbeh səku. Mənaŋ mba bahayim, mənjawa sa abə səsəm mbeh səku. 30A kəlim seh, səndawl ŋga mə fəfəl a ma, sa bahayim səndawl na mə ɗal ɓəraŋ.»
Hedi mə ndaha tə wuzlaf
31«Hedi mandaha tə wuzlaf seh, mbə a talaŋ kwa mey fuk. Hedi mandaha tə teyek seh, ar hedi tə teyek, a kəzlap a talaŋ məsəkəŋ tə teyek iyi. Hedi mandaha tə wuzlaf seh, mbə a talaŋ kwa mey fuk. 32A kəzlap a talaŋ məsəkəŋ mbiŋ mə gər abə məsəkəŋ mbiŋ mə zlim, ama kwa hedi mə kuw ɗal sedewe ŋga ta seh halla. 33Hedi mə kuw ɗal sedewe ŋga seh, a kəgizeŋta əŋ hedi iyi məsəkəŋ Bizlaf mə zlap fuk məndiwiŋ. 34Hedi Bizlaf mə ləɓahaw seh a kəgiz zlap tə Bizlaf iyi, məŋgəvday Bizlaf a kəvəlaŋ Mimiɗ ŋga sə Kweɗek mbeh səku mə tak hala. 35Baba a kəmba Mbu, kəvəlaŋ məsəkəŋ iyi fuk əŋ ndəra ŋga. 36Hedi mə kuw ma tə Mbu ta seh, a lim mədəŋcur mə cukwaɗ səku za. Hedi mə kuw ma tə Mbu səku, a lim mədəŋcur mə cukwaɗ səku seh halla, ama Bizlaf a nda i nja abə zəm nəf a talaŋ ŋga.»
ទើបបានជ្រើសរើសហើយ៖
Yahwana 3: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Yahwana 3
3
Gbam talaŋ tə Yesu abə Nikwademus
1Hedi məzəwindi aka əŋ faŋw tə Farisa iyi, miya ŋga Nikwademus, ar hedi ntaɗ tə əŋ faŋw tə talaŋ habay tə Yahuda iyi. 2A ndaha əŋ kelek Yesu abə njaɗu, a zlapaŋgu, a zla: «Rabbi, nini kəsəŋ hwa seh, hwa metir Bizlaf mə ləɓah ley sərək hedi iyi, məŋgəvday kwa hedi ntaɗ mə gula i ɗal mazla mənaŋ hwa mə ɗal wa seh halla, əŋgah Bizlaf mbə abə mbiŋ halla.» 3Yesu a ziŋgeŋ zlap, a zla: «Ayaw, sa kəzlapah məndiwiŋ: əŋgah hedi kəmbuwaha əŋ ŋgas bək halla seh, a gula i lim Bay tə Bizlaf səku.» 4Nikwademus a ziŋgeŋ zlap, a zla: «Əŋgah hedi kəɗal məsəra kwata seh, a nda i mbuwaha əŋ ŋgas bək baha seh viŋgey? A gula i ziŋ əŋ dəməs mama ŋga ley mbuwaha əŋ ŋgas bək baha vaw?» 5Yesu a ziŋgeŋ zlap, a zla: «Ayaw, sa kəzlapah məndiwiŋ: əŋgah hedi kəmbuwaha abə yim liŋ abə Mimiɗ sə Kweɗek halla seh, a gula i təɗ əŋ Bay tə Bizlaf seh halla. 6Mambuwaha tə dəməs hedi iyi seh, ar hedi. Mambuwaha kəɗi əŋ Mimiɗ tə Bizlaf seh, ar mimiɗ. 7Hwa mba i har məŋgəvday sa mə zlapah wa səku: “Sey heni mbuwaha əŋ ŋgas bək baha.” 8Mimiɗ a kəɗal əŋ lay mənaŋ mbiŋ mə mba, hwa kəzlim rəv ta, ama hwa kəsəŋ a ndaha a tikey səku, a nda ŋga əŋ vey səku. Mənaŋ wa, a taŋ za abə kwa viyey mə mbuwaha kəɗi əŋ Mimiɗ tə Bizlaf.» 9Ɓa, Nikwademus a ɗəpu, a zla: «Məsəkəŋ ta, a nda i ɗal seh viŋgey?» 10Yesu a ziŋgeŋ zlap, a zla: «Hwa seh, hwa metir mə sərək hedi tə əŋ Israyila iyi, hwa kəsəŋ məsəkəŋ iyi ta wa səku vaw? 11Ayaw, sa kəzlapah məndiwiŋ: Nini kəzlap a talaŋ məsəkəŋ nini mə səŋ abə a talaŋ məsəkəŋ nini mə lim tə abə nje tini, ama abə mbiŋ ta fuk, heni ŋgəm ley kuw ma tini səku. 12Sa kəzlapaheni za a talaŋ məsəkəŋ mə taŋ tə teyek, ama heni kəkuwaka ma halla. Heni nda i kuwaka ma, əŋgah sa zlapaheni a talaŋ məsəkəŋ mə taŋ tə wuzlaf seh viŋgey? 13Kwa hedi ntaɗ mə ter ley nda əŋ wuzlaf seh halla, sey Mbu tə Hedi mə bəreŋgehe tə wuzlaf#3:13 Ma marərək 30:4; Rawma iyi 10:6.. 14Mənaŋ Musa mə law zʉzʉk tə malaway sə pəreŋ a mpay tə əŋ təp damu, mənaŋ mba bahayim, sey i law Mbu tə Hedi bahayim, 15amba kwa viyey mə kuw ma ŋga a lim mədəŋcur mə cukwaɗ səku za. 16Məŋgəvday Bizlaf kəmba məŋhayak za mbeh səku, kəvəl Mbu ŋgaŋ malay za, amba kwa viyey mə kuwu a kuɗəp halla, ama a lim mədəŋcur mə cukwaɗ səku za. 17Bizlaf kələɓaha Mbu ŋgaŋ əŋ məŋhayak ley mbəzl ma a talaŋ məŋhayak seh halla, ama amba məŋhayak mə lim reh kəɗi mbiŋ. 18Hedi mə kuw ma tə Mbu seh, a lim mbəzl ma halla. Ama hedi mə kuw ma ŋga səku seh, i kəmbəzlaŋ ma cuza, məŋgəvday kəkuw ma tə Mbu tə Bizlaf malay seh halla. 19Ehe, mbəzl ma ta seh mənaŋ wa: Lay mawaɗ kəndaha za əŋ məŋhayak, ama hedi tə əŋ məŋhayak iyi i mba ləvəŋ pay day a lay mawaɗ, məŋgəvday i kəɗal kəzəɗ madawar iyi. 20Kwa viyey, əŋgah a kəɗal məsəkəŋ madawar, a kəmba lay mawaɗ səku, a ndaha əŋ lay mawaɗ halla, məŋgəvday a kələndəŋ a kəzəɗ ŋga madawar iyi i nda i təɗaha a palah. 21Ama hedi mə ɗal məsəkəŋ səntaŋ seh, a ndaha za əŋ lay mawaɗ amba kəzəɗ ŋga iyi i lim ley təɗaha a palah, kəzəɗ ŋga maɗal tə abə mba tə Bizlaf.»
Yahwana mə ɗal batem abə Yesu
22Abə dawaŋ tə wa, Yesu a nda abə gula ŋga iyi əŋ hayak tə Yahudiya. A nja abə tata mbizek a namba, ɓa, a ɗalaŋta batem əŋ hedi iyi. 23Yahwana bahayim a kəɗalaŋta batem əŋ hedi iyi a Aynaŋw, mbehmbeh abə wuta i mə ɗafaŋ ma Salim, məŋgəvday yim a namba mbeh səku. Hedi iyi i kənda kəɗi əŋ kelek ŋga, ɓa, a kəɗalaŋta batem. 24Əŋ mbamba seh, i kənaha Yahwana ta əŋ daŋgay halla ndagwa#3:24 Matta 14:3; Markus 6:17; Luka 3:19-20.. 25Abə dawaŋ ta, yawa kəɗal za əŋ faŋw tə gula tə Yahwana iyi abə lə Yahuda aka, a talaŋ kukus ley baŋ hem. 26I nda əŋ kelek Yahwana, i zlapaŋgu, i zla: «Rabbi, hwa kəsəŋ kenek za a hedi wa, mə nja tə abə hwa kəɗi əŋ kəv məzəwindi tə lakwat Urdun, hwa mə zlap tə a mbiŋ sey, ehe mbiŋ bahayim a kəɗalaŋta batem əŋ hedi iyi, hedi iyi fuk i kənda əŋ kelek ŋga.» 27Yahwana a ziŋgeŋta zlap, a zla: «Hedi a gula i lim kwa mey səku, sey Bizlaf mə vəlaŋgu. 28Heni abə talaŋ təheni, heni kəɗal sedewe za əŋ sa mə zlap, sa zla: “Sa seh, sa Almasihu səku, ama sa hedi maləɓaha məpər a mbiŋ.” 29Hedi mə ɓət wala seh, wala ta ar wala ŋga. Ama maday tə muwul mə geri a kelek ŋga, a kəzlim zlap ŋga, a kəsəsəm ley zlim wula tə muwul ta mbeh səku. Mənaŋ mba bahayim, mənjawa sa abə səsəm mbeh səku. 30A kəlim seh, səndawl ŋga mə fəfəl a ma, sa bahayim səndawl na mə ɗal ɓəraŋ.»
Hedi mə ndaha tə wuzlaf
31«Hedi mandaha tə wuzlaf seh, mbə a talaŋ kwa mey fuk. Hedi mandaha tə teyek seh, ar hedi tə teyek, a kəzlap a talaŋ məsəkəŋ tə teyek iyi. Hedi mandaha tə wuzlaf seh, mbə a talaŋ kwa mey fuk. 32A kəzlap a talaŋ məsəkəŋ mbiŋ mə gər abə məsəkəŋ mbiŋ mə zlim, ama kwa hedi mə kuw ɗal sedewe ŋga ta seh halla. 33Hedi mə kuw ɗal sedewe ŋga seh, a kəgizeŋta əŋ hedi iyi məsəkəŋ Bizlaf mə zlap fuk məndiwiŋ. 34Hedi Bizlaf mə ləɓahaw seh a kəgiz zlap tə Bizlaf iyi, məŋgəvday Bizlaf a kəvəlaŋ Mimiɗ ŋga sə Kweɗek mbeh səku mə tak hala. 35Baba a kəmba Mbu, kəvəlaŋ məsəkəŋ iyi fuk əŋ ndəra ŋga. 36Hedi mə kuw ma tə Mbu ta seh, a lim mədəŋcur mə cukwaɗ səku za. Hedi mə kuw ma tə Mbu səku, a lim mədəŋcur mə cukwaɗ səku seh halla, ama Bizlaf a nda i nja abə zəm nəf a talaŋ ŋga.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល