Yahwana 4
4
Yesu abə wala lə Samariya
1Farisa iyi i zlim seh hedi iyi i kəzlap Yesu a kəɗalaŋta batem əŋ hedi iyi mbeh səku, a kəlim gula iyi pay day a Yahwana. 2Məndiwiŋ ta seh, Yesu abə talaŋ ŋga kəɗalaŋ batem kwa əŋ hedi ntaɗ seh halla, ama, ar gula ŋga iyi i mə ɗal batem ta. 3Əŋ Yesu mə zlim ma Farisa iyi i mə zlap ta seh, ɓa, a yak hayak tə Yahudiya, a ziŋ ŋga əŋ hayak tə Galili. 4Ley nda əŋ namba seh, sey a taŋ kəɗi əŋ Samariya. 5A gwar əŋ berne i mə ɗafaŋ ma Sikar əŋ hayak tə Samariya, mbehmbeh abə lay Yakubu mə vəlaŋ əŋ mbu ŋgaŋ Yusufa. 6Ɓulndu tə Yakubu mbə a namba. Yesu kətəɓəlaha za ley ndaha, a nja a meɗek ɓulndu ta. A ɗal mbeh kwata pis cakacak. 7Wala lə Samariya aka, a ndaha ley ɗal yim. Yesu a zlapaŋgu, a zla: «Vəlaka yim ley sa.» 8Gula ŋga iyi i cu tata əŋ berne ley səkəmaha məsəkəŋ kə zəm. 9Ama wala lə Samariya sey a ziŋgeŋ zlap əŋ Yesu, a zla: «Hwa seh, hwa lə Yahuda, hwa ɗəp yim a ndəra na ley sa seh, sa wala lə Samariya?» Wala ta, a zlap mənaŋ wa seh, məŋgəvday Yahuda iyi i kəzlar nje abə Samariya iyi səku səlak. 10Yesu a ziŋgeŋ zlap, a zla: «Əŋgah hwa kəsəŋ məsəkəŋ Bizlaf mə vəl, hwa kəsəŋ hedi mə ɗəpah: “Vəlaka yim ley sa wa”, anjəkər, ar hwa mə nda i ɗəpu ɗəba, a vəlah yim mə vəl mədəŋcur za.» 11Wala ta, a ziŋgeŋ zlap, a zla: «Bay Bayta, məsəkəŋ kə ɗal yim a ndəra təkwa halla, ɓulndu bahayim seleleŋ. Hwa nda i limehe yim mə vəl mədəŋcur ta seh viŋgey? 12Hwa pay day a dide tə dide tini Yakubu mə vəlanini ɓulndu ta, mbiŋ abə talaŋ ŋga kəsa yim ŋga ta za, mənaŋ mba bahayim, wuziyi ŋga iyi abə ŋgaɓa ŋga iyi i kəsa yim ta za səku vaw?» 13Yesu a ziŋgeŋ zlap, a zla: «Kwa viyey mə sa yim ta, yim a jaza za baha. 14Ama hedi mə nda i sa yim sa mə nda i vəlaŋgu wa seh, kwa yim a kənda i jaza halla ba səlak. Yim sa mə nda i vəlaŋgu wa seh, a nda i mbaɗ əŋ nje yim əŋ mbiŋ, nje yim mə nda i hiyaha yim ha əŋ nja mə cukwaɗ səku.» 15Wala sey, a ziŋgeŋ zlap, a zla: «Bay Bayta, vəlaka yim ta, məŋgəvday yim a mba i jaka səku ba, amba sa mba i ziŋgehe ley ɗal yim a nawa səku ba.» 16Yesu a zlapaŋgu, a zla: «Nda i ɗafaŋ ma əŋ muwul təkwa, hi ndaha əŋ nawa.» 17Wala ta, a ziŋgeŋ zlap, a zla: «Sa abə muwul halla.» Yesu a ziŋgeŋ zlap, a zla: «Hwa kəzlap za məndiwiŋ, əŋ hwa mə zlap: “Sa abə muwul halla”, 18məŋgəvday hwa kəɓət muwul iyi juɓum za, liŋ hedi hwa tə abə mbiŋ mənjawa seh, ar muwul təkwa səku. Hwa kəzlap za məndiwiŋ.» 19Abə dawaŋ ta, wala ta, a zlapaŋgu, a zla: «Bay Bayta, sa gər seh hwa hedi mə giz ma abə miya tə Bizlaf. 20Dide tə dide tini lə Samariya iyi i kədaraŋ malakw za əŋ Bizlaf a talaŋ wuzum wa, ama heni Yahuda iyi, heni kəzlap lay kə dar malakw əŋ Bizlaf seh, sey əŋ Urusalima dap#4:20 Jabura 122:1-4..» 21Yesu a ziŋgeŋ zlap, a zla: «Wala, kuw ma sa mə zlapah. Hala ta a kəndaha, əŋ heni mə nda i daraŋ malakw əŋ Baba, kwa a talaŋ tə wuzum wa səku ba, kwa əŋ Urusalima səku ba. 22Heni lə Samariya iyi, heni daraŋ malakw əŋ Bizlaf kwa heni kəsəŋza səku, ama nini Yahuda iyi nini kəsəŋ hedi nini mə daraŋ malakw, məŋgəvday hedi mə nda i reh hedi iyi seh, a ndaha əŋ ntaŋw tini Yahuda iyi. 23Ama hala ta a kəndaha, kəgwaraha maa cuza, hedi mə dar malakw məndiwiŋ iyi seh i daraŋ malakw za əŋ Bizlaf kəɗi Mimiɗ sə Kweɗek, mə deɓ hedi əŋ zlap məndiwiŋ#4:23 Yahwana 14:26;16:12-15.. Məŋgəvday Baba a kəpələk hedi mə ɗalaŋ mbuh iyi mənaŋ wa. 24Bizlaf seh, ar Mimiɗ, sey hedi mə daraŋ malakw iyi i mə daraŋ malakw kəɗi əŋ Mimiɗ sə Kweɗek mə deɓ hedi əŋ zlap məndiwiŋ.» 25Wala ta, a ziŋgeŋ zlap, a zla: «Sa kəsəŋ Almasihu seh, mənaŋ zlap ta, hedi mamay ley reh hedi iyi, a ndaha za. Əŋ mbiŋ mə nda i ndaha seh, a sərəkanini məsəkəŋ iyi fuk za.» 26Yesu a ziŋgeŋ zlap, a zla: «Sa seh, sa hedi mə zlapah wa, ar Almasihu ta.»
27Əŋ hala ta mba, gula ŋga iyi i kəziŋgehe. I kəhar za əŋ tata i mə limʉ a kəzlap abə wala. Ama kwa hedi ntaɗ əŋ faŋw tata mə ɗəpu: «Hwa mba tə ndəra ŋga seh mey?» Aka səku: «Hwa zlap abə mbiŋ seh məŋgəvday a mey?» Seh halla. 28Ɓa, wala ta, a yak duguzl ŋga, a ziŋ ŋga əŋ berne, a zlapaŋta əŋ hedi iyi, a zla: 29«Hi ndaha ley gər hedi mə zlapaka a talaŋ məsəkəŋ sa mə ɗal iyi fuk. Kəganah, ar Almasihu kəvah?» 30Hedi iyi i təɗaha əŋ berne, i nda əŋ kelek Yesu.
31Əŋ hala ta mba, gula ŋga iyi i kəzlapaŋgu, i zla: «Rabbi, zəm məsəkəŋ izey.» 32Ama a zlapaŋta, a zla: «Sa abə məsəkəŋ kə zəm heni mə səŋ səku.» 33Gula ŋga iyi i ɗəp wucum əŋ faŋw tata, i zla: «Hedi mə dahaŋ məsəkəŋ kə zəm aka vaw?» 34Yesu a ziŋgeŋta zlap, a zla: «Wuda na seh, ar ley ɗal mba tə hedi mə ləɓaka liŋ ley cukwaɗ kəzəɗ mbiŋ mə vəlaku. 35I kəzlap hwayhway seh: “Mayak ntəra nfaɗ ley ɗalaha məsəkəŋ tə damu iyi əŋ wuta”, səku vaw? Ama sa kəzlapaheni, hi kaf nje əŋ wuzlaf, hi gər mənjawa məsəkəŋ iyi i kəna kwata əŋ lay, tiɗe ley ɗalahata əŋ wuta. 36Hedi mə cakalaha məsəkəŋ tə damu əŋ wuta seh, kəlim muwurɓay ŋga cuza, a kəcakal wuziyi tə ndəri iyi tə mədəŋcur mə cukwaɗ səku. Mənaŋ wa, hedi mə zlək abə hedi mə cakalaha məsəkəŋ tə damu əŋ wuta seh, i səsəm za fuk a lay ta. 37“Hedi wa a zlək, hedi cuwa a cakalahaw”, ma marərək ta seh məndiwiŋ. 38Sa seh, sa kələɓaheni za ley cakalaha məsəkəŋ əŋ lay heni kəɗal kəzəɗ a ɗəməŋ halla, hedi iyi par i mə ɗalu, heni bahayim, heni kəlim ɓiz təheni za abə kəzəɗ tata.» 39Lə Samariya iyi mbeh səku əŋ berne ta, i kəkuw ma tə Yesu za, məŋgəvday sedewe tə wala mə zlap wa, a zla: «Kəzlapaka za a talaŋ məsəkəŋ sa mə ɗal iyi fuk.» 40Məŋgəvday a ɗek, əŋ lə Samariya iyi i mə ndaha əŋ kelek Yesu seh, i rəku amba mə nja a wuta tata. Yesu a nja a namba waŋ bək. 41Hedi iyi mbeh səku i kəkuw ma za, məŋgəvday məsəkəŋ Yesu abə talaŋ ŋga mə sərəkaŋta əŋ hedi iyi. 42I kəzlapaŋ əŋ wala ta, i zla: «Mənjawa nini kəkuw ma seh məŋgəvday ma hwa mə giz wa taataɗ dap səku, ama nini abə talaŋ tini, nini kəzlim ma mbiŋ mə zlap za, nini kəsəŋ za, ar mbiŋ məndiwiŋ, hedi mə nda i reh məŋhayak.»
Yesu a mbəl mbu tə hedi səndawl
43Abə dawaŋ tə waŋ bək, Yesu a gar a namba, a nda ŋga əŋ Galili. 44Mbiŋ abə talaŋ ŋga kəzlap za, a zla: «Hedi mə giz ma abə miya tə Bizlaf seh, a lim həmən əŋ hayak ŋga cekcek seh halla#4:44 Matta 13:57; Markus 6:4; Luka 4:24..» 45Ama əŋ mbiŋ mə gwar əŋ hayak tə Galili, hedi tə a namba iyi i kəkuwza za lawlaw, məŋgəvday i mə lim məsəkəŋ mbiŋ mə ɗal iyi tə əŋ Urusalima əŋ gugway tə Paska, məŋgəvday tata bahayim i kənda za əŋ gugway ta. 46Abə dawaŋ ta, Yesu a ziŋ əŋ Kana əŋ hayak tə Galili əŋ lay mbiŋ mə buw yim əŋ mavu sey. Hedi səndawl mə ɗal kəzəɗ tə bay məzəwindi aka əŋ Kafarnahum, mbu ŋgaŋ wucum a kədəmaŋgu. 47Əŋ mbiŋ mə zlim Yesu a ndaha mar tə əŋ hayak tə Yahudiya əŋ Galili, a ndaha əŋ kelek ŋga, a rəku ley nda əŋ Kafarnahum ley mbəlaha mbu ŋgaŋ, məŋgəvday mbu ŋgaŋ a kənda i məc. 48Yesu a zlapaŋgu, a zla: «Əŋgah heni kəlim mazla iyi abə məsəkəŋ mə har hedi iyi halla seh, heni kuw ma halla səlak.» 49Hedi səndawl sey, a ziŋgeŋ zlap, a zla: «Bay Bayta, ha mbu na a nda i məc seh, ndaha za əŋ ge na ndagwa.» 50Yesu a ziŋgeŋ zlap, a zla: «Ziŋ təkwa əŋ wuta, mbu təkwa kəmbəl cuza.» Hedi ta kəkuw ma Yesu mə zlapaŋgu za, a nda ŋga. 51Mar mbə a kataf ndagwa, a gbam talaŋ abə hedi mə ɗal kəzəɗ ŋga iyi, i zlapaŋgu, i zla: «Mbu təkwa kəmbəl cuza.» 52A ɗəpta, a zla: «Əŋ hala vitikey, mbu ta a lim gelɓe wa?» I ziŋgeŋ zlap, i zla: «Mar məmburkahw abə njamndi ntaɗ tə pis, məc ta yaku.» 53Baba tə mbu a səŋ kenek seh əŋ hala tiɗe Yesu mə zlapaŋgu, a zla: «Mbu təkwa kəmbəl cuza.» Abə dawaŋ ta, a kuw ma tə Yesu, mbiŋ abə hedi tə ge ŋga iyi fuk. 54Wawa, ar mazla məbək Yesu mə ɗal. A ɗalu seh, abə dawaŋ tə mbiŋ mə təɗ ŋga tə əŋ hayak tə Yahudiya ley ziŋ ŋga əŋ hayak tə Galili.
ទើបបានជ្រើសរើសហើយ៖
Yahwana 4: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Yahwana 4
4
Yesu abə wala lə Samariya
1Farisa iyi i zlim seh hedi iyi i kəzlap Yesu a kəɗalaŋta batem əŋ hedi iyi mbeh səku, a kəlim gula iyi pay day a Yahwana. 2Məndiwiŋ ta seh, Yesu abə talaŋ ŋga kəɗalaŋ batem kwa əŋ hedi ntaɗ seh halla, ama, ar gula ŋga iyi i mə ɗal batem ta. 3Əŋ Yesu mə zlim ma Farisa iyi i mə zlap ta seh, ɓa, a yak hayak tə Yahudiya, a ziŋ ŋga əŋ hayak tə Galili. 4Ley nda əŋ namba seh, sey a taŋ kəɗi əŋ Samariya. 5A gwar əŋ berne i mə ɗafaŋ ma Sikar əŋ hayak tə Samariya, mbehmbeh abə lay Yakubu mə vəlaŋ əŋ mbu ŋgaŋ Yusufa. 6Ɓulndu tə Yakubu mbə a namba. Yesu kətəɓəlaha za ley ndaha, a nja a meɗek ɓulndu ta. A ɗal mbeh kwata pis cakacak. 7Wala lə Samariya aka, a ndaha ley ɗal yim. Yesu a zlapaŋgu, a zla: «Vəlaka yim ley sa.» 8Gula ŋga iyi i cu tata əŋ berne ley səkəmaha məsəkəŋ kə zəm. 9Ama wala lə Samariya sey a ziŋgeŋ zlap əŋ Yesu, a zla: «Hwa seh, hwa lə Yahuda, hwa ɗəp yim a ndəra na ley sa seh, sa wala lə Samariya?» Wala ta, a zlap mənaŋ wa seh, məŋgəvday Yahuda iyi i kəzlar nje abə Samariya iyi səku səlak. 10Yesu a ziŋgeŋ zlap, a zla: «Əŋgah hwa kəsəŋ məsəkəŋ Bizlaf mə vəl, hwa kəsəŋ hedi mə ɗəpah: “Vəlaka yim ley sa wa”, anjəkər, ar hwa mə nda i ɗəpu ɗəba, a vəlah yim mə vəl mədəŋcur za.» 11Wala ta, a ziŋgeŋ zlap, a zla: «Bay Bayta, məsəkəŋ kə ɗal yim a ndəra təkwa halla, ɓulndu bahayim seleleŋ. Hwa nda i limehe yim mə vəl mədəŋcur ta seh viŋgey? 12Hwa pay day a dide tə dide tini Yakubu mə vəlanini ɓulndu ta, mbiŋ abə talaŋ ŋga kəsa yim ŋga ta za, mənaŋ mba bahayim, wuziyi ŋga iyi abə ŋgaɓa ŋga iyi i kəsa yim ta za səku vaw?» 13Yesu a ziŋgeŋ zlap, a zla: «Kwa viyey mə sa yim ta, yim a jaza za baha. 14Ama hedi mə nda i sa yim sa mə nda i vəlaŋgu wa seh, kwa yim a kənda i jaza halla ba səlak. Yim sa mə nda i vəlaŋgu wa seh, a nda i mbaɗ əŋ nje yim əŋ mbiŋ, nje yim mə nda i hiyaha yim ha əŋ nja mə cukwaɗ səku.» 15Wala sey, a ziŋgeŋ zlap, a zla: «Bay Bayta, vəlaka yim ta, məŋgəvday yim a mba i jaka səku ba, amba sa mba i ziŋgehe ley ɗal yim a nawa səku ba.» 16Yesu a zlapaŋgu, a zla: «Nda i ɗafaŋ ma əŋ muwul təkwa, hi ndaha əŋ nawa.» 17Wala ta, a ziŋgeŋ zlap, a zla: «Sa abə muwul halla.» Yesu a ziŋgeŋ zlap, a zla: «Hwa kəzlap za məndiwiŋ, əŋ hwa mə zlap: “Sa abə muwul halla”, 18məŋgəvday hwa kəɓət muwul iyi juɓum za, liŋ hedi hwa tə abə mbiŋ mənjawa seh, ar muwul təkwa səku. Hwa kəzlap za məndiwiŋ.» 19Abə dawaŋ ta, wala ta, a zlapaŋgu, a zla: «Bay Bayta, sa gər seh hwa hedi mə giz ma abə miya tə Bizlaf. 20Dide tə dide tini lə Samariya iyi i kədaraŋ malakw za əŋ Bizlaf a talaŋ wuzum wa, ama heni Yahuda iyi, heni kəzlap lay kə dar malakw əŋ Bizlaf seh, sey əŋ Urusalima dap#4:20 Jabura 122:1-4..» 21Yesu a ziŋgeŋ zlap, a zla: «Wala, kuw ma sa mə zlapah. Hala ta a kəndaha, əŋ heni mə nda i daraŋ malakw əŋ Baba, kwa a talaŋ tə wuzum wa səku ba, kwa əŋ Urusalima səku ba. 22Heni lə Samariya iyi, heni daraŋ malakw əŋ Bizlaf kwa heni kəsəŋza səku, ama nini Yahuda iyi nini kəsəŋ hedi nini mə daraŋ malakw, məŋgəvday hedi mə nda i reh hedi iyi seh, a ndaha əŋ ntaŋw tini Yahuda iyi. 23Ama hala ta a kəndaha, kəgwaraha maa cuza, hedi mə dar malakw məndiwiŋ iyi seh i daraŋ malakw za əŋ Bizlaf kəɗi Mimiɗ sə Kweɗek, mə deɓ hedi əŋ zlap məndiwiŋ#4:23 Yahwana 14:26;16:12-15.. Məŋgəvday Baba a kəpələk hedi mə ɗalaŋ mbuh iyi mənaŋ wa. 24Bizlaf seh, ar Mimiɗ, sey hedi mə daraŋ malakw iyi i mə daraŋ malakw kəɗi əŋ Mimiɗ sə Kweɗek mə deɓ hedi əŋ zlap məndiwiŋ.» 25Wala ta, a ziŋgeŋ zlap, a zla: «Sa kəsəŋ Almasihu seh, mənaŋ zlap ta, hedi mamay ley reh hedi iyi, a ndaha za. Əŋ mbiŋ mə nda i ndaha seh, a sərəkanini məsəkəŋ iyi fuk za.» 26Yesu a ziŋgeŋ zlap, a zla: «Sa seh, sa hedi mə zlapah wa, ar Almasihu ta.»
27Əŋ hala ta mba, gula ŋga iyi i kəziŋgehe. I kəhar za əŋ tata i mə limʉ a kəzlap abə wala. Ama kwa hedi ntaɗ əŋ faŋw tata mə ɗəpu: «Hwa mba tə ndəra ŋga seh mey?» Aka səku: «Hwa zlap abə mbiŋ seh məŋgəvday a mey?» Seh halla. 28Ɓa, wala ta, a yak duguzl ŋga, a ziŋ ŋga əŋ berne, a zlapaŋta əŋ hedi iyi, a zla: 29«Hi ndaha ley gər hedi mə zlapaka a talaŋ məsəkəŋ sa mə ɗal iyi fuk. Kəganah, ar Almasihu kəvah?» 30Hedi iyi i təɗaha əŋ berne, i nda əŋ kelek Yesu.
31Əŋ hala ta mba, gula ŋga iyi i kəzlapaŋgu, i zla: «Rabbi, zəm məsəkəŋ izey.» 32Ama a zlapaŋta, a zla: «Sa abə məsəkəŋ kə zəm heni mə səŋ səku.» 33Gula ŋga iyi i ɗəp wucum əŋ faŋw tata, i zla: «Hedi mə dahaŋ məsəkəŋ kə zəm aka vaw?» 34Yesu a ziŋgeŋta zlap, a zla: «Wuda na seh, ar ley ɗal mba tə hedi mə ləɓaka liŋ ley cukwaɗ kəzəɗ mbiŋ mə vəlaku. 35I kəzlap hwayhway seh: “Mayak ntəra nfaɗ ley ɗalaha məsəkəŋ tə damu iyi əŋ wuta”, səku vaw? Ama sa kəzlapaheni, hi kaf nje əŋ wuzlaf, hi gər mənjawa məsəkəŋ iyi i kəna kwata əŋ lay, tiɗe ley ɗalahata əŋ wuta. 36Hedi mə cakalaha məsəkəŋ tə damu əŋ wuta seh, kəlim muwurɓay ŋga cuza, a kəcakal wuziyi tə ndəri iyi tə mədəŋcur mə cukwaɗ səku. Mənaŋ wa, hedi mə zlək abə hedi mə cakalaha məsəkəŋ tə damu əŋ wuta seh, i səsəm za fuk a lay ta. 37“Hedi wa a zlək, hedi cuwa a cakalahaw”, ma marərək ta seh məndiwiŋ. 38Sa seh, sa kələɓaheni za ley cakalaha məsəkəŋ əŋ lay heni kəɗal kəzəɗ a ɗəməŋ halla, hedi iyi par i mə ɗalu, heni bahayim, heni kəlim ɓiz təheni za abə kəzəɗ tata.» 39Lə Samariya iyi mbeh səku əŋ berne ta, i kəkuw ma tə Yesu za, məŋgəvday sedewe tə wala mə zlap wa, a zla: «Kəzlapaka za a talaŋ məsəkəŋ sa mə ɗal iyi fuk.» 40Məŋgəvday a ɗek, əŋ lə Samariya iyi i mə ndaha əŋ kelek Yesu seh, i rəku amba mə nja a wuta tata. Yesu a nja a namba waŋ bək. 41Hedi iyi mbeh səku i kəkuw ma za, məŋgəvday məsəkəŋ Yesu abə talaŋ ŋga mə sərəkaŋta əŋ hedi iyi. 42I kəzlapaŋ əŋ wala ta, i zla: «Mənjawa nini kəkuw ma seh məŋgəvday ma hwa mə giz wa taataɗ dap səku, ama nini abə talaŋ tini, nini kəzlim ma mbiŋ mə zlap za, nini kəsəŋ za, ar mbiŋ məndiwiŋ, hedi mə nda i reh məŋhayak.»
Yesu a mbəl mbu tə hedi səndawl
43Abə dawaŋ tə waŋ bək, Yesu a gar a namba, a nda ŋga əŋ Galili. 44Mbiŋ abə talaŋ ŋga kəzlap za, a zla: «Hedi mə giz ma abə miya tə Bizlaf seh, a lim həmən əŋ hayak ŋga cekcek seh halla#4:44 Matta 13:57; Markus 6:4; Luka 4:24..» 45Ama əŋ mbiŋ mə gwar əŋ hayak tə Galili, hedi tə a namba iyi i kəkuwza za lawlaw, məŋgəvday i mə lim məsəkəŋ mbiŋ mə ɗal iyi tə əŋ Urusalima əŋ gugway tə Paska, məŋgəvday tata bahayim i kənda za əŋ gugway ta. 46Abə dawaŋ ta, Yesu a ziŋ əŋ Kana əŋ hayak tə Galili əŋ lay mbiŋ mə buw yim əŋ mavu sey. Hedi səndawl mə ɗal kəzəɗ tə bay məzəwindi aka əŋ Kafarnahum, mbu ŋgaŋ wucum a kədəmaŋgu. 47Əŋ mbiŋ mə zlim Yesu a ndaha mar tə əŋ hayak tə Yahudiya əŋ Galili, a ndaha əŋ kelek ŋga, a rəku ley nda əŋ Kafarnahum ley mbəlaha mbu ŋgaŋ, məŋgəvday mbu ŋgaŋ a kənda i məc. 48Yesu a zlapaŋgu, a zla: «Əŋgah heni kəlim mazla iyi abə məsəkəŋ mə har hedi iyi halla seh, heni kuw ma halla səlak.» 49Hedi səndawl sey, a ziŋgeŋ zlap, a zla: «Bay Bayta, ha mbu na a nda i məc seh, ndaha za əŋ ge na ndagwa.» 50Yesu a ziŋgeŋ zlap, a zla: «Ziŋ təkwa əŋ wuta, mbu təkwa kəmbəl cuza.» Hedi ta kəkuw ma Yesu mə zlapaŋgu za, a nda ŋga. 51Mar mbə a kataf ndagwa, a gbam talaŋ abə hedi mə ɗal kəzəɗ ŋga iyi, i zlapaŋgu, i zla: «Mbu təkwa kəmbəl cuza.» 52A ɗəpta, a zla: «Əŋ hala vitikey, mbu ta a lim gelɓe wa?» I ziŋgeŋ zlap, i zla: «Mar məmburkahw abə njamndi ntaɗ tə pis, məc ta yaku.» 53Baba tə mbu a səŋ kenek seh əŋ hala tiɗe Yesu mə zlapaŋgu, a zla: «Mbu təkwa kəmbəl cuza.» Abə dawaŋ ta, a kuw ma tə Yesu, mbiŋ abə hedi tə ge ŋga iyi fuk. 54Wawa, ar mazla məbək Yesu mə ɗal. A ɗalu seh, abə dawaŋ tə mbiŋ mə təɗ ŋga tə əŋ hayak tə Yahudiya ley ziŋ ŋga əŋ hayak tə Galili.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល