Yahwana 2
2
Ɓət wala, aka səku ɓət muwul a Kana
1Əŋ waŋ maakaɗ ta, gugway kə ɓət wala, aka səku kə ɓət muwul kəɗal za a Kana əŋ hayak tə Galili. Mama tə Yesu mbə a namba. 2I kəɗafaŋta ma za əŋ Yesu abə gula ŋga iyi əŋ gugway ta bahayim. 3Əŋ mavu a kəmar ley cukwaɗ seh, mama tə Yesu a zlapaŋgu, a zla: «Mavu tata halla ba.» 4Yesu a ziŋgeŋ zlap, a zla: «Mama, ma takwa a ɗəməŋ seh mey? Hala na kəhwasaha halla ndagwa.» 5Mama ŋga a zlapaŋta əŋ hedi mə ɗal kəzəɗ iyi, a zla: «Hi ɗal məsəkəŋ mbiŋ mə nda i zlapaheni fuk.» 6A namba, ɗawar tə nvəŋ iyi ŋkuh aka, Yahuda iyi i kəɗal kəzəɗ abə tata ley baŋ hem tata iyi, mənaŋ kukus tata mə zlap. Əŋ ɗawar iyi ta fuk, ntaɗ a gula i ɓət yim litir temere. 7Yesu a zlapaŋta əŋ hedi mə ɗal kəzəɗ iyi, a zla: «Hi haf ɗawar iyi wa abə yim.» Ɓa, i hafta ha abə meɗek ta. 8Yesu a zlapaŋta, a zla: «Mənjawa, hi ɗalu, hi deɓeŋ əŋ hedi mə ɗal gugway ta.» Ɓa, i ɗalu, i deɓeŋgu. 9Hedi mə ɗal gugway ta, a təl yim ta, kəbuw cuza əŋ mavu. A kəsəŋ mavu ta, a ndaha kəɗi vitikey səku, sey hedi mə ɗalaha yim iyi ta i mə səŋgu. A ɗafaŋ ma əŋ muwul dəma, 10a zlapaŋgu, a zla: «Kwa viyey mə mar ley vəl mavu səntaŋ za ndagwa əŋ hedi ŋga maɗaf ma iyi. Əŋgah hedi iyi ta i kəhuw cuza seh, a vəlaŋta mavu sə lahlah. Ama hwa seh, hwa kəɓah mavu səntaŋ ka ha mənjawa!»
11Ehe, wawa, ar mazla titʉz Yesu mə mar ley ɗal. A ɗalu əŋ Kana əŋ hayak tə Galili. A namba Yesu a giz səndawl ŋga, ɓa, gula ŋga iyi i kuw ma ŋga. 12Abə dawaŋ tə wa, a nda əŋ Kafarnahum#2:12 Matta 4:13. abə mama ŋga, abə zliŋgeŋ iyi liŋ abə gula ŋga iyi. I nja a namba tə waŋ mbizek.
Yesu a gam hedi mə ber məsəkəŋ iyi əŋ biŋ tə Bizlaf
(Matta 21:12-13; Markus 11:15-17; Luka 19:45-46)
13Əŋ gugway tə Paska tə Yahuda iyi kəgwaraha kwata, ɓa, Yesu a nda əŋ Urusalima. 14A lim hedi mə ber zla iyi, ntek iyi liŋ wanaɗ iyi əŋ biŋ tə Bizlaf, baha, a lim hedi mə zlambaɗ dala iyi i mə nji a tabəl tata iyi. 15A ɓət serek iyi, a ɗal laway abə mbiŋ, a gamta abə ntek tata iyi, abə zla tata iyi fuk guduk abə biŋ tə Bizlaf. A kʉkweɗeŋta dala tə hedi mə zlambaɗ dala iyi əŋ teyek abə ley gaɗaŋta tabəl tata iyi. 16Ɓa, a zlapaŋta əŋ hedi mə ber wanaɗ iyi, a zla: «Hi ɓət məsəkəŋ iyi ta za fuk a nawa əŋ palah, hi mba i mbaɗ biŋ tə Baba na əŋ biŋ kə ber məsəkəŋ iyi səku!» 17Gula ŋga iyi i səŋ kenek a ma mawuzlel tə əŋ Ɗerewel tə Bizlaf: «Mba wucum na məŋgəvday biŋ təkwa wa, a kəvaraka əŋ nəf mənaŋ kahaw#2:17 Jabura 69:10..» 18Ama hedi səndawl tə Yahuda iyi i zlapaŋgu, i zla: «Mazla vitikey hwa mə gula i ɗal ley gizenini, hwa abə kataf ley ɗal məsəkəŋ mənaŋ wa?» 19Yesu a ziŋgeŋta zlap, a zla: «Hi hurum biŋ tə Bizlaf ta, ɓa, əŋ waŋ maakaɗ sa ləmza#2:19 Matta 26:61; 27:40; Markus 14:58; 15:29. za.» 20Abə dawaŋ ta, Yahuda iyi i zlapaŋgu, i zla: «Nini kəɗal va ndəra nfaɗ a meɗek ŋkuh ley ləm biŋ tə Bizlaf ta. Ama hwa seh, hwa nda i ləmu əŋ waŋ maakaɗ seh viŋgey?» 21Ama biŋ tə Bizlaf Yesu mə zlap tə a ɗek wa seh, ar wucum ŋga. 22Abə dawaŋ ta, əŋ Yesu mə garaha tə əŋ məc seh, gula ŋga iyi i kəsəŋ kenek za a ma mbiŋ mə zlap tə a ɗek, ɓa, i kuw ma mawuzlel tə əŋ Ɗerewel tə Bizlaf, baha, i kuw ma Yesu mə zlap iyi fuk.
Yesu a kəsəŋ nəf tə hedi iyi fuk
23Əŋ Yesu mbə əŋ Urusalima, əŋ hala tə gugway tə Paska, hedi iyi mbeh səku i kəkuw ma ŋga məŋgəvday i mə lim mazla mbiŋ mə ɗal iyi. 24Ama Yesu kəɗiy nəf ŋga a tata seh halla, məŋgəvday a kəsəŋta fuk. 25Ŋgem ŋga abə məsəkəŋ iyi, i mə nda i gizeŋ seh halla, məŋgəvday a kəsəŋ məsəkəŋ tə əŋ nəf tə hedi.
ទើបបានជ្រើសរើសហើយ៖
Yahwana 2: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Yahwana 2
2
Ɓət wala, aka səku ɓət muwul a Kana
1Əŋ waŋ maakaɗ ta, gugway kə ɓət wala, aka səku kə ɓət muwul kəɗal za a Kana əŋ hayak tə Galili. Mama tə Yesu mbə a namba. 2I kəɗafaŋta ma za əŋ Yesu abə gula ŋga iyi əŋ gugway ta bahayim. 3Əŋ mavu a kəmar ley cukwaɗ seh, mama tə Yesu a zlapaŋgu, a zla: «Mavu tata halla ba.» 4Yesu a ziŋgeŋ zlap, a zla: «Mama, ma takwa a ɗəməŋ seh mey? Hala na kəhwasaha halla ndagwa.» 5Mama ŋga a zlapaŋta əŋ hedi mə ɗal kəzəɗ iyi, a zla: «Hi ɗal məsəkəŋ mbiŋ mə nda i zlapaheni fuk.» 6A namba, ɗawar tə nvəŋ iyi ŋkuh aka, Yahuda iyi i kəɗal kəzəɗ abə tata ley baŋ hem tata iyi, mənaŋ kukus tata mə zlap. Əŋ ɗawar iyi ta fuk, ntaɗ a gula i ɓət yim litir temere. 7Yesu a zlapaŋta əŋ hedi mə ɗal kəzəɗ iyi, a zla: «Hi haf ɗawar iyi wa abə yim.» Ɓa, i hafta ha abə meɗek ta. 8Yesu a zlapaŋta, a zla: «Mənjawa, hi ɗalu, hi deɓeŋ əŋ hedi mə ɗal gugway ta.» Ɓa, i ɗalu, i deɓeŋgu. 9Hedi mə ɗal gugway ta, a təl yim ta, kəbuw cuza əŋ mavu. A kəsəŋ mavu ta, a ndaha kəɗi vitikey səku, sey hedi mə ɗalaha yim iyi ta i mə səŋgu. A ɗafaŋ ma əŋ muwul dəma, 10a zlapaŋgu, a zla: «Kwa viyey mə mar ley vəl mavu səntaŋ za ndagwa əŋ hedi ŋga maɗaf ma iyi. Əŋgah hedi iyi ta i kəhuw cuza seh, a vəlaŋta mavu sə lahlah. Ama hwa seh, hwa kəɓah mavu səntaŋ ka ha mənjawa!»
11Ehe, wawa, ar mazla titʉz Yesu mə mar ley ɗal. A ɗalu əŋ Kana əŋ hayak tə Galili. A namba Yesu a giz səndawl ŋga, ɓa, gula ŋga iyi i kuw ma ŋga. 12Abə dawaŋ tə wa, a nda əŋ Kafarnahum#2:12 Matta 4:13. abə mama ŋga, abə zliŋgeŋ iyi liŋ abə gula ŋga iyi. I nja a namba tə waŋ mbizek.
Yesu a gam hedi mə ber məsəkəŋ iyi əŋ biŋ tə Bizlaf
(Matta 21:12-13; Markus 11:15-17; Luka 19:45-46)
13Əŋ gugway tə Paska tə Yahuda iyi kəgwaraha kwata, ɓa, Yesu a nda əŋ Urusalima. 14A lim hedi mə ber zla iyi, ntek iyi liŋ wanaɗ iyi əŋ biŋ tə Bizlaf, baha, a lim hedi mə zlambaɗ dala iyi i mə nji a tabəl tata iyi. 15A ɓət serek iyi, a ɗal laway abə mbiŋ, a gamta abə ntek tata iyi, abə zla tata iyi fuk guduk abə biŋ tə Bizlaf. A kʉkweɗeŋta dala tə hedi mə zlambaɗ dala iyi əŋ teyek abə ley gaɗaŋta tabəl tata iyi. 16Ɓa, a zlapaŋta əŋ hedi mə ber wanaɗ iyi, a zla: «Hi ɓət məsəkəŋ iyi ta za fuk a nawa əŋ palah, hi mba i mbaɗ biŋ tə Baba na əŋ biŋ kə ber məsəkəŋ iyi səku!» 17Gula ŋga iyi i səŋ kenek a ma mawuzlel tə əŋ Ɗerewel tə Bizlaf: «Mba wucum na məŋgəvday biŋ təkwa wa, a kəvaraka əŋ nəf mənaŋ kahaw#2:17 Jabura 69:10..» 18Ama hedi səndawl tə Yahuda iyi i zlapaŋgu, i zla: «Mazla vitikey hwa mə gula i ɗal ley gizenini, hwa abə kataf ley ɗal məsəkəŋ mənaŋ wa?» 19Yesu a ziŋgeŋta zlap, a zla: «Hi hurum biŋ tə Bizlaf ta, ɓa, əŋ waŋ maakaɗ sa ləmza#2:19 Matta 26:61; 27:40; Markus 14:58; 15:29. za.» 20Abə dawaŋ ta, Yahuda iyi i zlapaŋgu, i zla: «Nini kəɗal va ndəra nfaɗ a meɗek ŋkuh ley ləm biŋ tə Bizlaf ta. Ama hwa seh, hwa nda i ləmu əŋ waŋ maakaɗ seh viŋgey?» 21Ama biŋ tə Bizlaf Yesu mə zlap tə a ɗek wa seh, ar wucum ŋga. 22Abə dawaŋ ta, əŋ Yesu mə garaha tə əŋ məc seh, gula ŋga iyi i kəsəŋ kenek za a ma mbiŋ mə zlap tə a ɗek, ɓa, i kuw ma mawuzlel tə əŋ Ɗerewel tə Bizlaf, baha, i kuw ma Yesu mə zlap iyi fuk.
Yesu a kəsəŋ nəf tə hedi iyi fuk
23Əŋ Yesu mbə əŋ Urusalima, əŋ hala tə gugway tə Paska, hedi iyi mbeh səku i kəkuw ma ŋga məŋgəvday i mə lim mazla mbiŋ mə ɗal iyi. 24Ama Yesu kəɗiy nəf ŋga a tata seh halla, məŋgəvday a kəsəŋta fuk. 25Ŋgem ŋga abə məsəkəŋ iyi, i mə nda i gizeŋ seh halla, məŋgəvday a kəsəŋ məsəkəŋ tə əŋ nəf tə hedi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល