Yahwana 1
1
Ma mə vəl mədəŋcur abə lay mawaɗ
1Əŋ maraha tə məsəkəŋ iyi fuk seh, Ma tə Bizlaf aka#1:1 Ma tə Bizlaf seh, ar Yesu.. Ma ta, mbə abə Bizlaf, ma ta seh, ar Bizlaf. 2Ma ta, mbə abə Bizlaf mar tə əŋ mar ta. 3Bizlaf a ləmaha məsəkəŋ iyi fuk abə mbiŋ, məsəkəŋ maləmaha mə tak mbiŋ seh halla#1:3 Mar ta 1:3; Jabura 33:6, 9; 1 Kwarintʉ iyi 8:6; Kwalawsi iyi 1:16-17.. 4Mədəŋcur a ndaha kəɗi a mbiŋ, mədəŋcur ta seh, ar lay mawaɗ əŋ hedi iyi. 5Lay mawaɗ ta a kəwaɗ əŋ ləvəŋ, ama ləvəŋ a gula i taku səku. 6Bizlaf kələɓaha mələɓ ŋga za, miya ŋga Yahwana. 7A ndaha ley ɗal sedewe a talaŋ lay mawaɗ, amba hedi iyi fuk i kuw ma tə a talaŋ lay mawaɗ ta. 8Yahwana abə talaŋ ŋga, ar lay mawaɗ ta səku, ama a ndaha ley ɗal sedewe a talaŋ lay mawaɗ ta. 9Lay mawaɗ ta seh, ar lay mawaɗ sə ntaɗ məndiwiŋ, kəndaha za əŋ məŋhayak, a kəwaɗaŋta lay əŋ hedi dəgənak iyi fuk.
10Ma ta, mbə əŋ məŋhayak, Bizlaf a ləmaha məŋhayak abə mbiŋ, ama hedi tə əŋ məŋhayak iyi i kəsəŋza halla. 11Kəndaha za əŋ hayak ŋga, ama hedi tə əŋ hayak ŋga iyi ta i kəkuwza halla. 12Ama əŋ hedi mə kuwu iyi seh, i kəkuwaŋ ma ŋga za, kəvəlaŋta fagay za ley mbaɗ əŋ wuziyi tə Bizlaf iyi#1:12 Galatiya iyi 3:26; 1 Yahwana 3:1-2.. 13I kəmbaɗ əŋ wuziyi tə Bizlaf iyi mənaŋ mbuwaha tə hedi iyi seh halla, abə mba tə hedi iyi seh halla, ama, ar Bizlaf mə vəlaŋta mədəŋcur lawayaŋ. 14Ma ta, kəmbaɗ za əŋ hedi, kənja za əŋ faŋw takwa. Nini kəlim səndawl ŋga za, ar səndawl tə Mbu malay, mə gweɗi abə səntaŋ liŋ zlap məndiwiŋ, makuwaha tə ndəra Baba. 15Yahwana kəɗal sedewe za a talaŋ lay mawaɗ ta. Kəja varay za abə fagay, a zla: «Ehe! Wawa, hedi sa mə zlap tə a talaŋ ŋga sey, sa kəzlap za, sa zla: “Hedi ta a ndaha za abə dawaŋ na, ama mbiŋ pay day a sa, məŋgəvday mbiŋ mbə əŋ məŋhayak mar sa kəmbuwaha halla ndagwa.”» 16Nakwa fuk, nakwa iyi kəlim ɓiz takwa za əŋ məsəkəŋ ŋga sə mbeh səku wa. Nakwa iyi kəlim səntaŋ za a talaŋ səntaŋ. 17Bizlaf kəvəlanakwa ma majaw ŋga za kəɗi ndəra Musa, ama səntaŋ abə zlap məndiwiŋ iyi seh i ndaha kəɗi Yesu Almasihu. 18Kwa hedi mə lim Bizlaf abə nje ŋga seh halla səlak. Ama Mbu malay ta, mbiŋ abə talaŋ ŋga, ar Bizlaf, mə nji a kelek Baba, mbiŋ taataɗ kəgizenakwaza za.
Ɗal sedewe tə Yahwana mə ɗal batem
(Matta 3:1-12; Markus 1:1-8; Luka 3:1-18)
19Ehe, ma Yahwana mə gizeŋta əŋ hedi səndawl tə Yahuda iyi tə əŋ Urusalima, i ləɓ hedi mə ɗal kukus əŋ Bizlaf iyi abə hedi Lewi iyi əŋ kelek Yahwana ley ɗəpahaw, i zla: «Hwa seh, hwa viyey?» 20Yahwana ta, kəja wucum ley ziŋgeŋta zlap ta seh halla, a gizʉ məndiwiŋ a ma tə hedi iyi fuk: «Sa seh, sa Almasihu səku.» 21Ɓa, i ɗəpu, i zla: «Kaa, hwa izey, hwa viyey? Hwa seh, hwa Eliya vaw?» Yahwana a ziŋgeŋta zlap, a zla: «Kay, sa seh, Eliya səku.» I zlapaŋgu, i zla: «Kaa, hwa hedi mə giz ma abə miya tə Bizlaf vaw?» Yahwana a ziŋgeŋta zlap, a zla: «Kay! Sa hedi ta səku.» 22Ɓa, i zlapaŋgu, i zla: «Kaa, hwa seh izey viyey? Gizenini amba nini nda i gizeŋta əŋ hedi iyi i mə ləɓanini. Hwa seh, zlapanini hwa abə talaŋ təkwa, hwa viyey?» 23Yahwana a ziŋgeŋta zlap, a zla:
«Sa seh,
ar wula tə hedi mə ja tə əŋ təp damu, a zla:
“Hi ɗiyaŋ kataf lawlaw delele əŋ Bay Bayta#1:23 Esaya 40:3.!”»
Mənaŋ Esaya, hedi mə giz ma abə miya tə Bizlaf, mə zlap.
24Hedi maləɓaha iyi əŋ kelek Yahwana wa seh, Farisa iyi a ɗəməŋ aka. 25I ɗəpu, i zla: «Əŋgah hwa Almasihu səku, hwa Eliya səku, aka səku hwa hedi mə giz ma abə miya tə Bizlaf səku, hwa kəɗal batem wa seh, məŋgəvday a mey?» 26Yahwana a ziŋgeŋta zlap, a zla: «Sa seh, sa kəɗalaheni batem abə yim, ama hedi əŋ faŋw təheni aka, heni kəsəŋza səku. 27A ndaha za abə dawaŋ na, ama sa kəhwas kwa ley pəl serek tə kərap ŋga seh halla.» 28Ma ta, a taŋ fuk əŋ Baytaniya, kəɗi əŋ kəv məzəwindi tə lakwat Urdun, əŋ lay Yahwana mə ɗalaŋta batem əŋ hedi iyi.
Yesu seh, mbu ntek tə Bizlaf
29Garaha kafa ta, Yahwana a gər Yesu a kəndaha əŋ kelek ŋga seh, ɓa, a zlap, a zla: «Ehe, mbu hentek tə Bizlaf, mə nda i ɓət hem tə hedi iyi tə əŋ məŋhayak. 30Mbiŋ seh, ar hedi sa mə zlap ma ŋga zlezle sey, sa kəzlap za, sa zla: “Hedi a ndaha za abə dawaŋ na, ama mbiŋ pay day a sa, məŋgəvday mbiŋ mbə əŋ məŋhayak mar sa kəmbuwaha halla ndagwa.” 31Sa abə talaŋ na, sa kəsəŋgu ar viyey səku, ama sa ndaha ley ɗal batem abə yim amba ley gizeŋta hedi ta əŋ hedi tə əŋ Israyila iyi.»
32Yahwana kəɗal sedewe za a talaŋ hedi ta baha, a zla: «Sa kəlim Mimiɗ tə Bizlaf za, a kəbəreŋgehe a wuzlaf mənaŋ wanaɗ, a ndaha a nja a mbiŋ#1:32 Esaya 11:2; 61:1.. 33Sa kəsəŋza halla, ama Bizlaf mə ləɓaka ley ɗal batem abə yim, kəzlapaka za, a zla: “Hwa lim Mimiɗ a bəreŋgehe za, a nja za a hedi, mbiŋ mə nda i ɗal batem abə Mimiɗ sə Kweɗek.”» 34Yahwana, a zla: «Sa kəlim za abə nje na, sa sedewe, mbiŋ seh, ar Mbu tə Bizlaf.»
Gula tə Yesu titʉz iyi
35Garaha kafa ta, Yahwana mə ɗal batem abə gula ŋga iyi bək tə əŋ faŋw tə gula ŋga iyi, i mbə a lay kə ɗal batem sey baha. 36Əŋ Yahwana mə lim Yesu a kətaŋ seh, a zlap, a zla: «Ehe, Mbu hentek tə Bizlaf.» 37Gula sə bək iyi sey, i zlim ma ta, ɓa, i ziber Yesu. 38Yesu a buw nje əŋ dawaŋ seh, a lim gula tə Yahwana iyi sey, i kəziberehew, ɓa, a ɗəpta, a zla: «Hi pələk seh mey?» I ziŋgeŋ zlap, i zla: «Rabbi, hwa nja seh a tikey?» Rabbi, mənaŋ zlap ta seh, «metir». 39A zlapaŋta, a zla: «Hi ndaha, hi gər za.» I nda tata izey, i lim lay mbiŋ mə nja. I nja a namba abə mbiŋ. A ɗal mbeh kwata njamndi nfaɗ tə məcukahw. 40Andəre, zliŋgeŋ tə Simaŋw Piyer, ar hedi ntaɗ tə əŋ faŋw tə hedi sə bək iyi i mə zlim ma tə Yahwana mə ɗal batem, i mə ziber Yesu iyi sey. 41A nda, a gbamaŋ talaŋ məpər seh, əŋ zliŋgeŋ Simaŋw, ɓa, a zlapaŋgu, a zla: «Nini kəlim Almasihu za!» Almasihu, mənaŋ zlap ta seh, «hedi maləɓaha ley reh hedi iyi». 42Ɓa, a deɓʉ əŋ kelek Yesu. Yesu a gər Simaŋw sey, a zlapaŋgu, a zla: «Hwa seh, hwa Simaŋw, mbu tə Yahwana. Ama mar tə eci, i nda i ɗafah ma Kefas. “Kefas”, mənaŋ zlap ta seh, “kefeɗ”».
Yesu a ɗafaŋta ma əŋ Filip abə Natanayel
43Garaha kafa ta, Yesu a mba i nda əŋ hayak tə Galili. A nda, a lim Filip, ɓa, a zlapaŋgu, a zla: «Ziberekʉ.» 44Filip seh, ar hedi tə əŋ Baytisayda, berne Andəre abə Piyer i mə ndaha tə ɗəməŋ. 45Filip a nda, a lim Natanayel, a zlapaŋgu, a zla: «Nini kəlim hedi Musa mə zlap zlezle tə a talaŋ ŋga tə əŋ Ɗerewel tə ma majaw za, hedi mə giz ma abə miya tə Bizlaf iyi i kəzlap za a talaŋ ŋga bahayim. Ar Yesu lə Nasaratu, mbu tə Yusufa.» 46Natanayel a ziŋgeŋ zlap, a zla: «Məsəkəŋ səntaŋ a gula i ndaha za kəɗi əŋ Nasaratu vaw?» Filip a ziŋgeŋ zlap, a zla: «Ndaha, ɓa, gəru.» 47Əŋ Yesu mə gər Natanayel a kəkərəɗaha əŋ kelek ŋga seh, ɓa, a zlap a talaŋ ŋga, a zla: «Ehe, hedi wa, ar hedi Israyila məndiwiŋ, a kəbərəsl ma səku.» 48Natanayel a ɗəpu, a zla: «Hwa səŋgaka seh viŋgey?» Yesu a ziŋgeŋ zlap, a zla: «Mar Filip kəɗafah ma halla ndagwa seh, sa kəlimeh za, əŋ hwa mbə a gədaŋ mədifsəkiɗ.» 49Natanayel a ziŋgeŋ zlap izey, a zla: «Rabbi, hwa Mbu tə Bizlaf, hwa bay tə Israyila iyi#1:49 Jabura 2:7; Sefaniya 3:15..» 50Yesu a ziŋgeŋ zlap, a zla: «Hwa kuw ma na seh, məŋgəvday sa mə zlapah sa kəlimeh za a gədaŋ mədifsəkiɗ wa vaw? Hwa gər məsəkəŋ pay day a wawa iyi za baha.» 51Ɓa, a zlap baha, a zla: «Ayaw, sa kəzlapaheni məndiwiŋ, hi nda i lim lay tə wuzlaf mə rizi, mələɓ tə Bizlaf iyi i kətap əŋ wuzlaf, i kəbəreŋgehe əŋ teyek kəɗi a Mbu tə Hedi.»
ទើបបានជ្រើសរើសហើយ៖
Yahwana 1: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Yahwana 1
1
Ma mə vəl mədəŋcur abə lay mawaɗ
1Əŋ maraha tə məsəkəŋ iyi fuk seh, Ma tə Bizlaf aka#1:1 Ma tə Bizlaf seh, ar Yesu.. Ma ta, mbə abə Bizlaf, ma ta seh, ar Bizlaf. 2Ma ta, mbə abə Bizlaf mar tə əŋ mar ta. 3Bizlaf a ləmaha məsəkəŋ iyi fuk abə mbiŋ, məsəkəŋ maləmaha mə tak mbiŋ seh halla#1:3 Mar ta 1:3; Jabura 33:6, 9; 1 Kwarintʉ iyi 8:6; Kwalawsi iyi 1:16-17.. 4Mədəŋcur a ndaha kəɗi a mbiŋ, mədəŋcur ta seh, ar lay mawaɗ əŋ hedi iyi. 5Lay mawaɗ ta a kəwaɗ əŋ ləvəŋ, ama ləvəŋ a gula i taku səku. 6Bizlaf kələɓaha mələɓ ŋga za, miya ŋga Yahwana. 7A ndaha ley ɗal sedewe a talaŋ lay mawaɗ, amba hedi iyi fuk i kuw ma tə a talaŋ lay mawaɗ ta. 8Yahwana abə talaŋ ŋga, ar lay mawaɗ ta səku, ama a ndaha ley ɗal sedewe a talaŋ lay mawaɗ ta. 9Lay mawaɗ ta seh, ar lay mawaɗ sə ntaɗ məndiwiŋ, kəndaha za əŋ məŋhayak, a kəwaɗaŋta lay əŋ hedi dəgənak iyi fuk.
10Ma ta, mbə əŋ məŋhayak, Bizlaf a ləmaha məŋhayak abə mbiŋ, ama hedi tə əŋ məŋhayak iyi i kəsəŋza halla. 11Kəndaha za əŋ hayak ŋga, ama hedi tə əŋ hayak ŋga iyi ta i kəkuwza halla. 12Ama əŋ hedi mə kuwu iyi seh, i kəkuwaŋ ma ŋga za, kəvəlaŋta fagay za ley mbaɗ əŋ wuziyi tə Bizlaf iyi#1:12 Galatiya iyi 3:26; 1 Yahwana 3:1-2.. 13I kəmbaɗ əŋ wuziyi tə Bizlaf iyi mənaŋ mbuwaha tə hedi iyi seh halla, abə mba tə hedi iyi seh halla, ama, ar Bizlaf mə vəlaŋta mədəŋcur lawayaŋ. 14Ma ta, kəmbaɗ za əŋ hedi, kənja za əŋ faŋw takwa. Nini kəlim səndawl ŋga za, ar səndawl tə Mbu malay, mə gweɗi abə səntaŋ liŋ zlap məndiwiŋ, makuwaha tə ndəra Baba. 15Yahwana kəɗal sedewe za a talaŋ lay mawaɗ ta. Kəja varay za abə fagay, a zla: «Ehe! Wawa, hedi sa mə zlap tə a talaŋ ŋga sey, sa kəzlap za, sa zla: “Hedi ta a ndaha za abə dawaŋ na, ama mbiŋ pay day a sa, məŋgəvday mbiŋ mbə əŋ məŋhayak mar sa kəmbuwaha halla ndagwa.”» 16Nakwa fuk, nakwa iyi kəlim ɓiz takwa za əŋ məsəkəŋ ŋga sə mbeh səku wa. Nakwa iyi kəlim səntaŋ za a talaŋ səntaŋ. 17Bizlaf kəvəlanakwa ma majaw ŋga za kəɗi ndəra Musa, ama səntaŋ abə zlap məndiwiŋ iyi seh i ndaha kəɗi Yesu Almasihu. 18Kwa hedi mə lim Bizlaf abə nje ŋga seh halla səlak. Ama Mbu malay ta, mbiŋ abə talaŋ ŋga, ar Bizlaf, mə nji a kelek Baba, mbiŋ taataɗ kəgizenakwaza za.
Ɗal sedewe tə Yahwana mə ɗal batem
(Matta 3:1-12; Markus 1:1-8; Luka 3:1-18)
19Ehe, ma Yahwana mə gizeŋta əŋ hedi səndawl tə Yahuda iyi tə əŋ Urusalima, i ləɓ hedi mə ɗal kukus əŋ Bizlaf iyi abə hedi Lewi iyi əŋ kelek Yahwana ley ɗəpahaw, i zla: «Hwa seh, hwa viyey?» 20Yahwana ta, kəja wucum ley ziŋgeŋta zlap ta seh halla, a gizʉ məndiwiŋ a ma tə hedi iyi fuk: «Sa seh, sa Almasihu səku.» 21Ɓa, i ɗəpu, i zla: «Kaa, hwa izey, hwa viyey? Hwa seh, hwa Eliya vaw?» Yahwana a ziŋgeŋta zlap, a zla: «Kay, sa seh, Eliya səku.» I zlapaŋgu, i zla: «Kaa, hwa hedi mə giz ma abə miya tə Bizlaf vaw?» Yahwana a ziŋgeŋta zlap, a zla: «Kay! Sa hedi ta səku.» 22Ɓa, i zlapaŋgu, i zla: «Kaa, hwa seh izey viyey? Gizenini amba nini nda i gizeŋta əŋ hedi iyi i mə ləɓanini. Hwa seh, zlapanini hwa abə talaŋ təkwa, hwa viyey?» 23Yahwana a ziŋgeŋta zlap, a zla:
«Sa seh,
ar wula tə hedi mə ja tə əŋ təp damu, a zla:
“Hi ɗiyaŋ kataf lawlaw delele əŋ Bay Bayta#1:23 Esaya 40:3.!”»
Mənaŋ Esaya, hedi mə giz ma abə miya tə Bizlaf, mə zlap.
24Hedi maləɓaha iyi əŋ kelek Yahwana wa seh, Farisa iyi a ɗəməŋ aka. 25I ɗəpu, i zla: «Əŋgah hwa Almasihu səku, hwa Eliya səku, aka səku hwa hedi mə giz ma abə miya tə Bizlaf səku, hwa kəɗal batem wa seh, məŋgəvday a mey?» 26Yahwana a ziŋgeŋta zlap, a zla: «Sa seh, sa kəɗalaheni batem abə yim, ama hedi əŋ faŋw təheni aka, heni kəsəŋza səku. 27A ndaha za abə dawaŋ na, ama sa kəhwas kwa ley pəl serek tə kərap ŋga seh halla.» 28Ma ta, a taŋ fuk əŋ Baytaniya, kəɗi əŋ kəv məzəwindi tə lakwat Urdun, əŋ lay Yahwana mə ɗalaŋta batem əŋ hedi iyi.
Yesu seh, mbu ntek tə Bizlaf
29Garaha kafa ta, Yahwana a gər Yesu a kəndaha əŋ kelek ŋga seh, ɓa, a zlap, a zla: «Ehe, mbu hentek tə Bizlaf, mə nda i ɓət hem tə hedi iyi tə əŋ məŋhayak. 30Mbiŋ seh, ar hedi sa mə zlap ma ŋga zlezle sey, sa kəzlap za, sa zla: “Hedi a ndaha za abə dawaŋ na, ama mbiŋ pay day a sa, məŋgəvday mbiŋ mbə əŋ məŋhayak mar sa kəmbuwaha halla ndagwa.” 31Sa abə talaŋ na, sa kəsəŋgu ar viyey səku, ama sa ndaha ley ɗal batem abə yim amba ley gizeŋta hedi ta əŋ hedi tə əŋ Israyila iyi.»
32Yahwana kəɗal sedewe za a talaŋ hedi ta baha, a zla: «Sa kəlim Mimiɗ tə Bizlaf za, a kəbəreŋgehe a wuzlaf mənaŋ wanaɗ, a ndaha a nja a mbiŋ#1:32 Esaya 11:2; 61:1.. 33Sa kəsəŋza halla, ama Bizlaf mə ləɓaka ley ɗal batem abə yim, kəzlapaka za, a zla: “Hwa lim Mimiɗ a bəreŋgehe za, a nja za a hedi, mbiŋ mə nda i ɗal batem abə Mimiɗ sə Kweɗek.”» 34Yahwana, a zla: «Sa kəlim za abə nje na, sa sedewe, mbiŋ seh, ar Mbu tə Bizlaf.»
Gula tə Yesu titʉz iyi
35Garaha kafa ta, Yahwana mə ɗal batem abə gula ŋga iyi bək tə əŋ faŋw tə gula ŋga iyi, i mbə a lay kə ɗal batem sey baha. 36Əŋ Yahwana mə lim Yesu a kətaŋ seh, a zlap, a zla: «Ehe, Mbu hentek tə Bizlaf.» 37Gula sə bək iyi sey, i zlim ma ta, ɓa, i ziber Yesu. 38Yesu a buw nje əŋ dawaŋ seh, a lim gula tə Yahwana iyi sey, i kəziberehew, ɓa, a ɗəpta, a zla: «Hi pələk seh mey?» I ziŋgeŋ zlap, i zla: «Rabbi, hwa nja seh a tikey?» Rabbi, mənaŋ zlap ta seh, «metir». 39A zlapaŋta, a zla: «Hi ndaha, hi gər za.» I nda tata izey, i lim lay mbiŋ mə nja. I nja a namba abə mbiŋ. A ɗal mbeh kwata njamndi nfaɗ tə məcukahw. 40Andəre, zliŋgeŋ tə Simaŋw Piyer, ar hedi ntaɗ tə əŋ faŋw tə hedi sə bək iyi i mə zlim ma tə Yahwana mə ɗal batem, i mə ziber Yesu iyi sey. 41A nda, a gbamaŋ talaŋ məpər seh, əŋ zliŋgeŋ Simaŋw, ɓa, a zlapaŋgu, a zla: «Nini kəlim Almasihu za!» Almasihu, mənaŋ zlap ta seh, «hedi maləɓaha ley reh hedi iyi». 42Ɓa, a deɓʉ əŋ kelek Yesu. Yesu a gər Simaŋw sey, a zlapaŋgu, a zla: «Hwa seh, hwa Simaŋw, mbu tə Yahwana. Ama mar tə eci, i nda i ɗafah ma Kefas. “Kefas”, mənaŋ zlap ta seh, “kefeɗ”».
Yesu a ɗafaŋta ma əŋ Filip abə Natanayel
43Garaha kafa ta, Yesu a mba i nda əŋ hayak tə Galili. A nda, a lim Filip, ɓa, a zlapaŋgu, a zla: «Ziberekʉ.» 44Filip seh, ar hedi tə əŋ Baytisayda, berne Andəre abə Piyer i mə ndaha tə ɗəməŋ. 45Filip a nda, a lim Natanayel, a zlapaŋgu, a zla: «Nini kəlim hedi Musa mə zlap zlezle tə a talaŋ ŋga tə əŋ Ɗerewel tə ma majaw za, hedi mə giz ma abə miya tə Bizlaf iyi i kəzlap za a talaŋ ŋga bahayim. Ar Yesu lə Nasaratu, mbu tə Yusufa.» 46Natanayel a ziŋgeŋ zlap, a zla: «Məsəkəŋ səntaŋ a gula i ndaha za kəɗi əŋ Nasaratu vaw?» Filip a ziŋgeŋ zlap, a zla: «Ndaha, ɓa, gəru.» 47Əŋ Yesu mə gər Natanayel a kəkərəɗaha əŋ kelek ŋga seh, ɓa, a zlap a talaŋ ŋga, a zla: «Ehe, hedi wa, ar hedi Israyila məndiwiŋ, a kəbərəsl ma səku.» 48Natanayel a ɗəpu, a zla: «Hwa səŋgaka seh viŋgey?» Yesu a ziŋgeŋ zlap, a zla: «Mar Filip kəɗafah ma halla ndagwa seh, sa kəlimeh za, əŋ hwa mbə a gədaŋ mədifsəkiɗ.» 49Natanayel a ziŋgeŋ zlap izey, a zla: «Rabbi, hwa Mbu tə Bizlaf, hwa bay tə Israyila iyi#1:49 Jabura 2:7; Sefaniya 3:15..» 50Yesu a ziŋgeŋ zlap, a zla: «Hwa kuw ma na seh, məŋgəvday sa mə zlapah sa kəlimeh za a gədaŋ mədifsəkiɗ wa vaw? Hwa gər məsəkəŋ pay day a wawa iyi za baha.» 51Ɓa, a zlap baha, a zla: «Ayaw, sa kəzlapaheni məndiwiŋ, hi nda i lim lay tə wuzlaf mə rizi, mələɓ tə Bizlaf iyi i kətap əŋ wuzlaf, i kəbəreŋgehe əŋ teyek kəɗi a Mbu tə Hedi.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល