Kəzəɗ tə Mələɓ iyi 26
26
A ma tə Agaripa, Pawl a zlap mbiŋ seh abə hem halla
1Agaripa a zlapaŋ əŋ Pawl, a zla: «Sa kəvəlah kataf ley zlap a talaŋ təkwa mənjawa.» Abə dawaŋ ta izey, Pawl a kaf ndəra, ɓa, a zlap ma ŋga iyi, a zla: 2«Waa bay Agaripa! Sa abə səsəm eci ley giz ma na a ma təkwa, a talaŋ ma Yahuda iyi i mə wileke wa fuk. 3Mə day mba bahayim, hwa kəsəŋ kukus tə Yahuda iyi abə yawa tata iyi. Məŋgəvday a ɗek, sa kəɗalah mbuh amba hwa teheke zləm abə dak nəf. 4Yahuda iyi fuk i kəsəŋ nja na, mar tə əŋ zaray na. I kəsəŋ əŋ sa mə nja dəga mar tə əŋ faŋw tə hedi na iyi əŋ Urusalima. 5I kəsəŋgaka mar zlezle, əŋgah i kəmba seh, i gula i ɗal sedewe a talaŋ na. Sa kəziber kukus takwa sə tawytawy tə Farisa iyi za#26:5 Filippi iyi 3:5.. 6Mənjawa, sa mbə əŋ lay kə mbəzl ma, məŋgəvday sa kəɗiy wulək za a məsəkəŋ Bizlaf mə zlapaŋta əŋ dide tə dide tini iyi, a ɗalaŋta za sey. 7Ntaŋw iyi wam a meɗek bək tə hedi tini iyi i kəgəbar məsəkəŋ Bizlaf mə zlap a vəlaŋta za wa, məŋgəvday a ɗek, i kəɗalaŋ kəzəɗ əŋ Bizlaf abə nəf ntaɗ njaɗu abə pis fuk. Ar seh məŋgəvday wulək wa, Bay Agaripa, Yahuda iyi i mə wileke! 8Bizlaf a garaha hedi iyi za əŋ faŋw tə hedi maməc iyi seh, heni kuw səku seh məŋgəvday a mey? 9Sa bahayim, sa kəwulək za ley gay miya tə Yesu lə Nasaratu abə wereh iyi par par. 10Ar məsəkəŋ sa mə ɗal bahayim əŋ Urusalima. Sa kəlim fagay za a ndəra talaŋ habay tə hedi səndawl iyi tə a talaŋ hedi iyi i mə ɗal kukus əŋ Bizlaf, sa kənah hedi makuw ma iyi za mbeh səku əŋ daŋgay. Əŋ tata i mbəzlaŋta ma, mbəzl ma kə ja seh, sa kəkuw ma ta za. 11Sa kənda hwayhway əŋ biŋ kə ɗal mbuh əŋ Bizlaf tata iyi par par, sa kəzləŋgaŋta takwaŋ mbeh səku əŋ hedi makuw ma iyi, sa mba i takaŋta wula amba i mə zlap ma madawar a talaŋ kuw ma tata iyi. Sa kəzəm nəf za mbeh səku a talaŋ tata ha sa ziberta ley zləŋgaŋta takwaŋ əŋ berne tə hedi madaway iyi.»
Pawl a giz ma tə a talaŋ buw nja ŋga
(Kəzəɗ tə Mələɓ iyi 9:1-19; 22:6-16)
12«Ar mənaŋ wa, sa kənda za əŋ Damas abə fagay liŋ abə mələɓ tə talaŋ habay tə hedi səndawl iyi tə a talaŋ hedi iyi i mə ɗal kukus əŋ Bizlaf. 13Pis cakacak, sa mbə a kataf, Bay Agaripa, əŋ sa mə lim waɗ mə day waɗ tə pis mə ndaha mar tə wuzlaf. Waɗ ta seh kətuləkaka za, sa abə hedi nini mə ndaha lalaŋ iyi. 14Nini fuk tini iyi, nini kəndəv za əŋ teyek, sa zlim wula mə zlapaka abə ma tə Ibraniŋki iyi, a zla: “Sawl, Sawl, hwa təlaka ma seh məŋgəvday a mey? Hwa kəgay talaŋ təkwa haya, mənaŋ məsəkəŋ mandaham tə ge mə ceɗ zlambay tə njʉwiŋ ŋga.” 15Sa kəɗəp za, sa zla: “Hwa seh viyey, Bay Bayta?” Ɓa, Bay Bayta a ziŋgeke zlap, a zla: “Ar sa, Yesu hedi hwa mə təlaŋ ma wa. 16Ama gar, gar ka i gar. Sa gizeh wucum wa seh, amba hwa mbaɗ əŋ hedi mə ɗal kəzəɗ na. Hwa mbaɗ za əŋ sedewe na ley giz əŋ məsəkəŋ hwa limeke tə eci wa, baha, hwa nda i gizeŋta məsəkəŋ sa mə nda i gizeh wa baha dap. 17Sa jəɗah za əŋ faŋw tə Yahuda iyi abə əŋ faŋw tə hedi Yahuda iyi səku, əŋ sa mə nda i ləɓah əŋ kelek tata wa. 18Sa ləɓah amba hwa rəzaŋta nje, amba hwa ŋgaslahata mar tə əŋ ləvəŋ əŋ lay mawaɗ, mar əŋ fagay tə Sayɗanu əŋ kelek Bizlaf. Əŋgah i kəkuw ma na za, i lim ley baŋ hem tata iyi za, i lim lay kə nja za əŋ faŋw tə hedi makuw ma iyi.”»
Pawl a ɗal sedewe a talaŋ kəzəɗ ŋga
19Pawl a zlap baha, a zla: «Mənaŋ wa, waa bay Agaripa, sa kəyak ley kuw məsəkəŋ Bizlaf mə gizekʉ mar tə wuzlaf seh halla. 20Ama sa kəmar za ley giz Labara Səntaŋ Lawayaŋ əŋ hedi tə əŋ Damas iyi abə tə əŋ Urusalima iyi, abə dawaŋ ta, əŋ hedi tə əŋ hayak tə Yahuda iyi fuk liŋ abə əŋ hedi Yahuda iyi səku bahayim. Sa gizeŋta ley buw nja tata iyi amba i mə buwaha kəɗi əŋ kelek Bizlaf, i mə ɗal kəzəɗ mə giz i kəbuw nja tata za#26:20 Matta 3:8; Luka 3:8.. 21Məŋgəvday a ɗek, Yahuda iyi i kəməlaka za əŋ sa mbə əŋ biŋ tə Bizlaf, i mba i jaka. 22Ama Bizlaf kətəraka za ha mənjawa, sa mbə a nawa ndagwa ley ɗal sedewe a talaŋ ŋga a ma tə hedi iyi fuk, a ma tə hedi səndawl iyi abə a ma tə hedi mekedek iyi. Sa kəzlap kwa mey halla, sey ma tə Musa abə ma tə hedi mə giz ma abə miya tə Bizlaf iyi i mə giz məsəkəŋ mə nda i ɗal, i zla: 23Almasihu a zləŋ takwaŋ za, mbiŋ mə nda i garaha məpər əŋ faŋw tə hedi maməc iyi fuk, amba a gizeŋta waɗ tə Bizlaf əŋ Yahuda iyi abə əŋ hedi Yahuda iyi səku fuk#26:23 Esaya 42:6; 49:6; 1 Kwarintʉ iyi 15:20..»
Pawl a zlapaŋ əŋ Agaripa ley kuw ma tə Bizlaf
24Əŋ Pawl a kəzlap ma ŋga iyi mənaŋ wa seh, Festus a ja varay, a zla: «Pawl, hwa mulula! Səŋ məsəkəŋ təkwa sə mbeh səku mba, kəmbaɗah cuza əŋ mulula!» 25Pawl a ziŋgeŋ zlap, a zla: «Sa mulula səku, Bay Festus! Ma sa mə giz wa, ar ma sə delele, a kəzlim. 26Bay Agaripa seh kəɗəp za a talaŋ məsəkəŋ ta wa, sa gula i zlap abə fagay a ma ŋga. Sa kəsəŋ məndiwiŋ a kəsəŋ məsəkəŋ ta fuk a ma tə hedi iyi, məŋgəvday məsəkəŋ ta, kətaŋ abə ɓah seh halla. 27Bay Agaripa, hwa kəkuw ma tə hedi mə giz ma abə miya tə Bizlaf iyi mə zlap seh halla vaw? Sa kəsəŋ hwa kəkuw ma za!» 28Agaripa a zlapaŋ əŋ Pawl, a zla: «Hwa wulək seh, əŋ nja mbizek a nawa hwa dayaka za abə zlap amba sa mbaɗ əŋ hedi tə Almasihu dap vaw?» 29Pawl a ziŋgeŋ zlap, a zla: «Kwa mbeh wa, kwa a ma mbizek, sa kəɗalaŋ mbuh əŋ Bizlaf məŋgəvday hwa taataɗ səku, ama baha məŋgəvday heni mə teheŋ zləm mənjawa iyi fuk, heni mbaɗ mənaŋ sa, ama abə calalu səku!»
30Abə dawaŋ ta, Bay Agaripa a gar, guverner, Bernike liŋ hedi tə abə tata iyi fuk, i gar. 31I təɗaha tata, i zlap əŋ faŋw tata, i zla: «Hedi wa, kəɗal hem kwa ntaɗ tiɗe ley ja seh halla, aka səku ley nah əŋ daŋgay seh halla.» 32Abə dawaŋ ta, Agaripa a zlapaŋ əŋ Festus, a zla: «Hedi wa, kəɗafaŋ ma əŋ bay tə Rawma halla seh, nakwa iyi yakza za.»
ទើបបានជ្រើសរើសហើយ៖
Kəzəɗ tə Mələɓ iyi 26: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Kəzəɗ tə Mələɓ iyi 26
26
A ma tə Agaripa, Pawl a zlap mbiŋ seh abə hem halla
1Agaripa a zlapaŋ əŋ Pawl, a zla: «Sa kəvəlah kataf ley zlap a talaŋ təkwa mənjawa.» Abə dawaŋ ta izey, Pawl a kaf ndəra, ɓa, a zlap ma ŋga iyi, a zla: 2«Waa bay Agaripa! Sa abə səsəm eci ley giz ma na a ma təkwa, a talaŋ ma Yahuda iyi i mə wileke wa fuk. 3Mə day mba bahayim, hwa kəsəŋ kukus tə Yahuda iyi abə yawa tata iyi. Məŋgəvday a ɗek, sa kəɗalah mbuh amba hwa teheke zləm abə dak nəf. 4Yahuda iyi fuk i kəsəŋ nja na, mar tə əŋ zaray na. I kəsəŋ əŋ sa mə nja dəga mar tə əŋ faŋw tə hedi na iyi əŋ Urusalima. 5I kəsəŋgaka mar zlezle, əŋgah i kəmba seh, i gula i ɗal sedewe a talaŋ na. Sa kəziber kukus takwa sə tawytawy tə Farisa iyi za#26:5 Filippi iyi 3:5.. 6Mənjawa, sa mbə əŋ lay kə mbəzl ma, məŋgəvday sa kəɗiy wulək za a məsəkəŋ Bizlaf mə zlapaŋta əŋ dide tə dide tini iyi, a ɗalaŋta za sey. 7Ntaŋw iyi wam a meɗek bək tə hedi tini iyi i kəgəbar məsəkəŋ Bizlaf mə zlap a vəlaŋta za wa, məŋgəvday a ɗek, i kəɗalaŋ kəzəɗ əŋ Bizlaf abə nəf ntaɗ njaɗu abə pis fuk. Ar seh məŋgəvday wulək wa, Bay Agaripa, Yahuda iyi i mə wileke! 8Bizlaf a garaha hedi iyi za əŋ faŋw tə hedi maməc iyi seh, heni kuw səku seh məŋgəvday a mey? 9Sa bahayim, sa kəwulək za ley gay miya tə Yesu lə Nasaratu abə wereh iyi par par. 10Ar məsəkəŋ sa mə ɗal bahayim əŋ Urusalima. Sa kəlim fagay za a ndəra talaŋ habay tə hedi səndawl iyi tə a talaŋ hedi iyi i mə ɗal kukus əŋ Bizlaf, sa kənah hedi makuw ma iyi za mbeh səku əŋ daŋgay. Əŋ tata i mbəzlaŋta ma, mbəzl ma kə ja seh, sa kəkuw ma ta za. 11Sa kənda hwayhway əŋ biŋ kə ɗal mbuh əŋ Bizlaf tata iyi par par, sa kəzləŋgaŋta takwaŋ mbeh səku əŋ hedi makuw ma iyi, sa mba i takaŋta wula amba i mə zlap ma madawar a talaŋ kuw ma tata iyi. Sa kəzəm nəf za mbeh səku a talaŋ tata ha sa ziberta ley zləŋgaŋta takwaŋ əŋ berne tə hedi madaway iyi.»
Pawl a giz ma tə a talaŋ buw nja ŋga
(Kəzəɗ tə Mələɓ iyi 9:1-19; 22:6-16)
12«Ar mənaŋ wa, sa kənda za əŋ Damas abə fagay liŋ abə mələɓ tə talaŋ habay tə hedi səndawl iyi tə a talaŋ hedi iyi i mə ɗal kukus əŋ Bizlaf. 13Pis cakacak, sa mbə a kataf, Bay Agaripa, əŋ sa mə lim waɗ mə day waɗ tə pis mə ndaha mar tə wuzlaf. Waɗ ta seh kətuləkaka za, sa abə hedi nini mə ndaha lalaŋ iyi. 14Nini fuk tini iyi, nini kəndəv za əŋ teyek, sa zlim wula mə zlapaka abə ma tə Ibraniŋki iyi, a zla: “Sawl, Sawl, hwa təlaka ma seh məŋgəvday a mey? Hwa kəgay talaŋ təkwa haya, mənaŋ məsəkəŋ mandaham tə ge mə ceɗ zlambay tə njʉwiŋ ŋga.” 15Sa kəɗəp za, sa zla: “Hwa seh viyey, Bay Bayta?” Ɓa, Bay Bayta a ziŋgeke zlap, a zla: “Ar sa, Yesu hedi hwa mə təlaŋ ma wa. 16Ama gar, gar ka i gar. Sa gizeh wucum wa seh, amba hwa mbaɗ əŋ hedi mə ɗal kəzəɗ na. Hwa mbaɗ za əŋ sedewe na ley giz əŋ məsəkəŋ hwa limeke tə eci wa, baha, hwa nda i gizeŋta məsəkəŋ sa mə nda i gizeh wa baha dap. 17Sa jəɗah za əŋ faŋw tə Yahuda iyi abə əŋ faŋw tə hedi Yahuda iyi səku, əŋ sa mə nda i ləɓah əŋ kelek tata wa. 18Sa ləɓah amba hwa rəzaŋta nje, amba hwa ŋgaslahata mar tə əŋ ləvəŋ əŋ lay mawaɗ, mar əŋ fagay tə Sayɗanu əŋ kelek Bizlaf. Əŋgah i kəkuw ma na za, i lim ley baŋ hem tata iyi za, i lim lay kə nja za əŋ faŋw tə hedi makuw ma iyi.”»
Pawl a ɗal sedewe a talaŋ kəzəɗ ŋga
19Pawl a zlap baha, a zla: «Mənaŋ wa, waa bay Agaripa, sa kəyak ley kuw məsəkəŋ Bizlaf mə gizekʉ mar tə wuzlaf seh halla. 20Ama sa kəmar za ley giz Labara Səntaŋ Lawayaŋ əŋ hedi tə əŋ Damas iyi abə tə əŋ Urusalima iyi, abə dawaŋ ta, əŋ hedi tə əŋ hayak tə Yahuda iyi fuk liŋ abə əŋ hedi Yahuda iyi səku bahayim. Sa gizeŋta ley buw nja tata iyi amba i mə buwaha kəɗi əŋ kelek Bizlaf, i mə ɗal kəzəɗ mə giz i kəbuw nja tata za#26:20 Matta 3:8; Luka 3:8.. 21Məŋgəvday a ɗek, Yahuda iyi i kəməlaka za əŋ sa mbə əŋ biŋ tə Bizlaf, i mba i jaka. 22Ama Bizlaf kətəraka za ha mənjawa, sa mbə a nawa ndagwa ley ɗal sedewe a talaŋ ŋga a ma tə hedi iyi fuk, a ma tə hedi səndawl iyi abə a ma tə hedi mekedek iyi. Sa kəzlap kwa mey halla, sey ma tə Musa abə ma tə hedi mə giz ma abə miya tə Bizlaf iyi i mə giz məsəkəŋ mə nda i ɗal, i zla: 23Almasihu a zləŋ takwaŋ za, mbiŋ mə nda i garaha məpər əŋ faŋw tə hedi maməc iyi fuk, amba a gizeŋta waɗ tə Bizlaf əŋ Yahuda iyi abə əŋ hedi Yahuda iyi səku fuk#26:23 Esaya 42:6; 49:6; 1 Kwarintʉ iyi 15:20..»
Pawl a zlapaŋ əŋ Agaripa ley kuw ma tə Bizlaf
24Əŋ Pawl a kəzlap ma ŋga iyi mənaŋ wa seh, Festus a ja varay, a zla: «Pawl, hwa mulula! Səŋ məsəkəŋ təkwa sə mbeh səku mba, kəmbaɗah cuza əŋ mulula!» 25Pawl a ziŋgeŋ zlap, a zla: «Sa mulula səku, Bay Festus! Ma sa mə giz wa, ar ma sə delele, a kəzlim. 26Bay Agaripa seh kəɗəp za a talaŋ məsəkəŋ ta wa, sa gula i zlap abə fagay a ma ŋga. Sa kəsəŋ məndiwiŋ a kəsəŋ məsəkəŋ ta fuk a ma tə hedi iyi, məŋgəvday məsəkəŋ ta, kətaŋ abə ɓah seh halla. 27Bay Agaripa, hwa kəkuw ma tə hedi mə giz ma abə miya tə Bizlaf iyi mə zlap seh halla vaw? Sa kəsəŋ hwa kəkuw ma za!» 28Agaripa a zlapaŋ əŋ Pawl, a zla: «Hwa wulək seh, əŋ nja mbizek a nawa hwa dayaka za abə zlap amba sa mbaɗ əŋ hedi tə Almasihu dap vaw?» 29Pawl a ziŋgeŋ zlap, a zla: «Kwa mbeh wa, kwa a ma mbizek, sa kəɗalaŋ mbuh əŋ Bizlaf məŋgəvday hwa taataɗ səku, ama baha məŋgəvday heni mə teheŋ zləm mənjawa iyi fuk, heni mbaɗ mənaŋ sa, ama abə calalu səku!»
30Abə dawaŋ ta, Bay Agaripa a gar, guverner, Bernike liŋ hedi tə abə tata iyi fuk, i gar. 31I təɗaha tata, i zlap əŋ faŋw tata, i zla: «Hedi wa, kəɗal hem kwa ntaɗ tiɗe ley ja seh halla, aka səku ley nah əŋ daŋgay seh halla.» 32Abə dawaŋ ta, Agaripa a zlapaŋ əŋ Festus, a zla: «Hedi wa, kəɗafaŋ ma əŋ bay tə Rawma halla seh, nakwa iyi yakza za.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល