Kəzəɗ tə Mələɓ iyi 27
27
I kədeɓ Pawl za əŋ Rawma
1Əŋ wulək mə gar amba nini nda tini əŋ Italiya abə kambuwal seh, i vəl Pawl abə hedi maməl dakayta tə əŋ daŋgay iyi əŋ Yuliyus, hedi səndawl tə a talaŋ sewje iyi temere, hedi tə əŋ faŋw tə sewje iyi tə bay tə Rawma. 2Nini tap əŋ kambuwal tə Adaramitenus, nini taŋ kəɗi əŋ lay kə gar kambuwal tə əŋ hayak tə Aziya, ɓa, nini nda tini. Aristarkus, lə Makedawniya əŋ hayak tə Tessalawniŋki mbə abə nini. 3Garaha kafa ta, nini gwaraha əŋ Sidaŋw, nini gar. Yuliyus, a buruk Pawl, a vəlaŋ kataf ley nda i gəraha maday ŋga iyi amba ley limehe məsəkəŋ mbiŋ mə mba. 4Abə dawaŋ ta, nini gar a namba baha, nini taŋ kəɗi əŋ bəra zəzay tə hayak tə əŋ dəməs tə yim, i mə ɗafaŋ ma Kiprus, kəɗi əŋ kəv mə tak mimiɗ, məŋgəvday nini kəgbam talaŋ abə mimiɗ. 5Nini taŋ talafay sə mbehmbeh tə abə Silikiya abə tə Pamfiliya, nini gwar əŋ Mira əŋ hayak tə Lisiya. 6A namba, hedi səndawl tə a talaŋ sewje iyi tə Rawma sey, a lim kambuwal tə Alekzandəriya, mə nda əŋ Italiya, a tapanini əŋ ɗəməŋ. 7Əŋ waŋ iyi mbeh səku, nini kəkwaraha kambuwal abə zaya, ar abə tuwah mbeh səku nini gwaraha əŋ berne tə Kinidʉs. Əŋ mimiɗ a kətakanini ley nda kəɗi a ma seh, nini taŋ kəɗi əŋ bəra zəzay tə hayak mə təɗ əŋ yim i mə ɗafaŋ ma Salmawni, amba ley gwar kəɗi əŋ kəv mə tak mimiɗ tə hayak tə əŋ dəməs tə yim i mə ɗafaŋ ma Kereta. 8Nini kənda za abə tuwah mbeh səku kəɗi əŋ bəra zəzay, nini gwar əŋ lay i mə ɗafaŋ ma Lay kə gar kambuwal iyi Səntaŋ, mbehmbeh abə berne tə Laseya.
9Mənaŋ wa, nini kənjaha za mbeh səku əŋ pik ta. Əŋ hala ta mba, pik tə abə kambuwal kəɗal za madawar təday, məŋgəvday ntəra kə ɗal dalyam kətaŋ cuza. Məŋgəvday a ɗek, Pawl a gizeŋta wulək ŋga əŋ hedi iyi ta, a zla: 10«Maday na iyi, sa gər pik takwa wa a ɗal madawar za təday: kambuwal abə məsəkəŋ tə ɗəməŋ iyi i gay tata za. Təday ta seh, kwa nakwa abə talaŋ takwa, nakwa iyi kuɗəp mədəŋcur takwa za.» 11Ama hedi səndawl tə a talaŋ sewje iyi a ɗiy wulək ŋga fuk a hedi mə kwar kambuwal abə hedi tə kambuwal, ama i kəkuw ma Pawl mə zlap seh halla. 12Baha, əŋ lay kə gar kambuwal ta seh, ləlaw səku ley gar kambuwal abə misfiɗ a namba. Məŋgəvday a ɗek, ndəra səndawl tə hedi tə əŋ kambuwal iyi ta i ɓət wulək ley gar tata za a namba. Əŋgah a lim za seh, i mba i gwar əŋ Fenikis. Fenikis ta seh, ar lay kə gar kambuwal iyi a kwaɗahw tə Kereta kəɗi əŋ teyek tə pis mə ndəv abə kəɗi əŋ wuzlaf tə pis mə ndəv ley taŋ misfiɗ a namba.
Mimiɗ a talaŋ talafay
13Mimiɗ tə teyek kəmar za i ɗal, i wulək ley nda əŋ pik tata, məŋgəvday mimiɗ ta, a kəɗal abə fagay halla. I dəɗ məsəkəŋ kə dar kambuwal, i ziber mbehmbeh abə bəra zəzay tə Kereta. 14Ama abə dawaŋ tə mbizek, mimiɗ səndawl i mə ɗafaŋ ma Erakilaŋw a bəreŋgehe a wuzum tə hayak tə əŋ dəməs tə yim. 15Mimiɗ ta, kətak kambuwal za, a gula i nda dəre abə mimiɗ ta səku, ɓa, nini yak mimiɗ mə gaɗ kambuwal kəɗi əŋ lay gaw. 16Nini taŋ kəɗi əŋ teyek tə hayak tə əŋ dəməs tə yim mekedek, i mə ɗafaŋ ma Kwada, mimiɗ a namba mbeh səku halla. Abə dawaŋ ta izey, nini rehe kambuwal mekedek ta abə tuwah mbeh səku. 17Əŋ hedi mə kwar kambuwal mekedek iyi ta i kəkafahaw əŋ meɗek lakwat seh, ɓa, i jaw serek iyi a meɗek tə kambuwal səndawl ta. I kələndəŋ za məŋgəvday i mə mba i nah a talaŋ vakw tə Sirtis səku, abə dawaŋ ta izey, i yak mpay səndawl mə buw kambuwal wa əŋ talafay, i yak kambuwal ta mimiɗ mə deɓʉ əŋ lay gaw. 18Garaha kafa ta, mimiɗ səndawl a kəhuɓəlanini abə fagay dap, ɓa, i kap məsəkəŋ tə əŋ kambuwal iyi əŋ talafay. 19Əŋ waŋ maakaɗ ta hedi mə kwar kambuwal iyi, tata abə ndəra tata, i kapaha serek iyi abə məsəkəŋ tə əŋ kambuwal iyi əŋ talafay. 20Əŋ waŋ iyi mbeh səku, nini kəlim kwa pis, kwa gəmzləɗ iyi halla, mimiɗ a kəɗal abə fagay dap. Nini abə wulək ley reh seh halla ba.
21Nja mbeh səku hedi tə əŋ kambuwal iyi ta i kəzəm kwa mey halla. Abə dawaŋ ta izey, Pawl a gar a ma tata, a zlapaŋta, a zla: «Maday na iyi, əŋgah heni kəkuw ma na sa mə zlapaheni za seh, gelɓe heni kəgaraha əŋ Kereta halla. Nakwa iyi reh za a məsəkəŋ iyi wa i mə nda i gay, i mə nda i kuɗəp. 22Ama mənjawa seh, sa kərəkaheni hi səɓ nəf, məŋgəvday kwa hedi ntaɗ əŋ faŋw təheni mə nda i kuɗəp mədəŋcur ŋga seh halla, sey kambuwal taataɗ ŋga mə nda i kuɗəp dap. 23Məŋgəvday əŋ njaɗu nakaha wa, mələɓ tə Bizlaf, hedi sa mə nji məŋgəvday a mbiŋ, sa mə ɗalaŋ kəzəɗ, kəgizehe wucum ŋga za a ma na. 24Kəzlapaka za, a zla: “Pawl, hwa mba i ləndəŋ səku! A kəlim seh, sey bay tə Rawma mə mbəzl ma. Bizlaf kəɗal səntaŋ ŋga za məŋgəvday hwa, kəvəlah mədəŋcur tə hedi tə əŋ kambuwal iyi wa fuk za əŋ ndəra təkwa.” 25Maday na iyi, hi səɓ nəf, məŋgəvday sa kəvəl wulək na za əŋ Bizlaf: məsəkəŋ ta, a ɗal za mənaŋ mbiŋ mə zlapaku. 26Mimiɗ a deɓenakwa za əŋ hayak tə əŋ dəməs tə yim par.»
27Ar əŋ njaɗu tə waŋ wam a meɗek nfaɗ, mimiɗ a kədeɓenini əŋ talafay, i mə ɗafaŋ ma Mediyan. Mbeh kwata ŋgəlak njaɗu, hedi mə kwar kambuwal iyi i wulək seh nini mbeh kwata ley gwar əŋ teyek mahwal. 28I kap malaway majaw tə abə serek iyi, məŋgəvday ley təl gaw tə yim. I lim gaw tə yim ta seh, mbeh kwata a ɗal metir ndəra maakaɗ a meɗek dʉsəlʉɗ, a ma mbizek, i nahaw baha, i lim kəɗal metir ndəra bək a meɗek jamaakaɗ. 29I ləndəŋ seh, məŋgəvday kambuwal a kəmba i nda i taw abə nvəŋ iyi, ɓa, i bəreŋgehe malaway iyi nfaɗ tə dawaŋ tə kambuwal, i darta əŋ yim ley gar kambuwal ka. I kəgəbar abə dak wucum lay mə daŋgaha. 30Abə dawaŋ ta izey, hedi mə kwar kambuwal iyi ta i mba i bəreŋgehe tata za, i nda tata. I bəreŋgehe kambuwal mekedek əŋ yim, i ɗal mənaŋ i mba i bəreŋ malaway iyi ley dar par a ma tə kambuwal. 31Pawl a zlapaŋ əŋ hedi səndawl tə sewje iyi abə əŋ sewje iyi, a zla: «Əŋgah hedi iyi wa, i kənja əŋ kambuwal halla seh, heni gula i reh halla.» 32Abə dawaŋ ta izey, sewje iyi i rəsl serek mə məl kambuwal mekedek sey, i yaku mə nah əŋ talafay. 33Əŋ mbeh kwata lay ley daŋgaha, Pawl a ɗafaŋta ma əŋ hedi iyi fuk ley zəm wuda, a zla: «Ehe eci, kəɗal waŋ wam a meɗek nfaɗ, heni kəgəbar abə ləndəŋ, heni kəzəm kwa mey halla. 34Mənaŋ wa, sa kəɗafaheni ma ley zəm wuda, məŋgəvday heni kəmba i lim reh. Kwa hedi ntaɗ əŋ faŋw təheni mə nda i kuɗəp kwa bujuguɗ tə talaŋ ŋga ntaɗ seh halla.» 35Abə dawaŋ tə mbiŋ mə zlap mənaŋ wa seh, Pawl a ɓət peŋ, a ɗalaŋ sʉse əŋ Bizlaf a ma tə hedi iyi fuk, ɓa, a wuɗak peŋ ta, a mar ley zəmu. 36Tata fuk i səɓ nəf, ɓa, i zəmu bahayim. 37Nini tə əŋ kambuwal iyi ta fuk a ɗal hedi iyi temere bək abə ndəra dʉsəlʉɗ a meɗek ŋkuh. 38Əŋ tata fuk kəlim za ley zəm məsəkəŋ ha i gwaɗ seh, i kap ndəri alkamari əŋ talafay amba ley ɗal kambuwal kefeŋkefeŋ.
Vaŋgwala tə yim kəŋga kambuwal za
39Əŋ lay mə daŋgaha seh, hedi mə kwar kambuwal iyi i kəsəŋ əŋ lay tata mə gar səku, ama i lim meɗek tə bəra zəzay abə vakw. Əŋgah a lim za seh, i mba i deɓ kambuwal əŋ namba. 40I pəl serek tə malaway madar iyi, i yakta əŋ talafay. Mbehmbeh mba, i pəl serek kəjaw mpay kə kwar kambuwal ta. Ɓa, i kaf məsəra rukut səndawl tə a ma tə kambuwal amba mimiɗ mə gaɗu ley nda kəɗi əŋ bəra zəzay. 41Ama i gwar a talaŋ vakw seh, kambuwal a gar a namba. Kəv tə kambuwal tə a ma kədar za əŋ vakw, a gula i huɓəl səku ba, kəv tə dawaŋ bahayim vaŋgwala tə yim a kəŋgu. 42Sewje iyi i mba i ja hedi tə əŋ daŋgay iyi fuk, amba kwa hedi ntaɗ əŋ faŋw tata mə mba i reh abə ley hiy kəɗi əŋ yim səku. 43Ama hedi səndawl tə a talaŋ sewje tə Rawma iyi, kəɓət wulək za ley reh Pawl, a takta ley ɗal wulək tata. A zlapaŋta əŋ hedi mə səŋ yim iyi ley mbir məpər əŋ yim, amba i mə gwar a hayak mahwal. 44Hedi dakayta iyi bahayim i rehehe seh abə ley məl ndəra a mpay tə kambuwal maŋgaha iyi. Mənaŋ wa, tata fuk tata iyi i kəgwaraha za a hayak mahwal kwa məsəkəŋ mə ɗalaŋta halla.
ទើបបានជ្រើសរើសហើយ៖
Kəzəɗ tə Mələɓ iyi 27: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Kəzəɗ tə Mələɓ iyi 27
27
I kədeɓ Pawl za əŋ Rawma
1Əŋ wulək mə gar amba nini nda tini əŋ Italiya abə kambuwal seh, i vəl Pawl abə hedi maməl dakayta tə əŋ daŋgay iyi əŋ Yuliyus, hedi səndawl tə a talaŋ sewje iyi temere, hedi tə əŋ faŋw tə sewje iyi tə bay tə Rawma. 2Nini tap əŋ kambuwal tə Adaramitenus, nini taŋ kəɗi əŋ lay kə gar kambuwal tə əŋ hayak tə Aziya, ɓa, nini nda tini. Aristarkus, lə Makedawniya əŋ hayak tə Tessalawniŋki mbə abə nini. 3Garaha kafa ta, nini gwaraha əŋ Sidaŋw, nini gar. Yuliyus, a buruk Pawl, a vəlaŋ kataf ley nda i gəraha maday ŋga iyi amba ley limehe məsəkəŋ mbiŋ mə mba. 4Abə dawaŋ ta, nini gar a namba baha, nini taŋ kəɗi əŋ bəra zəzay tə hayak tə əŋ dəməs tə yim, i mə ɗafaŋ ma Kiprus, kəɗi əŋ kəv mə tak mimiɗ, məŋgəvday nini kəgbam talaŋ abə mimiɗ. 5Nini taŋ talafay sə mbehmbeh tə abə Silikiya abə tə Pamfiliya, nini gwar əŋ Mira əŋ hayak tə Lisiya. 6A namba, hedi səndawl tə a talaŋ sewje iyi tə Rawma sey, a lim kambuwal tə Alekzandəriya, mə nda əŋ Italiya, a tapanini əŋ ɗəməŋ. 7Əŋ waŋ iyi mbeh səku, nini kəkwaraha kambuwal abə zaya, ar abə tuwah mbeh səku nini gwaraha əŋ berne tə Kinidʉs. Əŋ mimiɗ a kətakanini ley nda kəɗi a ma seh, nini taŋ kəɗi əŋ bəra zəzay tə hayak mə təɗ əŋ yim i mə ɗafaŋ ma Salmawni, amba ley gwar kəɗi əŋ kəv mə tak mimiɗ tə hayak tə əŋ dəməs tə yim i mə ɗafaŋ ma Kereta. 8Nini kənda za abə tuwah mbeh səku kəɗi əŋ bəra zəzay, nini gwar əŋ lay i mə ɗafaŋ ma Lay kə gar kambuwal iyi Səntaŋ, mbehmbeh abə berne tə Laseya.
9Mənaŋ wa, nini kənjaha za mbeh səku əŋ pik ta. Əŋ hala ta mba, pik tə abə kambuwal kəɗal za madawar təday, məŋgəvday ntəra kə ɗal dalyam kətaŋ cuza. Məŋgəvday a ɗek, Pawl a gizeŋta wulək ŋga əŋ hedi iyi ta, a zla: 10«Maday na iyi, sa gər pik takwa wa a ɗal madawar za təday: kambuwal abə məsəkəŋ tə ɗəməŋ iyi i gay tata za. Təday ta seh, kwa nakwa abə talaŋ takwa, nakwa iyi kuɗəp mədəŋcur takwa za.» 11Ama hedi səndawl tə a talaŋ sewje iyi a ɗiy wulək ŋga fuk a hedi mə kwar kambuwal abə hedi tə kambuwal, ama i kəkuw ma Pawl mə zlap seh halla. 12Baha, əŋ lay kə gar kambuwal ta seh, ləlaw səku ley gar kambuwal abə misfiɗ a namba. Məŋgəvday a ɗek, ndəra səndawl tə hedi tə əŋ kambuwal iyi ta i ɓət wulək ley gar tata za a namba. Əŋgah a lim za seh, i mba i gwar əŋ Fenikis. Fenikis ta seh, ar lay kə gar kambuwal iyi a kwaɗahw tə Kereta kəɗi əŋ teyek tə pis mə ndəv abə kəɗi əŋ wuzlaf tə pis mə ndəv ley taŋ misfiɗ a namba.
Mimiɗ a talaŋ talafay
13Mimiɗ tə teyek kəmar za i ɗal, i wulək ley nda əŋ pik tata, məŋgəvday mimiɗ ta, a kəɗal abə fagay halla. I dəɗ məsəkəŋ kə dar kambuwal, i ziber mbehmbeh abə bəra zəzay tə Kereta. 14Ama abə dawaŋ tə mbizek, mimiɗ səndawl i mə ɗafaŋ ma Erakilaŋw a bəreŋgehe a wuzum tə hayak tə əŋ dəməs tə yim. 15Mimiɗ ta, kətak kambuwal za, a gula i nda dəre abə mimiɗ ta səku, ɓa, nini yak mimiɗ mə gaɗ kambuwal kəɗi əŋ lay gaw. 16Nini taŋ kəɗi əŋ teyek tə hayak tə əŋ dəməs tə yim mekedek, i mə ɗafaŋ ma Kwada, mimiɗ a namba mbeh səku halla. Abə dawaŋ ta izey, nini rehe kambuwal mekedek ta abə tuwah mbeh səku. 17Əŋ hedi mə kwar kambuwal mekedek iyi ta i kəkafahaw əŋ meɗek lakwat seh, ɓa, i jaw serek iyi a meɗek tə kambuwal səndawl ta. I kələndəŋ za məŋgəvday i mə mba i nah a talaŋ vakw tə Sirtis səku, abə dawaŋ ta izey, i yak mpay səndawl mə buw kambuwal wa əŋ talafay, i yak kambuwal ta mimiɗ mə deɓʉ əŋ lay gaw. 18Garaha kafa ta, mimiɗ səndawl a kəhuɓəlanini abə fagay dap, ɓa, i kap məsəkəŋ tə əŋ kambuwal iyi əŋ talafay. 19Əŋ waŋ maakaɗ ta hedi mə kwar kambuwal iyi, tata abə ndəra tata, i kapaha serek iyi abə məsəkəŋ tə əŋ kambuwal iyi əŋ talafay. 20Əŋ waŋ iyi mbeh səku, nini kəlim kwa pis, kwa gəmzləɗ iyi halla, mimiɗ a kəɗal abə fagay dap. Nini abə wulək ley reh seh halla ba.
21Nja mbeh səku hedi tə əŋ kambuwal iyi ta i kəzəm kwa mey halla. Abə dawaŋ ta izey, Pawl a gar a ma tata, a zlapaŋta, a zla: «Maday na iyi, əŋgah heni kəkuw ma na sa mə zlapaheni za seh, gelɓe heni kəgaraha əŋ Kereta halla. Nakwa iyi reh za a məsəkəŋ iyi wa i mə nda i gay, i mə nda i kuɗəp. 22Ama mənjawa seh, sa kərəkaheni hi səɓ nəf, məŋgəvday kwa hedi ntaɗ əŋ faŋw təheni mə nda i kuɗəp mədəŋcur ŋga seh halla, sey kambuwal taataɗ ŋga mə nda i kuɗəp dap. 23Məŋgəvday əŋ njaɗu nakaha wa, mələɓ tə Bizlaf, hedi sa mə nji məŋgəvday a mbiŋ, sa mə ɗalaŋ kəzəɗ, kəgizehe wucum ŋga za a ma na. 24Kəzlapaka za, a zla: “Pawl, hwa mba i ləndəŋ səku! A kəlim seh, sey bay tə Rawma mə mbəzl ma. Bizlaf kəɗal səntaŋ ŋga za məŋgəvday hwa, kəvəlah mədəŋcur tə hedi tə əŋ kambuwal iyi wa fuk za əŋ ndəra təkwa.” 25Maday na iyi, hi səɓ nəf, məŋgəvday sa kəvəl wulək na za əŋ Bizlaf: məsəkəŋ ta, a ɗal za mənaŋ mbiŋ mə zlapaku. 26Mimiɗ a deɓenakwa za əŋ hayak tə əŋ dəməs tə yim par.»
27Ar əŋ njaɗu tə waŋ wam a meɗek nfaɗ, mimiɗ a kədeɓenini əŋ talafay, i mə ɗafaŋ ma Mediyan. Mbeh kwata ŋgəlak njaɗu, hedi mə kwar kambuwal iyi i wulək seh nini mbeh kwata ley gwar əŋ teyek mahwal. 28I kap malaway majaw tə abə serek iyi, məŋgəvday ley təl gaw tə yim. I lim gaw tə yim ta seh, mbeh kwata a ɗal metir ndəra maakaɗ a meɗek dʉsəlʉɗ, a ma mbizek, i nahaw baha, i lim kəɗal metir ndəra bək a meɗek jamaakaɗ. 29I ləndəŋ seh, məŋgəvday kambuwal a kəmba i nda i taw abə nvəŋ iyi, ɓa, i bəreŋgehe malaway iyi nfaɗ tə dawaŋ tə kambuwal, i darta əŋ yim ley gar kambuwal ka. I kəgəbar abə dak wucum lay mə daŋgaha. 30Abə dawaŋ ta izey, hedi mə kwar kambuwal iyi ta i mba i bəreŋgehe tata za, i nda tata. I bəreŋgehe kambuwal mekedek əŋ yim, i ɗal mənaŋ i mba i bəreŋ malaway iyi ley dar par a ma tə kambuwal. 31Pawl a zlapaŋ əŋ hedi səndawl tə sewje iyi abə əŋ sewje iyi, a zla: «Əŋgah hedi iyi wa, i kənja əŋ kambuwal halla seh, heni gula i reh halla.» 32Abə dawaŋ ta izey, sewje iyi i rəsl serek mə məl kambuwal mekedek sey, i yaku mə nah əŋ talafay. 33Əŋ mbeh kwata lay ley daŋgaha, Pawl a ɗafaŋta ma əŋ hedi iyi fuk ley zəm wuda, a zla: «Ehe eci, kəɗal waŋ wam a meɗek nfaɗ, heni kəgəbar abə ləndəŋ, heni kəzəm kwa mey halla. 34Mənaŋ wa, sa kəɗafaheni ma ley zəm wuda, məŋgəvday heni kəmba i lim reh. Kwa hedi ntaɗ əŋ faŋw təheni mə nda i kuɗəp kwa bujuguɗ tə talaŋ ŋga ntaɗ seh halla.» 35Abə dawaŋ tə mbiŋ mə zlap mənaŋ wa seh, Pawl a ɓət peŋ, a ɗalaŋ sʉse əŋ Bizlaf a ma tə hedi iyi fuk, ɓa, a wuɗak peŋ ta, a mar ley zəmu. 36Tata fuk i səɓ nəf, ɓa, i zəmu bahayim. 37Nini tə əŋ kambuwal iyi ta fuk a ɗal hedi iyi temere bək abə ndəra dʉsəlʉɗ a meɗek ŋkuh. 38Əŋ tata fuk kəlim za ley zəm məsəkəŋ ha i gwaɗ seh, i kap ndəri alkamari əŋ talafay amba ley ɗal kambuwal kefeŋkefeŋ.
Vaŋgwala tə yim kəŋga kambuwal za
39Əŋ lay mə daŋgaha seh, hedi mə kwar kambuwal iyi i kəsəŋ əŋ lay tata mə gar səku, ama i lim meɗek tə bəra zəzay abə vakw. Əŋgah a lim za seh, i mba i deɓ kambuwal əŋ namba. 40I pəl serek tə malaway madar iyi, i yakta əŋ talafay. Mbehmbeh mba, i pəl serek kəjaw mpay kə kwar kambuwal ta. Ɓa, i kaf məsəra rukut səndawl tə a ma tə kambuwal amba mimiɗ mə gaɗu ley nda kəɗi əŋ bəra zəzay. 41Ama i gwar a talaŋ vakw seh, kambuwal a gar a namba. Kəv tə kambuwal tə a ma kədar za əŋ vakw, a gula i huɓəl səku ba, kəv tə dawaŋ bahayim vaŋgwala tə yim a kəŋgu. 42Sewje iyi i mba i ja hedi tə əŋ daŋgay iyi fuk, amba kwa hedi ntaɗ əŋ faŋw tata mə mba i reh abə ley hiy kəɗi əŋ yim səku. 43Ama hedi səndawl tə a talaŋ sewje tə Rawma iyi, kəɓət wulək za ley reh Pawl, a takta ley ɗal wulək tata. A zlapaŋta əŋ hedi mə səŋ yim iyi ley mbir məpər əŋ yim, amba i mə gwar a hayak mahwal. 44Hedi dakayta iyi bahayim i rehehe seh abə ley məl ndəra a mpay tə kambuwal maŋgaha iyi. Mənaŋ wa, tata fuk tata iyi i kəgwaraha za a hayak mahwal kwa məsəkəŋ mə ɗalaŋta halla.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល