Málákuse 11
11
Gubíŋín gá Yésu Yelósalɛm
(Mat 21.1-11; Lúk 19.28-40; Sáŋ 12.12-13)
1Bámáal bágányɛ báguám Yelúsalɛm egúy na Betefasé, na Betani, giáy gá nɔgɔnd ná bolifié#11.1 Bɔdɛ́dɛ buómonó bolíf.. Yésu gusuŋunyi bafɔ́nɔfɔ́n bág bándɛ, 2uganyɛ gɔ́b ká: «Ánɔ́b agá gɛdɔŋ gɛ́nyá agán góbusió: Nugaguál númébíŋín gá gɛ́, nugɔgúfuɔg mɔɔn wa abaŋabɛbia esúŋén, mɔnd mabása udɛbɔ́lɛ́g gá wɔ́ ta buɔ́s. Núsúŋun, núŋólónin wɔ́. 3Búmánɛ́g ká mɔnd mónuófún ká: “Nuguála anaány gá giág e?” Nuondinyi ká: “Ɔgúnɔ́ wambaná, ugogúsiondí wɔ́ gɔɔ́gɔ dabɔdab.”» 4Abáb, ɔbɔ́fuɔg mɔɔn wa abaŋabɛbia esúŋén agá ɔɔnd agá buyal egúy na gians, ebésuŋun. 5Gɛdam gá band gɛ́máabá ány ganyɛ gɔ́b ká: «Nugúsuŋune mɔɔn wa abaŋabɛbia uwaány góbúsió bágiág e?» 6Bafɔ́nɔfɔ́n obóndinyi band abaány gɔɔ́gɔ anyɛ́ Yésu mɔ́yɛ́dɛ́n bɔ́. Abátɛɛ́n bɔ́, abádɔ́mb. 7Abában abaŋabɛbia uwaány agá Yésu, anyɛ́ bámáab guége, ebélenyi bɛla bɔ́b, abádála bɛ́ agá abaŋabɛbia, Yésu gɔbɔ́lɛ́g gá wɔ́, uwelukumin. 8Band giod abánɛgaan bɛla bɔ́b agá nŋili. Bóndodió súmba bɛgas bá madɛ́d agá bisién, básianɛ́gaán. 9Na band bámáasɔŋɔ́naán, na ebe bámáaládaán moól bágán duwéwé bɔ́yɔ ká: «Nugúm bá agá Gɔdányá, nsɛ́ ɔ́fɔ́n ewe wúlené agá ɔfɛ́n wá Ɔgúnɔ́. 10Nsɛ́ Gɔdányá fɔ́n bufuŋ búlené, bufuŋ bá sié wasɔ Défide! Nugúm bá aga Gɔdányá ugumuana nagadá!» 11Yésu uwenég Yelúsalɛm, uwebíŋín agá ɔnyɛb wá Gɔdányá, uwalɛ́ŋa uwalɛ́ŋa buanda gidigid, Anyɛ́ niɔ́b mábá nɛ́gány kɔ́, uwaám, uwɔb Betaní ɔlɔŋɔ na bát na bándiá waga.
Gindiómó Gá bɔdɛ́d bábɛ́laná ká Figiye
(Mat 21.18-19)
12Gúbélénenyi, bámáal bágányɛ ká bádɔ́mbɔ, nsana iyadɛgɛn Yésu. 13Uwanaán bɔdɛ́d búnyá ɔfɛ́n ká figiyé, búmabiánán biány timbíligidigid. Uwɔb kɔ́ ká wámbɛ́d biínd. Umáal uganyɛ agá ndiín, biány na biány umɔ́ɔfuɔ́gɛ́n; gágual ká gídɛmabá gigúl gá guómo gá madɛ́d mányá ɔfɛ́n ká bafigiyé. 14Uganyɛ gá bɔdɛ́d ubuány ká: «Nabánamana, ta mɔnd udɛgand gunyá biínd bɔ́w!» Bafɔ́nɔfɔ́n mabá bɔ́bɛ́dɔ́lɛ́gɔɔn.
Bedúsi manda Yésu máasán agá ɔnyɛb ɛ wá Gɔdányá
(Mat 21.10-17; Lúk 19.45-48; Sáŋ 2.13-16)
15Ebenég Yelúsalɛm, Yésu uwebíŋín agá ɔnyɛb wá Gɔdányá, uwedúm gɔkɔ́ŋa bedús na bóndi manda, ugusenyi bɛdál bá band bénúgenyi muonyi na eluku yá bédús munug, 16Udɛmáadábɛn ta mɔnd ká ɔ́bɛ́dɔ́gɛn yandɛɛ́nd úbɛ́ndɛmɛd na yɛ́ agá ɔnyɛb. 17Uwedúm gufúnyifunyi bɔ́ ká: «Bunyɛ buɔ́ŋɔ́n agá mbɔbɔnɔ ya Gɔdányá ká: Bágabɛ́laan gians gám ká, gians gá mbísógól gá egúl#11.17 Búmɔbiɔ́yɛd aga Esayí 56.7. gidigid yá gus! Banuá gɔg núguíyi gɛ́ kɔɔ́m gá béeb.» 18Ubuɔ́nɔ́bɛ́gɛ́n bɔgɔ́gɔ na befúnyifúny bisele, ebédúm guamba nŋili yá guɔ́n wɔ́. Bémedíné wɔ́, gágual ká gufúnyifunyi gág mebíŋén band agá ɛdɛm. 19Niɔ́b máal negusiege, na Yésu na bafɔ́nɔfɔ́n bág ebélíki Yelúsalɛm.
Nigú ná figiye
(Mat 21.20-22)
20Anyɛ́ bámáadɔ́mbaán na budúdúg, abaán bɔdɛ́d búnyá ɔfɛ́n ká figiyé, búmáabá búgányɛ buguén guabanyɛ́g agá ɛŋaŋa. 21Piéle gɔbɛ́dágɛd uganyɛ ká: «Ofúnyifúny, lɛ́ŋɛ́d, bɔdɛ́d búnyá ɔfɛ́n ká figiyé ubú ányá gunyɔmɛd búyo segú.» 22Uwondinyi bɔ́ uganyɛ ká: «Ónuondónyí ɛdɛm sán aga Gɔdányá. 23Agá meliŋítas, ngúnuɔ́yɔɔn ká, mɔnd mɔ́yɛd gá nɔgɔnd enue ká: “Adɔ́g ány, gebiéti agá manáŋ abɔ́sa”, úmén udɛbiánán nsuŋié agág gá ɔdɛm, úmóndiɔdɛm ká buanda ubuány gagúbiál, búgabiál gág góbusió. 24Buád buanda inuɔ́yɔnɔ́ ká: Gigúl nualaná mbísógól gá guófún buanda, ónuondí ɔdɛm ká numámam gúbia bú, nugabia bú. 25Gigúl nunyá ndényé gá gúbísógólonyi, númábianan gɛsan na mɔnd ánɔtɛ́nɛ́n wɔ́, ány sié wanɔ unyá ugumuana ganɔ́nɔ́tɛ́nɛn bɛfal bán banuá sɔ́n.» [ 26]#11.26 Búnyɛ buɔ́ŋɔ́n kɔɔ́m gómodió ká: Númén nudɛtɛ́nánɛ́n bifondi baan ɔ banuá na banuá, sié wanɔ unyá muana dɛganɔ́tɛ́nɛn bɛfal baan ɔ banuá sɔ́n.
Nány bugaga bá Yésu óloninó
(Mat 21.23-27; Lúk 20.1-8)
27Obósiónd Yelúsalɛm. Yésu mabá umányá gúbígéŋélenyi agá ɔnyɛb wá Gɔdányá, bɔgɔ́gɔ, befúnyifúny bisele na bagɔn bá Beyúdɛn abábɛ́sɛdɛnɛn wɔ́. 28Bágányɛ gág ká: «Ányá unyá agufaán bugaga báguala eme manda e?» 29Uganyɛ gɔ́b ká: «ngogúnuófún nŋófúnyi táŋ imoom, númóŋondinyi, mbád gunuɔ́yɛdɛn kɔɔ́m bugaga bá guala manda amaány óŋóloninó. 30Ányá umáadɔ́m Sáŋa ká úduenen? Gɔdányá e? band e? ónuŋondínyí.» 31Ebédúm gusuŋunenyi bɔ́bɔ́ na bɔ́bɔ́ bɔ́biɔ́yɔn ká: «Dímóndinyi ká: “Gɔdányá umádɔ́m wɔ́”, ugɔguɔ́yɛd ká: “Gá giág numéen guádáb manda Sáŋa mɔ́ɔnuɔ́yɔɔ́n e?” 32Dímóndinyi ká: “Band bámáadɔ́m wɔ́.”...» Bámabiánán buwa na giŋi gá band gágual ká band gidigid mabɛ́dágá ká Sáŋa mabá ibús yá meliŋítas 33Bágányɛ gá Yésu gɔg ká: «Dɛdɛgɔ́lɛnsan.» Uganyɛ gɔ́b ká: «Yaŋuá sɔ́n ndigúnuɔ́yɔɔn kɔɔ́m bugaga báguala manda amaány óŋóloninó.»
ទើបបានជ្រើសរើសហើយ៖
Málákuse 11: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Málákuse 11
11
Gubíŋín gá Yésu Yelósalɛm
(Mat 21.1-11; Lúk 19.28-40; Sáŋ 12.12-13)
1Bámáal bágányɛ báguám Yelúsalɛm egúy na Betefasé, na Betani, giáy gá nɔgɔnd ná bolifié#11.1 Bɔdɛ́dɛ buómonó bolíf.. Yésu gusuŋunyi bafɔ́nɔfɔ́n bág bándɛ, 2uganyɛ gɔ́b ká: «Ánɔ́b agá gɛdɔŋ gɛ́nyá agán góbusió: Nugaguál númébíŋín gá gɛ́, nugɔgúfuɔg mɔɔn wa abaŋabɛbia esúŋén, mɔnd mabása udɛbɔ́lɛ́g gá wɔ́ ta buɔ́s. Núsúŋun, núŋólónin wɔ́. 3Búmánɛ́g ká mɔnd mónuófún ká: “Nuguála anaány gá giág e?” Nuondinyi ká: “Ɔgúnɔ́ wambaná, ugogúsiondí wɔ́ gɔɔ́gɔ dabɔdab.”» 4Abáb, ɔbɔ́fuɔg mɔɔn wa abaŋabɛbia esúŋén agá ɔɔnd agá buyal egúy na gians, ebésuŋun. 5Gɛdam gá band gɛ́máabá ány ganyɛ gɔ́b ká: «Nugúsuŋune mɔɔn wa abaŋabɛbia uwaány góbúsió bágiág e?» 6Bafɔ́nɔfɔ́n obóndinyi band abaány gɔɔ́gɔ anyɛ́ Yésu mɔ́yɛ́dɛ́n bɔ́. Abátɛɛ́n bɔ́, abádɔ́mb. 7Abában abaŋabɛbia uwaány agá Yésu, anyɛ́ bámáab guége, ebélenyi bɛla bɔ́b, abádála bɛ́ agá abaŋabɛbia, Yésu gɔbɔ́lɛ́g gá wɔ́, uwelukumin. 8Band giod abánɛgaan bɛla bɔ́b agá nŋili. Bóndodió súmba bɛgas bá madɛ́d agá bisién, básianɛ́gaán. 9Na band bámáasɔŋɔ́naán, na ebe bámáaládaán moól bágán duwéwé bɔ́yɔ ká: «Nugúm bá agá Gɔdányá, nsɛ́ ɔ́fɔ́n ewe wúlené agá ɔfɛ́n wá Ɔgúnɔ́. 10Nsɛ́ Gɔdányá fɔ́n bufuŋ búlené, bufuŋ bá sié wasɔ Défide! Nugúm bá aga Gɔdányá ugumuana nagadá!» 11Yésu uwenég Yelúsalɛm, uwebíŋín agá ɔnyɛb wá Gɔdányá, uwalɛ́ŋa uwalɛ́ŋa buanda gidigid, Anyɛ́ niɔ́b mábá nɛ́gány kɔ́, uwaám, uwɔb Betaní ɔlɔŋɔ na bát na bándiá waga.
Gindiómó Gá bɔdɛ́d bábɛ́laná ká Figiye
(Mat 21.18-19)
12Gúbélénenyi, bámáal bágányɛ ká bádɔ́mbɔ, nsana iyadɛgɛn Yésu. 13Uwanaán bɔdɛ́d búnyá ɔfɛ́n ká figiyé, búmabiánán biány timbíligidigid. Uwɔb kɔ́ ká wámbɛ́d biínd. Umáal uganyɛ agá ndiín, biány na biány umɔ́ɔfuɔ́gɛ́n; gágual ká gídɛmabá gigúl gá guómo gá madɛ́d mányá ɔfɛ́n ká bafigiyé. 14Uganyɛ gá bɔdɛ́d ubuány ká: «Nabánamana, ta mɔnd udɛgand gunyá biínd bɔ́w!» Bafɔ́nɔfɔ́n mabá bɔ́bɛ́dɔ́lɛ́gɔɔn.
Bedúsi manda Yésu máasán agá ɔnyɛb ɛ wá Gɔdányá
(Mat 21.10-17; Lúk 19.45-48; Sáŋ 2.13-16)
15Ebenég Yelúsalɛm, Yésu uwebíŋín agá ɔnyɛb wá Gɔdányá, uwedúm gɔkɔ́ŋa bedús na bóndi manda, ugusenyi bɛdál bá band bénúgenyi muonyi na eluku yá bédús munug, 16Udɛmáadábɛn ta mɔnd ká ɔ́bɛ́dɔ́gɛn yandɛɛ́nd úbɛ́ndɛmɛd na yɛ́ agá ɔnyɛb. 17Uwedúm gufúnyifunyi bɔ́ ká: «Bunyɛ buɔ́ŋɔ́n agá mbɔbɔnɔ ya Gɔdányá ká: Bágabɛ́laan gians gám ká, gians gá mbísógól gá egúl#11.17 Búmɔbiɔ́yɛd aga Esayí 56.7. gidigid yá gus! Banuá gɔg núguíyi gɛ́ kɔɔ́m gá béeb.» 18Ubuɔ́nɔ́bɛ́gɛ́n bɔgɔ́gɔ na befúnyifúny bisele, ebédúm guamba nŋili yá guɔ́n wɔ́. Bémedíné wɔ́, gágual ká gufúnyifunyi gág mebíŋén band agá ɛdɛm. 19Niɔ́b máal negusiege, na Yésu na bafɔ́nɔfɔ́n bág ebélíki Yelúsalɛm.
Nigú ná figiye
(Mat 21.20-22)
20Anyɛ́ bámáadɔ́mbaán na budúdúg, abaán bɔdɛ́d búnyá ɔfɛ́n ká figiyé, búmáabá búgányɛ buguén guabanyɛ́g agá ɛŋaŋa. 21Piéle gɔbɛ́dágɛd uganyɛ ká: «Ofúnyifúny, lɛ́ŋɛ́d, bɔdɛ́d búnyá ɔfɛ́n ká figiyé ubú ányá gunyɔmɛd búyo segú.» 22Uwondinyi bɔ́ uganyɛ ká: «Ónuondónyí ɛdɛm sán aga Gɔdányá. 23Agá meliŋítas, ngúnuɔ́yɔɔn ká, mɔnd mɔ́yɛd gá nɔgɔnd enue ká: “Adɔ́g ány, gebiéti agá manáŋ abɔ́sa”, úmén udɛbiánán nsuŋié agág gá ɔdɛm, úmóndiɔdɛm ká buanda ubuány gagúbiál, búgabiál gág góbusió. 24Buád buanda inuɔ́yɔnɔ́ ká: Gigúl nualaná mbísógól gá guófún buanda, ónuondí ɔdɛm ká numámam gúbia bú, nugabia bú. 25Gigúl nunyá ndényé gá gúbísógólonyi, númábianan gɛsan na mɔnd ánɔtɛ́nɛ́n wɔ́, ány sié wanɔ unyá ugumuana ganɔ́nɔ́tɛ́nɛn bɛfal bán banuá sɔ́n.» [ 26]#11.26 Búnyɛ buɔ́ŋɔ́n kɔɔ́m gómodió ká: Númén nudɛtɛ́nánɛ́n bifondi baan ɔ banuá na banuá, sié wanɔ unyá muana dɛganɔ́tɛ́nɛn bɛfal baan ɔ banuá sɔ́n.
Nány bugaga bá Yésu óloninó
(Mat 21.23-27; Lúk 20.1-8)
27Obósiónd Yelúsalɛm. Yésu mabá umányá gúbígéŋélenyi agá ɔnyɛb wá Gɔdányá, bɔgɔ́gɔ, befúnyifúny bisele na bagɔn bá Beyúdɛn abábɛ́sɛdɛnɛn wɔ́. 28Bágányɛ gág ká: «Ányá unyá agufaán bugaga báguala eme manda e?» 29Uganyɛ gɔ́b ká: «ngogúnuófún nŋófúnyi táŋ imoom, númóŋondinyi, mbád gunuɔ́yɛdɛn kɔɔ́m bugaga bá guala manda amaány óŋóloninó. 30Ányá umáadɔ́m Sáŋa ká úduenen? Gɔdányá e? band e? ónuŋondínyí.» 31Ebédúm gusuŋunenyi bɔ́bɔ́ na bɔ́bɔ́ bɔ́biɔ́yɔn ká: «Dímóndinyi ká: “Gɔdányá umádɔ́m wɔ́”, ugɔguɔ́yɛd ká: “Gá giág numéen guádáb manda Sáŋa mɔ́ɔnuɔ́yɔɔ́n e?” 32Dímóndinyi ká: “Band bámáadɔ́m wɔ́.”...» Bámabiánán buwa na giŋi gá band gágual ká band gidigid mabɛ́dágá ká Sáŋa mabá ibús yá meliŋítas 33Bágányɛ gá Yésu gɔg ká: «Dɛdɛgɔ́lɛnsan.» Uganyɛ gɔ́b ká: «Yaŋuá sɔ́n ndigúnuɔ́yɔɔn kɔɔ́m bugaga báguala manda amaány óŋóloninó.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល