Málákuse 10
10
Gigiŋ na gusasɛg gá gɛ́
(Mat 19.1-9; Lúk 16.18)
1Yésu uwadɔg ány, uwɔb agá giéns gá gus bábɛ́laná ká Yudé and sɔ́n negúné wa asa wá Yuludɛ́ŋ. Giŋi gá band igiánd gubɛ́gɔ́sɛ́d agág gá masiá, uwedúm gufúnyifunyi bɔ́ Kɔɔ́kɔ anyɛ́ umáabá wala bɛsɛgɛl biim. 2Bafalisiɛ́ŋ abábɛ́sɛdɛnɛn wɔ́ ká baág wɔ́ agá mbuge, obófún wɔ́ ɔ́gɔ mɔnd nyɛ bágɔ́kɔ́ŋɛd agány waga. 3Uganyɛ ká: «Moyíso mɔyɛ́d ká nanyá e?» 4Bágányɛ ká: «Umɔyɛ́d ká mɔnd máal ká wémi agány waga, wɔ́ŋɛ́n wɔ́ mbɔbɔnɔ ya gusasɛd gigiŋ.» 5Yésu ganyɛ gɔ́b ká: «Umɔ́ɔŋ gisele igiány gágual ká nunyɛ na ɛdɛm gulal. 6Nányé, agá gudúmín gá gus anyɛ́ Gɔdányá málɔŋá manda mem, uwalɔŋ na anɔ́mandɔ na agánd; 7buád buanda anɔ́mandɔ ganɔ́tɛ́n na sié na inyódió wabɛ́lád agány 8bem bándɛ bónd mɔnd omoom, anaány, bádɛ́gábá sɔ́n band bándɛ, bágányɛ gɔg mɔnd omoom. 9Gɔɔ́gɔ mɔnd diábiánáná ká wádɔ́n buanda Gɔdányá málada.» 10Bámáal bágányɛ agá nuyá, bafɔ́nɔfɔ́n bág guand guófún wɔ́ buóny ubuány. 11Uganyɛ ká: «Mɔnd mákɔ́ŋɛd agany waga, ugiŋi ondodió, umaánd ɛsɔm agá giáy gɛ́lɛ́ŋaná agánd wobusió; 12nɛnama nímoom sɔ́n, agánd mákɔ́ŋɛd ɔnɛ́m waga, wɔb agá anɔ́mandɔ ondodió, umaánd ɛsɔm.»
Yésu gɔ́fɔna bábayɔ
(Mat 19.13-15; Lúk 18.15-17)
13Band obóloon baábayɔ agá Yésu ká údála bɔ́ ɛmbɔ́g, bafɔ́nɔfɔ́n bág ganyɛ gá band abaány ká nugúsésenyi. 14Umáal ná guán anaány, uwɔɔ́b gudá, uganyɛ gɔ́b ká: «Ánutɛ́n bábayɔ bóloon agamia; nudiélegén bɔ́, gágual ká Bufuŋ bá Gɔdányá nyɛ́ gá band bányá alaá bɔ́bɔ́. 15Agá meliŋítas ngúnuɔ́yɔɔn ká, ewe odiógólónyo Bufuŋ bá Gɔdányá niaŋ ná mɔ́nɔmbɔ, udigebíŋín kɔ́.» 16Uwɔb nobusió, uwabɛ́dɔ́gaan bɔ́, ugɔ́lɔɔn bɔ́ bɛsas, uwadála bɔ́ ɛmbɔ́g agá ɛduá, uwafɔna bɔ́.
Nnɔ́m yá mɔnd
(Mat 19.16-30; Lúk 18.18-30)
17Yésu máal uganyɛ ká údɔ́mb, mɔnd ondodió guegúdúg na ɔdɛd gusigunsín wɔ́ enú egegus, uganyá guófoon Yésu ká: «Ofúnyifúny, anyɛ na ginɔ́g gá ɔdɛm, yaál nanyá mbád gudáŋáb gusɔ́d gá kand nɛmanɛ́na e?» 18Uganyɛ gág ká: «Gá giág ɔyɔnɔ́ ká inyɛ na ginɔ́g gá ɔdɛm e? Ta mɔnd udɛbá na ginɔ́g gá ɔdɛm, asiá Gɔdányá ɔwɔ́ eŋényé. 19Agúlɛnsan bisele bínyá ká: Ɔdiɔ́n mɔnd, adiánd ɛsɔm, ediéb, adɛsɔ́mbɛ́n sɔ́gɔ́ buóny, ɔdigɔ́l buanda bá sɔ́gɔ agá búnéŋ, gúményi tiɔ́ na nigódió.» 20Mɔnd ganyɛ ká: «Amány mem, imabanyɛ́g guala mɔ́ gám gá buábáyuá.» 21Yésu uwalɛ́ŋɛ́d mɔnd uwaány na ɛlɛ́ga, uganyɛ ká: «Amányɛ odifuógídónyí buanda táŋ búmoom, ɛmbɛ́, édú bɔnɛ́m bɔ́w gidigid, muonyi má ondunó umuány, áfaan basɔ́gasɔga, agadáŋáb ɔfɔ́m ugumuana; agá gélem ány áŋlád.» 22Umáal nɔ́guɔ́b gɔg anaány, uwelidid busió, masɔlɔ́gɔgɔ amádɛgɛn wɔ́ gágual ká umabiánán bɔnɛ́m giod. 23Yésu uwegéŋélidi bafɔ́nɔfɔ́n bág bɔmɔ́ɔbɔ́ŋ wɔ́ na eŋís, uganyɛ gɔ́b ká: «Búnyɛ muyú gá ɛnɔ́m#10.23 Bómodió guɔ́yɔ ká ɛnɛ́mɛ sá band ká síbíŋín agá Befuŋ bá Gɔdányá.» 24Gugál uguány uguál ká bafɔ́nɔfɔ́n bág méŋemeŋ. Uwondidonyi uganyɛ ká: «Buamɛ e, nguɔ́yɔ ká o, gubíŋín agá Bufuŋ bá Gɔdányá nyɛ́ méyu! 25Búnyɛ fɛ́dɛfɛ́d gá nnyam bábɛ́laná samó ká ɔ́dɔ́mbɛ́n agá giés gá ndɔndɔ, na ká nnɔ́m ya mɔnd bíŋín agá Bufuŋ bá Gɔdányá.» 26Bafɔ́nɔfɔ́n abáb nobusió na guméŋeméŋ, bobiófón ká: «Ány gɔgɔ, ányá unyá wa gubia gisódio e?» 27Uwadámb bɔ́ eŋís soóŋŋŋ, uganyɛ gɔ́b ká: «Gá band, budɛ́bá bágúbiál. Aga Gɔdányá búgúbiála.» 28Piéle gudúm guɔyɔ gág ká: «Oó, basuá dɛ́gɔnɛn manda gidigid idiagulád.» 29Uganyɛ gɔ́b ká: «Agá meliŋítas, ngúnuɔ́yɔn ká, mɔnd mátɛ́n gians, belimen, inyódió, sié, baan ɔ́gɔ ká bisién bág gám góbusió na góbusió bá ndág yá nsɔ́m, 30ugadáŋáb gudúm nɛ́nuán gá gɛsɛgɛl egie nɔgɔn na: Bians, belimen, binyódió, baan na bisién na muyú, mɔɔ́s mólonó, ugadáŋáb gusɔ́d gá kand nɛmanɛ́ná. 31Agá giod gá band bányá bóbusió nɛ́nuán, bóndodi gabá bégusúgúdenyi, bégúsúgúdenyi bá bóbúsió.»
Yésu mɔ́yɛ́d gá gádadɔ nigú na guanyɔg gág
(Mat 20.17-19; Lúk 18.31-34)
32Na Yésu na band mabaán Yelúsalɛm, ɔwɔ́ ogóbusió bafɔ́nɔfɔ́n ládan wɔ́, bámabá bákɛ́naan, bɔsɔ́gɔ́ ɔbɔ́ bámáabá ɔlɔŋɔ nɔbɔ ɔ́bɔɔn buwa. Yésu uwand gubɛ́gɔ́gɛ́d na bafɔ́nɔfɔ́n bág bát na bándɛ, uwedúm guɔyɔɔn bɔ́ buanda búgagúnuál wɔ́. 33Uganyɛ ká: «Basuá ebe dibúlígenyé Yelúsalɛm, kɔɔ́m ɔgɔ́ bégegúnúŋdú yaŋuá Mɔɔn wá mɔnd aga bɔgɔ́gɔ na befúnyifúny bisele, basɔ́mb ká ngú, bónd báŋaban aga band bádiábáná Beyúdɛn, 34bɔ́gɔŋɔnɔ, béntúnen bité, béngíde, bɔ́ŋɔ́n, agá gélem gá medug mádadɔ, yányɔg aga ebeguén.»
Guófún gá niluku
(Mat 20.20-28; Lúk 22.25-27)
35Na Sáka na Sáŋa baan bá Sebedé abábɛ́sɛdɛnɛn Yésu bágányɛ gág: «Ofúnyifúny dɛguambá ká buanda digogúnúguófún adiádábɛ́n bɔ́.» 36Uganyɛ gɔ́b ká: «Nuguámba ká nnuál giág e?» 37Bɔ́bɔ́ gág ká: «Diádábɛ́n ká dɛ́bá ɔgɔ́w gá buáy, ewe ɔmbɔ́g ɔnɛ́m, ewúné ɔmbɔ́g adád gigúl aganúbá ɔgɔ́w gá bufuŋ.» 38Uganyɛ gɔg ká: «Nudɛgɔ́lɛnsan buanda ubuány ubú nuŋófonó. Nunyɛ bágúbúwa endeŋe ɔwɔ́ nganúbúwá e, ɔ́gɔ nduén ngenúduben, bégenúdu sɔ́n e?» 39Obóndinyi wɔ́ ká: «Ɛŋŋ, dinyɛ bágual.» Uganyɛ gɔ́b gɔg ká: «Gá endeŋe, nunyɛ bágúbúwa, gá nduén, bégenúndu, bégenúdu. 40Gɔg ká, gá giáy gɛ́lɛ́ŋaná gunuéŋin elukú ewe agá ɔmbɔ́g ɔnɛ́m ewúné agá ɔmbɔ́g adádɛ́, búdɛ́bá agám gá edény. Eluku ayány nyɛ yá band ɔbɔ́ Gɔdányá ságuman gudábúna.» 41Bafɔ́nɔfɔ́n bóndodió máal na guɔ́b anaány, ebéliŋin na Sáka na Sáŋa. 42Uwabɛ́lɛ́gɛn bɔ́ uganyɛ ká: «Nugúlɛnsaan banuá muát ká ebe bányá befuŋ bá bɛdɔŋ, gúmányɛ́ganɛn band bɔ́b, bigúmín bá band sɔ́n degesenyi bɔ́. 43Agá Gadágadá wanɔ búdɛ́bá anaány. Mɔnd mámba gubá ɔgɔn, nsɛ́ úbá eŋél buol wanɔ. 44Ewe wambaná gubá wobusió agán gá ɔlɔŋ, nsɛ́ úbá giɔ́l gán. 45Gágual ká yaŋuá Mɔɔn wá mɔnd ndimóol egegus ká báŋalaan buol, mmól ká nsalá buol, yéŋin gusɔ́d gám gá guáŋɔ́n giod gá band.»
Gieŋugie gá Balatimé
(Mat 20.29-34; Lúk 18.35-43)
46Na Yésu na bafɔ́nɔfɔ́n bág ebésiége Yelíko, agá gélem ány, abaám tísɔn uwaány ɔlɔŋɔ na gianta gá giŋi gá band. Obúdobudo ɔfɛ́n ká Balatimé gubién gá Timé mabá ilukié agá masiá má nŋili wɔŋɔɔn manda. 47Anyɛ́ umáal nɔ́guɔ́b ká Yésu wa Násalɛd ganyɛ kɔ́, uwedúm gubaŋanɛn wɔ́ ká: «Yésu gubién gá Défide, ɛ́ŋán gɔsɔ́g!» 48Band ebédúm guɔyɔ gág ká: Lúŋu ány. Ɔwɔ́ wubaan gubaan nobusió na gubíségenyi ká: «Gubién gá Défide, ɛ́ŋán gɔsɔ́g.» 49Yésu gudélímin uganyɛ ká: «Ánuál gág ká wuúl.» Abábɛ́lɛ́gɛn wɔ́, bágányɛ gág ká: «Bɛ́kɛ́ndɛ́n ádɔg, ugúgubɛ́laan.» 50Uwanɛn gɛla ɛgɛ́ umáabɛ́dál, uwadɔg, uwayalabɛd gá gɔb agá Yésu. 51Yésu guófún wɔ́ ká: «Aguámba ká nguál giág e?» Uwondinyi ká: «Ofúnyifúny, nguámba ká bibúde bám maan, yɛɛ́b gá guánan!» 52Yésu ganyɛ gág ká: «ɛmbɛ, giondiɔdɛ́mɔ́ gɔ́w mógusódí.» Kɔ́ na kɔ́, uwéŋúg, uwalád Yésu.
ទើបបានជ្រើសរើសហើយ៖
Málákuse 10: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Málákuse 10
10
Gigiŋ na gusasɛg gá gɛ́
(Mat 19.1-9; Lúk 16.18)
1Yésu uwadɔg ány, uwɔb agá giéns gá gus bábɛ́laná ká Yudé and sɔ́n negúné wa asa wá Yuludɛ́ŋ. Giŋi gá band igiánd gubɛ́gɔ́sɛ́d agág gá masiá, uwedúm gufúnyifunyi bɔ́ Kɔɔ́kɔ anyɛ́ umáabá wala bɛsɛgɛl biim. 2Bafalisiɛ́ŋ abábɛ́sɛdɛnɛn wɔ́ ká baág wɔ́ agá mbuge, obófún wɔ́ ɔ́gɔ mɔnd nyɛ bágɔ́kɔ́ŋɛd agány waga. 3Uganyɛ ká: «Moyíso mɔyɛ́d ká nanyá e?» 4Bágányɛ ká: «Umɔyɛ́d ká mɔnd máal ká wémi agány waga, wɔ́ŋɛ́n wɔ́ mbɔbɔnɔ ya gusasɛd gigiŋ.» 5Yésu ganyɛ gɔ́b ká: «Umɔ́ɔŋ gisele igiány gágual ká nunyɛ na ɛdɛm gulal. 6Nányé, agá gudúmín gá gus anyɛ́ Gɔdányá málɔŋá manda mem, uwalɔŋ na anɔ́mandɔ na agánd; 7buád buanda anɔ́mandɔ ganɔ́tɛ́n na sié na inyódió wabɛ́lád agány 8bem bándɛ bónd mɔnd omoom, anaány, bádɛ́gábá sɔ́n band bándɛ, bágányɛ gɔg mɔnd omoom. 9Gɔɔ́gɔ mɔnd diábiánáná ká wádɔ́n buanda Gɔdányá málada.» 10Bámáal bágányɛ agá nuyá, bafɔ́nɔfɔ́n bág guand guófún wɔ́ buóny ubuány. 11Uganyɛ ká: «Mɔnd mákɔ́ŋɛd agany waga, ugiŋi ondodió, umaánd ɛsɔm agá giáy gɛ́lɛ́ŋaná agánd wobusió; 12nɛnama nímoom sɔ́n, agánd mákɔ́ŋɛd ɔnɛ́m waga, wɔb agá anɔ́mandɔ ondodió, umaánd ɛsɔm.»
Yésu gɔ́fɔna bábayɔ
(Mat 19.13-15; Lúk 18.15-17)
13Band obóloon baábayɔ agá Yésu ká údála bɔ́ ɛmbɔ́g, bafɔ́nɔfɔ́n bág ganyɛ gá band abaány ká nugúsésenyi. 14Umáal ná guán anaány, uwɔɔ́b gudá, uganyɛ gɔ́b ká: «Ánutɛ́n bábayɔ bóloon agamia; nudiélegén bɔ́, gágual ká Bufuŋ bá Gɔdányá nyɛ́ gá band bányá alaá bɔ́bɔ́. 15Agá meliŋítas ngúnuɔ́yɔɔn ká, ewe odiógólónyo Bufuŋ bá Gɔdányá niaŋ ná mɔ́nɔmbɔ, udigebíŋín kɔ́.» 16Uwɔb nobusió, uwabɛ́dɔ́gaan bɔ́, ugɔ́lɔɔn bɔ́ bɛsas, uwadála bɔ́ ɛmbɔ́g agá ɛduá, uwafɔna bɔ́.
Nnɔ́m yá mɔnd
(Mat 19.16-30; Lúk 18.18-30)
17Yésu máal uganyɛ ká údɔ́mb, mɔnd ondodió guegúdúg na ɔdɛd gusigunsín wɔ́ enú egegus, uganyá guófoon Yésu ká: «Ofúnyifúny, anyɛ na ginɔ́g gá ɔdɛm, yaál nanyá mbád gudáŋáb gusɔ́d gá kand nɛmanɛ́na e?» 18Uganyɛ gág ká: «Gá giág ɔyɔnɔ́ ká inyɛ na ginɔ́g gá ɔdɛm e? Ta mɔnd udɛbá na ginɔ́g gá ɔdɛm, asiá Gɔdányá ɔwɔ́ eŋényé. 19Agúlɛnsan bisele bínyá ká: Ɔdiɔ́n mɔnd, adiánd ɛsɔm, ediéb, adɛsɔ́mbɛ́n sɔ́gɔ́ buóny, ɔdigɔ́l buanda bá sɔ́gɔ agá búnéŋ, gúményi tiɔ́ na nigódió.» 20Mɔnd ganyɛ ká: «Amány mem, imabanyɛ́g guala mɔ́ gám gá buábáyuá.» 21Yésu uwalɛ́ŋɛ́d mɔnd uwaány na ɛlɛ́ga, uganyɛ ká: «Amányɛ odifuógídónyí buanda táŋ búmoom, ɛmbɛ́, édú bɔnɛ́m bɔ́w gidigid, muonyi má ondunó umuány, áfaan basɔ́gasɔga, agadáŋáb ɔfɔ́m ugumuana; agá gélem ány áŋlád.» 22Umáal nɔ́guɔ́b gɔg anaány, uwelidid busió, masɔlɔ́gɔgɔ amádɛgɛn wɔ́ gágual ká umabiánán bɔnɛ́m giod. 23Yésu uwegéŋélidi bafɔ́nɔfɔ́n bág bɔmɔ́ɔbɔ́ŋ wɔ́ na eŋís, uganyɛ gɔ́b ká: «Búnyɛ muyú gá ɛnɔ́m#10.23 Bómodió guɔ́yɔ ká ɛnɛ́mɛ sá band ká síbíŋín agá Befuŋ bá Gɔdányá.» 24Gugál uguány uguál ká bafɔ́nɔfɔ́n bág méŋemeŋ. Uwondidonyi uganyɛ ká: «Buamɛ e, nguɔ́yɔ ká o, gubíŋín agá Bufuŋ bá Gɔdányá nyɛ́ méyu! 25Búnyɛ fɛ́dɛfɛ́d gá nnyam bábɛ́laná samó ká ɔ́dɔ́mbɛ́n agá giés gá ndɔndɔ, na ká nnɔ́m ya mɔnd bíŋín agá Bufuŋ bá Gɔdányá.» 26Bafɔ́nɔfɔ́n abáb nobusió na guméŋeméŋ, bobiófón ká: «Ány gɔgɔ, ányá unyá wa gubia gisódio e?» 27Uwadámb bɔ́ eŋís soóŋŋŋ, uganyɛ gɔ́b ká: «Gá band, budɛ́bá bágúbiál. Aga Gɔdányá búgúbiála.» 28Piéle gudúm guɔyɔ gág ká: «Oó, basuá dɛ́gɔnɛn manda gidigid idiagulád.» 29Uganyɛ gɔ́b ká: «Agá meliŋítas, ngúnuɔ́yɔn ká, mɔnd mátɛ́n gians, belimen, inyódió, sié, baan ɔ́gɔ ká bisién bág gám góbusió na góbusió bá ndág yá nsɔ́m, 30ugadáŋáb gudúm nɛ́nuán gá gɛsɛgɛl egie nɔgɔn na: Bians, belimen, binyódió, baan na bisién na muyú, mɔɔ́s mólonó, ugadáŋáb gusɔ́d gá kand nɛmanɛ́ná. 31Agá giod gá band bányá bóbusió nɛ́nuán, bóndodi gabá bégusúgúdenyi, bégúsúgúdenyi bá bóbúsió.»
Yésu mɔ́yɛ́d gá gádadɔ nigú na guanyɔg gág
(Mat 20.17-19; Lúk 18.31-34)
32Na Yésu na band mabaán Yelúsalɛm, ɔwɔ́ ogóbusió bafɔ́nɔfɔ́n ládan wɔ́, bámabá bákɛ́naan, bɔsɔ́gɔ́ ɔbɔ́ bámáabá ɔlɔŋɔ nɔbɔ ɔ́bɔɔn buwa. Yésu uwand gubɛ́gɔ́gɛ́d na bafɔ́nɔfɔ́n bág bát na bándɛ, uwedúm guɔyɔɔn bɔ́ buanda búgagúnuál wɔ́. 33Uganyɛ ká: «Basuá ebe dibúlígenyé Yelúsalɛm, kɔɔ́m ɔgɔ́ bégegúnúŋdú yaŋuá Mɔɔn wá mɔnd aga bɔgɔ́gɔ na befúnyifúny bisele, basɔ́mb ká ngú, bónd báŋaban aga band bádiábáná Beyúdɛn, 34bɔ́gɔŋɔnɔ, béntúnen bité, béngíde, bɔ́ŋɔ́n, agá gélem gá medug mádadɔ, yányɔg aga ebeguén.»
Guófún gá niluku
(Mat 20.20-28; Lúk 22.25-27)
35Na Sáka na Sáŋa baan bá Sebedé abábɛ́sɛdɛnɛn Yésu bágányɛ gág: «Ofúnyifúny dɛguambá ká buanda digogúnúguófún adiádábɛ́n bɔ́.» 36Uganyɛ gɔ́b ká: «Nuguámba ká nnuál giág e?» 37Bɔ́bɔ́ gág ká: «Diádábɛ́n ká dɛ́bá ɔgɔ́w gá buáy, ewe ɔmbɔ́g ɔnɛ́m, ewúné ɔmbɔ́g adád gigúl aganúbá ɔgɔ́w gá bufuŋ.» 38Uganyɛ gɔg ká: «Nudɛgɔ́lɛnsan buanda ubuány ubú nuŋófonó. Nunyɛ bágúbúwa endeŋe ɔwɔ́ nganúbúwá e, ɔ́gɔ nduén ngenúduben, bégenúdu sɔ́n e?» 39Obóndinyi wɔ́ ká: «Ɛŋŋ, dinyɛ bágual.» Uganyɛ gɔ́b gɔg ká: «Gá endeŋe, nunyɛ bágúbúwa, gá nduén, bégenúndu, bégenúdu. 40Gɔg ká, gá giáy gɛ́lɛ́ŋaná gunuéŋin elukú ewe agá ɔmbɔ́g ɔnɛ́m ewúné agá ɔmbɔ́g adádɛ́, búdɛ́bá agám gá edény. Eluku ayány nyɛ yá band ɔbɔ́ Gɔdányá ságuman gudábúna.» 41Bafɔ́nɔfɔ́n bóndodió máal na guɔ́b anaány, ebéliŋin na Sáka na Sáŋa. 42Uwabɛ́lɛ́gɛn bɔ́ uganyɛ ká: «Nugúlɛnsaan banuá muát ká ebe bányá befuŋ bá bɛdɔŋ, gúmányɛ́ganɛn band bɔ́b, bigúmín bá band sɔ́n degesenyi bɔ́. 43Agá Gadágadá wanɔ búdɛ́bá anaány. Mɔnd mámba gubá ɔgɔn, nsɛ́ úbá eŋél buol wanɔ. 44Ewe wambaná gubá wobusió agán gá ɔlɔŋ, nsɛ́ úbá giɔ́l gán. 45Gágual ká yaŋuá Mɔɔn wá mɔnd ndimóol egegus ká báŋalaan buol, mmól ká nsalá buol, yéŋin gusɔ́d gám gá guáŋɔ́n giod gá band.»
Gieŋugie gá Balatimé
(Mat 20.29-34; Lúk 18.35-43)
46Na Yésu na bafɔ́nɔfɔ́n bág ebésiége Yelíko, agá gélem ány, abaám tísɔn uwaány ɔlɔŋɔ na gianta gá giŋi gá band. Obúdobudo ɔfɛ́n ká Balatimé gubién gá Timé mabá ilukié agá masiá má nŋili wɔŋɔɔn manda. 47Anyɛ́ umáal nɔ́guɔ́b ká Yésu wa Násalɛd ganyɛ kɔ́, uwedúm gubaŋanɛn wɔ́ ká: «Yésu gubién gá Défide, ɛ́ŋán gɔsɔ́g!» 48Band ebédúm guɔyɔ gág ká: Lúŋu ány. Ɔwɔ́ wubaan gubaan nobusió na gubíségenyi ká: «Gubién gá Défide, ɛ́ŋán gɔsɔ́g.» 49Yésu gudélímin uganyɛ ká: «Ánuál gág ká wuúl.» Abábɛ́lɛ́gɛn wɔ́, bágányɛ gág ká: «Bɛ́kɛ́ndɛ́n ádɔg, ugúgubɛ́laan.» 50Uwanɛn gɛla ɛgɛ́ umáabɛ́dál, uwadɔg, uwayalabɛd gá gɔb agá Yésu. 51Yésu guófún wɔ́ ká: «Aguámba ká nguál giág e?» Uwondinyi ká: «Ofúnyifúny, nguámba ká bibúde bám maan, yɛɛ́b gá guánan!» 52Yésu ganyɛ gág ká: «ɛmbɛ, giondiɔdɛ́mɔ́ gɔ́w mógusódí.» Kɔ́ na kɔ́, uwéŋúg, uwalád Yésu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល